388	GEN 16:6	Geb degine, Abram Sarai-abin sogded: —Be-itoleged, be-mai begi siid. Ar igi be Agar imakbie, be imakodo. Geb degine, Sarai sabsur Agar-imakalid. Degisoggu, a-ular, Agar wakitesunnad.
428	GEN 18:3	Abraham amarga sogded: —An-dummad, an bese ise-wilesakwaa egised, melle be bakar nao. An-negse be obunnoda.
917	GEN 31:43	Geb degine, Labán Jacob-abin sogded: —Be-omegan, an-sisganad. Burwigana, an-waganad. Sibad-wawaadmar, an-sibad-wawaadmalad. ¡Bela we-ibmarmar be dakedi, bela angadbiid! Ar an-sisgansoggu, ¿igi an bar saosunna? Degine, an-sisgan-mimmiganbarsoggu, ¿igi an imakbalosunna?
922	GEN 31:48	Geb degine, Labán sogded: —Emi-ibagi, we-akwa-dunnumakbukwad anmar-igar-mesnaid-e-wilubgan-oyogega gued. A-ular, a-nega Galaadʼye nuggusad.
1002	GEN 34:21	—We-dulemar, anmar-aimalad. Anmar-abargi megmaloed, degi, wegi arbamaloed, ar ade, unniguar napa naid. Sunna anmar wemar-sisgan nikumalad, degi, wemar sunna anmar-sisgan nikumarmogad.
1181	GEN 40:8	Amar abin-sogdemalad: —Anmar-gabdaksadi, dule-anmarga-oduloged sated. José abin-sogded: —¿Ar ade, Bab-Dummad gabdaked-odulogedsursi? Bemar anga soge, igi bemar gabdaksamala.
1319	GEN 43:28	José-e-iamar bela napase dulluu José-abin imakdemalad. Geb degine, ega sogdemalad: —Anmar-bab, be-mai, nued gudii. Amba dula gudii.
1422	GEN 47:1	José, Faraón-owisonaded, ega sogdapid: —An-bab, degine, an-iamar-Canaán-yargi-mamaid, emi bato Gosén-yarse nonimalad, bela ibmar-nikad, sibad-wawaadmar, degi, moli-bebe-nikmalad senonimarbalid.
1461	GEN 48:9	José e-bab-abin sogded: —We-masmala, Bab-Dummad anga we-Egipto-yargi uksadid. Geb degine, e-bab Joséʼga sogded: —Be-masmala wis gatik anse walikaa be nidage, adi, ise-nued-an-egi-binsaedgi ibmar ega sogegar.
1686	EXO 6:30	Ar Moisésʼdi Bab-Jehová-abin sogded: —Bab-Jehová, ar ande gale-gale sunmaksoggu, ¿igi Faraón an-ibmar-ega-sogedba ibmar-imakosunna? An-sogedba ibmar imakosuli.
1787	EXO 10:9	Moisés Faraón-abin sogded: —Anmarba-namaloedi, wemalad: Anmar-mimmiganmar, anmar-serganmar, anmar-machimala, anmar-bunamala, anmar-sibad-wawaadmar, degi, anmar-moli-bebe-nikadmar. Ar ade, anmar, anmar-Bab-Jehováʼga iba-dummad onogoed.
2450	EXO 32:11	Geb degine, Moisés e-Bab-Dummad-Jehová-urwed-bargaegala, ega sogded: —Bab-Jehová, ¿ar ibiga sae-itogedba be-dulamar be obelodagoe? ¿Ar na be Egipto-yargi be-gangued-dutusulidba onossursi?
2494	EXO 33:20	Bab-Jehová sogdebalid: —Degi-inigwele, an-wagardi be dakosulid. Ar dule bipisaale an-wagar dakosurguoed. Dule an-wagar daksale, bar dula-gudii guosulid, burgoed.
