682	GEN 25:23	Bab-Jehová Rebeca-abin sogded: “Be-sapi-dukugine, neggwebur-sogabo danikid, amba yoo napnegse-aideged-idu, bato neggwebur-sogabogwad na ebo gae-nanaid. Gwensak, baidba bur-dutusur guoed, ia, urba-sogedba nanadii guoed.”
877	GEN 31:3	Geb degine, Bab-Jehová Jacobʼga sogded: “Be-babgan-yarse, be-gwenadgan-bukwadse be nae. Ani, an beba gudii guoed.”
1467	GEN 48:15	Geb degine, Jacob Joséʼgi ise-nued-binsaedgi ega sogded: “Bab-Dummad-sogedba, an-dad-Abraham, degi, an-bab-Isaac, nanadii gusad. A-Bab-Dummad, an gwalulesad-akar an-edarbediguad.
1555	EXO 1:22	Ar Faraónʼdi na e-dulemarga igar-mesisad: “Hebreo-dule-gwalulesale, machigwadibe, bela diwarse metemalo. Bunolordina, melle oburgwemalo.”
1860	EXO 12:43	Bab-Jehová Moisésʼga, degi, Aarónʼga sogded: “Oburgwilegoenad-Iba-onogegala, weyob igar mai guoed: ‘Israel-dulesulid we-ibagi-mas-gulleged gunnosur guoed. Ar wede ega ised.
2159	EXO 23:14	“An-nug-odummogega, birgagi sogapaa be anga iba onogoed.
2295	EXO 28:1	Bab-Jehová Moisésʼga sogdebalid: “Be-ia-Aarón, degi, e-machimala Nadab, Abiú, Eleazar, Itamar, amala bese warmaked be imako. Wemar, anga Israel-dulemar-abargi dule-irwa-anse-gormaladga gumaloed.
3022	LEV 11:24	Bab-Jehová, Moisésʼga, degi Aarónʼga sogdebalid: “We-ibmarmar-ulale, bemar swilidiksuli gunonikoed. Ar doa-dule we-ibdurgan-burgwarmalad ebusdibe, neg-mutikidse swilidiksuli gudii guoed.
3746	NUM 4:2	“Leví-wagan-abargi, Coat-wagan na e-dadgan-e-dadganba, na e-gwenad-e-gwenadganba, be ebiso.
3762	NUM 4:18	“Leví-wagan-abargi, melle Coat-wagan-obelogega be imako.
4116	NUM 14:7	Josué, Caleb-ebo, bela Israel-dulemar-bukwamaladga sogdemalad: “Anmar-yar-argaapidi, anmar egi-nanasadi, yar-nuedid.
4435	NUM 23:18	Geb Balaam, Bab-Jehová-ega-ibmar-sogsadba sunmakded: “Zipor-machi-Balac, nue be an-itogo.
4477	NUM 25:5	Moisés, Israel-dulemarga-igar-nabomaladga sogded: “Be-sapin-dummagan, bab-dummad-Baal-Peorʼba-ibmar-imaksamalad be oburgwemalo.”
6787	JDG 9:31	Geb Zebul, Abimelecʼga gayaburba-berbemalad arbakee barmisad, ega weyob sogsad: “Ebed-machi-Gaal, e-gwenadganmala Siquem-neggweburse noni, neggwebur-ourwega begi nonimar.
7496	1SA 13:9	igar-ukded: “Ibdurgan-ogumakar-ukleged, degi, gwenatigwar-guega-ibmar-ukleged be anga sedamala.” Geb Saúlʼsunnad ibdurgan-ogumakar Bab-Jehováʼga uksad.
7534	1SA 14:24	Israel-sordamar ukudba negoebiguarmalad, ar ade, Saúl e-sordamarga weyob igar mesisad: “Neg-mutikgued-iduar, amba yoo an-isdarmalad buged-mai-imakleged-iduar, dule mas-itosale, oburgwilegoed.” Degisoggu, a-ibagine, sorda-wargwensaale gwen mas-itossulid.
