147	GEN 6:9	Noé-igar weyob maid: Noé ibmar-inniki-imaked-duled. A-ibagangine, dule Noéʼgi akar-ibmar-soged sated. Noé Bab-Dummad-walikaa nanadii gusad.
298	GEN 11:31	Taré Canaán-yarse-naega Caldea-dulemar-yargi Ur-neggweburgi noar gusad. Taré na eba wemar sear gusad: E-machi-Abram, e-wagwa-Lot Harán-machi, degine, e-bala-Sarai e-machi-Abram-ome. Degi-inigwele, Taré, Harán-neggweburse-mosgu, agi megidapmalad.
304	GEN 12:5	Abram Canaán-yalase-argua, wemar eba sealigusad: E-ome-Sarai, e-niga-Lot, e-maimar-Haránʼgi-amisad. Degine, na ibmar-nikad bela sealigusbalid. Abram, degi, eba-nadapmalad Canaán-yarse modapmarsunnad.
337	GEN 13:18	Geb degine, Abram nade gudsunnad, e-dordonegmar-siid sesa gusad. Abram Hebrón-neggwebur-walik megnaded, sapi-islidikmalad-Mamreʼgi-bukwadse. Agi, Abram Bab-Jehová-nuggi, Bab-Jehováʼga-ibmar-ogumakar-ukleged-aila sobsad.
340	GEN 14:3	Wemar-e-ataled, e-sordamar Sidim-nebagi urbisad, Demar-Gagbidye-nugad-walik.
395	GEN 16:13	Ar Agarʼde Bab-Jehová-ebo sunmaksasoggu, Bab-Dummad an-dakmaidye neg onugsasad. Ar ade soged, Bab-Dummad-an-daksaye. Degite, amba an dula-gudiiye.
749	GEN 27:21	Ar e-bab-Isaacʼdi abin-sogded: —Anse be dage, an be-ebubie, bule be an-machi-Esaú-sunnaddibe.
864	GEN 30:33	Degisoggu, ibagwengi be dakdanikogu, be dakoed, an bule ibmar-inniki-imaked-duledibe. An-sibadmar-abargi, sibad-gutu-nanaisurmalad, mata-matasurmalad, sibad-wawaad-senigan-sichiganasurmalad gudiile, an bei atursasdo.
1007	GEN 34:26	Simeón, Levíʼbo, es-suidgi-ewarar, Hamor, degi, e-machi-Siquem-oburgwismalad. Geb degi, e-bun-Dina Siquem-neggi-gudiid onosmalad. Agine, nade gusmalad.
1041	GEN 35:29	E-sergan-abargi mesismalad. E-masmala Esaú, degi, Jacob, e-bab-Isaac-digsamalad.
1051	GEN 36:10	Esaú-e-masmala weyob nugmalad: Ada-e-machi-Elifaz.
1053	GEN 36:12	Esaú-machi-Elifaz, ome-dikarbalid nikagusad, Timnaʼye nugad. Elifaz Timnaʼbo machi-nikusad, Amalecʼye nugad. Wemar, Ada-e-wagan-gumalad.
1159	GEN 39:9	We-neguyagi, dule-baid anba-bur-dummad sulid. An-dummadse ibi an egisdedibe, surye gwen anga sogdisulid. Unnila bebi geg an be-ebuged, ar ade, bedi e-omed. Degisoggu, ¿ar igi we-ibmar-isgana an imakosunna? Bab-Dummadgi an nue-dummad-nosar-itole.
1261	GEN 42:8	Ar Joséʼdi e-iamar-mag-daksad. E-iamardi José-aku daked.
1308	GEN 43:17	Ar Joséʼga-neg-akwed José-ega-sogsadyob imaksad, e-sunnad José-e-gwenadgan-sesad.
1315	GEN 43:24	Geb degine, Joséʼga-neg-akwed bela negyaba José-e-gwenadgan-odosad. Geb ega dii uksad, adi, na nag enukmalagar. Deginbali, e-moli-uayasuidmarga mas uksabalid.
