1286	GEN 42:33	”Geb degine, Egiptoʼgi-dummadga-maid anmarga weyob soged: ‘An-walik be-gwenad-wargwen be obemarye, adi, agi an magar bemar-dakoye, bemarde bule dule-yardakedsurmardibeye. Bemar-baigandi orosgi-dakleged be-gwenadganga be sedmarye.
1298	GEN 43:7	Masmala e-bab-abin sogdemalad: —Ar ade, dummad-mas-dakmaid anmarse nue-ibmar egichisad, degi, anmarse nue-anmar-gwenadgan egichisbalid. Anmarse egichisad: ‘¿Be-babde amba dula? ¿Bemar urba-baid nikamarbali?’ Ar anmarse ibmar-egisnaidbi ega an sogsamalad. Ar igi anmar wisguosunna, weyob anmarse egisdagoed: ‘Be-urba be anga sedamaloye.’ Anmar wissurdo.
1346	GEN 44:21	”Geb degine, be anmarga sogsagusad: ‘Be-urba be anga sedamaloye,’ ar ade, be dakbigusad.
1351	GEN 44:26	Ar anmardi abin-imaksad: ‘Anmar-urba anmarba nasulir, anmar geg naye. Ar anmarba nasulir, dule-dummad-mas-uked anmar-abindakosurye.’
1378	GEN 45:19	”Deginbali, José, be-gwenadganga be igar-ukbalo: ‘We-Egiptoʼgi urmar-napagined-ibmar-seed sedmarye, adi, be-omegan, be-mimmigan, degi, bemar-bab sedagegarye. Be-gwenadgan-Canaánʼgi-bukwadga be sogmaloye: Be dagmarye.
1512	GEN 50:5	‘An-bab burgwedani-maigu, ega ise-sogar an-imakega an-imaksad, ande e-neg-uan-guakwa-sisadgi e-mui-digoye. We-neg-uan Canaán-yalagi siiye. Degisoggu, an begi wileye, an-bab-mui-dignaega be an-imakye. An-bab-mui-digsayalaba gannar an nonikoye.’
1594	EXO 3:14	Bab-Dummad, Moisés-abin sogded: —ANI AN, AN-GUED. Israel-dulemarga be sogo: ‘AN-GUED bemarse an-barmialid.’
1597	EXO 3:17	Ega be sogbalo: ‘Bab-Dummad anga sogsabarye, ede bemar Egipto-yargi-wilebukwad bemar-onogoye. Degine, ede bemar-sedoye: Canaán-dulemar-bukwadse, Het-dulemar-bukwadse, Amorreo-dulemar-bukwadse, Ferezeo-dulemar-bukwadse, Heveo-dulemar-bukwadse, degi, Jebuseo-dulemar-bukwadse, amar-dulemar-yalaganse bemar-sedoye. ” ’A-yalagine napa-nuedid, gadi ibmar sanmakedid.’
1603	EXO 4:1	Geb degi, Moisés Bab-Dummad-abin sogded: —Israel-dulemar an-itogosurmalad, an-bengumaloed. Anga bur sogdamaloed: ‘Bab-Jehová bese magarossuli.’
1624	EXO 4:22	”Geb degine, Faraónʼga be sogoed: ‘Bab-Jehová weyob soged: Israel an-machi-sailaginedid.
1634	EXO 5:1	Weyob gusad-sorbali, Moisés, Aarónʼbo Faraónʼga sognadmalad: —Weyob Israel-e-Bab-Dummad-Jehová soged: ‘An-dulamar nega-dulesulidganse be barmid, adi, anga iba-ononamalagar.’
1712	EXO 7:26	Bab-Jehová Moisésʼga sogded: “Be Faraón daknao, ega be sogo: ‘Bab-Jehová weyob soged: An-dulamar be onogo, adi, anse gornamalagar, an-nug odummogegar.