4053	NUM 11:28	Agine, Nun-machi-Josué, sapingwagwad-akar Moisés-bendakdiid, Moisésʼga sogded: —Dummad-Moisés, melle we-dulemar Bab-Dummad-Burbaba-sunmaked be imake.
4217	NUM 16:22	Moisés Aarón-ebogwa na e-wagar napase dulluu imakdemalad, geb sogdemalad: —Bab-Dummad, ar bee be, bela dulemarga san-burba-dulad-ukmaid. ¿Unnila dule-wargwenbi begi isgusad-ular, bela dulemar sabsur be odurdakode? Sulirgebed.
4749	NUM 32:29	Weyob amarga sogded: —Gad-wagana, Rubén-wagana, Bab-Jehová-sogedba bemarba bila-ononaegala, Jordán-diwar-obaksamalale, degi, Bab-Jehová bemarga-yar-uknonimalale, geb bemar ega Galaad-yala ukmarmogoed, adi, a-yala emargadga guegar.
5950	JOS 5:14	Machered, Josué-abin sogded: —¡Suli, an dulemar-sordasuli! Andi an Bab-Jehová-e-sordamar-e-Dummadid. Geb Josué dule-asabin napase dulluu e-wagar imaksad, a-dulese egichided: —An-Dummad, be-maiga, ¿ibi igar be ukdanisunna?
6668	JDG 6:12	Gedeónʼse Bab-Jehová-e-baliwitur ukiar magar-gunonigu, ega sogded: —Be-dule, bila-onogedgi-niga-nollosulidid, Bab-Jehová beba naid.
6823	JDG 10:10	A-ulale, Israel-dulemar Bab-Jehováʼse e-bendakega ise-wilegar gotemalad: —Bab-Jehováʼye, anmar begi isgusmalad. Anmar be-obachamalad. Anmar bab-dummagan-Baalʼmar-e-nug-odummodii gudmalad.
6828	JDG 10:15	Israel-dulemar Bab-Jehová-abin sogdemalad: —Bab-Jehováʼye, suli. Anmar begi dummad-isgusad. Igi be anmar-imakbie, be-itolegedba be anmar-imakdo. Unnila anmar bese wilesagwa egisdo, we-ibagindi wis be anmar-bendakye.
7046	JDG 19:20	Dador ega sogded: —An-ai, bonisuli, an-negse an be-sedoe. Amba be ibmar-galakuele, ani an bega ukoed. Degisulile, mer wegi, dulemar-ambikuedgi be gabmalo.
7049	JDG 19:23	Neg-ibed, dulemar-abin nodgu, ega sogded: —An-aimar, mer deyob be damar. Ar we-dule an akwedisoggu, mer yogasaar be deyob neg-oakalomalo.
7074	JDG 20:18	Geb Israel-sordamar Bab-Dummadse-goled-negse nadmalad, Bab-Dummadse egisega, ega sogega: —Anmar-sordamar, ¿doa-inse Benjamín-sordamargi bila-ononaoe? Bab-Jehová abin-sogded: —Judá-e-sordamar-inse onodoe.
7157	RUT 2:6	Arbamalad-dummad abin-sogded: —We-bunagwa, Moabʼginedid, Noemíʼba Moab-akar danikid.
7170	RUT 2:19	Geb e-saka ega sogded: —¿Be bia arbaapi? ¿Bia cebada ichesur be wesa? Bab-Dummad a-dule-bendakena gadin, dule-begi-nued-binsasad. Rut e-sakaga bela sogsad, doa-nainugi arbasa. Ega sogded: —Emi-ibagi, dule-e-nainugi-an-arbasad, Boozʼye nugad.
7468	1SA 12:6	Deginbali, Samuel Israel-dulemarga sogdebalid: —Bab-Jehová, bemar-barsogega gued. A, Moisés, degi, Aarón-susgusad, adi, Egipto-yargi be-dadgan-onogegar.
