232	GEN 9:26	Geb degi, Noé sogdebalid: “Sem-e-Bab-Dummad-Jehová, a-e-nug odummolesun. Sem-maiga Canaán gudii gusun.
1167	GEN 39:17	Geb degine, ome dule-baiganga-sogsadyob e-suiga sogdebalid: “Hebreo-mai-be-anmarga-senonikidi, angi dodogega an-gabedyaba dogsad.
1247	GEN 41:51	José e-machi-gebesailagined Manasésʼye onugsasad, ar ade, José soged: “Bela-nunmaked-dummad-an-itosad, iegega Bab-Dummad an-imaksad, degine, an-gwenadgan-iegega an-imaksabalid.”
2274	EXO 27:1	Bab-Jehová Moisésʼga sogdebalid: “Anga-ibmar-ogumakar-ukleged-aila, be imakbaloed. A-aila, urgo-acaciaʼye-nugadgi emarbi yaa-dungu be imakoed. E-sugued, daligwen-gaka-achabo, e-matardungued, daligwen-gaka-achabobar. E-nibgueddi, bisgipaa.
3100	LEV 13:47	Bab-Jehová, Moisésʼga, degi, Aarónʼga sogdebalid: “Sibad-wawaad-absargi-mor-makaledgine, degi, lino-dubgi-mor-makaledgine, gutu-nai daklealile,
3733	NUM 3:40	Bab-Jehová Moisésʼga sogded: “Israel-dulemar-e-masmala-sailaginmalad, nii-wargwen-nikamaladse-bakale, bela ebiso, degine, e-nugmar be narmakbalo.
4692	NUM 31:26	“Dule-irwa-anse-goled-Eleazarʼga, degi, Israel-dule-danar-danar-bukmalad-e-dummaganga ibmar-ebisega be-bendakmarye be sogo. Dulemar-gales-selenonimalad be ebismalo, degi, bela ibdurganmar-gales-selenonimalad ebismarbalo.
4966	DEU 2:26	Moisés sogdebalid: “Nega-dulesulidgan-Cademotʼye-nugad-akar, Hesbón-e-rey-Sehónʼse an weyob gaya-nued barmisgusad: ‘Melle anbo urwemaloye.
5838	DEU 33:26	“Jesurún-dulemar-e-Bab-Dummadyobid, Bab-Dummad-baid sulid. A-Bab-Dummad be-bendakegala nibneg-akar gukudanikid, mogir-imbaba bela e-ganguedba danikid.
6430	JOS 22:2	Josué amarga sogded: “Bab-Jehová-e-mai-Moisés, bela bemarga-igar-uksadba bemar imaksamalad. Deginbali, bela an-bemarga-igar-ukedba bemar ibmar imakdibalid.
6937	JDG 15:6	Geb degine, Filistea-dulemar egichiarmalad: “¿Doa-we ogumaksa?” Ega sogdemalad: “Timnat-dule-e-sapin-Sansón, ogumaksa. Ar e-sakde, Sansón-ibe dule-baidga ome-uksad.” Geb degidbali, Filistea-dulemar nadegusmalad. Agine, Sansón-ome-ogumakar oburgwismalad, degi, ome-e-bab-ogumakar oburgwismarbalid.
6947	JDG 15:16	Degidgi, Sansón sogded: “Moli-uayasuid-e-aku-gargine, an dulemar-oburgwisadi, dunnumaksii an imaksad, danabo an urbisad. Moli-uayasuid-e-aku-gargine, an miligwen (1,000) dulemar-iblosad.”
7225	1SA 1:11	Geb degine, Ana Bab-Jehováʼga ise-sogar sogded: “Bab-Jehová-Bela-Gangued-Nikadye, Andi be-mai-wilegedid. Be an-dake, an nue wile-itodiid, mer be an-iege. Bab-Jehováʼye, be anga machi-wargwen-ukele, na degisadegu bega-arbaega an imakoed. E-sailagia, bipisaale ei siklegosulid.”
11013	1CH 23:25	Ar David weyob sogsa gusad: “Israel-e-Bab-Dummad-Jehová, Israel-dulemarga neg-bogidik nasiksad, degi, Jerusalénʼgi-mai sadeguoed.
11301	2CH 6:14	“Israel-e-Bab-Dummad-Jehováʼye, bab-dummad beyobid nibneggi, degi, napneggi sated. Dulemarbo be Igar mesisale, geg be iedaed, degi, dule-beba-gwagegi-binsadimalad be nue-sabesaila maid.
11303	2CH 6:16	Rey-Salomón, Bab-Jehováʼse gotebalid: “Israel-e-Bab-Dummad-Jehováʼye, emisgi, be-mai-an-bab-Davidʼga, be ibmar-imakoye sogsagusadi, be imake. Deunni, ega be sogsagusad: ‘Ar be an-asabin nued-nanadii-gusmogadyob be-wagan nuegan damalale, degi, an-igar-maidba nanamarbalile, be-wagan Israelʼgine e-reyga maigu guoed, gwen surguosulid.’
