47	GEN 2:16	Agine, Bab-Dummad-Jehová dulega igar-uksad: “We-nainu-nuedgi sapimar-bukwad-e-sanmar sunna bela be gunned.
66	GEN 3:10	Dule abin-sogded: —An be-itosad, nainu-nued-imbaba be gudii. Ar an uka-swili-gudisoggu, an be-dobee itoged. A-ular, an be-idu dukusad.
69	GEN 3:13	Geb degine, Bab-Dummad-Jehová omese egichided: —¿Ibiga deyob be imaksa? Ome abin-sogded: —Ar naibe an-yardaksad. A-ular, sapi-e-san an guchad.
103	GEN 4:23	Ibagwengi, Lamec e-omemarga sokalid: “Ada, Zila, an bemarga ibmar-sogoedi, nue be an-itomalo: Dule naibi-an-imaksad-ular, an oburgwisad. Machigwa an-sarsosad-ular, an oburgwisad.
244	GEN 10:9	Nimrod, Bab-Jehová-nabir-egi-binsasadba sapurba ibmar-maked-dule gusad. A-ulale, weyob-sogleged: “Dule-Nimrodʼyob ibmar-maked-duleye.”
359	GEN 14:22	Ar Abramʼdi abin-sogded: —Suli. Bab-Dummad-Bur-Birigined-Jehováʼga ise-sogar an imaksad. We-Bab-Dummadde nibneg, degi, napneg bela obinnisad.
370	GEN 15:9	Bab-Jehová abin-sogded: —Anga be we-ibmar sedagoed: Moli-bebe-nikad-ome-birgapaagwad, sibad-birgapaagwad, sibad-wawaad-machered-birgapaagwad, sapur-nuu-gwagwen, degi, wagnuu-e-mimmi-gwagwen be anga sedabalo.
390	GEN 16:8	Bab-e-baliwitur Agarʼse egichialid: —Sarai-e-mai-Agar, ¿bia be daniki? ¿Bia be nae? Agar abin-sogded: —An-dummad-Sarai-idu an wakinmai.
402	GEN 17:4	—Weyob an bebogwa igar-mesoed: Be, dule-yar-baid-baidgi-ambikumaloed-e-dad-dummadga an be-imakoed.
430	GEN 18:5	Ar bemar an-neg-maid-walik-nadapsoggu, an bemar-ogannogega bemar-naed-idu an bemarga masgunned sunaoed. Dule-warbaagwad abin-sogdemalad: —Nueddo. Be-sogedbardo.
434	GEN 18:9	Geb dulemar-warbaagwadi Abrahamʼse egichiarmalad: —¿Bia be-ome-Sara nade? Abraham abin-sogded: —Dordonegyaba gunai.
440	GEN 18:15	Sara Bab-Jehová-weyob-ibmar-soge-itoargu, Sara dobe-itoded. A-ular, osuloded, sogded: —An alle-gwissuli. Ar Bab-Jehováʼdi abin-sogded: —¡Suli! Be allisa.
451	GEN 18:26	Geb degine, Bab-Jehová abin-sogded: —Ar e-dulabo-gakambe (50) dule-nuegan Sodoma-neggweburgi gudidiile, amar-ular Sodoma-neggwebur an obelogosulid.
454	GEN 18:29	Gannar Abraham sogdebalid: —¿Ar unnila dulabo (40) dule-nuegan gudiile, bela Sodoma-neggwebur be obelogode? Bab-Jehová abin-sogded: —A-dule-nuegan-dulabogwad-ular (40), we-neggwebur an obelogosulid.
455	GEN 18:30	Ar Abrahamʼdi gannar Bab-Jehováʼga sogdebalid: —Dummad, gannar-gannar an bega ibmar-sognaidgi, melle be isdar an-itogo. Ar unnila dulagwen-gakambe (30), dule-nuegan gudidiile, ¿bela Sodoma-neggwebur be obelogode? Bab-Jehová gannar abin-sogdebalid: —Ar we-neggweburgi unnila dulagwen-gakambe-gudidimalad-ular (30) an obelogosulid.
