223	GEN 9:17	”We-napneggi bela dulemarbo, degi, ibmar-durganbo an igar-mesisadi, sue, e-wilubga guoed.” Deyob Bab-Dummad Noéʼga ibmar sogsad.
637	GEN 24:45	”Bab-Dummadga weyob an sogsiid amba yoo an obeloge, Rebeca e-gukingi buglu-sii-daniki an dakalid. Dii-weegala diase aideded. Rebeca dii-wesgu, an ega sokalid: ‘Wis be anga dii udaye.’
796	GEN 28:22	”We-akwa an ogwichisad, we Bab-Dummad-e-negga guoed. ”Bab-Dummad, bela ibmar-be-anga-ukoedi, ambegi gwensak (10%) an bega ukoed.”
912	GEN 31:38	”Birga-dulagwen (20) an bega arbasad. Bipisaale be-sibadmar, degi, sibad-wawaadmar, mimmi-nikudanikir, igarba gwen melledsulid. Be-sibadmar-abargi, bipisaale be-ibe sibad-wawaad-machered-wargwensaar an guchasulid.
1352	GEN 44:27	”Anmar-bab anmarga sogsagusad: ‘An-ome-Raquelʼbo an masmala-warbo-nikusad be wismarye.
1589	EXO 3:9	”Israel-dulemar nunmak-itodimaladba bobukwad an itosad. Degine, an daksabalid, Egipto-dulemala dogdar sabsur-Israel-dulemar imakbukwad.
1774	EXO 9:31	”We-ibmarmardi bela burgwisad: Gagan-linoʼye-nugad, orosgi-dakleged-cebadaʼye-nugad, Ar ade, bato cebadaʼde sanmaksad, degi, gagan-linoʼye-nugad bato durbamaksabalid.
1930	EXO 15:9	”Anmar-isdarmalad binsasmalad: ‘An bargaedse bareginnoye. An e-ibmar-suoedi, an mimioye, an egi yeer-itogedse, an mimioye. An es-suid, an egi onogoye, an-sunnagwad an wemar ogilogoye.’
1934	EXO 15:13	”We-dulemar be abonosadi, be-sabedbali na be semaid. Be-ganguedbali, we-dulemar be-neg-swilidikidse na be sedoed.
2111	EXO 21:33	”Dule-wargwen dia egaar sisale, igidibe, yaa-dummad dii-sigega akwisdibe, a-yaa edissuli sisale, agi moli-bebe-nikad-alugwasualed argwachale, moli-uayasuid-argwachadibe,
2116	EXO 22:1	”Dule-atursaed mutik ibmar-atursanai-daklesale, agi onaibisalesale, degi, burgwenonikile, we-dule-ibmar-e-ibed, dule-oburgwissuliyob daklegoed.
2118	EXO 22:3	”Ibdurgan-atursalesad amba-dula dule-atursasad-neggi-gudii daklealile, dule-ibdurgan-atursasad ilabo-wilub ukoed: Moli-bebe-nikad-machered-alugwasualeddibe, moli-uayasuiddibe, sibad-wawaaddibe, ilabo-wilub e-ibedga ukoed.
2120	EXO 22:5	”Dule-wargwen ikomar-ogumakega soo-ogasale, we-soo orosgi-dakleged-trigo-digar-naidse warmaksale, igi, trigo-danar-weles-bukwadse warmaksale, igi, nainugi-ibmar-digarnaid ogumaksadibe, dule-soo-ogasad, bela dule-baid-ibe-ibmar-ogumaksad bennukoed.
2123	EXO 22:8	”Dulemar-ebogwad sogmalale, we-ibmar angadye: Moli-bebe-nikad-alugwasualeddibe, moli-uayasuiddibe, sibad-wawaaddibe, mordibe, ibi-ibmar-yoggusaddibe. We-dulemar-ebogwad, dummagan-igar-nabomalad-asabin namaloed. Ar doa bur ibmar-atursas dakledagoe, a-dule, ilabo-wilub dule-baid-bennukoed.
