449	GEN 18:24	”Ar dule-nuegan dulabo-gakambe (50) we-neggweburgi gudidiile, ¿amba be we-neggwebur obelogode? Ar we-dule-nuegan dulabo-gakambe (50) gudidimalad-sabed-ular, ¿we-neggwebur melle obelogodeeye be sogosurde?
450	GEN 18:25	Dogdar-itole, dule-ibmar-isgana-imakdisulid, dule-ibmar-isgana-imakdiidba be oburgwer. Ebobela emarbi isgusadyob be imako itole. Mer deyob be sae. Bee be, bela dule-we-napneggi-bukmaladga, igar-naboged-e-dummadsoggu, ¿igar-innikii maidba be imakosurde? Eye. Be igar-innikii maidba imakoed.”
862	GEN 30:31	Geb Labán Jacobʼse egisdesunnad: —Degite, ¿igi-mani be-bennukbi be an-abesunna? Jacob weyob abin-sogded: —Mer be an-bennuke. Ar ibmar an bega sogoed nabir be itogele, napi an bega be-sibad-wawaadmar an edarboed.
1110	GEN 37:26	Geb degine, Judá, e-gwenadganga sogded: —Ar anmar anmar-urba-oburgweye-soger, ¿ibi-nued anmar egi amiosunna? Ibmar-nued anmar egi amiosulid. Ar a-sorbali, anmar neg-oakalosad odukubalirgebed.
1362	GEN 45:3	José, e-gwenadganga sogded: —Ani, an José. ¿An-bab amba dula? E-gwenadgan José-asabin-bukwadi, bela-bela dobe-itomarsoggu, geg abinsagusmalad.
1638	EXO 5:5	Faraón sogdebalid: —Emigindi, Israel-dulemar bukidar Egipto-yargi bukmalad. Ar bemarde, ¿bar-arbasuli amar imakode? Deyobsulirgebed.
1987	EXO 17:3	Ar Israel-dulemar uku-uku itomarsoggu, Moisésʼgi uludmalad, sogdemalad: —¿Ibiga Egipto-yargi be anmar-onosa? ¿Ukudba-burgwega be anmar-onosa? ¿Anmar-mimmigan-oburgwega be anmar-onosa? ¿Anmar-ibdurganmar-oburgwega be anmar-onosa?
2141	EXO 22:26	Ar ade, neg-diopigwadgi yoega, unnila we-morbi-nikad. Ar degisulile, ¿ibi-morgi atuosunna? Dule-wileged e-bendakega anse gollalile, bendakega an ese naoed, ar ade, an dulemar-wiledakdaed.
2997	LEV 10:19	Geb Aarón, Moisés-abin sogded: —Emi, an-masmala Nadab, degi, Abiú, na e-isgued-ular ibmar uksamalanad, degi, Bab-Jehováʼga ibmar-ogumakar uksamarbalinad. Degi-inigwele, we-masmala-ebogwad an surgunonikid. Ar emi, isgued-ular-ibmar-ukleged an guchana, ¿Bab-Jehováʼde nabir an-dakoen be insae? Suli. Nabir an-dakosulinad.
4111	NUM 14:2	Bela Israel-dulemala Moisésʼgi, degi, Aarónʼgi uludmalad. Amar sogdemalad: “¿Ar ibiga Bab-Jehová we-yarse anmar-senoniki? ¿We-yargi es-suidgi anmar-oburgwega anmar-senoniki? Wede, ¿bila-onogedgi anmar-omegan, degi, anmar-mimmigan anmar-isdarmaladse-seledega guode? Sulirgebed.
4413	NUM 22:37	Mosgua, Balac, Balaamʼga sogded: —An bebina gochagu be anse dagoye, ¿ibiga be anse arsuli? ¿Ibmar-buged an bega ukosurye be binsa?
4427	NUM 23:10	¿Wede doa Jacob-wagan ebisoe? ¿Israel-dulemar danabake urbilesar, a-gwensakde sunna dule ebichisar, be insae? Suli, ebichissulile. Bitigi we-dule-ibmar-innikii-imakmalad-burgwedyobi, an burgwemogana gadin. Bitigi wemar-gumaloedyobi, an gumogana yeerban.”