476	GEN 19:18	Lotʼdi abin-sogded: —¡Suli dummagan, deyob suli! Ar bese wis wilesakwaa an egised.
479	GEN 19:21	Geb dule abin-sogded: —An be-itos. Be anse egisnaidba an bega imakoed. We-neggwebur-bipigwad be anga obaredi, adi, an obelogosulid.
509	GEN 20:13	Bab-Dummad anga igar-uknonigu: Be-bab-neggi-be-gudiid be naye. Geb an we-omega sogsad: ‘Bia anmar modapile, nue be an-sabele, be sogoye, be an-bunye.’
544	GEN 21:30	Abraham abin-imakded: —Ar we-sibad-wawaad-ome-senigana walagugle (7) an bega uked, adi, soglegegalad, we-dia, ani an akwisye.
586	GEN 23:14	Geb degi, Efrón abin-sogded:
587	GEN 23:15	—Dummad, nue be an-itogo: Nainu-e-gargegued mani-dulataled-ilabake-aidikued-wilub (400) gargegued. Wegindi anmar na abin-abin imakosurmalad. Degisoggu, be-ome be dignado.
597	GEN 24:5	E-mai abin-sogded: —Nued, dummad. Ar yagwa we-negse yapa anba dagele, ¿igi an imakosunna? ¿Ar degiile, be-yargi be aligusadse, an be-machi sedsunnode?
598	GEN 24:6	Abraham abin-sogded: —¡Suli, mer an-machi ase be sedo!
606	GEN 24:14	A-yagwa-wargwenga an sogoedga, ‘wis be-buglu be odeye, adi, an dii gobegarye.’ A-yagwa weyob an-abinsaalile: ‘Dii be gobye, be-moli-yargan-muremaladga dii an ukmogoye.’ Agi an wisguoed, a-yagwa be-mai-Isaac-e-omega-guega be susa. Degi, be an-dummadgi-ise-nued-binsasad an wisgubaloed.”
616	GEN 24:24	Yagwa abin-sogded: —An Betuel-sisgwa. An-babde Nacor-machid, Milcaʼbo baksadid.
625	GEN 24:33	Abraham-e-maiga mas guakwaa sisgu, Abraham-e-mai sogded: —Mas-inse an gunnosuli. Bina an bega ibmar-sogbied soggwelergebed. Labán abin-sogded: —Degite, sogdo.
636	GEN 24:44	A-yagwa weyob an-abinsaalile: ‘Dii be gobye, be-moli-yargan-muremaladga dii an ukmogoye.’ Agi an wisguoed, a-yagwa be-mai-Isaac-e-omega-guega be susye.
642	GEN 24:50	Geb degine, Labán, Betuel-ebo abin-sogdemalad: —We-ibmar bela Bab-Jehováʼgi danikid. Degisoggu, geg anmar bega soged eyeye, geg an bega sogbalid surye.
648	GEN 24:56	Abraham-e-maidi abin-sogded: —Melle bar an-igar gamalo. We-an-bese-nonikidi Bab-Jehová bela ibmar-nueganbi-guega imaksad. Degisoggu, gannar an-dummad-negse-naed be an-imakmarsun.
690	GEN 25:31	Jacob abin-sogded: —Nabirdo. Degiile, ar be machi-sailaginedsoggu, bela-bega-ibmar-uklegoed, be anga udagodo.
691	GEN 25:32	Esaú abin-sogded: —An ukudba burgwedanisoggu, anga-bela-ibmar-uklegoed, an bega ukodo. ¿Ar ibiga bar an we-ibmar abesunna? An abesuli.
692	GEN 25:33	Geb Jacob sogded: —Emisbinne, ise-sogar be anga sogdo, deyob an bega ibmar ukedseye. Esaú abin-sogded: —Ise-sogar an bega sogye, deyob an bega ibmar ukedseye. Esaú, machi-sailagined-guedgi-bela-ega-ibmar-uklegoed e-urba-Jacobʼga uksad.
