6	GEN 1:6	Geb degine, Bab-Dummad sogdebalid: “Neg-ollor-dummad nagu, adi, diimar bachikii naguegar.”
47	GEN 2:16	Agine, Bab-Dummad-Jehová dulega igar-uksad: “We-nainu-nuedgi sapimar-bukwad-e-sanmar sunna bela be gunned.
933	GEN 32:5	Jacob sogded: “An-dummad-Esaúʼga weyob be sogo: ‘Be-mai-Jacob soged: Ede emi-ibadse Labán-walik-gudii gusye.
946	GEN 32:18	Jacob gebe-dulemar-barmisad-e-iduedga weyob sogsad: “An-ia-Esaú be-abingualile, degi, bega sokardibe: ‘¿Doa be-dummadye? ¿Bia be nadapye? Degine, be ibmar-durgan-semaidi, ¿we doagadye?’
948	GEN 32:20	Degine, dulemar-baid-sogbogwad danar-barmisbalid. Degine, dulemar-sogbaagwad amba deyob danar-barmisbalid. Degine, Jacob bela danar-danar-ibmar-durgan-semamaidga sogsad: “An-ia-Esaú bemar-abingualile, bemar degibi sogmarmogoye.
959	GEN 32:31	Geb Jacob a-nega Penielʼye onugsasad. Ar ade, Jacob soged: “Bab-Dummad-wagar nue an daksad, degite, amba an dula gudiid.”
1326	GEN 44:1	Mas-guchamalad-sorbali, José dule-ega-neg-akwedga weyob igar-uksad: “We-dulemar-saguyaba orosgi-dakleged nue-ise-enamakar be balo. Degine, mani egad-egad e-sagu-yaba ega be urbebalo.
1329	GEN 44:4	José-e-gwenadgan neggweburgi amba itakasaar-nadapidgine, José ega-neg-akwedga sogded: “We-machergan-naded be bareginna. Be bargasale, ega be sogo: ‘¿Ibiga dule-ibmar-nued-bega-imaksadgi be isdar binsasmala? ¿Ibiga be e-mani-nog atursasmala?
1518	GEN 50:11	Canaán-dulemar-agi-bukmalad, dakdemargu Egipto-dulemar ise-boar-gunanai, sogdemalad: “Egipto-dulemar-ibe dule-dummad burgwis-dakleye.” A-ulale, a-neg bismalad, Abel-Misraimʼye. A sogleged, Egipto-dulemar-bosmalad-nebaye. We-nebade Jordán-diwar-dad-nakwedsik naid.
1998	EXO 17:14	Geb degine, Bab-Jehová Moisésʼga sogded: “We-bila-onolesad gardagi narmak, adi, insadii gumalagar. Degine, Josuéʼga be sogbalo: ‘Amalec-dulemargi mer bar binsamalagala, an bela obelogoed.’ ”
2000	EXO 17:16	Agi, Moisés sogded: “Bab-Jehová-negdakmaidgi Amalec-dule gwisgunonisoggu, Bab-Jehová, degisadegu, Amalec-e-wagan-danikidbali, egi bila-ononai gudoed.”
2003	EXO 18:3	degine, Moisés-masmala-warbogwad abingasbalid. Wargwen Gersónʼye nugad, ar ade, Moisés sogsa gusad: “We-yar-baidgi an we-yarginedsulid gudiiye.”
2300	EXO 28:6	Bab-Jehová Moisésʼga sogdebalid: “Mor-efodʼye-nugad be imakoed. Mor-efodʼye-nugad nue-yeerdakle be makoed. Agala, we-dubmar ebulegoed: Ordub, nirbadub-arad, nirbadub-suir-akwagiid, nirbadub-ginnid, linoʼdub-nued.