7579	1SA 15:17	Geb degine, Samuel ega sogded: —Wede-nabirsursi, amba be gwen ibmarga-gued-itossulid-inigwele, degite, Israel-dulemar-sogambe-gakabogwad-e-dummadga (12) be megnonikid. ¿Ar Bab-Jehová Israel-e-reyga-megega be-nug-imaksasursi?
7605	1SA 16:8	Geb degine, Isaí Abinadabʼse gochad Samuelʼga oyogega. Samuel, Isaíʼga sogded: —Bab-Jehová, we nug-imaksasulid.
7675	1SA 17:55	Ar David, Filistea-dulebo-urwenaigu, Saúl, e-sordamar-e-dummad-Abner-nugadse egichad. —We-machigwa, ¿we doa e-baba? Abner abin-sogded: —Dummad, napira an bega soged, an wissuli, ar doa e-baba.
7799	1SA 22:9	Agine, Edom-dule, Doegʼye nugadi, Saúl-e-sordamar-e-dummagan-abargi gwismogad, ega sogded: —Isaí-machi, Nobʼgi, Ahitob-machi-Ahimelecʼbo sunmaknai an daksad.
7802	1SA 22:12	Saúl, Ahimelecʼga sogded: —Ahitob-machi, be an-itoge. Ahimelec ega sogded: —Dummad, sogdena.
7815	1SA 23:2	Degidbali, David Bab-Jehováʼse idakded, ega sogded: —Bab-Jehováʼye, ¿Filistea-sordamargi an bila-ononaoe? Bab-Jehová abin-sogded: —Be nae. Filistea-sordamargi be bila-ononae. Keila-neggwebur be bendaknae.
7925	1SA 26:17	Saúl, David-gaya-magar-itosgua, sogded: —Machi-David, ¿ar bee be sunmakgwichi? David abin-imaksad: —Dummad-rey, ani an sunmakgwichi.
8311	2SA 12:22	David e-sapin-dummagan-abin sogded: —Mimmi-nailikgumaiun, an mas-gunbisur-gusad, ise-boar an-gudii gusbalid, an binsasad: ‘Abakar Bab-Jehová wile an-dakalirye, anga mimmi-bendakalirye.’
8324	2SA 13:4	Jonadab, Amnónʼga sogded: —Rey-machi, ¿ibiga be garagus daklege? Deyob be ibagan-obelomai an be-daked. ¿Igi be itoge? ¿Anga be sogosurde? Amnón abin-sogded: —An-urba-Absalón-e-bun-Tamarʼbina nue an soged.
8371	2SA 14:12	Ome ega sogdebalid: —Dummad-Rey, napi an bega ibmar sogbied. Rey-David ega sogded: —Sunmakdena.
8378	2SA 14:19	Rey ese egisded: —¿Joab, wese be-barmiali? Ome abinsaded: —Dummad-Rey, be-nuggi napira an soged. Ar nabir be soge. Ar be-sorda-Joab bebo-sunmakega bese an-barmialid. Degine, bela an bega ibmar-sogsadi, Joab anga sogsad, deyob be reyga sogoye.
8401	2SA 15:9	Rey ega sogded: —Boni-sate, be nae. Agi Absalón Hebrón-neggweburse nade gusad.
8407	2SA 15:15	Rey-David-sordamar rey-abin sogdemalad: —Rey-David, be anmar-dummadid. Anmar guakwagwad, be-sogedba anmar imako.
8503	2SA 18:22	Sadoc-machi-Ahimaas gannar Joabʼga sogdebalid: —Degi-inigwele, amba an Etiopía-dule-sorba abarmakdoe. Joab abin-sogded: —Machi, ¿ibiga be abarmakdoe? We-gayaburba-berbenaoedgi ibnued gwen be amiosulid.
8508	2SA 18:27	Dule-nakulegwichid sogded: —An dakedi, dule-idunaid Sadoc-machi-Ahimaasʼyob abarmaked. Rey-David abin-sogdebalid: —We-dule, dule-nuedi, gaya-nued sedaniki.