702	GEN 26:9	Geb degine, Abimelec, Isaacʼbina gochad, ega sogded: —Etto, ¿Rebeca, we be-ome? ¿Ar ibiga be anmarga sogsa, Rebeca an-bunye? Isaac abin-sogded: —Ar ade, an binsasad, abakalegi we-ome-ular an-oburgwiarmalarye.
703	GEN 26:10	Ar Abimelecʼdi abin-sogded: —¿Ar ibiga-wede deyob be anmar-imaksa? Machered-gwensak, we-neggweburgined ar be-omese gochana, isguega be anmar-imaksanad.
713	GEN 26:20	Ar Gerar-nebagi-sibad-wawaad-edarbedimaladdi Isaac-sibad-wawaad-edarbemalad-ebo uluarmalad, ar ade, sogmalad: We-dii anmargadye. A-ulale, Isaac we-dia Esekʼye onugsasad. A-sogleged: Urwedye. Ar ade, a-diabina ulusmalad.
714	GEN 26:21	A-sorbali, Isaac-e-maimar dia-baid akwismarbalid. Gerar-dulemar a-diabina uluarmarbalid. A-ular, Isaac a-dia Sitnaʼye onugsasad. A-sogleged: Na isdar-dakmaladye.
715	GEN 26:22	Agi, Isaac dikasur nadsunnad. Agi, dia-baid akwidapid. Ar we-dia-binardi ulussurmarsoggu, Isaac Rehobotʼye dia-onugsasad. A-sogleged: Na e-itoleged-gudiguedye. Ar ade, soged: “Ar emigindi, Bab-Jehová anmar nabir-itodiguega, anmarga we-neg uksad, adi, anmar wegi nasguegar.”
729	GEN 27:1	Isaac bato nue selebagusad, degi, aku-atakgusbalid. Ibagwengine, Isaac, e-machi-dummad-Esaúʼse gochad. Geb ega sogded: —¡Machi! Esaú abin-sogded: —Degite. ¿Ibua?
746	GEN 27:18	Geb degine, Jacob, e-bab-siidse dogdapid, ese gordapid: —¡Baba! Isaac abin-sogded: —An wegi sii. ¿Be biti-an-machi?
747	GEN 27:19	Jacob abin-sogded: —An, Esaú, be-machi-dummad. Be anga-sogsadba bato an imaksad. Baba, be-dage. Wis wese be sigdage. An-ibmar-maksad be gundage. Geb be ise-nued-angi-binsaed be anga sogoed.
749	GEN 27:21	Ar e-bab-Isaacʼdi abin-sogded: —Anse be dage, an be-ebubie, bule be an-machi-Esaú-sunnaddibe.
752	GEN 27:24	gannar Jacobʼga sogded: —¿Ar nue be an-machi-Esaú-sunnadi? Jacob abin-sogded: —Eye, an Esaú-sunnadi.
765	GEN 27:37	Geb degi, e-bab-Isaac abin-sogded: —Be-dummadga-gued-igar Jacobʼga an uksad. Bela e-gwenadgan e-maiga-gued-igar, an ega uksabalid. ”An-ise-nued-egi-binsaedba, an ega sogsabalid: Bitigi orosgi-dakleged-bukidar nikuena gadinye, degine, vino-bukidar nikubalina gadinye. Ar emigindi, machi, ¿igi-bar-an-saosunna?”
771	GEN 27:43	Degisoggu, machi, nue be an-itogo: Emisbinne, Harán-neggweburse an-sus-Labán-e-negse be wakinne.
800	GEN 29:4	Jacob sibad-wawaad-edarbemaladse egichided: —¿An-aimar, bemar biarmaladi? Abin-imaksamalad: —Anmar Harán-neggweburginedi.
801	GEN 29:5	Jacob amarga sogdebalid: —¿Bemar, Nacor-e-machi-Labán-mag-dake? Abin-imakdemalad: —Eye, anmar mag dake.
802	GEN 29:6	Jacob ese egisdebalid: —¿Labánʼde nued gudii? Sibad-wawaad-edarbemalad abin-imakdemalad: —Eye, Labán nued gudii. Be dakena, e-sisgwa-Raquel e-sibad-wawaadmar sedanikid.
