90	GEN 4:10	Bab-Jehová Caínʼga sogded: —Ar wede, ¿ibi be imaksa? Be-urba-ablis be eosad. Emide, a anga sogeyob an itoged: ‘Anga be igar-naboye.’
400	GEN 17:2	An bebo igar-mesisad, gannar an bega sogbar: ‘Wagan-bukidar-nikuega an be-imakoed.’
509	GEN 20:13	Bab-Dummad anga igar-uknonigu: Be-bab-neggi-be-gudiid be naye. Geb an we-omega sogsad: ‘Bia anmar modapile, nue be an-sabele, be sogoye, be an-bunye.’
885	GEN 31:11	An we-gabdakedgine, Bab-Dummad-e-baliwitur an-nugba anse gochad. An abin-imaksad: ‘An be-itomai.’
1296	GEN 43:5	Ar be anmarba barmisulirdi, anmar bega baknaosurmodo. Ar dule anmarga sogsad: ‘Ar bemar be-urba-bipigwad anga sedasurmalale, bemar gwen an-dakosurmarye.’
1348	GEN 44:23	Ar bede anmarga sogsagusad: ‘Machigwa bemarba danisulile, an bemar-abingaosurye.’
1351	GEN 44:26	Ar anmardi abin-imaksad: ‘Anmar-urba anmarba nasulir, anmar geg naye. Ar anmarba nasulir, dule-dummad-mas-uked anmar-abindakosurye.’
1357	GEN 44:32	An-babga an sogsad: ‘Ani an bega machigwa nue-dakoye.’ Deginbali, an ega sogsabalid: ‘Machigwa gannar an bega senonisulile, an-burgwedse angi atakledii guoye.’
1472	GEN 48:20	A-ibagi, Jacob we-masmalagi ise-nued-binsaedgi ega sogded: “Israel-dulemar dulemargi ise-nued-binsadmalale, bemar-nug obarmaloed. Weyob sogmaloed: ‘Bab-Dummad, igi Efraín, degi, Manasés-imaksa, deyob bemar-imakmosun.’ ” Weyobi Israel, Efraín bur Manasésʼba nug-dummarba imaksad.
1594	EXO 3:14	Bab-Dummad, Moisés-abin sogded: —ANI AN, AN-GUED. Israel-dulemarga be sogo: ‘AN-GUED bemarse an-barmialid.’
1595	EXO 3:15	Geb degine, Bab-Dummad Moisésʼga sogdebalid: —Israel-dulemarga be sogbalo: ‘Bab-Dummad-Jehová, be-dadgan Abraham, Isaac, degi, Jacob, amar-e-Bab-Dummad bemarse an-barmialid.’ Weyob an nugaguad. We degibi an-nug degisadegu nugad.
1596	EXO 3:16	Moisés be nae, Israel-girmar-dummagan-ebo be ambikuo, ega be sogo: ” ‘Bab-Jehová, be-dadgan Abraham, Isaac, degi, Jacob, amar-e-Bab-Dummad anse magarosad. A-Bab-Dummad anga sogsad, ede bemar-daksaye, degine, bemar-itosbarye, igi Egipto-yargi bemar-wiobukmala.’
1634	EXO 5:1	Weyob gusad-sorbali, Moisés, Aarónʼbo Faraónʼga sognadmalad: —Weyob Israel-e-Bab-Dummad-Jehová soged: ‘An-dulamar nega-dulesulidganse be barmid, adi, anga iba-ononamalagar.’