8509	2SA 18:28	Ahimaas, Rey-David-asabin-nonigua, Davidʼga sogded: —Nued-sogeye. Agi Ahimaas dulluu napase imaksad. Geb Davidʼga sogded: —Rey-David, be-Bab-Dummad-Jehová-e-nug odummolesun. Ar aa, be-isdarmalad-begi-aibichamalad, bela bega urmaksad.
8536	2SA 19:23	David abin-sogded: —Sarvia-masmala, mer be achamalo, we-igar bemargadsulid. Emide, aka be an-isdarmaladyob angi be yolenanaid. Israel-e-reyga gannar an gunonikid-ibagi, ¿sunna dule-oburgwilego be ebinsae? Suli.
8588	2SA 21:5	Gabaón-dulemar Rey-David-abin sogdemarbalid: —We-Saúl, Bab-Dummad-reyga-nug-imaksad anmar-wiosad. Anmar-gindaknai gusad, Israel-yargi anmar-ogilonai gusad.
8698	2SA 24:3	Joab, Rey-David-abin sogded: —Dummad-rey, be-Bab-Dummad-Jehová, emi be sordamar-nikadba, sunna bega bela-bela be-sordamar-omerguega imaked. Be-sunnad be daksaled. Degisoggu, ¿ibiga be sordamar ebisbisunna?
8716	2SA 24:21	geb ega sogded: —Dummad-rey, ¿ibiga weyob be anse daniki? Rey-David abin-sogded: —Ibmar-gwag-omukuleged-neg-bakega an danikid. Degi, Bab-Jehováʼga ibmar-ogumakar-ukleged-aila agi sobega an danibalid. Adi, boni-sordagan-ogilonaid berguegar.
8717	2SA 24:22	Arauna, Davidʼga sogdebalid: —Dummad-rey, be-dakedba be napa sue. Be-dakedba Bab-Dummadga be ibmar uksunna. Aginbali, ibmar-ogumakar-uklegedga wegi moli-bebe-nikad bukwad. Suarmar-moligi-edilleged sunna be sapanga imaked, urgomar-ibmar-gwagmar-omukued be sapanga imakbaloed.
8744	1KI 1:24	—Dummad-rey, ¿ar be sogsasi, an-sorba Adonías yar seoye? ¿An-sorba Adonías rey-gangi-sigoye? Sulirgebed.
8751	1KI 1:31	Betsabé, e-dummad-dakedba, Rey-David-abin dulluu napase imaksad. Geb sindigar-sii reyga sogdemogad: —Dummad-rey, be-anga-ibmar-soged, nueganbi, boni sulid. ¡Be undar degisadegu dula-megena gadina!
8771	1KI 1:51	Salomónʼga sognonimalad: —Rey-Salomón, Adonías be-dobedba, ibmar-ogumakar-ukleged-ailagi moli-bebeyob-gwichidgi akas nagusye. Agi, Adonías sognaye: ‘Rey-Salomónʼye, anga ise-sogar-sogbi an abeye, Adonías anse es-suidgi oburgwilegosurye.’
9351	1KI 18:7	Abdías igarba-nadapgu, na Elíasʼbo abingunonikid. Abdías, Elías-dakargu, abin dulluu napase imaksad. Geb ega sogded: —Dummad-Elías, ¿Be Elíasʼye?
9359	1KI 18:15	Elías ega sogded: —Bab-Jehová, Bela-Gangued-Nika maid. An e-maiga-gudiidgine an bega soged, emi an Acabʼbo sunmakoed.
9443	1KI 20:32	Degidbali, Ben-Adad-sordamar Israel-dulemar-e-reyse nade gusmalad. Ega wilesagwadgi sogdapmalad: —Ben-Adad-be-maiga-gudiid weyob sogye: ‘Wile wis be an-dake, mer be an-oburgoye.’ Rey-Acab abin-sogded: —Ben-Adadʼde, ¿amba dula-gudii? We-dule an-gwenadyob gued.
