1119	GEN 37:35	Bela e-masmala, degi, e-bunamala aisaale Jacob-gwage-baisur-itoge-imaknaidaenad, ar Jacobʼdi e-gwage-baisur-itoged abesurdaed. Aka bur bule e-machibina bodii daed, sogdii daed: “An-machi-burgwisad-ular, an burgwedse bodii guoye.”
2185	EXO 24:7	A-sorbali, Moisés dulemar-Bab-Dummad-ebo-Igar-Mesisad-garda susad, geb, dulemarga absoded. Dulemar abin-sogdemalad: “We-igar-maid-sogedba, degi, bela we-Bab-Jehová-anmarga-sogsadba anmar daoye.”
2325	EXO 28:31	Bab-Jehová Moisésʼga sogdebalid: “Mor-dummad-efodʼye-nugad, bela mor-aradbi be imakoed.
4326	NUM 20:14	Israel-dulemar Cades-neggweburgi bukwamargua, Moisés Edom-dulemar-e-reyse dulemar-gaya-berbemalad-barmisad, weyob ega sogsiid: “Be-gwenadgan-Israel-dulemar, weyob sogmalad: ‘Be nue-wisid igi anmar wiledanimala.
4381	NUM 22:5	Geb Balac, Balaamʼbina gochad, ese dagoye. Balaamʼde Beor-e-machid, Petorʼye-neggwebur-nugadgi maid. We-neggweburde Petor-yalagi, Éufrates-diwar-gakaba siid. Rey-Balac weyob Balaamʼga gayaburba barmisad: “Dulemar-Egipto-yalagi-noalidi, yeer mergued. Emide, we-dulemar anmar-yargi ambikunonimalad.
4424	NUM 23:7	Geb Balaam, Bab-Jehová-ega-ibmar-sogsadba sunmakded: “Dad-Ibeler-nakwiardaed-yalagansiki, Aram-yar-akar, Moab-dulemar-e-rey-Balac an-sealid. Ese dagye anga sogsad. Ega Jacob-wagan ukabsadaye, degi, Israel-dulemar ega iwisadaye, anga sogsad.
4483	NUM 25:11	“Finees-Eleazar-e-machi, Aarón-e-wagwad. Finees an-bela-belad-Israel-dulemargi-urwed onollomaksad. Ar ade, an-ibmar-bela-bela-imakbiedyobi, we-Fineesʼde bemarga imaksad. A-ulale, bar an Israel-dulemar obelossulid.
5098	DEU 6:10	Moisés Israel-dulemarga sogdebalid: “Be-Bab-Dummad-Jehová, be-dadgan-Abrahamʼga, Isaacʼga, degi, Jacobʼga, yar-ukedseye sogsagusad. Bab-Jehová a-yargine be-odononimaloed. A-yalagi, neggwebur-dummagan bubukwad, neggweburmar-nue-nasgumamai nanaed. A-neggweburmar, gwen bemar sobsasurmaladid.
5271	DEU 12:29	Moisés Israel-dulemarga sogdebalid: “Be-Bab-Dummad-Jehová, bemar-yar-susokalidgi, bemar-wagab e-dulemar-bukwad obelononikile, degine, bela e-ibe be ibmar-susale,
7109	JDG 21:5	Degi, Israel-dulemar na muchub-muchub egichiarmalad: “Israel-wagan-belagwable-bukwamaladi, ¿doa-wagan Bab-Jehováʼse-goled-negse arbisuli?” Ar dule Mizpaʼgi Bab-Jehováʼse arbisulile, ega igar ise-sogar megisad: “Oburgwilegoye.”
8731	1KI 1:11	Agine, Natán, Salomón-e-nan-Betsabéʼga sogded: “Omegwa-Haguit-machi-Adonías, anmar-dummad-David-wissuli reyga na dukin nug-imaksad, ¿be wisgusa?
9341	1KI 17:21	Geb Elías ilapaa mimmi-birgi megisadgi, sogdebalid: “An-Bab-Dummad-Jehováʼye, wilesagwadgi an bese egise, gannar be we-mimmi-odulogega be imake.”
9738	2KI 8:7	Ibagan-nasad-sorbali, Eliseo Damasco-neggweburse naded. Deunni, Siria-dulemar-e-rey-Ben-Adad nailikgumaid, geb ega sogsamalad: “Bab-Dummad-e-dule, wese noniye.”
