41	GEN 2:10	Degine, Edénʼgi diwar maid. Agi, e-saila-siid. A-diwar nainu-nued ogmaid. A-diwar ana-sogabake nikad.
82	GEN 4:2	Geb a-sorba, Evaʼga Abel uklenonikid, Caín-e-urba. Abel sibad-wawaad-edarbedga gusad. Caínʼdi sapurba-arbaed-dulega gusad.
98	GEN 4:18	Enoc, Irad-e-babad. Iradʼdi, Mehujael-e-babad. Mehujaelʼdi, Metusael-e-babad. Metusaelʼdi, Lamec-e-babmogad.
135	GEN 5:29	Noéʼye e-machi-onugsasad. Ar ade, sogded: “Bab-Jehová we-napa-ukabsassoggu, a-ular, anmar ise-alamaknai arbaergebed. Ar emigindi, we-machigwa anmarga obunnoged ukoed.”
173	GEN 7:13	Noé, ur-dummadyaba-dogsad-ibagi, wemar eba dogsamarmogad: E-ome, e-machi-Sem, e-machi-Cam, e-machi-Jafet, degi, e-masmala-omegan. We-dulemarbi ur-dummadyaba dogsamalad.
174	GEN 7:14	Wemarba bela ibmar-durgan-na-egad-egad-balibimalad dogsamarbalid. A-ibdurgan wemalad: Ibmar-durgan-sapurbarmalad, ibmar-durgan-sunna-akwilemalad, ibmar-durgan-napagi-garmakdimalad, nuumar, degi, bela ibmar-sakan-nikamalad. We-ibmar-durgan, Noéʼba ur-dummadgi dogsamarmogad.
212	GEN 9:6	Ar Bab-Dummad dule e-sunnague-obinnissoggu, dule-gwensak dule-oburgwisale, dule-baid a-dule-oburgwemogoed.
216	GEN 9:10	Degine, bela ibmar-dulamalad bemarba ur-dummadyagi-bukwa-ainisad: Nuumar, ibmar-durgan-sunna-akwilemalad, ibmar-durgan-sapurbarmalad. ”Bela we-ibmar-durgan-we-napneggi-bukmaladbo an igar mesoed.
224	GEN 9:18	Noé-machimala ur-dummadyaba-nosmaladi, wemardo: Sem, Cam, Jafet. Camʼde, Canaán-e-babad.
229	GEN 9:23	Geb degi, Sem, Jafet-ebo e-bab-edugega mor-dummad amismalad. Geb gukinba mor-dummad-gani sorsik-sorsik nadegusmalad. Baidsik ataknadapi gusmalad, adi, mer e-bab uka-swiri-maid dakegar. Geb a-mor-dummadgi e-bab-edusmalad.
243	GEN 10:8	Cus, Nimrod-e-babad. Nimrod-insega we-napneggi nuga-nikad gusad, dule-dutusulid gusad.
250	GEN 10:15	Canaánʼdi, Sidón-e-babad. Sidónʼde, Canaán-machi-sailaginedid, geb degine, Hetʼye-nugad, baksabalid.
259	GEN 10:24	Arfaxad, Sala-e-babad. Salaʼdi, Heber-e-babad.
294	GEN 11:27	We, Taré-e-igar: Taré, Abram-e-babad. Nacor, degi, Harán amba Taré-masmalamogad. Haránʼde, Lot-e-babad.
295	GEN 11:28	Harán e-bab-Taré-iduar Caldea-dulemar-yargi, Ur-neggweburgi burgwisad. Urʼde Harán-gwalulesad-neggweburad.
315	GEN 12:16	Sarai-ulale, Faraón Abram-nued-akwisad. Sibad-wawaadmar, moli-bebe-nikamalad, moli-uayasuid-machergan, moli-uayasuid-omegan, mai-machergan, mai-omegan, degine, moli-yargan-muremalad Abramʼga uksad.
324	GEN 13:5	Lot amba dule-mani-ibedmogad. E-gilor-Abramʼyob sibad-wawaadmar, moli-bebe-nikamalad, degi, dordonegmar nikamogad.
