2327	EXO 28:33	”Mor-dummad-e-nag-dukugi bela-ebirar yeerdakle be soboed. Be soboedi, sapi-granada-e-sanyob-dakleged be soboed, nirbadub-aradgi, nirbadub-suir-akwagiidgi, nirbadub-ginnidgi be soboed. Degine, amar-imba-imbagi gapan-burwigana-olobiid, bela e-nag-duku-ebilis be nasikoed.
3751	NUM 4:7	”Madu-anga-ukleged-mese-birgi mor-arad oginmaloed. Geb agi, batemar, wesarmar, nogmar, degi, bormo-dukwa-ibmar-eogega-ebuleged urbemaloed. Madude a-mesegi bukwagu guoed.
3755	NUM 4:11	”Ibmar-ogumakar-ukleged-aila-olobiidi mor-aradgi anwemaloed, geb, ibdurgan-uka-nuegan e-birgi anwebaloed. Geb degine, nabir-sedmalaga e-suarmar egi yomarbaloed.
5138	DEU 7:25	”E-bab-dummagan-ibmargi-sobarmalad bela be soogi ogumako. Melle be e-birgi-mani-nasiklealedbina, degi, e-birgi-olo-nasiklealedbina be sogmalo, degine, melle be sumalo. Ar abakalegi, isguega be-imakarmalale, ar ade, be-Bab-Dummad-Jehováʼba we-ibmarmar ibmar-isgana gumalad.
5270	DEU 12:28	”We-Igargan-an-bega-uknaid nue be itomalo, degine, eba nue be nanamalo. Ar bemar, be-Bab-Dummad-Jehová-asabinni ibmar-nued imakdimalale, ibmar-innikii-imakdimalale, bemarga ibmar-nueganbi naoed. Deginbali, be-sorba be-mimmiganga, degibi degisadegu, ibmar-nueganbi-gumai gumogoed.”
5484	DEU 22:12	”Mor-be-atuged-dummad-suitigwad e-dukumar-bakegwadgine, dubmar durba-durba be nasikoed.”
5520	DEU 23:19	”Be-Bab-Dummadse-goled-negse omegan-gamba-imakedgi-mani-onolegedi, degi, machergan-gamba-imakedgi-mani-onolegedi, bipisaagwale mer be ukmalo. Ar be sogsadibe, Bab-Jehováʼga-ibmar-ukleged an deyob ukoye, a-manigi be we-ibmar-ukega bennukosulid. Ar ade, Bab-Dummad-Jehová a-manimar-deyob-amileged nue-isdar daked.
5526	DEU 23:25	”Be-gwenad-uva-digaled-nainugi be dogder, sunna immelegedse be uvaʼmar-gunnoed. Degi-inigwele, uva, bipisaagwale be-garbagi-sedega be imakosulid.
5572	DEU 26:4	”Dule-irwa-Bab-Dummadse-goled be-garba-ganikid be-annik suoed, degine, be-Bab-Dummad-Jehováʼga-ibmar-ogumakar-ukleged-aila-asabin sioed.
13541	JOB 29:5	”Bab-Dummad-Bela-Gangued-Nikad anba gudidaeunni, an-mimmigan an-ebiris gudidaed.
18069	ISA 18:2	Ur-nagwaryob-daklegedgi-sobaledba Nilo-diwarba dule-garda-berbemalad-barmimalad, ¡be duledar-wilesmar! ”Dule-garda-berbemalad-gandik-nanamalad be gwae-namar, dule-mullusurmaladse be namar, uka-sichigwadba-uka-dakaar-gamaladse be namar, we-dulemar-bela-dobesar-daklemaladse be namar, dulemar-gargandikmaladse be namar, dulegi-obin-san-sadimaladse be namar, yala-emargi-obinsiidse be namar. A-yala, diwarmar-iirmakmaid-yalad.
19137	JER 5:10	”Israel-dulemar-e-uvaʼdub-digarmaladba be dagmar, maad-maad be imakdamar, degi-inigwele, mer bela be obelomalo. E-muumar be ungemalo, ar we-muumar bar angadsulid.
20916	EZK 17:22	”Bab-Jehová-Bela-Gangued-Nikadi weyob soged: ‘Urwar-duku-bur-matusulidgi an urwar-e-dutugwad sikoed, e-anagan-bur-matusulidgi an e-dutugwad wannoed, geb yar-matusulidgi an digoed.
21108	EZK 23:32	”Bab-Jehová-Bela-Gangued-Nikadi weyob soged: ‘Be-ior-nog-gobsadi be goboed, we-noga, nog-nogaregedid, nog-dummadid. We-nog-yagine, begi-isdar-dodolegoedi, ena siid. Ibgwensur-be-daklegoedi, ena siid.
21193	EZK 27:3	Tiro-neggweburde demar-gakaba-siid, neggwebur-baigan-gakaba-bukmaladga manigi ibmar uksiid. Weyob ega be namake: ”Bab-Jehová-Bela-Gangued-Nikadi weyob soged: ‘Tiro-neggwebur, na yeerdakleye be binsaenad, degi, na innikigwadye be binsaenad.
21328	EZK 32:11	”Bab-Jehová-Bela-Gangued-Nikadi weyob soged: ‘Babilonia-e-rey, e-es-suidgi be-ogilogoed.
21333	EZK 32:16	”Dulemar-yar-baid-baidgi-bukwamalad Egiptoʼga, degi, e-dulemarga we-wile-itoged-namaklegedgi namakmaloed. ”Ani an Bab-Jehová-Bela-Gangued-Nikad weyob soged.”
