7	GEN 1:7	Deyobi, Bab-Dummad neg-olloled-dummad nasiksad. Neg-ollor-dummad-birgi dii nagunonikid, degi, neg-ollor-dummad-urba dii nagunonibalid. Deyob gunonikid.
8	GEN 1:8	Bab-Dummad a-neg-olloled-dummad mogir-aradye onugsasad. Weyob neg osedosad, geb neg oibosbalid. Deyob, ibabogwadgi neg gusad.
25	GEN 1:25	Bab-Dummad bela ibmar-durgan-sapurbarmalad na egad-egad-balibimaladba obinnisad. Ibmar-durgan-sunna-akwilemalad bela na egad-egad-balibimaladba obinnisbalid. Degine, ibmar-durgan-napagi-garmakdimalad bela na egad-egad-balibimaladba obinnisbalid. Bab-Dummad dakded, we-ibmar bela nueganbi.
40	GEN 2:9	Agine, Bab-Dummad-Jehová sapimar akar-akar bela yeerdaklemalad ainiega imaksad. A-sapimar-e-san bela yeer-gulle imaksad. Nainu-nued-abargi, sapi-wargwen gwichid. Dule we-sapi-e-san guchale, dula-gudii guoed, gwen burgosulid. Degine, sapi-baid gwichibalid. Dule we-sapi-e-san guchardina, wisguoed, ibu ibnuedi, ibu ib-isganabali.
43	GEN 2:12	Havila-yargine or-nikadi, or-nuedid. Agi sapi-nued-gichi-nikad-bedelioʼye-nugad nikad. Degi, akwa-nued-óniceʼye-nugad nikabalid.
47	GEN 2:16	Agine, Bab-Dummad-Jehová dulega igar-uksad: “We-nainu-nuedgi sapimar-bukwad-e-sanmar sunna bela be gunned.
48	GEN 2:17	Unnila sapi-wargwen-e-sandi melle be gunno. We-sapi, ibmar-nued-wisi, ibmar-isgana-wisi dule-saed. A-sapi-e-san be guchale, a-ibagi be burgoed.”
52	GEN 2:21	Geb degine, Bab-Dummad-Jehová Adán-ise-nue-gabega imaksad. Adán nue-gabmaigu, Bab-Jehová Adán-e-dikargar-wargwen onosad. Geb Bab-Dummad-Jehová gannar Adán-e-san edisad.
57	GEN 3:1	Bab-Dummad-Jehová we-napneggi bela ibmar-durgan obinnisad. Amar-abargi, naibedi ibmar-durgan-baiganba dule-binsaed-gaedgi bur buledid. Naibe omega sogded: —¿Etto, Bab-Dummad bemarga sogsa: ‘We-nainu-nuedgi sapimar-gwichid-e-san melle bipisaale gunmaloye?’
58	GEN 3:2	Ome naibe-abin sogded: —Ar igid-sapi-e-san anmar we-nainu-nuedgi gunbimala, sunna bela anmar gunmalad.
59	GEN 3:3	Unnila nainu-nued-abargi sapi-wargwen-gwichid-e-sanbi geg anmar gunned. Bab-Dummad anmarga sogsado: ‘Melle a-sapi-e-sandi be gunmaloye, degine, melle be ebumarbaloye. Ar bemar guchale, bemar burgwemaloye.’
61	GEN 3:5	Ar Bab-Dummad nue-wisid, bemar we-sapi-e-san guchale, ibmar-wisii gudmaloed. Geb agine, bemar Bab-Dummadyob ibmar-wisi gudmaloed, ibi ibnuedi, ibi ib-isganabali.
63	GEN 3:7	Geb agine, na ebobela neg-ittos nadmalad, emarde uka-swili garmakdii. Geb degine, saburega gagan-urwagiid-higueraʼye-nugad maksamalad. Agi, na saburusmalad.
78	GEN 3:22	Geb degine, Bab-Dummad-Jehová sogded: “Emigindi, dule anmar-sunnaa gunonimogad. Dulemarde ibmar-nued-wisi, degine, ibmar-isgana-wisi gunonikid. Ar dule sapi-e-san-dula-dule-imaked-guchale, degisadegu dula-gudii guoed. Degisoggu, melle dulemar we-sapi-e-san gwanegala, degi, melle gunnegala, dulemar-nainu-nuedgi-gudiid, an onogoed.”
