54	GEN 2:23	Adán ome-dakdegu, sogded: “Ar wedi an-galado, ar ade, an-gargi obinnilealedid. Wedi an-sanado, ar ade, an-sangi obinnilealedid. Ar Bab-Dummad we-ome macheredgi obinnisad. We nugguodo, Omeye.”
58	GEN 3:2	Ome naibe-abin sogded: —Ar igid-sapi-e-san anmar we-nainu-nuedgi gunbimala, sunna bela anmar gunmalad.
62	GEN 3:6	Ome sapi-san-dakdegu, dakalid, sapi-san yeerdaklege, nued-gulle-daklege, degine, nue-ibmar-wisi sunna dule-imake daklege. Degisoggu, ome sapi-san-gwachagu, guchad. Geb ome e-suiga uksamogad. E-suide guchamogad.
68	GEN 3:12	Dule Bab-Dummad-abin sogded: —Ome-anbo-garmakdiguega be anga-uksadi, a, anga sapi-e-san uksad. Geb an guchasunnad.
69	GEN 3:13	Geb degine, Bab-Dummad-Jehová omese egichided: —¿Ibiga deyob be imaksa? Ome abin-sogded: —Ar naibe an-yardaksad. A-ular, sapi-e-san an guchad.
71	GEN 3:15	Ome-ebogwa na be isdar-dakdii an be-imakoed. Ome-e-wagwa, be-wagwa-ebo na isdar-dake gumaloed. Ome-e-wagwa be-nonogi annaoed. Bedina e-mali-gasigi onakliksaoed.”
263	GEN 10:28	Obal, Abimael, Seba,
264	GEN 10:29	Ofir, Havila, degi, Jobab. Wemar belagwapa, Joctán-machimala gued.
310	GEN 12:11	Abram Egipto-yarse warmakdanigu, e-ome-Saraiʼga sogded: “Omegwa, an wisdo, be yeerdakleged.
504	GEN 20:8	Oibosgu, wakudaryalaba Abimelec gwisgusgu, bela e-maiganse gochad, amarga bela sogsad, igi ede gabdaksa. Itosmargua, bela nue-dobe itodmalad.
551	GEN 22:3	Oibosgu, wakudaryalaba Abraham gwisgusad, e-moli-uayasuid guakwaa nasiksad. Sapan amisbalid, machigwa-ogumakar-uklegoedgi ogaegar. Abraham bia Bab-Dummad ega-naoye-sogsadse nadegusad. E-machi-Isaac, degi, e-maimar-warbo eba nadmarmogad.
645	GEN 24:53	Geb degine, Abraham-e-mai ibmar-bukidar onosad: Olomar, manimar, degi, mormar. Geb Rebecaʼga uksad. Deginbali, Abraham-e-mai Rebeca-e-susga, degi, e-nanga ibmar-bukidar binsa uksabalid.
646	GEN 24:54	A-sorbali, Abraham-e-mai, degi, eba-gudidimalad mas guchamalad, gobsamalad, degine, geb gabismalad. Oibosgua, Abraham-e-mai gwisgusgua, sogded: —Emi, anmar gannar an-dummad-negse-naega be anmar-imaksun.
724	GEN 26:31	Oibosgua, wakudaryalabali gwisgusmalad, ise-sogar na ega sogsamalad, anmar we-ibmar-sognaid imakedseye. Geb agine, Isaac Abimelecʼga sogded, degimaloye, geb Abimelec-e-sordamala Isaacʼga sogdemarmogad, degimaloye. Degine, aigwale na egi bangudmalad.
792	GEN 28:18	Oibosgu, wakudaryalaba Jacob gwisgusad. E-nono-megega-akwa-ebusad susad. A-akwa ogwichisad. Geb, gwallu-wawa egi eosad, adi, oyogega, wede nue-islidikidye.
929	GEN 32:1	Oibosgu, wakudaryalaba Labán gwisgusad, degimaloye-sogega bela e-wagan-wagar usad, degine, e-sisgan-wagar usbalid. Geb a-sorbali, bela amargi ise-nued-binsaedgi ega ibmar sogsad. Geb degine, Labán gannar e-negse ali gusad.