8115	2SA 3:31	David, Joabʼga, degi, bela dulemarga sogdebalid: “Abner-burgwisad-ular, nunmak-itogedba bela dulemar mor-siir-siir-imakmalo, gwage-nunmaked-mor yomalo, bukib-binsadii gumalo.” Degine, Rey-David Abner-mui-sorba nadapi gualid.
8201	2SA 7:18	Geb Rey-David Bab-Jehová-asabin sigdapid. Bab-Dummadse gotegusad: “Bab-Dummad-Jehováʼye, ¿ande doasunna? ¿An-neguyade ibusunna? Emide be, we-ibmar bela be anga uknagu.
9189	1KI 13:2	A-dule, Bab-Jehová-ega-ibmar-sogsadba ibmar-ogumakleged-ailagi sunmakded, geb sogded: “Ibmar-ogumakleged-aila, weyob, Bab-Jehová begi soged: ‘David-e-wagan-abargi machi-gwensak Josíasʼye-nugad gwalulenonikoed. Be-birgi, Josías dule-irwa-bab-dummadse-gormalad-ogumakar oburgoed. We-dule-irwa-bab-dummadse-gormalad, be-birgi ina-wawad-ogumakar ukdidamalad. Be-birgine, dule-e-garmar ogumaklebaloed.’ ”
9340	1KI 17:20	Geb Elías Bab-Jehováʼse goted, weyob sogded: “Bab-Dummad-Jehováʼye, ibiga we-ome-an-akwedga be nunmaked-uknai. Emide, be ei e-mimmi-oburgwisad.”
9717	2KI 7:6	Ar ade, Bab-Jehová, Siria-sordamar ibmar-oimakeyob-itogega imaksad. Moli-ur-bila-onomalad-oimakedyob imaksad, sorda-moligi-sii-urwemalad-oimakedyob imaksad, degi, sorda-bila-onomalad-duurmakdanikiyob imaksabalid. Degisoggu, sokarmalad: “Israel-e-rey, Het-dulemar-e-reyse, degi, Egipto-dulemar-e-reyse gochargebed, adi, anmargi gwisguegar.”
11826	2CH 29:30	A-sorbali, Rey-Ezequías, degi, dummagan, Levita-dulemarga sogdemalad: “David-namaked-narmaksadgi, degi, negburgan-daked-Asaf-namaked-narmaksadgi, Bab-Jehováʼga be namakmala.” Degi, Levita-dulemar bela-bela weligwaledba namaksamalad, degi, bela dulluu ambikusmalad, degi, Bab-Dummad-nug odummosmalad.
11992	2CH 35:21	Degidbali, Necao, Rey-Josíasʼse e-gayaburba-berbemalad barmisad. Weyob ega sogega: “Judá-e-rey, mer be anse achamoga. Ar an bebo-urwega danisulid. Neggwebur-angi-gwisgunaidbo an urwe-danikid. Bab-Dummad anga sogsad, gwae be naoye. Mer Bab-Dummad-anba-gudiidgi-gwisguedgi be binsao, adi, mer Bab-Dummad be-oburgwegar.”
12243	EZR 9:1	Bela we-ibmarmar-bergusad-sorbali, dule-dummaganga-mamaid anse nonimalad, weyob anga sognonimalad: “Anmar-Israel-dulemar, dule-irwa-Bab-Dummadse-gormalad, degi, Levita-dulemarse-bakale, dulemar-baigangi bangusurmalad, degine, e-galagwensur-daedgi amba nanadimalad. A-dule-baigan, wemalad: Canaán-dulemar, Het-dulemar, Ferezeo-dulemar, Jebuseo-dulemar, Amón-dulemar, Moab-dulemar, Egipto-dulemar, degi, Amorreo-dulemar. Israel-dulemardi, a-dulemar-daedba ibmar-isgana imakdimarmogad.
12368	NEH 3:36	Degi, an Bab-Dummadse goted: “Anmar-Bab-Dummadye, nue be itoge, bule nue-isdarsunna anmar-dake be daksunna. Isdar anmargi-sunmaknanaid, egi dukin-aibined be imake. E-isdarmaladga be urmake. E-isdarmaladse yogasaar-gales-yar-baid-baidse ebipileged.