804	GEN 29:8	Ar sibad-wawaad-edarbemaladdi abin-sogdemalad: —Geg anmar deyob imakmalad. Anmar gusgu bela sibad-wawaadmar-danar-ambikued edarbedamalad. Adi, anmar akwa-dummad-dia-edisiid oniregar. Geb anmar sibad-wawaadmar diigi ogobmaloed.
846	GEN 30:15	Ar Leaʼdi abin-sogded: —¿Ar emide, be angi-sui-egwachad, unni be itosursi? Ar emide, mandrágora-sanmar an-machi-anga-senonikid be abebalid. Raquel abin-sogded: —Be-machi-mandrágoraʼmar-bega-senonikid be anga ukele, emi-mutik Jacob bese goloed.
858	GEN 30:27	Ar Labánʼdi abin-sogded: —Ar nued be angi binsaele, mer be nagwele, wis be napi-begwele. Ar an nerse-oyosadba an wisgusad, be-nukad, Bab-Jehová ise-nued angi binsamaid. Labán Jacobʼga sogdebalid:
862	GEN 30:31	Geb Labán Jacobʼse egisdesunnad: —Degite, ¿igi-mani be-bennukbi be an-abesunna? Jacob weyob abin-sogded: —Mer be an-bennuke. Ar ibmar an bega sogoed nabir be itogele, napi an bega be-sibad-wawaadmar an edarboed.
885	GEN 31:11	An we-gabdakedgine, Bab-Dummad-e-baliwitur an-nugba anse gochad. An abin-imaksad: ‘An be-itomai.’
955	GEN 32:27	Geb degine, dule Jacobʼga sogded: —Be an-indake. Bato neg-oibodanikid. Jacob abin-sogded: —Be angi ise-nued-binsaedgi be anga ibmar-sogsulile, an be-indakosulid.
956	GEN 32:28	Dule Jacobʼse egichided: —¿Igi be nuga? Jacob abin-sogded: —Jacobʼye, an nuga.
958	GEN 32:30	Jacob dulese egisdemogad: —Emigi, be-nug anga be sogmoga, ¿igi be nugmoga? Dule abin-imakded: —¿Ibiga be anse an-nug egise? Geb degine, dule Jacobʼgi ise-nued-binsaedgi ega sogded. “Bela bega ibmar-nueganbi gusunno.”
976	GEN 33:15	Esaú abin-sogded: —Nabirdo. Machergan-anba-nonimaladi, abala an bega obego. Jacobʼdi e-ia-abin sogded: —¿Ar ibiga be obegoe? Bato unniguar nued be angi binsasad.
1081	GEN 36:40	We-dulemar, Esaú-e-wagan-dummaganga gumalad. E-gwenadganmarba ilemakar danikid, e-yarmarba ilemakar danikid, degi, e-negmar-megismaladba ilemakar danikid. We, e-nugmalad: Timna, Alva, Jetet,
1092	GEN 37:8	Geb degine, e-iamar abin-sogdemalad: —Ar be sogsunde, ¿be anmar-reyga guoye? ¿Be anmar-dummadga megoye? Adi surbali. We deyob-gabdaksadba degi, e-iamarga e-gabdaksad-sogsadba e-iamar bur bule José-sae dakdemalad.
1093	GEN 37:9	A-sorbali, José gabdaksabalid. A-gabdaksad e-iamarga sogsabalid. Weyob ega sogded: —An-gabdaksad be nue-itomarbalo: An dakalid, dad-ibeler, nii, degi, niisgwamar-gwaambe-gakagwensak (11) bela an-asabin dulluu imakdemalad.
1097	GEN 37:13	Geb degine, Israel Joséʼga sokalid: —Be-iamar Siquem-neggwebur-naba sibad-wawaad-edarbedimalad. Be-iamar-daknabi an be-abedo. José abin-sogded: —Nuedgi an naodo.