9858	2KI 12:5	Ibagwengi Joás, dule-irwa-Bab-Dummadse-gormaladga sogded: “Bab-Jehováʼga-mani-weleged, dulemar-Bab-Jehováʼse-goled-negse-senonidaed, be weemalo. Degi, neggweburga-mani-galeged, degine, igar-maidba Bab-Jehováʼga-mani-ukleged sedamarbalo. Deginbali, dule e-binsaedba-Bab-Jehováʼga-mani-ukleged sedamarbalo.”
10127	2KI 21:4	Deyobbardo, Bab-Jehováʼse-goled-neggi, Manasés, bab-dummad-baidga-ibmar-ogumakleged-ailamar sobsabalid. Bab-Jehováʼde, ese-goled-negnik sogsa gusad: “We-anse-goled-neg, Jerusalén-neggweburgi-siidgi, an-nug obariledii an imakoye.”
10134	2KI 21:11	“Judá-e-rey-Manasés, Amorreo-dulemar-ibmar-isgana-imaksadba bur bule ibmar-isdar-daklemalad imaksad. Degi, Manasés e-bab-dummadga-imaklemaladgi, Judá-dulemar-oichosbalid.
10157	2KI 22:8	Geb dule-irwa-Bab-Jehováʼse-gormalad-bur-dummad-Hilcías, neg-gusmalad-narmaked-Safánʼga sogded: “Bab-Jehováʼse-goled-neggi, Bab-Jehová-Igar-Mesisad-Garda an amisa.” Geb degi, Hilcías, a-garda Safánʼga uksad. Geb Safán abin absosad.
10866	1CH 16:41	Wemarba, David, wemar-onug-imaksabalid: Hemán, Jedutún, degine, dule-baigan onug-imaksabalid. Adi, wemar Bab-Jehováʼga doggus-nuedye sogega, degi, we-namaked-swilidikidgi namakmalagar: “Bab-Jehová-e-sabguedi, degisadeguad.”
10992	1CH 23:4	David sogded: “We-dulemar-deyob-merguedgi, Bab-Jehováʼse-goled-neggi mili-dulagwen-gakabake (24,000) arbamaladid. Sapin-dummagan, degi, igar-nabomalad-dummagan milinergwa (6,000) mergubalid.
11335	2CH 7:6	Dule-irwa-Bab-Dummadse-gormalad gusgu e-ambikudamaladgi bukmalad. Levita-dulemardina, Rey-David Bab-Jehová-nug-odummogega garmar-ogorleged-sobsagusadi ogotemalad. Degine, we-namakedgi namakbukmalad: “Bab-Jehová-e-sabguedi, degisadeguad.” Degi, geb Levita-dulemar-asabin, dule-irwa-Bab-Dummadse-gormaladdi, gar-trompeta ogotedamalad. Degine, bela Israel-dulemardi gwigwichimalad.
13689	JOB 34:2	“Bemar-binsaed-ibegan-gumalad, nue an-sunmaked be itomalo. Bemar-nue-ibmar-wismalad, nue be an-itomalo.
15939	PSA 118:2	Israel-dulemar, emisgi be sogmala: “Bab-Dummad-e-sabgued, degisadeguye.”
15940	PSA 118:3	Aarón-e-wagan, emisgi be sogmala: “Bab-Dummad-e-sabgued, degisadeguye.”
15941	PSA 118:4	Bab-Jehová-dobekwaa-gudimalad, emisgi be sogmala: “Bab-Dummad-e-sabgued, degisadeguye.”
16293	PSA 137:3	Dule-anmar-gasa-sesmaladi, anmarga sokardaed, namakmarye. Dule-anmar-ibe-ibmar-susmaladi, anmarga sokardaed, anmarde wergumarye. Anmarga sokardaed: “Be-Sión-yargi-namaklemaladi, be anmarga namakye.”
16564	PRO 4:4	an-bab an-odurdaksad, weyob anga sogsad: “An-bega-ibmar-soged, ulubgi be nue-sedii imako. An-bega-ibmar-soged be imako. Deyob be imakele, we-napneggi suitii be gudiguoed.