4560	NUM 27:4	¿Anmar-bab machimala-nikusulidba e-gwenadgan-abargi e-nugde elilegode? Adi sulirgebed. Ar anmar e-sisgan gued. Degisoggu, wis anmar-gilormarba be anmarga nainumar udabi an abemodo.”
5038	DEU 4:32	Moisés Israel-dulemarga sogdebalid: “Be-Bab-Dummad-Jehová ibmar-gegerdakleged-dummagan bemarga imaksad. Degisoggu, emigindi, be egismardo, Bab-Dummad we-napneggi dule-obinnisad-akale, bemar-idu ibagan-nasmaladgine, degine, bela we-napneg-dirbir-naidgine, ar Bab-Jehová bemarga ibmar-imaksadyob, ¿ibmar-gegerdakleged imaklesgusa? Ar Bab-Jehová bemarga ibmar-imaksadyob, ¿Bab-Dummad-ibmar-imaked itolesgusa? Ar weyobid bemar itodisurmalad.
5081	DEU 5:26	Ar ade, ¿doa-dule anmaryob Bab-Dummad-e-gayaburba soo-abalagi-sunmaksad itosye, degi, gwen burgwissur be ebinsaye?’
5130	DEU 7:17	”Ar na be be-ulubgi sogdibe: ‘We-dulemar anmarba bur-ichesur mergued. Degisoggu, ar wede, ¿igi-saele anmar we-dulemar-onogosunna?’
5790	DEU 32:30	Ar wede, ¿igi-nabir dule-wargwenad sorda-miligwenad baregichasunna (1,000)? Ar wede, ¿igi-nabir dule-warbogwad sorda-miliambegwad oduurmaksasunna (10,000)? Ar Bab-Jehová eba-gudiidba deyob nabir gued. Ar Bab-Jehová eba-gudisulina, e-isdarmaladgi-nakwega imaksasulinad. Deyob e-isdarmaladgi obinosulinad.
5985	JOS 7:7	Josué, Bab-Dummadga sognai gualid: —¡Bab-Dummad-Jehováʼye! ¿Ibiga Israel-dulemar Jordán-diwar-obakega be imaksa? ¿Amorreo-dulemarga be anmar-urmakega, Jordán-diwar-obaked be anmar-imaksa? ¿Amorreo-dulemar anmar-obelogega Jordán-diwar-obaked be anmar-imaksa? ¡Ar anmar bur Jordán-diwar-obakar-besmalana nabirinad!
6724	JDG 8:3	Ar Bab-Dummad bemarga Madián-sordamar-e-dummagan Oreb, degi, Zeeb urmaksad. Degitega, ¿ibu-imaksa be an-daksunna? Andi gwen-dogdar ibmar-nued imaksasulid. Efraín-sordamar deyob Gedeón ega-soge-itosmargu, bar-akar-sogsasurmalad.
6926	JDG 14:15	Ibabakegusgu, sapingana Sansón-omega sogdemalad: “Be-sui-binsaed be gae, anmarga oeged odalogega. Yapa be be-sui-binsaed-gaele, anmar soogi be-ogumakoed, degi, bela be-gwenadgan anmar ogumakbaloed. ¿Anmar-ibe ibmar-atursaega, be anmarse gochasi?”
6957	JDG 16:6	Sansón Dalila-daknadgua, ese weyob Dalila egichided: —Be anga wis ibmar-sogbi an be-abedo. ¿Ibugi be gar-gangued sii? ¿Igi-dule nabir be-edichale? Adi mer be achikegar.
6961	JDG 16:10	Degi, Dalila Sansónʼga sogded: —Be an-yardaksa. Be anga yamo gakansasad. Be anga inniki-soge, ¿igi-dule nabir be-gugmakergebe, adi, nabir be-gamalagar?
6964	JDG 16:13	Geb Dalila Sansónʼga sogdebalid: —Gannar be an-yardaksa. Emi, be anga yamo gakansasbalid. Be anga nue-inniki soge, ¿igi-dule nabir be-gugmakergebe, adi, nabir be-gamalagar? Sansón ega sogded: —An-sailagia-sobarmalad giagugle (7) gwinni-dubba be sobele, degi, gwinni ise-digar e-bargamaladgi be imakele, an-gangued nollomakdoed, dulemar-yogasaaledyob an nolloo nadoed.