21427	EZK 35:14	”Bab-Jehová-Bela-Gangued-Nikadi weyob soged: ‘Bela napneggi yeer-itomalaga, an be-obelogoed.
21433	EZK 36:5	”Bab-Jehová-Bela-Gangued-Nikadi weyob soged: ‘An nue-sae-itogedgi dulemar-yar-baid-baidgi-bukwamalad-annik, degi, Edom-annik ibmar sogsad. Ar wemar weligwaledgi, nue-isdar-dakedgi an-yar susmalad, adi, obelogega, degi, e-ibe ibmar sumalagar.’
21441	EZK 36:13	”Bab-Jehová-Bela-Gangued-Nikadi weyob soged: ‘Ar bemar-annik sogmalad, bemarde dulemar-domaladye, degi, be-mimmigan na be dukin oburgwedye.
21461	EZK 36:33	”Bab-Jehová-Bela-Gangued-Nikadi weyob soged: ‘Bela be-isgusadgi an swilidik be-imakoed-ibagi, an neggweburmargi dulemar-urboed, an gannar negmar-bibichisad soboed.
21465	EZK 36:37	”Bab-Jehová-Bela-Gangued-Nikadi weyob soged: ‘Israel-dulemar sibad-wawaad-merguedyob ega e-dulemar-omerguye anse egisedi, an ega imakoed.
21504	EZK 38:10	”Bab-Jehová-Bela-Gangued-Nikadi weyob soged: ‘A-ibagine, ibmar-imaked be ilemakoed, geb igar-isgana be mesoed.
21717	EZK 45:18	”Bab-Jehová-Bela-Gangued-Nikadi weyob soged: ‘Gebe-nii-yolesad e-iba-onodedgi, moli-bebe-nikad-sapingwagwad-bonikwasulid be suoed. Geb anse-goled-neg-swilidik-imakega be ogumakar ukoed.
21772	EZK 48:1	Bab-Jehová sogdebalid: “Wemar Israel-dadgan-sogambe-gakabogwad (12) e-nugmalad. Weyobi, e-waganga yar mimilegoed: Dad-nakwed-argan-sapiledsik-yar-abingunaidgi onodagoed. Dad-nakwed-argan-nuedsikidse bergudapoed. ”Dan-e-wagan-yar-inse onodoed: Dad-nakwed-sapiledsikid-e-yar-abingunaidi, dad-argwanedsik Mediterráneo-demar-akale onodoed, Hetlón-neggweburgi nasaoed, Hamat-neggwebur, degi, Hazar-Enán-neggwebur-bukmaladse bergudapoed. We-neggweburmar-bukwadi, Damasco-yar-naid, degi, Hamat-yar-naid-imbagi bukwad. Dan-e-wagan-yar weyob naguoed.
22157	DAN 12:7	”Diwargi-dule-linoʼmor-yoid-gwichid nibnegse argan-onaksad, geb Dule-Degisadegu-Dula-Maid-nuggi ise-sogar imaksad: ‘Birgapaa-negabar napid. Dule-islidikidmalad-e-balegilleged-bergusadse, bela we-ibmar gunonikoed.’
22332	HOS 12:12	”Israel-dulemar-Galaad-yargi-gudimalad dule-isgumaladid. Gilgalʼye-neg-nugadse naddamalad, agi, moli-bebe-nikad oburgwedamalad, adi, e-bab-dummadyob-imaklemaladga ogumakar ukegar. Agala, e-aila-matusurmalad bela an ei bibisgoed, e-nainugi e-aila-akwamarbi-omilede an imakoed.”
22991	ZEC 3:10	”Bab-Jehová-Bela-Gangued-Nikad soged: ‘A-ibagine, uva-dub-urba-ambikumalaga, degi, sapi-higueraʼye-nugad-urba-ambikumalaga, bemar na be muchub-muchub be-neg-dikarba-mamaidse gormaloed.’ ”
24093	MAT 25:16	”Dule-or-mani-gwaatar-abingasad naded. Geb mani-e-sangi mani-gwaatar onosbalid.
24794	MRK 13:8	”Dulemar-yar-baid-baidgi-bukmalad na muchub-muchub bila-ononanai gudamaloed, degi, reymar na muchub-muchub egi-yolenanai gudamarbaloed. ”Bela yar-baid-baidgi negabandur-dummagan nagumai gudagoed. Ukud-dummad nagubaloed. ”We-ibagan-bulegan, igi ome gebe e-bonigan-nunmaked-itoardaedyobi guoed.
24801	MRK 13:15	”Dule-neg-uas-birgi-siid mer aidedago, deginbali, ibmar-oniega mer be negyaba dogbalo.
25559	LUK 12:31	”Bab-Dummad-e-negdakmaid-inse bur be amimar, geb bela bega we-ibmarmar uklemai guoed.”
31006	REV 14:11	”E-wilesiguoed-e-waa-bupurmaksiid degisadeguoed, gwen bogilesii guosulid. ”We-dulemar-ibdula-unid-e-nug-odummomaladga, degi, a-ibdula-unid-e-nug-wilubgan-narmakar-naidga, obunnoged gwen nikuosulid. Bane-bane oibomai, degisadegu wilesii gumaloed.”
31053	REV 17:9	”Wegi-mag-dulemar-magar-itomaladga sognaid: ” ‘Nono-gwagugle-sogedi (7), we-yala-gwagugled-birgi-ome-siid-e-wilubganad.