1344	GEN 44:19	Be anmarse egichisgusad, anmarde bab-nikamar-sogeye, degi, be urba-baid-nikamarbar-sogeye.
1518	GEN 50:11	Canaán-dulemar-agi-bukmalad, dakdemargu Egipto-dulemar ise-boar-gunanai, sogdemalad: “Egipto-dulemar-ibe dule-dummad burgwis-dakleye.” A-ulale, a-neg bismalad, Abel-Misraimʼye. A sogleged, Egipto-dulemar-bosmalad-nebaye. We-nebade Jordán-diwar-dad-nakwedsik naid.
1545	EXO 1:12	Ar Egipto-dulemar bur bule Israel-dulemar-sabsur-imakmaidba, aka bur bule Israel-dulemar mergumaid. Degisoggu, Egipto-dulemala bela-bela Israel-dulemar-nue-dobguarmarsunnad.
1561	EXO 2:6	Garba-egadgu, machi-bipi-bomai dakalid. Faraón-e-sisgwa machi-bipi-nue-wiledakde, sogded: —We-machi-bipi, Hebreo-dule-e-goed.
1566	EXO 2:11	Moisés bato machered-gusgu, ibagwengine, e-gwenadgan-ablis-emaladse ataknade gusad. Agi dakalid, e-gwenadgan arbaed-dummad imaknanai. Geb degine, Moisés dakdebalid, Egipto-dule-wargwen Hebreo-dule-sabsur-sarsonai. Hebreo-dule Moisés-ebogwa na ablis emaladid.
1586	EXO 3:6	Bab-Dummad sogdebalid: —Ani an be-babgan-e-Bab-Dummadid. Ani an Abraham, Isaac, degi, Jacob-e-Bab-Dummadid. Geb degi, Moisés dobe-Bab-Dummad-wagar-dakedba na e-wagar edusad.
1671	EXO 6:15	Simeón-e-masmaladi, wemalad: Jemuel, Jamín, Ohad, Jaquín, Zohar, Saúl. We-Saúlʼde, ome-Canaánʼgined-e-machid. Wemala, Simeón-e-masmala gumalad.
1773	EXO 9:30	Degi-inigwele, an nue wisid, be, degi, bega-arbamalad, degite, amba Bab-Dummad-Jehová-dobsurmalad.
1787	EXO 10:9	Moisés Faraón-abin sogded: —Anmarba-namaloedi, wemalad: Anmar-mimmiganmar, anmar-serganmar, anmar-machimala, anmar-bunamala, anmar-sibad-wawaadmar, degi, anmar-moli-bebe-nikadmar. Ar ade, anmar, anmar-Bab-Jehováʼga iba-dummad onogoed.
1846	EXO 12:29	Nega-gabigwenadbali, Bab-Jehová Egipto-dulemar-gwenadgan-iliba e-machi-sailagined-oburgwisad. Amba deyob Faraón-Egipto-yar-dakmaid-e-machi-sailagined, degi, dule-esgaryagi-mellesiid-e-machi-sailaginedse-bakar oburgwisad. Degine, ibmar-durgan-gebegwalulesmalad oburgwisbalid.
1883	EXO 13:15	Faraón bur bule burgudgua, yapa anmar-onogeguargua, Bab-Jehová bela Egipto-dulemar-e-machi-sailagined-oburgwisye, degi, ibmar-durgan-e-mimmi-machered-gebegwalulesmalad amba deyob oburgwisbarye. A-ulale, anmar ibmar-mimmi-machered-gebegwaluleged bela Bab-Jehováʼga ukdamarye, degine, anmar-machi-sailagined-anar anmar Bab-Jehová bennuknaiyobi, ega ibmar-ogumakar ukdaye, adi, anmar-machi-sailagined-onogegarye.