7074	JDG 20:18	Geb Israel-sordamar Bab-Dummadse-goled-negse nadmalad, Bab-Dummadse egisega, ega sogega: —Anmar-sordamar, ¿doa-inse Benjamín-sordamargi bila-ononaoe? Bab-Jehová abin-sogded: —Judá-e-sordamar-inse onodoe.
7109	JDG 21:5	Degi, Israel-dulemar na muchub-muchub egichiarmalad: “Israel-wagan-belagwable-bukwamaladi, ¿doa-wagan Bab-Jehováʼse-goled-negse arbisuli?” Ar dule Mizpaʼgi Bab-Jehováʼse arbisulile, ega igar ise-sogar megisad: “Oburgwilegoye.”
7339	1SA 6:6	Ar ¿ibiga bemar Egipto-dulemaryobi, degi, Faraónʼyobi na be burgudmaloe? Bab-Dummad sabsur we-dulemar-odurdaksa gusad. Geb a-sorbali, ¿Egipto-dulemar Israel-dulemar-onossurmar be ebinsae? Eye, onosmala. A-ulale, melle na be burgumalo.
7696	1SA 18:18	David, Saúl-abin sogded: —¿Ande doasunna rey-e-sapinga-guega? ¿An-gwenadgande doamarsunna rey-e-gwenadganga gumalagar?
7789	1SA 21:15	Geb degine, Aquis e-sordamar-e-dummaganga sogded: —¿Ibiga be anga we-dule-sedanimala? Ar we-dule, ¿dule-iwiledid be daksurmarsi?
7797	1SA 22:7	Amarga Saúl sogded: —¡Benjamín-wagan, nue an-itomar! Ar Isaí-machi bemarga nainumar-naidi, degine, uva-digar-nanaidi, ¿bemarga ukmogo be ebinsae? Degi, sordamar-miliba-mergued-e-dummadga (1,000), degi, sordamar-dulataled-mergued-e-dummadga (100), ¿bemar-nugsao be ebinsabali?
7815	1SA 23:2	Degidbali, David Bab-Jehováʼse idakded, ega sogded: —Bab-Jehováʼye, ¿Filistea-sordamargi an bila-ononaoe? Bab-Jehová abin-sogded: —Be nae. Filistea-sordamargi be bila-ononae. Keila-neggwebur be bendaknae.
7824	1SA 23:11	Israel-e-Bab-Dummad-Jehováʼye, an bese wilege, anga be soge, ¿Keila-dulemar Saúlʼga an-urmakoe? ¿Anga-sogsamaladyobi, Saúl nue-danikoe? Bab-Jehová, Davidʼga sogded: —Eye, Saúl danikoe.
7825	1SA 23:12	David gannar Bab-Jehováʼse egichialid: —¿Keila-dulemar Saúlʼga an-urmakoe? ¿An-sordagan urmaklemarmogoe? Bab-Jehová abin-sogded: —Eye, be-urmakmaloed.
8092	2SA 3:8	Abner Isboset-deyob-ega-sokargu, bela-bela isdar itosad. Geb Abner Isbosetʼga sogded: —¿Achu be an-daksi? ¿Judá-dulemarga mailedii be an-dake? Suli. An be-bab-Saúlʼga bule-an-arbadii gusa, be-gwenadganga, degi, be-aimargarbela an arbadii gusbalid. Aginbali, an nue-be-akwisbalid. Davidʼga an be-urmaksasurbalid. Emisgindi, be anga sognaid, we-omebo an akar-gusye.
8154	2SA 5:19	Agine, David, Bab-Jehováʼse idakded, ega sogded: —¿An Filistea-sordamargi bila-ononaoye? ¿Egi-nakwega be an-imakoye? Bab-Jehová, David-abin sogded: —Eye, be bila-ononae. Inniki an bega soged, Filistea-sordamargi-nakwega an be-imakoed.
8201	2SA 7:18	Geb Rey-David Bab-Jehová-asabin sigdapid. Bab-Dummadse gotegusad: “Bab-Dummad-Jehováʼye, ¿ande doasunna? ¿An-neguyade ibusunna? Emide be, we-ibmar bela be anga uknagu.
