231	GEN 9:25	“¡Canaán, be iwigusun! Be-iamar-e-mai-mesagwaledga be gusun.”
318	GEN 12:19	Emide, be anga sogsad, we-ome, an-bunye. Ar emide sunna an-omega an imaked-nagad. ¡Be-ome na be sede! ¡Be nae!”
416	GEN 17:18	Geb degi, Abraham Bab-Dummadga sogded: —¡Bitigi Ismaelʼgi be nued binsaena gadin! An-sorba bela an-ibmarmar Ismaelʼgadga guena gadin.
463	GEN 19:5	Lotʼga binnasur sogdemalad: —¿Bia machergan emi-mutik be-negse-nonimalad nade? ¡Anmarga be onoge! ¡Anmar we-machergangi dodobied!
467	GEN 19:9	Dulemar-oimakbukwad Lot-abin sogdemalad: —¡Be ainire! Be anmar-neggweburginedsulid. ¿Be anmar-dummadsi? Be anmar-dummadsuli. Emigindi, we-machergan-warbogwadba bur bule anmar be-imakoed. Geb degine, sabsur Lot-imakarmalad. Agine, yawagak-omukumalaga, yawagakse duurmakdemalad.
472	GEN 19:14	Geb degine, Lot e-sapinganga-gumaloed daknaded. Amarga sogdapid: —¡Gwisgumar, be nomar, ar ade, Bab-Jehová we-neggwebur obelosokalid! Ar e-sapingandi Lot-ega-ibmar-soged baisur-itosmalad.
475	GEN 19:17	Bato neggweburgi nosmargua, baliwitur Lotʼga sokalid: —¡Be abarmakdemar, mer be burgwemalagar! Mer bar yarganba gannar atako, deginbali, yalaganba be wakinmalo. Melle nebagi be obunnobalo. Ar degisulir, bemar burgwemaloed.
476	GEN 19:18	Lotʼdi abin-sogded: —¡Suli dummagan, deyob suli! Ar bese wis wilesakwaa an egised.
478	GEN 19:20	Wegi itakasaale neggwebur-bipigwad-siidse an sunna wakichaled. ¡Ase naed be an-imake, adi, an bendaklegegar, an melle burgwegar! A-neggweburdi nue bipigwad.
480	GEN 19:22	¡Be nae! Gwae be a-neggwebur-bipigwadse be nae. Be neggwebur-bipise-warmakedse geb an neg obelogoed. A-ulale, a-neggwebur-bipigwad, Zoarʼye onugsalesad.
505	GEN 20:9	Geb a-sorbali, Abimelec, Abrahamʼse-gochagu, ega sogded: —¡Emi, be-neg-oakalosad be dake! ¿Ibigi an begi nosa? Emisgi isgued-dummad be angi, degi, an-sordamargi senonigu. Weyob be ibmar imakewilubsulinad.
524	GEN 21:10	A-ular, Sara Abrahamʼga sogded: —¡We-mai, degine, e-machi we-neggi be onoge! We-mai-e-machi an-machi-sunnagwadyob geg an-machi-Isaacʼba, be-ibmar-beoedi abingamogad.
578	GEN 23:6	—¡Dummad, bega an sogmardo! Ar Bab-Dummad anmar-abargine, dule-dummadga be-susad. Degisoggu, be-ome-mui anmar-neg-uan-bur-nuedgi be dige. Ar anmar-wargwensaar bega sogosulid: Melle be-ome-e-mui be anmar-neg-uangi digye.
583	GEN 23:11	—¡Dummad, degisuli! An-nainu, degine, akwasaila-ollor-siid binsa an bega ukoed, maniginsuli. An-sordamar-bukwad anmar-daksiid, amar-asabin an bega we-akwasaila-ollor-siid binsa uknaid. Agi be-ome-mui be dige.
598	GEN 24:6	Abraham abin-sogded: —¡Suli, mer an-machi ase be sedo!
600	GEN 24:8	Ar ome beba dagbisulile, be ise-sogar anbo igar-mesisadgi be ollorguodo. Unnila an bega soged, ¡bipisaale melle an-machi be weba sedo!