993	GEN 34:12	Ome-nikuega ar gusgu igar-maidba ibmar-ukleged, aba bur dumma be anse ibmar-egisele, degi, ibmar-bukidar bega ukbi be an-abegele, an bemarga ibmar ukoed. Be-bun an nikuega bemar an-imakmala.
1052	GEN 36:11	Wemardi, Elifaz-e-masmala gumarmogad: Temán, Omar, Zefo, Gatam, degi, Cenaz.
1056	GEN 36:15	Esaú-e-wagan dule-idumaladga-gusmaladi, wemalad: Esaú-machi-gebesailagined, Elifaz. Elifaz-e-masmala dule-idumaladga-gusmarmogadi, wemalad: Temán, Omar, Zefo, Cenaz,
1064	GEN 36:23	Sobal-e-masmaladi, wemalad: Alván, Manahat, Ebal, Sefo, degi, Onam.
1091	GEN 37:7	An gabdaksad: Bela-anmar sapurba gudiiye. Orosgi-dakleged-trigo duk-dukgwen-imaknaigu, ukiagwar an-trigoʼdi gannaa gwisguded. Ar bemargaddi angad-dikarba bela ebilis ambikusmalad, degine, bela angad-abin dulluu imakdemalad.
1124	GEN 38:4	Gannar ome bonigwar gunonibalid. Susugwa ega uklenonibalid. Adi, Onánʼye onugsasad.
1128	GEN 38:8	Geb degine, Judá, Onánʼga sogded: “Igar-maidba be imakega, be-ia-burgwisad-e-ome be nikuo. Adi, be-ia beba mimmi nikumogagar.”
1129	GEN 38:9	Ar Onán wisid, e-mimmi-gwalulegoedi egadye soglegosulid. A-ulale, e-ia-omese-goled-irba napagi e-burba midaed, adi, melle e-ia eba mimmi-nikuegar.
1130	GEN 38:10	Onán-weyob-imakedi, Bab-Jehová gwen nabir daksasulid. Degisoggu, Bab-Jehová Onán-oburgwismosunnad.
1136	GEN 38:16	Geb degine, Judá igarba-nadapidgi omese-naega aibatesunnad. Ar Judá wissulid, we-omede, e-bala gue. Omese-modapgu, ega sogded: —¿Sunna be anbo megisale? Ome abin-sogded: —Be anbo-megbiele, ¿ibu be anga ukoe?
1137	GEN 38:17	Judá abin-sogded: —An sibad-bipi-wargwen an bega barmidagoed. Ome abin-sogded: —Eye. Be-ibmar-sediid be anga udagwerdo. Be anga sibad-bipi-barmidagedse we-ibmar an bega gannar ukoed.
1138	GEN 38:18	Judá omese egichided: —Degite, ¿ibi bega ukbi be an-abesunna? Ome abin-sogded: —Be-goo-burba-wilub, degi, e-dub, degine, suar-gaapoled-be-ganikidi, be anga udado. Judá omega bela a-ibmar uksad. Geb degine, ese gochad. Degidbali, ome bonigwar gunonisunnad.
1142	GEN 38:22	Geb degine, e-ai Judáʼse gannar nonisunnad, ega sognonikid: —Ome an daksasur gusad. Deginbali, Enaim-neggweburginmalad anga sogmarbalid, ome-gambanuchu bipisaar wegi gudidasurye.
1143	GEN 38:23	Judá e-ai-abin sogded: —Ome an-ibmar-ganikid egadga gusunnodo, adi, melle dulemar anmargi dodomalagar. Ar wedi dulemar wisgumalargebed, an ega sibad-bipi barmisanad, ar be a-ome-amis-inigwele, degite, be daksasur gusad.
1163	GEN 39:13	Ome José-abarmakde-dakdegu, degi, e-argangi mor mide-nade dakdegu,
1204	GEN 41:8	Oibosgu, wakdaradgine, Faraón nue-suli-suli itoalid. Degisoggu, Faraón igar-uksasunnad, bela Egiptoʼgi nelemar, degi, nue-ibmar-wisimalad, ese dagmaloye. Faraón amarga e-gabdaksad bela sogsad. Amar wargwensaale, bipisaar ega gwen odulossurmalad, wede ibi-obare.
