57	GEN 3:1	Bab-Dummad-Jehová we-napneggi bela ibmar-durgan obinnisad. Amar-abargi, naibedi ibmar-durgan-baiganba dule-binsaed-gaedgi bur buledid. Naibe omega sogded: —¿Etto, Bab-Dummad bemarga sogsa: ‘We-nainu-nuedgi sapimar-gwichid-e-san melle bipisaale gunmaloye?’
400	GEN 17:2	An bebo igar-mesisad, gannar an bega sogbar: ‘Wagan-bukidar-nikuega an be-imakoed.’
933	GEN 32:5	Jacob sogded: “An-dummad-Esaúʼga weyob be sogo: ‘Be-mai-Jacob soged: Ede emi-ibadse Labán-walik-gudii gusye.
1294	GEN 43:3	Ar Judá, e-bab-abin sogded: —Dummad-mas-dakmaid nue anmarga ise-sogar imaksad: ‘Be-urba-bipi bemar sedanisurmalale, bur melle be anse dagmaloye.’
1352	GEN 44:27	”Anmar-bab anmarga sogsagusad: ‘An-ome-Raquelʼbo an masmala-warbo-nikusad be wismarye.
1368	GEN 45:9	Gwae an-babse gannar be namar. Ega be sognamar: ‘Be-machi-José sogye: Bab-Dummad bela Egipto-yar-dakega an-onugsasye. Gwae be an-dakdagoye, mer be yogguoye.
1820	EXO 12:3	”Bemar bela weyob Israel-dulemarga sogo: ” ‘We-nii-ibambegi (10) bemar wala-walagwen, e-gwenadgan-e-gwenadganba, degi, neg-iliba, sibad-wawaad-sapingwagwad-war-wargwen na sumalo.
2293	EXO 27:20	Bab-Jehová Moisésʼga sogdebalid: “Israel-dulemarga be sogo: ‘Olivo-e-gwallu ibmar-baidba-oburarsuli be sedamalo, adi, gwallu-ogamalagar. Degisadegu gwallu gasii guegar.
2452	EXO 32:13	Be-maimar Abraham, Isaac, degi, Jacob, amar be ebinsae. Ar amarga be sogsa gusad, an ise-sogar sogye: ‘Niisgwamar-nibneggi-nanaidyob be-wagan an bega omelogoye. Degine, be-waganga we-yarmar-nanaid degisadegu egadga guoye.’
2891	LEV 7:11	Bab-Jehová Moisésʼga sogdebalid: “Israel-dulemarga be sogo: ‘Dule-gwenatigwar-guega ibmar-ukleged-e-igar weyob megoed:
2957	LEV 9:3	”A-sorbali, Israel-dulemarga be sunmakoed, amarga be sogoed: ‘Isgued-ular-oburgwilegega sibad-machered be sedamaloye. Deginbali, Bab-Jehováʼga ogumakar-ukega moli-bebe-nikad-sapingwagwad, degi, sibad-wawaad-sapingwagwad be sedamarbaloye. We-ibdurgan-warbogwad birgagwen nikamaloed, degi, swilidik, gwen-boni-nikasulid guoed.
3107	LEV 13:54	dule-irwa-anse-goled sogoed: ‘Ibmar-gutu-nikad enukmarye.’ Geb we-ibmarmar gannar ibagugle (7) bachikii urbebaloed.
3147	LEV 14:35	e-neg-ibed dule-irwa-anse-goled-owisonaoed, ega sogoed: ‘An-neg-galugi digwaryob nai an dakye.’
3312	LEV 19:30	Bab-Jehová Moisésʼga sogdebalid: “Israel-dulemarga be sogo: ‘An-obunnoged-ibagi be obunnomalo, degi, anse-goled-neg melle neg-isganayob be dakmalo, egi be binsaed-nikaa damalo. Ani an Bab-Jehová gued.
3363	LEV 21:17	“Aarónʼga sogo: ‘Be-wagan-bonikwagwad bipisaale Bab-Dummadga-madu-ukleged ukosulid, ese warmakosulid. Degisadegu, be-waganga weyob igar maiguoed.
3430	LEV 23:27	“Israel-dulemarga be sunmake, ega be soge: ‘Nii-walagugled-ibambegi Isgued-Elied-Iba guoed. A-ibagi, bemar Bab-Jehová-nug-odummogega, islidik danar ambikunonikoed. A-ibagi, bemar mas-gunsuli gudigumaloed, deginbali, bemar Bab-Jehováʼga ibmar ogumakar ukmarbaloed.