17387	ECC 1:2	“We-napneggi-ibmar-imaklegedi, binsarsunna imakleged, bela igarga gwen gusulid.”
17601	ECC 12:8	Odurdaked-saila weyob soged: “We-napneggi-ibmar-imaklegedi, binsarsunna imakleged, bela igarga gwen gusulid.”
17634	SNG 2:10	An-sui-nue-sabesailad anga sunmaksad. Weyob anga sogded: “An-ome-nue-sabesailad, be gwisguye. ¡Ome-yeerdakleged, be anba dagye!
17735	ISA 1:11	Bab-Jehová soged: “Be-ibmar-ukleged-bukidaradi, ¿ibi-nuedga anga wis gue? Ar gwen an abemaisulid. Ar sibad-wawaad-machergan-ogumakar-anga-ukleged an budar dakgusad. Ar ibdurgan-wardummagan-e-gwallu-anga-ukleged an budar dakgusad. Moli-bebe-nikad-machergan-e-ablis an abesulid, sibad-wawaadmar-e-ablis an abesulid, sibad-machergan-e-ablis an abesulid, we-ibmarmar, gwen bai an daksulid.
17855	ISA 7:3	Geb degi, Bab-Jehová Isaíasʼga sogded: “Be-machi-Sear-Jasubʼbo, Acaz-abinguega be nae. Bia dii-gammu-maid dii-wilad-dummad-siid-akar dii-sedanidae, a-bergunaid-nagaba be abinguoed. We-dii-gammude, mor-odidued-neg-igar-nalemaidsik maid.
18002	ISA 14:4	Babilonia-e-reygi we-sabsur-emar-obingesaar-namaklegedgi be weyob namakmaloed: “Dule-emar-mesagwar-sadiid, igi-gusa be dakmarsunna. E-urwedi, igi-bergus be daksunna.
18321	ISA 31:1	Isaías weyob sogded: “Egipto-dulemarse-bendakleged-amibukmaladi, ¡duledar-wilesmar! Egipto-molimargi-bensurmaladi, degi, e-moli-ur-bila-onomalad-bukidar-nikadgi-bensurmaladi, ¡duledar-wilesmar! E-sorda-bila-onomalad-ganguedgi bensurmaladi, ¡duledar-wilesmar! Ar Israel-dulemar-e-Bab-Dummad-Isligwaleddi baisur-dakmalad, ar Bab-Jehová-amiedgindi gwen binsasurmalad.
18432	ISA 37:10	ega sogegar: “Judá-e-rey-Ezequías, be-Bab-Dummad-egi-be-bensurgudiid bega-sogedi: ‘Asiria-e-rey Jerusalén-neggwebur suosurye.’ Mer be-Bab-Jehováʼse be yardaklego.
18522	ISA 41:1	Bab-Dummad weyob soged: “Neggwebur-demar-gakaba-bukmalad, bogi an-abin ambikumalo. Dulemar-yar-baid-baidgi-bukmalad, gandik be imakmar. Walikaa be dagmar, be sunmakmar. Anmar igar-nabogega ambikumar.
18546	ISA 41:25	Bab-Dummad sogdebalid: “Dad-nakwed-argan-sapiledsik, dule-gwensak-dagega an imaksad. An-ese-gochad, an-itosad. We-dule, dad-nakwedsik an-nug odummogoed. We-dule, dule-dummagan-negsemamaid-birgi dule-napsa-sobed-napsagi-dii-dii-annanaiyob imakoed.
18604	ISA 44:1	Bab-Jehová soged: “An-mai-Jacob-dulamar, Israel-dulamar-an-na-susad. ¡Emigi, nue be an-itogo!”
18645	ISA 45:14	Weyob Bab-Jehová soged: “Egipto-e-ibmar-nuegan, degi, Etiopía-e-ibmar-nuegan, begadga gumaloed. Sabeo-dule-burwisurmaladi, be-sorba esgoro-dubgi ebipilemai gumaloed. Bemar-asabinni yokorgi-sindigar bukumaloed, ise-wilesakwaa bemarga sogdamaloed: ‘Unnila Bab-Dummad wargwenna-mai, Bab-Dummad-baid suli. We-Bab-Dummadi, bemarba naid.’ ”
19008	ISA 66:17	Bab-Jehová soged: “Dulemar-san-islidik-imakmaladi, degi, san-swilidik-imakmaladi, dule-negabargi-nadapidba nadapmalad, adi, bab-dummadyob-imaklemalad-dudumar-galuse-dogega. Bela-wemar na mesa burgwemaloed. Dulemar-sin-gunmalad, nusa-gunmalad, degi, ibmar-baigan-isemalad-gunmalad, bela-mesa bergumaloed.