80	GEN 3:24	Bab-Jehová, Adán nainu-nuedgi-gudiid onosgua, nainu-nued-dad-nakwedsik baliwiturmar-querubinʼye-nugad ogwichisad. Degine, es-suid-gwabunye-gwichid bela bipirmakgwichi imaksabalid. Adi, melle dule-wargwensaar sapi-dula-dule-imakedse warmakmalagar.
91	GEN 4:11	Be be-urba oburgwisadba, napa be-urba-e-ablis gobsad. A-ulale, be ukabsalessunnad.
95	GEN 4:15	Bab-Jehová Caín-abin sogded: —Suli, deyob guosuli. Ar dule be-oburgwele, we-dule-be-oburgwisad ilagugle (7) bur bule sabsur-odurdaklegoed. Geb degine, Bab-Jehová Caínʼgi wilub nasiksad, adi, dule-gwensak Caín-dakalile, melle oburgwegar.
100	GEN 4:20	Ada machi-nikusad, Jabalʼye onugsasad. Jabal-inse dordoneg-sobed onoded. A-inse ibmar-durgan-akwedgi-arbaed onodbalid.
102	GEN 4:22	Zilaʼdi machigwa-nikunonimogad. Tubal-Caínʼye a-machigwa onugsasad. Tubal-Caín-inse esgoro-gordikidgi-ibmar-sobed onoded, degi, esgorogi-ibmar-sobed onodbalid. Tubal-Caín bun-wargwen nikusad. E-bunde, Naamaʼye nugad.
109	GEN 5:3	Adán birga-dulanergwa-gakambe-nikadgi (130), e-machi gwalulesad, Setʼye onugsanonikid. Setʼde bela Adánʼsun-dakleged, degine, bela e-bab-daeyobi dabalid.
112	GEN 5:6	Set birga-dulatar-gakatar-nikadgi (105), e-machi-Enós gwalulesad.
115	GEN 5:9	Enós birga-dulabake-gakambe-nikadgi (90), e-machi-Cainán gwalulesad.
118	GEN 5:12	Cainán, birga-dulapaa-gakambe-nikadgi (70), e-machi-Mahalaleel gwalulesad.
121	GEN 5:15	Mahalaleel, birga-dulapaa-gakatar-nikadgi (65), e-machi-Jared gwalulesad.
124	GEN 5:18	Jared, birga-dulabaabak-gakabo-nikadgi (162), e-machi-Enoc gwalulesad.
127	GEN 5:21	Enoc, birga-dulapaa-gakatar-nikadgi (65), e-machi-Matusalén gwalulesad.
131	GEN 5:25	Matusalén, birga-dulabakebak-gakagugle-nikadgi (187), e-machi-Lamec gwalulesad.
134	GEN 5:28	Lamec, birga-dulabakebak-gakabo-nikadgi (182), e-machi gwalulesad.
140	GEN 6:2	masmala-Bab-Dummadba-nanamalad dakalid, dulemar-yagan yeer daklemala. Degisoggu, masmala-Bab-Dummadba-nanamalad dulemar-yagana-ebo-nikuega na e-abegedba susdamalad.
152	GEN 6:14	Bab-Dummad sogdebalid: “Noé, ur-dummad na be sobo. Suar-goferʼye-nugad-e-urgomar be ebugoed. Ur-soboedgi gwardumar be sioed. Ur-dummad-be-soboeddi magaba, degine, yaba baryagi bela be magoed.
153	GEN 6:15	Weyob ur-dungu be soboed: E-sugued, dali-dulapaa-gakambe-gakatar (75) be imako. E-matardungueddi, daliambe-gakabo-abala (12½) be imako. E-nibgued, daligugle-abala (7½) be imakbalo.
171	GEN 7:11	Noé birga-dulataled-ilanergwa-nikadgi (600), nii-warbogwad-ibambe-gakagugledgi, dii-wilasailadgi bela napa-urba-dii-sailagan-mamaid utuded, degine, nibneggi-dii-sailagan-mamaid argaded.
176	GEN 7:16	Bab-Dummad Noéʼga-sogsadba bela ibmar-durgan-akar-akar na abirgunagwar-abirgunagwar dogsamalad. Geb a-sorba, Bab-Jehová ur-dummad-yawagak edisad.
