387	GEN 16:5	Geb degine, Sarai Abramʼga sogded: —¡Be-ular, emide, Agar ibgwensur an-dakalid! An-sunnad an bega Agar-urmaksad, ese be golegar. Ar emide, mimmi-nikuo-itogedba, anba bur dummarba san-imaked. Emigindi, Bab-Jehová sogoed, wede doagi ataklegoe: Begine, igi angine.
585	GEN 23:13	Abraham bela dulemar-e-itobukwad-abargi Efrón-abin sogded: —¡Bemar bela nue an-itogo! An bega soged, mani be sue. Nainu an bese bakoed. Geb a-sorba, an-ome-mui an digoed.
764	GEN 27:36	Geb Esaú sogded: —¡Ar nabir ega Jacobʼye nug nasiksamala! ¡Ar emide ilabogus an-yardakdanikid! Gebe unni, an machi-sailagined-guedba anga ibmar-uklegoenad an-ibe susad. Emide, angi ise-nued-binsaleged an-ibe susbalid. Esaú sogdebalid: —Baba, degite, angi ise-nued-binsaleged, ¿wis be anga obessuli?
914	GEN 31:40	Jacob Labánʼga sogdebalid: —An bega arbadigusgu, ibgine, neg-diopisulidba an burgwebidaed. Neg-mutikdi, neg-diopigwadba an burgwebidabalid. ¡Ar gabedse-bakar, gwen gabbi an-itodasulid!
940	GEN 32:12	Bab-Jehováʼye, ¡an-ia-Esaúʼgi wis be an-bendake! An dobe-itoged. Abakalegi an-oburgwialile, degi, an-omemar, an-mimmimar-oburgwiarbalile.
1187	GEN 40:14	”Deyob bega gunonikile, melle be an-iego, an-ebinsao. Wis an-ular Faraónʼga be sunmako, adi, we-esgaryagi-an-mellesiid an-onogegar. ¡Wile be an-dako!
1301	GEN 43:10	Weyob anmar yoggunaisulina, ¡bato ilabogus anmar Egipto-yarse arbi-wilubbinad!
1387	GEN 45:28	Geb degine, Jacob sogded: “¡Emigindi, an nue bensurdo, an-machi-José amba dula-gudiid! Burgwed-idu an daknaoed.”
1499	GEN 49:25	¡Ar ade, be-bab-e-Bab-Dummad be-bendakoed! Bab-Dummad-Bela-Gangued-Nikad, ise-nued begi binsaoed. ¡Nibneggi ise-nued begi binsaoed! ¡Demar-uluba ise-nued begi binsaoed! Bemala, ichesur mimmigan-nika gumaloed, degi, be-mimmigan masgi be-omadii gumaloed.
1612	EXO 4:10	Moisés Bab-Jehová-abin sogded: —¡Dummad, yeergangu-itole! Aku an itodaed, ibu an sogoe. Gusgu degibi an daniguad, emisginbisulid. An gale-gale sunmaked, an baisursunna sunmaksulid.
1615	EXO 4:13	Moisésʼdi sogdebalid: —¡Dummad, yeergangu-itole! An bega guosulid. Bese wilesakwaa an egise, bur be dule-baid barmide.
1932	EXO 15:11	Bab-Jehová, ¡bab-dummad-baid bebo wilubdaked sated! ¡Beyob-isligwaled, baid sated! ¡Beyob-dummadid, satebalid! ¡Be ibmar-gegerdakleged-imakedi, dobe-ito anmar-imaked! ¡Ar nabirid, be-nug odummolegergebed!
1988	EXO 17:4	Geb degine, Moisés Bab-Jehováʼse binnasur goted, ega sogded: —Ar we-dulemarde, ¿igi an imakergebe? ¡Ar iche-napinad akwagi-makar an-oburgwemalanad!