1731	EXO 8:16	Bab-Jehová Moisésʼga sogdebalid: “Oibosale, be gwisguo. Wakudaryalaba Faraón-diwarse-naoedse Faraón-abin be nao. Faraónʼga be sogo: ‘Bab-Jehová weyob soged: An-dulamar be onogo, adi, anse gornamalagar, an-nug odummogegar.
1811	EXO 11:4	Geb agine, Moisés Faraónʼga sogded: “Bab-Jehová weyob soged: ‘Nega-gabigwengi bela Egipto-yargi an nasoed.
1844	EXO 12:27	Bemar abin-soge-wilubmalad: ‘Bab-Jehová Egipto-dulemar-oburgwenaigusgu, anmargindi bakar-nasye. Degisoggu, Bab-Jehová-nuggi we-sibad-wawaad oburgwileye. Degine, Israel-dulemar Egipto-yargi bukwagu, Bab-Jehová Israel-dulemar-neggi bakar-nadegusye, Egipto-dulemardi oburgwilesye. Weyobi, Bab-Jehová, anmar-gwenadgan-bendaksaye, anmardi oburgwilessurye.’ ” Moisés sunmaked-bergusgua, Israel-dulemala dulluu imaksamalad, oyogega, emarde Bab-Jehováʼse gornanaiye, Bab-Dummad-nug odummonanaiye.
1860	EXO 12:43	Bab-Jehová Moisésʼga, degi, Aarónʼga sogded: “Oburgwilegoenad-Iba-onogegala, weyob igar mai guoed: ‘Israel-dulesulid we-ibagi-mas-gulleged gunnosur guoed. Ar wede ega ised.
1882	EXO 13:14	”Ar ibagwengi be-machi bese egichialile, ar wede ibi obarye. Be-machiga bemar sogoed: ‘Bab-Jehová gandikidba Egipto-yargi deun anmar maiga wilebukwagua, anmar-onosgusye.
1893	EXO 14:3	Adi, Faraón binsaegar: ‘Israel-dulemar wissurmarye, emarde bia namaloye. Emar nega-dulesulidganba yoggus gudimarye.’
1960	EXO 16:12	“Israel-dulemar angi oimakbukwad an itosad. Amar-ebo be sunmak, ega be soge: ‘Emi-sedogi be san gunmaloye, wakdardina, be madu gunmaloye, nue-immelegedseye. Adi, be wisgumalagarye, ani an Bab-Jehová guye, ani an bemar-Bab-Dummadye.’ ”
1998	EXO 17:14	Geb degine, Bab-Jehová Moisésʼga sogded: “We-bila-onolesad gardagi narmak, adi, insadii gumalagar. Degine, Josuéʼga be sogbalo: ‘Amalec-dulemargi mer bar binsamalagala, an bela obelogoed.’ ”
2031	EXO 19:4	‘Be-sunnad be daksamalad, igi an Egipto-dulemar-imaksa, degine, igi an wese bemar-seali. Igi sulubagi e-mimmigan-ogukuega, sabedgi e-mimmigan-sakanba-gasa sesdae, deyobiyob an wese bemar-senonikid.
2074	EXO 20:22	Bab-Jehová Moisésʼga sogded: “Israel-dulemarga weyob be soge: ‘Nibneg-akale an bemarbo sunmaksad bato be daksamalad.
2330	EXO 28:36	”Deginbali, or-nued matarkwaa be imakbalo. Geb a-birgine, wilub-nasikega-imakdamaladyob be we-gayaburba nasikoed: ‘BAB-JEHOVÁʼGA SWILIDIK-NUGSALEGALED.’
2475	EXO 33:1	Geb Bab-Jehová Moisésʼga sogded: “Emigindi, wegi be nae. Be Egipto-yargi-dulemar-onosadmala be nae. Abrahamʼga, Isaacʼga, degi, Jacobʼga an ise-sogar-sogsad, ‘we-yala an be-waganga ukedseye’, a-yarse be namala.
