5	GEN 1:5	Bab-Dummad neg-meegwad ibginedye onug-imaksad. Negsichiddi mutikidye onug-imaksad. Weyob neg osedosad, geb neg oibosbalid. Deyob, ibagwenadgi neg gusad.
8	GEN 1:8	Bab-Dummad a-neg-olloled-dummad mogir-aradye onugsasad. Weyob neg osedosad, geb neg oibosbalid. Deyob, ibabogwadgi neg gusad.
13	GEN 1:13	Weyob neg osedosad, geb neg oibosbalid. Deyob, ibapaagwadgi neg gusad.
19	GEN 1:19	Weyob neg osedosad, geb neg oibosbalid. Deyob, ibabakegwadgi neg gusad.
23	GEN 1:23	Weyob neg osedosad, geb neg oibosbalid. Deyob, ibataledgi neg gusad.
28	GEN 1:28	Bab-Dummad we-dulemargi ise-nued-binsasadba, ega sogded: “Bemar mimmigan-bukidar nikumar. We-napneggi dula-bukidar urbemar, degi, bela we-napneg-ugakaase ambikumar. Bemar we-napneggi be gangued-nikadba bela we-ibdurganmargi be obindii gumarsun: Uamargi, nuumargi, degi, ibmar-durgan-napagi-garmakdimaladgi.”
29	GEN 1:29	Geb degi, Bab-Dummad dulega sogdebalid: “We-napneggi bela gagan-nabir-gwag-nikumalad, degi, bela sapimar-e-sangi-gwag-nikumalad, an bemarga uked. A-ibmar-durba bela bemar-masga guoed.”
31	GEN 1:31	Geb degine, Bab-Dummad dakded, bela ibmar-na-obinnisadi, bela-bela nueganbi. Weyob neg osedosad, geb neg oibosbalid. Deyob, ibanergwadgi (6) neg gusad.
47	GEN 2:16	Agine, Bab-Dummad-Jehová dulega igar-uksad: “We-nainu-nuedgi sapimar-bukwad-e-sanmar sunna bela be gunned.
48	GEN 2:17	Unnila sapi-wargwen-e-sandi melle be gunno. We-sapi, ibmar-nued-wisi, ibmar-isgana-wisi dule-saed. A-sapi-e-san be guchale, a-ibagi be burgoed.”
51	GEN 2:20	Weyobi dule bela we-ibmar-durgan: Ibmar-durgan-sunna-akwilemaladga, bela nuumarga, bela ibmar-durgan-sapurbarmaladga, nug amisad. Degi-inigwele, Adánʼgardi e-bendaked sate gusad.
54	GEN 2:23	Adán ome-dakdegu, sogded: “Ar wedi an-galado, ar ade, an-gargi obinnilealedid. Wedi an-sanado, ar ade, an-sangi obinnilealedid. Ar Bab-Dummad we-ome macheredgi obinnisad. We nugguodo, Omeye.”
57	GEN 3:1	Bab-Dummad-Jehová we-napneggi bela ibmar-durgan obinnisad. Amar-abargi, naibedi ibmar-durgan-baiganba dule-binsaed-gaedgi bur buledid. Naibe omega sogded: —¿Etto, Bab-Dummad bemarga sogsa: ‘We-nainu-nuedgi sapimar-gwichid-e-san melle bipisaale gunmaloye?’
93	GEN 4:13	Geb degine, Caín, Bab-Jehová-abin sogded: —Weyob sabsur be an-odurdakele, gwen guo an itosulid.
99	GEN 4:19	Lamecʼdi ome-warbo-nikusad: Wargwen Adaʼye nugad, baiddi Zilaʼye nugad.
107	GEN 5:1	We, Adán-e-wagan-nugmar-narmakar-mamaid-e-gardad. Bab-Dummad dule-obinnisgua, deunni na e-sunnague dule-imaksad.
108	GEN 5:2	Bab-Dummad machered ome-ebogwa obinnisad. Wemargi ise-nued binsasad. Bab-Dummad dulemar-obinnisgua, amarga sogsad: “Bemar, duleye nugguoye.”