2710	EXO 40:2	“Gebe-nii-onoded ibagwengi, anse-goled-neg-sunna-seleged be sioed. We-negde, dulemar-anbo-ambikued-negad.
2956	LEV 9:2	Moisés Aarónʼga sogded: “Isgued-ular-oburgwilegega moli-bebe-nikad-sapingwagwad Bab-Jehováʼga be ukoed, deginbali, Bab-Jehováʼga sibad-wawaad-machered ogumakar-ukega be ukbaloed. We-ibdurgan-warbogwad swilidik, gwen-boni-nikasulid, Bab-Jehová-asabin be ukoed.
3030	LEV 11:32	Bab-Jehová, Moisésʼga, degi, Aarónʼga sogdebalid: “We-ibdurganmar-burgwaled we-ibmarmargi argwachale: Ibmar-urgogi-sobaledgi, ibmar-ibdurgan-ukagi-sobaledgi, morgi, sagugi, degi, ibmar-arbaedgi-ebulegedgi, argwachale, we-ibmarmar mutikidse swilidiksuli guoed. Ar gannar we-ibmarmar swilidik-guega, diigi enuklegergebed. Geb deyobi gannar swilidik gunonikoed.
3204	LEV 16:2	Bab-Jehová, Moisésʼga sogded: “Be-ia-Aarónʼga be soge: ‘Bab-Dummadse-goled-neggi mor-dummad-naid-daksik, Neg-Ise-Islidikidse wachi-yogasaar mer be dogo. Deginbali, Bab-Dummad-Ulu-birgi-eduged-maid-asabin mer be yogasaar dogbalo, adi, mer be burgwegar. Ar ade, ulu-eduged-birgi mogir-imbaba, Bab-Jehová magarononidaed.’ ”
3276	LEV 18:24	“We-ibmar-imakedba mer be swilidiksuli gumalo. Ar an bemar-idu-dulemar-onosokalid, we-ibmar-imakedba swilidiksuli gunonimalad.
3708	NUM 3:15	“Leví-wagan-baigan na e-dadgan-e-dadganba, degi, na e-gwenad-e-gwenadganba be ebiso. Bela-machergan be ebisoed, susmar-nii-wargwen-nikamaladse-bakar, be ebisoed.”
3946	NUM 8:6	“Israel-dulemar-abargi Leví-wagan-baigan bachikii be anga urbo, degine, a-dulemar be anga abaluko.
3970	NUM 9:4	Geb degine, Moisés Israel-dulemarga sogded: “Oburgwilegoenad-e-Iba bemar onomar.”
4041	NUM 11:16	Geb degine, Bab-Jehová Moisésʼga sogded: “Israel-girmar-dummagan dulapaa-gakambe (70) be anga onmako. Be girmar-dummaganga-gudidiid-wisidi, degi, dule-dummaganga-mamaid-wisbalidi be sedago. A-girmar-dummagan dulemar-anbo-ambikued-negse be sedago. Agi, be an-edarbemaloed.
4043	NUM 11:18	Bab-Jehová Moisésʼga sogdebalid: “Israel-dulemar-baigangardi be soge: ‘Oibosale, na be abalukmalo, ar ade, san be gunmaloed. Bemar Bab-Jehováʼse boapmargua, ega be sogsamalad: Dule anmarga san gunnega ukmalana gadinye. Ar anmar Egipto-yargi bur-nued gudimalanad. ” ’Degisoggu, Bab-Jehová be-boed itosad, bemarga san ukoed, adi, bemar a-san gunmaloed.
4120	NUM 14:11	Geb degine, Bab-Jehová Moisésʼga sogded: “Israel-dulemar-abargi bela ibmar-dummagan-dakledisurmalad an imakdii-inigwele, degite, ¿sanagwadse we-dulemar isdar-an-dakdii guoe? ¿Ar wede sana angi bensuli gumaloe? An wesesun. Bar an bendakosur.
4278	NUM 18:20	Bab-Jehová Aarónʼga sogdebalid: “Israel-dulemar-abargi bega nainumar an ukosulid, ar ade, ani we-Israel-dulemar-abargi an begadga gued.
4568	NUM 27:12	Bab-Jehová Moisésʼga sogdebalid: “We-Abarim-yalase be nakwena. Agi, Israel-dulemarga an yar-ukesokalid be dakoed.