2479	EXO 33:5	Ar Bab-Jehová Moisésʼga sogsad: “Israel-dulemarga be sogoye: ‘Bemar dulemar-uaya-gwen-niksurmaladye, non-dutusurmaladye. Ar wis sikwas an bemarba naye sogele, anse bemar osulolesmalarye.’ ” Bab-Jehová sogdebalid: “Israel-dulemarga be sogbalo: ‘Ormar-yeerdaklemalad ungemaloye. Sorba an dakoye, igi an bemar-imakodibeye.’ ”
2486	EXO 33:12	Moisés Bab-Jehováʼga sogded: —Emide be anga sognagu: ‘We-dulemar be sedye.’ Degite, be anga sogsulid, doa be anba barmidoe. Emide be anga sogbalid: ‘An be-wisi be doa-gue, yeer an be-dake, be angi nueddae.’
2513	EXO 34:16	Degine, bemarga sogdamaloed: ‘Anmar-sisgan be-masmalaga be ukye.’ Ar we-omegan, galagwensuli e-bab-dummaganba-nanaarmalar, be-masmala galagwensuli e-bab-dummaganba-nanaega imakdamarmogoed.
2517	EXO 34:20	Moli-uayasuid-macheredsailagined angadga gubalid. Degi-inigwele, a-muchubdi, sibad-wawaad-sapingwagwad be anga ukoed. A-moli-uayasuid-sailagined-muchub sibad-wawaad be uksulile, moli-uayasuid-sailagined-dukar be bisgoed. Be-masmala-gebesailaginmalad-muchub mani be ukoed. ” ‘Dule-wargwensaale arganagwabi anse dagosulid, anga ibmar-sedagergebed.’
2760	LEV 1:14	Bab-Jehová Moisésʼga sogdebalid: “Israel-dulemarga be sogo: ‘Dule-gwensak Bab-Dummadga nuumar-ogumakar-ukele, sunna sapur-nuu, igi, wagnuu-mimmidibe, Bab-Jehováʼga uked.
2764	LEV 2:1	Bab-Jehová Moisésʼga sogdebalid: “Israel-dulemarga be soge: ‘Dule-gwensak anga ibmar-gwag-gulleged ukele, e-madubur-bur-nued sedagoed. A-madubur-birgine, olivo-gwallu, degi, ina-wawadikid eogoed.
2780	LEV 3:1	Bab-Jehová Moisésʼga sogdebalid: “Israel-dulemarga be soge: ‘Dule-gwensak gwenatigwar-guega anga moli-bebe-nikad ukele, we-moli machereddibe, omedibe, swilidik, gwen boni-nikasulid anga ukoed.
2798	LEV 4:2	“Israel-dulemarga be sunmak, amarga be soge: ‘Dule-gwensak na wissulidba Bab-Jehová-Igar-Maidgi annasale, ibmar-ise-imakleged imaksale, weyob ibmar imaklegoed:
2838	LEV 5:7	Bab-Jehová Moisésʼga sogdebalid: “Israel-dulemarga be sogo: ‘Dule-isgusad sibad-wawaad-mimmi-bakega mani galakuele, sapur-nuu-gwabo, wagnuu-mimmi-gwabodibe, na e-isgusad-ular Bab-Jehováʼga ukoed. Nuu-gwagwen e-isgusad-ular oburgwelegega ukoed, baiddi, ogumaklegega ukoed.
2846	LEV 5:15	‘Dule-gwensak na wissulidba Bab-Jehová-ibmar-islidikidgi isgusale, Bab-Jehováʼga e-isgued-ular sibad-wawaad-machered-swilidikid, gwen boni-nikasulid ukoed. We sibad-wawaad-macheredga e-mani-gargegued mani-aidikuedba nasiklegoed. Ar igi Bab-Dummadse-goled-neggi mani-aidikued-wilub-ebislege, deyob ebislegoed. We-ibmar-uklegedi, isgued-ular ibmar-uklegedid.
2852	LEV 5:21	‘Dule-gwensak dule-baid ega ibmar-sabogega-uksadi, a-ibmar gannar yapa e-ibedga ukele, mer-ukega yardaksadibe, ei ibmar atursasdibe, gannadgi annik ibmar-susdibe, we-dule weyob-imaksadbali, Bab-Jehováʼgi nue-dummad nosad.