4024	NUM 10:35	Bab-Dummad-Israel-dulemarbo-Igar-Mesisad-Ulu seledele, Moisés sogdedaed: “¡Bab-Jehováʼye, be anmar-bendake! Be-isdarmalad bela aisakisun. Dule-isdar-be-dakmalad bela be-idu duurmakmarsun.”
4203	NUM 16:8	Geb degine, Moisés Coréʼga sogdebalid: —¡Leví-wagan, an-ibmar-bemarga-sogoed, nue be an-itomalo!
4207	NUM 16:12	Geb degine, Moisés, Datánʼse, degi, Abiramʼse gochad, ese dagmaloye. We-warbogwadde, Eliab-e-masmala-gumalad. Ar wemardi Moisés-abin sogdemalad: —¡Anmar bese naed-sate!
4229	NUM 16:34	Bela Israel-dulemar-dikarba-bukwamalad a-dulemar-binnasur-boe-itoarmargu, duurmakdemalad, sogdemalad: —¡Anmar wakinmala! ¡Abakalegi napa anmar-doarmogale!
4370	NUM 21:29	¡Moab-dulemar, be duledar-wilesmar! Bab-dummad-Quemosʼye-nugad-e-dulemar, ¡Ibiyobi be nue-wilesmala! Be-bab-dummad-Quemos be-masmala-wakinnega imaksad, degi, Amorreo-dulemar-e-rey-Sehónʼse be-bunamala-galegega imaksabalid.
4405	NUM 22:29	Balaam moli-uayasuid-abin sogded: —¡Angi be nue-dodosad! Es-suid an ganikina, emisbinne be anse oburgwilegoendo.
5753	DEU 31:23	Geb degine, Bab-Jehová Nun-machi-Josuéʼga, weyob igar-ukded: “¡Nue salakar, gatik gandik-sao! ¡Mer galakuo! Be, Israel-dulemar an yar-ega-ukoye-sogsadse be odogoed. An-sunnad, an beba-gudii guoed.”
5766	DEU 32:6	Bemar, dulemar-gegeganad, bemar, dule-binsaedsurmaladid. ¿Ar weyob bemar be-Bab-Jehová-abin-imakmarde? ¿Ar Bab-Jehováʼde be-Bab-Dummadsursi? ¿Ar bemar-obinnisadsursi? ¡Ar Bab-Dummad we-napnegse bemar-senonikidid! ¡A wegi bemar-urbisadid!
5862	JOS 1:9	Bato an bega sogsad: ¡Gandik be sao, melle be galakuo. Melle be dobguo, melle be nig-argwanbalo! Ar bia be naoedba, ani an be-Bab-Dummad-Jehová, beba gudii guoed.”
5885	JOS 2:14	Israel-dule-warbogwad ome-abin sogdemalad: —¡Anmar bega ise-sogar-soged, bemar akar-guosurye! Ar dule-baiganga be anmar-barsogsulile, anmar wile-be-dakoed. Bab-Jehová we-yala anmarga uksale, anmar nued-bemar-akwemaloed, degi, anmar bega ise-sogar-sognaidba ibmar imakoed.
5950	JOS 5:14	Machered, Josué-abin sogded: —¡Suli, an dulemar-sordasuli! Andi an Bab-Jehová-e-sordamar-e-Dummadid. Geb Josué dule-asabin napase dulluu e-wagar imaksad, a-dulese egichided: —An-Dummad, be-maiga, ¿ibi igar be ukdanisunna?
6628	JDG 5:3	”¡Reymar, nue be an-itomar! ¡Dummagan, nue be an-itomar! An namaksokalid, Bab-Jehováʼga an namaksokalid. Israel-dulemar-e-Bab-Dummad-Jehováʼga an gar-ogorsokalid.
6678	JDG 6:22	Agine, Gedeón magar-daksad, wede Bab-Jehová-e-baliwitur gue. Degidgine na sogded: —¡An duledar-wiles! ¡Bab-Jehová, an bela! Bab-Jehová-Bur-Birigined, be-baliwitur-e-wagar an nue-daksa.