142	GEN 6:4	Masmala-Bab-Dummadba-nanamalad, dulemar-sisgan-nikudmargu, mimmigan-baknonimalad. A-burwigan dule-mas-bipisuli gusmalad. Wemala, epennegwa dule-gala-ibegan, degi, dule-nuga-nika gusmaladid. A-akale, dule-masdummagan we-napneggi-nika gunonikid.
153	GEN 6:15	Weyob ur-dungu be soboed: E-sugued, dali-dulapaa-gakambe-gakatar (75) be imako. E-matardungueddi, daliambe-gakabo-abala (12½) be imako. E-nibgued, daligugle-abala (7½) be imakbalo.
155	GEN 6:17	”We-napneg-odogega muusaila an barmidagoed. Bela we-napneggi ibmar-dula-gudidimalad an obelogoed, bela burgoed.
156	GEN 6:18	”An bebo igar-meso. We-ur-dummadyaba be dogo: Be, be-ome, be-masmala, degi, be-balamar.
164	GEN 7:4	”Ar ade, ibaguglese (7) dii an owioed, iba-dulabo (40) mutikidba, degi, ibginedba dii-winai an imakoed. ¡We-napneggi bela ibmar-dula-obinnilesad, bela an obelogoed!”
166	GEN 7:6	We-napneggi muusaila-nosgua, deunni, Noé birga-dulataled-ilanergwa (600) nikad.
173	GEN 7:13	Noé, ur-dummadyaba-dogsad-ibagi, wemar eba dogsamarmogad: E-ome, e-machi-Sem, e-machi-Cam, e-machi-Jafet, degi, e-masmala-omegan. We-dulemarbi ur-dummadyaba dogsamalad.
174	GEN 7:14	Wemarba bela ibmar-durgan-na-egad-egad-balibimalad dogsamarbalid. A-ibdurgan wemalad: Ibmar-durgan-sapurbarmalad, ibmar-durgan-sunna-akwilemalad, ibmar-durgan-napagi-garmakdimalad, nuumar, degi, bela ibmar-sakan-nikamalad. We-ibmar-durgan, Noéʼba ur-dummadgi dogsamarmogad.
181	GEN 7:21	Weyob bela ibmar-durgan-we-napneggi-bukwad burgwisad: Nuumar, ibmar-durgan-sunna-akwilemalad, ibmar-durgan-sapurbarmalad, ibmar-durgan-unimalad, degi, bela dulemar burgwismarmogad.
182	GEN 7:22	We-napneggi ibmar-dula-gudimalad, bela burgwisad.
183	GEN 7:23	Weyob bela we-napneggi we-ibmarmar obelolesad: Dulemar, ibmar-durgan, ibmar-durgan-napagi-garmakdimalad, degi, nuumar, amar bela burgwismalad.
205	GEN 8:21	Ibmar-ogumakaled-yeer-yapanned Bab-Jehováʼse-mosgu, Bab-Jehová sogded: “We-napneg dulemar-isgued-ular, bar an ukabsaosulid. Ar dulemar gusgu na sapingwagwad-akar e-gwagegi unnila isguedginbi binsadimalad. Degine, an emi-imaksadyob, muusailaba bela ibmar-dula-gudidiid bar an ogilogosulid.
207	GEN 9:1	Bab-Dummad Noéʼgi, degi, e-masmalagi ise-nued binsasad. Weyob ega sogsad: “Mimmigan-bukidar be nikumar, we-napneggi dula be omelomar, bela we-napneg-ugakaase ambikumar.
217	GEN 9:11	An-bemar-ebo-igar-mesoedi gwen gwagosulid: Bela dulemar, degine, bela ibmar-durgan muusailagi bar an ogilogosulid. We-napneg obelogega bar muusaila murosulid.
220	GEN 9:14	We-napneggi mogirmar-gutumakalile, an-sue mogir-imbaba megnonikoed.
223	GEN 9:17	”We-napneggi bela dulemarbo, degi, ibmar-durganbo an igar-mesisadi, sue, e-wilubga guoed.” Deyob Bab-Dummad Noéʼga ibmar sogsad.