619	GEN 24:27	sogded: “¡Bab-Jehováʼye be-nug odummolesun! Bedi an-dummad-e-Bab-Dummadid. Bedi an-dummadgi be-sabgued, degi, be-napiragwad gwen galakudisulid. Degine, Bab-Jehováʼye be an-sealid. Be anga igar-oyosad, adi, an-dummad-e-gwenadgan-negse an warmakegar.”
762	GEN 27:34	Esaú, e-bab weyob ega soge itosgu, nue-nunmak binnasur ise-ogormakar boded. Geb e-babga sogded: —¡Baba, ise-nued-binsaed be anga sogmoga!
764	GEN 27:36	Geb Esaú sogded: —¡Ar nabir ega Jacobʼye nug nasiksamala! ¡Ar emide ilabogus an-yardakdanikid! Gebe unni, an machi-sailagined-guedba anga ibmar-uklegoenad an-ibe susad. Emide, angi ise-nued-binsaleged an-ibe susbalid. Esaú sogdebalid: —Baba, degite, angi ise-nued-binsaleged, ¿wis be anga obessuli?
766	GEN 27:38	Esaú e-babgi alamaknai gusad: —¿Baba, be-ise-nued-binsaed wis soggwensaar geg be anga soge? ¡Be angi ise-nued binsamoga! Degine, Esaú gannar ise-ogormakar bodbalid.
887	GEN 31:13	Ani an Bab-Dummad, Betelʼgi bese magarosadid. Agi, be akwagi gwallu-wawa eosad, adi, oyogega, we-negde nue-islidikidye. Degine, anga ise-nue-sogar be imaksabalid, an imakedseye. ¡Be gwisgu! ¡Wegi-maid be nae! Be-gwalulesad-yarse gannar be nae.’ ”
900	GEN 31:26	Labán wis gannadginsaar Jacobʼga ibmar sogded: —¿Igi be anga gude? ¿Ibiga be an-yardaksa? ¡Emide, be an-sisgan bila-onoedgi-galesdamaladyob sealid!
902	GEN 31:28	Emide, bipisaale, be an-sisgan, degi, an-wagan-e-wagar-uega gwen be an-imaksasulid, degimaloye amarga sogega be an-imaksasurbalid. ¡Emide, dule-binsaedsulidyob be anga gusad!
906	GEN 31:32	Ar wegi dule-wargwen be-ibe nuchu-be-bab-dummagan ganikile, ¡a-dule oburgwilegodo! Anmar-gwenadgan anmar-barsogega guoed: Be-ibmar be amie, ar an be-ibe ibmar-ganidibe, be sedodo. Ar ade, Jacob, Raquel nuchumar-atursasad wissulid.
917	GEN 31:43	Geb degine, Labán Jacob-abin sogded: —Be-omegan, an-sisganad. Burwigana, an-waganad. Sibad-wawaadmar, an-sibad-wawaadmalad. ¡Bela we-ibmarmar be dakedi, bela angadbiid! Ar an-sisgansoggu, ¿igi an bar saosunna? Degine, an-sisgan-mimmiganbarsoggu, ¿igi an imakbalosunna?
1103	GEN 37:19	Geb sogdemalad: —¡Be dakmalana, dule-gabdakegwa dani!
1104	GEN 37:20	Ginebinne, anmar oburgwenae. Geb a-sorba anmar dia-yaagi metemaloed. Anmar sogmaloed, ibmar-sapurbalid-ursirmalad guchaye. ¡Anmar dakodo, bule-nabir e-gabdaksad ega guodibe!
1114	GEN 37:30	Geb a-sorbali, e-urbamar-bukwadse nonikid, amarga sognonikid: —¡Machigwa bar dia-yaba sisulid! Ar emigindi, ¿igi an gudoe?
1144	GEN 38:24	Nii-walapaagwad-sorba Judáʼga sognonimalad: —Be-bala-Tamar machergan-baiganba yootee gudiiye. Degisoggu, bonigwar-gudsunye. Judá binnasur sogded: —¡Bemar we-ome onomala, bemar ogumakar oburgwemala!
1209	GEN 41:13	¡Igi anmarga odulosa, bela deyob gusad! An-arbaedse gannar an dogsad. Baiddi dukar-gaar oburgwilesad.”
1215	GEN 41:19	A-molimar-sorbali, walagugle (7) molimar-bebe-nikad-omegan-baigan, sunnasur-dakle, degi, gara-gara-dakle, diwargi nakwiar an dakarbalid. ¡Bipisaale bela Egipto-yargi weyob molimar-sunnasur-dakleged an dakdisulid!