6792	JDG 9:36	Gaal, dulemar-ainialid-dakargua, Zebulʼga sogded: —¡Be dake, dulemar yarbirgi aidedani-nanaed! Zebul abin-sogded: —Suli. Yar-mullugan-e-burba dulemaryob be daked. Ar wede dulemarsulid.
6794	JDG 9:38	Zebul abin-sogded: —¿Igi be iduar we-dulegi ulusgussunna? Bede weyob egi sogsagusad: ¿Abimelecʼde doaye wissoge? Ar deyob be we-dulegi dodosgussursi. ¡Emisgi be nae! ¡Egi be bila-ononae!
6866	JDG 11:35	Jefté deyob na e-sisgwa-daksagua, wile-itodedbali mor-yoid siir-siir imaksad. Geb weyob binnasur goted: —¡Bunor, be an-wiosdakle! Be anga nunmaked-dummad uksado. Ar Bab-Jehováʼga an ibmar-ise-sogar-imaksadi, an ega imakergebed.
6872	JDG 12:1	Efraín-dulemar e-sordamar-guagwar-urbisad, Jeftéʼgi gwisguegar. Efraín-sordamar Jordán-diwargi obaksamargu, Zafón-neggweburse nonimalad. Agine, Jeftéʼga weyob sogdemalad: —¿Ibiga yogasaar be anmar-owisossuli Amón-dulemargi be bila-onosa? Ar anmar bemarba namarmogoenad ¡Anmarse be-neg ogumaklesunnoe, bese-bakar be-ogumaklegoed!
7245	1SA 2:3	”¡Dulemar, mer bar san-dummarba-itogedgi sunmakmalo, mer bar san-bule-bule-imakedba ibmar-sogmalo! Bab-Jehováʼdi, Bab-Dummad-bela-ibmar-wisidid. A-ulale, Bab-Jehová, dulemar-ibmar-imaked nue wisid, ibmar-nued-imakdibe, ibmar-isgana-imakdibe.
7306	1SA 4:7	Geb sogdemalad: “Israel-sordamar-danar-bukwadse bab-dummad-gwensak nonikid. ¡Anmar duledar-wilesmar, ar anmar weyob neg-dakdisulid!
7307	1SA 4:8	¡Anmar duledar-wilesmar! ¿Doa we-bab-dummadgan-bulegangi anmar-bendakoe? Ar we-bab-dummagan nega-dulesulidganba boni-bulegangi Egipto-dulemar-onaglik-gusmaladid.
7421	1SA 10:1	Geb degine, Samuel, olivo-gwallu bute-bipigi onoalid, geb Saúl-e-nonogi eosad. A-sorbali, Saúl-ibe wagar usad. Geb ega sogded: —¡Bab-Jehová, e-dulemar-e-dummadga-megega be-susad!
7463	1SA 12:1	Samuel bela Israel-dulemarga sogded: —¡Nue an-itomalo! Bemar anse ibmar-egichismalad an bela bemarga imaksad. Be-dummadga-gumalaga, an bemarga rey onugsasad.
7467	1SA 12:5	Samuel sogdebalid: —Gwen-bipisaale weyob-ibmar-imakdii an-daksasurmarye be sogmaladi, emi-ibagi Bab-Jehová, degi, e-rey-onugsasadi, bemar-barsogega gumaloed. Israel-dulemar abin-sogdemalad: —¡Ar deyob-guodo! Bab-Jehová, degi, e-rey-onugsasad-ebo anmar-barsogega gumalodo.
7500	1SA 13:13	Samuel, Saúlʼga sogded: —¡Be binsaed-satedsi weyob be ibmar-imaksagu! Ar be-Bab-Dummad-Jehová bega igar-uksadba be ibmar-imaksana, be-wagan Israel-yargi degisadegu reymarga-megmai gumaloenad.