12408	NEH 6:2	Degidgine, Sanbalat, degi, Gesem anga gayaburba barmiarmalad, sogsiid: “Neba-Onoʼye-nugadgi, neggwebur-burwigana-gwensakgi anmar abingumalo.” Ar emardi, bato angi ichakwa binsasmalad.
12420	NEH 6:14	“An-Bab-Dummadye, Tobías, Sanbalatʼbo, na e-ibmar-imaksadi be ebinsao. Deginbali, Bab-Dummad-gayaburba-barsoged-bundor-Noadías, degi, Bab-Dummad-gayaburba-barsoged-baigan, an-ogwayebi-gusmaladi be ebinsabalo.”
12689	NEH 13:14	Ani, Nehemías, Bab-Jehováʼse an goted: “An-Bab-Dummadye, we-ibmar-imaksad-ulale, melle be an-iego, degi, be angi nued-binsao, bese-goled-neggi ibmar-nuegan be-nug-odummogega an imaksadi, melle be iegoye.”
12697	NEH 13:22	Geb Levita-dulemarga an sogded, bemar na san-uruknamar, bemar yawagak edarbenamar, adi, obunnoged-iba swilidik-guegar. Ani, Nehemías, Bab-Jehováʼse an gotebalid: “An-Bab-Dummadye, we-ibmar-imaksad-ulale, melle be an-iego, degi, be sabgued-dummarba-nikadba, wile be an-dakoye.”
12704	NEH 13:29	Ani, Nehemías, Bab-Dummadse an gotebalid: “An-Bab-Dummadye, a-dulemar be insao. Wemarde, dule-irwa-Bab-Dummadse-gormalad-igar-ichomaladid. Wemarde, dule-irwa-Bab-Dummadse-gormalad igar-mamaid bisgemaladid, degine, Levita-dulemar-igargi annamaladid.”
12706	NEH 13:31	Amba dulemar sapan na e-ibagangi amimaloed, deyob an urbisbalid. Degine, dule ibmar-gebe-sanmakmalad Bab-Dummadga-ukleged-dakmaloed, amba deyob an urbisbalid. Ani, Nehemías, Bab-Dummadse an gotebalid: “An-Bab-Dummadye, melle an-iego, nued be angi binsaoye.”
12984	JOB 6:2	“An-naibi-itodiidi, an-wiles-itodiidbogwa, nabir nibirgi-aidolegena nuedinad.
14753	PSA 52:9	“We-dule-isgana, Bab-Dummadgi-bendakleged-amissulid, be dakmala. Unnila ibmar-nue-nikadba na yeer itosad, e-ibmar-isgana-imakedgi gwen bangussulid.”
15612	PSA 102:25	Agala, an ise-wilegar ega sogded: “An-Bab-Dummadye, mer be an-ibe an-ibagan osikirmakye. Bab-Dummad, ar begardina ibagan geg bergued.
17149	PRO 23:35	Be sogdagoed: “An-naibi-imaksamala, degite, gwen nunmak an itosulid. An-bibyosmala, degite, gwen bai an itosulid. An dadakusale, gannar an mumgunabaloed.”
17757	ISA 2:2	“Ibagan-bergued-mosale, Bab-Jehováʼse-goled-neg-yala bur yala-sunsogedga sii guoed, yala-mulluganba bur nug-dummarba sii guoed, dulemar-yar-baid-baidgi-bukmalad bela we-yalase duurmaknonikoed.
17883	ISA 8:6	“We-Judá-neggwebur, Siloé-dii-binnalee-aryomaidgi bangudmalad, bur Rezín-dobee nanadmalad, bur Remalías-machi-dobee gudmalad.
18068	ISA 18:1	Isaías sogdebalid: “Gwimar-uurmaked-yala, ¡nue-wilessun! Cus-diwarba-bukmalad, ¡be duledar-wilesmar!
18285	ISA 29:22	A-ulale, Bab-Jehová Abraham-bendaksadi, weyob Jacob-waganga soged: “Emi-iba-onodoedgi, bemar Jacob-wagan bar bingedar itogosulid, dobedba bar niga-argwanosulid.