2124	EXO 22:9	”Dule-wargwen bensulidgi dule-baidga ibdurgan uksale: Moli-uayasuid ega akwega uksadibe, moli-bebe-nikad-alugwasualeddibe, sibad-wawaaddibe, we-ibmar-ega-uksad burgwenonikile, naibigunonidibe, dule-gwen-daksasuli ei atursalenonidibe,
2128	EXO 22:13	”Dule-wargwen dule-baidse egichisdibe, ega ibdula-wargwen wis udagwerye, ibdula burgwenonikile, igi, e-ibed-daklesulidgi ibdula-naibi-gunonikile, dule-ibmar-wis-egichisadi, e-ibed-bennukergebed.
2129	EXO 22:14	”Ar e-ibed-wagab ibdula burgwisale, naibigusdibe, adi, bennukosulid. ”Manigi-bennus ebunairdi, bar bennukosulid, ar a-mani bato ega bennuksayob gusad.”
2134	EXO 22:19	”Bab-Jehováʼgarbi ibmar-ogumakar be ukoed. Ar degisulile, dule bab-dummad-baiganga ibmar-ogumakar-ukele, a-dule, oburgwilegoed.
2151	EXO 23:6	”Dule-wilegedga igar-nabolenaidgi, ega igar-maidba be imako, melle egi be yogasaar yoledii guo.
2164	EXO 23:19	”Be-nainugi be-ibmar-gebe-weleged-bur-nuegan, be-Bab-Dummad-Jehová-negse be sedergebed. Sibad-e-mimmi melle e-nan-nunisgi be duo.”
2168	EXO 23:23	”An-baliwitur bemar-idu nadapguoed: Amorreo-dulemar-yalaganse, Het-dulemar-yalaganse, Ferezeo-dulemar-yalaganse, Canaán-dulemar-yalaganse, Heveo-dulemar-yalaganse, degi, Jebuseo-dulemar-yalaganse, bemar-sedoed. We-dulemala bela an obelogoed.
2204	EXO 25:8	Geb anga anse-goled-neg be sobmalo. ”A-abargine an gudii guoed.
2225	EXO 25:29	Degine, e-batemar, e-bate-dummagan, degi, e-nog-dummagan, orbi be sobbaloed. ”E-bormomar be sobbaloed, adi, agi Bab-Dummadga-ibmar-uknaid eogegar. Wemala olo-nuedbi be imakoed.
2266	EXO 26:30	”Igi-dakle yar-birgi bega oyolesa, ayobi, anse-goled-neg-sunna-seleged be soboed.
2289	EXO 27:16	”Yawagak-dogedgi mor-dummad daliatar be nasikoed. We-mor-dummad be imakoedi, nirbadub-aradgi be imakoed, nirbadub-suir-akwagiidgi be imakoed, nirbadub-ginnidgi be imakoed, linoʼdub-nuedgi, ise-nue-sobar, bela-bela-nue-yeerdakle be imakoed. Degine, e-buarmardi, walabake, degi, e-sigmalad amba gwabakebar.
2291	EXO 27:18	”Neg-imba dali-dulagwen-gakatar-sugu (25) guoed, e-matardungued, daliambe-gakabo-abala (12½) guoed. E-mor-naguoed, daligwen-bisgise sugu naguoed. We-mor-dummagan-naguoedi, lino-mor-nued guoed. E-sigmaladdi, esgoro-gordikidgi soblegoed.
2309	EXO 28:15	Bab-Jehová Moisésʼga sogdebalid: “Geb degine, mor-binasgargi-nagued, igar-nabolegedgi-ebulegega, nue-yeerdakle be imakoed. Mor-efodʼye-nugad-imaksadyob be imakbaloed. ”We-dubmar be ebugoed: Ordub, nirbadub-arad, nirbadub-suir-akwagiid, nirbadub-ginnid, linoʼdub-nued.
2315	EXO 28:21	”Akwa-nuegana gwaambe-gakabo (12) guoed, Israel-masmala-warambe-gakabogwad-iliba (12). Igi wilub-nasikega imakdamala, deyob, akwa-gwa-gwagwengi, Israel-dulemar-dadgan-sogambe-gakabogwad-e-nugmar iliba be nasikoed.