8283	2SA 11:21	¿Doa Tebes-neggweburgi Jerobaal-machi-Abimelec oburgwisgusa? ¿Ome-gwensak a-dulegi galu-matusulid-akwabiid-birgi obnaged-akwa egwachagussursi? ¿Ibiga bemar e-galu-walikaa nadegusmala?’ Geb Davidʼga be sogdebalo: ‘Be-mai-Het-dule-Urías burgwismogad.’ ”
8524	2SA 19:11	Ar anmar, reyga Absalón-nug-imaksanad. Emide, bila-onolesadgi burgwissunnad. Degisoggu, Rey-David gannar anmarse-dagega, ¿ibi-boni niksunna? An dakedi, boni sate an dakdo. Anmar ese gorsundo.”
8525	2SA 19:12	Rey-David deyob egi sunmaklenai wisgusgua, dule-irwa-Bab-Dummadse-gormalad-Sadocʼga, degi, Abiatarʼga gayaburba barmisad, weyob ega sogmalagar: “Judá-girmar-dummaganse be gornamaloye, ega sogmaloye: ‘Rey, Israel-dulemar gannar-e-negse-dagega-ese-gornaid bela wisgusye. Ar bemar, rey-gannar-dagega ¿emar-sorba ese be gormalo-sogeye? Deyobwilubsulinye ega be sogo.’ ”
8548	2SA 19:35	Barzilai rey-abin sogded: —Jerusalén-neggweburse an beba naesogele, ¿igi-birga an napi-gudii guosunna?
8637	2SA 22:32	¿Doa-baid Bab-Dummadga maisunna? Unnila Bab-Jehováʼbi, Bab-Dummadga maid. Unnila Bab-Jehováʼbi, akwasailayob gued, abi anmar-bendakmaid.
8708	2SA 24:13	Gad, geb Davidʼse nonikid, ega sognonikid: —Bab-Jehová soged: ‘¿Biti be suoye? ¿We-yargi birgagugle (7) ukud-dummad-neg-naguedi? ¿Be-isdarmaladse be nii-warbaa bargalenai, degi, amargi be dukudii-guoedi? ¿Be-yargi ibapaa bonigan-buled naguoedi? Nue be binsao, be anga sogo, igi an an-barmialidga an sogdapoe.’
8744	1KI 1:24	—Dummad-rey, ¿ar be sogsasi, an-sorba Adonías yar seoye? ¿An-sorba Adonías rey-gangi-sigoye? Sulirgebed.
9358	1KI 18:14	Emisgindi, an-dummadse be an-barminaid, ega sogega, be wegi gunaye. ¿An-oburgwebi be abege?
9461	1KI 21:7	E-ome-Jezabel abin-sogdemogad: —¿Ar be Israel-e-reysursi? ¿Doa-sogedba negselemaisunna? Ar be-sogedba negselemaid. Gwisgue, mas-gunne, mer-bukib-itoge. Nabot-e-nainu begadga guega, an igar amioed.
9543	2KI 1:6	Geb abin-sogdemalad: —Igarba anmar dule-wargwen-abingusad. A-dule weyob anmarga soged: ‘Rey-bemar-barmialidse gannar be namar, ega be sogmalo: Weyob Bab-Jehová sogye: ¿Ibiga ibmar wisguega Ecrón-neggwebur-e-bab-dummad-Baal-Zebubʼse be egise? ¿Israel-yargi Bab-Dummad satesi? Degisoggu, be-nailikgumaidi, bar be nuguosulid, be burgoed.’
9587	2KI 3:7	Rey-Joram, Judá-e-rey-Josafatʼse weyob gayaburba barmisad: —Moab-e-rey angi gwisgunonikid. ¿Moab-sordamargi bila-onogega, be anba naoe? Rey-Josafat abin-sogded: —Guakwagwa. Be-sogedbali. An-sordamar be-sordamarmogad, an-molimarse-bakar, guakwa nanaid.
9705	2KI 6:27	Rey, ome-abin sogded: —Ar Bab-Jehová be-bendaksulile, ¿igi an be-imakmogosunna? ¿Orosgi-dakleged an bega ukosi? ¿An bega vino ukbalosi?
10087	2KI 19:22	Senaquerib, ¿Doagi be isdar sunmaksa? ¿Doagi be ise-dodoar sunmaksa? ¿Doagi urwedgi be ibmar-sogsa? ¿Doa-abin san-dummarba be itosa? Ar be Israel-e-Bab-Dummad-Isligwalednik, isdar be sunmaksad.