18288	ISA 30:1	Bab-Jehová weyob sogsad: “Bemar-uayasuli-damaladi, ¡be duledar-wilesmar! An-wissuli-igar-imakmaladi, an-ega-ibmar-sogsulidba ibmar-imakdimaladi, isguedginbi-nanadimaladi, ¡dule-wilesmar!
18583	ISA 43:8	Bab-Dummad soged: “Dule-aku-atakmalad, amba ibya-nika-inigwele, be anga onimar. Dule-uaya-yallirmalad, amba uaya-nika-inigwele, be anga onimar.
18792	ISA 53:11	Sabsur-wilegoed-sorbali, magar-daknonikoed, e-sabsur-wilesadi, binsa wilessuli, degidbali na yeer-itononikoed. Bab-Jehová soged: “An-mai-innikigwadi, e-ibmar-wisidbali, dulemarga igarmar nabogoed. E na dule-ibmar-isgana-imaked sedoed.
18826	ISA 56:3	Dule-ainebalidi e-binsaedba Bab-Jehová-nug-odummodiile, geg weyob binsaed: “Bab-Jehová e-dulemar-imbagi an-obanguoye.” Dule-alugwasualed geg weyob sogmogad: “Sapi-dingus-gwichidyob, an dakleye.”
18973	ISA 65:7	Bab-Jehová soged: “Bemar-isgued-ulale, degi, be-babgan isgusad-ulale, an sabsur-be-odurdakoed. Ar we-dulemar yar-birgi ina-wawadikmalad-ogumakdii gusmalad, yar-mullugangi angi-gwisgudii gusmalad. Epenne e-ibmar imaksamaladba, na dukin sabsur-odurdaklemalaga an imakoed.”
19027	JER 1:12	Degi, Bab-Jehová anga sogded: “Nabir-be-soge, inniki be daksad. An-ibmar-sogsadi, sogedba-guega an imakedsegad.”
19267	JER 9:22	Bab-Jehová weyob soged: “Dule-binsaed-ibed, melle na e-binsaed-nue-nikadgi san-dummarba itogo. Dule-gandikid, melle na e-gangued-nikarbadgi san-dummarba itomogo. Dule-mani-ibed, melle na e-mani-nikarbadgi san-dummarba imakmogo.”
19311	JER 11:16	Bab-Jehová soged: “Olivo-sapi-aradye, e-sanmar-yeerdaklegedye an be-nug-imaksanad. Emisgindi, mar-binnasuli-goled-abalagi, an bemargi soo odesad, be-sapi-anagan bela gummaksad.”
19393	JER 15:9	Bab-Jehová soged: “Bukidar-mimmigan-nikusmaladi, negoedmaloed, burgwidmaloed. Na bingedar itodmaloed, san-bipii itodmaloed. Dad-ibeler-gaedi ukiagwar ega akitoed. Dule-burgosurmaladdi, e-isdarmaladse-es-suidgi-oburgwilegega an imakoed.”
19516	JER 21:7	Bab-Jehová soged: “Deyob-gusad-sorbali, geb an Babilonia-e-reyga Judá-e-rey-Sedequías an ukoed, e-dummagan an ukbaloed, degine, dulemar bonigi-burgosurmaladi, bilagi-burgosurmaladi, degi, ukudba-burgosurmaladi, Babilonia-Rey-Nabucodonosorʼga an ukoed. E-isdarmalad-oburgwebigudimaladga amar an urmakbaloed. Geb Nabucodonosor es-suidgi amar-oburgoed, igi-barsaye ega gwen-sogosulid, wile gwen-dakosulid.”
19557	JER 23:4	Bab-Jehová soged: “An-dulamar-seegala, ani an ega e-idumalad ukoed. Degisoggu, an-dulamar bar dobee itogosulid, degi, bar gwayosurmalad. Bela bukwagumaloed.”
