244	GEN 10:9	Nimrod, Bab-Jehová-nabir-egi-binsasadba sapurba ibmar-maked-dule gusad. A-ulale, weyob-sogleged: “Dule-Nimrodʼyob ibmar-maked-duleye.”
1146	GEN 38:26	Judá e-ibmarmar magar-daksagu, sogded: “Ar ani an Tamarʼga an-machi-Sela uksasursoggu, Tamar nabir imaksad. Andina, igar-maidgi bur nue-dummad-nosad.” Judá bar e-balase bipisaar gochasulid.
2383	EXO 29:46	Adi, deyob Israel-dulemar wisgumaloed: Ani an, e-Bab-Dummad-Jehová guye. Ani an, emar-Egipto-yargi-wilebukwamargu, onosye, adi, emar-abargi an gudii guegarye. Ar ani an, Bab-Jehová gued, ani an, e-Bab-Dummadid.”
2443	EXO 32:4	Aarón bela we-ormar abingasad. Geb soogi or dusad. Binna-binna sobe-sobe imaksad, moli-bebe-nikad-sapingwagwadga obinnisad. Geb degine, bela sogdemalad: “¡Israel-dulemar! Wemar be-bab-dummagan-dake. Wemar, Egipto-yargi bemar-onosad-dake.”
2989	LEV 10:11	Deginbali, ani, Bab-Jehová, an bemarga Moisésʼba igar-uksagusad, bemar Israel-dulemar-odurdakoed.”
3620	NUM 1:15	Neftalí-e-wagansik, Enán-machi-Ahira.”
4846	NUM 34:28	Dad-Neftalí-wagan-e-dummad, Amiud-machi-Pedael.”
5107	DEU 6:19	Deginbali, Bab-Jehová, bega-sogsadba, be-asabin be-isdarmalad-ononnogoed.”
5819	DEU 33:7	Moisés, Judá-wagangi ise-nued sunmakdegu, weyob sogded: “Bab-Jehováʼye, Judá-wagan-bese-binnasuli-goled be itoge, e-dulemarse gannar be sede. Be-garganguedgi be Judá-wagan-bendakdage.”
6598	JDG 3:28	Degi, Aod Israel-dulemarga sogded: “¡Anba dagmalo! Bab-Jehová, anmarga Moab-dulemar-urmaksad.” Geb Israel-dulemar Aodʼba duurmakdemalad. Degi, Moab-dulemar-ibe Jordán-diwar-obakleged-igarmar susad, Moab-dulemar asik bar obakega imaksasulid.
6711	JDG 7:15	Gedeón gabdaked-itosgu, e-odulolesad-itosbargua, Bab-Dummad-nug-odummosad. Geb gannar Gedeón Israel-sordamar-danar-danar-bukwadse nonikid, gornonikid: “Gwisgumar, Bab-Jehová anmarga Madián-sordamar-urmaksad.”
6776	JDG 9:20	Ar degisulile, Siquem-dulemar-obelogega, degi, Milo-dulemar-obelogegarba, Abimelecʼgi soo-gwabunyeyobi boni-dummagan-nodasun. Degi, Abimelec-obelogega, Siquem-dulemargi, degi, Milo-dulemargi soo-gwabunyeyobi boni-dummagan-nodamosun.”
6891	JDG 13:5	Ar ade, be gurgin-nika guoed, degi, bega goe-susugwa uklegoed. Bipisaale, e-ibe sailagia siklegosulid. Ar machigwade, e-gwalulegoed-iduar bato unnila Bab-Dummadgarbi-arbaega nugsalegoed. A-ulale, Nazareoʼye bilegoed. Degi, be-machi Filistea-dulemar-e-ganguedgi Israel-dulemar-ollorsaoed.”
7095	JDG 20:39	Geb Israel-sordamar bila-onolenaidgi yamo wakitemargu, Benjamín-sordamar dulagwen-gakambe (30) Israel-sordamar-ogilosmalad. Geb Benjamín-sordamar sogsamalad: “Napira-we-dulemar anmarse galakumaid, gebe-anmarse-gusbalidyob.”
7188	RUT 3:14	Rut a-mutiki Booz-nag-duksik gabidsunnad. Geb bolegoedbali, amba negsichi-sichigwadgi, dulemar-ataked-idu, Rut gwisgusad. Ar ade, Booz sogsa gusad: “Dulemar wisguosulid, cebada-omukuleged-negse ome-gwensak-arbid.”