1281	GEN 42:28	Geb degine, e-gwenadganga sogded: —¡Be dakmalana, gannar anga mani uksamalad! ¡Be dakmalana, an-sagu-yaba mani bukwad! José-e-iamar belagwable bela-bela nue-dobe-itonadmalad, dobedba wawanmakdemargu, na ga muchub-muchub sogdemalad: —¿Wede igi Bab-Dummad anmar-imaknai?
1289	GEN 42:36	Geb degine, Jacob e-masmalaga sogded: —Bemar, masmala-sate be an-imakmaloed. José bato burgwis, degi, Simeón anmarba bar gudisurbalid. ¡Emigindi, bemar Benjamín an-ibe nidesokarbalid! ¡An emarba bur ibitodiid!
1304	GEN 43:13	¡Be namar! Be-urba be sedmar. Dummad-mas-dakmaidse gannar be namar.
1320	GEN 43:29	José bela dulemar-dakdegu, dakalid, e-urba-galagwenad-Benjamín simoga. Geb degine, José sogded: —¿We, bemar-urba-bipigwad bemar anga egi sunmaksamaladi? Geb degine, José, Benjamínʼga sogded: —¡Machi, Bab-Dummad ise-nued begi binsaena gadin!
1332	GEN 44:7	Agi, José-e-gwenadgan abin sogdemalad: —Dummad, ¿ibiga weyob be anmarga soge? ¡Anmar weyob geg ibmar imaked!
1334	GEN 44:9	¡Ar doa-saguyaba nog-sii dakledagoe, a-dule oburgwilegodo. Geb degine, anmarmoga bela be-dummad-maiga gumarmogodo!
1372	GEN 45:13	Bela an-babga be sogmalo, ani an Egipto-yargi bela-bela gangued-nika maiye. Degine, bela wegi be ibmar-daksamalad an-babga be sogmarbalo. ¡Gwae be namar! ¡Gwae an-bab be sedamalo!”
1417	GEN 46:30	Geb degine, Israel Joséʼga sogded: —An gannar be-daksadba, degine, amba-dula an be-daknonikidba, emigindi, ¡an burgwer, akarsulid!
1436	GEN 47:15	Egiptoʼgi, degi, Canaán-yargi mani-sategussoggu, Egipto-dulemar Joséʼga sognadmalad: —¡Be anmarga masgunned udage! Mani-satedba, ukudba be anmar-oburgwer, igar maisulid, wedi noaled.
1446	GEN 47:25	Dulemar José-abin sogdemalad: —Be nued anmargi daed. Nue be anmar-bendaksad. Degisulina, anmar burgoenad. ¡Anmar Faraón-maiga gumalodo!
1452	GEN 47:31	E-bab Joséʼgi alamaknai gusad: —¡Ise-sogar be anga soge, deyob an imakoye! José ise-sogar abin-sogded: —Eye, deyob an imakoe. Geb degine, Israel e-gabed-nono-onakwedsik, e-nono yollee imaksad.
1470	GEN 48:18	—¡Baba, suli, weyobsuli! We, bur-dummadid. Be-argan-nued we-nonogi be mese.
1471	GEN 48:19	Ar e-bab-Jacobʼdi yapa deyob imakgusad. Geb José-abin sogded: —¡Machi, bato an wisi! Ar Manasés amba dule-nue-nug-nikadga gumogoed. Degi-inigwele, e-urba-Efraínʼdi bur bule nug-nika guoed, degi, e-wagangi dulamar-bukidar akar-akar ainidagoed.
1485	GEN 49:11	Judá mani-ibedga gunonikosoggu, uva-bukidar-nikadba e-moli-uayasuid uva-sailagi edinnoed, e-moli-bipi bur uva-e-wardummadgi edinnoed. Degi, Judá vino-obine-nikadba, e-mor vinoʼgi enukoed. ¡Vinoʼgi, e-mordummad enukbaloed!