4574	NUM 27:18	Bab-Jehová, Moisésʼga sogded: “Nun-machi-Josué be suo. Ar Josué dule-gandikidid, an-sogedba daedid. Israel-dulemar-iduedga-onugsaega egi be-argan be mese.
5243	DEU 12:1	Moisés Israel-dulemarga sogdebalid: “Bab-Dummad-Jehová be-dadganga we-yar-bemarga-ukoye-sogsadgi, be gudii gudmarsunnar, bemar, we-Igarmar-Mamaid be nue-dakdii gumalargebed, eba be ibsadii gumalargebed. A-yargi bemar dula-gudiidgi, wemar-Igargan-soglesadba bemar nue-nanadigued be imakmalo.
5368	DEU 17:2	“Be-dulemar-abargi machereddibe, omedibe, be-Bab-Dummad-Jehová bemarga-neggweburmar-uksadgi, Bab-Jehová-asabin ibmar-isgana-imaksale, a-dule, Bab-Dummad-Jehová-bemarga-Igar-uksadgi annasad.
5744	DEU 31:14	Geb degidgine, Bab-Jehová Moisésʼga sogded: “Be-burgwed-ibagan bato omosad. Josuéʼse be gole, an bega igarmar-ukega dulemar-anbo-ambikued-neggi be an-edarbemalo.” Degisoggu, Moisés, Josuéʼbogwa Bab-Dummad-dulemarbo-ambikued-negse modapmarsunnad.
5855	JOS 1:2	“An-mai-Moisés burgwisad. Degisoggu, be, degi, bela wegi dulemar-bukwadi Jordán-diwar obakmalargebed, adi, an Israel-dulemarga-yar-uknaidse be namalagar.
5902	JOS 3:7	Geb sorbali, Bab-Jehová Josuéʼga sogsad: “Emi-iba-onodedgi Israel-dulemar-asabin an be-nug odummodoed. Deyobi, Israel-dulemar magar dakmaloed, igi an Moisésʼba gudigusa, deyobi an beba gudimogoed.
6514	JDG 1:3	Judá-wagan, e-gwenad-Simeón-waganga sogded: “Anmarga-yar-uklenaidse be anmarba namala, Canaán-dulemarbo anmar bila-onomaloed. Geb a-sorba anmar bemarba namarmogoed, Canaán-dulemarbo bila-onogegar.” Degi, Simeón-wagan Judá-waganba nadmarsunnad.
6535	JDG 1:24	Degi, dule-neg-argamalad, dule-wargwen neggweburgi-nodani-daksamargu, ega sogdemalad: “Neggweburse-igar-doglemaid be anmarga oyogele, wile an be-dakmaloed.”
6685	JDG 6:29	Na muchub-muchub egichiarmalad: “¿Doa we imaksa?” Nuekwa-igar-amiarmargu, sogdemalad: “Joás-machi-Gedeón imaksa.”
6720	JDG 7:24	Gedeón, Efraín-yalaganba gayaburba-berbemalad-barmisbalid. Weyob gayaburba barmisad: “Madián-sordamar-abin be namalo. Jordán-diwar-obakleged-mamaidba e-idu be neg-gamalo, Bet-Baraʼye-neg-nugadse e-idu be neg-gamalo, adi, Madián-sordamar melle obakegar.” Efraín-sordamar ega-sogedba imaksamalad, bela Jordán-diwar-dinnalee-mamaidba e-idu neg-gasmalad, Bet-Baraʼye neg-nugadse.
6810	JDG 9:54	Geb a-gines Abimelec dule-ega-sigu-abgaedse gochad, ega weyob sogded: “Be-es-suid be onoge, be an-oburgwe, adi, mer an-annik soglegega: ‘Ome-wargwense burgwisye.’ ” Degidgi, dule-ega-sigu-abgaed, esbunyargi ewarisad. Agidbali, Abimelec burgwisad.