1884	EXO 13:16	Degisoggu, anmar weyob ibmar-imaked, bemar-sakwagi, bemar-bebegindibe, wilub-naiyob guegarye. We be insaega gumaloye, Bab-Jehová gandikidba Egipto-yargi anmar-onosgusye.’ ”
1957	EXO 16:9	Geb degine, Moisés, Aarónʼga sogded: “Israel-dulemarga be soge: ‘Bela Bab-Jehová-asabin ambikudamar, ar ade, Bab-Jehová bemar egi-oimakbukwad bemar-itosad.’ ”
2078	EXO 20:26	Degine, anga ibmar-ogumakar-ukleged-aila melle arsan-nika imako. Ar bemar agi nakwialile, be-abgan daklego-itole.’ ”
2330	EXO 28:36	”Deginbali, or-nued matarkwaa be imakbalo. Geb a-birgine, wilub-nasikega-imakdamaladyob be we-gayaburba nasikoed: ‘BAB-JEHOVÁʼGA SWILIDIK-NUGSALEGALED.’
2462	EXO 32:23	Ar we-dulemar anga sokarmalad: ‘Anmar-idu-nadap-guegala anmarga bab-dummagan be sobye. Ar ade, anmar wissuliddeeye, we-dule-Moisés Egipto-yargi-anmar-onosadi, igi-gusdibeye.’
2479	EXO 33:5	Ar Bab-Jehová Moisésʼga sogsad: “Israel-dulemarga be sogoye: ‘Bemar dulemar-uaya-gwen-niksurmaladye, non-dutusurmaladye. Ar wis sikwas an bemarba naye sogele, anse bemar osulolesmalarye.’ ” Bab-Jehová sogdebalid: “Israel-dulemarga be sogbalo: ‘Ormar-yeerdaklemalad ungemaloye. Sorba an dakoye, igi an bemar-imakodibeye.’ ”
2517	EXO 34:20	Moli-uayasuid-macheredsailagined angadga gubalid. Degi-inigwele, a-muchubdi, sibad-wawaad-sapingwagwad be anga ukoed. A-moli-uayasuid-sailagined-muchub sibad-wawaad be uksulile, moli-uayasuid-sailagined-dukar be bisgoed. Be-masmala-gebesailaginmalad-muchub mani be ukoed. ” ‘Dule-wargwensaale arganagwabi anse dagosulid, anga ibmar-sedagergebed.’
2755	LEV 1:9	Dule-ibmar-uknaid, moli-e-samurmar, degi, e-malimar, diigi enukoed. Geb dule-irwa-Bab-Dummadse-goled ibmar-ogumakar-ukleged-aila-birgi bela ogumakoed. We, ibmar-ogumakar-uklegedid, Bab-Jehováʼga soogi-ogumakar ibmar-ukleged yeer-yapannedid.’ ”
2763	LEV 1:17	Agine, nuu-saban egaoed, geb sakangi-gani negabar onaboed. Geb degine, dule-irwa-Bab-Dummadse-goled, we-nuu, ibmar-ogumakar-ukleged-aila-birgi soo-gasiidgi ogumakoed. We, ibmar-ogumakar-uklegedid, Bab-Jehováʼga soogi-ogumakar ibmar-ukleged yeer-yapannedid.’ ”
2901	LEV 7:21	” ’Deginbali, dule ibmar-isgana-dulegad-ebusale, ibdurgan-e-ibmar-isgana-ebusale, ibmar-ised-isgana-ebusale, geb a-sorbali, gwenatigwar-guega ibmar-uklesad-e-san gunnele, we-dule, e-dulemar-abargi onolegoed. Ar we-sande, Bab-Jehováʼgadid.’ ”
3358	LEV 21:12	”Bab-Dummad-Neg-Islidikid mer oichogega, Bab-Dummadse-Goled-Neg-Islidikidgi noosulid. Ar ade, e-nonogi ina-wawadikid eolesad, adi, soglegegar: ‘We-dule, Bab-Dummadgarbi-arbaega nug-imaklesye.’ Ani an Bab-Jehová gued.