3493	LEV 25:23	Bab-Jehová, Moisésʼga sogdebalid: “Israel-dulemarga be sogo: ‘Dule-nainu-baksadi degisadegu egadga guosulid, ar ade, nainu Bab-Jehováʼgadid. Ar bemar unnila sikwas we-yargi gudimalad. Bemar we-yargi degisadegu gudiguosurmalad.
4288	NUM 18:30	Bab-Jehová Moisésʼga sogdebalid: “Leví-dulemarga be sogbalo: ‘Ibmar-bur-nuegan Bab-Jehováʼga be uksale, soglegoed, na be Bab-Dummadga ibmar-gwag, degi, vino uksaye.
4581	NUM 28:2	“Israel-dulemarga igar be uko, ega be sogo: ‘Ibagan-maid-sekalaa anga-ibmar-ukleged anga ukoye. We-ibmar-ogumakar-uklegoed-yeer-yapandaedi anga an-masga gued.’ ”
4617	NUM 29:7	Bab-Jehová, Moisésʼga sogdebalid: “Israel-dulemarga be sogo: ‘Nii-walagugled-ibambegi bela bemar an-nug-odummogegala, anse bulakwaa nonimaloye. A-ibagi, bipisaale dule gwen arbaosulid, degine, bemar mas-gunsuli gudigumaloed.
5171	DEU 9:12	Deunni, Bab-Jehová anga sogsad: ‘We-yargi-gudiid gwae be aidege. Ar be-dulemar, be Egipto-yargi-onosadi, nue isgudmalad. Igargan-an-ega-uksadgi bato bangudmalad. Ibmar-sobmalaga, aka or-dudemalad, adi, e-bab-dummadga imakmalagar.’
5172	DEU 9:13	”Degine, Bab-Jehová anga sogdebalid: ‘We-Israel-dulemar an dakdaniguad, we-dulemar nono-dutusurmalad naed.
5866	JOS 1:13	—Bab-Jehová-e-mai-Moisés bemarga weyob sogsagusadi, be ebinsamalo: ‘Bab-Dummad-Jehová bemar-obunnogega we-yala bemarga uksaye.’
6769	JDG 9:13	Uva-dub abin-sogded: ‘Sapimar-e-dummadga an guega, ¿an vino-ukdiid bergusunnode? Adi sulirgebed. Ar ade, an-vinoʼgi bab-dummagan-weligwar-imaklediid, degi, an-vinoʼgi dulemar-weligwar-imakledibalid.’
7191	RUT 3:17	Geb a-ukinbali, Rut sogdebalid: —Anga cebada nibir-dulabo-gakambe (50) uksabalid. Ar anga sogsad: ‘Be-saka-negse mer ibmar-sedsuli gannar aibiroye.’
8325	2SA 13:5	Jonadab, Amnónʼga sogdebalid: —Yamo uellemaiyob be imako. Degisoggu, be-gabedgi be mego. Be-bab bese-atakdanidibe, ega be sogo: ‘An-bun-Tamar masgi an-ogunnega be anga barmidaye. Anga mas-dunai an dakega, degi, e-sunnad masgi an-ogunnega be barmidaye.’
8737	1KI 1:17	Betsabé abin-sogded: —Dummad, be anga ise-sogar sogsa gusad: ‘Be-machi-Salomón an-sorba yar seoye, an-sorba rey-gangi sigoye.’
9059	1KI 9:5	an be-bab-Davidʼga ibmar-imakoye sogsayobi an imakoed. ”Deun an ega sogsagu: ‘Israel-dulemar-iduega be-wagan be-sorba rey-gangi-siged surguosurye.’ Degisoggu, Israel-dulemar-e-dummadga-be-gudiid an be-ogannogoed.
9142	1KI 11:31	Agine, Jeroboamʼga sogded: “Goambe (10) na be suo. Israel-e-Bab-Dummad-Jehová weyob sogsad: ‘Salomón-yar-semaid an e-annik suoye. Agine, dadgan-warambe-gakabogwad (12), e-ambe (10) bega ukoye sogsad.