6926	JDG 14:15	Ibabakegusgu, sapingana Sansón-omega sogdemalad: “Be-sui-binsaed be gae, anmarga oeged odalogega. Yapa be be-sui-binsaed-gaele, anmar soogi be-ogumakoed, degi, bela be-gwenadgan anmar ogumakbaloed. ¿Anmar-ibe ibmar-atursaega, be anmarse gochasi?”
7095	JDG 20:39	Geb Israel-sordamar bila-onolenaidgi yamo wakitemargu, Benjamín-sordamar dulagwen-gakambe (30) Israel-sordamar-ogilosmalad. Geb Benjamín-sordamar sogsamalad: “Napira-we-dulemar anmarse galakumaid, gebe-anmarse-gusbalidyob.”
7121	JDG 21:17	Degi, sogdemalad: “Benjamín-wagan-burgwissurmalad wagan-nikuewilubmogad, adi, Benjamín-wagan, Israel-wagan-abargi mer berguegar.
7616	1SA 16:19	Geb degine, Saúl, Isaíʼse gayaburba-berbemalad barmisad, ega sogegar: “Be-machi-David sibad-wawaad-edarbed, be anga barmidage.”
7710	1SA 19:2	David-owisosad: “An-bab-Saúl be-oburgwebiye. Degisoggu, bane nue-salakoye, sapuryaba be dukuoye, agi be sigoye Jonatán Davidʼga sogsad.
7768	1SA 20:36	Jonatán e-maiga sogded: “Sigumar-an-mioed be sunao.” E-mai abarmakded, geb Jonatánʼdi egi dikasur sigu metedaed.
8016	1SA 31:4	ega-sigu-abgaed-seedga sogded: “Be-es-suid be onoge. Agi be an-oburgwe. Adi, wemar Bab-Jehová-akudakmalad mer an-oburgwega, degi, mer angi dodomarbaligar.” Ar Saúlʼga-sigu-abgaed-seed na bela-bela dobe-itoged, yapa Saúl-oburgwe gusad. Degisoggu, Saúl na e-es-suid onosad, geb na dukin oburgwisad.
8098	2SA 3:14	A-sorbali, David, Saúl-machi-Isbosetʼse e-garda-berbemalad barmisad. Weyob ega sogdapid: “An-ome-Mical gannar be anga uko. Ar Filistea-e-abgan-uka-duku dulatar-merguedgi (100) an bennusgusad.”
8188	2SA 7:5	“An-mai-Davidʼse be nao, ega be sogdapo: ‘Weyob Bab-Jehová soged: ¿Anga be neg-sobosi, egi an megega? Suli.
8525	2SA 19:12	Rey-David deyob egi sunmaklenai wisgusgua, dule-irwa-Bab-Dummadse-gormalad-Sadocʼga, degi, Abiatarʼga gayaburba barmisad, weyob ega sogmalagar: “Judá-girmar-dummaganse be gornamaloye, ega sogmaloye: ‘Rey, Israel-dulemar gannar-e-negse-dagega-ese-gornaid bela wisgusye. Ar bemar, rey-gannar-dagega ¿emar-sorba ese be gormalo-sogeye? Deyobwilubsulinye ega be sogo.’ ”
8563	2SA 20:6	David deyob daksadbali, Abisaiʼga sogded: “Bicri-machi-Seba bur bule Absalónʼba anmar-wiogoed. Degisoggu, be an-sordamar sedo, be Seba-baleginnamalo, abakale, Seba neggwebur-galu-matusulidgi dogalile. Ar degiile, aka bur bule anmarga neg-gaganonikoed.”
8800	1KI 2:27	Salomón deyob dule-irwa-Bab-Dummadse-golleged-igargi Abiatar-onosad. Ade, Bab-Jehová, epenne Silo-neggweburgi, Elí-e-neguyanik sunmaksa gusad: “Elí-e-neguyagi dule-irwa-Bab-Dummadse-goled an osulogoye.”
8812	1KI 2:39	Birgapaa-nasgu, Simei-mai-warbogwad Gat-neggweburse Maaca-machi-Rey-Aquisʼse wakicha gusmalad. Dule-gwensak Simei-owisosad, ega sognonikid: “Be-maiga-gudimalad Gat-neggweburgi-gudimarye.”