1498	GEN 49:24	Degi-inigwele, bedi sikirmaksasulid, be-garganguedba be-warsi be gachii ganigwichi gusad. ¡Jacob-e-Bab-Dummad-Gandik-Maid, dog-nuedye an bega soged! Bedi sibad-wawaad-edarbedyob emar-idumaid, bedi, akwasaila-dule-odukuedyob gued, be Israel-bendakedid.
1499	GEN 49:25	¡Ar ade, be-bab-e-Bab-Dummad be-bendakoed! Bab-Dummad-Bela-Gangued-Nikad, ise-nued begi binsaoed. ¡Nibneggi ise-nued begi binsaoed! ¡Demar-uluba ise-nued begi binsaoed! Bemala, ichesur mimmigan-nika gumaloed, degi, be-mimmigan masgi be-omadii gumaloed.
1637	EXO 5:4	Ar Egipto-reydi, Moisés-abin, degi, Aarón-abin sogded: —¿Ibiga bemar yamo dulemar-melle-arbaega deyob gordanimala? ¡Be namala, be arbanamala!
1640	EXO 5:7	—Israel-dulemar napsa-ginnid-akwayob-sobegala anmar ega gusgu bula-dinnaganagiid ukdaedyob melle ega bar ukmalo. ¡Na emar-sunnad bula-dinnaganagiid aminamalodo!
1650	EXO 5:17	Ar Faraónʼdi abin-sogded: —¡Ar bemar unnila dule-wiegala nanaed! A-ular, bemar sogdidimalad: ‘Anmar ibmar-ogumakar Bab-Jehováʼga uknamaloye.’
1651	EXO 5:18	¡Be arbanamala! Ar bemarga bula-dinnaganagiid uklegosurmar-inigwele, amba gusgu mergu ibagwengi-sobedyobi napsa-ginnid-akwayob-sobaled be sobmalo.
1761	EXO 9:18	¡Degir nued! Neg-oibosar, we-wachigi, dii-akwaga-binyaled, Egipto-dulemar-bukualid-akar, emisgwadse, Egipto-yargi deyob-gwen-babatedisulidi, bela-bela babated an imakoed.
1788	EXO 10:10	Faraónʼdi dodoalegi ega sogded: —¡Eye, be-Bab-Jehová beba naoe! Ar bemar, unnila wakinnedgi binsananaisoggu, ¿ar ande, be-mimmigan bemarba-barmido be an-insae?
1803	EXO 10:25	Moisésʼdi Faraón-abin sogded: —¡Adi surbali! Ar be bur anmarga ibmar-durgan ukoed. Adi, a-ibmar-durgan Bab-Jehová-anmar-Bab-Dummadga ogumaklegar uklegegar.
1902	EXO 14:12	Ar anmar Egipto-yargi-gudigu bega sogsasursi, ‘¡Anmar bur Egipto-dulemar-e-maiga-gued bur nuedye! ¡Ar anmar nega-dulesulidganba-burgwedba Egipto-dulemar-maiga-gued bur nuedye!’
1905	EXO 14:15	Geb degine, Bab-Jehová Moisésʼga sogded: “¿Ar ibiga be anse bendakleged egise? ¡Israel-dulemarga gandikidba be soge, be namarye!
1924	EXO 15:3	Bab-Jehová, dule-bila-onoged-sunsogedid. ¡Bab-Jehováʼye e-nug nugad!
1932	EXO 15:11	Bab-Jehová, ¡bab-dummad-baid bebo wilubdaked sated! ¡Beyob-isligwaled, baid sated! ¡Beyob-dummadid, satebalid! ¡Be ibmar-gegerdakleged-imakedi, dobe-ito anmar-imaked! ¡Ar nabirid, be-nug odummolegergebed!
1986	EXO 17:2	Degisoggu, Moisésʼse sabsur egisdemarsunnad, ega sogdemalad: —¡Anmarga gobega be dii udage! Moisés dulemar-abin sogded: —¿Ibiga sabsur be anse dii egise? ¿Ibiga Bab-Jehová-wilubdakye be sogmala?
2503	EXO 34:6	Bab-Jehová Moisés-asabin-nadapgua, binnasuli weyob sogded: “¡Ani an Bab-Jehová gued! ¡Ani an Bab-Jehová gued! Ani an Bab-Dummad-dutusulidid. Ani an dulemar-wiledaked-dummarbadid, Ani an nue-dulemar-wiledakedid. Ani an wissur-gwae-gwae urwedid, Ani an nue-dulemar-saberbadid. An-ibmar-soged, napiragwadid.