9445	1KI 20:34	Ben-Adad, Acabʼga sogded: —An-bab, be-bab-ibe neggweburmar-susad, gannar an bega uko. Aginbali, Damasco-neggweburgi sunna ibmar-ukleged-neg be sied, igi an-bab Samaria-neggweburgi imaksamoga, deyob be imakmogad. Acab abin-sogdemogad: —Deyob be anga sogele, degirdi, bar an be-gaosulid. Agine, Acab, Ben-Adadʼbogwa igar-mesnai gusad. Geb deyob Acab, Ben-Adad-indaksa gussunnad.
9488	1KI 22:5	Agine, Josafat, Israel-reyga sogdebalid: —Degi-inigwele, a-iduale, Bab-Jehováʼse be idakgwelergebed.
9508	1KI 22:25	Micaías abin-sogdemogad: —A-ibagine, be-sunnad be wisgunonikoed, geb be dukudii guoed.
9511	1KI 22:28	Micaías abin-sogded: —Be nuedgi gannar aibirisale, soglegodo, ‘Bab-Jehová anga sunmaksasurye.’ Geb dulemar-bukwadga sogded: —Dulemar-bukwad, an-ibmar-sogsad be nue ebinsamalo.
9545	2KI 1:8	Geb ega sogdemalad: —A-dule, ibmar-durgan-absar-wawaad yoid, degi, moli-uka musirba naid. Rey amar-abin sogded: —¡Degirdi, we, Elías Tisbe-dule!
9690	2KI 6:12	Sorda-idumalad-wargwen abin-sogded: —Dummad-rey, anmarginsuli. Bab-Dummad-gayaburba-barsoged-Eliseo Israelʼgi-maid, a, Israel-e-rey-owisodaed. Ar be-neg-gabed-yaba be ibmar-sog-inigwele, bela wisid.
9736	2KI 8:5	Giezi, Eliseo machi-bipi burgwar-mai gannar-odulosgusadgi, reyga sunmaksiidgi, machi-bipi-e-nan reyse dognonikid, e-neg-megisad, degi, e-napanegmar gannar egisega nonikid. Geb Giezi, reyga sogded: —Dummad-rey, we, a-omegwa-dake, we, a-machi-bipibalid, Eliseo we-machi-bipi burgwar-mai gannar-odulos gusad.
9805	2KI 10:8	Geb dule-gayaburba-berbeged Jehúʼse nonikid, ega sognonikid: —Acab-masmala-nono senonimar. Geb Jehú ega sogded: —Neg-oibogedse, neggwebur-yawagak-dogedgi be danabo urbemalo.
10158	2KI 22:9	A-sorbali, dule-garda-narmaked-Safán, rey-owisonaded, geb ega sogdapid: —Bega-arbamalad, Bab-Jehováʼse-goled-neggi manimar-bukwad wesmala, geb dule-arbananaimaladga uklesad, degine, Bab-Jehováʼse-goled-neg-nudaknanaid-dakmaladga uklesbalid.
10789	1CH 14:10	Degisoggu, David, Bab-Dummadse idakded, ega sogded: —Bab-Dummadye, ¿Filistea-sordamargi an bila-ononaoe? ¿Be Filistea-dulemargi-obinega be an-imakoe? Bab-Jehová abin-sogded: —Be bila-ononae. Filistea-sordamar bese galakuega an imakoed.
10962	1CH 21:23	Degi, Ornán, Davidʼga sogded: —Dummad-rey, be-dakedba na be neg sue, an binsa bega uked. Bab-Dummadga-ogumakar-ukega an moli-bebe-nikad-machered-alugwasualed bega uko. Degi, trigo-naged-urgo sapanga-imakega an bega ukbalo. Deginbali, trigo-gwag an bega ukbalo. Bela we-ibmar maniginsuli an binsa bega uko.