11953	2CH 34:15	Degidgine, Hilcías dule-garda-narmaked-Safánʼga sogded: “Bab-Dummad-Igar-Maid-Garda, Bab-Jehováʼse-goled-neggi an amisad.” Geb agine, Hilcías Safánʼga garda uksad.
12021	2CH 36:23	“Persa-dulemar-e-rey-Ciro, weyob soged: ” ‘Bab-Jehová, Bab-Dummad-Nibneggi-Maid, bela-yarmar-nanaid anga uksad. Degi, anga sogsabalid: Judá-yargi, Jerusalén-neggweburgi ese-goled-neg soboye. Dulemar-anmar-abargi-gudiid, na Judío-dule-itogele, degi, Bab-Jehová, e-Bab-Dummad-itogele, Jerusalénʼse e-Bab-Dummad-Jehováʼba naodo.’ ”
12143	EZR 5:4	Degine, ese egichismarbalid: “Dulemar-neg-sobnanaid-e-idumalad, ¿we igi nugmala?”
15314	PSA 83:13	Wemar sogsagusad: “Bab-Dummad-e-yar-naidi, anmar e-ibe sumala.”
15531	PSA 95:11	Degisoggu, an sae-itogedgine, an weyob ise-sogar sogsa gusad: “Ega-yar-ukoye-an-sogsadgine, dogosurmalad, agine, an ega obunnoged ukoenad.”
17842	ISA 6:3	Muchub-muchubbi, binnasuli sognanaid: “Bab-Jehová-Bela-Gangued-Nikadi, Bab-Jehová-Isligwaledid, Isligwaledid, Isligwaledid. Bela napneggi e-gangued-yeerdaklegedi neg-gasa naid.”
18996	ISA 66:5	Bemar Bab-Jehová-gayaburba-dobee-nanadimalad, Bab-Jehová-gayaburba be itomala: “Be-gwenadgan-sae-be-dakdimaladi, degi, an-nug-ular-be-obandimaladi, dodoakwaa weyob sogmalad: ‘Bab-Jehová, e-gargangued oyoge, adi, anmar bemar-weligwar-itoged dakegar.’ Ar isdar-be-dakmaladdi bingegumaloed.”
19092	JER 3:21	Bab-Jehová bemarga soged: “Yar-mullugan-nega-swaan-naidganba, dulemar-oimake itoleged. Israel-dulemar ise-wilegar bobukwa itoleged. Ar e-daed oichosmalad, igar-noaled susmalad, Ani an e-Bab-Dummad-Jehová-guedi iedmalad.
20201	JER 49:5	Bab-Jehová-Bela-Gangued-Nikadi soged: “Dulemar-be-yar-nagaba-bukmaladi, be-ogwayega an imakoed, degine, be-baleginnega an saoed. Bela bemar we-yalagi onilemaloed. Dule-wakinmaloedi, dule gwen gannarse bar-urbosulid.”
20509	LAM 4:20	Dule-Bab-Jehováʼse-nug-imaklesad, a-dule-isganamar-e-sakigi galesmogad. We-dule, anmar-bendakoedinad. Ar anmar we-dulegi sogdimalanad: “Dulemar-yar-baid-baidgi-bukmaladgi, we-dule, anmar-bendakdii guoye.”
21013	EZK 21:5	Geb degine, an goted: “Bab-Jehová-Bela-Gangued-Nikadye, bela we-dulemar an-annik-sogmalad, ande binsa ee gordiiye.”
21184	EZK 26:15	Bab-Jehová-Bela-Gangued-Nikadi weyob Tiro-neggweburga sogbalid: “Neggweburmar-baigan-demar-gakaba-bukmaladi, be-negmar-ayarided-gollomakdedba giglimakdemaloed. Degine, be-dulemar-nailikgudmaloed-oimakdedba, neggweburmar gwakidmaloed, degi, be-dulemar-ogilolededba neggweburmar-baigan-demar-gakaba-bukmaladi dobgudmaloed.
21469	EZK 37:3	Geb degine, Bab-Jehová anga sogded: “Dule-machi, igi be binsae, ¿we-garmar gannar-durguo be ebinsae?” An e-abin sogded: “Bab-Jehová-Bela-Gangued-Nikadi, unnila bebi we-ibmar wisid.”
22421	JOL 4:9	“Dulemar-yar-baid-baidgi-bukwamaladga, be weyob sogmala: ‘Bila-onogega guakwaa ambikumala, Sordamar bila-onogega be barmide, Bela dule-bila-onomalad-bulegan urwega be guagwar bukumala.
22520	AMO 6:1	Amós sogdebalid: “Dule-Sión-neggweburgi-baisuli-itodimalad, ¡duledar-wilesmar! Samaria-yargi-dobsulidba-gudidimalad, ¡duledar-wilesmar! Dule-nug-nikamalad neggwebur-dummagangi-mamaid, ¡duledar-wilesmar! A-dulemarse Israel-dulemar bendakleged egisnaddamalad.