2335	EXO 28:41	”We-mormar be imaksadi, be-ia-Aarónʼga, degine, e-masmalaga be yooed. Geb degine, gwallu-wawa amar-nonogi be eogoed. Geb degi, dule-irwa-anse-gormaladga-gumalaga be onugsaoed.
2340	EXO 29:3	”We-madumala anse-gorleged-negse sedegala, garba-senigwadgi be urboed. Geb degine, moli-bebe-nikad-sapingwagwad, degi, sibad-wawaad-machered-warbogwad, anga ukega be sedoed.
2396	EXO 30:13	”Bela dulemar-ebislesmalad mani-gramo-atar (5) bennukoed: We-mani anse-goled-neggi-mani-aidikued-wilub-negabar gued. ”We-mani anga ibmar-uklegedga guoed.
2408	EXO 30:25	”We-inamar olivo-gwalluba bela be oburoed, anga olivo-gwallu-wawadikidga guegar. We-gwallu-wawadikid be imakoedi, dule-gwallu-wawadikid-imakdaedyob be imakoed. We-gwallu-wawad angadga guoed.
2509	EXO 34:12	”Canaán-yarse be dogsokalir, dulemar-a-yargi-bukmalad-ebo melle be igar-mesdii nanamalo. Ar deyob be imakmalale, sunna ese be yardaklemalad.
2566	EXO 35:34	”Bab-Dummad Bezaleelʼga, degi, Aholiabʼga nabir-dulemar-odurdaked-gurgin uksad. Aholiab Ahisamac-e-machid, e-dad-dummad-Danʼgi danikidid.
3551	LEV 26:26	”Mas-sate an bemar-imakoedgi, soo-gwagwengi omegan-warambe (10) bemarga mas-dunai guoed. Mas ise-wilubsaar-mimidmalogu, mas ichee-gusoggu, immelegosurmalad.
3557	LEV 26:32	”Be-yala bei an bibisgoed. Be-isdarmalad be-yarse nonimalogua, amarbela geger be-yar dakmaloed.
3666	NUM 2:7	”Baid-dikarsik Zabulón-wagan ambikumarmogoed. Zabulón-wagan-e-dummad Eliabʼye nugad. Eliabʼde Helón-e-machid.
3673	NUM 2:14	”Baid-dikarsik Gad-wagan ambikumarmogoed. Gad-wagan-e-dummad Eliasafʼye nugad. Eliasafʼde Reuel-e-machid.
3681	NUM 2:22	”Baid-dikarsik Benjamín-wagan ambikumarmogoed. Benjamín-wagan-e-dummad Abidánʼye nugad. Abidánʼde Gedeoni-e-machid.
3684	NUM 2:25	”Dan-wagan e-bander-urba, dulemar-anbo-ambikued-neg-siid-dad-nakwed-argan-sapiledsik ambikuoed. Dan-wagan-e-dummad Ahiezerʼye nugad. Ahiezerʼde Amisadai-e-machid.
3748	NUM 4:4	”Coat-wagan dulemar-anbo-ambikued-neggi, ibmarmar-ise-islidikid akwega be imakoed:
3771	NUM 4:27	”Gersón-wagan bela na e-arbamaladgi, na ibmar semamaidgindibe, anse-goled-neggi arbananaidgindibe, bela Aarón, degi, e-masmala-sogedba ibmar imakmaloed. Gersón-waganga be sogoed, we-ibmarmar sedsokarmalale, nue salakarmaloye.
4137	NUM 14:28	”Israel-dulemarga be soge: ‘Bab-Jehová sogye, nue-napira an dula-gudisoggu, ar igi angi sunmaksamala, deyob an bemar-imakoye.
4205	NUM 16:10	”Bab-Dummad bemar-abesad, bemar e-walikaa gudigued, degine, bela bemar-Leví-wagan e-walikaa gudigued abesad. ¿Emide, bemar dule-irwa-Bab-Dummadse-goledga gubimarbarde?