225	GEN 9:19	Wemar-warbaagwad Noé-masmala gumalad. We-napneggi dulemar-bukmalad, belagwapa wemargi danimalad.
236	GEN 10:1	Noé-masmala, wemalad: Sem, Cam, Jafet. Wemarde muusaila-mulusad-sorba, na mimmigan nikusmalad. Noé-masmala-e-wagan ambikusmalad, wemalad:
240	GEN 10:5	Wemar, Jafet-wagan gumalad. Wemar, demar-gakaba ambikusmalad. Gaya emar-emarbi sunmakmalad. Degine, na e-dadgan-e-dadganba, dulemar na emar-emar ambikusmalad.
245	GEN 10:10	Nimrod, we-neggweburmargi negsemai gusad: Babelʼgi, Erecʼgi, Acadʼgi, degi, Calneʼgi. We-neggweburmar, Sinar-yargi bukwagusad.
254	GEN 10:19	Canaán-dulemar e-yar-gasadi, wemalad: Sidón-neggweburgi onoded, Gerar-yalasik, Gaza-neggweburse warmaksad. We-yar-e-neggweburmarde, wemalad: Sodoma, Gomorra, Adma, degine, Zeboimʼsik, Lasa-neggweburse.
255	GEN 10:20	Wemar, Cam-e-wagan gumalad. E-dadgan-e-dadganba, degine, gaya emar-emarbi-sunmake ambikusmalad. Yar-egad-egad, degine, dulemar emar-emarbi ambikusmalad.
264	GEN 10:29	Ofir, Havila, degi, Jobab. Wemar belagwapa, Joctán-machimala gued.
265	GEN 10:30	Wemar Sefar-yalagansik, Mesa-nadedgi, bukwagusmalad. We-yalagande dad-nakwedsik naid.
266	GEN 10:31	Wemar Sem-e-wagan gumalad. E-dadgan-e-dadganba, degine, gaya emar-emarbi-sunmake ambikusmalad. Yar-egad-egad, degine, dulemar emar-emarbi ambikusmalad.
267	GEN 10:32	Wemar, Noé-machimala, e-gwenadgan-e-gwenadganba ambikusmalad. Na e-wagan-e-wagan yar gasmalad. Wemar muusaila-mulusad-sorba, bela we-napneggi-aisakis ambikusmalad.
270	GEN 11:3	Ibagwengi, na ga muchub-muchub sokarmalad: “Anmar dakebinne, anmar napa-ginnid akwayob dutusuli sobe, geb degine, anmar soogine ogumakar imakoed.” Weyob akwa-anar napa-ginnid-akwayob-dutusuli-sobaled ebusmalad, degine, barya ebusmarbalid, ebo acha-acha imakegar.
273	GEN 11:6	Geb Bab-Jehová binsaded: “Wemar, unnila dulemar-soggwenna gued, unnila gaya-soggwenna sunmakmalad. We-arbaedgebe-imaklenaid-obelosmalale, sogdamarbaloed, arbaed-baid anmar imakmarbarye. Degisoggu, bar galegosurmalad.
276	GEN 11:9	We-neggweburgine, Bab-Jehová weyob dulemar gaya-akar-akar-sunmakega imaksad. A-ulale, we-neggwebur Babelʼye nuggusad. Geb wegine, Bab-Jehová bela dulemar we-napneg-ugakaase osakisad.
277	GEN 11:10	Wemar, Sem-e-wagan gumalad: Birgabogus muusaila-nasad-sorba, Sem-machi-Arfaxad gwalulesad. Deunni, Sem birga-dulatar (100) nikad.
294	GEN 11:27	We, Taré-e-igar: Taré, Abram-e-babad. Nacor, degi, Harán amba Taré-masmalamogad. Haránʼde, Lot-e-babad.
306	GEN 12:7	Agine, Bab-Jehová Abramʼse magarosad, ega sogded: “We-yar an be-waganga ukoed.” Agine, Abram Bab-Jehováʼga-ibmar-ogumakar-ukleged-aila sobsad, ar ade, Abram soged, Bab-Jehová wegi anse magarosaddeeye.