11716	2CH 25:7	Geb Bab-Dummad-e-dule Rey-Amasíasʼse nonigusad, ega sognonikid: —Rey-Amasías, mer Israel-sordamar beba be nido. Ar ade, Bab-Jehová, Israel-sordamarba, degi, Efraín-dulemarba naisulid.
12366	NEH 3:34	Geb Sanbalat e-gwenadgan-wagab, degi, Samaria-sorda-bila-onomalad-wagab sogded: —We-Judíoʼmar, gegegana, ¿we, ibu-imaknanai? ¿Wede we-neggwebur-galu gannar sobmaloye sogmarde? ¿Ar Judíoʼmarde gannar e-Bab-Dummadga ibmar-ogumakar-uknai-guoye sogmarde? ¿Ar ibagwen-dummad we-arbaed gagamaloye sogmarde? ¿Ar akwa-gummaksamalad, bela ubigwar-gusmalad, gannar ebugoye sogmarde, we-galu gannar a-akwagi sobegar? Adi surbali.
12721	EST 1:15	Geb Rey-Asuero we-dulemarse egichided: —Igar-maidbali, ¿an-ome-Vasti, igi imaklegergebe? Ar ade, an-gayaburba-berbemaladba an ega igar-uksagusadba gwen ibsassulid.
12787	EST 5:4	Geb Ester abin-sogded: —Dummad-Rey, be nabir itodibe, emi an bega masgunned-iba-onosokalidse, be, Amánʼbo be dagbi an be-abedo.
12800	EST 6:3	Geb agine, rey egichialid: —Mardoqueo, weyob ibmar-imaksad-ulale, ¿ibu ibmar-nued ega uklesa? Reyga-arbamalad, degi, e-sordamar-idudimalad, reyga sogdemalad: —Dummad-Rey, we-dulega ibmar-nued uklessuli.
12819	EST 7:8	Rey-Asuero reyneggi-dutumar-galuse-gudiidgi gannar neg-mas-gullenaidse-dognonigua, daknonikid, Amánʼdi, Ester-maidgi dulluu gunai. Rey weyob-daksagua, binnasur goted: —An-wagab, an-neggi, ¿be an-ome gagabibarde? ¡Adi, sulirgebed! Suar-ibmala Rey weyob-gole-itosmargua, dognonimalad. Geb Amán-e-wagar edusmalad.
17850	ISA 6:11	Geb an ese egichided: —Bab-Jehová, ¿sanagwadse an be-nuggi sunmakdii gusunnoe? Bab-Jehová anga sogded: —Bela neggweburmar-obelolegedse be an-nuggi sunmakdii guoed. Bela negmar-ollo-ollo-ambikuedse be angi sunmakdii guoed. Dulemar a-neggweburmargi-bar-gudii-guosulidse be an-nuggi sunmakdii guoed. Nainumarbela-swiri-naguedse be angi sunmakdii guoed.
17864	ISA 7:12	Acaz abin-sogded: —Bab-Jehová, an be-wilubdakosulid. An bese bipisaale ibmar egisosulid.
19973	JER 38:9	—Dummad-rey, we-dulemar Jeremíasʼgi nue sabsur-urwenanaimalad. Dia-yagi metemalad. Agi sii, Jeremías ukudba burgo an daked. Ar neggweburgi madude bergusad.
19976	JER 38:12	Geb Ebed-Melec, Jeremíasʼga sogded: —We-mormala, degi, mor-isganamala, be-senya-urba be nasiko, adi, melle urdubgi be ebillegegar. Jeremías deyob imaksad.
21837	DAN 2:10	Geb Caldeo-dule-nerguarmalad rey-abin sogdemalad: —We-napneggine, dule-wargwensaale we-igar-be-egisnaid-oduloged gudisulid. Deginbali, rey-wargwensaale, dule-dummad-negdakmaid-wargwensaale, degi, dummad-wargwensaale, ibmar-burbaled-oyoged-nergudimaladse, dule-ibmar-burbaled-wisid-nerguarmaladse, degi, Caldeo-dulemar-binsaed-ibedmarse, weyobi, ibmar egisdisurmalad.