7539	1SA 14:29	Jonatán abin-sogded: —¡An-bab sordamar dummad-wios! Be an-dakmalana, an we-achanis-guchagua, igi an gangude.
7575	1SA 15:13	Geb Samuel, Saúl-aminaded. Abingunonigu, Saúl ega sogded: —¡Bab-Jehová begi nued-binsasun! An Bab-Jehová-ibmar-sogsadba an ibmar-imaksad.
7582	1SA 15:20	Saúl abin-sogded: —¡Andi Bab-Jehová ibmar-sogsadba ibmar-imaksad! ¡Bab-Jehová ibmar-imakega-an-barmisad an imaksad! An Amalec-dulemar-Rey-Agag gasa an senonikid. E-dulemardi an obelosad.
7664	1SA 17:44	Weyob sogded: —¡Be anse dage. Ar mulamar-masga, achu-sapurmar-masga an be-imakoed!
7740	1SA 20:8	Ar Bab-Jehová-asabin be anbo-igar-mesissoggu, an bega sogsundo, mer be an-yardako. Ar begi nosa be an-dakele, be-babga mer be an-urmako. ¡Be-sunnad bur be an-oburgo! A bur nabirid.
7784	1SA 21:10	Dule-irwa-Bab-Dummadse-goledi Davidʼga sogded: —Eye, Filistea-dule-Goliat-es-suidbi maid. Bia be deun Ela-nebagi oburgwisgusa, a-dule-es-suidbi maid, mor-suid-naid-dakasiki morgi bipirmakar-maid. Ar be abegele, sunna be seded. Ar bila-onogedgi-ibmar-ebulemalad-bamaladdi an sated. David ega sogded: —¡We bur-nuedid! ¡Anga be udage! Geb ega uksasunnad.
7797	1SA 22:7	Amarga Saúl sogded: —¡Benjamín-wagan, nue an-itomar! Ar Isaí-machi bemarga nainumar-naidi, degine, uva-digar-nanaidi, ¿bemarga ukmogo be ebinsae? Degi, sordamar-miliba-mergued-e-dummadga (1,000), degi, sordamar-dulataled-mergued-e-dummadga (100), ¿bemar-nugsao be ebinsabali?
7820	1SA 23:7	Saúlʼga sogsamargua David Keila-neggweburse nadye, Saúl sogded: “¡Bab-Dummad anga David-urmaksa! Emide, David neggwebur-yawagak-nikad-yaba, degi, yawagak-esgorogi-atied-yaba dogsad, degisoggu, gege wakinned.”
7927	1SA 26:19	Dummadye, an bese wilege, an-sunmaked nue be itogo. Ar Bab-Jehová angi isdar-binsaega be-imaknaile, bitigi an ega ibmar-ukleged-ukoed abingaena gadin. Ar dulemar weyob imakega be-imaknairdi, ¡Bab-Jehová amar-ukabsae! Emi, we-yargi, Bab-Jehová-yargi an-ononanaid. Geb anga sogmalad: ‘¡Bamalad-bab-dummadyob-ibmar-imaklemalad-e-nug be odummonae!’
7928	1SA 26:20	Bab-Jehováʼgi-dikasur-burgwega mer be an-imake. Israel-e-rey, ¿ar ibiga be an-balegindii? Ar andi genyob gued, ibmar-nuedsulid. ¡Ar dule sapurba butu-amidiidyob be an-balegindiid!
7933	1SA 26:25	Saúl ega sogded: —¡Machi-David, bedi dule-nuedid! Bedi ibmar-dummagan imakoed. Bela bega ibmar-nueganbi guoed. A-sorbali, David naded. Geb Saúlʼdi gannar e-negse nonikid.
7955	1SA 28:10	Saúl abin-sogded: —¡Bab-Jehová-nuggi ise-sogar an bega soged, ar we-ibmar-ulale, dule bipisaar gwen akar be-imakosulid!