3098	LEV 13:45	Bab-Jehová, Moisésʼga, degi, Aarónʼga sogdebalid: “Dule-yaa-maleged-nikadi mor-achirmakaled yooed, gwiosurbalid, degi, e-wagar-negabar-odukuar-nadapi binnasuli gornadapoed: ‘¡An swilidiksuli! ¡An swilidiksuli!’
3815	NUM 5:22	We-dii-dule-iwisaed begi ubodele, be-saban odunguega-imaksun, geg-anagan-nikuega be-imaksun. ” ’Ome, dule-irwa-anse-goled-abin sogdoed: ¡Ar deyob gudo! ¡Ar deyob gudo!
4198	NUM 16:3	We-dulemar bulakwa-ambikunonimargua, Moisésʼgi, degi, Aarónʼgi isdar-sunmakdemalad. Geb Moisésʼga, degi, Aarónʼga sogdemalad: —¡Bemar, wese be ugakmalo! Ar bela Israel-dulemar bato Bab-Jehováʼgadid, degite, ¿ibiga be binsamala, bemarde Bab-Jehová-sordamar-e-dummadye? Bemar a-sordamar-e-dummagansulid.
4209	NUM 16:14	Emide yala gadi-ibmar-sanmakedse, amba napa-nuedse yoo be anmar-odoged. Degine, amba yoo be anmarga nainumar, degi, nainu-uva-digarmalad be ukbalid. ¿Bela dulemar aku-atakeyobi beba bipirmakdii be abede? ¡Anmar bese naed, satemala!
4210	NUM 16:15	Geb degine, Moisés nue-uluded, Bab-Jehováʼga sogded: —¡We-dulemar bega ibmar-ukalile, melle annik be suo! Ar wemar-ibe moli-uayasuid wargwensaale an sussulid, degine, an we-dulemar bipisaale gwen oakalossulid.
4216	NUM 16:21	—¡Bemar, we-dulemar-abargi be bangumar! Emiskwaa bela we-dulemar an obelogoed.
4229	NUM 16:34	Bela Israel-dulemar-dikarba-bukwamalad a-dulemar-binnasur-boe-itoarmargu, duurmakdemalad, sogdemalad: —¡Anmar wakinmala! ¡Abakalegi napa anmar-doarmogale!
4257	NUM 17:27	Geb degine, Israel-dulemar Moisésʼga sogdemalad: “¡Anmar bela oitolemaloed! ¡Bela anmar burgwemaloed!
4322	NUM 20:10	Moisés Aarón-ebogwa akwa-dummad-asabin Israel-dulemar-danar oambikusad. Geb degine, sogded: “¡Bemar dule-uayasulidamalad, nue itomar! ¿We-akwa-dummadgi anmar bemarga dii-onobi be abemala?”
4358	NUM 21:17	Agine, Israel-dulemar weyob namaksagusmalad: “¡Dii be aryoge! ¡Diaga namakmala!
4368	NUM 21:27	A-ulale, dule-sunmakmalad soged: “¡Hesbónʼse dagmar! ¡Gannar Hesbón-neggwebur sobdamar! Gannar Sehón-e-neggwebur nudakdamar.
4452	NUM 24:5	”¡Jacob-dulemar, ibibayobi be-negmar yeerdaklege, Israel-dulemar, ibibayobi be-danar-danar-bukmalad yeerdaklege!
5724	DEU 30:14	¡Suli, degisuli! Ar Gayaburba begi itakaa gudiid. Ar be-gwabindukugi naid, degi, be-gwagegi maibalid, adi, nabir be a-sogedba-nanamalagar.
5736	DEU 31:6	Degisoggu, ¡be gangumar! ¡Mer galakumar! Ar ade, be-Bab-Dummad-Jehová bemar-idunadapsoggu, melle be we-dulemar dobgumalo, melle ese be gwayemalo. Bab-Jehová walagwen bemar-metosulid, bemargi banguosulid.”