339	GEN 14:2	A-ibagangi, deunni, we-reymar-walabakegwad, baigan-reymar-ataled-ebo bila-onogega na atosmalad. We-reymar-walataled atosmarmogad: Sodoma-e-rey-Bera, Gomorra-e-rey-Birsa, Adma-e-rey-Sinab, Zeboim-e-rey-Semeber, degi, Bela-e-rey. We-Bela-neggweburde, Zoarʼye nugbalid.
344	GEN 14:7	Quedorlaomer, degine, reymar-eba-gudidimalad we-dulemar-sogabakegwadgi-nakwisgu, gannar aibiris armalad. Geb Enmispatʼye-neg-nugadse nonimalad. We-Enmispatʼde, Cadesʼye nugbalid. Rey-Quedorlaomer, degi, reymar-eba-gudidimalad Amalec-dulemar-yalaganba bela ibmar obelonadap gusmalad. Deyob Amorreo-dulemar-imaksamarbalid. We-Amorreo-dulemarde Hazezon-Tamar-yalagangi bukwamalanad.
374	GEN 15:13	Geb degine, Bab-Jehová Abramʼga sogded: —Nue be wisguergebed, be-wagan e-yarsulidgi gudii gumaloed. Agi maiganga gumaloed, degine, a-yargi birga-dulataled-ilabake (400) sabsuli be-wagan-wiomaloed.
453	GEN 18:28	Igidibe, dule-nuegan dulabo-gakambe-guega (50), e-walatar-napile. ¿Amba walatar-napid-ular, bela Sodoma-neggwebur be obelogode? Bab-Jehová Abraham-abin sogded: —Ar we-neggweburgi dulabo-gakatar (45) dule-nuegan amba wis gudiile, an obelogosulid.
491	GEN 19:33	A-mutikidba, vinoʼgi e-bab-ogobsamalad. E-sisgwa-dummad e-babse gochad. Ar e-babdi gwen itossulid, sana e-sisgwa e-yarba megisa, degine, sana gannar gwisgusbali.
513	GEN 20:17	Geb degine, Abraham Bab-Dummadse goted, geb Bab-Dummad Abimelec-onugusad, degi, e-ome-onugusbalid. Deginbali, e-maimar-omegan-onugusbalid, adi, nabir sunna mimmi-bake gumalagar.
562	GEN 22:14	Geb a-sorbali, Abraham weyob we-neg onugsasad: Bab-Jehová ibmar-unnitiba-ukedye. A-ulale, amba we-garda narmaklenaidse sogleged: Bab-Jehová-yargine ibmar-unnitiba-uklegoedye.
569	GEN 22:21	Gebe-machigwa ega gwalulesad, Uzʼye nugad. A-sorba, e-urba-Buz gwalulesad. Degi, Kemuel gwalulesad. Kemuelʼde, Aram-e-babad.
571	GEN 22:23	We-Betuelʼde Rebeca-e-babad. Wemar-walabaabakadi (8) Nacor-machimalad, Milca-ebo baksadid. Nacorʼde Abraham-e-urbad.
572	GEN 22:24	Deginbali, Nacor, Reúma-ebo baid-machimala nikusbalid. Reúmaʼde e-ome-dikarbalidid. We-ebogwa machimala-baksadi, wemalad: Teba, Gaham, Tahas, degi, Maaca.
591	GEN 23:19	Geb agine, Abraham akwasaila-ollor-siidgi e-ome-Sara-mui-digsa gusad. We akwasaila-ollor-dummad, Macpela-nainugi siid, Mamre-dad-nakwedsik. Mamre-neggweburde Hebrónʼye nugbalid, Mamre-neggwebur Canaán-yargi siid.
607	GEN 24:15	Abraham-e-mai amba yoo Bab-Dummadse-goled bergue, dakded, yagwa-gwensak e-gukingi buglu-sii daniki. Dakleargua, we-yagwade Betuel-e-sisgwad, Rebecaʼye nugad. Betuelʼde Milca-e-machid. Milcaʼdi Nacor-e-omed. Nacorʼdi Abraham-e-urbad.