2864	LEV 6:7	Bab-Jehová Moisésʼga sunmakdebalid, ega sogded: “Aarónʼga, degi, e-masmalaga be sogoed: ‘Bab-Jehováʼga ibmar-gwag-uklegoed-e-igar weyob mai-guoye: Bemar ibmar-ogumakar-ukleged-aila-asabin Bab-Jehováʼga ibmar-gwag ukoed.
2875	LEV 6:18	“Aarónʼga, degi, e-masmalaga be soge: ‘Isgued-ular Bab-Jehováʼga-ibmar-ogumakar-ukleged-igar weyob mai-guoye: Bia ibdurgan-ogumakar-ukleged-e-dukar-egwallege, agi, Bab-Jehová-asabin isgued-ular-ibmar-uklenaid-e-dukar egwallemogoed. We-ibmarde ibmar-bur-ise-islidikidid.
2881	LEV 7:1	Bab-Jehová Moisésʼga sogdebalid: “Israel-dulemarga be sogo: ‘Dule-gwensak dule-baidgi-nosad-ular Bab-Dummadga-ibmar-uked bur-ise-islidikid gued. Weyobi, ega igar megoed:
3047	LEV 12:2	“Israel-dulemarga be weyob sogo: ‘Ome-wargwen gurgin-nika gunonikile, geb machigwa baknonikile, ibagugle (7) san-swilidiksuli gudii guoed. Ar igi na e-igar-dakdiir gudidae, deyobi gudiguoed.
3073	LEV 13:20	adi, ega uka dakegar. Ar dusi-sigisadgi ise-nue-gulluu daklegele, degi, e-siga sipuu nadele, dule-irwa-anse-goled sogoed: ‘We-dule swilidiksurye.’ Ar ade, dusi-sigisadgi naibe-buna-yaa signonikid.
3090	LEV 13:37	Ar boni nasgumai daklesulile, degine, siga-sichigana ainialile, we-dule-bonigwaledi nugusad. We-dule, bonigwarsulid. Dule-irwa-anse-goled sogoed: ‘We-dule swilidikye.’ ”
3188	LEV 15:19	Bab-Jehová, Moisésʼga, degi, Aarónʼga sogdebalid: “Israel-dulemarga be sunmakmar, ega be sogmar: ‘Ome-gwensak na e-igar-dakdiile, ibagugle (7) swilidiksuli gudii guoed. Ar doa-dule we-ome ebusale, we-dule mutikguedse swilidiksuli gudii guoed.
3238	LEV 17:2	“Aarónʼga, degi, e-masmalaga, degine, bela Israel-dulemarga be soge: ‘Bab-Jehová weyob bemarga igar-uked:
3291	LEV 19:9	Bab-Jehová Moisésʼga sogdebalid: “Israel-dulemarga be sogo: ‘Be-nainugi ibmar-gwag be wealile, melle be-nainugi bela ibmar-gwag be weo, deginbali, ibmar-gwag-napagi batisad, melle bar be subalo. Ar we-ibmar-gwag-argwachamalad dule-wileganaga, degi, Israel-dulesulidmarga be obegoed.
3372	LEV 22:2	“Aarónʼga, degi, e-masmalaga be sogo: ‘Israel-dulemar anga ibmar-islidik-uksamaladgi melle dodomalo, adi, bemar mer an-nug-islidikid oichomalagar. Ani an Bab-Jehová gued.’
3405	LEV 23:2	“Israel-dulemarga be weyob sogo: ‘Bab-Jehová we-itoakwaa-ibamar-onoleged mesisad. Bemar Bab-Jehová-nug-odummogega, a-ibamar islidikid-onmakedye bimaloed. Bab-Jehová we-ibamar omesisad.’ ”
3407	LEV 23:4	Bab-Jehová, Moisésʼga sogdebalid: “Israel-dulemarga be weyob sogo: ‘Bab-Jehová we-itoakwaa-ibamar-onoleged mesisad. Bemar Bab-Jehová-nug-odummogega we-itoakwaa-ibamar-onolegedgi islidikidgi onmaknonimaloed. An bemarga iba-mesnaid-sekalaagi, bemar na onmaknonimaloed:
3452	LEV 24:5	Bab-Jehová, Moisésʼga sogdebalid: “Israel-dulemarga be sogo: ‘Madubur-nuedgi madu-ologana gwaambe-gakabo (12) be soboed. Madu-gwagwengi madubur nibirbo be ebugoed.