1924	EXO 15:3	Bab-Jehová, dule-bila-onoged-sunsogedid. ¡Bab-Jehováʼye e-nug nugad!
2069	EXO 20:17	Melle be dule-baid-ibmarbina be sogo: Dule-baid-negbina, dule-baid-omebina, dule-baid-mai-macheredbina, dule-baid-mai-omebina, dule-baid-moli-bebe-nikad-alugwasualedbina, dule-baid-moli-uayasuidbina. Bipisaale dule-baid-ibmarbina be sogosulid.”
2104	EXO 21:26	”Dule na e-mai-machered ibyagi-sarsosale, e-mai-omegwa-ibyagi-sarsosdibe, ei ibya onosale, e-ibed ei-ibya-gwagwen-onosad-ular, e-mai-ollor-imakoed.
2131	EXO 22:16	Bunagwa-e-bab yapa ega sui-ukele, amba degite, we-dule gusgu yagwa-bennukleged-igar-maidba manigi yagwa-e-bab-bennukergebed.
2250	EXO 26:14	Sibad-wawaad-machered-e-ukamar-ginnidgi-odolegaled, anse-goled-neg-sunna-seleged-edugega be imakbaloed. Geb degine, ibdurgan-uka-nuegan, be ebubaloed, adi, agi anse-goled-neg-edugegarbar.
2276	EXO 27:3	”Deginbali, bela ibmarmar-we-ailagi-ebuleged esgoro-gordikidgi be soboed: Buru-simalad-bormomar. Buru-weemalad-wesar-dummagan, Abe-bomied-nog-dummagan. San-obin-obin-saed-iko-dummagan. Soo-seed-bormomar.
2298	EXO 28:4	”Aarónʼga mormar-maklegoedi, wemalad: Mor-binasgargi-nagued, mor-efodʼye-nugad, mor-dummad-suitigwad, mor-dummad-dubgi-ise-nue-sobaled, mor-gurgin, degine, morgo-dub-saderba-nagued. ”Degisoggu, be-ia-Aarónʼga, degi, e-masmalaga, dule-irwa-anse-goled-mormar be imakoed, adi, amala dule-irwa-anse-gormaladga gumalagar.
2339	EXO 29:2	”Deginbali, trigo-madubur-bur-nuedgi be we-madumar imakoed: Madu-inasulid, madu-olo-olivo-gwallugi-omukualed-inasulid, madu-matargwa olivo-gwallugi-magaled-inasulid.
2410	EXO 30:27	mese, degi, bela eba-ibmarmar-ebulemalad, gwallu-sied, degi, bela eba-ibmarmar-ebulemalad, ina-wawadikmalad-ogumakleged-aila.
2417	EXO 30:34	Degine, Bab-Jehová Moisésʼga sogdebalid: “We-gagan-yeer-yapanmalad-e-gichi be weo: Estacteʼye-nugad-e-gichi, ámbarʼye-nugad-e-gichi, gálbanoʼye-nugad-e-gichi, ina-wawadikid-incienso-nued. We-gagan-yeer-yapanmalad-e-gichi bela emarbi-mergu be weo.
2429	EXO 31:8	Degine, mese, geb bela-eba-ibmarmar-ebulemalad. Gwallu-sied-bela olobiid, geb bela eba-ibmarmar-ebulemalad. Anga-ina-wawadikid-inciensoʼye-nugad-ogumakleged-aila.
2430	EXO 31:9	Anga-ibmar-ogumakar-ukleged-aila, geb bela-eba-ibmarmar-ebulemalad. Dii-sied-esgoro-gordikidgi-sobaled, geb bela e-malise-bakar, sobegarbar.
2435	EXO 31:14	Degisoggu, obunnoged-ibagi mer arbamalo, ar ade, a-iba bemargala iba-islidikidid. A-ibagi, dule obunnogergebed. A-ibagi, dule wis arbasale, we-dule e-dulemar-abargi Israel-dulemar-abargi-onolegoed.