22864	ZEP 1:8	Bab-Jehová sogbalid: “Anga-ibmar-uklegoed-e-ibagi, dule-dummaganga-mamaid, an sabsur-odurdakoed, rey-masmala, an sabsur-odurdakoed. Bela dulemar dule-ainebalidyob-mor-yomalad, an sabsur-odurdakoed.
22935	HAG 2:11	Bab-Jehová-Bela-Gangued-Nikad weyob soged: “Dule-irwa-Bab-Dummadse-gormaladse, anga ibmar-swilidikmalad-uklegedsik be egiso.” Geb Hageo amarse egisdesunnad:
22959	ZEC 1:12	Bab-Jehová-e-baliwitur weyob-itosgua, sogded: “Bab-Jehová-Bela-Gangued-Nikadye, birga-dulapaa-gakambegusa (70) be Jerusalén-dulemargi-urwedanikid, degi, be Judá-dulemargi-urwedanikid, ¿wede, we-neggweburmar be gannar wiledakega birgabigwa napi?”
23002	ZEC 4:11	Geb baliwiturse an egisded: “We-olivo-sapi-warbogwad-gwichid, wargwen, gwallu-olo-sunnabiid-nuedsik-gwichid, baiddi, sapiledsik-gwichid, wede, ¿ibu obare?”
23639	MAT 13:31	Jesús, baid-igar-burbar-sunmaklegedgi sunmakdebalid. Sogdebalid: “Bab-Dummad-e-negdakmaid-igar, dule-wargwen e-nainugi mostaza-e-gwag-digsayob gued.
24041	MAT 24:15	Jesús sogdebalid: “Bab-Dummad-gayaburba-barsoged-Daniel, weyob narmaksagusad: ‘Bab-Dummadga bela-bela-ibmar-isgana-guedi, ese-goled-neg-islidikidse dognonikogu, we-ibmar-isgana, e-neg-nued, neg-isganaga imakoed.’ Daniel 9:27; 11:31 ”Ani Jesús, an bemarga soged: Bemar deyob neg-dakalile, we-Bab-Dummad-gayaburba-barsoged-Daniel-sogsagusadba gunaido. Emi, be nabir-garda-absodimalad, nue be itomalo.
28072	ROM 3:13	“E-sunmaked neg-uan-argas-maiyob maid, E-sunmakedgi dulemar-yardakmalad.” Salmo 5:9 “Naibe-nued-e-gichi-boniyobi, e-sunmaked sedimalad.” Salmo 140:3
28392	ROM 15:21	Ar Bab-Dummad-Gardagi narmakar naidyob: “Dulemar-Bab-Dummadgi-sunmakleged-itodisurmaladi, Bab-Dummad-itononimaloed. Degi, dulemar-Bab-Dummad-gwen-itodisurmaladi, mag itononimaloed.” Isaías 52:15
30152	HEB 7:21	Ar we-Dummad-Jesúsʼgardi, ise-sogar-ega-soglesadgi dule-irwa-Babse-goledga gunonikid. Bab-Dummad ega sogsagusad: “An-ibmar-ise-sogar-sogsad, bar an ogwaosurye. Be, Bab-Dummad-asabin Dule-Irwa-Gwisgued-Dummad-Degisadeguadid. Igi Melquisedec maigusa, deyob be gumogad.” Salmo 110:4
30859	REV 5:12	Amar binnasur namakbukmalad: “Sibad-Wawaad-Mimmi-oburgwiles-gusadgarbi, gargangued ega uklegergebed. Bela-ibmar-nikad ega uklegergebed, binsaed-ibed-gued ega uklegergebed, gandikidba-daed ega uklegergebed, e-nug odummolegergebed, gangued-yeerdakleged ega uklegergebed, egarbi namakalegergebed.”
31072	REV 18:10	Reymar Babilonia-e-naibigunaidba dobed-ular egi bannaba gwisgumaloed, binnasur gotemaloed, sogdemaloed: “Babilonia-Neggwebur-Nue-Nug-Nikad, be neggwebur-dutusulinad, nuedar-wiles. Unnila, wachi-irgwengi bato be-odurdakleged nonikid.”
31078	REV 18:16	sogbukwagumaloed: “We-neggwebur-nue-nug-nikad, ¡duledar-wiles! Mola-sibu-nued, mola-suir-akwagiid, mola-ginnid-yoi gusmalad. Olo-nai, akwa-nuegan-nai, degi, dimmurgiid-e-akwa-yeerdakleged-nai, e-ogannodii gusmalad.
31081	REV 18:19	Degine, we-dulemar-neg-gummakmaid-dakbukmalad na e-nonogi ukub mismalad, oyogegar, emarde nue-bukib-binsamarye. Wemar binnasur gotemalad, ise-boar, ise-bukib-binsaar sogdemalad: “We-neggwebur-nue-nug-nikad, ¡duledar-wiles! Babilonia, be mani-nue-nikadba bela dulemar-ur-demargi-nikamalad mani-ibedga be imaksad. Emigindi, unnila wachi-irgwengi bela ibmar bato sate be gusad.