3472	LEV 25:2	“Israel-dulemarga be sogo: ‘Bab-Jehová bemarga-yar-uknaidse be ambikudapmalale, Bab-Jehová-nug-odummogega a-yargi birgagwen nainu obunnonai guoed.
3580	LEV 27:9	Bab-Jehová, Moisésʼga sogdebalid: “Israel-dulemarga be sogo: ‘Bab-Jehováʼga ibdurgan sunna uklegedile, a-ibdurganmar Bab-Jehováʼga uklesale, bela we-ibdurganmala ise-nue-islidikidga guoed.
3587	LEV 27:16	Bab-Jehová, Moisésʼga sogdebalid: “Israel-dulemarga be sogo: ‘Dule-wargwen na e-nainu-e-dad-ega-uksad, Bab-Jehováʼga ukele, we-nainu ibmar-gwag-diglegedba e-mani-nug ega naguoed. Orosgisaar-dakleged-cebadaʼye-nugad galón-gwadulabo-gakambe-gakatar (55) sunna diglegele, mani dulabo-gakambe (50) aidikued-wilub ega naguoed.
3599	LEV 27:28	Bab-Jehová, Moisésʼga sogdebalid: “Israel-dulemarga be sogo: ‘Dule-gwensak Bab-Jehováʼga ibmar-ilagwen-ukar-imaksale, gege bar manigi uked, gwen onogosurbalid: Duledibe, ibdurgandibe, nainu-e-dad-ega-uksaddibe, manigi ukosulid, gwen onogosurbalid. Bela Bab-Jehováʼga-ibmar-uklesadi, nue-islidikidga gunonikoed.
3847	NUM 6:23	“Aarónʼga, degi, e-masmalaga be sunmak. Ega be soge: ‘Israel-dulemargi ise-nued be sunmakalile, weyobi, be sogoed:
3942	NUM 8:2	“Aarónʼga be soge: ‘Gwallu-gwagugled (7) be ogaalile, e-siedgi be sialile, e-gwallu-gaedi asabin be obiroed, adi, e-mee-gaedi asabinbi gaegar.’ ”
3964	NUM 8:24	“Weyob Leví-wagan-baiganga igar maiguoed: ‘Leví-wagan birga-durgwen-gakatar-nikad (25), degine, birga-durgwen-gakatar-obine-nikamaladi (25+), sunna dulemar-anbo-ambikued-neggi arbamaloye.
4037	NUM 11:12	¿Ar we-dulemarde angi danisi? ¿Ani an we-dulemar-baksasi? Emide be anga soggu: ‘We-dulemar be sede, igi dule na e-goe-mam-nunaid argangi semaidae, deyobi, e-dadganga an yala-ukoye-sogsadse, be sede.’
4046	NUM 11:21	Geb degine, Moisés, Bab-Jehováʼga sogded: “Sordamar-mili-dulataled-ilanergwad-abalagi (600,000) an gwichid. Emide be soged: ‘We-dulemarga san an ukoye. We-dulemar nii-walagwen san gunmaloye.’
4131	NUM 14:22	an bega soged: ‘We-dulemar Egiptoʼgi, degi, nega-dulesulidgangi an-ibmar-imaksad-daksamaladi, degine, an-gangued-yeerdakleged daksamarbalidi, bipisaale wargwensaale yar-an-ega-ukoye-sogsad dakosurmalad. Amar bali-bali nega-dulesulidganba an-wilubdakdani gusmalad, an-sogedba ibmar imaksasurmalad.