9180	1KI 12:26	Jeroboam binsaalid: “David-e-gwenadgan gannar yar-naid sunonidibe,
9329	1KI 17:9	“Sidón-yar-naidse Sarepta-neggweburse be nao. Agi, be gudii guo. Be-gudiidgine, ome-e-ibe-sui-burgwisad masgi be-ogundii guoed. Ar ade, an deyob ega igar uksad.”
9463	1KI 21:9	We-gardamargi weyob sognaid: “Mas-gunsulid-iba nasikmalo, degi, dulemar-asabin, gan-bipigi Nabot-simarbalo.
9687	2KI 6:9	Bab-Dummad-e-duledi, Israel-e-reyga weyob gayaburba barmisad: “Siria-sordamar-ambikuoedse melle sordamar-barmido, ar ade, agi Siria-sordamar ambikudanimalad.”
9773	2KI 9:13	Geb deyob soge-itosmargu, bela Jehú-nag-urba mor ogitemalad. Agine, gar-trompeta ogotemalad, degi, oimakdemalad, sogdemalad: “Rey-Jehú-nug odummomar.”
9817	2KI 10:20	Agi, Jehú sogded: “Baal-nug-odummogega dulemarse be gormar.” Degisoggu, deyob imaksamalad.
9848	2KI 11:15	Geb agine, dule-irwa-Bab-Jehováʼse-goled-Joiada, rey-sorda-dulataled-e-dummaganga (100) igar uksad: “Sordamar-bukwad-abargi Atalía be onomala. Dule Atalía-bendakalile, es-suidgi oburgwemalo.” Ar dule-irwa-Bab-Dummadse-goledi melle Bab-Jehováʼse-goled-neggi Atalía-oburgwemaloye sogsasoggu,
10667	1CH 10:4	Degidgi, Saúl, sorda-ega-sigu-abgaed-seedga sogded: “Be-es-suid be onoge. Agi, be an-oburgwe. Abakale, dule-Bab-Jehová-wissurmalad angi dodonai guarmalale.” Degi-inigwele, sorda-ega-sigu-abgaed-seed, ar nue-dobe-itogedba, es-suidgi Saúl-earwissurgusad. Agine, Saúl, na es-suid susad, geb egi na ogwichis imaksad. Saúl, deyob na dukin earwisad.
10812	1CH 15:16	David, Levita-dummaganga sogsabalid: “Be-gwenadgan-abargi dule-namakmalad-amimaloye. Wemar weligwaledba we-garmar-ogorbukwa namakmalagar: Gar-salterioʼmar, gar-arpaʼmar, degi, gar-címbaloʼmar.”
10974	1CH 22:5	David sokargusad: “An-machi-Salomón amba-sapingwagwad, amba binsaed dogdar nikasulid. Ar Bab-Jehováʼse-goled-neg soblegergebed, nuekwa soblegoed, degi, bela-bela yeerdakle soblebaloed. We-napneggi we-neg-e-yeerdaklegedgi dummad-sunmaklegoed. Degisoggu, a-neg-soblegegala, an guakwaa ibmar-onmakergebed.” Deyobi, David, Bab-Dummadse-goled-neg-sobegala, e-burgwed-iduale, bela ibmarmar guakwaa urbisad.
11219	2CH 2:2	Geb degi, Salomón Tiro-neggwebur-e-rey-Hiramʼga gayaburba barmisad: “An-bab-David e-reyneg-sobnaigua, igi ega be urwar-urgomar barmimai-gusa, deyobi, be anga imakmogana gadin.
11341	2CH 7:12	mutikidba, Bab-Jehová Salomónʼse magarononikid, ega sogded: “Anse-be-gochad an be-itosad. Degi, we-neg anga ibmar-ogumakar-ukleged-ukega an susad.”