7629	1SA 17:9	Ar anbo-urweye-sogele, degi, an-ese-burgwenonikile, an-sordamar bemar-maiga gumaloed. Ar an a-dule-oburgwisardi, bemar anmar-maiga-gumaloed.”
7857	1SA 24:16	Ar Bab-Jehová igar-nabogedga guoed. Anmargine na e sogoed, ar doagi bur ataklegoe. Bab-Jehová an-ibmar-imaksad daksad. Geb begi an-bendakoed, begi an-ollor-imakoed.”
7886	1SA 25:22	An neg-oiboged-iduar bela Nabal-e-neguyagi-bukmalad an ogilossulile, Bab-Dummad sabsur-an-odurdaksunno.”
8059	2SA 2:7	Mer galakumalo, niga-ogannomalo. Be-dummad-Saúl-burgwissoggu, Judá-dulemar e-reyga an-nug-imaksamalad.”
8119	2SA 3:35	Degidgine, bela dulemar ise-wilegar Davidʼga sogdemalad, neg-mutikgudoed-iduar wis mas-itoye. Davidʼdi na ise-sogar sogsad: “Neg-mutikguedse geb an mas-itogoye, an deyob imaksulile, Bab-Dummad sabsur-an-odurdakoye.”
8272	2SA 11:10	Geb Davidʼga sognonimalad: “Urías e-negse-gabiapsurye.” Agine, David, Uríasʼga sogded: —¿Ibiga be-negse be obunnoapsuli? Ar be undar-bangu danisursi.
8515	2SA 19:2	Agine, Joabʼga sognonimalad: “Rey-David Absalón-burgwisad-ular nue-bodiiye, nue-wile-itodiiye.”
8722	1KI 1:2	Aga Davidʼga-ibmar-imakmalad sogdemalad: “Dummadga yagwa-yoo-sui-nikued anmar amiergebodo. Adi, ega ibmar-saega, akwebaliga, deginbali, e-yarba-megbaliga, adi, nabir reyga uka-uee-saegar.”
8812	1KI 2:39	Birgapaa-nasgu, Simei-mai-warbogwad Gat-neggweburse Maaca-machi-Rey-Aquisʼse wakicha gusmalad. Dule-gwensak Simei-owisosad, ega sognonikid: “Be-maiga-gudimalad Gat-neggweburgi-gudimarye.”
9091	1KI 10:9	”Bab-Jehová-e-nug an odummoged. Be-Bab-Dummad-Jehová, yeer be-daksadba Israel-dulemar-e-rey-gangi be-sisad. Ibmar-innikigwad-imakega, degine, ibmar-sogedba-imakega, e-reyga be-nug-imaksad. Ar ade, Bab-Jehová Israel-dulemar-sabgudiguad.”
9340	1KI 17:20	Geb Elías Bab-Jehováʼse goted, weyob sogded: “Bab-Dummad-Jehováʼye, ibiga we-ome-an-akwedga be nunmaked-uknai. Emide, be ei e-mimmi-oburgwisad.”
9709	2KI 6:31	Geb degi, rey binnasuli goted: “Bab-Jehová emi-ibagi Safat-machi-Eliseo-ibe an dukar egwachasulir, be sabsur-an-odurdaksunno.”
11578	2CH 18:31	Ur-napagined-dakmalad-dummagan Josafat-daksamargu, binsadmalad: “We, Israel-e-rey.” Degisoggu, Josafat-ebilis ambikusmalad, egi gwichigunonikid. Geb degi, Josafat Bab-Jehováʼse sabsur-gotegu, Bab-Jehová, Josafat-bendaknonikid. Bab-Dummad Siria-sordamar Josafatʼgi-banguega imaksad.
11755	2CH 26:18	A-dulemar Rey-Uzíasʼga urwedgi weyob sogdemalad: “Rey-Uzías, Bab-Jehováʼga ina-wawadikid-ogumaked-igar bega maisuli. Wedi unnila dule-irwa-Bab-Dummadse-gormalad Aarón-wagan-e-arbaedid. Amardi ina-wawadikid ogumakega onugsalesad. Emisgwa, be Bab-Dummadse-goled-neggi be noe, ar ade, be Bab-Jehováʼgi dummad-nosad. A-ulale, Bab-Jehová be-nug-odummogosulid.”
13797	JOB 37:24	Bab-Dummad, dule-na-ibmar-wisirbaye-sogdiidi, gwen ibmar-wisi daksulid. A-ulale, dulemar Bab-Dummad-dobmalad.”
