29	GEN 1:29	Geb degi, Bab-Dummad dulega sogdebalid: “We-napneggi bela gagan-nabir-gwag-nikumalad, degi, bela sapimar-e-sangi-gwag-nikumalad, an bemarga uked. A-ibmar-durba bela bemar-masga guoed.”
163	GEN 7:3	Nuumala amba deyob be imakbaloed: Nuumar-swilidik-akar-akar-nikadi, gwagugle-gwagugle (7-7), abirgunagwar-abirgunagwar ur-dummadyaba be oubogo. Adi, we-napneggi bela ibmar-durgan, nuumarse-bakar, egad-egad balibimalad mer e-dula berguegar.
167	GEN 7:7	Noé-ur-dummad-sobsadyaba-dogsamaladi, wemalad: Noé, e-ome, e-masmala, degi, e-balamar, adi, muusailaba melle burgwemalagar.
198	GEN 8:14	Nii-warbogwad-iba-dulagwen-gakagugledgi, napa nue-dingusad.
302	GEN 12:3	Dulemar-ise-nued-begi-binsamaladgi, an ise-nued egi binsamogoed. Dulemar-be-ukabsamaladgi, an ukabsaar sunmakmogoed. Be-nuggi, bela dula-we-napneggi-bukwamaladgi ise-nued an binsaoed.”
327	GEN 13:8	Ibagwengi Abram Lotʼga sokalid: “Anmar na gwenadgan gumalad. Degisoggu, anmar na boni-nika gudiile, ibnuedsulid. Degi, anga-moli-bebe-nikad-edarbemalad, bega-moli-bebe-nikad-edarbemarmogadbogwa urwemarmogale, we ibnuedsurbalid.
370	GEN 15:9	Bab-Jehová abin-sogded: —Anga be we-ibmar sedagoed: Moli-bebe-nikad-ome-birgapaagwad, sibad-birgapaagwad, sibad-wawaad-machered-birgapaagwad, sapur-nuu-gwagwen, degi, wagnuu-e-mimmi-gwagwen be anga sedabalo.
375	GEN 15:14	Dulemar-be-wagan-maiga-imakoedi, ani, an sabsur-odurdakoed. Agi, be-wagan ainidamalogu, ibmarmar-nuegan nue-nika ainidamaloed.
421	GEN 17:23	A-ibagi-gines, Abraham e-machi-Ismael-e-abgan-uka-duku siksad. Ar igi Bab-Dummad ega sogsa, bela e-maimar-e-neggi-gwalulesmalad, bela e-maimar manigi-baklesad, degi, belagwable machergan-e-neguyagi-gudidimalad e-abgan-uka-duku-sikega imaksad.
425	GEN 17:27	Machergan-bela-Abraham-neguyagi-gudidimalad, e-maimar-e-neg-yagi-gwalulesmalad, dule-baidse maimar-manigi-baklesad, amar Abrahamʼba belagwable abgan-uka-duku-siked-igar imaksamalad.
430	GEN 18:5	Ar bemar an-neg-maid-walik-nadapsoggu, an bemar-ogannogega bemar-naed-idu an bemarga masgunned sunaoed. Dule-warbaagwad abin-sogdemalad: —Nueddo. Be-sogedbardo.
433	GEN 18:8	Abraham we-dulemar-warbaagwadga moli-san uksad, moli-nunis uksabalid. Geb degine, moli-nunis-gwamakaled ega uksabalid. Abrahamʼdi amar-sapi-urba-mas-gunbukwad, daksii gusad. Abakalegi ibmar-baigan abearbalirye binsaed.
498	GEN 20:2	Agi Abraham maigua, sogsagusad, e-ome-Sara, e-bunye. Gerar-neggwebur-e-rey-Abimelec, Sara-nikuega Saraʼbina gochad.
514	GEN 20:18	Ar ade, Abraham-e-ome-Sara-ulale, Bab-Jehová omegan-Abimelec-negginmalad geg mimmi-bakega imaksanad.
596	GEN 24:4	Bur be an-yarse nao. Agine, an-gwenadgan-e-sisgan-wargwen, an-machi-Isaacʼga be aminao, adi, a-yagwa Isaac-nikuegar.