21892	DAN 3:16	Sadrac, Mesac, degi, Abednego, Rey-Nabucodonosor-abin sogdemalad: —Dummad-rey, anmar na san-bendakegala bega akar sogosulid.
21925	DAN 4:16	Degidgine, Daniel-Beltsasarʼye-nugbalid, we-ibmargi-binsa-gwichidbali na bela-bela bukib-itogwichi gualid. A-ulale, Rey-Nabucodonosor weyob ega sogded: —Beltsasar, we-gabdaklesadba, e-odulolegedba mer be bukib-binsae. Daniel weyob abin-imakded: —An-dummad, we-gabdaked, e-oduloged, bitigi be-isdarmaladgi, degi, begi-isdar-binsadimaladgi gusana gadin.
22553	AMO 8:3	Bab-Jehová-Bur-Gandik-Maid sogded: —A-ibagangi, reyneggi-namaklemalad, boedga guoed. Dulemar-bukidar yogasaar burgwar-burgwar omilede gumaloed. Degi, bogidikidgi muimar yogasaar metemaloed.
22639	JON 4:2	Geb Jonás, Bab-Jehováʼse goted. Weyob ega sogded: —Bab-Jehová, ¿ar an we-obarissursi, deunni an-yargi an gudigu? Agala, an Tarsis-neggweburse nadegusanad. Ar an nue-wisid, be, Bab-Dummad-emar-saberbadid, be, wile-emar-dakedid. Be wissur-gwae-gwae urwebalidid. Ar be, dulemar-nue-sabsoggu, emar-sabsur-odurdakoye be sogdaenad, degite, be sorba sogdedabalid, be-isgued bergusye.
23433	MAT 8:19	Degine, geb garda-narmaked-dule-wargwen Jesúsʼse nonikid, ega sognonikid: —Odurdaked-saila, ar bia be naoe, an beba naiguodo.
23450	MAT 9:2	Agi dule-wargwen, bela-abagan-burgwar-nikad ese dule-megedgi-mai senonimalad. Ar Jesús dule-senonimalad-egi-gwen-bensuli-dakdegu, dule-abagan-burgwaledga sogded: —An-ai, gandik na be imako. Be-isgued an bega elisun.
23596	MAT 12:38	Agi geb gwen-gwen Garda-Narmaked-Dulemar, degi, Fariseoʼmar, Jesúsʼga sogdemalad: —Odurdaked-saila, anmar-wagab ibmar-wilubgan-dakledisulid anmarga be imake, adi, anmar mag dakega, be Bab-Dummad-nuggi-sunmaked napiragwadi.
23906	MAT 21:11	Dulemar-bukidarad-Jesúsʼba-danimalad sogdemalad: —We-dule, Jesús Bab-Dummad-gayaburba-barsoged, Nazaret-neggweburginedid, Galilea-yarginedid.
23957	MAT 22:16	Degisoggu, Fariseoʼmar, e-sapingan Herodes-sordamarmala, Jesúsʼse barmisad. Jesúsʼse nonimargu, ega sogdemalad: —Odurdaked-saila, anmar be-wisdo, be dule-ibmar-napiragwad-soged-duled, igar-napiragwadba Bab-Dummad-igar be odurdaked, degine, baisur be itoged igi dulemar begi binsae, ar ade, bedi emarbi be dulemar-daked.
23965	MAT 22:24	ega sogdemalad: —Odurdaked-saila, Moisés sogsagusad: ‘Ia mimmi-nikussuli ome-idu burgwisale, e-urba a-ome-nikuoye, adi, e-iaga anagan-urbegar.’ Deuteronomio 25:5
23977	MAT 22:36	—Odurdaked-saila, Bab-Dummad-Igar-Maidgi, ¿igid bur igar-biriginedi?
24148	MAT 26:25	Geb degi, Judas, darba-Jesús-ukoedi, Jesúsʼga sogded: —Odurdaked-saila, ¿ani an be-ukoye? Jesús ega sogded: —Eye. Ar bato na be sogsad.