1222	GEN 41:26	Moli-bebe-nikad-omegan-nuegan-walagugled (7) obardo, birgagugledye (7). Orosgi-dakleged-e-durbagan-nuegan-gagugled (7) amba birgagugledye (7) obarbalid. Be-sogbo-gabdaksadi, ebobela soggwennagwad.
1241	GEN 41:45	Faraón Egipto-gayaba José-onugsanonikid, Zafnat-Paneaʼye. Degine, Faraón Potifera-e-sisgwa-Asenatʼye-nugad, José-nikuega ega uksad. We-Potiferaʼde On-neggweburgi dule-irwa-e-bab-dummadse-goledid. Weyobi, José bela Egipto-yargi dummadga gunonikid.
1246	GEN 41:50	Ukud-dummad-nagued-idu, José e-ome-Asenatʼbo machimala-warbo nikusad. Asenatʼde Potifera-e-sisgwad. Potiferaʼde On-neggweburgi dule-irwa-e-bab-dummadse-goledid.
1397	GEN 46:10	Simeón, Rubén-yarbalidid. E-masmaladi, wemarmogad: Jemuel, Jamín, Ohad, Jaquín, Zohar, Saúl. Saúl-e-nande Canaán-dolad.
1399	GEN 46:12	Judá, Leví-yarbalidid. E-masmaladi, wemarmogad: Er, Onán, Sela, Fares, Zara. Ar Erʼdi, Onán-ebogwa Canaán-yargi burgwismalad. Fares-e-masmaladi, wemarmogad: Hezrón, Hamul.
1402	GEN 46:15	Jacob, we-masmala Padan-Aram-neggweburgi Leaʼbo baksa gusad. Agi, e-bunagwa-Dina baksabalid. Bela-e-wagan: Omegan, degi, macherganse-bakar, dulagwen-gakambe-gakapaa-mergu (33) gusad.
1407	GEN 46:20	José Egipto-yargi Asenatʼbo-masmala-baksadi, wemalad: Manasés, Efraín. Asenatʼde, Potifera-e-sisgwad. Potiferaʼde, On-neggweburgi dule-irwa-e-bab-dummadse-goledid.
1671	EXO 6:15	Simeón-e-masmaladi, wemalad: Jemuel, Jamín, Ohad, Jaquín, Zohar, Saúl. We-Saúlʼde, ome-Canaánʼgined-e-machid. Wemala, Simeón-e-masmala gumalad.
1701	EXO 7:15	Oibosale, wakudaryalaba Faraón diwarse aidenadapile, abin be naoed. Diwar-gakagi be edarboed, degine, be-gaapoled-naibega-binyisad be sedoed.
1731	EXO 8:16	Bab-Jehová Moisésʼga sogdebalid: “Oibosale, be gwisguo. Wakudaryalaba Faraón-diwarse-naoedse Faraón-abin be nao. Faraónʼga be sogo: ‘Bab-Jehová weyob soged: An-dulamar be onogo, adi, anse gornamalagar, an-nug odummogegar.
1734	EXO 8:19	An-dulamar, be-dulemar-ebogwa akarsaila an dakoed. Oibosale, an bega sognaidyob, we-ibmar-dakledisulid an imakoed.’ ”
1775	EXO 9:32	”Degi-inigwele, we-ibmarmardi akargussulid: Orosgi-dakleged-trigoʼye-nugad, orosgi-daklebalid-centenoʼye-nugad, amardi, akargussulid, Ar ade, amardi amba yoo ainidagedgined.”
1791	EXO 10:13	Moisés Egipto-yar-naidgi e-argan-oyodgua, Bab-Jehová dad-nakwedsik Egipto-yargi-burwa-golega imaksad. Burwa ibgi-gormai osedosad, degine, mutik-gormai oiboarbalid. Oiboargu, burwa-dad-nakwedsik-gochadi, sesmar-senonikid.