9334	1KI 17:14	Ar ade, weyob Israel-e-Bab-Dummad-Jehová soged: ‘Bormogi-madubur-siid berguosulid, olivo-gwallu-siibalid berguosurbalid, ani an, Bab-Jehová, dii-owiedse geb we-ibmarmar obelogoed.’
9355	1KI 18:11	Emisgindi, be anga soged: ‘Be-dummad-Acabʼse be naye, ega be sognaye, wegi Elías gudiiye’
9388	1KI 18:44	Napidgine, e-mai Elíasʼga sogded: —Magadba mogir nakwedanikid. Mogir arganun-dungu dakleged. Agine, Elías e-maiga sogdebalid: —Acabʼse be nae, ega be sogdapo: ‘Be-ur-napagined guakwa be nasikoye, gwae be naoye. Degisulile, diise be galegoye.’
9425	1KI 20:14	Acab abin-sogded: —¿Degite, Bab-Jehová doaba deyob imakoe? Bab-Jehová-gaya-barsoged sogdebalid: —Weyob, Bab-Jehová soged: ‘Sapingan-dummagan-bendakdimaladba an imakoed.’ Acab egisdebalid: —¿Degite, doa-inse bila-onodoe? Bab-Jehová-gayaburba-barsoged sogded: —Be-inse be onodoe.
9453	1KI 20:42	Geb Bab-Jehová-gayaburba-barsoged, Rey-Acabʼga sogded: —Weyob Bab-Jehová soged: ‘We-dule-oburgwilegoye an sogsagusad, be owakichasoggu, be be, e-anar oburgwilegoed. Degine, Israel-dulemar, Siria-dulemar-anar burgwemarmogoed.’
9460	1KI 21:6	Acab, e-ome-abin sogded: —Jezreelʼgined-Nabotʼbo an sunmaksad. Ega an sogsad, be-uva-nainu-naid anga be ukye. A-muchub, nainu-baid an bega ukoeddeeye. Sulile, manigi an bese bakoye. Nabot an-abin imaksad: ‘An-uva-nainu an bega ukosurye.’
9543	2KI 1:6	Geb abin-sogdemalad: —Igarba anmar dule-wargwen-abingusad. A-dule weyob anmarga soged: ‘Rey-bemar-barmialidse gannar be namar, ega be sogmalo: Weyob Bab-Jehová sogye: ¿Ibiga ibmar wisguega Ecrón-neggwebur-e-bab-dummad-Baal-Zebubʼse be egise? ¿Israel-yargi Bab-Dummad satesi? Degisoggu, be-nailikgumaidi, bar be nuguosulid, be burgoed.’
9596	2KI 3:16	Agi, Eliseo sogded: —Bab-Jehová weyob soged: ‘We-neba-naidgi dii-megega napamar ichesur be akwimalo.’
11154	1CH 28:6	”Degine, Bab-Jehová anga sogsabalid: ‘Be-machi-Salomón anse-goled-neg, degi, neg-ubebmar anga soboedye. Ar we-machi, an-machiga an na imakoye, degi, e-babyob an gunonikoye.
11641	2CH 21:12	Degidgine, Bab-Dummad-gayaburba-barsoged-Elías Joramʼse garda barmialid. Weyob ega sogsiid: “Be-dad-David-e-Bab-Dummad-Jehová, weyob soged: ‘Be-bab-Josafatʼyobi be nanassurye, degi, Judá-rey-Asaʼyobi be nanassurbarye.
13116	JOB 11:4	Emide, be soged: ‘An-ibmar-soged innikigwadye, Bab-Dummad-asabinni an ibmar-oakalossurye.’
13137	JOB 12:5	Dule-gwen-boni-itodisurmaladi weyob sogdemalad: ‘Dule-boni-itodiidi mer bai be dake, dule-aimukubi-gudiid gatik be egee imake.’
17878	ISA 8:1	Bab-Jehová anga sogsad: “Urgo-matar-dummad be sue, agine be nug-narmako, nuekwaa magar-daklege be narmako. ‘Maher-Salal-Hasbazʼye be narmako.’
18432	ISA 37:10	ega sogegar: “Judá-e-rey-Ezequías, be-Bab-Dummad-egi-be-bensurgudiid bega-sogedi: ‘Asiria-e-rey Jerusalén-neggwebur suosurye.’ Mer be-Bab-Jehováʼse be yardaklego.