4272	NUM 18:14	”Israel-dulemar bela anga ibmar-ukmaladi, bela an bemarga ukbaloed.”
4438	NUM 23:21	”Bab-Dummad Jacob-wagan-isgusye sogsulid. Bab-Jehová Israel-dulemar nosa gwen daksulid. Ar Israel-dulemarba Bab-Dummad-Jehová gudiid. Israel-dulemar na sogmalad, Bab-Dummad e-reyye.
4696	NUM 31:30	”Baid-negabalad Israel-dulemarga-uklegoedi, anga be subaloed. Ibmarmar-dulabo-gakambegwad-iliba (50) war-wargwen be suoed: Dulemar-gales-selenonikid, moli-bebe-nikad, moli-uayasuid, sibad-wawaad, degi, sibad. Geb we-ibmarmala, Leví-wagan-anse-goled-neggi-arbamaladga be ukoed.”
4724	NUM 32:4	”Bab-Jehová Israel-dulemarga we-neggwebur-yarmala susad. Emide, we-yarmala moli-bebe-nikamalad-akwed-nueganad. Anmarde bukidar molimar nikad.
4878	NUM 35:31	”Dule-gindaked manigi onolegosulid, ar ade, oburgwilegoye ega igar maid. Ar we-dulede, oburgwilegergebed.
4990	DEU 3:13	”Galaad-yarmar-abalad-baidi, bela Basán-yala, Rey-Og-negdakmai-gusadi, an Manasés-wagan-negabaladga uksad. ”Basán-yargi Argob-yar-naidi, dule-masdummagan-yarye bimalad.
5009	DEU 4:3	”Bemar-sunnagwad na be-ibyagwar, Bab-Jehová Baal-Peorʼgi neg-imaksad be daksamalad. Deunni, be-Bab-Dummad-Jehová, bemar-abargi bela-dule-bab-dummad-Baal-Peorʼba-nadmalad ogilos gusad.
5123	DEU 7:10	”Bab-Jehová dule-isdar-e-dakeddi, obelodaed. Bab-Dummad we-dule-isdar-e-daked-odurdakosurdeeye sogsulid, yog sabsur-odurdakar imakdaed.
5127	DEU 7:14	”Dulemar-baiganba bemargi bur bule ise-nued binsalegoed. Bemar-abargi-gudimalad, machereddibe, omedibe, anagan-nikusuli guosurmalad, bela anagan-nikadbi gumaloed, degine, amba be-ibdurganmoga, bela dula-nikuedbi gumarmogoed.
5142	DEU 8:3	”Bab-Jehová sabsur bemar-wiosad, bemar-oukumechad. Geb degine, ibmar-manáʼye-nugad-gunnega bemar-imaksad. Bab-Jehová, we-mas-dakdisulidgi, be-babgan-oguchad, bemar-oguchabalid. ”Bab-Jehová bemarga we-mas uksad, adi, bemar wisguegar, ar dule unnila mas-gunnedginbi dula-gudii guosulid, bela Bab-Jehová-Gayaburba-itogedgi dule nabir dula-gudii gubalid.
5161	DEU 9:2	”A-dulemar dule-buleganad, dule-masdummaganad. Wemar, Anac-wagan gumalad. Ar we-dulemargi-sunmaklediid, bato be itodimalad: ‘Dule geg Anac-wagan-asabin gwisguye.’
5245	DEU 12:3	”E-ibe e-bab-dummadga-ibmar-ogumakar-ukleged-ailamar be earo, e-ibe e-akwamar-islidikmalad be mamarbalo. E-bab-dummad-bundor-Aseraʼye-nugad-e-wilubgan-sobarmalad be ogumako. E-bab-dummagan-e-wilubgan-sobarmalad be mamaro, degi, e-bab-dummagan-e-nug bela be elio.
5299	DEU 14:7	”We-ibdurgandi be gunnosulid: Moli-yargan-mureged, nubi, ugdun. Ar wemar amba gagan-masar, gannar-mabaliga-sabanyagi-mas-saboged-inigwele, e-gonasidi negabar mararsulid. ”We-ibdurgandi be gunnosulid, ise-gullegedga gumaloed:
5323	DEU 15:2	”Birgagugled-ilibali (7), weyob be imako: Dule-begi-mani-ganonikile, mer bar be-bennukega be imako, igibarsaye be sogo. Ar be, dule-baidga be ibu uksadibe, be-gwenadga be ibu uksadibe, bar gannar ese be egisosulid. Ar ade, Bab-Jehová-nuggi Mani-Galesulid-Birgaye sogleged.