4137	NUM 14:28	”Israel-dulemarga be soge: ‘Bab-Jehová sogye, nue-napira an dula-gudisoggu, ar igi angi sunmaksamala, deyob an bemar-imakoye.
4172	NUM 15:18	“Israel-dulemarga be sunmake, ega be soge: ‘Bab-Jehová yala-bemarga-uknaidse be dogsamalale,
4284	NUM 18:26	“Leví-dulemarga be sunmako, ega be sogo: ‘Israel-dulemar ibmar-ambegi gwensak (10%) anga-ukega senonikile, we-ibmar Bab-Jehová-bega-sogsadba begadga guoed. Bela ibmar-begadga-guoedi ambegi gwensak (10%) Bab-Jehováʼga be ukmogoed.
4301	NUM 19:11	‘Dule-gwensak dule-burgwisad-ebusale, ibagugle (7) Bab-Dummad-asabin swilidiksuli guoed.
4437	NUM 23:20	Bab-Jehová anga soged: ‘Israel-dulemargi ise-nued be sunmakoye.’ Degisoggu, ise-nued an egi sunmakergebed, geg an sogsuli gued, sogergebed.
4564	NUM 27:8	”Degine, Israel-dulemarga be sogo: ‘Dule-wargwen masmala-sate burgwisale, e-nainu e-sisgwaga uklegoye.
4652	NUM 30:3	‘Dule-gwensak Bab-Dummadga sogsadibe, sogedba an imakedseye, igi ise-sogar ebo igar-omesisdibe, bipisaale e-ibmar-sogsadi gwen gakansaosulid, sogsadba imakedsegad.
4820	NUM 34:2	“Israel-dulemarga be sogo, ‘Canaán-yalase bemar dogsamalale, we-yala-bemarga-uklegoedi, wese-wese bemarga abingunai guoye:
4916	DEU 1:22	”Ar degite, bemardi bela be anse armalad, be anga sognonimalad: ‘Anmar-iduar neg-arganaega anmar dulemar-barmide, adi, anmarga sognonimalagar, igid-igarba anmar namaloe, deginbali, ibi-neggweburse anmar dogdapmarbaloe.’
4936	DEU 1:42	”Ar Bab-Jehováʼdi anga sogsad: ‘Israel-dulemarga be sogo: Mer be urwenamarye. Ar Bab-Jehová bemar-abargi gudii guosulid. Ar bemar naye sogele, be-isdarmaladse bemar galakuoed.’
5027	DEU 4:21	”Degi-inigwele, bemar-nukad Bab-Jehováʼdi anse ulusad, anga ise-sogar sogsad: ‘Jordán-diwar be obakosurye, be-Bab-Dummad-Jehová yar-nued bemargadga-guega-uksokalidse be dogosurye.’
5130	DEU 7:17	”Ar na be be-ulubgi sogdibe: ‘We-dulemar anmarba bur-ichesur mergued. Degisoggu, ar wede, ¿igi-saele anmar we-dulemar-onogosunna?’
5380	DEU 17:14	Moisés Israel-dulemarga sogdebalid: “Bemar, be-Bab-Dummad-Jehová bemarga yar-uknaidse dognonikile, a-yala bemargadga gunonikile, degine, agi bemar bukwadgi sokarmalale: ‘Anmar-sedii gumalaga anmar rey-onugsamarmogoye. Ar igi-neggweburmar-anmar-dikarba-bubukwad na rey-nikamala, deyob anmar gumogoye.’
5488	DEU 22:16	Geb degine, ome-bab girmar-dummaganga sogoed: ‘We-dulega an-sisgwa-nikuega an ega uksanye. Emide, we-dule, an-sisgwa-isdar-dakarye.
5545	DEU 24:18	Be Egipto-yargi maiga-be-gudigusad ebinsadii guo. Be maiga-gudigu, be-Bab-Dummad-Jehová be-onos gusad. Degisoggu, a-ular, an bega soged: ‘Igar-innikigwadba be ibmar-imakdii guoye.’