668	GEN 25:9	E-masmala, Isaac, degi, Ismael, Mamre-dad-nakwedsik akwasaila-ollor-siid-Macpelaʼye-nugadgi, Abraham-digsamalad. A-nainude, Efrónʼgadinad. Efrónʼde Zohar-machid, Het-duled.
694	GEN 26:1	A-ibagangine, ukud-dummad nagunonikid, igi Abraham-ibagangi nagusmoga deyob nagunonimogad. A-ulale, Isaac Gerar-neggweburse nade gusad. Deunni, Filistea-dulemar-e-rey-Abimelec, agi maimogad.
757	GEN 27:29	Dulemar-yar-baid-baidgi-bukmaladi bukidar bega arbamalaga gumaloed, dulemar-akar-akar-soga-iliba be-asabin yokorgi-sindigar sigmaloed. Be-gwenadgan-e-iduedga be guoed. Be-nan-e-masmala be-asabin bela sindigar sigmaloed. Dulemar-be-ukabsamalale, amar ukabsalemogoed. Dulemar-ise-nued-begi-binsamalale, amargi ise-nued binsalemogoed.”
779	GEN 28:5	Weyobi, Isaac Padan-Aram-neggweburse Jacob-barmisad. Jacob, Labán-negse modapid. Labánʼde Arameo-dule-Betuel-e-machid, Rebeca-e-susud. Rebecaʼde Jacob, degi, Esaú-e-nanad.
788	GEN 28:14	Be-wagan we-napneg-ukub-merguedyob bela-bela mergu guoed. Degine, be-wagan dad-nakwedsik, dad-argwanedsik, dad-nakwed-argan-nuedsik, dad-nakwed-argan-sapiledsik bela aisakis ambikuoed. Degine, bebali bela dule-yar-baid-baidgi-bukwamalad, degi, be-waganbali, egi ise-nued binsalegoed.
806	GEN 29:10	Raquelʼde, Labán-e-sisgwad. Labánʼdi, Rebeca-e-susud. Jacob, e-gilor-Labán-sisgwa Labán-sibad-wawaadmar-sedani-daksagu, dia-birgi akwa-dummad-siid-onirega nade gusad. Geb onirisgua, sibad-wawaadmarga dii uksad.
824	GEN 29:28	Jacob sogsado, eyeye, ede arbaoye. Lea-nikusad-itoged-irgwenad-bergusgu, Labán Jacobʼga Raquel-uksabalid, adi, Jacob Raquel-nikuegar.
828	GEN 29:32	Lea bonigwar gunonikid. Bab-Jehová-machigwa-ega-uksadi, Rubénʼye onugsasad, ar ade, soged: “Bab-Jehová wile-itodiid an-daksad. Ar emigindi, an-sui an-sabguoed.”
845	GEN 30:14	Ibagwengine, orosgi-dakleged-trigo-weed-ibagangine, Rubén sapurba naded. Agi, sapi-bipi-sanmar mandrágoraʼye-nugad amisad. A-sapi-bipi-sanmar e-nan-Leaʼga sesad. Raquel a-sanmar-daksagu, Leaʼga sogded: —Mandrágora-e-sanmar be-machi-bega-senonikid, wis be anga udamoga.
944	GEN 32:16	Moli-yargan-mureged-e-omemar-emisgwa-mimmi-nikusmalad, e-mimmiganse-bakar, waladulagwen-gakambe (30), moli-bebe-nikad-e-omegan, waladulabo (40), moli-bebe-nikmalad-machergan, warambe (10), moli-uayasuid-omegan, waladulagwen (20), degi, moli-uayasuid-machergan, warambe (10).
975	GEN 33:14	Ar bur-nuediled be an-idu naer. Ar andi binnale be-sorba nadapoed. Ibmar-durgan-nanaed-e-ganguedba, degi, mimmigan-nanaed-e-ganguedba an be-sorba nadapoed. Anmar Seir-yargi abingumalodo.