1100	GEN 37:16	José abin-sogded: —An-iamar an amidii. ¿Sunna be anga sogsale, bia an-iamar sibad-wawaadmar edarbedimala?
1101	GEN 37:17	Dule abin-sogded: —Bato wegi nadmalad. Be-iamar soge an itosad, emarde Dotán-neggweburse naye. Geb degine, José e-iamar-aminadap gusad. Dotán-neggwebur-dikarba abingudapid.
1136	GEN 38:16	Geb degine, Judá igarba-nadapidgi omese-naega aibatesunnad. Ar Judá wissulid, we-omede, e-bala gue. Omese-modapgu, ega sogded: —¿Sunna be anbo megisale? Ome abin-sogded: —Be anbo-megbiele, ¿ibu be anga ukoe?
1137	GEN 38:17	Judá abin-sogded: —An sibad-bipi-wargwen an bega barmidagoed. Ome abin-sogded: —Eye. Be-ibmar-sediid be anga udagwerdo. Be anga sibad-bipi-barmidagedse we-ibmar an bega gannar ukoed.
1138	GEN 38:18	Judá omese egichided: —Degite, ¿ibi bega ukbi be an-abesunna? Ome abin-sogded: —Be-goo-burba-wilub, degi, e-dub, degine, suar-gaapoled-be-ganikidi, be anga udado. Judá omega bela a-ibmar uksad. Geb degine, ese gochad. Degidbali, ome bonigwar gunonisunnad.
1141	GEN 38:21	Degisoggu, Adulam-dule Enaim-neggweburginmaladse egichided: —¿Bia ome-gambanuchu Enaim-neggweburgined, igargi-sidaed nade? Abin-sogdemalad: —Wegi ome-gambanuchu sidasulid.
1145	GEN 38:25	Tamar-magaba-onolenaigu, e-sakaga gaya-barmisad: “We-ibmarmar-e-ibed bonigwar an-imaksad. We-goo-burba-wilub, e-dub, degi, we-gaapoled, we-ibmar, ¿doagad be dake?”
1181	GEN 40:8	Amar abin-sogdemalad: —Anmar-gabdaksadi, dule-anmarga-oduloged sated. José abin-sogded: —¿Ar ade, Bab-Dummad gabdaked-odulogedsursi? Bemar anga soge, igi bemar gabdaksamala.
1191	GEN 40:18	Geb degine, José abin-sogded: —Be gabdaksadi, we obardo: Garba-burwigana-gwapaagwadi, ibapaagwadye.
1221	GEN 41:25	Geb degine, José Faraón-abinsaded: —Dummad, be-sogbo-gabdaksadi, we unnila soggwenna gued. Bab-Dummad e-ibmar-imaksokalid be-owisonaid.
1239	GEN 41:43	Geb a-sorbali, Faraón e-ur-napagined-gusgu-e-sorba-naidaedgi José-onakwisad. Degine, Faraón igar-uksabalid, binnasuli José-iduar gornadap-imakmaloye: “¡Igar egamar!” Weyobi, José dummadga Egiptoʼgi nuggunonikid.
1260	GEN 42:7	José e-iamar-dakdeyalaba bato magar-daksad, e-iamalad. José yamo aku-e-iamar-dakeyob imaksad. Degi, apor e-iamarse egichided: —¡Bemar! ¿Bia be danimala? E-iamar abin-sogdemalad: —Anmar Canaán-yalagi danimalad, orosgi-dakleged bakegar.
1263	GEN 42:10	Abin-sogdemalad: —¡Dummad! Suli, degisuli. Anmar, be-maimar gued. Anmar orosgi-dakleged-bakega nonikid.
1268	GEN 42:15	Weyob, an bemar-wilubdakoed: Faraón-nuggi napira an bemarga soged: Bemar be-urba anga wese sedagedse, geb be nomaloed.
1284	GEN 42:31	Ar anmardi abin-imaksamalad: ‘Anmar dule-yardakedsurmarye, degi, anmar bipisaale dule-argamalaga gudisurmarbarye.