5556	DEU 25:7	”Ar e-aisu, yapa we-ome-nikuele, ome neggwebur-noed-yawagakse girmar-dummagan-bukwadse naoed, sognaoed: ‘An-aisu yapa Israel-yargi e-mesad-nug degisadegu-nika imakye. Emide, yapa an-nikuye.’
5602	DEU 27:15	‘Dule-gwensak ibmar-wilub e-bab-dummadga-imakega-sobsale, suargindibe, akwagindibe, esgoro-diregwadgindibe, geb agi, odukusbalile, we-dule, sabsur-odurdaklesun. Ar we-ibmar dule-imakedsoggua, Bab-Jehová we-ibmar isdar daked.’ Bela dulemar abin-sogoed: ‘Eye, sabsur-odurdaklesun.’
5603	DEU 27:16	‘Dule-gwensak e-bab-nugdibe, e-nan-nugdibe, oichosale, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5604	DEU 27:17	‘Dule-gwensak e-ai-gwensakgi nainu-odonaile, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5605	DEU 27:18	‘Dule-gwensak dule-ibyasulid igarba-yogguega imaksale, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5606	DEU 27:19	‘Dule-gwensak Israel-dulesulidga, dule-sergan-satedga, degi, ome-ei-sui-burgwisadga, igar-mamaidba ibmar-egadmogad ega nabosulile, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5607	DEU 27:20	‘Dule-gwensak e-bab-ome-ebo negsichigi-nanaele, e-bab-abirgunagwar-guedi galagwensuli oichonaid, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5608	DEU 27:21	‘Dule-gwensak ibdurganbogwa galagwensuli-gusale, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5609	DEU 27:22	‘Dule-gwensak na e-bun-ebo, e-bab-sisgwa-ebodibe, e-nan-sisgwa-ebodibe, galagwensuli negsichidgi-nanaele, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5610	DEU 27:23	‘Dule-gwensak na e-saka-ome-ebo galagwensuli negsichigi-nanaele, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5665	DEU 28:52	”Be-isdarmalad be-yalagi bela be-neggweburmar-ebilis ambikumaloed. Bela be-neggweburmar-galu-matusurmalad, galu-dutusurmalad, bela babatedsegad. We-neggwebur-galu-dutusurmaladgi bemar sogdimalad: ‘We-galumar anmar-bendakoye,’ agi bemar bensuli gudimalad. Be-Bab-Dummad-Jehová-bela-yar-bega-uksadgi, be-isdarmalad, be-neggweburmar bela ebilis ambikumaloed.
5686	DEU 29:4	Moisés sogdebalid: “Bab-Jehová bemarga soged: ‘Birga-dulabogwa (40) an nega-dulesulidganba be-sedii gusad, degite, be-mormar nungussulid, bemar-nag-uka nungussurbalid.
5723	DEU 30:13	Degine, demar-baid-obakar maisurbalid, adi, mer be sogegar: ‘We-Igarmar anmarga-sedagega, ¿doa anmar-ular demar-obakoe? Adi, anmar we-Igarmar-itogega, a-sogedba anmar daegar.’
5732	DEU 31:2	“Emide, ande birga-dulanergwa-nikad (120). Geg bar bemar-iduedga an gued. Deginbali, Bab-Jehová anga sogsad: ‘Jordán-diwar gwen be obakosurye.’
5737	DEU 31:7	Degidgine, Moisés Josuéʼse gochad. Bela Israel-dulemar-bukwad-abargi, Josuéʼga sogded: “Josué, nue salakar. ¡Gatik gandik be imako! ¡Mer galakuo! Bab-Jehová be-dadganga sogsa gusad: ‘We-yar an bega ukedseye.’ Josué, a-yarse be we-dulemarbo dogoed. We-yar, egadga-gumalaga we-dulemarga be ukoed.
5780	DEU 32:20	Agine, Bab-Dummad sogdesunnad: ‘We-dulemargi an banguoed, gi-na-gudmarsunnodibe. Ar wemar an-sogedba dasurmalad, dule-isganamalad, we-masmala geg-innikii nanamaladid.