11374	2CH 9:5	Geb degi, Rey-bundor-Sabáʼgined Rey-Salomónʼga sogded: “An-neggweburgi-mai an be-itoalid, be ibmar-nuegan bukidar imaksaye, degi, binsaed-ibed be maibarye. Emide, an we-ibmar-itosadi, nue-napira an dakdo.
11449	2CH 12:7	Bab-Jehová daksagua, Judá-e-dummagan san-bipi-imaksamala, gannar e-gayaburba-barsoged-Semaíasʼga sognonikid: “Judá-e-dummagan san-bipii imaksamarsoggu, bar an osulogosulid. Aka emisgwasaar, an Judá-dulemar-bendakoed. An Jerusalénʼgi isdar bar binsaosulid. Bar Sisac Jerusalén-neggwebur-osulogega an imako-sulid.
11613	2CH 20:21	Geb degi, Josafat dulemarga ibmar-sogsad-sorba, dulemar susad, adi, amar Bab-Jehová-nug-odummogega, degi, sordamar-idumaidgi namakegar. We-namaklegedgi namakegar: “Bab-Jehová-nug odummomala, e-sabguedi degisadeguad.”
11702	2CH 24:20	Degidgine, Bab-Jehová-Burba, dule-irwa-Babse-goled-Joiada-machi-Zacaríasʼgi aidenonikid. Geb degi, Zacarías dulemar-asabin gwisgusgu, dulemarga sogded: “Bab-Dummad-Jehová weyob soged: ‘¿Ibiga bemar an-Igar-Mamaidba be nanasurmala? Emidi, bemar an-Igarba nanasurmarsoggu, bemarga iba-nuegan bar-naguosulid. Ar ade, bemar an-obachamarsoggu, an be-obanmarmogoed.’ ”
11823	2CH 29:27	Degisoggu, Rey-Ezequías igar-ukded, sogded: “Ibmar-ogumakar-uklegedi ibmar-ukleged-ailagi ukoye.” Geb ibmar-ogumakar-ukleged ogumakdemargua, Bab-Jehováʼgi-namakleged, namakleded, degi, gar-trompeta ogorleded, Israel-rey-David-e-garmar ogorleded.
11890	2CH 32:10	“Asiria-rey-Senaquerib weyob sogye: ‘¿Ar doa be-bendako be dakmala, emide Jerusalénʼgi be ganna bukwamargu?
12023	EZR 1:2	“Persia-rey-Ciro weyob soged: ” ‘Bab-Dummad-Jehová-Nibneggi-Maidi, anga we-napneg-dirbir-naidgi bela yarmar-nanaid uksad. Degi, anga sogsabalid, Judá-yargi Jerusalén-neggwebur-siidgi ese-goled-neg ega soboye.
12304	NEH 1:3	Degidgine, anga sokarmalad: “Judío-dulemar-abonolesa Jerusalén-neggweburse gannar-nonimaladi, bela-bela wilebukmalad, degi, binged-dummad-abargi gudidimalad. Jerusalén-neggweburdina, e-galumar bela omukulesad, e-yawagakmardi soogi ogumaklesad.”
12374	NEH 4:4	Deunni, Judá-yargi-bukmaladdi sogdemalad: “Dulemar-akwa-berbemalad geggusmalad, deginbali, akwamar-mileded yaisursoggu, anmar galu-matusulid geg bar-sobdo.”
12782	EST 4:16	“Bela-Judío-dulemar Susa-neggweburgi-gudimalad be onmaknae, adi, an-ular mas-gunsuli gudii gumalagar. Ibapaa mer mas gunmalo, degi, mer gobmarbalo. Ar andi anga-yagan-arbamaladmala bemaryob mas-gunsuli gudii gumarmogoed. A-sorbali, ar amba yogasaar-reyse-naed-igar-maisur-inigwele, andi reyse naoed. ¡Ar a-ular, an-oburgwebimalale, an-oburgwemalodo!”