19014	ISA 66:23	Bab-Jehová soged: “Nii-binid-gwisgued-ilibali, degi, obunnoged-ibagan-ilibali, bela dulemar an-nug-odummodii gumaloed.
19029	JER 1:14	Geb Bab-Jehová anga odaloded: “Dad-nakwed-sapiled-akale, bela we-yalagi-dulemar-bukwadgi, boni-dummagan an barmidoed.”
19106	JER 4:10	Ani Jeremías sogded: “An-Bab-Dummad-Jehová, nue be we-dulemar yardaksad, nue be Jerusalén-dulemar yardaksad. Ega be sogsagusanad: ‘Bonisuli be gudii gumaloye.’ Emide be dakena, boni-dummaganba galitonanaid.”
19167	JER 6:9	Bab-Jehová-Bela-Gangued-Nika-Maid weyob soged: “Israel-dulemar-dula-bemaloedi, bela amiledii gulemaloed. Igi uva-san belallaa weledae, e-gaagi gwen gwagwenad obeledasuli, debayobi, dule-wargwenad gwen obelegosulid.”
19243	JER 8:21	Geb an abin-imaksad: “An-dulemar-nunmak-itogedbali, an nunmak-itomogad. An nue bukib-binsaedba, bela-belad angi dobednagusad.
19404	JER 15:20	Bab-Jehová soged: “Galu-esgoro-gordikid-matusulidyobi, we-dulemarga an be-imakoed. We-dulemar bebo urwemaloed, degi-inigwele, begi obinosurmalad. Ar ani an be-bendakega guoed. We-dulemargi ollorguega an be-imakoed.
19427	JER 17:1	Bab-Jehová soged: “Judá-dulemar-e-isguedi, e-gwagegi, esgoro-swiswidikidgi narmakar naiyobid, akwa-diamante-e-dukugi narmakar naiyobid. Judá-dulemar-e-isguedi, Bab-Dummadga-ibmar-ogumakar-ukleged-aila-e-bebegi sobles naid.
19564	JER 23:11	Bab-Jehová soged: “Bab-Dummad-gayaburba-barsogmaladi, dule-isganamalad. Dule-irwa-Bab-Dummadse-gormaladi, dule-isganamarmogad.”
19601	JER 24:8	Bab-Jehová soged: “Judá-e-rey-Sedequíasʼdi, degi, e-dummagana, degine, Jerusalénʼgi-gudimaladi, Egipto-yarse-abar-wakitemaladi, higo-san-isganayob an dakoed, higo-san-geg-gullemaladyob an dakoed.
19746	JER 30:10	Bab-Jehová soged: “An-dula-Jacob-wagan, melle be gwayemar. An-dula-Israel-wagan, melle be dobee itomar. Jacob-wagan, ar an we-yargi be-onogoed, ar be-wagan-Babiloniaʼse-gales-selesmalad an onogoed. Gannar be bogidik-gudii guoed. Dobedsuli be garmakdii guoed, dulemar bar be-ogwayosurmalad.”
20063	JER 42:19	Ani Jeremías sogdebalid: “Judá-dulemar-napi-besmalad, Bab-Jehová weyob bemarga sogsad, melle be Egipto-yalase namaloye. Ebinsamalo, an bemarga iduakwaa-ibmar-sognaidi, napiragwad.
20266	JER 50:31	Bab-Jehová-Bela-Gangued-Nikad soged: “San-dummarba-imakmalad-yala, an begi gwichiguoed. Emide, sabsur-odurdakleged-ibagan bega nagunonikid.
20620	EZK 5:5	Bab-Jehová-Bela-Gangued-Nikadi weyob soged: “We-Jerusalén-neggwebur-siidi, neggwebur-bamalad-abargi, degi, dulemar-yar-baid-baidgi-bukwamalad-abargi an sisad.