1058	GEN 36:17	Esaú-machi-Reuel-e-masmala, dule-idumaladga-gusmarmogadi, wemalad: Nahat, Zera, Sama, degi, Miza. Wemar, Reuelʼsik, Edom-yalagangi dule-idumaladga gusmarmogad. Wemala, Basemat-wagan gumalad. Basematʼde Esaú-e-ome-baid gued.
1109	GEN 37:25	Geb a-sorbali, e-iamardi mas-gunnega sigismalad. Geb agine, Ismael-dulemar danagwen Galaad-akar danimalad. E-moli-yargan-muregedgi gwallu-wawadikmalad, ina-wawadikmalad, sapi-gunnugiid-wawadikmalad-mirraʼye-nugad, Egipto-yarse semamaid.
1119	GEN 37:35	Bela e-masmala, degi, e-bunamala aisaale Jacob-gwage-baisur-itoge-imaknaidaenad, ar Jacobʼdi e-gwage-baisur-itoged abesurdaed. Aka bur bule e-machibina bodii daed, sogdii daed: “An-machi-burgwisad-ular, an burgwedse bodii guoye.”
1193	GEN 40:20	A-ibapaagwadgi, Faraón-gwalulesad-iba nonikid. Faraón iba-dummad ega-arbamaladga onosad. Faraón, e-ibase-nonimalad-asabin, ega nogdaked-e-dummad-mellesiid-sedagega, degi, madusobed-e-dummad-mellesiid-sedagega imaksad.
1198	GEN 41:2	Diwargi moli-bebe-nikad-omegan-yeerdaklege, degi, wardada-wardada-daklege walagugle (7) nakwiali daksad. A-molimarde, masarmaryob-dakleged-imbaba gagan-mananai daksad.
1199	GEN 41:3	A-molimar-sorbali, walagugle (7) molimar-bebe-nikad-omegan-baigan, sunnasur-dakle, degi, gara-gara-dakle, diwargi nakwiar daksabalid. A-molimar, molimar-baigan-naba diwar-gakagi ambikunonimala daksabalid.
1200	GEN 41:4	Geb degine, moli-bebe-nikad-omegan-garagana, moli-bebe-nikad-omegan-wardadagan-guchamala daksabalid. Agi, Faraón atakalid.
1214	GEN 41:18	Diwargi moli-bebe-nikad-omegan-yeerdaklege, degi, wardada-wardada-daklege walagugle (7) nakwiali an dakalid. A-molimarde, masarmaryob-dakleged-imbaba gagan-mananai an dakalid.
1215	GEN 41:19	A-molimar-sorbali, walagugle (7) molimar-bebe-nikad-omegan-baigan, sunnasur-dakle, degi, gara-gara-dakle, diwargi nakwiar an dakarbalid. ¡Bipisaale bela Egipto-yargi weyob molimar-sunnasur-dakleged an dakdisulid!
1216	GEN 41:20	Geb degine, moli-bebe-nikad-omegan-garagana, moli-bebe-nikad-omegan-wardadagan-guchamala an dakarbalid.
1223	GEN 41:27	Moli-bebe-nikad-omegan-walagugle (7) sunnasur-gara-gara-dakleged, baigan-sorba-ainialidi, amba obarbalid, birgagugledye (7). Amba deyobbalid, orosgi-dakleged-durbagan-gagugled (7) gara-garagwad, degi, dad-nakwedsik-burwa-goledse-dingusadi, we obared, birgagugle (7) ibmar sate guoye.
1241	GEN 41:45	Faraón Egipto-gayaba José-onugsanonikid, Zafnat-Paneaʼye. Degine, Faraón Potifera-e-sisgwa-Asenatʼye-nugad, José-nikuega ega uksad. We-Potiferaʼde On-neggweburgi dule-irwa-e-bab-dummadse-goledid. Weyobi, José bela Egipto-yargi dummadga gunonikid.