2443	EXO 32:4	Aarón bela we-ormar abingasad. Geb soogi or dusad. Binna-binna sobe-sobe imaksad, moli-bebe-nikad-sapingwagwadga obinnisad. Geb degine, bela sogdemalad: “¡Israel-dulemar! Wemar be-bab-dummagan-dake. Wemar, Egipto-yargi bemar-onosad-dake.”
2484	EXO 33:10	Israel-dulemar dakdele, mogir-bubawaryob-gwichidi dordoneg-yawagakgi aidenoniki, bela na e-neg-yawagakgi dulluu napase imakdedamalad, deyob Bab-Dummad-nug-ogannoddamalad.
2545	EXO 35:13	”Deginbali, sobmarbaloed: Mese, mese-suarmar, bela mesegi-ibmar-ebulemalad, degi, madu-Bab-Dummadga-ukleged.
2563	EXO 35:31	Bab-Dummad Bezaleelʼga E-Burba uksad, nue-binsaed-nikaa guegar, nue-ibmar-mag-ito guegar, nue-ibmar-wisi guegar, degi, ibmar-akar-akar-obinyegar.
2637	EXO 38:3	Deginbali, bela Bab-Dummadga-ibmar-ogumakar-ukleged-ailagi we-ibmar-ebulemaloed sobsabalid: Buru-simalad-bormomar. Buru-weemalad-wesar-dummagan, Abe-bomied-nog-dummagan. San-obin-obin-saed-iko-dummagan. Soo-seed-bormomar. Bela-wemala esgoro-gordikidgi sobsad.
2710	EXO 40:2	“Gebe-nii-onoded ibagwengi, anse-goled-neg-sunna-seleged be sioed. We-negde, dulemar-anbo-ambikued-negad.
2778	LEV 2:15	A-birgine, olivo-gwallu, degi, ina-wawadikid be eogoed. We, ibmar-gwag-gulleged-uklegedid.
2783	LEV 3:4	e-mirwa-gwabogwad, mirwa-birgi-gwallumar-nanaid, e-dikarmargi-gwallumar-nanaid, bina-dutugwadgi-gwallumar-nanaid. We-bina-dutugwad mirwa-gwabogwadba-mesa onolegoed.
2789	LEV 3:10	e-mirwa-gwabogwad, degi, mirwa-birgi-gwallumar-nanaid, e-dikarmargi-gwallumar-nanaid, deginbali, bina-dutugwadgi-gwallumar-nanaid. We-bina-dutugwad mirwa-gwabogwadba-mesa onolegoed.
2794	LEV 3:15	e-mirwa-gwabogwad, mirwa-birgi-gwallumar-nanaid, e-dikarmargi-gwallumar-nanaid, bina-dutugwadgi-gwallumar-nanaid. We-bina-dutugwad mirwa-gwabogwadba-mesa onolegoed.
2875	LEV 6:18	“Aarónʼga, degi, e-masmalaga be soge: ‘Isgued-ular Bab-Jehováʼga-ibmar-ogumakar-ukleged-igar weyob mai-guoye: Bia ibdurgan-ogumakar-ukleged-e-dukar-egwallege, agi, Bab-Jehová-asabin isgued-ular-ibmar-uklenaid-e-dukar egwallemogoed. We-ibmarde ibmar-bur-ise-islidikidid.
2884	LEV 7:4	e-mirwa-gwabogwad, a-birgi e-gwallumar-nanaid, e-dikarmargi-gwallumar-nanaid, degi, bina-dutugwadgi-gwallumar-nanaid. We-bina-dutugwadgi-gwallumar-nanaid mirwa-gwabogwadba welegoed.
2983	LEV 10:5	Geb degine, Misael, Elzafánʼbo e-gwenadgan-burgwismalad-ononadmalad. Geb dule-burgwismalad-e-mor-dummad-yoidgi bipirmakar Israel-dulemar-danar-danar-bukwad-magaba onosmalad. Ar igi Moisés ega igar-uksa, deyob imaksamalad.