5339	DEU 15:18	”Be-mai be onosokalile, melle nunmak be itogo, ar ade, we bega birganergwa-arbasadi (6), mani-negabala bega arbasad. Ar dule-baid bega arbasana, bur ilabo-wilub be mani-oesanad. Deyob be imakmalo. Ar adi, degidbali, be-Bab-Dummad-Jehová bela be ibmar-imakalir, ise-nued begi binsaoed.”
5346	DEU 16:2	”Oburgwilegoenad-Ibagi be be-Bab-Dummad-Jehováʼba be-sibad-wawaad, be-moli-bebe-nikad oburgoed, bia Bab-Jehová-na-megoye-sogsadgi be oburgoed.
5406	DEU 18:20	”Bab-Dummad anga sogdebalid: ‘Ar Bab-Dummad-gayaburba-barsoged an-nuggi sunmakye-sogele, gwen an ega ibmar-sogsasulid-sogdele, we-dule oburgwilegoed. Ar dule bab-dummagan-nuggi sunmakdebalir, deyopira oburgwilemogoed.’
5480	DEU 22:8	”Neg-bini be sobsale, neg-uwas madaresoggu, melle-dule-argwanega uwas-gakaba, galu be nasikoed. Ar deyob be galu-nasiksulile, dule-wargwen uwasgi-argwatele, degi, burgwenonikile, begi ataklegoed.
5500	DEU 22:28	”Dule-wargwen yagwa-amba yoo-sui-nikuoye-ega-igar-meged abingualir, ese golega gadebin-imaksadibe, degidgine, deyob daklenonimarsunnad,
5521	DEU 23:20	”Be-gwenad bese ibmar egisdanidibe, manidibe, masgullegeddibe, ibu-ibmardibe, be-gwenadga be uksale, gannar bega sekalaa ibmar-ukoed, obichaa egi be ibmar suosulid.
5537	DEU 24:10	”Be-ai begi-wis-ibmar-gaegala, gannar bega sorba ukbaliga ega be wis ibmar uksagwelele, a-muchub-ibmar-sied-suega, melle be e-negse dogo.
5546	DEU 24:19	”Be-nainugi be ibmar-gwaggulleged-weenaile, be dukgwen iesale, melle gannar be sunaedgi binsao. We-dukgwenadde dulemar-Israel-dulesulidga guoed, dulemar-sergan-satedga, degi, ome-ei-sui-burgwismaladga guoed. Adi, bela be ibmar-imakedgi be-Bab-Dummad-Jehová begi nabir binsaegar.
5547	DEU 24:20	”Be-olivo be gwannaile, melle be e-anagangi-besmalad gannar gwano. Ar we-ibmar Israel-dulesurmaladga be obegoed, dulemar-sergan-satedga, degi, ome-ei-sui-burgwismaladga be obegoed.
5560	DEU 25:11	”Machergan-warbo urwenanaidgi, ome-gwensak na e-sui-bendakega dule-baid-machered-e-alugwaggi ganonikile, geb naibi-imaknonikile,
5601	DEU 27:14	”Levita-dulemar bela Israel-dulemarga weyob binnasuli sogmaloed:
5620	DEU 28:7	”Bab-Jehová be-isdarmaladgi-nakwega be-imakoed. Be-isdarmalad begi gwisguar-sogele, begi ilekwaa danimalale, be-abin-gwakidedba yogasaar duurmakdemaloed.
5621	DEU 28:8	”Bab-Jehová be-ibmar-gwag-neg-saboged nasguega imakoed. Degine, bela be-ibmar-imakedgi, ise-nued binsaoed. Degine, be-Bab-Dummad-Jehová bega-yar-uknaidgi ise-nued begi binsabaloed.