13870	JOB 40:2	“¿Ar dule Bab-Dummad-Bur-Biriginedgi-urwenaidi, gan-bipigi Bab-Dummad-osioye binsasunde? Ar degite, we-dule, Bab-Dummad-abinsado.”
13958	PSA 2:9	Sabsur-gandikidba be negseoed, sianar-irgwensur-mamariddaedyobi, be a-dulemar-imakoed.”
14229	PSA 22:9	“Bab-Jehováʼgi bensurye-sogdiid, degite, Bab-Dummad e-bendakdado. Bab-Dummadgi-wergudiiye-sogdiid, degite, Bab-Dummad-e-sunnagwad we-ibmargi e-ollor-imakdado.”
14310	PSA 27:8	An-gwage anga-soge an itoged: “Be Bab-Jehová-amie.” Bab-Jehová, an be-amied.
14715	PSA 50:15	Bonigan-abalagi be gunaidgi, anse be gole, an be-bendaknonikoed. Bedi be an-nug-odummogoed.”
16649	PRO 7:4	Binsaed-nikaguedga be soge: “Be an-bunye.” Ibmar-wisiguedga be soge: “Be an-ai-nuedye.”
18619	ISA 44:16	Abala, a-suar, sapanga imakdamalad. Egine, geb na mas dudamalad, degi, san nariddamarbalid, geb nue-immelesdamalad. Geb deginbali, egi wadamarbalid. Sogdedamalad: “Soo-gasgu, wis uka-uegus-itole.”
18620	ISA 44:17	Geb suar-gwabgusadgi, suar-nuchu sobdamalad, e-bab-dummadga imakdamalad. Geb asabinni yokorgi-sindigar sigdamalad, e-nug odummoddamalad. Geb ise-wilegar ega sogdedamalad: “Be an-bendake, ar bee be, an-bab-dummadid.”
18944	ISA 63:8	Ar Bab-Dummad weyob sogsad: “Ar napiragwa, wemar an-dulamalad, mimmigan-an-yardakmalosulidid.” Deyobi, e-suli-suli-itogedgine, Bab-Dummad bendaknonikid.
19020	JER 1:5	“Jeremías, amba yoo be sapibeneggi-mege bato an be-susad. Amba yoo be gwalulege, bato angadga an be-imaksad. Dulemar-yar-baid-baidgi-bukmaladga an-gayaburba-barsogedga bato an be-nug-imaksad.”
19575	JER 23:22	Ar we-dulemar angi binsaed-amisana, an-dulamarga an-gayaburba sogsamalanad, ibmar-isgana-imakmaladgi an-dulamar-obangusanad.”
21370	EZK 33:21	Anmar birgambe-gakabogus gaka nii-warambegwad-ibatargus, anmar gales-ebipilear-gusmaladgine, dule-Jerusalén-neggweburgi-wakichadi, anse nonikid, weyob anga sognonikid: “Jerusalén-neggwebur e-isdarmaladse-sulesye.”
21599	EZK 41:4	Deginbali, Neg-Islidikid-yaba-solanapi-neg-senigwad-siid-e-sugued wilubsasbalid, adi, daliatar (5) sugued. E-yaadunguedi, amba deyobi daliatar (5) dungumogad. Geb degine, anga sogded: “We-nega, Neg-Ise-Islidikidye.”
22286	HOS 9:9	Bemar Gabaaʼgi-dulemar-gusmaladyobi, nue bela-belad be isgudmalad. Ar Bab-Dummadi, be-isgued iegosulid, be-isguedba sabsur-bemar-odurdakoed.”
22290	HOS 9:13	Efraín-yala, Tiro-yalayob-dakleged. Yala-nuedgi bukwamalad. Degi-inigwele, Efraín-dulemardi burgwed-igarba na e-mimmigan-semamaid.”
22466	AMO 3:2	“Bela-dulemar-napneggi-bukwad-abargi unnila bemarbi an be-susad. Degi-inigwele, bela-bemar-ibmar-isgana-imaksadbali, an sabsur-bemar-odurdakoed.”
22675	MIC 2:11	Ar dule-gwensak yogasaar-gakansaedgi weyob sognonikile: ‘An bemarga-sunmakega, vino be anga udamaloye, sisa be anga udamaloye.’ We-neggwebur Bab-Dummad-gayaburba-barsogedyobi, we-dule-dakdoed.”