3123	LEV 14:11	”Dule-irwa-anse-goled dulega-san-uruknaidi, we-dule, degi, e-ibmarmar-ukleged dulemar-anbo-ambikued-neg-yawagakse an-asabin bana-bana imakoed, ar ade, wemar bana-bana-ibmar-uklegedid.
3327	LEV 20:8	An-igarmar-mamaidba be ibsamala, degi, eba be ibmar imakmala. Ani an Bab-Jehová, bemar-gwage-swilidik-imakedid.
3366	LEV 21:20	dule-yargan-mureged, dule-geg-dungumalad, dule-ibya-sibudikid, dule-ukagi-yaa-siid, dule-ukagi-boni-nikad, dule-alugwaggi-boni-nikad.
3420	LEV 23:17	Be-neggine, madu-gwabo madubur-nuedgi-e-inaba-sobaled, Bab-Jehováʼga bana-bana-ukega be sedoed. We-madu-gwagwen madubur-nibirbake-imakaled, baid amba deyob imakarbalid. We-madumar Bab-Jehováʼga gebe-ibmar-sanmaked-uklegedid.
3482	LEV 25:12	Ar ade, a-birga, Gannar-Ibmar-Ukleged-Birgad. A-birgade bemarga birga-islidikidid. A-birgagi unnila ibmar-e-itolegedba-ainied-sanmakoedi be gunmaloed.
3718	NUM 3:25	Gersón-wagan we-ibmar-imakmalaga gumalad: Bab-Dummad-dulemarbo-ambikued-neg-dakedga. Ibmar-ukamar Bab-Dummadse-goled-neg e-uasga-gunaid-dakedga. A-yawagak-dogedgi-mor-dummad-naid-dakedga.
3729	NUM 3:36	Merari-wagan we-ibmar-dakmalaga gumalad: Bab-Dummadse-goled-neg-sunna-seleged-e-urgomar-dakmaladga, e-suarmar-dakmaladga, e-buarmar-dakmaladga, e-sigmalad-dakmaladga, bela e-ibmarmar-dakmaladga, degine, bela ibmar-egi-ebulemalad-dakmaladga.
3760	NUM 4:16	”Eleazarʼdi, dule-irwa-anse-goled Aarónʼye-nugad-e-machid. We-Eleazarʼde gwalluga gwalludii-baloedid, degi, ina-wawadikmalad, ibmar-gwag-gusgu-ukleged, degine, olivo-gwallu-ibmarmargi-eolegega-ebuleged dakoedid. Deginbali, Eleazar bela anse-goled-neg, degine, agi bela-ibmarmar-bukwad dakbaloed. Deginbali, bela agi-ibmarmar-ebulesimalad dakbaloed.”
3960	NUM 8:20	Deyobi, Moisés, Aarón, degine, bela Israel-dulemar-danar-bukwamaladi, Bab-Jehová-Moisésʼga-ibmar-sogsadba, Leví-wagan-baigan-imaksamalad.
3962	NUM 8:22	Geb a-sorbali, we-Leví-wagan-baigan Bab-Dummad-dulemarbo-ambikued-neggi, Aarón-wagab, degi, e-masmala-wagab arbananai gusmalad. Ar igi Bab-Jehová Moisésʼga igar-uksa, deyobi, Aarón, degi, e-masmala, Leví-wagan-baigan-imaksamalad.
3982	NUM 9:16	Gusgu mogir weyobi nai gusad: Neg-ibgine, mogir neg-birgi-naidaed. Mutikdi, mogir sooyobi we-neg-birgi-naidaed.
4196	NUM 16:1	We-dulemar Moisésʼgi gwisgusmalad: Leví-wagwa-yarganbalid Coat-wagwa-Izhar-machi-Coréʼye-nugad, Degi, Dad-dummad-Rubénʼgi-danimalad: Eliab-masmala Datán, degi, Abiram. Deginbali, Pelet-machi-Onʼye-nugad.