20700	EZK 9:9	Bab-Dummad an-abin-imaksad: “Israel-dulemar-e-isgued, degi, Judá-dulemar-e-isgued bela-bela dummarba gued. We-yar-naidgi na sabsur-imakmalad doggusad, igar-innikigwad-imaklesulidi wilub-obichad. Ar ade, na binsamalad: ‘Bab-Jehová we-yargi wakiteye, Bab-Jehová e-dakmaisurye.’
21634	EZK 42:13	Dule anga sogsad: “Dad-nakwed-argan-sapiledsik, degi, dad-nakwed-argan-nuedsik, gwardumar neg-imba-senigwad-naid-asabin-bukwadi, gwardumar-islidikidid. Agi, dule-irwa-Babse-gormalad Bab-Jehováʼga-ibmar-ukega ese-asabin-nonidamaladi, bur ibmar-ukleged-islidikid gunmaloed. Agi, orosgwaggi-dakleged-ibmar-ukleged, isgued-ular-ibmar-ukleged, degi, dule-baidgi-nosad-ular ibmar-ukleged urbemaloed, ar ade, we-gwardu, neg-islidikidid.
22408	JOL 3:1	Bab-Jehová sogdebalid: “We-ibmar-gusad-sorbali, An-Burba bela-dulemargi an odenonikoed. Be-masmala, degi, be-bunamala, an-gayaburbagi sunmakdemaloed. Selebagusmalad gabdakdemaloed, sapingana negburgan dakdemaloed.
22424	JOL 4:12	“Dulemar-yar-baidgi-bukwamalad, be dagmala, Josafat-Nebase be dagmala. A-nebagine, dulemar-yar-baidgi-bukwamaladga igar-nabogega an signonikoed.
22476	AMO 3:12	Bab-Jehová weyob soged: “Igi-sibad-wawaad-edarbedi, e-sibad-wawaad achumigurse-galealile, aisaar na bendaknaidae, degi-inigwele, unnila e-malibi, e-uayadukubidibe na gadapdae, deyobi, wis Israel-dorgan-Samariaʼgi-bukwadi san-onogoed. Deyobi, wis Israel-dorgan-Damasco-neggweburgi gan-mua-muadgi-sigmaladi, san-onogoed.”
22933	HAG 2:9	Bab-Jehová-Bela-Gangued-Nikad weyob soged: “Anse-goled-neg-binid, bur idualedba, yeerdakle guoed. We-neggi neg-bogidik an nasikoed.” Bab-Jehová-Bela-Gangued-Nikad deyob soged.
23196	MAL 3:7	Bab-Jehová-Bela-Gangued-Nikad soged: “Be-dadgan-ibagan-akale, bemar an-igar-maidgi aibandimalad, eba be ibsadisurmalad. Be gannar anse dagmala, an gannar bemarse namogoed. ”Degi-inigwele, bemar sogmalad: ‘¿Ar ibiga anmar gannar bese naosunna?’
23583	MAT 12:25	Ar Jesús, Fariseoʼmar-binsanaid mag daksoggu, amarga sogded: “Rey-gwensak-neggwebur-dakmaidgi, e-sordamar na dukin-dukin aibinnarmalale, we-neggwebur bergudeled. Degine, ar neggweburdibe, neg-yagindibe, e-neg-yaginmalad na egi aibinnarmalale, we-neg bergudeled.
23653	MAT 13:45	Jesús sogdebalid: “Bab-Dummad-e-negdakmaid, dule-wargwen-ibmar-baked dimmurgiid-e-akwa-yeerdakleged-amidiidyob gued.
24895	MRK 14:72	Degi-sogsagu, gannir gannar namakdebalid, ase ilabogus namaked. Agi Pedro ebinsaas-naded igi Jesús ega ibmar sogsa: “Gannir-ilabo-namaked-iduar, be ilapaa an-osulogoye.” Geb Pedro ise-boar naded.