179	GEN 7:19	Dii bela-bela mulussoggu, napneggi-yar-dummagan-bukmalad bela dogsad.
187	GEN 8:3	Agine, dii binna-binna ilided. Iba-dulagugle-gakambe-gusgu (150), dii nue ilided.
189	GEN 8:5	Dii nue-iremai gualid. Nii-warambed-gebe-iba-onodedgi bato yar-dummagan-e-mullumar noalid.
197	GEN 8:13	Degidgine, Noé birga-dulataled-ilanergwa-gakagwensak-nikadgi (601), napneg nue dingusad. Nii-gebe-gwisguded-ibagwenadgi, Noé ur-dummad-e-uas earisad. Geb agi dakded, napa dingusnai.
201	GEN 8:17	Ibmar-dula-gudidimalad ur-dummadyaba-bukwad bela be onobalo: Nuumar, ibmar-durgan, degi, ibmar-durgan-napagi-garmakdimalad, adi, amar bela we-napneg-naid-ugakaase mimilemalagar. Deginbali, dula ichesur mergumalaga, we-napneg-naidgi bela ambikumalagar.”
204	GEN 8:20	Geb agine, Noé, Bab-Jehová-nug-odummogega, ibmar-ogumakar-ukleged-aila sobsad. Geb Noé bela ibmar-durgan-swilidikmalad, degi, nuumar-swilidikmalad akar-akar-ugakaase susad. Geb degine, ailagi ogumakar Bab-Jehováʼga uksad.
205	GEN 8:21	Ibmar-ogumakaled-yeer-yapanned Bab-Jehováʼse-mosgu, Bab-Jehová sogded: “We-napneg dulemar-isgued-ular, bar an ukabsaosulid. Ar dulemar gusgu na sapingwagwad-akar e-gwagegi unnila isguedginbi binsadimalad. Degine, an emi-imaksadyob, muusailaba bela ibmar-dula-gudidiid bar an ogilogosulid.
208	GEN 9:2	Bela we-napneggi ibmar-dula-gudidimalad be-dobedba bemar-asabin gwakidmaloed: Bela ibmar-durgan-gukumalad, bela ibmar-durgan-napaginmalad, bela ibmar-durgan-napagi-garmakdimalad, bela ibmar-durgan demarginmalad. Bela-a-ibmar-durgangi be obine gumaloed.
209	GEN 9:3	”Bela ibmar-dulamalad, degi, gagan-araragana-sunna-gullemalad sunna bemar gunmaloed. Ani an bela bega uknaid.
219	GEN 9:13	Mogir-imbaba an sue-mesoedi, we-napnegbo an igar-mesoed-e-wilubga guoed.
236	GEN 10:1	Noé-masmala, wemalad: Sem, Cam, Jafet. Wemarde muusaila-mulusad-sorba, na mimmigan nikusmalad. Noé-masmala-e-wagan ambikusmalad, wemalad:
247	GEN 10:12	Resén-neggwebur-dummad, Nínive, Cala-ebo-abingunaid-abargi siid.
253	GEN 10:18	Arvadeo-dulemar, Zemareo-dulemar, Hamateo-dulemar. Geb sorbali, Canaán-dulemar na e-dadgan-e-dadganba aisakidmalad.
267	GEN 10:32	Wemar, Noé-machimala, e-gwenadgan-e-gwenadganba ambikusmalad. Na e-wagan-e-wagan yar gasmalad. Wemar muusaila-mulusad-sorba, bela we-napneggi-aisakis ambikusmalad.
276	GEN 11:9	We-neggweburgine, Bab-Jehová weyob dulemar gaya-akar-akar-sunmakega imaksad. A-ulale, we-neggwebur Babelʼye nuggusad. Geb wegine, Bab-Jehová bela dulemar we-napneg-ugakaase osakisad.
280	GEN 11:13	A-sorbali, Arfaxad birga-dulataled-ilabake-gakapaa (403) napi-gudii gusad. Arfaxad machimala-baigan nikusbalid, degine, bunamala nikusbalid.
281	GEN 11:14	Sala birga-dulagwen-gakambe-nikadgi (30), e-machi-Heber gwalulesad.
282	GEN 11:15	A-sorbali, Sala birga-dulataled-ilabake-gakapaa (403) napi-gudii gusad. Sala machimala-baigan nikusbalid, degine, bunamala nikusbalid.
285	GEN 11:18	Peleg birga-dulagwen-gakambe-nikadgi (30), e-machi-Reu gwalulesad.
286	GEN 11:19	A-sorbali, Peleg birga-dulataled-ilabo-gakabakebak (209) napi-gudii gusad. Peleg machimala-baigan nikusbalid, degine, bunamala nikusbalid.