19562	JER 23:9	Ani, Jeremías, an Bab-Dummad-gayaburba-barsogmaladga an ibmar soged: “Bab-Jehová-nuggine, degi, e-gayaburba-islidikid-anga-uksadbali, an bela-belagwad an-ulubgi an naibid-dummad itoged. Bela an-abaganmar wawanmaked, ber dule-mummudyob an dakleged, dule-inna-gagbidba-aibandiiyob an dakleged.
19635	JER 25:32	Bab-Jehová-Bela-Gangued-Nikadi, weyob soged: “Yalamar-nanaid-iliba, boni-dummagana nomai guoed. Burwa-dummadi bemargi gwichigualid, bela yalamar-ebilis begi danikid.”
19721	JER 29:17	Bab-Jehová Bela-Gangued-Nikad weyob soged: “We-dulemar-besmaladgine, bila-onoleged an egi barmidoed, ukud-dummad an egi nasikoed, boni-dummagan an egi barmidoed. Higo-san-nunumaladyob an imakoed. Higo-san ise-nunudba geg-gulledaedyob an imakoed.
19762	JER 31:2	Bab-Jehová weyob soged: “Es-suidgi-burgwissurmaladi, nega-dulesulidganba obunnoged-aminadapmargu, egi-nued an binsasad.”
20187	JER 48:38	Bab-Jehová soged: “Mete-isgana-mamarisayobi, an Moab-dulemar imaksad. A-ulale, Moab-dulemar-negmar-birgine, degi, neg-galimbabali, unnila dulemar-boedbi itoleged.
20192	JER 48:43	Bab-Jehová soged: “Moab-dulemar-iduale, yaa-dummadi e-abindaksiid, gwayed-dummadi e-abindaksiid, yardakleged-galu e-abindaksiid.”
20214	JER 49:18	Bab-Jehová soged: “Sodoma-neggwebur-wilesadyobi, Gomorra-neggwebur-wilesadyobi, degine, neggweburmar-e-dikarba-bukmalad-wilesadyobi, Edom-yala gumogoed. Dulemar, agine gwen bar gudii guosulid, degi, dulemar egi gwen bar ambikuosulid.
20320	JER 51:39	Bab-Jehová soged: “Neg-diopisur-itoarmalale, ani an ega gobed dakoed. Wergumalaga an omumsaoed, suitii gabemai-saegala, geg atake an imakoed.
20338	JER 51:57	Ani an Rey-guedi, Bab-Jehová-Bela-Gangued-Nikadi weyob soged: “Babilonia-e-dummagan, degi, e-binsaed-ibegan, an omumsaoed. Ega-negsemamaid, an omumsaoed. E-sordamar-dummagan, degi, e-sorda-bila-onomaladi an omumsabaloed. We-dulemar degisadegu gabidmaloed, bali gannale atakosurmalad.”
20391	LAM 1:12	Sogdebalid: “Bemar-igarba-nadapmalad, be an-dakmala, ¿gwen-bai be an-daksuli? Bab-Dummad-sabsur-an-wionaiyobi, ¿bia be deyob dule-wilenai daksamala? Ar Bab-Jehová na nue-uludgua, we-nunmaked anga barminonikid.
20951	EZK 19:1	Bab-Jehová sogdebalid: “Israel-sapin-dummaganga, we-wile-itoged be soge:
21761	EZK 47:13	Bab-Jehová-Bela-Gangued-Nikadi weyob soged: “Wemar-yar-abingunanaidi, Israel-dadgan-dummagan-sogambe-gakabogwad-e-waganga (12) mimilegoed. Joséʼdi sogabo yar gaoed.
21801	EZK 48:30	“Neggwebur-e-yawagakmar, wemalad: Dad-nakwed-argan-sapiledsik, neggwebur-suguoedi, dali-miligwen gaka-dulanergwa-gakatar (1,125) suguoed.
21847	DAN 2:20	Daniel weyob sogded: “Bab-Dummad-nug, degisadegu odummolesun, ar bela gangued egadid, binsaed-nued-ibed egadid.