307	GEN 12:8	Geb agine, Abram yalagansik naded. We-yalagande Betel-neggweburgi dad-nakwedsik siid. Agi, dordoneg sidapid. Degisoggu, Betel-neggwebur egi dad-argwanedsik signonikid. Hai-neggweburdi dad-nakwedsik egi signonikid. Abram agi Bab-Jehováʼga-ibmar-ogumakar-ukleged-aila-baid sobsabalid. Geb degine, Bab-Jehováʼse agi gochasunnad.
311	GEN 12:12	Degisoggu, Egipto-dulemar be-dakalile, sogdamaloed: ‘We-omegwa, we-machered-e-omeye.’ Andi an-oburgwemaloed, bedi be-oburgosurmalad.
314	GEN 12:15	Dummagan-Faraónʼga-arbamalad daksamarmogad, Sarai yeerdaklege. Amar Faraónʼse nadegusmalad, ega sogdapmalad, ome bela-bela yeerdakleye. Wemar-dummagan Faraón-negse Sarai-sesa gusmalad.
322	GEN 13:3	Neguev-akar, Abram gannar binna-binna alid. Betel-neggweburse geb warmakdapid. Geb degi, gannar naded, bia gebe na dordoneg sisagusadse. We-negde Betel-negabargi, degi, Hai-negabargi siid.
330	GEN 13:11	Geb degine, Lot bela Jordán-diwarsik-neba-naid susad. Na e-maidgi dad-nakwedsik nade gusad. Weyobi, Abram, Lot-ebogwa, na bangud gusmalad.
334	GEN 13:15	We-napnegmar be dakedi, bela bega an ukoed. We-yalagan begadga degi, be-wagangadga degisadegu guoed.
339	GEN 14:2	A-ibagangi, deunni, we-reymar-walabakegwad, baigan-reymar-ataled-ebo bila-onogega na atosmalad. We-reymar-walataled atosmarmogad: Sodoma-e-rey-Bera, Gomorra-e-rey-Birsa, Adma-e-rey-Sinab, Zeboim-e-rey-Semeber, degi, Bela-e-rey. We-Bela-neggweburde, Zoarʼye nugbalid.
340	GEN 14:3	Wemar-e-ataled, e-sordamar Sidim-nebagi urbisad, Demar-Gagbidye-nugad-walik.
343	GEN 14:6	Seir-yalagangindi Horí-dulemargi nakwismalad, Parán-nebase baregichamalad. We-Paránʼde nega-dulesulid-walik naid.
344	GEN 14:7	Quedorlaomer, degine, reymar-eba-gudidimalad we-dulemar-sogabakegwadgi-nakwisgu, gannar aibiris armalad. Geb Enmispatʼye-neg-nugadse nonimalad. We-Enmispatʼde, Cadesʼye nugbalid. Rey-Quedorlaomer, degi, reymar-eba-gudidimalad Amalec-dulemar-yalaganba bela ibmar obelonadap gusmalad. Deyob Amorreo-dulemar-imaksamarbalid. We-Amorreo-dulemarde Hazezon-Tamar-yalagangi bukwamalanad.
347	GEN 14:10	Dakargua, bela Sidim-nebagi yaa-dummagan-bukidar-bukwa nanaed. We-yaa-dummagande barya-yaisur nikad. Sodoma-e-rey, degi, Gomorra-e-rey urwenanaigua, wakite gusmalanad. Degi-inigwele, yaa-dummadgi argwatapmalad. E-sordamar-baigandi yalaganba wakitemalad.
350	GEN 14:13	Ar dule-wargwen nabir wakichasoggu, Abramʼga bela ibmar sognonikid. Abramʼde Hebreo-duled. Abramʼde Amorreo-dule-e-sapi-dummagan-walik maid. We-Amorreo-dulede Mamreʼye nugad. Mamreʼdi, gwenadgan nikad, amarde wemalad: Escol, Aner. Wemala, Abramʼba naimaladid.
351	GEN 14:14	Abram itoargu e-niga gales-selesye, geb e-maimar-e-neg-yagi-gwalulesmaladse gochad. Wemarde bila-onomaladid. Belagwapa dulataled-ilapaa gakambe-gakabaabak (318) mergued. Amarmala, Dan-neggweburse reymar-Lot-gasa-sesmalad-balegitemalad.