1314	GEN 43:23	Joséʼga-neg-akwed abin-sogded: —Mer be bukib-binsamar, mer be dobgumar. Ar bemar-Bab-Dummad, be-bab-e-Bab-Dummad, a bemar-sagu-yaba mani-urbisargebed. Ar ade, bemar-mas-baksad-mani anga uklesad. Joséʼga-neg-akwed Simeón-esgaryagi-mellesiid onosad. Geb degi, e-gwenadgan-bukwadse sesad.
1395	GEN 46:8	Jacobʼde Israelʼye nugbalid. Israel-masmala Egipto-yarse-nadegusmalad-e-nugmar, wemalad: Rubén, Jacob-machi-gebesailagined.
1422	GEN 47:1	José, Faraón-owisonaded, ega sogdapid: —An-bab, degine, an-iamar-Canaán-yargi-mamaid, emi bato Gosén-yarse nonimalad, bela ibmar-nikad, sibad-wawaadmar, degi, moli-bebe-nikmalad senonimarbalid.
1457	GEN 48:5	”Nabir, be-machi-Efraín, degi, be-machi-Manasés, an bese we-Egipto-yarse-nonikid-iduar, we-yargi gwalulesmalad. We-masmalade angadid. Igi Rubén, degi, Simeón an-masmala-sunnadi, wemarde deyob gunonimarmogad.
1499	GEN 49:25	¡Ar ade, be-bab-e-Bab-Dummad be-bendakoed! Bab-Dummad-Bela-Gangued-Nikad, ise-nued begi binsaoed. ¡Nibneggi ise-nued begi binsaoed! ¡Demar-uluba ise-nued begi binsaoed! Bemala, ichesur mimmigan-nika gumaloed, degi, be-mimmigan masgi be-omadii gumaloed.
1511	GEN 50:4	Degine, ibagan-bukib-binsaed-bergusad-sorba, José dulemar-Faraón-neggi-gudidimaladga sunmakalid. Ega sogded: —Ar an bemargi nuedile, Faraónʼga wis be anga sognamar:
1560	EXO 2:5	Geb degine, Faraón-e-sisgwa diwarse obnonikid. Ar yagan-ega-arbamaladdi diwar-gakaba garmakdimargua, Faraón-e-sisgwa nargammugii-dakleged-imbaba garba-nai dakalid. Geb degine, ega-arbaed-ome-wargwen-barmisad, adi, ega garba sedagegar.
1607	EXO 4:5	Bab-Jehová Moisésʼga sogded: —Weyob be imakoed-ulale, Israel-girmar-dummagan be-benguosurmalad, be-dadgan Abraham, Isaac, Jacob, amar-e-Bab-Dummad-Jehová, bese magarosye.
1616	EXO 4:14	Geb degidgine, Bab-Jehová Moisésʼse uluded, ega sogded: —¿Ar ande Leví-wagwa-be-ia-Aarón, magar daksursi? ¿Ar a-dulede nued sunmaksursi? Deginbali, be-ia-Aarón be-abin nodagoed. Be-dakdagogua, Aarón ulubgi weligwar itogoed.
1644	EXO 5:11	Degisoggu, bemar-sunnad bula-dinnaganagiid aminamalargebed. Degi-inigwele, napa-ginnid-akwayob-bemar-sobedi, bemarga aidegosulid, gusgu mergu sobedyobi amba bemar sobmaloed.
1653	EXO 5:20	Israel-dule-arbananaimalad-e-dummagan, Faraón-ebo-sunmakdii noarmargu, dakarmalad, Moisés, degi, Aarónʼbo e-edarbebukmala.
1683	EXO 6:27	Amba Moisés, degi, Aarón, Israel-dulemar-Egiptoʼgi-wilebukwad-onogega, Egipto-rey-Faraón-ebo sunmakap gusmalad.
1697	EXO 7:11	Ar Faraónʼdi e-dulemar-nue-ibmar-wisimaladse, nelemarse gochad. Wemala, ibmar-burba-wisimaladba bela deyob imaksamarmogad.