5634	DEU 28:21	”Bab-Jehová we-yar-begadga-gusokalidgi bela bemar-obelogedse boni-dummagan barmidagoed.
5638	DEU 28:25	”Bab-Jehová be-isdarmaladse galakuega be-imakoed. Be-isdarmaladgi ilekwaa be nadap gumaloed. Degi-inigwele, bemar e-idu duurmakdemaloed, bela akar-akar be aisakidmaloed. Dulemar-baigan-neggweburginmalad bela we-ibmar-isgana begi-gusad-ular, geger bemar-dakmaloed.
5648	DEU 28:35	”Bab-Jehová be-yokormargi, be-malimargi, degine, bela be-ukagi, be-nono-akar mali-nagase yaa-malemaladbi be-imakoed, degine, a-bonimarga ina-sate guoed.
5651	DEU 28:38	”Be-nainugi ibmar-gwag-bukidar be digmaloed. Degi-inigwele, sesmar bela be-ibmar-gwag gunmaloed-ular, wis-ichee be ibmar-gwag weemaloed.
5656	DEU 28:43	”Be-abargi dule-be-yarginedsurmalad-mamaimaladi, beba bur nasgumai gumaloed. Bemardi bur ege-gumai gumaloed.
5662	DEU 28:49	”Bab-Jehová dule-yar-dikasurmaladgined begi sedagoed. Igi sulubagi gwae-gwae-gukue, deyob be-isdarmalad ukiar begi nonikoed. Dulemar-e-gwabinduku-be-aku-itomaladi, begi nonikoed.
5665	DEU 28:52	”Be-isdarmalad be-yalagi bela be-neggweburmar-ebilis ambikumaloed. Bela be-neggweburmar-galu-matusurmalad, galu-dutusurmalad, bela babatedsegad. We-neggwebur-galu-dutusurmaladgi bemar sogdimalad: ‘We-galumar anmar-bendakoye,’ agi bemar bensuli gudimalad. Be-Bab-Dummad-Jehová-bela-yar-bega-uksadgi, be-isdarmalad, be-neggweburmar bela ebilis ambikumaloed.
5669	DEU 28:56	”Be-omegan bur nueddaed, degine, bur-gadi-dule-wiledaked, bipisaale e-nag gwen ollibi imakbisurdamaladi, na e-sui-nue-sabedse-bakale, e-masmalase-bakale, degi, e-bunamalase-bakale wiledakosurbalid.
5677	DEU 28:64	”Bab-Jehová yar-baiganse dikasuli bemar-oaisakioed. Agine, dulemar-baigan-e-bab-dummaganse bemar gordii gumaloed. Bemarde, degi, be-dadgande, we-bab-dummagan-akudakmaladid. We-bab-dummagande, suargi, degi, akwagi sobarmaladid.
5688	DEU 29:6	”We-yarse be nonimargua, Hesbón-e-rey-Sehón bemar-abin noar gusad, degine, Basán-e-rey-Og bemar-abin noar gusmogad, adi, bemargi bila-onomalagar. Degi-inigwele, anmar egi nakwis gusmalad.
5767	DEU 32:7	”Neg-epennemalad be ebinsao, birgamar-dikasurgus-nasmalad be ebinsao. Neg-epenne-gusmalad be-babse be egiso, be-bab bega sogoed. Be-girmar-seleganse be egiso, amar bega igar-onakoed.
5773	DEU 32:13	”Bab-Dummad yalaganba Israel-dulemar onakwemaigusad. Nainugi-ibmar-welesadgi e-dulamar-oguchagusad. Achanisgi, degine, olivo-gwallugi na e-dulemar-oguchad. We-ibmarmar akwa-dutusulidgi ega onosgusad.
6199	JOS 14:10	”Bab-Jehová Moisésʼba weyob ise-sogar ibmar-sogsagusadi, bato birga-dulabo-gakatargus (45) nasad. Deunni, Israel-dulemar nega-dulesulidganba gaamakdimalad. Emi-ibagindi, an birga-dulabake-gakatar (85) nika gwichid. Bab-Jehová amba dula an-sediid.
6634	JDG 5:9	”Israel-dummaganba an naid, dulemar na e-binsaedba bila-onogedgi-urwemaladba an naibalid. ¡Bab-Jehová-nug be odummomar!