4818	NUM 33:56	Ar bemar we-dulemar-onissulile, we-dulemar an igi-imakoye-binsadii, deyob an bemar-imaknonisunnoed.’ ”
4855	NUM 35:8	Israel-dulemar Leví-waganga neggweburmar-ukarmalale, neggwebur-susmaladbali ega ukoed. Dule neggwebur-bukidar-susale, ega neggwebur ichesur ukmogoed. Ar dule ichee neggwebur-susardi, ichee ega ukmogoed. Bela Israel-dulemala na e-neggwebur-merguedba Leví-waganga neggweburmar-ukoed.’ ”
4907	DEU 1:13	Degisoggu, bemar-abargi dule-war-wargwen be-dadgan-iliba be amimala: Dule-binsaed-ibegan, dule-mag-neg-itomalad, dule-ibmar-nue-wismalad, adi, a-dulemar an be-dummaganga nug-imakegar.’
4919	DEU 1:25	Na sapi-sanmar-gwachamaladi anmarga senoni gusmalad. Anmarga weyob sognoni gusmalad: ‘Anmar-Bab-Dummad-Jehová anmarga-yar-uknaidi, yala-nuedye.’ ”
4925	DEU 1:31	Bela bemar igarba-nanasmaladba, degi, wese bemar nonikidsega be daksamalad, igi bemar-Bab-Dummad-Jehová be-searmala. Dule na e-machi-seeyob, Bab-Jehová igarba be-searmalad.’
4979	DEU 3:2	”Degine, geb Bab-Jehová anga sogsad: ‘Melle be we-dule dobguo, ar ade, we-rey, e-dulemar, degi, e-yarse-bakale, bato an bega uksad. Ar igi Amorreo-dulemar-e-rey-Sehón, Hesbónʼgi-bukwagusmalad be imaksa, deyob be Og-imakbalo.’
5002	DEU 3:25	Bab-Dummadye, an bese wilesakwaa egised: Yala-nuegan-nanaid-daknaega, degine, Líbano-yar-naid daknabaliga, wis be Jordán-diwar-obakega be an-imake.’
5173	DEU 9:14	We-dulemar an bega obelogo. We-napneggi e-nugmar bar wisgulegosulid. Degisoggu, mer be anse golo. Ar bedi, wemarba bur dule-dutusurmalad-e-dummadga an be-imakoed, degine, wemarba bur dule-ichesurmalad-e-dummadga an be-imakbaloed.’
5433	DEU 20:4	Ar ade, be-Bab-Dummad-Jehová bemarba gudiid, bemar-ular-urwoed, degine, be-isdarmaladgi-be-onakwega bemar-imakoed.’
5457	DEU 21:8	Bab-Jehováʼye, be-Israel-dulemar, begi isgussuliyob be-dako. Ar we-dulemar na be bendaksadid. Melle be be-Israel-dulemargi we-dule-burgwisad, binsa egi be nasiko. Bab-Jehováʼye, ar weyob be imaksale, we-dule-oburgwilesadgi ollor be anmar-imaknonikoed.’
5489	DEU 22:17	Emide, we-dule, egi gakansaar weyob sunmakdiiye: We-bunagwa, yagwasurye. Ar emide, e-wilubgan be dakmardo, an-sisgwa bule-yagwasurdibeye.’ Geb degine, yagwa-e-babgan neggwebur-girmar-dummagan-asabin atued egaoed.
5556	DEU 25:7	”Ar e-aisu, yapa we-ome-nikuele, ome neggwebur-noed-yawagakse girmar-dummagan-bukwadse naoed, sognaoed: ‘An-aisu yapa Israel-yargi e-mesad-nug degisadegu-nika imakye. Emide, yapa an-nikuye.’
5583	DEU 26:15	Bab-Dummad-Jehováʼye, be-nibneg-islidikidgi-maid-akar, be anmar-dake. Be-Israel-dulamargi, degi, yala-be-anmarga-uksadgi, be nued binsae. We-yala be anmar-dadganga be ise-sogar sogsad, an bemarga ukedseye. We-yalagine, gadi ibmar-sanmaked, napa-nuedid.’ ”
5602	DEU 27:15	‘Dule-gwensak ibmar-wilub e-bab-dummadga-imakega-sobsale, suargindibe, akwagindibe, esgoro-diregwadgindibe, geb agi, odukusbalile, we-dule, sabsur-odurdaklesun. Ar we-ibmar dule-imakedsoggua, Bab-Jehová we-ibmar isdar daked.’ Bela dulemar abin-sogoed: ‘Eye, sabsur-odurdaklesun.’