1828	EXO 12:11	Bemar weyob sibad-wawaad gunmaloed: Bato mor-yoi, sapat-yoi, degi, gaapoled be-argangi-gani, bemar we-ibmar gwae-gwae gunmaloed, ar ade, Oburgwilegoenad-Iba an-nuggi onolegoed. We sogleged, bemar Egipto-yargi-wilebukwa Bab-Jehová bemar-ollor-imaksaye.
1838	EXO 12:21	Geb degine, Moisés bela Israel-girmar-dummaganse gochad. Amarga sogded: “Be namar. Bemar be-gwenadganga, sibad-wawaad-birgagwen-nikad sunamar. A-sibad-wawaad be oburgwemaloed, adi, Oburgwilegoenad-Iba be onomalagar.
1854	EXO 12:37	Israel-dulemala neggwebur-Ramesésʼye-nugadgi nodmalad, neggwebur-Sucotʼye-nugadse nadmalad. Machergan-sunna-bato-bila-onomaladbi, nagab-ainiarmaladi, mili-dulataled-ilanergwa (600,000) mergued. Omegan, degi, mimmigandi obarilesulid.
1860	EXO 12:43	Bab-Jehová Moisésʼga, degi, Aarónʼga sogded: “Oburgwilegoenad-Iba-onogegala, weyob igar mai guoed: ‘Israel-dulesulid we-ibagi-mas-gulleged gunnosur guoed. Ar wede ega ised.
1865	EXO 12:48	” ’Degi-inigwele, Israel-dulesulid bemar-abargi gudiile, we-dule Oburgwilegoenad-Iba, degi, Bab-Jehová-nug-odummogega onobiele, iduale, bela machergan-e-neguyaginmalad e-abgan-uka-duku sikmalargebed. Geb a-sorbardi, sunna iba onogodo, ar we-dulemala be-yargi-gwalulesadyob gunonikoed. ” ’Dule-wargwensaale, e-abgan-uka-duku-sikarsulid, we-ibagi-mas-gulleged gunnosur guoed.
1917	EXO 14:27	Moisés e-argan demar-birgi oyoded. Oiboargu, demar gusgu-maidyob gannarse gunonikid. Egipto-dulemala wakinye sokarmalan-inigwele, ar demardi egi gwichigunonikid. Weyobi, Bab-Jehová, Egipto-dulemar demargi ogundisad.
1971	EXO 16:23	Agi, Moisés amarga sogded: “Ar weyob Bab-Jehová igar uksad. Oibosale, obunnoged-ibad. We-iba, Bab-Jehováʼgadid. Emi bemar mas-yobiedi, emi be yomalodo. Emi mas-dulebiedi, emi be mas dumalodo. Bemarga-mas-obinoedi, banedga be sabomaloed.”
2060	EXO 20:8	Obunnoged-ibagi be obunnogo, adi, a-ibagi, be Bab-Dummad-e-nug odummogegar. Igi be-Bab-Dummad-Jehová bega Igar-uksa, aba be imako.
2089	EXO 21:11	” ’Ar e-sui bunagwaga we-ibmar-sogbaagwad imaksulile, bunagwa sunna na e-itolegedba nabier naoed. Onolegega, bipisaale dule-baid we-bunagwa-anar bennukosulid, maniginsuli binsa na e-itolegedba nooed.’ ”
2101	EXO 21:23	”Ar ome apor-naibigusardi, weyob imaklegoed: Ome-burgwisar, dule oburgwilemogoed.
2136	EXO 22:21	”Omegan-ei-sui-burgwismalad, degine, mimmigan-babgan-sated, melle be sabsur-imakmalo.
2199	EXO 25:3	We-ibmarmar-uklegoed be abingaoed: Olo, mani, esgoro-gordikid,
2202	EXO 25:6	Olivo-gwallu gwallumar-ogaegar. Ina-wawadikid, olivo-gwallu-nugsalegedgi-ebulegedba oburegar. Ina-wawadikid, ina-wawadikid-obupurmaklegedba oburegar.