626	GEN 24:34	Abraham-e-mai sogded: —Ani, an Abraham-e-maid.
671	GEN 25:12	Ismael, Abraham Agarʼbo-machi-baksadid. Agarʼde, Sara-e-maid, Egipto-duled.
686	GEN 25:27	Masmala-warbogwad dungudmalad. Esaú ibmar-make-duledid. Sapurba-gudiile, yeer-itodaed. Jacobʼdi dule-boo-daedid. Neggi-gudiile, bur-yeer-itodaed.
715	GEN 26:22	Agi, Isaac dikasur nadsunnad. Agi, dia-baid akwidapid. Ar we-dia-binardi ulussurmarsoggu, Isaac Rehobotʼye dia-onugsasad. A-sogleged: Na e-itoleged-gudiguedye. Ar ade, soged: “Ar emigindi, Bab-Jehová anmar nabir-itodiguega, anmarga we-neg uksad, adi, anmar wegi nasguegar.”
747	GEN 27:19	Jacob abin-sogded: —An, Esaú, be-machi-dummad. Be anga-sogsadba bato an imaksad. Baba, be-dage. Wis wese be sigdage. An-ibmar-maksad be gundage. Geb be ise-nued-angi-binsaed be anga sogoed.
760	GEN 27:32	Geb degine, Isaac, Esaúʼga sogded: —¿Be doa-dule? Esaú abin-sogded. —Ani, an Esaú, be-machi-gebesailagined.
779	GEN 28:5	Weyobi, Isaac Padan-Aram-neggweburse Jacob-barmisad. Jacob, Labán-negse modapid. Labánʼde Arameo-dule-Betuel-e-machid, Rebeca-e-susud. Rebecaʼde Jacob, degi, Esaú-e-nanad.
783	GEN 28:9	a-ulale, Esaú Ismael-daknadgusad. Ismaelʼde Abraham-e-machid. Esaú Ismael-e-sisgwa-Mahalatʼye-nugad nikusad. Mahalatʼde Nebaiot-e-bunad. A-iduale, Esaú bato Canaán-omegan nikumaibalid.
799	GEN 29:3	Bela sibad-wawaadmar danar ase ambikunonikile, sibad-wawaad-edarbemalad akwa-dummad onir damalad, adi, diigi sibad-wawaad-ogobmalagar. Geb a-sorbali, gannar akwa-dummad dia-birgi sidamalad.
806	GEN 29:10	Raquelʼde, Labán-e-sisgwad. Labánʼdi, Rebeca-e-susud. Jacob, e-gilor-Labán-sisgwa Labán-sibad-wawaadmar-sedani-daksagu, dia-birgi akwa-dummad-siid-onirega nade gusad. Geb onirisgua, sibad-wawaadmarga dii uksad.
809	GEN 29:13	Labán itoargu, e-bun-Raquel-machi-Jacobʼgi ega sunmake, agi Labán abarmakded, Jacob-abin-daknaegar. Modapgu, Jacob e-nigasoggu, ise-angaagwar Jacob-imakdapid, ei-wagar usbalid, ega sogega, be nued sogeye. Geb agine, e-negse Jacob-sesad. Geb degine, Jacob bela e-gusad-igar Labánʼga sogsad.
829	GEN 29:33	A-sorbali, Lea machigwa-baid-nikunonibalid. Adi, Simeónʼye onugsasad. Geb agi sogded: “Bab-Jehová an-sui-baisur-an-daked daksad. A-ular, Bab-Jehová machigwa-baid anga uksabalid.”
830	GEN 29:34	Lea gannar machigwa-baid-nikunonibalid. Adi, Levíʼye onugsanonikid. Ar ade, Lea soged: “An-suiba machimala-walapaagus an bakdanisoggu, ar emigindi, an-sui bur bule an walikaa guoed.”
831	GEN 29:35	Lea amba machigwa-baid-nikunonibalid. Adi, Judáʼye onugsasad, ar ade, Lea soged: “Ar emigindi, Bab-Jehová-nug an odummogoed.” A-sorbali, Lea mimmigan-nikued galesad.