4197	NUM 16:2	Israel-dule-dummagan-dulataled-ilabo gaka dulabo-gakambe (250) Coréʼba akadmalad, Moisésʼgi gwisgudmarmogad. We-dummagande dulemar-binsaed-dakmalad-yagi bukwamaladid, dule-nue-nug-nikamaladid.
4198	NUM 16:3	We-dulemar bulakwa-ambikunonimargua, Moisésʼgi, degi, Aarónʼgi isdar-sunmakdemalad. Geb Moisésʼga, degi, Aarónʼga sogdemalad: —¡Bemar, wese be ugakmalo! Ar bela Israel-dulemar bato Bab-Jehováʼgadid, degite, ¿ibiga be binsamala, bemarde Bab-Jehová-sordamar-e-dummadye? Bemar a-sordamar-e-dummagansulid.
4207	NUM 16:12	Geb degine, Moisés, Datánʼse, degi, Abiramʼse gochad, ese dagmaloye. We-warbogwadde, Eliab-e-masmala-gumalad. Ar wemardi Moisés-abin sogdemalad: —¡Anmar bese naed-sate!
4217	NUM 16:22	Moisés Aarón-ebogwa na e-wagar napase dulluu imakdemalad, geb sogdemalad: —Bab-Dummad, ar bee be, bela dulemarga san-burba-dulad-ukmaid. ¿Unnila dule-wargwenbi begi isgusad-ular, bela dulemar sabsur be odurdakode? Sulirgebed.
4362	NUM 21:21	Israel-dulemar gaya-berbenaega dule-gayaburba-berbemalad Sehónʼse barmisad. Sehónʼde Amorreo-dulemar-e-reyd. Weyob ega garda barmisad:
4439	NUM 23:22	Ar Bab-Dummad Egipto-yargi onosad. Israel-dulemar-e-ganguedi, moli-bebe-nikad-sapurbalidyobid.
4455	NUM 24:8	”Ar Bab-Dummad Egipto-yargi onosad. Israel-dulemar-e-ganguedi, moli-bebe-nikad-sapurbalidyobid. Israel-dulemar e-isdarmaladgi nakoed, e-isdarmalad-e-garmar bela bibisgoed. Degine, e-sigumargi e-isdarmalad-naibi-saoed.
4464	NUM 24:17	Yoedse-ibmar-guoed an daked, ibmar-guoedi amba dikasulid. An nue-daked, degi-inigwele, itakasulid. Israelʼgi rey-wargwen gwisgudagoed, Jacob-wagan-abargi niisgwayobi nodagoed, We-rey, Moab-uaya-matar-sagamakoed, bela we-reyse Set-wagan-nono-sagamakoed.
4487	NUM 25:15	Ome-Madián-dule-oburgwilesadi Cozbiʼye nugad, Zur-e-sisgwad. Zurʼde Madián-dulemar-e-dummadmogad.
4830	NUM 34:12	Geb agine, Jordán-diwarba aidedbaloed, Demar-Gagbid-bergunaid-dukuse. Ase yar-abingunaid bergudapoed. ” ’We, bemar-yalaga guoed. Degine, weyobi, bemarga yar abingunanai guoed.’ ”
4882	NUM 36:1	Ibagwengine, Galaad-wagan-dummagan Moisésʼbo, degi, Israel-dulemar-e-dummaganbo sunmaknadmalad. Galaadʼde, Maquir-e-machid, Manasés-e-wagwad, degi, José-e-wagwa-yokorginedbalid.
4893	NUM 36:12	We-bunamala, dad-dummad-Manasés-wagansik-danikid nikusmalad. Manasésʼde dad-dummad-José-machimogad. Degisoggu, bunamala na e-nainu-abingasmaladi, e-bab-dad-dummad-nainugi nagusad, bar aibachasulid.