2207	EXO 25:11	Olo-sunnabi uluyaba ebiris be nasikoed, degi, ulu-asgine, olo-sunnabi ebiris egi be nasikbaloed. Deginbali, birgi, bela-ebiris e-mullugwad olobi be nasikbaloed.
2220	EXO 25:24	”Olobi egi be nasikoed, degi, e-dikar-bela-ebilis olo mulluu be mesoed.
2223	EXO 25:27	Oluaduk-dummagan-gwabakegwad, mesegi-mulluu-mesilesad-urba nai guoed. A-oluaduk-dummagan-yaba suar-suid dogoed, adi, mese nabir semalagar.
2293	EXO 27:20	Bab-Jehová Moisésʼga sogdebalid: “Israel-dulemarga be sogo: ‘Olivo-e-gwallu ibmar-baidba-oburarsuli be sedamalo, adi, gwallu-ogamalagar. Degisadegu gwallu gasii guegar.
2299	EXO 28:5	”We-mormar-makegala, we-dubmar ebulegoed: Ordub, nirbadub-arad, nirbadub-suir-akwagiid, nirbadub-ginnid, linoʼdub-nued.”
2300	EXO 28:6	Bab-Jehová Moisésʼga sogdebalid: “Mor-efodʼye-nugad be imakoed. Mor-efodʼye-nugad nue-yeerdakle be makoed. Agala, we-dubmar ebulegoed: Ordub, nirbadub-arad, nirbadub-suir-akwagiid, nirbadub-ginnid, linoʼdub-nued.
2302	EXO 28:8	Mor-efodʼye-nugad-e-mordub-sadergi-naid, nue-yeerdakle be imakoed. We-mordub mor-efodʼgi gwadiar-nai guoed. We-mordub-makega, be we-dubmar ebugoed: Ordub, nirbadub-arad, nirbadub-suir-akwagiid, nirbadub-ginnid, linoʼdub-nued.
2309	EXO 28:15	Bab-Jehová Moisésʼga sogdebalid: “Geb degine, mor-binasgargi-nagued, igar-nabolegedgi-ebulegega, nue-yeerdakle be imakoed. Mor-efodʼye-nugad-imaksadyob be imakbaloed. ”We-dubmar be ebugoed: Ordub, nirbadub-arad, nirbadub-suir-akwagiid, nirbadub-ginnid, linoʼdub-nued.
2314	EXO 28:20	Ile-sogbakegi be urboed: Akwa-beriloʼye-nugad, akwa-óniceʼye-nugad, akwa-jaspeʼye-nugad. Or-gaega-imaklesad-birgi bela we-akwamala be sioed.
2330	EXO 28:36	”Deginbali, or-nued matarkwaa be imakbalo. Geb a-birgine, wilub-nasikega-imakdamaladyob be we-gayaburba nasikoed: ‘BAB-JEHOVÁʼGA SWILIDIK-NUGSALEGALED.’
2432	EXO 31:11	Olivo-gwallu-magega-ebuleged, degi, ina-wawadikid Neg-Islidikidgi-ebuleged sobegarbar. Wemala, Bezaleel, degi, Aholiab-ebogwa bela sobmaloed. ”Ar igi bela an bega sogsa, deyob sogedba imakmaloed.”
2444	EXO 32:5	Aarón weyob dulemar-daksagu, moli-bebe-nikad-asabin ibmar-ogumakar-ukleged-aila sobsad. Geb binnasur sogded: “¡Oibosale, Bab-Jehováʼga iba-dummad anmar onomaloed!”
2445	EXO 32:6	Oibosgu, wakudaryalaba dulemar ailagi ibdurgan-ogumakar uksamalad, degine, gwenatigwar-guegala, ibmar uksamarbalid. Geb mas gutemalad, gobdemalad. Bela galagwensuli wergudmalad.