12887	JOB 1:14	Degidgine, dule-gaya-berbeged Jobʼse nonikid, ega sognonikid: “Molimar-bebe-nikad napa-imunaigua, dikarba molimar-uayasuid-omegan gagan-manaimogua,
13209	JOB 15:2	“Dule-binsaed-ibedi yogasaar sunmaksulid. Dule-binsaed-ibed yogasaar urwesulid.
13933	JOB 42:7	Bab-Jehová bela Jobʼga sunmaksad-sorbali, Bab-Jehová, Temánʼgined-Elifazʼga sogdemogad: “Be-ibmar-sogsad an-oulusdo, be-aimar-ebogwad an-oulusmarmodo. Ar bemar angi sunmaksamaladi, gwen innikigwadba bemar sunmaksasurmalad. Ar an-mai-Jobʼdi, innikigwadba sunmaksad.
14575	PSA 41:9	“We-dule-nailikgumaidi gwisguosulid, burgoed. Boni-dummad egi naid.”
15090	PSA 73:15	An weyob sogsana: “We-dule-isganamaryob an sunmakoye.” An be-mimmigangi aibichanad.
15394	PSA 89:4	Bab-Jehová, be sogsa gusad: “An-dule-susadbo an igar mesisye. An-mai-Davidʼga an ise-sogar sogsagusye:
15855	PSA 110:1	Bab-Jehová an-Dummadga sogsad: “An-argan-nuedsik be sige, be-isdarmalad an bela ogalakuedse be sige.”
16230	PSA 132:11	Bab-Jehová Davidʼga ibmar-ise-sogar-sogsa-gusadi, bar osulogosulid. Weyob ega sogsad: “Be-wagan-gwensak beyob reyga an omesoye.
17098	PRO 22:13	Dule-wiegala yapa-arbaedba sogdaed: “Achumigur-nono-wawaad magaba gudiiye. An noddibe, an-gunnoye.”
17418	ECC 2:15	Geb degine, an sogdesunnad: “Dule-binsaedsulid-burgwedyobi an burgwemogoed. Degisoggu, ¿ibiga an binsaed-ibedga gubisunna?” Degisoggu, an daknonibalid, we-ibmar binsarsunna imaklebali.
17793	ISA 3:16	Bab-Jehová weyob sogbalid: “Omegan-Sión-yalaginmalad san-bule-bule-imakmaladi, emargi-obine-itogedba bule-bule nanamalad. A-omegan dule-mesagwale dakdaed. San-bule-bule-imakedba, e-maligi ibmar-nanaid-ogolegala, yamo nag-bana-bana nadapdamalad, adi, e-ibmar-maligi-naid-goled itomalagar.
17878	ISA 8:1	Bab-Jehová anga sogsad: “Urgo-matar-dummad be sue, agine be nug-narmako, nuekwaa magar-daklege be narmako. ‘Maher-Salal-Hasbazʼye be narmako.’
17880	ISA 8:3	Geb agine, an Bab-gayaburba-barsoged-bundorse an gochad, geb gurgin-nika gunonikid, geb susugwa ega uklenonikid. Geb degi, Bab-Jehová anga sogded: “Maher-Salal-Hasbazʼye be onugsae.
17949	ISA 10:29	Diwar-dinnagwadgi obakmamaid, degi weyob sogmalad: “Gebaʼye-neg-nugadgi anmar obunnomaloye.” Ramá-dulemar dobedba wawanmakdemalad, Saúl-neggwebur-Gabaaʼginmalad duurmakdemalad.
18535	ISA 41:14	Bab-Jehová soged: “Bemar-Israel-dulemar ichee-gue-inigwele, melle be gwayemalo. Bemar-Jacob-wagan-gandik-gusur-inigwele, melle be gwayemalo. Ar an-sunnagwad an be-bendakoed. Ani an Israel-dulemar-e-Bab-Dummad-Isligwaled gued. Ar an be-Bendakedid.
18674	ISA 47:5	Bab-Dummad weyob soged: “Caldea-dulemar-sisgwa bogi be sige. Neg-gubyagwaled-yaba be doge. Ar dule bar be-biosulid: ‘Rey-bundor yar-baid-baid-nanaid semaidye.’