22106	DAN 11:1	“Dule-anbo-sunmaknaidi, anga sogdebalid: ‘Media-e-rey-Darío birgagwengus-negdakmaigua, ani an e-nig-ogannononigusad, degi, ani an bendaknonigusbalid.’ ”
22107	DAN 11:2	“Dule-anbo-sunmaknaidi, anga sogdebalid: ‘Emigindi, an bega ibmar-innikigwad sogoed. Persia-yargine, amba rey walapaa megnonikoed. Wemar-warbaagwad-sorbali, rey-baid megnonikoed. We-rey, bur bule reymar-idualedmarba ibmar-ibed megoed. We-rey, e-ibmar-bukidar-nikadba gargangued-nikunonikile, bela dulemar Grecia-yar-selemaidgi-aibinmalaga imakoed.
22141	DAN 11:36	“Dule-anbo-sunmaknaidi, anga sogdebalid: ‘Dad-nakwed-argan-sapiledsikid-rey na ibmar-imakbiedba ibmar imakoed. Na dukin san-dummarbaa imakoed, bab-dummagan-birgi na dummarbaa itogoed. Bab-Dummad-napiragwadgi bela-bela isdar-sunmakdii guoed. Bab-Dummad sabsur-odurdakedsega, e-ibmar-imaked nasgumai guoed. Ar Bab-Dummad na ibmar-imakoed, imakedsegad.
22151	DAN 12:1	“Dule-anbo-sunmaknaidi, anga sogdebalid: ‘A-ibagangine, Miguel daklenonikoed. Miguel, baliwiturmar-e-dummadid, degi, be-dulemar-bendakedid. A-ibagine, nunmaked-dummad nagunonikoed. We-napneggi dulemar-ambikusad-akale, deyobi nunmaked nagudisulid. Degi-inigwele, a-ibagangine, bela be-dule-e-nugmar Gardagi-Narmakar-Nanaid bendaklemaloed.
22333	HOS 12:13	Oseas weyob sogded: “Be-dad-Jacob, Aram-yarse wakite gusad, agi ome-nikuega sibad-wawaad-edarbedgi arbas gusad.
22405	JOL 2:25	Bab-Jehová soged: “Ses-danagwen-gudimalad, ses-dummagan, ses-sapingana, ses-burwigan, birga-nasmaladgine bemar-ibe bela ibmar-gwag guchagusad, gannar bemar a-ibmarmar-nikuega an be-imakoed.
22413	JOL 4:1	Bab-Jehová weyob soged: “A-iba-nonikile, Judá-yarginmalad, degi, Jerusalén-dulemar, yar-baid-baidse-gales-selesgusmaladi, an gannar e-yarse senonikoed.
22435	AMO 1:2	Amós sogded: “Sión-yala-akale, Bab-Jehová uludagoed, Jerusalén-akale, mar-goledyob e-gayaburba gordagoed. Sibad-wawaad-nikamalad-e-nainugi gagan-ara-ara-nanaid bela bergudoed. Carmelo-yar-birigi-gagan-nanaid dingudoed.”
22508	AMO 5:16	Agala, Bab-Dummad-Jehová-Bela-Gangued-Nika-Maid weyob soged: “Bela-dule-ambikumaladgi, dulemar-ise-boale itolegoed, degi, bela galimbaba wile-itolegedba binnasur-gornanai itolegoed. Bomalaga sapur-dorganse gorlegoed, degi, bomalaga dulemar-manigi-bomaladse gorlegoed.
22678	MIC 3:1	Geb degine, an sogded: “Jacob-dulemar-negsemamaid, Israel-dulemar-e-dummagan, nue be an-itomar: Bemar bur igar-innikigwad-imaked-durdaked ¿nabirsursi?
22968	ZEC 2:4	Geb Bab-Jehováʼse an egisded: “Wemardi, ¿ibu imakega danimala?” Geb Bab-Jehová anga sogded: “We-moli-bebemar, reymar-gargangued-nikamalad oyoged. We-reymar Judá-dulemar-oaisakiega imaksamalad. Dule-wargwensaale e-abin gwisgussulid. We-dule-esgorogi-arbamaladi, we-bebemar-walabakegwad ogwayega nonimalad. Deginbali, dulemar-yar-baid-baidgi-bukwamalad-e-gangued-nikad-obelogega nonimarbalid. Ar we-bebemar Judá-dulemar-oaisakis gusmalad.”