23005	ZEC 4:14	Geb baliwitur anga odulodsunnad: “We-olivo-sarbogwadi, dule-nug-imaklegarmaladid. Bab-Jehováʼga-arbaega, nug-imaklesmaladid. Ar Bab-Jehová, bela napaneg-naid-ibedid.”
23831	MAT 18:35	Geb degi, Jesús sogded: “Ar bemar bela gwagegi na be-gwenad-begi-nosad be ega sogsurmalar, igi-barsaye, deyobi an-Bab-nibneggi-maid bemar-sabsur-imakmarmogoed.”
23845	MAT 19:14	Jesúsʼdi e-sapinganga sogded: “Mer ese urwemar. Mimmigan anse daged be imakmar. Mer be igar gamala. Ar Bab-Dummad-e-negdakmaid we-mimmiganyob-damaladgadid.”
24979	LUK 1:17	Ar be-mimmi-Juan, Elíasʼyobi Dule-Dummad-idu-nadapi guoed. Deyob Bab-Dummad-Burba, degi, Bab-Dummad-gangued-nika guoed. Adi, babgan gannar na e-mimmiganbina itogerba guega, degi, dule-galagwensuli-gudimaladi dule-nueganga imakega, binsaed-nikaa damalaga, degi, guagwar dulemar-urbega, adi, Bab-Dummad-abingamalagar.”
25066	LUK 2:24	Degine, Bab-Dummad-gardagi narmakar-naibalid, Bab-Dummadga we-ibmar-ukoye: “Sapur-nuu-gwabodibe, wagnuu-mimmigan-gwabodibe.” Levítico 12:8 We-igar-maidba imakegala, na nonimalad.
25292	LUK 7:28	”Ani an bemarga soged: Dulemar we-napneggi-gwalulemaid, Diigi-dule-oged-Juanʼba bur-dummad sated. Ar degite, Bab-Dummad-e-negdakmaidgi bur dule-bipigwadi, Juanʼba bur-dule-dummadid.”
26051	LUK 23:47	Roma-sorda-dulatar-sediid (100), weyob-ibmar-gusad daksagu, Bab-Dummad-nug ogannoded, sogded: “Ar we-dule, dule-nueddaed-napiragwadid, gwen-ibmar-oakalossulid.”
26931	JHN 19:37	Deginbali, baidgi narmakar naibalid: “Dulemar-eswargi-ewarismalad a-dule-dakmaloed.” Zacarías 12:10
26954	JHN 20:18	Geb María-Magdalena, Jesús-sapinganse gayaburba sognadsunnad: “An Dummad-Jesús-daksaye.” Degine, María bela-Jesús-ega-ibmarsogsadi, amarga sogdapid.
28281	ROM 11:4	Degite, ¿igi Bab-Dummad Elías-abin sogsasunna? Ega sogsado: “Machergan-miligugle (7,000) an na sabosad. Wemar, bab-dummadga-imaklediid-Baal-asabin, Bab-Dummadyob-dakega, yokorgi-sindigar-sigissurmaladid.” 1 Reyes 19:18
28717	1CO 12:15	Ar mali sokardibe: “Ar an argansursoggu, an san-e-sordasurye.” Degi-sogedba, soglesurdo, mali, san-e-sordasurye.
28718	1CO 12:16	Ar uaya sokardibe: “Ar an ibyasursoggu, an san-e-sordasurye.” Degi-sogedba, soglesurdo, uaya, san-e-sordasurye.
30056	HEB 2:12	Jesús, Bab-Dummadga soged: “An-gwenadganga an begi sunmakoed, an-gwenadgan-danar-ambikued-abargine, namakedgine an be-nug-odummogoed.” Salmo 22:22
30785	REV 1:20	Niisgwa-gwagugle (7) an-argan-nuedsik-gani be an-daksadi, degine, gwallu-sied-gwagugled-olobiid be daksabalidi, ¿wede ibu obarilesunna? Niisgwamar-gwagugle (7) be daksadi, wemar Jesúsʼba-nanaimalad-bukmalad-sogagugled-e-baliwiturmalad. Gwallu-sied-gwagugled (7) be daksabalidi, wemar Jesúsʼba-nanaimalad-sogagugledid.”
31062	REV 17:18	Be ome-daksadi, Neggwebur-Nue-Nug-Nikadid. We-neggwebur, we-napneggi reymar-birgi negdakmaid-e-wilubganad.”