1561	EXO 2:6	Garba-egadgu, machi-bipi-bomai dakalid. Faraón-e-sisgwa machi-bipi-nue-wiledakde, sogded: —We-machi-bipi, Hebreo-dule-e-goed.
4108	NUM 13:32	We-dulemarde Israel-dulemarga yar-daksamaladgi neg-sunnasurye sogdemalad. Geb sogdemarbalid: —Anmar-negmar-dakapidgi, yarmar-argaapidgi bela dule-bukmaladi bemar-obelogoed. A-yarmargine, anmar dulemar-bukwa-daksamaladi, bela dule-masdummagan-nanaed, dule-bipisurmaladid.
7973	1SA 29:3	Filistea-sordamar-e-dummagan egicharmalad: —We-Hebreo-dulemar, ¿ibu wegi samala? Rey-Aquis abin-sogded: —¿Davidʼde be akudakmarsi? Ar iduardi, Israel-e-rey-Saúlʼga arbadii gusadid. David birgagwen-gakagus an-walik gudiid. Anse nonikid-akale, gwen akar ibmar-imakdii an dakdisulid. Degisoggu, an egi bensulid.
8234	2SA 9:4	Rey-David ese egisdebalid: —¿A-dule bia gudii? Siba abin-sogdebalid: —Jonatán-e-machi, Lodebar-neggweburgi gudiid. Amiel-machi-Maquir-e-neggi maid.
8241	2SA 9:11	Siba, Rey-David-abin sogded: —An-dummad-rey, an be-maiga-gusoggu, be anga-igar-mesnaidba, an ibmar-imako. Mefiboset, igi rey-masmala mas-gundidamala, deyobi Rey-Davidʼba mas-gundii gussunnad.
8431	2SA 16:2	Rey-David, Sibaʼse egisded: —¿Ibiga be we-ibmar sedaniki? Siba abin-sogded: —Moli-uayasuid-walabogwadi, rey-e-gwenadgan-egi-sigmalaga an sedanikid. Madumar, degi, uva-dinnagana be-sordamar-ogunnega an sedanibalid. Vinoʼdina, bemar nega-dulesulidganba-gudiidgi-yeguarmalale, gobmalaga an sedanibalid.
8510	2SA 18:29	Rey-David ese egisded: —¿Absalónʼdi, nuedi? Ahimaas abin-sogded: —Joab-an-barmiargu, dulemar oimaknanai unnila an itosad. Degisoggu, an wissurmosundo, ibiga deyob oimaknanai gusmarsundibe.
8815	1KI 2:42	Agine, Salomón, Simei-sedamalaga imaksad, geb ega sogded: —Bab-Jehová-nuggi, be anga ise-sogar-sogega an be-imaksasursi, mer be Jerusalén-neggweburgi nooye. Nue-ise-sogar an bega sogsabarsursi: ‘A-ibagi be nosdibe, ase be arbidibe, be-oburgwilegoye.’ Be nue anga sogsamogad: ‘Nabiri, an beba ibsaoye.’
9444	1KI 20:33	Ben-Adad-sordamar deyob Acab-itosgua, nabir neg-gudagoye bismalanad. Degisoggu, Acabʼga sogdemalad: —Inniki-be-soge, ar be-gwenad-Ben-Adad amba dula-gudiid. Agine, Rey-Acab sogdebalid: —Be namar. Ben-Adad be anga nidamalo. Ben-Adad, Rey-Acabʼse nonigua, Rey-Acab, e-ur-moli-bila-onogedgi onakwisad.
9623	2KI 4:16	Eliseo omega sogded: —We-birga-danikidgi, degi, we-ibaginbali be-nukugi be-mimmi be gani guoed. Ome, Eliseo-abin sogded: —Dogdar-itole. Bedi Bab-Dummad-e-duled. Mer angi be dodoge.
10186	2KI 23:17	Geb agine, Rey-Josías sogded: —We neg-uan-dummad-siidi, ¿we doagadi? Dulemar ega sogdemalad: —We-neg-uangine, Bab-Dummad-e-dule digar-maid. Deun we-dule, Judá-neggweburgi danigusgu, be Betel-neggweburgi-aila-siid-osulonaidnik sunmaksagusad.
12722	EST 1:16	Geb degine, Memucán, reyga, degi, dule-dummaganga sogdesunnad: —Rey-ome-Vasti, unnila reyginbi dodossulid. Ar belagwable dule-dummagan-bukwadgi dodosad, degi, Rey-Asuero-yarmargi bela-dulemar-bukwadgi dodosbalid.