18919	ISA 61:6	Ar bemardi weyob biledmaloed: ‘Dule-irwa-Bab-Dummadse-goled Bab-Jehováʼgadye.’ Bemarga sogdemaloed: ‘Anmar-Bab-Dummadga ibmar-imakmaladye.’ Dulemar-yar-baid-baidgi-bukmalad-e-ibmar-nuegangi, be yeer itomaloed. E-ormar-sunsogmaladi, be yomaloed.
19098	JER 4:2	Ar gakansulidgi, igar-napiragwadgi, innikigwadgi, ‘Bab-Jehová-nuggi an ise-sogar-sogmarye,’ be sogmalale, ar degidbali, ‘dulemar-yar-baid-baidsik-bukwamaladgi anbali egi yeer binsalegoed, degine, anbali egi weligwar itomaloed.’ ”
19129	JER 5:2	Ar dulemar sogdamalanad: ‘Bab-Jehová-nuggi an napira sogye,’ degi-inigwele, yamo sogdamalad.”
19301	JER 11:6	Bab-Jehová anga sogdebalid: “Bela we-gayaburba Judá-neggweburgi, degi, bela Jerusalén-galimbaba be sogo. Weyob be sogo: ‘We-igar-mamaid be itomarye, we-igar-maidba be damarye.
19520	JER 21:11	”Judá-e-reyneg-yaginmaladga be sogmogo, ‘Bab-Jehová-gayaburba be nue itomarye.’
19525	JER 22:2	Deginbali, Rey-e-dummaganga-arbamaladga, degi, e-dulamar-we-yawagakba-ubomaladga be sogmogo: ‘Bab-Jehová-gayaburba be nue itomarye.’
19967	JER 38:3	Weyob Bab-Jehová soged: ‘We-Jerusalén-neggwebur Babilonia-rey-sordamarse sulegoed, amarse galegoed.’ ”
20759	EZK 12:10	”Ega be weyob odalogo: ‘Bab-Dummad-Jehová weyob sogye: We-ibmar-oyolenaidi, wedi Israel-dulemar Jerusalénʼgi-bukwamaladgi, degi, e-rey-maidgi, yoedse-ibmar-guoedi oyolenaiye.’
20772	EZK 12:23	Degisoggu, we-dulemarga be sogo, Bab-Jehová-Bela-Gangued-Nikadi weyob sogye: ‘We-deyob-sogleged mer bar sogmalaga an imakoye, Israel-yargine gannar-gannar bar sogosurmalad.’ Deginbali, ega be sogbalo: ‘Ibagan daniye, negburgan-daklesad-sanar-gued-ibagan, daniye.
20777	EZK 12:28	”Degisoggu, we-dulemarga be sogo, Bab-Jehová-Bela-Gangued-Nikadi weyob sogye: ‘An-ibmar-soged emisgwa guoye, an-ibmar-sogsad an imakoye. Ani an Bab-Jehová-Bela-Gangued-Nikadi weyob sogye.’ ”
20906	EZK 17:12	“Emigindi, we-dulemar-uayasulidamaladse be egise: ‘Ar we-ibmar-bega-soglenaidi, ¿magar be itomar sogeye?’ Ega be soge: ‘Babilonia-e-rey Jerusalén-neggweburse nonigusad, agine, Judá-e-rey, degi, eba-arbamalad Babilonia-yarse sesagusad.
21035	EZK 21:27	E-argan-nuedsik, Jerusalén-neggwebursik ega neg-oyolegoed, ase bila-ononaoed. Rey weyob igar ukdoed: ‘Neggwebur-yawagakmar-omukuega suar-dummagan-bular-ebipilemaladi guagwar urboye, arsanyob napa onakwemaloye, degi, neg-matusurmalad-walaled sobmarbaloye. Bila-onogega binnasur gormakmarye, dulemar-ogilomarye.’
21037	EZK 21:29	”A-ulale, Bab-Jehová-Bela-Gangued-Nikadi weyob soged: ‘Be-isgued-ebinsaega imaklesad, be-uayasulidaed wisgulesad, be-ibmar-isgana-imaked daklesad. A-ulale, bemar yogasaar galemaloed.’