23005	ZEC 4:14	Geb baliwitur anga odulodsunnad: “We-olivo-sarbogwadi, dule-nug-imaklegarmaladid. Bab-Jehováʼga-arbaega, nug-imaklesmaladid. Ar Bab-Jehová, bela napaneg-naid-ibedid.”
23008	ZEC 5:3	Geb baliwitur anga sogded: “We-be-dakedi, bela-napneg-ukabsalenaid be daked. Ar garda-wagar-soggwengi igi narmakar-nai, deyobi dule-atursaed bela ibitogoed. Ar garda-wagar-baidsik igi narmakar-nai, deyobi dule-gakansaar-ibmar-ise-sogar-soged ibitogoed.
23169	MAL 1:11	Bab-Jehová-Bela-Gangued-Nikadi weyob sogbalid: “Dad-nakwiardaed-akale, dad-argwanedsega, bela dulemar-yar-baid-baidgi-bukwamalad-abargi, an-nug dummarbaa gued. Bela yar-baid-baidgine an-nugga ina-wawadikid ukmalad, degi, an-nugga ibmar-ukleged-swilidikid ukmarbalid. Ar bela dulemar-yar-baid-baidgi-bukwamalad-abargi, an-nug dummarbaa gued.”
23233	MAT 1:20	Ar José degi-binsadii, gabgi Bab-Dummad-e-baliwitur ese nonikid, ega sognonikid: “David-wagwa-José, mer be dobgu. María be-omega-guega be abingae. Ar María-bonigwar be dakedi, Bab-Dummad-Burba-Isligwaled-sogedba deyob gusad.
23253	MAT 2:15	Agi Herodes-burgwisadse gudigusmalad. Bab-Dummad-ibmar-sogsadba-guegala, deyob gusad. Deun Bab-Dummad-gayaburba-barsoged sogsagusgu: “Egipto-yar-akale, an-machise an gochagusad.” Oseas 11:1
23668	MAT 14:2	Agi Herodes e-maiganga sogded: “We-dule-gudiid, we Diigi-dule-oged-Juanʼye-nugadid. Ar wede, gannar durgus gudiid. A-ulale, nabir ibmar-dakledisulid imaked.”
24198	MAT 26:75	Geb degi, Pedro ebinsaas naded, igi Jesús ega ibmar sogsa, “gannir-namaked-iduar, ilapaa be an-osulogoye.” Degi, Pedro magaba-nadgu, nue-ise-boar nadsunnad.
24279	MAT 28:15	Suar-ibmala mani-susmargu, ar igi Judío-dummagan ega sogsamala, deyob imaksamalad. Ar deyob, Judíoʼmar-abargi we-gaya amba emi-ibase soglediid: “Suar-ibmala-gabmamaigu, Jesús-e-sapingan Jesús-mui atursasmarye.”
25066	LUK 2:24	Degine, Bab-Dummad-gardagi narmakar-naibalid, Bab-Dummadga we-ibmar-ukoye: “Sapur-nuu-gwabodibe, wagnuu-mimmigan-gwabodibe.” Levítico 12:8 We-igar-maidba imakegala, na nonimalad.
25529	LUK 12:1	Degidgine dule-bukidar mili-miliba Jesúsʼse nonimalad, barmesnanai guarmalad, degidgine, Jesús e-sapinganga-inse sokalid: “Fariseoʼmar-madubur-inagi, nue salakarmar, ar amar yogasaar-darba-sunmakdamalad.
25705	LUK 16:16	Jesús sogdebar: “Moisés-Igar-Mesisadi, degi, Bab-Dummad-gayaburba-barsogmalad-sunmaksadi, Diigi-dule-oged-Juan-nonikidse egi sunmakledii gusad. Juan-nonikid-akale, Bab-Dummad-e-negdakmaid-gayaburba-nuedgi bemarga sunmaklenaid, degine, dulemar-bela-ase-dogbimalad dogbi gunanaid.