5603	DEU 27:16	‘Dule-gwensak e-bab-nugdibe, e-nan-nugdibe, oichosale, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5604	DEU 27:17	‘Dule-gwensak e-ai-gwensakgi nainu-odonaile, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5605	DEU 27:18	‘Dule-gwensak dule-ibyasulid igarba-yogguega imaksale, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5606	DEU 27:19	‘Dule-gwensak Israel-dulesulidga, dule-sergan-satedga, degi, ome-ei-sui-burgwisadga, igar-mamaidba ibmar-egadmogad ega nabosulile, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5607	DEU 27:20	‘Dule-gwensak e-bab-ome-ebo negsichigi-nanaele, e-bab-abirgunagwar-guedi galagwensuli oichonaid, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5608	DEU 27:21	‘Dule-gwensak ibdurganbogwa galagwensuli-gusale, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5609	DEU 27:22	‘Dule-gwensak na e-bun-ebo, e-bab-sisgwa-ebodibe, e-nan-sisgwa-ebodibe, galagwensuli negsichidgi-nanaele, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5610	DEU 27:23	‘Dule-gwensak na e-saka-ome-ebo galagwensuli negsichigi-nanaele, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5611	DEU 27:24	‘Dule-gwensak, yardakar dule-baid-oburgwisale, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5612	DEU 27:25	‘Dule-gwensak, dule-ibmar-oakalossulid-oburgwega, dule-baidse manigi-binsaed-galedibe, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’
5613	DEU 27:26	‘Dule-gwensak, we-Igarmar-Mamaid baisur-dakele, eba nanasulile, we-dule, sabsur-odurdaklesun.’ Bela dulemar abin-sogoed: ‘Eye, sabsur-odurdaklesun.’ ”
5700	DEU 29:18	”Ar bemar-wargwen, we-ibmar-an-bemarga-ise-sogar-sognaid-itosad-sorba, binsaddibe: ‘An akar-guosurye.’ Degisoggu, na sogdedibe: ‘Ar an-itolegedba an ibmar-imakoe-inigwele, bela anga ibmar-nueganbi naoye.’ Ar we-dule-nukine, dulemar-baigan bela oitolemaloed.
6050	JOS 9:11	A-ulale, bela anmar-girmar-dummagan, degi, anmar-dulemar, anmarga sogsamalad: ‘Bemar dikasuli namalosoggu, na be igarba mas-gunnega mas sedmar. Bemar Israel-dulemar-abin namar. Amarga be sogmalo: Anmar be-mai mamargumarye. Emigindi, bemar anmarbo igar-mesmarye.’
6059	JOS 9:20	Weyob anmar Gabaón-dulemar-imakodo: Anmar we-dulemar-oburgosulid. Ar anmar wemar-oburgwisale, Bab-Dummad sabsur-anmar-odurdakoed, ar ade, anmar ise-nue-sogar sogsad: ‘Anmar bemar-oburgosurmarye.’
6608	JDG 4:7	Geb ani an Rey-Jabín-e-sorda-bila-onomalad-e-dummad-Sísara Cisón-dianba an sedagoed. Degi, e-ur-bila-onomalad-napaginmalad, degine, e-sorda-bila-onomalad an sedabaloed. Geb agine, we-dulemargi-obinega an be-imakoed.’