8044	2SA 1:19	“¡Israel-dulemar, nue-wilesmar! Sordamar-nug-nikamalad, Israel-yalaganba nue-ibitos. Israel-sordamar-niga-gandikmalad, ibsas oburgwilesmar.
8363	2SA 14:4	Ome-Tecoa-neggweburgined Rey-David-asabin gwisgunonigua, e-dummad-dakedba, dulluu-napase imaksad. Davidʼga sogded: —¡Rey, be an-bendake!
8366	2SA 14:7	Emisgindi dakleargua, aka angi bela an-gwenadgan atakdemalad. Geb an-gwenadgan sokarmalad: ‘Dule-e-gwenad-oburgwisad be anmarga udaye, e-gwenad-oburgwisad-nukad anmar oburgwemogoye.’ ¡Ar we-dulemardi gwen bai an-daksurmalad! Anga napi-gudiid oburgwebimalad, itoba e-nug-berguega imakbimalad, abali an-sui-e-nug bergudsunnoed.
8436	2SA 16:7	Simei, Davidʼgi urwenagu, weyob sogded: —¡Be nae! ¡Be dule-isganad, be dule-gindakedid!
8533	2SA 19:20	Geb reyga sogded: —¡Dummadye, wile be an-dake! ¡An begi ichakwa-sunmaksadi, begi-ichakwa-sunmaksasuliyob be an-dake! Bitigi be angi isdar-binsasulina gadin. Be Jerusalén-neggweburgi nodgua, an begi ichakwa-sunmaksadi, mer bar be ebinsaena gadin.
9448	1KI 20:37	Degine, Bab-Jehová-gayaburba-barsoged, dule-baid abinguarbalid. Ega sogded: —¡Be an-sarsoge! A-dule, Bab-Jehová-e-gayaburba-barsoged sarsononikid, nue onakbi-imaksad.
9545	2KI 1:8	Geb ega sogdemalad: —A-dule, ibmar-durgan-absar-wawaad yoid, degi, moli-uka musirba naid. Rey amar-abin sogded: —¡Degirdi, we, Elías Tisbe-dule!
9590	2KI 3:10	Geb degi, Israel-e-rey sogded: —¡Anmar dule-wiles! Bab-Jehová, Moab-e-reyga anmar-urmakega reymar-warbaagwadse gochad.
9626	2KI 4:19	Agine, ukiagwale susugwa binnasuli goralid: —¡Aaa! ¡An nono-nunmake! Geb e-bab dule-ega-arbaedga sogded: —¡E-nanse be sede!
9647	2KI 4:40	Mas-akwigusgu, Bab-Dummad-gayaburba-barsogmaladga mas welesad. Mas-gutemargu, binnasuli gollarmalad: —¡Bab-Dummad-e-duleye, we-mas ina-nusubi! Agi, bar-guchasurmalad.
9683	2KI 6:5	Degi, Bab-Dummad-gayaburba-barsoged-wargwen suar-siknaidgi, egi akan unnuded, diwargi argwandapid. Geb agi, binnasur gollalid sogded: —¡Dummad, naibid-dummaddo! ¡Ar we-akan dule-baidgad wis an sediid!
9704	2KI 6:26	Ibagwengi, rey galu-matusulid-birgi nadapgua, ome-wargwen binnasuli ese gollalid: —¡Dummad-rey, be anmar-bendake!
10743	1CH 12:19	Degidgi, Bab-Dummad-Burba Amasaiʼgi aidenonikid. Geb Amasai, sorda-durgwen-gakambe-e-dummad (30) weyob sogded: “¡David, anmar be-sordamalad! ¡Isaí-machi, anmar beba-naimalad! Neg-bogidik bega nagusana gadin. Be-bendakmaladgala, neg-bogidik nagusmogana gadin. Ar be-Bab-Dummad be-bendakdiid.” David, Benjamín-wagan, degi, Judá-wagan-ese-nonimalad abingasad, geb sorda-idumaladba a-dulemar-urbisbalid.