353	GEN 14:16	We-reymar-ibmar-sesadi, Abram bela gannar susad. Deyobi, Abram e-niga-Lot-galesad onosad, degi, bela gannar Lot-e-ibmar susbalid. Deginbali, omegan-onosbalid, degi, bela dule-baigan-galesmalad amba onosbalid.
355	GEN 14:18	Geb degine, Salem-e-rey-Melquisedec, madu, degi, vino Abramʼga senonikid. We-Melquisedecʼde dule-irwa-Bab-Dummad-Bur-Biriginedse-goledid.
356	GEN 14:19	Geb degine, Melquisedec, Abramʼgi ise-nued-binsaedgi, weyob sogded: “Abram, Bab-Dummad-Bur-Birigined begi ise-nued binsaoed. We-Bab-Dummad, nibneg, degi, napneg bela obinnisadid.
359	GEN 14:22	Ar Abramʼdi abin-sogded: —Suli. Bab-Dummad-Bur-Birigined-Jehováʼga ise-sogar an imaksad. We-Bab-Dummadde nibneg, degi, napneg bela obinnisad.
362	GEN 15:1	Weyob-gusad-sorbali, Abram negburgan-daksad. Agi, Bab-Jehová ega sunmakded, ega sogded: “Abram, melle be dobguo, ar sigu-abgaedyobi, an be-irwa gwisgudioed. Degine, bega-ibmar-nued-uklegoedi, bega ibmar-dummadga guoed.”
365	GEN 15:4	Bab-Jehová Abram-abin sogded: —Suli, degisuli. Be-sorba ibmar-bela-gaoedi, be-machi-sunnad bela be-ibmar gaoed. We-Eliezerʼdi suli.
366	GEN 15:5	Geb degine, Bab-Jehová magaba Abram-sesad, ega sogded: —Nue be niba atake, be niisgwamar ebise, ar sunna be ebisodibe. Weyob-mergu wagan be nikuoed.
379	GEN 15:18	A-ibagi, Bab-Jehová Abram-ebo igar mesisad. Agi Abramʼga sogded: —We-yala be-waganga an ukoed, Egipto-diwar-maid-akar, diwar-dummad-Éufrates maidse.
394	GEN 16:12	We-machigwade yaisurdae guoed, moli-uayasuid-sapurbalidyob guoed. We-machi dulemar-baiganbo bela urwoed, degi, bela-dulemar-baigan ebo urwemarmogoed. Degine, e-gwenadgangi gwisgubalo-inigwele, e-gwenadgan-abargi-mai guoed.”
396	GEN 16:14	A-ulale, dia nugad, Dia-Dule-Dulad-An-Dakmaidye. We-diadega Cades, degi, Bered-ebo-abingunaid-abargi siid.
400	GEN 17:2	An bebo igar-mesisad, gannar an bega sogbar: ‘Wagan-bukidar-nikuega an be-imakoed.’
402	GEN 17:4	—Weyob an bebogwa igar-mesoed: Be, dule-yar-baid-baidgi-ambikumaloed-e-dad-dummadga an be-imakoed.
404	GEN 17:6	Wagan-bukidar-nikuega an be-imakoed. Begine, reymar ainidagoed, degine, yar-baid-baidgi be-waganmar-bukwa an imakoed.
406	GEN 17:8	Emi, Canaán-yala be-yalasur-inigwele, degite, a-yalagi be garmakdiid. We-Canaán-yalade, bela degisadegu an bega uked, degi, be-sorba, be-waganga an ukbaloed. A-yalade, degisadegu bemargadga guoed. Deginbali, ani, an be-wagan-e-Bab-Dummadga gubaloed.
408	GEN 17:10	Weyob an bebogwa igar-mesnaid, be-wagan we-igar-mesnaidba imakmarmogoed: ‘Bela bemar-abargine, masmala e-abgan-uka-duku sikmaloed.’