6666	JDG 6:10	An bemarga sogsabalid: Ani an bemar-Bab-Dummad-Jehová guye. Melle bemar Amorreo-dulemar-yargi-bukwadgi, e-bab-dummaganse-gormaloye an sogsad. Degi-inigwele, bemar an-itossurmalad.’ ”
6669	JDG 6:13	Gedeón abin-sogded: —Dummad, ar Bab-Jehová anmarba naile, degite, ¿ibiga anmar sabsur-odurdakleddae? Degite, ¿Ibiga ibmar-gegerdaklemalad anmar-dadgan-anmarga-sogsagusad geg bar oyolesunna? Ar anmarga sogsagusad: ‘Bab-Jehováʼde Egipto-yargi anmar-onosye.’ Emisgindi, Bab-Jehová anmar-obachad, Madián-dulemarga anmar-urmaksad.
6858	JDG 11:27	An gwen bemar-oakalossulid. Degite, bemardi angi gwichigu-nanaid. Degi-inigwele, Bab-Jehová, igar-naboged-dummad-gued. Emi-ibagi, Israel-dulemarga, Amón-dulemarga igar-nabogoed.’ ”
7278	1SA 2:36	Be-gwenadgan dula-bemaloedi, we-dule-irwa-anse-goled-asabin yokorgi-sindigar signonimaloed, adi, ese wis mani-egisega, degi, wis mas-egisbaligar. Dule-irwa-anse-goled-innikidaedse weyob wilenai gumaloed: Wis mas-gunnega dule-irwa-Bab-Dummadse-goled-arbaedgi-arbaega be an-imakye.’ ”
7287	1SA 3:9	Elí ega sogded: —Gannar be megnae. Dule gannar bese gollalile, ega be sogo: ‘Dummad, soge, an be-itomai.’ Geb degine, Samuel gannar megnadsunnad.
7735	1SA 20:3	David ise-sogar sogdebalid: —Ar be-bab nue-wisid, bede nue-an-sabe. Degisoggu, be-bab na binsasargebed: ‘Jonatánʼga an we-ibmar mer-sogoye, adi, mer isdar-itogegarye.’ Ar Bab-Jehová-Dula-Maid-nuggi, degi, be-nuggi, an ise-sogar-soged, ar andi burgwednaga gudiid.
8033	2SA 1:8	”Geb anse egichialid: ‘¿Be doawa?’ Geb an abin-imakded: ‘An Amalec-duled.’
8094	2SA 3:10	Ade, Bab-Jehová sogsa gusad: ‘Saúl-yar-bela-semaid Davidʼga an bela ukoye. David bela Israel-yar-naid seoed, Judá-yar-naidse-bakar, Dan-neggwebur-siid-akale, Beerseba-neggwebur-siid-ugakaase yar-seoye.’
8194	2SA 7:11	Epenne, an Israel-idumalaga igar-nabiromalad-nugsasad-ibagine, neg-gusdaeyobi, bar be-isdarmalad be-naibisanai guosurmalad. An begardi neg-obunnoged nasiko, be-isdarmalad bar-akar be-imakosulid.’ ” Aginbali, Natán, Davidʼga sogdebalid: “Bab-Jehová bega sogbalid: ‘E bega neg-soboye.
8311	2SA 12:22	David e-sapin-dummagan-abin sogded: —Mimmi-nailikgumaiun, an mas-gunbisur-gusad, ise-boar an-gudii gusbalid, an binsasad: ‘Abakar Bab-Jehová wile an-dakalirye, anga mimmi-bendakalirye.’
8348	2SA 13:28	Absalón e-maimarga sogsa gusad: “Bemar nue Amnón-dako, nue-mumgudele, an bese gotemaloed: ‘Emisgi Amnón-oburgwemarye.’ Geb bemar Amnón-oburgwemaloed. Mer dobgumalo, ani an be-barminanaid. Gandik-samalo, niga-ogannomalo.”
8391	2SA 14:32	Absalón abin-sogded: —An bese gochanad, anse be dagye, adi, an-ular reyse be naegar. Adi, ese egisega: ‘¿Ibiga Gesur-neggweburgi-gudii an suleapi? An weba bur gudiina, nuedinad. Emide, reyse an naoed, ar ibmar-oakalos an-dakele, an-oburgodo.’