868	GEN 30:37	Jacob we-sapi-e-anagan siksad: Álamo-e-ana, almendro-e-ana, degi, castaño-e-ana. Degine, amar-sapi-anagan bara-bara-daklegegala, a-e-uka saguar-saguar esisad.
884	GEN 31:10	”Ibagwengine, ibdurgan-idudigu, an gabdaksad. An dakalid, sibad-machergan omegi-nakwenanaid bara-bara-nanaed, gutu-gutu-nanaed, degine, mata-mata-nanaed.
886	GEN 31:12	Geb degine, Bab-Dummad-e-baliwitur anga sokalid: ‘Nue be dako. Be dakena, sibad-machergan omegi-nakwenanaid bela bara-bara-nanaed, gutu-gutu-nanaed, degine, mata-mata-nanaed. Ar ade, an bela wisid, igi Labán be-imakdii.
917	GEN 31:43	Geb degine, Labán Jacob-abin sogded: —Be-omegan, an-sisganad. Burwigana, an-waganad. Sibad-wawaadmar, an-sibad-wawaadmalad. ¡Bela we-ibmarmar be dakedi, bela angadbiid! Ar an-sisgansoggu, ¿igi an bar saosunna? Degine, an-sisgan-mimmiganbarsoggu, ¿igi an imakbalosunna?
939	GEN 32:11	An wisi, be angi nued binsamaid, gwen be angi nodisulid, ar deyob be an-imake-wilubsulinad. We-Jordán-diwar an obaksagua, deunni, ibmar-bipisaar gwen an semaigussulid, unnila, gaapoledbi an semai gusad. Ar emigindi, ibmar-dummagan-danabo an nikad.
940	GEN 32:12	Bab-Jehováʼye, ¡an-ia-Esaúʼgi wis be an-bendake! An dobe-itoged. Abakalegi an-oburgwialile, degi, an-omemar, an-mimmimar-oburgwiarbalile.
947	GEN 32:19	Abin be sogoed: ‘We-ibmar-durgan, be-mai-Jacobʼgadye. Dummad-Esaú, an-dummad-Jacob bega we-ibmar-durgan barmiarye. Degi, Jacob e-sunnad anmar-sorba danimoye.’ ”
972	GEN 33:11	Degisoggu, nue-wilesakwaa an bese egised, we an bega-ibmar-durgan-uknaid be sue, ar ade, Bab-Dummad mani-ibedga an-imaksad. Ibmar-durgan unniguar an nikad. Ar Jacob e-ia-Esaúʼgi alamaknaigusoggu, Esaú ibmar-durgan-abingassunnad.
980	GEN 33:19	Jacob Hamor-e-masmalase mani-gwadulatargi (100) nainu baksad. Hamorʼde Siquem-e-babad. A-nainugi Jacob dordoneg sisad. Jacob agi megnonikid.
983	GEN 34:2	Siquem a-bunagwa-dakargu, gadebin imaksad, egi nue-dodosad. Siquemʼde Hamor-e-machid. Hamorʼdi, Heveo-duled, neggweburgi nue-nug-nikagwadid.
988	GEN 34:7	Jacob-masmala-sapurba-gudidimalad neggusad-wisgusmargu, gannar negse nonimalad. Ar ade, e-bab-Israel-nug nue-gagalesad. Aginbali, Siquem e-bungi-dodosad-ular, nue-gwage-nunmak-itomalad, degi, nue-sae-itomarbalid. Ar ade, Siquem weyob imakewilubsulinad.
997	GEN 34:16	Ar deyob bemar imakele, bemar sunna anmar-sisgan nikumaloed, degine, anmar sunna bemar-sisgan-nikumarmogoed. Anmar sunna bemar-abargi megmaloed. Anmar bemarbogwa dule-wargwennayob gumaloed.
1001	GEN 34:20	Siquem, e-bab-Hamor-ebogwa neggwebur-doged-yawagakse nade gusmalad, ar ade, agi igar-naboleged-negad. Agi, Siquem, e-bab-Hamorʼbo dulemarga sogdemalad:
1009	GEN 34:28	Jacob-masmala we-ibmarmar sesa gusmalad: Sibad-wawaadmar, moli-bebe-nikamalad, moli-uayasuidmar, bela neggweburgi-ibmar-nikad, degi, sapurba-ibmar-nikamarbalid.