10111	2KI 20:9	Geb Isaías ega sogded: —Bab-Jehová-bega-ibmar-sogsad magar be dakegala, we-ibmar-wilub Bab-Jehová bega oyogoed. ¿Bab-Jehová bega dad sikwas-osikirmakbi be abege? Igi, ¿sikwas oabarmakbi be abege?
10789	1CH 14:10	Degisoggu, David, Bab-Dummadse idakded, ega sogded: —Bab-Dummadye, ¿Filistea-sordamargi an bila-ononaoe? ¿Be Filistea-dulemargi-obinega be an-imakoe? Bab-Jehová abin-sogded: —Be bila-ononae. Filistea-sordamar bese galakuega an imakoed.
10874	1CH 17:6	Bela Israel-dulemarba an gudigusgua, deunni an Israel-e-dummaganga sogsagua, anga an-dulemar-idugoye. ¿A-dulemarga an sogsa, anga urwar-neg sobmaloye? A-dulemarse an neg-egichissulid.’
10884	1CH 17:16	Degidgi, David, Bab-Jehováʼbo-sunmakegala, Bab-Dummad-asabin signonikid. Ega sogded: “Bab-Jehováʼye, ¿ande doasunna? ¿An-neguyade ibusunna? Emide, we-ibmar bela be anga uknagu.
11174	1CH 29:5	Deginbali, ormar, orbi-ibmar-soblegoedgarbalid. Manimar, manibii-ibmar-soblegoedgarbalid. Bela we-ormar, manimar, dule e-argangi ibmar-akar-akar sobegalad. Bemarmoga, emi-ibagine, ¿doa-dule Bab-Jehováʼga na binsa e-ibmar-ukmogoe?”
11604	2CH 20:12	Anmar-Bab-Dummadye, ¿a-dulemar be apor-odurdakosurde? Ar anmardi we-sordamar-bukidaradgi bila-onogega gargangued sated. An wissurmalad, igi an imakmaloe. Degisoggu, bese an idakmarsundo.”
12318	NEH 2:6	Deunni, rey, e-omeyalaba siid. Agi, rey anse egichialid: —Be nadele, ¿bule-melu be yogguoe? ¿Sana gannar be danibaloe? Geb an reyga sogsagu sana an gannar danikoe, agi, rey nuedgi an-barmisad.
12394	NEH 5:7	Nuekwaa an egi binsasgua, dule-nug-nikamaladga, degi, dule-dummaganga sabsuli ibmar an ega sogded: —Ar be-gwenadganga ibmar be uksale, egi mani-onogega, ¿mani-dummarba be gadamarde? Deginbali, bela we-igar-itogegala dulemar-onmakega an imaksad.
12693	NEH 13:18	Ar be-babgan weyob ibmar-imaksamarmogad. Ar a-ulale, anmar-Bab-Dummad anmargi, degi, anmar-neggweburgi we-ibmar-isganamar barmialid. Degite, ¿Bab-Dummad gatik bur bule sabsur anmar-odurdakbi be abemarde? Emide, obunnoged-iba-naid be daksurmalad.”
12702	NEH 13:27	¿Ar degite, bemar deyob isgumarmogode? ¿Bab-Dummadgi bemarde dummad-nomarmogode? ¿Bemarde omegan-Israel-dulesurmalad-nikumarmogode? Adi surbali.”
12816	EST 7:5	Geb degine, Rey-Asuero, Esterʼse egichided: —Degite, ¿Doa-dule we-ibmar-isgana imakbi gudisunna? ¿Bia we-dule gudii?
13004	JOB 6:22	¿An bemarse ibmar egichasi, wis be anga ibmar udamarye? ¿An-bendakmalaga an bemarse mani egichisbarsi? Suli.
13093	JOB 10:3	Bab-Dummadga an sogbaloed: ¿Weyob be an-imaknaid yeer be an-dake? ¿Isdarsunna be dule-obinnisadi dake? ¿Dule-isganamar isdarsunna-angi-binsananaidi, be baisur-dake?
13094	JOB 10:4	¿Dulemar-daeyob be emar-dake? ¿Anmar-ibmar-dakeyob be dakmoga?
13166	JOB 13:9	Ar Bab-Dummad bemar-wilubdaknonikile, ¿igi be gusmalale? Ar bemar dulemargi-dodolegeyob, ¿Bab-Dummadgi be dodomarye sogmarsunde? Gege bemar Bab-Dummadgi dodoged.