1314	GEN 43:23	Joséʼga-neg-akwed abin-sogded: —Mer be bukib-binsamar, mer be dobgumar. Ar bemar-Bab-Dummad, be-bab-e-Bab-Dummad, a bemar-sagu-yaba mani-urbisargebed. Ar ade, bemar-mas-baksad-mani anga uklesad. Joséʼga-neg-akwed Simeón-esgaryagi-mellesiid onosad. Geb degi, e-gwenadgan-bukwadse sesad.
1326	GEN 44:1	Mas-guchamalad-sorbali, José dule-ega-neg-akwedga weyob igar-uksad: “We-dulemar-saguyaba orosgi-dakleged nue-ise-enamakar be balo. Degine, mani egad-egad e-sagu-yaba ega be urbebalo.
1341	GEN 44:16	Judá abin-sogded: —¿Ar igi anmar be-abin-imakosunna? ¿Ar igi anmar sogosunna, anmar deyob ibmar imaksasurye? Ar Bab-Dummadde anmar-daksad, anmar nue-dummad nosad. Degisoggu, wegi anmar, degi, dule-sagu-yaba be-nog-amilesad, be-maiga gumarsunnodo.
1342	GEN 44:17	Ar José abin-sogded: —Suli, deyob geg gue. Unnila doa-sagu-yaba an-nog amilesa, abi an-maiga guoed. Baigandi sunna be-bab-negse gannar baisur-itogedgi namalad.
1350	GEN 44:25	”Geb degine, anmar-bab anmarga weyob igar-uksad: ‘Gannar bemar Egiptoʼse orosgi-dakleged wis baknamarbarye.’
1351	GEN 44:26	Ar anmardi abin-imaksad: ‘Anmar-urba anmarba nasulir, anmar geg naye. Ar anmarba nasulir, dule-dummad-mas-uked anmar-abindakosurye.’
1378	GEN 45:19	”Deginbali, José, be-gwenadganga be igar-ukbalo: ‘We-Egiptoʼgi urmar-napagined-ibmar-seed sedmarye, adi, be-omegan, be-mimmigan, degi, bemar-bab sedagegarye. Be-gwenadgan-Canaánʼgi-bukwadga be sogmaloye: Be dagmarye.
1424	GEN 47:3	Geb degine, Faraón José-e-iamarse egichialid: —¿Ibigi bemar arbamala? Amar abin-imakdemalad: —Dummad, anmar-be-maigan-gumaladi, anmar-dadganyob anmar sibad-wawaad-edarbemalad gumalad.
1452	GEN 47:31	E-bab Joséʼgi alamaknai gusad: —¡Ise-sogar be anga soge, deyob an imakoye! José ise-sogar abin-sogded: —Eye, deyob an imakoe. Geb degine, Israel e-gabed-nono-onakwedsik, e-nono yollee imaksad.
1509	GEN 50:2	Geb a-sorbali, José nermar-ega-arbamaladga igar-ukded: “E-bab-Israel-e-muigi ina-wawadikmalad eoye, adi, melle e-mui nunguegarye.” Ar nermar deyob imaksamarsunnad.
1555	EXO 1:22	Ar Faraónʼdi na e-dulemarga igar-mesisad: “Hebreo-dule-gwalulesale, machigwadibe, bela diwarse metemalo. Bunolordina, melle oburgwemalo.”
1592	EXO 3:12	Bab-Dummad Moisés-abin sogded: —Ani an beba gudiguoed. Wegi be dakoed, ani an be-barminaid: An-dulamar-Egipto-yargi-bukwad be onosale, bela bemala we-yargi be an-nug-odummobukwa gumaloed.
1597	EXO 3:17	Ega be sogbalo: ‘Bab-Dummad anga sogsabarye, ede bemar Egipto-yargi-wilebukwad bemar-onogoye. Degine, ede bemar-sedoye: Canaán-dulemar-bukwadse, Het-dulemar-bukwadse, Amorreo-dulemar-bukwadse, Ferezeo-dulemar-bukwadse, Heveo-dulemar-bukwadse, degi, Jebuseo-dulemar-bukwadse, amar-dulemar-yalaganse bemar-sedoye. ” ’A-yalagine napa-nuedid, gadi ibmar sanmakedid.’