1017	GEN 35:5	Emar noarmargu, Bab-Dummad dulemar-neggweburmar-dikarbarmalad bela-bela Jacob-dobgumalaga imaksad. A-ulale, dulemar bar Jacob, degi, e-masmala-baregichasurmalad.
1020	GEN 35:8	Agi, Débora burgwisad. Déboraʼde Rebeca-akwisadid. Betel-waliksaar sapi-encinaʼye-nugad-urba digsamalad. Jacob Débora-digsad-neg Alón-Bacutʼye onugsasad. A-sogleged, Sapi-encina-bosadye.
1043	GEN 36:2	Esaú Canaán-yargined-omegan-nikusadi, wemalad: Gebesailagine, Ada-nikusad. Adaʼde Elón-e-sisgwad, Het-duled. Esaú, Aholibama-nikusbalid. Aholibamaʼde Aná-e-sisgwad, Zibeón-e-wagwad. Zibeónʼde Heveo-duled.
1044	GEN 36:3	Degine, Esaú, Basemat-nikusbalid. Basematʼde Ismael-e-sisgwad, Nebaiot-e-bunad.
1055	GEN 36:14	Aholibama, Esaú-ome-baid gubalid. Aholibamaʼde Aná-e-sisgwad, Zibeón-e-wagwad. A-ome Esaúʼbo masmala-baksadi, wemalad: Jeús, Jaalam, degi, Coré.
1076	GEN 36:35	Husam burgwisgua, a-sorba, Hadad negdaknonimogad. Hadadʼde, Bedad-e-machid. Hadad, Moab-yargi Madián-dulemargi nakwisad. Hadad-e-neggweburga-gusadi, Avitʼye nugad.
1079	GEN 36:38	Saúl burgwisgua, a-sorba, Baal-Hanán negdaknonikid. Baal-Hanánʼde, Acbor-e-machid.
1080	GEN 36:39	Acbor-machi-Baal-Hanán burgwisgua, a-sorba, Hadar negdaknonikid. Hadar-e-omedi, Mehetabelʼye nugad. Mehetabelʼde, Matred-e-sisgwad, Mezaab-e-wagwad. Hadar-e-neggweburga-gusadi, Pauʼye nugad.
1086	GEN 37:2	Jacob-e-igar weyob maid. José sapingwaunni, birgambe-gakagugle-nikagua (17), e-iamarmala sibad-wawaad-edarbedii daed. E-iamardi Bilha, degi, Zilpa-e-masmalad. Bilhaʼde, degi, Zilpaʼde Jacob-e-omeganad. José negse-modapir, e-iamar-sunnasurdaed e-babga sogdapdaed.
1089	GEN 37:5	Ibagwengi, José gabdaksad. Na e-gabdaksad e-iamarga sogsad. A-ular, e-iamar bur bule José-sae-dakarmalad.
1097	GEN 37:13	Geb degine, Israel Joséʼga sokalid: —Be-iamar Siquem-neggwebur-naba sibad-wawaad-edarbedimalad. Be-iamar-daknabi an be-abedo. José abin-sogded: —Nuedgi an naodo.
1106	GEN 37:22	Melle bemar José-ablis eomalo. Wegi nega-dulesulidganba dia-siid-yaba be odomalo. Melle be oburgwemalo. Rubén José-bendakbiedba, deyob sogsad, adi, e-babga gannar José-dula-ukegar.
1151	GEN 39:1	José Egipto-yarse-selesgu, Egipto-dule-Potifarʼye-nugad Ismael-dulemarse José-baksad. Potifarʼde Faraónʼga arbaedid, degi, Faraón-sordamar-daked-e-dummadid. Faraónʼdi Egipto-e-reyd.
1158	GEN 39:8	Joséʼdi yapa gusad. José, ome-abin sogded: —An-dummad bela-ibmar-nikad ega-dakega an-nug-imaksad. Emigi, an-wegi-gudiidgi an-dummad bar gwen dogdar ibmargi bukib binsadisulid.