13215	JOB 15:8	¿Bebi binsaed-ibed be itosi? ¿Bab-Dummadde bese binsaed egissi?
13218	JOB 15:11	¿Bab-Dummad gadi-gadi be-gwage-imaked be baisurdaksunde? ¿Bab-Dummad bega binnalegwadgi sunmaked be baisurdaksunde?
13374	JOB 21:15	Anmar e-nug-odummogega, Bab-Dummad-Bela-Gangued-Nikadde, ¿doasunna? Anmar ese gorye sogele, ¿ibu-nued egi amilesunna?’
13395	JOB 22:2	“Dule-gwensak binsaed-nikarbadibe, ¿Bab-Dummadgala ibnuedga gue? Suli. Dule-deyobid na dukin ega ibnuedga gued.
13396	JOB 22:3	¿Be-innikidaedgi Bab-Dummad-Bela-Gangued-Nikad ibmar-nued amisi? Suli. Ar gwen ibmar-nued egi amisulid. ¿Be-nued-nanaedgi Bab-Dummad ibmar-nued amisi? Suli. Ar gwen ibmar-nued egi amisulid.
13406	JOB 22:13	Emide be soged: ‘Bab-Dummad, ¿ibi wissunna? ¿Bab-Dummad sunna negsichid-abalagi emar-wilubdaksi?’
13429	JOB 23:6	Bab-Dummad angi sabsur-gwisguega, ¿e-gangued angi oyogergebsi? ¡Suli! Angi gwisgussuliled, unnila an-itonai gusaled.
13586	JOB 30:25	¿Dule-boniba-galitodimaladba an bonai gussursi? ¿Dule-wilemalad an wiledaksasursi?
13595	JOB 31:3	¿We-odurdaklegedde dule-isganamargadsursi? ¿Boni-dummagan-amilegedi dule-isganamargadsursi?
13596	JOB 31:4	Bab-Dummad, ¿an-ibmar-nued-imakdiid daksursi? Bab-Dummad, ¿an-nanadiid daksursi?
13667	JOB 33:13	¿Ibiga Bab-Dummadgi be deyob sunmake? ¿Bab-Dummad be-abin-imakergebye, be sogsunde? Degisuli, be dummad nodiid.
13720	JOB 34:33	Job, be deyob sogdibe, degite, be Bab-Dummad-obacha-inigwele, ¿Bab-Dummad bega be-ibmar-abeged uked abesunde? Sulirgebed. Andi be-ular sogosulid, ar bee be sogoedid. Degisoggu, na be-binsaedi be soge, igi na be binsae.
13803	JOB 38:6	Napneg-e-sailamar, ¿ibu-birgi bukwasunna? ¿Doa degite, e-akwasaila sisasunna?
13814	JOB 38:17	Deginbali, ¿burgwed-negse be aideapbali? ¿Dule-burgwarmalad-e-galuse be arbi?
13815	JOB 38:18	¿Napneg-dungued be wisi? Ar be we-ibmar nue-wisile, degite, be anga sogdo.
13832	JOB 38:35	¿Be-sogedba mar gotedae? ¿Be sunmakdele, bebali mala yoga ibsaardae?
13877	JOB 40:9	¿Be-surgande an-surganyob gangude? Ar be-sunmakedde, ¿an-sunmakedyob gangu-sunmakde?
13894	JOB 40:26	¿Sunna e-asumurgi dub be nasiksale? ¿E-aku sunna esgoro-swiswidikidgi be boodo imaksale?
13897	JOB 40:29	¿Sikwibo-dodolegeyob be we-ibdulabo dodosale? ¿Be-bunamala egi dodogega, ega be dubgi edichale?
14686	PSA 49:7	Dule-mani-nikadba-dobsuli-itodimalad, na e-ibmar-nikadba san-dummarba-imakdimalad, ¿a-dulemarde an dobguode? Suli, an dobguosuli.
15159	PSA 77:9	¿Bab-Dummad degisadegu-anmar-sabgudiid bergussi? ¿Bab-Dummad anmarga-ibmar-imakoye-sogsad degisadegu bergussi?