21146	EZK 24:21	Israel-dulemarga iduakwaa ibmar be sogo, weyob Bab-Jehová-Bela-Gangued-Nikadi sogye: ” ‘Anse-goled-nega an obelogoye. We-nega bemar-gangued-dummarba-imaked-negad. Na be we-neg yeer dakdimalad. Na be we-negbina bela-bela-sogdimaladi, an obelogoye. Degi, Jerusalénʼgi be machimala-obes alidi, bunamala-obes alidi, es-suidgi burgwemaloye.’ ”
21238	EZK 28:12	“Dule-machi, Tiro-e-reyga wile-itoged-namaklegedgi be namake, ega be soge, Bab-Jehová-Bela-Gangued-Nikadi weyob sogye: ‘Innikigwad-e-wilubga be guenad, nue-binsaed-nikadae be guenad, yeerdaklege be guenad.
21295	EZK 30:22	A-ulale, Bab-Jehová-Bela-Gangued-Nikadi weyob soged: ‘Egipto-rey-Faraónʼgi an gwichid. E-sakwa-nued, e-sakwa-bato-bisgaled, warbobela an e-ibe bisgoed, degi, e-argangi es-suid-argwanega an imakoed.
21717	EZK 45:18	”Bab-Jehová-Bela-Gangued-Nikadi weyob soged: ‘Gebe-nii-yolesad e-iba-onodedgi, moli-bebe-nikad-sapingwagwad-bonikwasulid be suoed. Geb anse-goled-neg-swilidik-imakega be ogumakar ukoed.
22059	DAN 9:2	Rey-Darío birgagwengus negsemaigua, ani, Daniel, an ibagwengi Jeremías-garda-narmakar-maid-absosigua, an magar-itononikid, bia-narmakar-nai, deun Bab-Jehová Jeremíasʼga-sogsagusgu: ‘Birga-dulapaa-gakambe (70) Jerusalén-neggwebur bergus sigoye.’
23131	ZEC 13:3	Ar amba dule-gwensak Bab-gayaburba-barsogdii gualile, e-babgan ega sogdemaloed: ‘Bab-Jehová-nuggi be gakansadiiye. Degisoggu, be-oburgwilegergebye.’ Ar na Bab-Jehová-gayaburba-barsogedga-imaksad-ular, e-babgan es-suidgi ewarar a-dule-oburgoed.
23264	MAT 3:3	Ar Bab-Dummad-gayaburba-barsoged-Isaías, deun weyob Juanʼnik sogsagusgu: “Dule-wargwen nega-dulesulidganba binnasur sunmaknonikoed, dulemarga sognonikoed: ‘Dule-Dummad-idu igar mayemar, igar swilidik mesmar.’ ” Isaías 40:3
23389	MAT 7:4	¿Ar igi be-gwenadgardi be sogoe: ‘Be-ibya-yaba durgan-maid an bega onogweloye?’ Ar be-ibya-yabardi suar-maiddi aku be daked.
23933	MAT 21:38	”Ar nainugi-arbamalad, nainu-ibed-machi dani dakarmargu, na ega sogdemalad: ‘We-dule-danikidi e-bab-burgwisar, nainu bela egadbi guoed. Degisoggu, anmar ei nainu suega, anmar we-machi oburgwemarsun.’
23945	MAT 22:4	”Geb agi rey e-maigan-baigan-barmisbalid, ega sogsad: ‘Dulemar-ibase-danimaloedga sogo: Emi wegine, guagwar bemarga an mas imaksamar, molisan, degine, sibad-wawaad-gwallu-ibegan an bemarga oburgwismar. Bato bemarga guagwar bukwad, degisoggu mer ikumalo, ibase dagmalo.’
23954	MAT 22:13	”Geb degi, rey e-maiganga sogdesunnad: ‘We-dule-ibe e-argan be edinmar, e-mali be edinmarbar. Magaba negsichidgi be metemar, agi dummad-wilesiidba bosii guoed, nugar-gorsii guoed.’
24017	MAT 23:30	Be sogmalad: ‘Anmar-dadgan-ibagi anmar gudigusana, Bab-Dummad-gayaburba-barsogmalad-oburgwenanai-gusmargua, anmardi eba gwen akassurmalanye.’
24154	MAT 26:31	Geb agi, Jesús e-sapinganga sogded: —Belagwapa emi-mutik bemar angi bangudmaloed, ar ade, Bab-Dummad-Gardagi narmakar naid, sognaid: ‘Sibad-wawaad-edarbed an oburgoed, Geb agi sibad-wawaadmar bela duurmakdoed.’ Zacarías 13:7
24262	MAT 27:64	Degisoggu, neg-uangi mer dule yogasaar-dogega ibapaa-wilub be igar mese. Ar abakalegi, e-sapingan mutik Jesús-mui atursanonimalale, geb dulemarga sokarmalale: ‘Burgwar-mamaimalad-abargi Jesús durgusye.’ Ar degiir, bur bule idualedba dulemar-yardakoed.