12820	EST 7:9	Suar-ibed-wargwen Harbonaʼye-nugad, Rey-Asueroʼga sogded: —Amán e-neg-nagaba Judío-dule-rey-san-bendaksagusad-Mardoqueo-dukar-gaega, suar ogwichisad. We-suarde daliambe-gakabo gaka negabar-nibgue (12½) gwichid. Geb Rey-Asuero igar ukded: —¡Be a-suargi dukar-gaale Amán-nasikmar!
12904	JOB 2:9	E-ome ega sogded: —Job, ¿ar bede dule-nuedye nue-sogsunde? ¡Bab-Dummadgi be sabsur-urwe! ¡Be burgwesunna!
13322	JOB 19:21	An-aimar, nue-wile be an-dakmala, ar Bab-Dummad nue an-wionaid. ¡Nue-wile be an-dakmala!
13968	PSA 3:7	Degisoggu, an-isdarmalad miliambe (10,000) an-ebiris-bukwamalad, an dobsulid. ¡Bab-Jehováʼye, wis be an-itoge!
13969	PSA 3:8	¡Bab-Jehováʼye, be an-bendakdage! ¡Bab-Dummadye, an-isdarmaladgi be an-ollor-imakdage! An-isdarmalad-e-akugar be sarsodage, we-dule-isganamar-e-nugar be obatedage.
13970	PSA 3:9	Bab-Jehová, beginbi abonoleged danikid. ¡Be-sordamargi be nued-binsao!
13990	PSA 5:11	¡Bab-Dummadye, a-dule-isganamar be sabsur-odurdake! Dule-isganamar yamo dule-yardaked-igar mesismalad. A-igar na dukin egi aibinega be imake. We-dulemar gannar-gannar ibmar-isgana-imakdimalad-ular, be obane. Ar ade, begi nue-gwisgusmalad.
14005	PSA 7:2	An-Bab-Dummad-Jehováʼye, be an-bendake, ar an begi bendakleged amied. ¡Dulemar-an-balegindimaladgi be an-bendake! ¡Amargi be an-ollor-imake!
14177	PSA 18:47	¡Bab-Jehová dula-mai! ¡Bab-Jehová, unnila bebi an-bendaked maid! ¡Be-nug an odummosun! Bab-Jehová, be an-abonogedid. Be-nug bela-bela odummolesun.
14240	PSA 22:20	Bab-Jehováʼye, be an-niga-ogannogedid. ¡Mer be angi bangue! ¡Gwae be an-bendakdage!
14288	PSA 25:20	¡We-dulemar-idu be an-odukue! ¡We-dulemargi be an-ollorsae! Mer bingegued be an-imake, ar andi begi bensulid.
14309	PSA 27:7	¡Bab-Jehováʼye, an bese-goled, be itoge! ¡Be wile-an-dake, be an-abinsae!
14311	PSA 27:9	¡Bab-Jehováʼye mer be angi dukue! ¡Mer be isdar-itogedgi be an-obane! Ar be an-bendakedid. Bab-Jehová an-abonogedye, mer be walagwen an-obege, mer be an-mete.
14347	PSA 30:11	Bab-Jehováʼye, be an-itoge, wile be an-dake. Bab-Jehováʼye, ¡be an-bendake!
14351	PSA 31:2	Bab-Jehová, an begi bensulid. Mer bingeguega be an-imake. ¡Be-igar-innikigwadgi, be an-bendake!
14366	PSA 31:17	Bab-Jehováʼye, angi be nued binsae, ¡Be-sabgued-dummad-nikadba be an-abonoge!
14602	PSA 44:5	Bebi unnila be an-Bab-Dummadid, bebi be, an-reyd. ¡Be-igar-ukedba dulemargi-nakwega be anmar-imaksad!
14747	PSA 52:3	Be, na-san-buled-imaked, ¿ibiga be-isguedgi be san-dummarbaa imake? ¡Bab-Dummaddi dule-sabgumaiguad!
14854	PSA 60:3	Bab-Dummad, bedi anmarse ulusad, be anmar-obachad, be anmar-wiosad. ¡Bab-Dummadye, be anmar-bendakdage!
14883	PSA 62:9	¡Unnila Bab-Dummadginbi be bensuli gumalo! ¡Bab-Dummad-asabin be nadele, bela be-boni-nikad ega be sogo! ¡Ar Bab-Dummad, anmar-akwediidid!