2479	EXO 33:5	Ar Bab-Jehová Moisésʼga sogsad: “Israel-dulemarga be sogoye: ‘Bemar dulemar-uaya-gwen-niksurmaladye, non-dutusurmaladye. Ar wis sikwas an bemarba naye sogele, anse bemar osulolesmalarye.’ ” Bab-Jehová sogdebalid: “Israel-dulemarga be sogbalo: ‘Ormar-yeerdaklemalad ungemaloye. Sorba an dakoye, igi an bemar-imakodibeye.’ ”
2522	EXO 34:25	”Melle ibmar-ogumakar-ukleged-e-abe, madu-ina-nikad-ebo-mesa be anga ukmalo. Degine, bemar Oburgwilegoenad-Iba-onogedgi mas-gwabgusad banedga be sabogosurmarbalid.
2537	EXO 35:5	Bemar ibmar-nikadi Bab-Jehováʼga be sedamaloed. Dulemar na e-gwagegi ibmar Bab-Jehováʼga ukbi-itomaladba ibmar sedagoed. We-ibmarmar sedagoed: Olo, mani, esgoro-gordikid.
2540	EXO 35:8	Olivo-gwallu gwallu-ogaegar. Gwallu-wawad ibmar-magega guegar, degi, olivo-gwallu ina-wawadikmaladgi ebulegegar.
2554	EXO 35:22	Bela ibmar-ukbi-itosmaladi, machergan, degi, omegan-ugakse, we-ibmarmar senonimalad: Ordub, oluamar, sakwagi-ormar-nagumalad, argangi-or-yolemalad, degi, bela ormar-galagwensuli senonimalad. Belagwable Israel-dulemala Bab-Jehováʼga or senonimalad.
2608	EXO 37:3	Deginbali, olua-dummagan-gwabake-sobega or dusbalid. Adi, ulu-e-dikar-bergunaid-sogbakegwadgi gwa-gwagwen nasikegar. Olasu-gwabo dikar-gwensaksik-nasikega sobsad. Baid-dikarba, gwabo-nasikega sobsabalid.
2629	EXO 37:24	Or-nued-aidikued nibir-dulapaa-gakambe-gakabake (74) ebusad, bela e-ibmar-burwiganase-bakar deyob aidiku imaksad.
2631	EXO 37:26	Or-nued aila-birgi, aila-dikarba, degi, e-moli-bebegiidgi nasiksad, degine, e-dikar-ebilis or mulluu mesisad.
2667	EXO 39:2	Bezaleel mor-efodʼye-nugad amba deyob imaksabalid. A-imakega, we-dubmar ebusad: Ordub, nirbadub-arad, nirbadub-suir-akwagiid, nirbadub-ginnid, degi, linoʼdub-nued.
2668	EXO 39:3	Or-matargwa-matargwa imaksamalad, degine, gara-gara dubga siksamalad, adi, nirbadub-aradgi, nirbadub-suir-akwagiidgi, nirbadub-ginnidgi, degi, linoʼdub-nuedgi, ise-nue-yeerdakle imakegar.
2670	EXO 39:5	Mor-molidubga-gunaidi, mor-efodʼba-baka-mesa naid. We-mor-molidub amba deyob we-dubmargi imakarmogad: Ordubgi, nirbadub-aradgi, nirbadub-suir-akwagiidgi, nirbadub-ginnidgi, degine, linoʼdub-nuedgi imakaled. Igi Bab-Jehová Moisésʼga sogsagusa, deyob imaksamalad.
2673	EXO 39:8	Bezaleel, mor-binasgargi-nagued, nue-yeerdakle, mor-efodʼye-nugad-imakaledyob imaksabalid. We-dubmargi imakaled: Ordubgi, nirbadub-aradgi, nirbadub-suir-akwagiidgi, nirbadub-ginnidgi, linoʼdub-nuedgi, imaksad.
2681	EXO 39:16	Deginbali, akwamar-e-sigoed gwabo orbi imaksamalad, degine, olua-gwabo orbi imaksamarbalid. Oluamar-gwabogwad mor-binasgargi-nagued-e-dukumar-sogbogwadgi nasiksamalad.
2695	EXO 39:30	Deginbali, or-nued-matarkwaa sobsamarbalid. We-or-nued-matargwagwadgi wilub-nasikega-imakdamaladyob we-gayaburba nasiklesad: “BAB-JEHOVÁʼGA SWILIDIK-NUGSALEGALED.”