288	GEN 11:21	A-sorbali, Reu birga-dulataled-ilabo-gakagugle (207) napi-gudii gusad. Reu machimala-baigan nikusbalid, degine, bunamala nikusbalid.
289	GEN 11:22	Serug birga-dulagwen-gakambe-nikadgi (30), e-machi-Nacor gwalulesad.
291	GEN 11:24	Nacor birga-dulagwen-gakabakebak-nikadgi (29), e-machi-Taré gwalulesad.
292	GEN 11:25	A-sorbali, Nacor birga-dulatar-gakambe-gakabakebak (119) napi-gudii gusad. Nacor machimala-baigan nikusbalid, degine, bunamala nikusbalid.
293	GEN 11:26	Taré bato birga-dulapaa-gakambe-nikadgi (70), e-masmala Abram, Nacor, degi, Harán gwalulesad.
295	GEN 11:28	Harán e-bab-Taré-iduar Caldea-dulemar-yargi, Ur-neggweburgi burgwisad. Urʼde Harán-gwalulesad-neggweburad.
301	GEN 12:2	Begine, dulamar bukidar-mergue an imakoed. An begi ise-nued-binsaedgi, an bega ibmar imakoed. Dule-nue-nug-nikadga an be-imakoed. Degine, be-nuggi dulemargi ise-nued binsalemarmogoed.
302	GEN 12:3	Dulemar-ise-nued-begi-binsamaladgi, an ise-nued egi binsamogoed. Dulemar-be-ukabsamaladgi, an ukabsaar sunmakmogoed. Be-nuggi, bela dula-we-napneggi-bukwamaladgi ise-nued an binsaoed.”
303	GEN 12:4	Abram, Bab-Jehová-ega-sogsadba Harán-neggweburgi-maid nodegusad. Lot, Abramʼba nadegusmogad. Abram birga-dulapaa-gakambe-gakatar-nikadgi (75), Haránʼgi-mai noalid.
321	GEN 13:2	Ar Abram ibmar-durgan-bukidar-nika nonikid, mani-bukidar, degi, or-bukidar-nika nonikid. Degisoggu, dule-mani-ibedga gusad.
330	GEN 13:11	Geb degine, Lot bela Jordán-diwarsik-neba-naid susad. Na e-maidgi dad-nakwedsik nade gusad. Weyobi, Abram, Lot-ebogwa, na bangud gusmalad.
333	GEN 13:14	Lot Abramʼgi-bangusad-sorba, Bab-Jehová Abramʼga sokalid: “Be-maidgi be dad-nakwedsik, dad-argwanedsik, dad-nakwed-argan-nuedsik, dad-nakwed-argan-sapiledsik nue be neg dako.
339	GEN 14:2	A-ibagangi, deunni, we-reymar-walabakegwad, baigan-reymar-ataled-ebo bila-onogega na atosmalad. We-reymar-walataled atosmarmogad: Sodoma-e-rey-Bera, Gomorra-e-rey-Birsa, Adma-e-rey-Sinab, Zeboim-e-rey-Semeber, degi, Bela-e-rey. We-Bela-neggweburde, Zoarʼye nugbalid.
347	GEN 14:10	Dakargua, bela Sidim-nebagi yaa-dummagan-bukidar-bukwa nanaed. We-yaa-dummagande barya-yaisur nikad. Sodoma-e-rey, degi, Gomorra-e-rey urwenanaigua, wakite gusmalanad. Degi-inigwele, yaa-dummadgi argwatapmalad. E-sordamar-baigandi yalaganba wakitemalad.
353	GEN 14:16	We-reymar-ibmar-sesadi, Abram bela gannar susad. Deyobi, Abram e-niga-Lot-galesad onosad, degi, bela gannar Lot-e-ibmar susbalid. Deginbali, omegan-onosbalid, degi, bela dule-baigan-galesmalad amba onosbalid.
356	GEN 14:19	Geb degine, Melquisedec, Abramʼgi ise-nued-binsaedgi, weyob sogded: “Abram, Bab-Dummad-Bur-Birigined begi ise-nued binsaoed. We-Bab-Dummad, nibneg, degi, napneg bela obinnisadid.