4987	DEU 3:10	”Deginbali, anmar bela neggweburmar-nebagi-bukwamalad susbalid. Bela Galaad-yar-naid, degine, bela Basán-yar-naid-akale, Salca-neggweburse, degine, Edrei-neggweburse susbalid. We-neggweburmar, Basán-yargi Rey-Og-negdakmaid-neggweburmalad.
5030	DEU 4:24	Ar be-Bab-Dummad-Jehová, Bab-Dummad-noberbadid, soo-bela-ibmar-ogumakedyobidid. ”A-ulale, weobdo:
5076	DEU 5:21	Melle be dule-baid-ibmarbina sogo: Dule-baid-omebina, dule-baid-negbina, dule-baid-nainubina, dule-baid-mai-macheredbina, dule-baid-mai-omebina, dule-baid-moli-bebe-nikad-alugwasualedbina, dule-baid-moli-uayasuidbina. Bipisaale dule-baid-ibmarbina be sogosulid.’ ”
5122	DEU 7:9	”Degisoggu, be wisgumar, be-Bab-Dummad-Jehová, Bab-Dummad gued. Bab-Dummad-innikigwad-degisadeguadid. Bab-Dummad dule-e-sabgudimaladgala, e-Igar-Mamaidba-nanadimaladgala, e-wagan-danimaloed-ugakaasega, e-Igar-Mesisadi bela ega sogedba imaked. Degine, e-sabgued-degisadeguad ega oyoged.
5134	DEU 7:21	A-dulemar-abin, melle be gwayo, ar ade, be-Bab-Dummad-Jehová bemar-abargi gudiid. Be-Bab-Dummad, dule-dummadid, dulemar bela a-Bab-Dummad-dobdamalad.
5195	DEU 10:7	Geb agine, bemar Gudgodaʼye-neg-nugadse nadegusmarbalid. Geb Gudgoda-akar Jotbataʼye-neg-nugadse nadmarbalid. Agi dianmar-bukidar-nikad-negad.
5318	DEU 14:26	Agi, geb a-manigi be ibmar-bakbiedba we-ibmar be bakoed: Moli-bebe-nikad, sibad-wawaad, vino, degine, gobed-bamalad-sole-solemalad. ”Agi be-Bab-Dummad-Jehová-asabin, be, degine, be-gwenadganse-bakale, mas gunnoed, degi, weligwar itomaloed.
5347	DEU 16:3	”Oburgwilegoenad-Ibagi-san-gulleged madu-e-ina-nikadba be gunnosulid. Ibagugle (7) madu-e-inasulidba be gunnoed. We-madu, be-nunmak-itosad-madud. Ar Egipto-yargi be noargu, gwae-gwae be noar gusad. Ar be bane-bane, degisadegu, Egipto-yargi-nosagusad-e-iba be ebinsadii guega, weyob be iba onogoed.
5488	DEU 22:16	Geb degine, ome-bab girmar-dummaganga sogoed: ‘We-dulega an-sisgwa-nikuega an ega uksanye. Emide, we-dule, an-sisgwa-isdar-dakarye.
5515	DEU 23:14	Deginbali, agala, bemar suar-na-nika-gumaloed. Magaba bemar nodele, a-suargi bemar yaa akwimaloed. Akusad-sorbali, a-yaa bemar emurmaloed.
5518	DEU 23:17	Ar we-mai be-neggweburgi be-abargi-gudisabier, mer ese be golo. Ar bia na neggwebur-megbiedba, na e-yeer-itogedba-megbie, agi na megoed. Melle be a-dule-sabsur-imako.
5531	DEU 24:4	machered-gebe-e-suiga-gusad, bar we-ome gannar nikuosulid. Ar ade, bato we-ome baid-sui-nikusad-ular, ome-e-nug-isgusad. Ar deyob gunonikile, Bab-Jehová-asabin we-ibmar igar-isgana gued. Mer be-Bab-Dummad-Jehová-yar-begadga-guega-bega-uknaid, be oichodii nanao.