14889	PSA 63:2	¡Bab-Dummad, be an-Bab-Dummadid! ¡Bolegoedba an be-amioed! An uku-uku-itogeyob an bebina soged, an-sana bela bebina soged. Ar igi dule nega-dulesulidganba dii-satedgi dii-amididae, deyobi, an be-amied.
14927	PSA 66:3	Bab-Dummadga sogmar: “¡Be-ibmar-imakedi, geger-dakleged! Be gandik-maisoggua, be-isdarmalad be-urbaligwa gudimalad.
15002	PSA 69:14	Bab-Jehová, andi an bese goledi, be-itolegedba be an-abin-imakdaed. Sabed-dummarba-be-nikadba be an-abinsadaed. Be sunna an-abonogedba be an-bendaked. Bab-Dummadye, ¡emiskwaa be an-bendake!
15007	PSA 69:19	Bab-Dummadye an-walikaa be dage, be an-bendakdage. ¡An-isdarmaladgi be an-onoge!
15145	PSA 76:8	¡Bebi, unnila be-dobmalad! Be uludegwale, ¿doa be-asabin gwisguoe? Suli, dule gwen gwisguosuli.
15333	PSA 84:13	¡Bab-Jehová-Bela-Gangued-Nikad, dule-begi-bensur-gudiid, egi nued-binsalesadid!
15482	PSA 92:6	¡Bab-Jehová, ibibayobi be-ibmar-imaksad dummarba-gue! Bab-Jehová, be-binsaed bela-bela yeer-gangusoggu,
15542	PSA 96:11	¡Nibnegmar weligue, napneg yeer-itoge! Muu-billi uurmake, bela egi ibmar-bukwad weligumala.
15568	PSA 99:3	¡E-nug-dummad, e-nug-buled odummomala! ¡Bab-Jehová, dule-isligwaledid!
15570	PSA 99:5	Anmar-Bab-Dummad-Jehová-nug odummomala, Bab-Jehová-asabin, napase-dulluu Bab-Jehová-nug odummomala. ¡Bab-Jehová, dule-isligwaledid!
15574	PSA 99:9	Anmar-Bab-Dummad-Jehová-nug odummomala, e-yar-islidikidgi, e-nug odummomala. ¡Anmar-Bab-Dummad-Jehová, dule-isligwaledid!
15852	PSA 109:29	¡An-isdarmaladdi be dummad-obingegsae! ¡Bela-belad-bingeguega be imake!
15961	PSA 118:24	We-ibagi Bab-Jehová anmarga ibmar imaksad, ¡anmar egi wergumarsun, yeer-itomarsun!
15974	PSA 119:8	¡Be-Igar-Mamaid-Sogedba, an nanaoed! ¡Bipisaale melle be an-iego!
15978	PSA 119:12	¡Bab-Jehová, be-nug-odummolesun! ¡Be-Igar-Mamaidgi be an-odurdake!
15992	PSA 119:26	An-gudiidgi an bega sunmaksagua, be an-abin-imaksad. ¡Be-Igar-Mamaidgi be an-odurdake!
16030	PSA 119:64	Bab-Jehová, ¡Be-Igar-Mamaidgi be an-odurdake! We-napneg-naidgi bela be-sabgued-nikadi oyolenaid.
16034	PSA 119:68	Bab-Dummad, bedi dule-nuedid. Be, ibmar-nuegan-imakedid. ¡Be-Igar-Mamaidgi be an-odurdake!