360	GEN 14:23	Aga, an sogsad: ‘Bipisaale ibmar an be-ibe suosurye, dubamar, degi, sapat-dubse-bakar, an-nag-uka-edinnega gwen an bei suosurye. Adi, melle be an-annik sogega, an we-dule mani-ibedga imaksaye.’
370	GEN 15:9	Bab-Jehová abin-sogded: —Anga be we-ibmar sedagoed: Moli-bebe-nikad-ome-birgapaagwad, sibad-birgapaagwad, sibad-wawaad-machered-birgapaagwad, sapur-nuu-gwagwen, degi, wagnuu-e-mimmi-gwagwen be anga sedabalo.
372	GEN 15:11	Geb mulamala we-ibmar-durgan-burgwarmaladse duurmaknonikid. Ar Abramʼdi we-mulamar-ononnonai gualid.
386	GEN 16:4	Abram Agarʼse-gochagu, Agar gurgin-nika gunonikid. Agar gurgin-nikagudi-itoargu, e-dummad-Sarai-ibgwensur dakded.
389	GEN 16:7	Ar Bab-Jehová-e-baliwitur nega-dulesulidganba, Shur-igar-maidsik dii-saila-siidgi Agar-abingualid.
394	GEN 16:12	We-machigwade yaisurdae guoed, moli-uayasuid-sapurbalidyob guoed. We-machi dulemar-baiganbo bela urwoed, degi, bela-dulemar-baigan ebo urwemarmogoed. Degine, e-gwenadgangi gwisgubalo-inigwele, e-gwenadgan-abargi-mai guoed.”
396	GEN 16:14	A-ulale, dia nugad, Dia-Dule-Dulad-An-Dakmaidye. We-diadega Cades, degi, Bered-ebo-abingunaid-abargi siid.
408	GEN 17:10	Weyob an bebogwa igar-mesnaid, be-wagan we-igar-mesnaidba imakmarmogoed: ‘Bela bemar-abargine, masmala e-abgan-uka-duku sikmaloed.’
409	GEN 17:11	”Bemala be-abgan-uka-duku sikergebed. Weyob we-ibmar-imakedgi bemar-anbogwa-igar-mesisad mag daklegoed.
410	GEN 17:12	Emi-ibagan-onodoedgi, bela masmala, ibabaabakgus (8) gwalulegedgi e-abgan-uka-duku ega siklegoed. Deyob degibi be-wagan be imakmarmogoed. Be-wagansurmalad amba deyob imakmarmogoed. Be-mai be-neggi gwalulesaddibe, be-mai manigi be dule-baidse baksaddibe, amba deyob be imakbaloed.
412	GEN 17:14	”Ar dule e-abgan-uka-duku siksulile, we-dule bemar-abargi onolegergebed. Ar bemarbo an-igar-mesisad-sogedba imaksasulid agala onolegergebed.”
415	GEN 17:17	Abraham napase e-bebe-ebugedse dulluu imaksad, geb allided. Agi, binsaded: “¿Ar wede dule-birga-dulatar-nikad (100) sunna babga gusi? ¿Ar wede Sara birga-dulabake-gakambe-nikadgi (90) sunna nanga gusi?”
417	GEN 17:19	Bab-Dummad Abraham-abin sogded: —Suli. Deyob guosuli. Ar an bega soged, be-ome-Sara bega mimmi bakoye. A-machigwa Isaacʼye be onugsao. An bebo-igar-mesisadi, be-machigwa-Isaac-ebo gannar we-igar an obinogoed. Ar degisadegu Isaac-e-wagan-ebo we-igar mai guoed.
418	GEN 17:20	”Emi, be-machi-Ismaelʼga be ibmar-egichisadi, an be-itosbalid. Be-machi-Ismaelʼgine ise-nued an binsamogoed. Mimmigan-bukidar-nikuega an imakoed, degine, wagan-bukidar-merguega an imakbaloed. Ismael, dule-dummagan-nuga-nikamalad e-ambe-gakabogwad-e-dadga (12) an imakoed, degine, e-dulamar ichesur an imakoed.
421	GEN 17:23	A-ibagi-gines, Abraham e-machi-Ismael-e-abgan-uka-duku siksad. Ar igi Bab-Dummad ega sogsa, bela e-maimar-e-neggi-gwalulesmalad, bela e-maimar manigi-baklesad, degi, belagwable machergan-e-neguyagi-gudidimalad e-abgan-uka-duku-sikega imaksad.
