454	GEN 18:29	Gannar Abraham sogdebalid: —¿Ar unnila dulabo (40) dule-nuegan gudiile, bela Sodoma-neggwebur be obelogode? Bab-Jehová abin-sogded: —A-dule-nuegan-dulabogwad-ular (40), we-neggwebur an obelogosulid.
846	GEN 30:15	Ar Leaʼdi abin-sogded: —¿Ar emide, be angi-sui-egwachad, unni be itosursi? Ar emide, mandrágora-sanmar an-machi-anga-senonikid be abebalid. Raquel abin-sogded: —Be-machi-mandrágoraʼmar-bega-senonikid be anga ukele, emi-mutik Jacob bese goloed.
5866	JOS 1:13	—Bab-Jehová-e-mai-Moisés bemarga weyob sogsagusadi, be ebinsamalo: ‘Bab-Dummad-Jehová bemar-obunnogega we-yala bemarga uksaye.’
6607	JDG 4:6	Ibagwengi, Débora, Baracʼbina gochad, adi, ebo sunmakegar. Baracʼde Abinoam-machid. Ade, Neftalí-yargi Cedesʼye-neg-nugadgi maid. Barac nonigua, Débora ega weyob sogded: —Israel-e-Bab-Dummad-Jehová bega soged: ‘Tabor-yar-dummad-siidse be nae. Agine, Neftalí-sorda-bila-onomalad, degi, Zabulón-sorda-bila-onomalad, miliambe (10,000) be urbo.
7516	1SA 14:6	Geb degine, Jonatán ega-sigu-abgaed-seedga sogded: —Dulemar-Bab-Jehová-wissurmalad-bukwadse anmar obaknamala. Bitigi Bab-Jehová anmar-bendakena gadin. Ar Bab-Jehová dulemar-bukidar-merguedgi, igi, dulemar-iche-merguedgi, baisursunna emar-bendaked.
7599	1SA 16:2	Samuel abin-sogded: —¿An naega, igi an saoe? Saúl an-wisgualile, an-oburgo-itole. Geb Bab-Jehová ega sogded: —Moli-bebe-nikad-ome-bipigwad beba be sedo. Be sogdapo: An Bab-Jehováʼga ibdurgan-ogumakar-ukleged ukega an daniye.
7952	1SA 28:7	A-ulale, Saúl na e-sordamar-idudimaladga igar-ukded: —Ner-bundor-dule-burgwarmaladse-idaked be anga aminamala, adi, an ese idaknaegar. Abin-sogdemalad: —Endorʼgi ner-bundor-wargwen maid.
8028	2SA 1:3	Geb David ese egisded: —¿Bia be daniki? We-dule David-abin sogded: —Israel-sordamar-danar-danar-bukwadgi an wakicha-danikid.
8239	2SA 9:9	Agine, Rey-David, Saúlʼga-ibmar-akwedid-Sibaʼse goted. Geb ega sogded: —Be-dummad-e-machi-Mefibosetʼga ibmar-bela-Saúlʼgadga-gusadi, negmarse-bakar, bela ega be uke.
8370	2SA 14:11	Ome ega sogdebalid: —Rey, bese an wilegedgi egise, be-Bab-Dummad-Jehováʼse be gole, adi, an-gwenadgan-an-machi-buged-mai-imakbied, mer an-ibe an-machi-baid-oburgwegar. An-machi-oburgwilesale, aka bur bule anga nunmaked-ukbalo-itole. Rey omega sogdebalid: —Bab-Jehová-Dula-Maid-nuggi an bega soged, dule bipisaar be-machise gwen achaosulid.
8716	2SA 24:21	geb ega sogded: —Dummad-rey, ¿ibiga weyob be anse daniki? Rey-David abin-sogded: —Ibmar-gwag-omukuleged-neg-bakega an danikid. Degi, Bab-Jehováʼga ibmar-ogumakar-ukleged-aila agi sobega an danibalid. Adi, boni-sordagan-ogilonaid berguegar.
9164	1KI 12:10	We-sapingan Roboamʼga sogdemalad: —We-dulemar-deyob-bega-sunmaksamaladga weyob be sogo: ‘An-babdi bemar-sabsur-oarbasad. Andi aba bur bule sabsur be-oarbamaloed.
9332	1KI 17:12	Ome, Elíasʼga sogdemogad: —Bab-Jehová-Dula-Maid-nuggi an bega soged, an-madu bergusad. Unnila madubur napi-iche bormogi siid. Aginbali, olivo-gwallu napi-iche butegi siibalid. Degisoggu, an mas-imakega sapan-aminaid, adi, an-machi-anbo napi mas-gunnega. An-machi-anbogwa burgwed-idu napi mas-gunsii gumaloed.
9384	1KI 18:40	Agine, Elías Israel-dulemarga sogded: —Bab-dummad-Baal-gayaburba-barsogmalad bela be gamar. Mer wargwensaar be owakinmalo. Israel-dulemar bela a-dulemar-gasmalad. Agine, Elías, Cisón-dian-maidse a-dulemar-sesad. Agi, Elías bela a-dulemar-e-gammu egwachad.
9443	1KI 20:32	Degidbali, Ben-Adad-sordamar Israel-dulemar-e-reyse nade gusmalad. Ega wilesagwadgi sogdapmalad: —Ben-Adad-be-maiga-gudiid weyob sogye: ‘Wile wis be an-dake, mer be an-oburgoye.’ Rey-Acab abin-sogded: —Ben-Adadʼde, ¿amba dula-gudii? We-dule an-gwenadyob gued.