1635	EXO 5:2	Ar Faraónʼdi abin-sogded: —¿Bab-Jehováʼde doasunna? ¿Ibiga an a-sogedba ibsaoe? ¿Ibiga an Israel-dulemar onodagoe? We-Bab-Jehová an wissuli. Degine, Israel-dulemar an onogosurbali.
1650	EXO 5:17	Ar Faraónʼdi abin-sogded: —¡Ar bemar unnila dule-wiegala nanaed! A-ular, bemar sogdidimalad: ‘Anmar ibmar-ogumakar Bab-Jehováʼga uknamaloye.’
1679	EXO 6:23	Aarónʼdi, Elisabet nikusad. Elisabetʼde Aminadab-e-sisgwad, Naasón-e-bunad. Geb Aarónʼga, degi, Elisabetʼga machimala-uklenonikid: Nadab, Abiú, Eleazar, Itamar.
2030	EXO 19:3	Agine, Moisés Bab-Dummadbo-abinguega yar-birse nakwisad. Agi, Bab-Jehová ese goted, ega sogded: “Weyob Jacob-e-waganga be sogoed, Israel-dulemarga:
2185	EXO 24:7	A-sorbali, Moisés dulemar-Bab-Dummad-ebo-Igar-Mesisad-garda susad, geb, dulemarga absoded. Dulemar abin-sogdemalad: “We-igar-maid-sogedba, degi, bela we-Bab-Jehová-anmarga-sogsadba anmar daoye.”
2481	EXO 33:7	Moisés dordoneg sesagusad, geb dulemar-danar-danar-bukwad-magaba sisad. A-dordoneg onug-imaksad: “Bab-Dummad-dulebo-sunmaked-dordonegye.” Ar dule Bab-Jehováʼse idakbiele, dulemar-danar-danar-bukwadgi noergebdaed, geb Bab-Dummad-dulebo-sunmaked-negse naddamalad.
2573	EXO 36:6	Degisoggu, Moisés dulemar-bukwadse gaya-barmisad: “Machergan, degi, omegan, Bab-Dummad-neg-sobega melle bar ibmar amimalo, melle bar Bab-Jehováʼga ibmar sedamalo.”
2657	EXO 38:23	Ahisamac-machi-Aholiab, Bezaleel-bendakega gusad. Aholiab, dad-dummad-Danʼgi danikidid. Aholiabʼde, esgorogi-ibmar-sobed-duled, nabir-ibmar-akar-akar-onogedbalid. Deginbali, nabir we-dubmargi ibmar-sobedbalid: Nirbadub-aradgi, nirbadub-suir-akwagiidgi, nirbadub-ginnidgi, degi, linoʼdub-nuedgi mor-yeerdakle sobedid.
2864	LEV 6:7	Bab-Jehová Moisésʼga sunmakdebalid, ega sogded: “Aarónʼga, degi, e-masmalaga be sogoed: ‘Bab-Jehováʼga ibmar-gwag-uklegoed-e-igar weyob mai-guoye: Bemar ibmar-ogumakar-ukleged-aila-asabin Bab-Jehováʼga ibmar-gwag ukoed.
2875	LEV 6:18	“Aarónʼga, degi, e-masmalaga be soge: ‘Isgued-ular Bab-Jehováʼga-ibmar-ogumakar-ukleged-igar weyob mai-guoye: Bia ibdurgan-ogumakar-ukleged-e-dukar-egwallege, agi, Bab-Jehová-asabin isgued-ular-ibmar-uklenaid-e-dukar egwallemogoed. We-ibmarde ibmar-bur-ise-islidikidid.
3238	LEV 17:2	“Aarónʼga, degi, e-masmalaga, degine, bela Israel-dulemarga be soge: ‘Bab-Jehová weyob bemarga igar-uked:
3610	NUM 1:5	Bab-Jehová Moisésʼga sogdebalid: “We-dulemala, bemar-bendakmaloedid: Rubén-e-wagansik, Sedeur-machi-Elisur.