1705	EXO 7:19	Deginbali, Bab-Jehová Moisésʼga sogdebalid: “Aarónʼga be sogo, be-gaapoled be suye. Degine, be-argan diwarmargi, dianmargi, mata-nanaidmargi, degi, dii-sabolesimaladgi be oyoye, gwidu-urgomargi-dii-bukwadse-bakar, degi, gwidu-akwamargi-dii-bukwadse-bakar, bela Egipto-yargi abebi guoye.”
1749	EXO 9:6	Neg-oibosgu, Bab-Jehová deyob imaksad. Egipto-dulemar-e-ibmar-durgan bela burgwismalad. Israel-dulemar-e-ibmar-durgandi, wargwensaale gwen burgwissulid.
1767	EXO 9:24	Dii-akwaga-binyaled babatemai gusad, degine, mar-dakarmakmaid aidemai gusbalid. Ar Egipto-yargi-dule-ambikuded-akar, Egipto-yargine bipisaale dii-akwaga-binyaled weyob-gangu babatedisulid.
1795	EXO 10:17	An wis bemarse egised, an-begi-yolesadi begi-nossuliyob be an-dake. We-boni-dummad-anga-osulogega, be-Bab-Dummad-Jehováʼse be anga gole.”
1824	EXO 12:7	Geb degine, bemar we-sibad-wawaad-abe weoed. Geb degine, bia bemar sibad-wawaad-gunmaloedgi, yawagak-e-dikargi-urgomar-gwichidgi, degi, yawagak-niba-urgo-maidgi, we-abe be magoed.
1839	EXO 12:22	Bemar sibad-wawaad-e-abe bormogi weoed. Geb gagan-hisopoʼye-nugad-e-gagan be gwannoed. A-e-gagan danakwaa be gaogu, abegi be owardikuoed. Geb degine, a-abe bela neg-yawagak-e-dikarmar-gwichidgi, degi, yawagak-niba-urgo-maidgi be magoed. Bemar wargwensaale melle be-neggi be nomalo. Neg-oibogedse geb be nomaloed.
1853	EXO 12:36	Bab-Jehová Egipto-dulemar Israel-dulemar-nued-dakega imaksad. A-ular, Egipto-dulemar bela Israel-dulemar-ese-ibmar-egichisad, ega nue-ukbi itogunonimalad. Weyobi, Israel-dulemala Egipto-dulemargi bela-bela ibmar-nuegan susmalad.
1854	EXO 12:37	Israel-dulemala neggwebur-Ramesésʼye-nugadgi nodmalad, neggwebur-Sucotʼye-nugadse nadmalad. Machergan-sunna-bato-bila-onomaladbi, nagab-ainiarmaladi, mili-dulataled-ilanergwa (600,000) mergued. Omegan, degi, mimmigandi obarilesulid.
1861	EXO 12:44	” ’Ar mai-manigi-baklealiddi, idu bato e-abgan-uka-duku-siklesale, we-ibagi-mas-gulleged sunna gunnoed.
1863	EXO 12:46	” ’We-sibad-wawaad unnila neg-gwagwengi gullegoed. We-ibmar-oburgwilesad-e-sana, baid-negse sedega neg-gwagwengi bipisaale onolegosulid, degine, bipisaale be sibad-wawaad-e-gar bisgosurbalid.
1865	EXO 12:48	” ’Degi-inigwele, Israel-dulesulid bemar-abargi gudiile, we-dule Oburgwilegoenad-Iba, degi, Bab-Jehová-nug-odummogega onobiele, iduale, bela machergan-e-neguyaginmalad e-abgan-uka-duku sikmalargebed. Geb a-sorbardi, sunna iba onogodo, ar we-dulemala be-yargi-gwalulesadyob gunonikoed. ” ’Dule-wargwensaale, e-abgan-uka-duku-sikarsulid, we-ibagi-mas-gulleged gunnosur guoed.
1870	EXO 13:2	“Machi-sailaginmalad anga be udago. Ar bela Israel-dulemar-e-machi-gebesailaginmalad, angadid. Degi, e-ibmar-durgan-gebe-gwalulemalad, amba deyobbalid.”