25958	LUK 22:25	Jesús e-sapinganga sogded: “Reymar-neggwebur-semamaidi, dulemargi bur-dule-dummad na san-imakdaed. Degisoggu, bela ega ibmar imakbi abedamarsunnad. Dule-neggwebur-semaid, nued ibmar-imakmaiye na dukin sogdamalad.
26571	JHN 10:21	Baigandi sogmogad: “We-ibmar-sogedi, we nia-gayasulid. ¿Ar niade sunna dule-ibyasurmaladga ibya nudaksi? Suli, degisulid.”
26596	JHN 11:4	Jesús, degi-itosgua, sogded: “We-Lázaro-uellemaidi, burgwegarsulid. Bab-Dummad-nug-odummogega we uellemaid. Adi, we-uellemaidgi Bab-Dummad-Machi-e-nug odummolegegar.”
27030	ACT 2:12	Geger dakmalad, nue-aku itomarbalid, na muchub-muchub ega sokarmarsunnad: “Weyob-ibmar-gunaidde, ¿ibi nue obare?”
27032	ACT 2:14	Degi, Pedro na e-ambe-gakagwensakadmala (11), dulemar-abargi gwisgusad. Geb binnasur sunmakded, sogded: “Gwenadgan-Judea-dorgan, degi, bela bemar-Jerusalén-neggweburgi-bukwamaladi, nue be an-itomalo. An bemarga sogodo, wede ibi nue obare.
27099	ACT 4:8	Degi, Pedro nue-Bab-Dummad-Burba-Isligwaled-nika sunmakded, sogded: “Neggwebur-e-dummagan, degi, girmar-dummagan, bemar dummagan gumalad.
27447	ACT 13:16	Pablo gwisgusa imaksad. Bogidik-ambikumalaga, argan onakwis imaksad. Geb weyob sogded: “Bemar-Israel-dulemar, degi, bela bemar-Bab-Dummad-dobee-nanadimalad, nue an-itomalo:
27910	ACT 26:19	Pablo sogdebalid: “Dummad-Rey-Agripa, Bab-Jesús nibneggi anse gochadba, mer ibmar saodeeye, an gwen-binsassulid.
28069	ROM 3:10	Ar Bab-Dummad-Gardagi sognaid: “Dule-gwage-nued, wargwensaar sated.
28276	ROM 10:20	Sorbali, Isaías bur-bakar-buud soged: Bab-Dummad soged: “Dulemar-an-amidisulid, an-amimalaga an imaksad, dulemar-an-egisdisurmaladse an magarosad, an doa-dule gue.” Isaías 65:1
28840	1CO 15:54	We anmar-san-nabir-nunguedi geg-bar-nungue gusale, anmar-san-sunna-burgwedi geg-bar-burgwe gusale, geb agi, Bab-Dummad-Garda-narmakar-maidba gunonisunnoed: “Burgwed-igargi-nakwilesadba, burgwed-igar bergussun.” Isaías 25:8 Bab-Dummad-Gardagi sognaibalid:
29033	2CO 9:9	Ar Bab-Dummad-Gardagi narmakar naid: “E-ibmar-nikadi, dule-wilemaladga mimisad. E-igar-inniki-imaked degisadegu maigu gued.” Salmo 112:9
29180	GAL 3:11	Ar mag itolesundo, Moisés-Igar-Maidgi-nanadiidba, dulemar isgussuliyob Bab-Dummad-asabin guosulid. Ar ade, Bab-Dummad-Gardagi sognaid: “Dule-gwage-swilidikiddi, Bab-Dummadgi-bensulidgi gudii guoed.” Habacuc 2:4
29228	GAL 4:30	Ar Bab-Dummad-Gardade, ¿igi sognaisunna? Sognaisursi: “Ome-maiga-gudiidi, degi, e-machi, be onoye. Adi, melle ome-maiga-gudiid-e-machi, ome-maiga-gudisulid-e-machiba ibmar nikuegar.” Génesis 21:10