12790	EST 5:7	Geb Ester rey-abin sogded: —An-ibmar-abeged, an-ibmar-egised unnila wedid:
12795	EST 5:12	Geb Amán sogdebalid: —Rey-ome-Ester, reyga mas-imaksadse-atakdagega unnila ansebi gochad. Deginbali, oibosale, gannar Reyba mas-gunnabaliga unnila ansebi gochabalid.
19691	JER 28:4	Hananías anga sogdebalid: —Bab-Dummad-sogye, ‘Ani an Bab-Jehová-guedgi sogye: Joacim-machi-Judá-e-rey-Jeconías gannar wese-dagega an imakoye, degi, bela dule Judá-yalagi, Babiloniaʼse gales-selesgusmalad an gannar wese sedagoye.’
21990	DAN 6:17	Geb degine, rey Daniel-sedamalaga igar-uksad. Geb achumigur-bukwad-yagi Daniel egwachamalad. Agine, rey Daniel-niga-ogannogega ega sunmaknai gualid: —Be-Bab-Dummad, be gusgu e-nug-odummodiid, be-bendakena gadin.
22538	AMO 7:5	Deyob an daksagu, binnasuli an goted: —Bab-Dummad-Jehováʼye, bese wilesakwaa an egisye, soo be oginye. Degisulile, ¿ar igi Jacob-wagande bar bukuosunna? Unnila iche gumalad.
22541	AMO 7:8	Degi, Bab-Jehová anse egichialid: —Amós, ¿wede ibu be dake? An abin-sogded: —Dubgi gingwa-nai an daked. Degidgine, Bab-Jehová anga sogded: —Dubgi-gingwa-naidi, an-Israel-dulemar-abargi an obatoed, adi, wilubdakega, bule inniki-gudimardibeye. Inniki-gudisulile, bar an ega e-isgued eliosulid.
23288	MAT 4:10	Geb degi, Jesús, abin-sogded: —Nia-saila-Satanás, be angi bangu. Ar Bab-Dummad-Gardagi narmakar maid: ‘Bab-Dummad-be-Dummad-e-nug be odummodii nanao. Unnila agarbi be ibmar imako.’ Deuteronomio 6:13
23747	MAT 16:6	Jesús e-sapinganga sogdesunnad: —Fariseo-madubur-inagi, Saduceo-madubur-inagi, nue salakarmar.
23847	MAT 19:16	Geb degi, dule-wargwen Jesúsʼse nonikid, ega sognonikid: —Odurdaked-saila-nued, burba-geg-bergued an nikuega, ¿ibi-nued an saergebe?
23926	MAT 21:31	Jesús Judío-dummaganse egisdesunnad: —We-masmala-warbogwad, ¿doa bur e-bab-sogedba ibmar imaksa be insae? Abin-sogdemalad: —Machigwa arbaapid. Jesús emarga sogded: —Deyobdo. Ar napira an bemarga soged, dulemar-Roma-dummadga-mani-gaedgi-arbamalad, degi, omegan-gambasamalad, amar bur bemarba Bab-Dummad-e-negdakmaidse dogoed.
24282	MAT 28:18	Jesús e-sapingan-walikgunonigu, amarga sogded: —We-napneggi-negdakega, degine, nibneggi-negdakega, Bab-Dummad bela gangued anga uksad.
24584	MRK 8:15	Jesús na e-sapinganga sogded: —Fariseoʼmar-madubur-inagi, degi, Herodes-madubur-inagi, nue salakarmar.
24602	MRK 8:33	Jesúsʼdi biir-imaksagu, e-sapingan-dakdegu, Pedroʼga sabsur sogded: —Nia-saila-Satanás, be angi bangusunna. Be Bab-Dummad-binsaeyob binsasulid, unnila dulemar-sunnaa be binsaed.
24662	MRK 10:5	Jesús, Fariseoʼmar-abin sogded: —Bemar-uayasulidaed-ulale, Moisés bemarga we-igar mesisad.
24674	MRK 10:17	Jesús bato nasokargu, dule-wargwen ese abarmaknonikid, geb Jesús-abin yokorgi-sindigar-sii ese egichided: —Odurdaked-saila-nued, an burba-geg-bergued-nikuega, ¿ibi an imakergebe?
24771	MRK 12:29	Jesús, abin-sogded: —Igar-bur-birigined, wedo: ‘Israel-dulemar be itomar. Anmar-Bab-Dummad, abi unnila Dummad gued.
24777	MRK 12:35	Jesús, Bab-Dummadse-goled-neggi dulemar-odurdaksigu, sogded: —Garda-Narmaked-Dulemar, Bab-Dummad-dule-wargwen-barmidagoye-sogsadnik sogmalad, a-dule, Rey-David-e-machiye.