1914	EXO 14:24	Bolegoedbali, Bab-Jehová mogir-bubawaryob-gwichid-akar, degi, soo-bubawaryob-gwichid-akar Egipto-sordamar-ise-nue-dakdegu, Egipto-sordamar ber suli-suli-itogega imaksad.
1918	EXO 14:28	Demar gusgu-maidyob gannarse gunonigu, urmar-napagined, sordamar-moli-birgi-sii-urwemalad, degi, bela Faraón-e-sordamar-bila-onomalad, wemala, Israel-dulemar-bareginnega-demargi-dogsamaladi, bela egi demar arwenonikid. Faraón-sordamar bela burgwismalad, wargwensaale gwen durgussulid.
1923	EXO 15:2	An-namaked, Bab-Jehováʼga an namaked. Ar Bab-Jehová an-ogannogedid, an-abonogedid. Bab-Jehová an-Bab-Dummadid, an a-e-nug odummogoed. We-Bab-Jehová an-bab-e-Bab-Dummadid, an a-e-nug ogannoged.
1985	EXO 17:1	Bela Israel-dulemar nega-dulesulidgan-Sinʼye-nugadgi nodegusmalad, Bab-Jehová-ega-igar-ukmaidba, obunnomai-obunnomai nadapgusmalad. A-sorbali, Israel-dulemar dii-gobega Refidimʼye-neg-nugadgi ambikudapmalad. Agi dii sated.
2029	EXO 19:2	Refidimʼye-neg-nugadgi-bukwa-noargu, nega-dulesulidgan-Sinaíʼye-nugadse modapmalad. Agi, yar-asabin ambikudapmalad.
2041	EXO 19:14	Moisés yar-birgi-gudiid aidenonikid. Agi, Moisés, Bab-Dummad-e-nug-odummomalaga, guakwaa isligwale dulemar-urbisad. Dulemardina, na e-mor enuksamalad.
2043	EXO 19:16	Ibapaa-gusadgi neg-oiboargu, mar-goledi bela-bela itoleged, degine, mar-dakarmakmaidi bela-bela daklebalid. Yar-birgi, mogir-gudure naid. Gar-trompeta-binnasur-goted-itosmargua, bela-dulemar-bukwadi dobedba wawanmakdemalad.
2058	EXO 20:6	Ar dulemar-an-sabmaladdi, dulemar-an-Igarmar-Mamaidba-nanamaladdi, an bela-e-waganmar-danimaloed e-ibe nue-sabguedid.
2062	EXO 20:10	Ibagugledgindi (7), obunnoleged-ibad, be-Bab-Dummad-Jehová-e-nug-odummolegedid. A-ibagi bipisaale be arbaosulid. Be-machi, be-bunagwa, bega-arbaed-machered, bega-arbaed-ome, be-moli-bebe-nikad-alugwasualed, be-moli-uayasuid, be-ibdurgan, a-ibagi, arbaosurmarmogad. Deginbali, dule-be-yarginedsulid be-negyagi-gudiid, a-ibagi, arbaosurmarmogad. Ar obunnoged-ibagi igi be obunnomoga, beyobi bega-arbaed-machered, degine, bega-arbaed-ome, obunnomarmogoed.
2104	EXO 21:26	”Dule na e-mai-machered ibyagi-sarsosale, e-mai-omegwa-ibyagi-sarsosdibe, ei ibya onosale, e-ibed ei-ibya-gwagwen-onosad-ular, e-mai-ollor-imakoed.
2116	EXO 22:1	”Dule-atursaed mutik ibmar-atursanai-daklesale, agi onaibisalesale, degi, burgwenonikile, we-dule-ibmar-e-ibed, dule-oburgwissuliyob daklegoed.
2118	EXO 22:3	”Ibdurgan-atursalesad amba-dula dule-atursasad-neggi-gudii daklealile, dule-ibdurgan-atursasad ilabo-wilub ukoed: Moli-bebe-nikad-machered-alugwasualeddibe, moli-uayasuiddibe, sibad-wawaaddibe, ilabo-wilub e-ibedga ukoed.