18731	ISA 49:25	Degi-inigwele, Bab-Jehová weyob soged: “Dule-bila-onoged bila-onogedgi-ibmar-susadi, e-ibe sulegoed. Deginbali, dule-isgana dule-gasa-sesadi, gannar e-annik sulegoed. Ar andi, dule-begi-urwedimaladgi an be-bendakoed. An-sunnagwadi, an be-mimmigan bendakoed.
18773	ISA 52:7	Dule yar-imbaba-gayaburba-nued-sedanikidi, dule-gayaburba-bogidikid-berbegedi, ibiyobi yeer daklemala. Dule gayaburba-nuegan-barsogedi, degine, dule abonoleged-igargi-sunmakedi, ibiyobi yeer daklemala. Dule, Sión-dulemarga weyob-sogedi: “Be-Bab-Dummad negdakmaiye.” Dule-deyob-sunmakmaladi, ibiyobi yeer daklemala.
18967	ISA 65:1	Bab-Jehová soged: “Dule-an-egisdisurmaladse an magarosad, an doa-dule gue. Dule-an-amidisurmalad an-amiega an imaksad. Dule-baigan-an-nug-odummodisurmaladga, an sogsad, wegi an gwichiye.
19107	JER 4:11	Bab-Dummad an-abin sogded: “Sabsur-odurdakleged-iba warmaknonikile, we-Jerusalén-dulemarga weyob soglegoed: ‘An-neggwebursik nega-dulesulidganba yar-mullugan-bukmalad-akar burwa-uereged gordanikid. We-burwa-gormaid ibmar-gwag-miegarsulid, degi, neg-swiri imakega gormaisulid.’
19169	JER 6:11	Ar Bab-Dummad-isdar-itogeyobi an isdar itogusmogad, agala, geg na san bargagusad.” Bab-Jehová anga sogded: “Be-sae-itoged be soge, burwigana-neg-imbaba-gudimaladga be soge, sapingan-danar-danar-gudimaladga be oyoge. Ome e-suibogwa gales seledmaloed, degine, dule-uka-selebamalad, dadgan-sergan-ebo, gales seledmarmogoed.”
19242	JER 8:20	Israel-dulemar sogded: “Ibmar-weed-ibagan bergus, neg-yolad bergus, ar anmardi gwen bendaklessurmalad.”
19297	JER 11:2	“We-igar-maid nue be itogo, geb Judá-dulemarga, degi, Jerusalén-dulemarga be sogo.
19547	JER 22:24	Judá-Rey-Conías, Joacim-e-machid. Bab-Jehová, Coníasʼnik weyob soged: “An-dula-maidgi inniki an bega soged: Amba an bela-bela bebina-soged-inigwele, be wegi-gudiidgi amba an be-bar-metedsegad.
19568	JER 23:15	Degisoggu, Bab-Jehová-Bela-Gangued-Nikad weyob gayaburba-barsogmaladnik soged: “Mas-solemalad-gunnega an imakoed, dii-isgana-gobega an imakoed. Ar Bab-Dummad-gayaburba-barsogmalad-Jerusalénʼginmalad, bela yala-oichosmalad.”
19606	JER 25:3	“Amón-machi-Josías birgambe-gakapaagus (13) Judá-e-reyga-maid-akale, emi-ibase, birgadurgwen-gakapaagusad (23) Bab-Jehová anga sunmakdanikid. A-akale, an bemarga-sunmakdanikidi an boggudisulid. Degite an bemarga-ibmar-sogedba be gwen imakdisurmalad.
19632	JER 25:29	Bab-Jehová soged: “Neggwebur-angadga-gusadga bato an boni-dummagan barmidasokalid. ¿Sabsur-bemar-imakosurye be binsamala? Mer degi-binsamalo, ar bemar anse dummad-odurdaklegoed. Ar dulemar-bukwadbina an es-suid onosbinned.
19748	JER 30:12	Bab-Jehová weyob soged: “Be-boni-amisad geg nudakleged, be-boni-yaa-siidga bendakleged-igar sulid.