25429	LUK 9:59	Jesús, dule-baidga sogded: —An-sapinga-guega, anba be dage. Dule abin-sogded: —Dummad, bina an-babse an nagwelo, an-bab-burgwedse geb beba an naoed.
25775	LUK 18:18	Dule-wargwen nue-nug-nikagwad Jesúsʼse nonikid, ese egisnonikid: —Odurdaked-saila-nued, burba-geg-bergued an abingaega, ¿ibi an imakergebe?
25796	LUK 18:39	Dulemar-Jesús-iduar-nadapmalad dule-aku-atakedse uludmalad, adi, mer binnasur golegar. Ar dule-aku-ataked aka bur bule binnasur gorsigisad: —Rey-David-wagwa, ¡wile be an-dake!
26273	JHN 4:48	Jesús, abin-sogded: —Ibmar-wilubgan-dakledisurmalad, degi, ibmar-gegerdaklemalad bemar daksasulina, be an-benmalanad.
26290	JHN 5:11	Dule-nugusad, abin-sogded: —Dule-an-nudaksad, ar anga sogsad: ‘Be-egi-gabed be sedye, be naye.’
26448	JHN 7:51	—Anmar-igar-maidgi, sunna dule-wargwenga amba yoo igar-itoged-iduar bato soglesi, ¿be dummad-nosye, bega sabsur-odurdakleged-igar maiye? Suli, degisulid.
26463	JHN 8:13	Fariseoʼmar Jesúsʼga sogdemalad: —Be-ibmar-sogedi, na be dukin-barsogsoggu, a-ular, be-ibmar-sogedi, geg anmar abingaed.
26464	JHN 8:14	Jesús, Fariseoʼmar-abin sogded: —An-ibmar-sogedi, an na dukin soge-inigwele, ar wedi napiragwadid. Ar an wisid, bia an daniki, degine, bia an nabaloe. Ar bemardi wissurmalad, bia an daniki, degine, bia an nabaloe.
26726	JHN 13:27	Judas, madu-bipi-ega-uklesad guchagu, nia-saila-Satanás egi dognonikid. Geb degi, Jesús Judasʼga sogdesunnad: —Ibmar-be-imakoedi, gwae bur be imaknasun.
26880	JHN 18:26	Dule-irwa-Babse-gormalad-bur-dummad-mai-wargwen, dule Pedro-e-ibe-uaya-siksad-e-gwenad, Pedroʼga sokalid: —Sapimar-digar-naidgi, degi, dutumar-digar-naidgi, Jesúsʼba be gudii, ¿an be-daksasursi?
26897	JHN 19:3	Degi, Jesúsʼga sogdedamalad: —Judíoʼmar-e-Rey, be-nug dungusun. Degine, e-wagar bibyosdamarbalid.
26982	JHN 21:15	Mas-guchamargua, Jesús, Simón-Pedroʼga sogded: —Jonás-machi-Simón, be wemarba, ¿bur bule be an-sabe? Pedro, abin-sogded: —Eye, Dummad. Ar be wisid an be-sabed. Geb Jesús ega sogdesun: —Degirdi, an-dulamar-sibad-wawaad-mimmiganyob-gudiid nue be anga sedii imako.
26983	JHN 21:16	Irbogwadgi gannar Jesús sogdebalid: —Jonás-machi-Simón, ¿be an-sabe? Pedro, abin-sogded: —Eye, Dummad. Be wisid an be-sabed. Geb Jesús, abin-sogded: —Degirdi, an-dulamar-sibad-wawaadyob-gudiid nue be anga akwedii imako.
26984	JHN 21:17	Gannar irbaagwadgi Jesús sogdebar: —Jonás-machi-Simón, ¿be an-sabe? Pedro, Jesús ega gannar-gannar irbaagus-soge-itogedba bukib-ito naded. Ega soggu: “¿Be an-sabe?” Pedro, abin-sogded: —Dummad, bela ibmar be wisid. An nue-be-sabed be wisid. Jesús ega sogded: —Degirdi, an-dulamar-sibad-wawaadyob-gudiid nue be anga sedii imako.
27920	ACT 26:29	Degi, Pablo, Agripa-abin sogded: —Bab-Jesucristoʼba-naiguega, ichee-napindibe, ichesur-napibalindibe, an binsado, bitigi Bab-Dummadgi be, degine, bela-an-itobukmaladi anyobi gusmalana gadin. Unnila esgoro-dubgi-an-atinnar-gwichiyobdi an be-abesurmalad.