7246	1SA 2:4	”Bab-Jehová dulemar-dutusulid-e-warsi bibisged, ar dulemar-nollomaladgardi gangued uked.
7248	1SA 2:6	”Bab-Jehováʼgi dulagudigued, degi, burgwed-igar danikid, Bab-Jehová dule-burgwega imaked, degi, mer dule-burgwega imakbalid.
7252	1SA 2:10	”Bab-Jehová e-isdarmalad-obeloged, nibneg-akale egi mar-ogoled. Bab-Jehová we-napneg-ugakaase dule-bukmaladga igar-nabogoed. Bab-Jehová na rey-mesisadga gangued-uked, na e-rey-nug-imaksadga e-gangued ogannoged.”
7389	1SA 8:18	”A-ibagan nagunonikile, na be rey-amismalad-ulale, be nunmak-itononimaloed. Geb degine, bemar Bab-Jehováʼgi wilearmalale, Bab-Jehová bemar-bendakosulid.”
8045	2SA 1:20	”Gat-neggweburgi mer egi sunmaknai gumalo, Ascalón-galimbaba mer be a-obardii gumarbalo, adi, Filistea-omegan, Bab-Dummad-wissur-gudimalad-e-sisgan, egi mer wergumalagar, ega mer gwirnanai gumarbaligar.
8298	2SA 12:9	”Bab-Jehová sogbalid: ‘¿Ibiga be an-gayaburba be isdar itossunna? ¿Ibiga be an-asabin ibmar-isgana imaksa? Bee be, Het-dule-Uríasʼgi ome-egwannega be Urías-oburgwisad. Bee be, Amón-sordamar-es-suidgi Urías-oburgwega imaksad. Geb degidba be Urías-ome nikunonisunnad.
8619	2SA 22:14	”Bab-Jehová nibneggi-mai sabsur-gollalid, Bab-Dummad-Bur-Birigined malayob goted.
8622	2SA 22:17	”Bab-Jehová e-argan, anse niba-oyononikid, an-argan ganonikid, neg-wilasailadgi an-onononikid.
8626	2SA 22:21	”Bab-Jehová an-inniki-gudiidba, anga ibmar-uksad. An-ibmar-akar-imakdisulidba, nabir angi binsanonikid.
8643	2SA 22:38	”An-isdarmalad anse bargalesmalad, anse ibitolesmalad. An-isdarmalad-oitossuli an aibirissulid.
8661	2SA 23:5	”Igar-innikigwadba an dulemar-nidii gussoggu, degi, Bab-Dummad-dobekwaa an negsesoggu, a-ulale, an-neguya ise-diglegar gusad, degi, Bab-Dummad an-ibmar-abeged anga uked. Bab-Dummad anbogwa igar ise-sogar mesisad, a-igar-mesisad akar guosulid, ise-imaklegar megisad, degisadegu megisad.
8780	1KI 2:7	”Barzilai-masmala Galaad-neggweburginmalad, bela be wiledakdii nanao. Beba-mas-gunmalaga be imako, ar ade, be-ia-Absalónʼgi an dukudigu, wemar nue-an-bendaksad.
9019	1KI 8:31	”Dule-gwensak e-gwenadgi yolesdibe, we-dulega soglesdibe, bese-goled-neg-dummadse nonikoye, agi Bab-Dummad-e-aila-asabin ise-sogar-sogdibe, an egi yolessurye,
9023	1KI 8:35	”Be-dulamar begi yolesad-ular, bar dii-wisuli be imakalile, deyob, be be-dulamar-sabsur-odurdaknai gualile, bese-goled-neggi bese ise-gollar imakarmalale, agine, e-isgusmaladgi bangudmalale, gannar be-nug odummonai guarmalale,
9063	1KI 9:9	”E-abin sogdemaloed: ‘Ade, Israel-dulemar e-Bab-Dummad-Jehováʼgi bangusmalad. We-Bab-Dummad Egipto-yargi e-dadgan-onos gusanad. Degite, Israel-dulemar bab-dummagan-baigan na e-bab-dummadga imakdemalad, a-nug-odummodii gudmalad. Agala, Bab-Jehová ega bonigan uknonikid.’ ”