1205	GEN 41:9	Geb degine, nogdaked-e-dummad José-e-binsaded. Agi, Faraónʼga sogded: “Dummad, nue-dummad-nosa an-itoged.
1217	GEN 41:21	Ar moli-garagana moli-wardadagana-guchamar-inigwele, amba gara-gara-dakleged. Agi, attaas an naded.
1226	GEN 41:30	Geb a-sorbali, birgagugle (7) ukud-dummad nagunonikoed. Dulemar, Egiptoʼgi iduar-ibmar-yaisur-nikusadi, gwen bar ebinsaosurmalad, ar ade, ukud-dummadi Egipto-yar-obelogoed.
1246	GEN 41:50	Ukud-dummad-nagued-idu, José e-ome-Asenatʼbo machimala-warbo nikusad. Asenatʼde Potifera-e-sisgwad. Potiferaʼde On-neggweburgi dule-irwa-e-bab-dummadse-goledid.
1270	GEN 42:17	Geb degine, José ibapaa esgaryagi e-iamar-meted.
1328	GEN 44:3	Geb dad-nakwialiyalaba, José negse e-gwenadgan-barmialid. José-e-gwenadgan e-moli-uayasuid egad-egadgi armalad.
1345	GEN 44:20	Anmar be-abin-imaksagusad, anmar-bab selebagusye. Anmar urba-bipigwad nikabarye. We-machi anmar-bab selebagusadgine nikusye. Degine, anmar bega sogsabalid, anmar-bab bela-bela we-machigwa-sabye. Ar ade, unnila nan-wargwengi webi-walagwenad, e-ia-nan-galagwenad burgwisad.
1385	GEN 45:26	Jacobʼga sogdapmargu: “José amba dula-gudiiye, Egipto-yargi dummadga negdakmaiye.” Jacob, e-masmala ega ibmar-sognaid geg itoged, geg ibmar-soge naded. Ar ade, e-masmala-bened.
1395	GEN 46:8	Jacobʼde Israelʼye nugbalid. Israel-masmala Egipto-yarse-nadegusmalad-e-nugmar, wemalad: Rubén, Jacob-machi-gebesailagined.
1407	GEN 46:20	José Egipto-yargi Asenatʼbo-masmala-baksadi, wemalad: Manasés, Efraín. Asenatʼde, Potifera-e-sisgwad. Potiferaʼde, On-neggweburgi dule-irwa-e-bab-dummadse-goledid.
1409	GEN 46:22	Wemala, Raquel, degi, Jacob-wagan-gumalad. Bela warambe-gakabake-mergu (14) gusad.
1416	GEN 46:29	Geb degi, José e-bab-abindaknaega igar-ukded, ega guakwaa ur-napagined nasikye. José Gosén-yargi e-bab-abinguargua, angaagwar e-bab-gasad. E-bab-gukingi undar bonai gusad.
1450	GEN 47:29	Ibagwengine, Israel e-burgwed warmaksa itoalid. A-ulale, e-machi-Joséʼse gochad, ega sogded: —Ar ibmar-nued be anga nue-imakbiele, be-argan an-dua-urba be mese. Weyobi be anga oyogoed, an bese ibmar-egisoed, be anga imakedseye. Degisoggu, an bese egised, melle Egipto-yargi be an-mui-digo.
1453	GEN 48:1	Iche-naded-sorbali, Joséʼga sokarmalad, be-bab uellemaiye. Geb degine, José e-bab-daknaded. José, e-masmala-warbogwad, Manasés, degi, Efraín, eba sesa gusad.
1479	GEN 49:5	”Simeón, Leví, gwenadgan gumalad. Es-suidmargi dulemar-sabsur-imakdamalad.
1493	GEN 49:19	Geb degine, Jacob e-masmalaga sogdebalid: “Gadʼgi sordamar-urwemalad bukidar gwisgunonimaloed. Degi-inigwele, Gadʼdi, a-sordamar-baregitoed.