5737	DEU 31:7	Degidgine, Moisés Josuéʼse gochad. Bela Israel-dulemar-bukwad-abargi, Josuéʼga sogded: “Josué, nue salakar. ¡Gatik gandik be imako! ¡Mer galakuo! Bab-Jehová be-dadganga sogsa gusad: ‘We-yar an bega ukedseye.’ Josué, a-yarse be we-dulemarbo dogoed. We-yar, egadga-gumalaga we-dulemarga be ukoed.
5753	DEU 31:23	Geb degine, Bab-Jehová Nun-machi-Josuéʼga, weyob igar-ukded: “¡Nue salakar, gatik gandik-sao! ¡Mer galakuo! Be, Israel-dulemar an yar-ega-ukoye-sogsadse be odogoed. An-sunnad, an beba-gudii guoed.”
5763	DEU 32:3	”An Bab-Jehová-nug soge-soge imakdii guoed. ¡Anmar-Bab-Dummad-nug be odummomar!
5836	DEU 33:24	Moisés, Aser-wagangindi, sogded: “¡Jacob-wagan-baiganba, Aser-wagangi bur ise-nued binsalesad! Bela e-gwenadgan Aser-wagan sabgumarsun. Olivo-gwallugi e-nag enuksun.
5841	DEU 33:29	¡Israel-dulemar, begi ise-nued binsalesad! ¿Ar doa bemaryobi gue? Bab-Jehová bemar-bendaksayobi dule-baid-bendaksasulid. Sigu-abgamaladyob, be-irwa gwisgudiid. Bab-Jehová be-es-suid-be-onakwedga gued. Degisoggu, be-isdarmalad bela bese galakumaloed, bese wilemaloed. Bela-bela bese bingegudii gumaloed.”
5871	JOS 1:18	Dule be-ibmar-sogsadba uayasulidaele, degi, be-igar-uksadba ibsasulile, oburgwilegoed. Josué, bedina, ¡gandik be sao! ¡Melle be galakuo!
5958	JOS 6:7	Josué Israel-dulemargardi sogded: “¡Bemar namar! ¡Jericó-neggwebur-ebirnamar! Ar sordamar-bila-onomaladdi Bab-Jehová-Igar-Mesisad-Ulu-idu nadapi gumalo.”
5967	JOS 6:16	Ilaguglegi (7) Jericó-neggwebur-ebipirismaladgine, dule-irwa-Bab-Dummadse-gormalad gar-trompeta-ogotemargua, Josué dulemarga sogded: “¡Emisgi, binnasuli be gormakmar! ¡Ar Bab-Jehová Jericó-neggwebur bemarga urmaksad!
5985	JOS 7:7	Josué, Bab-Dummadga sognai gualid: —¡Bab-Dummad-Jehováʼye! ¿Ibiga Israel-dulemar Jordán-diwar-obakega be imaksa? ¿Amorreo-dulemarga be anmar-urmakega, Jordán-diwar-obaked be anmar-imaksa? ¿Amorreo-dulemar anmar-obelogega Jordán-diwar-obaked be anmar-imaksa? ¡Ar anmar bur Jordán-diwar-obakar-besmalana nabirinad!
5988	JOS 7:10	Bab-Jehová, Josué-abin sogded: —¡Be gwichigue! ¿Ar ibiga be asgunar napagi mellemai?
5991	JOS 7:13	¡Josué, be gwisgue! ¡Israel-dulemar-swilidik be imake! Ega be sognae: ‘Banedse an-asabin-bukunonimaloed-iduale, na be gwage-swilidik imakmarye. Ani an Israel-e-Bab-Dummad-Jehová soged: Israel-dulemar, bemar-abargine ibmar-obelolegoye-soglesad selediid. Ar we-ibmar-obelolegoye-soglesad bemar-abargi be osulosurmalale, bemar be-isdarmaladgi be nakosurmalad.’
5997	JOS 7:19	Geb degine, Josué, Acánʼga sogded: —Machi, Israel-dulemar-e-Bab-Dummad-Jehová-nug be odummoge, ar ede nued ibmar imakdiiye. Emigindi, be ibmar-imaksad anga soge. ¡Melle be angi odukue!
6005	JOS 8:1	Bab-Jehová, Josuéʼga sogded: “¡Melle be dobguo, melle be sikirmakbalo! Beba be bela dulemar-bila-onomalad sede, Hai-neggweburse be bila-ononamala. Hai-neggwebur-e-reygi, degi, e-dulemar-bila-onomaladgi nakwega an be-imakoed. Bemar e-neggwebur, degi, bela e-yala be sumaloed.