2157	EXO 23:12	”Ibanergwa (6) bela be-ibmar-imaked be imako, ibagugledgindina (7), be obunnogoed, adi, be-moli-bebe-nikad-alugwasualed, degi, be-moli-uayasuid, obunnomalagar. Deginbali, be-maigan, degi, dule-be-yarginedsulid, gannar gangumalagar.
2176	EXO 23:31	”Be-yar-abingumaloedi, weyob an bemarga nasikoed: Demar-Ginnidye-nugad-naid-akar, Filistea-dulemar-demar-naidse, degine, Nega-dulesulid-akar, diwar-Éufrates-maidse, an nasikoed. Dulemar-we-yargi-bukwamaladgi-nakwed an be-imakoed. We-dulemar bela be-asabin be onogoed.
2195	EXO 24:17	Israel-dulemar Bab-Jehová-e-gangued-yeerdaklegedi, yar-birgi-soo-binnasur-gwabunyemaiyob dakmalad.
2198	EXO 25:2	“Israel-dulemarga be sogo, anga-ibmar-ukega be ibmar weemaloye. Bela na e-ulubgi-ibmar-ukbi-itogedba, na ukmaloye.
2218	EXO 25:22	An besega, querubinʼmar-warbogwad-gwichid-abargi, ulu-eduged-birgi, magarogoed. Agi an bebo sunmakoed. Agi an bega-Israel-dulemarga-ibmar-sogoed, an bela bega sogoed.”
2221	EXO 25:25	Deginbali, e-dikar-bela-ebilis wis-nibakwaa be imakbaloed. E-matardungued, argan-matagwen be imakoed. We-wis-nibakwaa-be-imakoedgi, or ebiris be nasikoed.
2226	EXO 25:30	Madu-Bab-Dummad-asabin-ukleged, mese-birgi-maigu be imakoed.”
2254	EXO 26:18	Degisoggu, urgomar mata-dulagwen (20) anse-goled-neg-sunna-selegedga, dad-nakwed-argan-nuedsik ogwichega be imakoed.
2260	EXO 26:24	We-urgo-matabogwad-e-nagmar, e-sigmalad-birgi darbo abingunaidgi gwisguoed. Geb nibalidse or-dummad-naidgi be urgo darbobela be odogoed. Weyob urgo-matabogwad niba ebo-atonai be imakoed.
2272	EXO 26:36	Anse-goled-neg-sunna-seleged-e-yawagakgala, we-dubmargi mor-dummad be soboed: Nirbadub-aradgi, nirbadub-suir-akwagiidgi, nirbadub-ginnidgi, linoʼdub-nuedgi be soboed. Ise-nue-sobar, bela-bela-nue-yeerdakle-imakale, be we-mor-dummad imakoed.
2278	EXO 27:5	Degine, san-nared-saki-sakid anga-ibmar-ogumakar-ukleged-ailagi, negabaladgi be nasikoed.
2279	EXO 27:6	Deginbali, anga-ibmar-ogumakar-ukleged-ailaga, suar-warakwagana be imakbaloed. We-suar-warakwaganaga urgo-acaciaʼye-nugad be ebugoed. We-suar-warakwagana-birgi esgoro-gordikid egi be nasikoed.
2294	EXO 27:21	Aarón, degi, e-machimala, gwallu guakwaa simaloed, adi, gwallu gasigu oibodagegar. We-gwallu Bab-Jehová-dulemarbo-ambikued-neggi, mor-dummad-Bab-Ulu-irwa-naid-magaba sigoed. We-igar-an-ukedi, Israel-dulemarga, degine, e-waganga, degisadegu guoed.’ ”
2332	EXO 28:38	Weyobi, Aarón-bebegi nai guoed. We-olo-matargwagwad sogleged: Aarón ibmar-ukleged-swilidikid-anga-ukalile, Israel-dulemar-nosasogele, Aarónʼgi gwisgulegoye, degine, an e-isgusmalad elioye, geb an anga-ibmar-ukleged-swilidikid-ukarmalar, abingaoye.