1504	GEN 49:30	A-akwasaila-ollor-siid an bega obared: Mamre-asabin Macpelaʼgi akwasaila-ollor-siid. Deunni, Abraham Het-dule-Efrónʼse nainu-baksagu, we-akwasaila-ollor-siid baksa gusbalid. Adi, agi e-gwenadgan-e-muimar digegar.
1512	GEN 50:5	‘An-bab burgwedani-maigu, ega ise-sogar an-imakega an-imaksad, ande e-neg-uan-guakwa-sisadgi e-mui-digoye. We-neg-uan Canaán-yalagi siiye. Degisoggu, an begi wileye, an-bab-mui-dignaega be an-imakye. An-bab-mui-digsayalaba gannar an nonikoye.’
1544	EXO 1:11	A-ulale, Egipto-dulemar dummagan-onugsasmalad, adi, Israel-dulemar arbaed-dutusulidgi oarbamalagar. Egipto-dulemala Faraónʼga-mas-sabogega neggweburmar-sobega Israel-dulemar-imaksad. We-neggweburmarde, Pitónʼye, degine, Ramesésʼye nugad.
1565	EXO 2:10	Machi-bipi mam-iargusgu, e-nan Faraón-sisgwaga uksad. Geb agi, Faraón-sisgwa na e-mimmiga machi-bipi-imaksad. Geb Moisésʼye machi-bipi-onugsasad, ar ade, sogded: “Ar ande diigi onosaddeeye.”
1567	EXO 2:12	Geb degine, Moisés bela e-dikarba ataksagu, dulemar-sate daksagua, Egipto-dule-oburgwisad. Geb degine, odukuegala, ukubyaba digsad.
1570	EXO 2:15	Ar inso, Faraón wisguargu, Moisés Egipto-dule-oburgwisye, agi Faraón, Moisés-oburgwebi-gualid. Ar Moisésʼdi wakitegu, Madián-yalaganba megnaded. Warmakdapgu, dia-gwagwen-naba sigidapid.
1585	EXO 3:5	Geb degine, Bab-Dummad Moisésʼga sogded: —Melle anse be warmako. Degine, be-naggi nag-uka-yoid be unge. Ar be napa-annagwichidi, napa-nuedid, nega-isligwaled-napad.
1623	EXO 4:21	Geb a-sorbali, Bab-Jehová Moisésʼga sogded: —Egiptoʼse be modapile, Faraón-asabin bela ibmar-gegerdaklemalad be imakoed. We-ibmar-gegerdaklemalad sunna-imakega an bega gangued uksad. Ar andi aka bur bule Faraón-burguega an imakoed, adi, Faraón melle Israel-dulemar-onogegar.
1624	EXO 4:22	”Geb degine, Faraónʼga be sogoed: ‘Bab-Jehová weyob soged: Israel an-machi-sailaginedid.
1679	EXO 6:23	Aarónʼdi, Elisabet nikusad. Elisabetʼde Aminadab-e-sisgwad, Naasón-e-bunad. Geb Aarónʼga, degi, Elisabetʼga machimala-uklenonikid: Nadab, Abiú, Eleazar, Itamar.
1689	EXO 7:3	Ar andi gatik aka bur bule Faraón-burguega an imakoed, adi, mer an-dulamar-onogegar. Deyob an imakoed, adi, Egipto-yargi ibmar-dummagan, ibmar-gegerdaklemalad an gatik imakegar.
1750	EXO 9:7	Faraón Israel-dulemar-e-ibmar-durgan-daknamalaga, e-dulemar barmisad. Dakleardo, Israel-dulemar-e-ibmar-durgan wargwensaale gwen burgwissuli. Degi-inigwele, Faraón aka bur bule burguded, Israel-dulemar-onossulid.
1804	EXO 10:26	Deginbali, anmar-moli-bebe-nikamalad anmarba naergebbalid. Ar ibmar-durgan-wargwensaale wegi beosulid. Ar ade, anmar, anmar-Bab-Dummad-Jehováʼse golegala, e-nug odummogegala, na anmar-ibdurgan suergebed. Degisoggu, anmar amba wissulid, igid anmar Bab-Jehováʼga-ukoe. Geb anmar weba sudapoed, ibimar anmar abegoe.