5567	DEU 25:18	Ar deunni, bemar, igarba-danimargua, Amalec-dulemar be-yarganba noargusmalad, be-dulemar-geggus-danigusmalad-oburgwismalad, geg-bar-nanagusmalad-oburgwismalad. Bab-Dummad-gwen-dobgussurmalad.
5590	DEU 27:3	A-akwagi, bela Igarmar-Mamaid be narmakoed. Be Jordán-diwar-obaksamalar, be-Bab-Dummad-Jehová-yar-bemarga-uksokalidse-dogsamalar, deyob be imakoed. Igi be-dadgan-e-Bab-Dummad-Jehová bemarga sogsagusadyob, we-yar, napa-nuedid, gadi-egi-ibmar-sanmakedid.
5677	DEU 28:64	”Bab-Jehová yar-baiganse dikasuli bemar-oaisakioed. Agine, dulemar-baigan-e-bab-dummaganse bemar gordii gumaloed. Bemarde, degi, be-dadgande, we-bab-dummagan-akudakmaladid. We-bab-dummagande, suargi, degi, akwagi sobarmaladid.
5694	DEU 29:12	Bab-Jehová, emi-ibagine, weyob bemarga ise-sogar-imaknaid: ‘Bemar, e-dule-gumarye. Edi, be-Bab-Dummad-guye. Ar igi be-dadgan-Abrahamʼga, Isaacʼga, degi, Jacobʼga sogsagusa, deyob imaknaid.’
5710	DEU 29:28	”Ibmarmar-dukuar-mamaiddi anmar-Bab-Dummad-Jehováʼgadid. Ar ibmarmar-anmarga-oyolesaddi, degisadegu anmargadid, anmar-mimmigangadid, adi, bela we-Igarmar-narmakar-mamaidba anmar nanadii guegar.”
5781	DEU 32:21	Israel-dulemar, Bab-Dummadsulid e-bab-dummadga-imaksamalad. Degidbali, Israel-dulemar, nobguega an-imaksad. Nuchu-mimmi na e-bab-dummadga-imakdemaladgi an-oulusmalad. An-dulasurmalad an sabguoed, bemar, a-dulemargi nobgumaloed. An dule-binsaed-satemaladgi nabir binsaoed, bemar, a-dulemargi uludoed.
5882	JOS 2:11	A-ulale, anmar bela niga-argwacha bukmalad, degi, dule-wargwensaale binsasulid bemar-abin gwisgumalodeeye. Ar an wisid, bemar-Bab-Dummad-Jehová, nibneg-e-Bab-Dummadid, degi, napneg-e-Bab-Dummadbalid.
6049	JOS 9:10	Deginbali, be-Bab-Jehová Jordán-diwar-dad-nakwedsik Amorreo-e-reymar-warbogwad-maigusad igi imaksagusa anmar wisgusbalid. We-reymar nugmalanad: Hesbón-e-rey-Sehón, degi, Basán-e-rey-Og. Ogʼde Astarot-neggweburgi mai gusad.
6069	JOS 10:3	A-ulale, Adonisedec we-reymarse gayaburba barmisad: Hebrón-e-rey-Hohamʼse, Jarmut-e-rey-Pireamʼse, Laquis-e-rey-Jafíaʼse, degi, Eglón-e-rey-Debirʼse.
6094	JOS 10:28	A-ibagi, Josué Maceda-neggwebur sunonikid. Geb Maceda-rey, degi, bela e-dulemar es-suidgi oburgwisad, dule-wargwensaale dula bessulid. Ar Josué igi Jericó-e-rey-oburgwisa, deyopira Maceda-e-rey-oburgwisbalid.
6096	JOS 10:30	Bab-Jehová Israel-dulemarga Libna-e-rey, degi, e-dulemarse-bakale urmaksad. Josué bela Libna-dulemar es-suidgi ogilosad, dule-wargwensaale dula bessulid. Ar Josué igi Jericó-e-rey-oburgwisa, deyopira Libna-e-rey-oburgwisbalid.