5845	DEU 34:4	Bab-Jehová, Moisésʼga sogded: “An Abrahamʼga, Isaacʼga, degi, Jacobʼga ise-sogar an sogsad: ‘We-yala an be-waganga ukedseye.’ Moisés, be-sunnad we-yar be-ibyagwar be daksad. Ar ese be dogoeddi be dogosulid.”
5918	JOS 4:6	We-akwamar bemar-wilubga guoed. Yoedsega be-mimmigan bemarse egichiarmalale: ‘We-akwamar bukwadi, ¿ibi-obare?’
6648	JDG 5:23	Bab-Jehová-e-baliwitur weyob sogded: ‘Meroz-dulemar be sabsur-ukabsasun. We-dulemar gwen Bab-Jehová-sordamar-bendakapsurmalad, degi, dule-gandikmaladgi gwen bendakapsurmarbalid.’
6655	JDG 5:30	‘Ibmarmar-nued amismarsua, a-miminanairgebed: Sordamar-iliba, yagan-war-wargwen mimilenairgebed, igi, war-warbodibe. Sísaraʼgardi, mor-nuegan-akar-akar-dakleged uklenairgebed. An-dukargi-nasikega mor-akar-akar-dubgi-sobarmalad, mor-yeerdakleged-bela-dubgi-sobarmalad uklenairgebed.’
6669	JDG 6:13	Gedeón abin-sogded: —Dummad, ar Bab-Jehová anmarba naile, degite, ¿ibiga anmar sabsur-odurdakleddae? Degite, ¿Ibiga ibmar-gegerdaklemalad anmar-dadgan-anmarga-sogsagusad geg bar oyolesunna? Ar anmarga sogsagusad: ‘Bab-Jehováʼde Egipto-yargi anmar-onosye.’ Emisgindi, Bab-Jehová anmar-obachad, Madián-dulemarga anmar-urmaksad.
6699	JDG 7:3	Emisgi, sordamarse be golo, ega be weyob sogo: ‘Doa-dule na dobe-itogele, Galaad-yar-akar, gannar e-negse naodo.’ ” Geb mili-dulagwen-gakabo (22,000) gannar armalad. Degi, napi miliambe (10,000) besmalad.
6700	JDG 7:4	Bab-Jehová Gedeónʼga sogdebalid: “Amba dogdar be-sordamar mergue. Dii-maidse be sede, agi an dakoed, bitimala sulegoe. An bega sogele: ‘We-dule beba naoye,’ a-dule beba naodo. Ar an bega sogele: ‘We-dule beba naosurye,’ a-dule beba naosurdo.”
6810	JDG 9:54	Geb a-gines Abimelec dule-ega-sigu-abgaedse gochad, ega weyob sogded: “Be-es-suid be onoge, be an-oburgwe, adi, mer an-annik soglegega: ‘Ome-wargwense burgwisye.’ ” Degidgi, dule-ega-sigu-abgaed, esbunyargi ewarisad. Agidbali, Abimelec burgwisad.
7122	JDG 21:18	Degi-inigwele, anmar-sisgan anmar ega ukosulid. Ar anmar-Israel-dulemar ise-sogar an imaksamalad: ‘Anmar-sisgan an ukosurmarye.’ Ar anmar ukabsaleged-igar mesisad: ‘Dule e-sisgwa Benjamín-dulega uksale, iwigulego, dule-isganaga guo.’ A-ular, anmar geg an-sisgan Benjamín-waganga uke.”
7172	RUT 2:21	Degi, Rut-Moabʼgined, Noemíʼga sogded: —Anga sogsabardo: ‘Anga-arbamaladba be arbadii guoye, orosgisaar-dakleged-cebada-weleged berguedseye.’
7269	1SA 2:27	Bab-Dummad-e-dule-gwensak Elí-daknaded, geb ega sogdapid: “Bab-Jehová weyob soged: ‘Be-dadgan Egipto-yargi Faraón-e-maiga-gudimargu, an-ese-magarosgusadi, be nue wisid.