24172	MAT 26:49	Geb Judas yog Jesúsʼse naar imaksad, ega sogded: —Odurdaked-saila, ¿be nuedi? Geb degi, ei wagar usa imaksad.
24194	MAT 26:71	Pedro yawagakse-nadgu, bunagwa-baid Pedro-dakarbalid. A-bunagwa, dulemar-bukmaladga sogded: —We-dule, Jesús-Nazaretʼginedba gudii an daksamogad.
24240	MAT 27:42	—We-Jesús, dule-baigandi nabir bendaksad, edi dukin geg na bendaked. Ar Jesús Israel-Dulemar-E-Reyle, nakrusgi-naid aidedadeen, geb agi anmar egi benguosulid.
24252	MAT 27:54	Roma-suar-ibed-sordamar-dulatar-sediid (100), degine, e-sordamar, Jesús-edarbebukmalad, negabandur-nagusad-daksamargu, degi, bela ibmargusad-daksamargu, bela nue-dobe-ito nadmalad, sogdemalad: —We-dule, nue-Bab-Dummad-Machi-sunnadid.
24308	MRK 1:24	—Jesús-Nazaretʼgined, ¿ibiga be anmargi gwisgudaniki? ¿Be anmar-obelogega daniki? Ar an be-wisid, be doa-dule gue. Be, Bab-Dummad-E-Dule-Isligwaledid.
24347	MRK 2:18	Ibagwengine, Juan-e-sapingan, degi, Fariseoʼmar-e-sapingan Bab-Dummadse-golega mas-gunsuli gudimalad. Dulemar deyob dakarmargua, Jesúsʼse egisnonimalad: —Juan-sapingan, degi, Fariseoʼmar-sapingan, Bab-Dummadse-golega mas-gunsuli gudimalad. ¿Ibiga be-sapingandi, Bab-Dummadse-golega mas-gunsuli geg-gudii gue?
24389	MRK 3:32	Dulemar-Jesús-dikarba-bukmalad, Jesúsʼga sogdemalad: —Be-nan, degi, be-urbamar magaba be-edarbebukmalad.
24430	MRK 4:38	Jesúsʼdi ursorba nono-onakwed-birgi nono-onakwiis gabmaid. Degisoggu, e-sapingan Jesús-odaksamalad, ega sogdemalad: —Odurdaked-saila, ¿baisur be anmar-dake anmar burgwisar?
24452	MRK 5:19	Jesús eba-dagega imaksasulid, ega sogded: —Be-negse, be-gwenadganse be nae, Bab-Dummad bela bega ibmar-imaksad be sogna, degi, igi nue-wile be-daksabali be sogbalo.
24514	MRK 6:38	Jesús, abin-sogded: —¿Bule-melu, bemar madu nikasunna? Be daknamala. Dakapmargu, e-sapingan Jesúsʼga sognonimalad: —Madu-gwaatar, degi, ua-ukabo anmar nikad.
24612	MRK 9:5	Geb Pedro Jesúsʼga sogded: —Odurdaked-saila, wegi anmar gudiid, we nueddo. Anmar neg-matargana-gwapaa sunna sobmalad: Gwagwen bega, baid Moisésʼga, degi, baidbali Elíasʼgarmo.
24624	MRK 9:17	Dule-wargwen dulemar-abargi-gwichid gollalid: —Odurdaked-saila, an wegi an-machi begala sedanikid, ar ade, an-machigi niaburba-geg-sunmaked maid.
24636	MRK 9:29	Jesús, abin-sogded: —Nia-wegiimalad, unnila Bab-Dummadse-goledgi, degi, mas-gunsuli-gudiguedgi onoleged.