25071	LUK 2:29	“Bab-Dummad-Bela-Negsemaid, an be-mai gued. Emigindi, be-ibmar-sogsadyob, bogidikidgi be an-sedsun,
25605	LUK 13:18	Jesús sogdebar: “Bab-Dummad-e-negdakmaid, we, ¿igi an sogmalargebe, ibi-ebo an wilubdakmalargebsunna?
25607	LUK 13:20	Degi, Jesús gannar sogdebar: “Bab-Dummad-e-negdakmaid, ¿ibu-ebo an wilubdakosunna?
26863	JHN 18:9	Ar weyob gusdo, adi, Jesús-ibmar-sogsadba guega: “Be-anga-dulemar-uksadi, wargwensaar an oyoggussulid.” Juan 6:39
27115	ACT 4:24	Jesúsʼba-nanaimalad, Pedro-deyob-ega-soge, Juan-deyob-ega-soge itosmargua, belagwapa na danale Bab-Dummadse gotemalad, sogdemalad: “Bab-Dummad-Bela-Negsemaidye, bee be nibneg obinnisad, bee be napneg obinnisad, bee be demar obinnisad, degine, bee be bela ibmar obinnisad.
27220	ACT 7:35	Degi, Esteban sogdebalid: “We-Moisés-yapa-abingamaladbali, ega sogsagusmalad: ‘Anmar-dummadga-guega, degi, anmarga-igar-nabogedga-guega, ¿doa-dule be-onugsasa?’ Emide, a-Moisés Bab-Dummadi Israel-dulemar-e-dummadga-guega onugsasad, degi, Israel-dulemar-onogega onugsasbalid. Bab-Dummadi e-baliwitur-ganguedba deyob imaksad. We-baliwiturde, epenne sapi-gwabunye-gwichid-abargi Moisésʼse magaros-gusadid.
27428	ACT 12:22	Dulemar-Herodes-itobukwad binnasur gotemalad: “We-dule-ibmar-sogsiidi, gwen dule sunmaksulid, Bab-Dummad sunmak an itomalad.”
27614	ACT 17:22	Degisoggu, Pablo, igar-itoged-neg-Areópagoʼye-nugadgi emar-abargi gwisgudgu, sogded: “Girmar-Atenasʼgi-be-bukmalad, an be-dakmargu, bemar bab-dummadye-sogmaladga-ibmar-imakbukwad nue-dobee nanabukmar an be-dakmardo.
28274	ROM 10:18	Ar an egismosundo: ¿Wede Israel-dulemar, Bab-Dummad-gayaburba itossurmarsi? Itosmala. Ar Bab-Dummad-Garda soged: “Bab-Dummad-gayaburba-barsoglenaid, bela napneg-naidgi barmilesad. Ar sukun-gwen-bessuli e-gayaburba warmaknaid.” Salmo 19:4
28381	ROM 15:10	Amba Bab-Dummad-Gardagi sognaibalid: “Dulemar-yar-baid-baidginmalad, Bab-Dummad-dulamarba be wergumar.” Deuteronomio 32:43
30844	REV 4:8	Wemar-ibdula-walabakegwadi bela sakan nergwa (6) nikadbimalad. E-sakan-birgine, degine, e-sakan-urbali, bela ibyagibi dakleged. Mutikidbali, degi, ibginedbali, weyob-soged gwen bogilenaisurmalad: “Bab-Dummad-Bur-Biriginedi, Bab-Dummad-Isligwaledid, Bab-Dummad-Isligwaledid, Bab-Dummad-Isligwaledid. Bab-Dummad-Bela-Gangued-Nikad, gudigusad, Bab-Dummad-Bela-Gangued-Nikad, gudiid, Bab-Dummad-Bela-Gangued-Nikad, gudigubaloed.”
30908	REV 8:13	Deyob an dakgwisgu, sulubagi nibneggi-gukue an itoged, binnasur-soge an itoged: “Dulemar-we-napneggi-bukmalad, ¡duledar-wilesmar! Baliwitur-baigan-warbaagwad gar-trompeta-ogotemalale, we-dulemar nue-wilemaloed.”
30957	REV 11:17	sogdemalad: “Bab-Dummad-Bur-Birigined, be bela gangued-nika maidid. Be dula gudiidid, dula gudigusadid. Ar bela be gangued-susadba, anmar bega dog-nuedye sogmalad. Emigindi, bela na be negdakmaisunnad.
31155	REV 22:6	Geb degi, baliwitur anga sogdebalid: “We-gayaburbamar-bega-soglesadi, napiragwadid, nue-innikigwadid. Degine, Bab-Dummad-anmar-Dummad na e-gayaburba-barsogmaladga-e-burba-ukedi, e-baliwitur barmialid, adi, e-maimarga ibmar-emisgwa-gumaloed oyogegar.”