422	GEN 17:24	Abraham birga-dulabake-gakambe-gakabakebak-nikadgi (99), e-abgan-uka-duku siksad.
423	GEN 17:25	Ismaelʼdi birgambe-gakapaa-nikadgi (13), e-abgan-uka-duku ega siksamalad.
424	GEN 17:26	Abraham, degi, e-machi-Ismael-ebo iba-galagwen abgan-uka-duku-siked-igar imaksamalad.
432	GEN 18:7	Geb degi, Abraham, moli-bebe-nikamalad-bukwadse abarmakdebalid. Moli-senigwad-bur-nued, bur-san-dutugwad susad. Geb degine, dule-ega-arbaedgala uksad. Geb a-dulede, gwae yog duar-imaksad, adi, mas-gunmalagar.
435	GEN 18:10	Geb degi, warbaagwad-wargwen sogded: —Baid-birgase gannar an bese nonibaloed. A-ibagangi, be-ome-Sara bato susugwa-nika gudioed. Ar Saraʼdi, neg-dogedyaba Abraham-yarganba dulemar-Abraham-ebo-sunmaknanaid bela itogwichid.
443	GEN 18:18	Abrahamʼde dulemar-bukidarad-e-babga guosoggu, degine, dulemar-dutusulid-e-babga gubalosoggu, an ibmar-imaksokalid an ega sogergebed. Deginbali, an ega sogsabalid: ‘Begi bela we-napneggi yar-baid-baidgi-bukmaladgi an ise-nued binsaoye.’
450	GEN 18:25	Dogdar-itole, dule-ibmar-isgana-imakdisulid, dule-ibmar-isgana-imakdiidba be oburgwer. Ebobela emarbi isgusadyob be imako itole. Mer deyob be sae. Bee be, bela dule-we-napneggi-bukmaladga, igar-naboged-e-dummadsoggu, ¿igar-innikii maidba be imakosurde? Eye. Be igar-innikii maidba imakoed.”
455	GEN 18:30	Ar Abrahamʼdi gannar Bab-Jehováʼga sogdebalid: —Dummad, gannar-gannar an bega ibmar-sognaidgi, melle be isdar an-itogo. Ar unnila dulagwen-gakambe (30), dule-nuegan gudidiile, ¿bela Sodoma-neggwebur be obelogode? Bab-Jehová gannar abin-sogdebalid: —Ar we-neggweburgi unnila dulagwen-gakambe-gudidimalad-ular (30) an obelogosulid.
466	GEN 19:8	An walabo sisgan nikad, amba yagan-nanaed. Amar an bemarga onogoed. Ar igi bemar amar-imakbimala, be-itolegedmardo. Wemar-warbogwad-anse-nonimaladdi melle bemar oakalomalo, ar ade, wemar an-negse ubononisoggu, we-dulemar an nue-akwergebed.
469	GEN 19:11	Geb wemar-warbogwad dulemar-bela-magaba-bukwad geg-atake imaksamalad. Belagwapa, sapinganse, degine, serganse-bakale, geg-atake gusmalad. Yawagak acha-acha-aminanaid, budar-itoarmalad.
471	GEN 19:13	Ar ade, anmar we-neggwebur obelosokalid. Ar we-neggweburgi-dulemar-bukmalad bela-bela nue-isgus galagwensulidamalad Bab-Jehováʼse warmaksad. A-ular, Bab-Jehová we-neggwebur-obelogega anmar-barmialid.
472	GEN 19:14	Geb degine, Lot e-sapinganga-gumaloed daknaded. Amarga sogdapid: —¡Gwisgumar, be nomar, ar ade, Bab-Jehová we-neggwebur obelosokalid! Ar e-sapingandi Lot-ega-ibmar-soged baisur-itosmalad.
494	GEN 19:36	Weyob Lot-e-sisgan-warbogwad bonigwar e-babgadga gunonikid.
512	GEN 20:16	Saraʼga sogdemogad: —An be-susgala mani-miligwen-aidikue (1,000) uksad. We-mani dule-beba-gudidimalad-asabin be oyogo, adi, oyogega bedi gwen nossurye. Dule-wargwensaale gege begi sunnasur sunmaked.
517	GEN 21:3	Abraham, Sara-ega-susugwa-baksadi Isaacʼye onugsasad.
523	GEN 21:9	A-iba-ononaidgi Sara dakded, Agar-e-machi-Ismael Isaacʼgi dodonai. We-machide Agar Abraham-ebo baksadid. Agarʼde Egipto-duled.