6051	JOS 9:12	Anmar bemarse argua, anmar-madumar bini-bini, degi, ue-ue nanaenad. ¡Ar emigindi be dakena! Anmar-madu bato dutusur-nanaed, udubiinbalid.
6499	JOS 24:21	Ar Israel-dulemardi, Josuéʼga gannar sogdemalad: —¡Anmar bipisaale deyob guosulid! Unnila anmar Bab-Jehová-nugbi odummodii guoed.
6598	JDG 3:28	Degi, Aod Israel-dulemarga sogded: “¡Anba dagmalo! Bab-Jehová, anmarga Moab-dulemar-urmaksad.” Geb Israel-dulemar Aodʼba duurmakdemalad. Degi, Moab-dulemar-ibe Jordán-diwar-obakleged-igarmar susad, Moab-dulemar asik bar obakega imaksasulid.
6634	JDG 5:9	”Israel-dummaganba an naid, dulemar na e-binsaedba bila-onogedgi-urwemaladba an naibalid. ¡Bab-Jehová-nug be odummomar!
6646	JDG 5:21	Canaán-sordamar, Cisón-diwar obelolesmalad. Cisón-diwarde, gusgu dikasurgus-maid. Ani an Débora-gued, ¡Gandikidgi an naoed!
6678	JDG 6:22	Agine, Gedeón magar-daksad, wede Bab-Jehová-e-baliwitur gue. Degidgine na sogded: —¡An duledar-wiles! ¡Bab-Jehová, an bela! Bab-Jehová-Bur-Birigined, be-baliwitur-e-wagar an nue-daksa.
6714	JDG 7:18	An an-sordamarbo gar-trompeta-ogotele, bemar bela anmarba Madián-sordamar-bukwad-dikarba bemar gar-trompeta ogotemarmogo. Geb weyob ise-gormakar be gotemaloed: ‘¡Bab-Jehová-nuggi anmar urwemar! ¡Gedeón-nuggi anmar urwemar!’ ”
6716	JDG 7:20	Sordamar dana-danad-sogapaagwad-baid gar-trompeta-ogotemargu, buglumar-mamarismarmogad. Degi, argan-sapiledsik acha-gwallu semamaid, argan-nuedsik gar-trompeta ogornadapmalad, degi, ise-gormakar gotemalad: “¡Dakebinne! ¡Bab-Jehová-nuggi anmar es-suidgi urwemar! ¡Gedeón-nuggi anmar es-suidgi urwemar!”
6740	JDG 8:19	Degidgi, Gedeón binnasur sogded: —Bemar, an-gwenadgan-oburgwismalad. ¡Bab-Jehová nue-dula-mai dakledo! Ar bemar an-gwenadgan-oburgwissulina, emi-ibagi, an bemar-oburgwedgi-binsasulindo.
6794	JDG 9:38	Zebul abin-sogded: —¿Igi be iduar we-dulegi ulusgussunna? Bede weyob egi sogsagusad: ¿Abimelecʼde doaye wissoge? Ar deyob be we-dulegi dodosgussursi. ¡Emisgi be nae! ¡Egi be bila-ononae!
6908	JDG 13:22	Degi, Manoa e-omega sogded: —¡Anmar, bela! ¡Anmar Bab-Dummad-daksad! ¡Anmar burgoed!
6927	JDG 14:16	Degidgi, e-omegwa ise-boale Sansónʼgi matak-nagusad, ega sogded: —¡Be anbina sogsulid! Isdar be an-daked. Be an-dulemarga-oeged-sogsadi, be anga odaloge. Sansón abin-sogded: —An-sergangarbela an sogsasulid. ¿Begardi nabir an sogode? Adi sula.
6960	JDG 16:9	Dalila-e-gabedneggi bato guakwaa Filistea-dulemar nakulegega bukwasoggu, Dalila Sansónʼse binnasur goted: —¡Sansón, Filistea-sordamar begi gwichigudani! Sansón gwichiguargu, e-gugmakaled dub-nunudyob itirisad. Degisoggu, Filistea-dulemar Sansón-e-gargangued-siid wisgussurmalad.