2337	EXO 28:43	Aarón, degi, e-masmala, dulemar-anbo-ambikued-negse-dogdemalale, we-garson-bipi-yoi dogmaloed. Degine, anga-ibmar-ogumakar-ukleged-ailase nadmalale, amba we-garson-bipi-yoi dogbaloed. Adi, wemala melle isgumalagar. Ar isgumalale, wemala burgwemaloed. Aarónʼgala, degi, e-masmalagala, we-igar degisadegu-mai guoed.”
2338	EXO 29:1	Bab-Jehová Moisésʼga sogdebalid: “Aarón, degi, e-masmalabo, anga dule-irwa-anse-gormaladga-gumalaga, weyob be imakoed: Be-molimar-abargi moli-bebe-nikad-sapingwa-wargwen, degi, sibad-wawaad-machered-warbo be suoed. Amar, swilidikid be suoed, bonikwasulid be suoed.
2350	EXO 29:13	Deginbali, bela we-ibmarmar be weoed: E-samurgi-gwallu-nanaid, e-bina-dukugi-gwallu-nanaid, e-mirwa-gwabogwadgi-gwallu-nanaid, degi, e-mirwa-gwabogwad. ”Geb a-gwallumala anga ibmar-ogumakar-ukleged-aila-birgi be ogumakoed.
2351	EXO 29:14	Moli-bebe-nikad-e-sandi, e-ukadi, e-saadi, soogi dulemar-danar-danar-bukmalad-magaba be ogumakoed. Ar we-ibmardi isgued-anar uklegoed.
2355	EXO 29:18	Geb a-sorbali, sibad-wawaad-machered ibmar-ogumakar-ukleged-aila-birgi bela be ogumakoed. We-ibmar-ogumakar-anga-ukleged, an yeer-yapan itogoed. We anga soogi ogumakar uklenaid.
2358	EXO 29:21	Anga-ibmar-ogumakar-ukleged-ailagi-abe-siidi, degi, dule-nugsalenair-olivo-gwallu-ebulegedi, Aarónʼgi be bomi-bomi imakoed, degi, e-mormargi be bomi-bomi imakbaloed. Geb Aarón-e-masmalagi, degi, e-masmala-morgi be bomi-bomi imakbaloed. ”Weyobi, Aarón, e-mormala, e-masmala, degi, e-masmala-mormala, an-asabin anga islidiki guoed.
2359	EXO 29:22	”Geb degine, we-sibad-wawaad-machered-e-gwallu be suoed: E-samurgi-gwallu-nanaid, e-bina-dukugi-gwallu-nanaid, e-mirwa-gwabogwadgi-gwallu-nanaid, degi, e-mirwa-gwabogwad be suoed, degine, e-dua-argan-nuedsikid be subaloed. Ar ade, we-sibad-wawaad dule-irwa-Bab-Dummadse-goled-onugsalegega uklegaledid.
2366	EXO 29:29	”Aarón-mormar-islidikmalad, anse-dule-irwa-gorsokalir-yoleged, Aarón-sorba, e-wagan sumaloed, adi, a-mormar-yoi anga dule-irwa-Bab-Dummadse-gormaladga-nugsalemalagar.
2367	EXO 29:30	Aarón-e-wagan-wargwen, e-bab-sorba dule-irwa-anse-golega-sulesar, anga Neg-Islidikidgi-arbaega, dulemar-anbo-ambikued-negse nonikile, we-mola yooed. Ibagugle (7) we-mola-yoi gudii guoed.
2393	EXO 30:10	”Aarón, birgagine, isgued-eliega, we-ina-wawadikmalad-ukleged-ailagi, e-moli-bebeyob-daklegedgi, anga-ibmar-ogumakar-uklesad-e-abe egi mage-mage imakoed. Birgagine, irgwennaa deyob imakoed. Be-wagan, degisadegu imakdii gudoed. We-aila angadga guoed.”
2397	EXO 30:14	Bela dulemar-birga-dulagwen-nikamalad (20), degi, bela aba-obine-birga-nikamalad-ebislesmaladi, anga we-mani ukoed.