3047	LEV 12:2	“Israel-dulemarga be weyob sogo: ‘Ome-wargwen gurgin-nika gunonikile, geb machigwa baknonikile, ibagugle (7) san-swilidiksuli gudii guoed. Ar igi na e-igar-dakdiir gudidae, deyobi gudiguoed.
3051	LEV 12:6	” ’Ome, machigwa-nikusad-ulardibe, bunolo-nikusad-ulardibe, san-urukdiid-e-ibagan-bergunonikile, ome sibad-wawaad-bipigwad Bab-Jehováʼga-ogumakar-ukega sedoed. Degi, e-isgued-ular, wagnuu-gwagwendibe, sapur-nuu-gwagwendibe, Bab-Dummad-dulemarbo-ambikued-neg-yawagakse oburgwilegega sedoed. Agi dule-irwa-Bab-Dummadse-goledga ukoed.
3052	LEV 12:7	Geb dule-irwa-Bab-Dummadse-goled we-ome-e-isgued-eliega Bab-Jehová-asabin a-ibmar ogumakar ukoed. Deyobi, we-ome, e-burba-milesadgi nue-swilidik gunonikoed. ” ’Omega machigwa-uklesdibe, bunolo uklesdibe, weyob ega igar-mai guoed.
3188	LEV 15:19	Bab-Jehová, Moisésʼga, degi, Aarónʼga sogdebalid: “Israel-dulemarga be sunmakmar, ega be sogmar: ‘Ome-gwensak na e-igar-dakdiile, ibagugle (7) swilidiksuli gudii guoed. Ar doa-dule we-ome ebusale, we-dule mutikguedse swilidiksuli gudii guoed.
3194	LEV 15:25	Ome-gwensak na e-igar-daked-e-ibagan-sogedba e-igar-dakdiid ega bergusulile, igidibe, e-igar-dakdiid-e-ibagan ega suitii nadele, we-ome weyob-gudiid-berguedse swilidiksuli gudii guoed.
3197	LEV 15:28	” ’Ome na-e-igar-dakdiid-bergunonikile, san-uruked-igar-imakegala, ibagugle (7) edarboed. Geb a-sorbali, swilidik gunonikoed.
3271	LEV 18:19	Bab-Jehová Moisésʼga sogdebalid: “Ome igar-dakdidibe, melle ese be golo. Ar ade, ome swilidiksuli gudiid.
3274	LEV 18:22	Omebo-megeyob mer be macherganbo mego. Ar wede ibmar-isgana gued.
3275	LEV 18:23	Bipisaale ibdurganbo galagwensuli be guosulid. Ar wede, ibmar-isgana gued. Ome-wargwensaale ibdurganbo galagwensuli guosulid. Ar wede, ibmar-isgana gued.”
3335	LEV 20:16	” ’Ome-gwensak ibdurganbo galagwensuli-gusale, we-ome, degi, ibdurgan oburgwilegoed. Wemar, na dukin burgwed amismalad.
3360	LEV 21:14	Ome-ei-sui-burgwisad, degi, ome-sui-meted nikuosulid, deginbali, ome-gambanuchu-imaked nikuosurbalid. Unnila e-dule-bunagwa-yagwad nikuoed,
3408	LEV 23:5	” ’Gebe-nii-onodoed-ibambe-gakabakegi (14), a-sedogidba, bemar Bab-Jehová-nug-odummogega Egipto-yargi bemar Oburgwilegoenad-Iba onomaloed.’ ”
3414	LEV 23:11	Dule-irwa-Bab-Dummadse-goled Bab-Jehová-asabin we-ibmar-gwag bana-bana imakoed, adi, Bab-Jehová we-ibmar-gwag abingaegar. Obunnoged-iba-banedgine, we-ibmar-gwag Bab-Jehováʼga bana-bana imakoed.
3418	LEV 23:15	Bab-Jehová, Moisésʼga sogdebalid: “Israel-dulemarga be sogo: ‘Obunnoged-banedgine, orosgi-dakleged-trigoʼye-nugad-dukgwen Bab-Jehováʼga be bana-bana-uksad-sorbali, itoged-ilagugle (7) be ebisoed.