15160	PSA 77:10	¿Bab-Dummad dule-wiledaked iessi? ¿Bela-bela urwemaidba, bar anmar-sabguosurde?”
15382	PSA 88:11	¿Ar dule-burgwarmalad-abargi ibmar-gegerdaklemalad be imake? ¿Dule-burgwarmalad be-nug-odummogega sunna durgudagosi?
15383	PSA 88:12	¿Dule-burgwarmamaidgi sunna be-sabguedgi sunmaklesi? ¿Dule-burgwarmalad-neggi sunna be-innikidaedgi sunmaklesi?
15507	PSA 94:10	Ar dulemar-ibmar-noar-imaksad-onudakedi, ¿sabsur-odurdakosur be ebinsae? Ar dule-ibmargi-odurdakedi, ¿ibmar-wisguosur be ebinsae?
15975	PSA 119:9	¿Igi-sapingwa melle-isguega, na nuekwaa nanadii guergebe? Unnila, Be-Gayaburba-Maidbarbi nanadii guergebed.
17388	ECC 1:3	Dule we-napneggi na gandikidba-alamakdiile, ¿ibu-nued egi amioe? Ibmar-nued amiosuli.
17438	ECC 3:9	Ar dule arbaedgi alamaknaiguedi, ¿ibu-nued egi nikue?
17476	ECC 5:8	Weyob-ibmar-guedi, ¿ibu-nued yar-naid egi nikue? ¿Reyde, nainugi-arbamalad-bendakega mai? Eye, bendakega maina.
17495	ECC 6:8	Ar dule-binsaed-ibed, ¿ibuginbi dule-binsaedsulidgi-obinsisunna? Ar dule-wileged, nabir-bonigan-abin-gwisgudiidgi, ¿ibi-nued egi amimosunna? Ar e-bogwad na yopira bonigangi obindimalad.
17529	ECC 8:1	¿Doa-dule binsaed-ibedyob gue? ¿Doa-dule bela-ibmar-wisid gudii? Dule, binsaed-nued-nikadbali, e-daklegedi, weligwar-dakleged, degine, e-daedi, nued dabalid.
17735	ISA 1:11	Bab-Jehová soged: “Be-ibmar-ukleged-bukidaradi, ¿ibi-nuedga anga wis gue? Ar gwen an abemaisulid. Ar sibad-wawaad-machergan-ogumakar-anga-ukleged an budar dakgusad. Ar ibdurgan-wardummagan-e-gwallu-anga-ukleged an budar dakgusad. Moli-bebe-nikad-machergan-e-ablis an abesulid, sibad-wawaadmar-e-ablis an abesulid, sibad-machergan-e-ablis an abesulid, we-ibmarmar, gwen bai an daksulid.
17813	ISA 5:4	¿Ar ibu-ibmar an-uva-nainuga an imaksasuli? ¿Ibu-ibmar bar an ega imakosunna? Ar uva-san-nuegan-anga-sanmaked an abesanad. Ar degite, ¿ibiga uva-san-soled sanmaksasunna?
17935	ISA 10:15	Isaías weyob soged: “¿Ar akande sunna dule-e-ebunaidba bur san-gannarbaa na imaksi? ¿Ar sunna esnali-sapisikedde dule-e-ebunaidba bur bule-bule na san-imaksi? ¿Gaapoledde, dule-e-ganikidgi obinosi? ¿E-nabiedba naosi? ¿Bia be daksa, suar-garagwadi, sapiwar-dummad-nakwaa imake? Deyob be dakdisulid.
18015	ISA 14:17	¿We-dule we, napneg nega-dulesulidga imaksadi? ¿We-dule we, yalamar obelodii gusadi? ¿We-dule we, esgaryagi-dulemar-gales-bukwad gannar e-negse-naega gwen imakdasulidi?’
18030	ISA 14:32	¿Igi-be we-yalaga-dule-garda-berbemalad-abin be sogoe? Weyob be sogoed: ‘Ar Bab-Jehová Sión-yala sisad, ar agi dule-wile-itodimalad dukued-neg amioed.’ ”
18154	ISA 23:7	Tiro-neggweburde, ¿neggwebur-weligwaledinsursi? We-neggweburde, ¿bur dikasurgus siidinsursi? We-dulemarde, ¿dikasur-aineba bur nanadimaladinsursi?