409	GEN 17:11	”Bemala be-abgan-uka-duku sikergebed. Weyob we-ibmar-imakedgi bemar-anbogwa-igar-mesisad mag daklegoed.
411	GEN 17:13	Be-mai be-neggi-gwalulesaddibe, be-mai manigi be dule-baidse baksaddibe, wemar e-abgan-uka-duku-siksuli be imakosulid. Weyob an bemar-ebo igar-mesnaid be-abgangi degisadegu mag daklegoed.
437	GEN 18:12	A-ulale, Sara allided, ulubgi binsaded: “Bato ande selebagusad, degi, an-suide selebagusmogad. Wegiid an bar dakosur-itole. ¿Ar wede sunna an bar mimmi nikuosi? Geg bar an nikued.”
466	GEN 19:8	An walabo sisgan nikad, amba yagan-nanaed. Amar an bemarga onogoed. Ar igi bemar amar-imakbimala, be-itolegedmardo. Wemar-warbogwad-anse-nonimaladdi melle bemar oakalomalo, ar ade, wemar an-negse ubononisoggu, we-dulemar an nue-akwergebed.
478	GEN 19:20	Wegi itakasaale neggwebur-bipigwad-siidse an sunna wakichaled. ¡Ase naed be an-imake, adi, an bendaklegegar, an melle burgwegar! A-neggweburdi nue bipigwad.
479	GEN 19:21	Geb dule abin-sogded: —An be-itos. Be anse egisnaidba an bega imakoed. We-neggwebur-bipigwad be anga obaredi, adi, an obelogosulid.
487	GEN 19:29	Weyobi, Bab-Dummad Lot-maigusadgi neggweburmar-nebagi-bukwad obelosad. Bab-Dummad Abrahamʼgi nued-binsaed-ular, Lot-onosad, melle Lot dule-baiganba burgwegar.
488	GEN 19:30	Weyob neg-gusad-sorbali, Lot Zoar-neggweburgi dobe-mege gualid. Aga, Lot, e-sisgan-warbogwadmala yalaganba nade gusad. Na e-warbaagwa akwasaila-ollorsiidyaba megidapmalad.
489	GEN 19:31	Ibagwengine, ior na urbaga sokalid: —Anmar-bab bato nue-selebagusad. Wegi machergan sated, adi, igar-maidba anmarse golegar.
494	GEN 19:36	Weyob Lot-e-sisgan-warbogwad bonigwar e-babgadga gunonikid.
497	GEN 20:1	Abraham e-maidgi bangud gusad. Neguev-nebaganba nade gusad. Gerar-neggweburgi megidapid. We-neggweburde Cades, degi, Shur, amar-negabargi siid.
501	GEN 20:5	Ar Abraham-sunnad anga sogsad: We-ome, an-bunye. Degine, omegwa anga sogsamogad: We-machered, an-susye. Ar degisoggu, gwen ichakwa-binsasulidgi an ibmar imaksad. Ibmar-isgana an imaksasulid.
505	GEN 20:9	Geb a-sorbali, Abimelec, Abrahamʼse-gochagu, ega sogded: —¡Emi, be-neg-oakalosad be dake! ¿Ibigi an begi nosa? Emisgi isgued-dummad be angi, degi, an-sordamargi senonigu. Weyob be ibmar imakewilubsulinad.
507	GEN 20:11	Abraham, Abimelec-abin sogded: —Wegi dule-Bab-Dummad-dobee-nanaed sateye an biendo. Degisoggu, an-ome-ular an-oburgwemaloeddeeye an binsasad.
512	GEN 20:16	Saraʼga sogdemogad: —An be-susgala mani-miligwen-aidikue (1,000) uksad. We-mani dule-beba-gudidimalad-asabin be oyogo, adi, oyogega bedi gwen nossurye. Dule-wargwensaale gege begi sunnasur sunmaked.
523	GEN 21:9	A-iba-ononaidgi Sara dakded, Agar-e-machi-Ismael Isaacʼgi dodonai. We-machide Agar Abraham-ebo baksadid. Agarʼde Egipto-duled.
524	GEN 21:10	A-ular, Sara Abrahamʼga sogded: —¡We-mai, degine, e-machi we-neggi be onoge! We-mai-e-machi an-machi-sunnagwadyob geg an-machi-Isaacʼba, be-ibmar-beoedi abingamogad.