24287	MRK 1:3	“Dule-wargwen nega-dulesulidganba binnasur goled: ‘Dule-Dummad-idu igar-mayemar, igar-swilidik mesmar.’ ” Isaías 40:3; Malaquías 3:1
24850	MRK 14:27	Geb Jesús na e-sapinganga sogded: —Belagwapa bemar emi-mutik angi bangudmaloed. Ar ade, Bab-Dummad-Gardagi narmakar naid: ‘Sibad-wawaad-edarbed an oburgoed, Geb agi sibad-wawaadmar bela duurmakdoed.’ Zacarías 13:7
25098	LUK 3:4	Epenne Bab-Dummad-gayaburba-barsoged-Isaías, Juanʼnik weyob narmaksagusad, deun sogsagusgu: “Dule-wargwen nega-dulesulidganba binnasur sunmaknonikoed, dulemarga sognonikoed: ‘Dule-Dummad-idu igar-mayemar, igar-swilidik mesmar.
25695	LUK 16:6	Abin-sogded: ‘Ibmar-gwallu bari-dulatar (100).’ Geb degi, dule-ibmar-akwed ega sogdemogad: ‘Mani-ganikid-garda be sue. Be sige, mani-ganikid-gardagi be narmake: Ibmar-gwallu bari-dulabo-gakambe (50) an ganiye.’
25696	LUK 16:7	”Geb a-sorba baidga sogdebalid: ‘Bedina, ¿igi-mani be ganimoga?’ Mani-ganikid, abin-sogded: ‘Madubur-gwagwaled-wilubsaleged-dulatar (100).’ Geb degi, dule-ibmar-akwed ega sogded: ‘Mani-ganikid-garda be sue. Madubur-wilubsaleged-dulabake (80) an ganiye be narmake.’
25862	LUK 20:14	”Ar nainugi-arbamalad, nainu-ibed-machi dani dakarmargu, na ega sogdemalad: ‘We-dule-danikidi e-bab-burgwisar, nainu bela egadbi guoed. Degisoggu, anmar we-machi-oburgwemarsun, adi, nainu anmargadga guegar.’
26290	JHN 5:11	Dule-nugusad, abin-sogded: —Dule-an-nudaksad, ar anga sogsad: ‘Be-egi-gabed be sedye, be naye.’
26357	JHN 6:31	Ar anmar-dadgandi nega-dulesulidgangi maná-guchamalad. Bab-Dummad-gardagi sognaid: ‘Madu-nibneggined-gunmalaga an imaksad.’ Éxodo 16:4; Salmo 78:24
27048	ACT 2:30	”Ar David Bab-Dummad-gayaburba-barsogedid, degisoggu, nue-wissunnad, igi-Bab-Dummad ega ise-sogar imaksa. Ega weyob sogsagusad: ‘Be-wagwa-gwensak beyob reyga an omesoye.’ Salmo 132:11
27071	ACT 3:6	Pedroʼdi ega sogded: —An mani sate, or satebalid. Degi-inigwele, an-ibmar-nikad an bega ukodo: ‘Jesucristo-Nazaretʼgined-nuggi an bega-soged, be gwisgu, yog-nanaar be gusun.’
27364	ACT 10:36	Ar bemar wismalad, Bab-Dummad gayaburba-nued Israel-dulemarga sogsad, ‘Gwage-bogidik-itoleged Jesucristoʼba an bemarga ukoye.’ We-Jesucristoʼde bela dulemar-Dummadga maisunnad.
30786	REV 2:1	Jesús sogdebar: “Anba-nanaimalad-Éfesoʼgi-bukmalad-e-baliwiturse garda narmak: ” ‘E-argan-nuedsik niisgwa-gwagugle-ganikid (7), gwallu-sied-gwagugle-olobiid-abargi-gudiid, weyob bemarga soged:
31053	REV 17:9	”Wegi-mag-dulemar-magar-itomaladga sognaid: ” ‘Nono-gwagugle-sogedi (7), we-yala-gwagugled-birgi-ome-siid-e-wilubganad.