9777	2KI 9:17	Dule-nakuleged, Jezreel-neggweburgi nakuleged-neg-siid-niba nakulesigu, dakalid, Jehú-sorda-bila-onomalad daniki, geb binnasuli goted: —¡Sorda-bila-onomalad anmargi dani! Geb Joram sogded: —Sorda-moligi-sii-urwed-wargwen barmido, sorda-bila-onomalad-danikid-abin naega, ese egisega: ‘Bemar nuedgi-danimar sogeye.’
9781	2KI 9:21	Geb Joram sogded: —An-moli-ur-bila-onoged guakwaa anga nasikmalo. Bela e-moli-ur ega guakwaa nasismargu, Israel-e-rey-Joram, Judá-e-rey-Ocozíasʼbo, e-moli-ur-e-moli-urgi, Jehú-abin nadmalad. Geb dule-Jezreel-neggweburgined Nabotʼye-nugad-e-nainugi Jehú-abingunonimalad.
9892	2KI 13:17	Geb ega sogded: —Yawagak-bipi-dad-nakwedsik-siid be egae. Geb Joás yawagak-bipi egasad. Eliseo ega sogdebalid: —¡Emisgi, be sigu mie! Agi, Joás sigu mided. Eliseo ega sogdebalid: —¡We-sigu Bab-Jehová-e-wilub gued! Bab-Jehováʼdi, Siria-dulemargi nakwega be-imakoed. Be, Siria-dulemar Afec-neggweburgi ogalakuoed, bela obelogedse be imakoed.
10111	2KI 20:9	Geb Isaías ega sogded: —Bab-Jehová-bega-ibmar-sogsad magar be dakegala, we-ibmar-wilub Bab-Jehová bega oyogoed. ¿Bab-Jehová bega dad sikwas-osikirmakbi be abege? Igi, ¿sikwas oabarmakbi be abege?
10961	1CH 21:22	Geb David, Ornánʼga sogded: —We-ibmar-gwag-omukuleged-nega be anga manigi uke. Adi, an agi Bab-Jehováʼga ibmar-ogumakar-ukleged-aila sobega. Geb degidbali, boni-dummad-nonaid dulemargi nabir bangudoed. E-mani-gargegued-sogedba be anga uko.
11560	2CH 18:13	Geb degine, Micaías sogded: —Bab-Jehová-Dula-Maid-nuggi inniki an bega sogdo, a-anga-ibmar-sogoedba, an reyga ibmar sogmogoed. Geb degi, Micaías reyse nadsunnad.
19981	JER 38:17	Jeremías, Sedequías-abin sogded: —Israel-dulemar-Bab-Dummad-Jehová Bela-Gangued-Nikadi, weyob soged: ‘Babilonia-rey-e-dummagan-abin be urwesulile, be san bendaklegoed. We-neggwebur ogumaklegosulid. Dummad, bedi, degi, bela be-neg-yaginmalad bendaklemaloed.
20103	JER 44:24	Ani Jeremías bela dulemarga, degi, omeganga weyob sogsad: —Judá-dulemar-Egipto-yalagi-mamaimalad Bab-Jehová-gayaburba be nue itomala:
22552	AMO 8:2	Degi, anse egichided: —Amós, we, ¿ibu be dake? Degi, an abin-sogde: —Garbagi sapi-san-gorogana-bukwa an daked. Degidgine, Bab-Jehová anga sogded: —Israel-dulemar-e-bergued-ibagan warmaknonikid. Ibmar-san-gorogwayobi berguoed. Israel-dulemarga e-isgued bar an eliosulid.
23897	MAT 21:2	Barmisgu, ega weyob sogsad: —Neggwebur-bipi-anmar-asabin-siidse be namar. Agi be moli-uayasuid-atinnar-nai, degi, e-mimmi-e-dikarba-gudii be dakdapmaloed. A-molimar be esikmalo, geb be anse sedamalo.
24186	MAT 26:63	Ar Jesúsʼdi bipisaar gwen abin-imaksasulid. Geb degi, dule-irwa-Babse-gormalad-bur-dummad ega sogdesunnad: —Bab-Dummad-Dula-Maid-nuggi an bega soged, anmarga be soge, ¿ar be Cristo, Bab-Dummad-Machi-sunnadi?
25138	LUK 4:6	Agi nia-saila Jesúsʼga sokalid: —We-neggweburmar-an-bega-oyosadi bela e-ganguedi, degi, e-gandikidba-yeerdaklegedi an bega ukoed. Ar bela we-neggweburmar anga uklesad. Degisoggu, ar doaga an ukbie, an aga ukoed.
25872	LUK 20:24	Mani be anga oyogena. Jesúsʼse mani oyosmargu, Jesús sogded: —¿Ar wede we-manigi doa-wagar-wilub sisunna, degine, doa-nug narmakar-naibarsunna? Jesús-abin sogdemalad: —Roma-Dummad-César-wagar-wilub sii, degine, a-nug narmakar naibali.
26136	JHN 1:23	Juan, abin-sogdegusad: —Bab-Dummad-gayaburba-barsoged-Isaías sogsa gusad: ‘Dule-wargwen nega-dulesulidganba binnasur sunmaknonikoed, dulemarga sognonikoed: Dule-Dummad-idu igar mayemar, igar swilidik mesmar.’ Isaías 40:3 Ani an a-duledo.
26516	JHN 9:7	Geb degi, Jesús dule-ibyasulidga sogded: —Dii-wilasar-naid-Siloéʼye-nugadse be-ibya be enukna. (Siloé sogleged, Barmilesadye). Agine dule-ibyasulid ibya-enukega nadsunnad. Ibya enuksagu, bato sunna mag-atake gunonikid.