8418	2SA 15:26	Ar Bab-Jehová sogdibe: ‘Bar an bebina sogsurye, ¿igi an bar saosunna? Bab-Jehová e-sogedba an-imakodo.’
8493	2SA 18:12	A-dule Joab-abin sogdemogad: —Amba be anga mani-miligwen-aidikued-wilub (1,000) ukena, amba Absalón an oburgosulinad. Rey-machigi gege an aibined. Ar anmar rey-bega-ibmar-sogsad ise-itogaled, Abisaiʼga deyob sogsabalid, Itaiʼga deyob sogsabalid: ‘Mer an-machi-Absalón akar-imakmaloye.’
8500	2SA 18:19	Agine, Sadoc-machi-Ahimaas, Joabʼga sogded: —Gwae an Rey-Davidʼse naoe, ega sognaegar, ‘Bab-Jehová be-isdarmaladgi-nakwega be-imaksaye.’
8803	1KI 2:30	Benaía Bab-Jehováʼse-goled-negse dogdapgua, Joabʼga sogded: —Rey soged: ‘Be magaba-nondaye.’ Joab abin-sogded: —Suli. An wegi burgoe. Benaía, Rey-Salomónʼga sognonikid, igi Joab e-abin-imaksa.
8815	1KI 2:42	Agine, Salomón, Simei-sedamalaga imaksad, geb ega sogded: —Bab-Jehová-nuggi, be anga ise-sogar-sogega an be-imaksasursi, mer be Jerusalén-neggweburgi nooye. Nue-ise-sogar an bega sogsabarsursi: ‘A-ibagi be nosdibe, ase be arbidibe, be-oburgwilegoye.’ Be nue anga sogsamogad: ‘Nabiri, an beba ibsaoye.’
9035	1KI 8:47	”Geb a-yargi Israel-dulemar gales-bukwadgi na e-isgusad magar itononimalale, agine, bese ise-gormakar gotemalale, degi, weyob sogdemalale: ‘Anmar nue-nosye, anmar ibmar-isgana imaksaye, anmar nue-isgusye.’ Bab-Jehováʼye, nibneggi-mai be itogoed, Israel-dulemar-e-isgued be osulogoed.
9165	1KI 12:11	An-babdi molidubgi bemar-bibyosad. Andina, molidub-e-duku-esgorobiidgi an bemar-bibyogoed.’
9443	1KI 20:32	Degidbali, Ben-Adad-sordamar Israel-dulemar-e-reyse nade gusmalad. Ega wilesagwadgi sogdapmalad: —Ben-Adad-be-maiga-gudiid weyob sogye: ‘Wile wis be an-dake, mer be an-oburgoye.’ Rey-Acab abin-sogded: —Ben-Adadʼde, ¿amba dula-gudii? We-dule an-gwenadyob gued.
9464	1KI 21:10	Agine, dule-gadi-gakansamalad warbo amimalo, adi, sogmalaga: ‘Nabot Bab-Dummad-nuggi ichakwa sunmaksaye, degine, rey-nuggi ichakwa-sunmaksabarye.’ Geb, a-sorba neg-magaba be Nabot-onomalo. Akwagi-makar oburgwemalo.”
9510	1KI 22:27	Ega be sogdapmalo: ‘Weyob rey sogye: Esgaryagi Micaías-simaloye. Unnila madu, diibogwa ega be ukmaloye. Bila-onogedgi an bonisuli aibirisar, geb be Micaías-onomaloye.’
9591	2KI 3:11	Geb degi, Josafat egichided: —¿Ar wegi Bab-Jehová-gayaburba-barsoged satesi? Adi, a-dulese anmar egisega: ‘Bab-Jehová, igi-ibmar-imakbi anmar-abege.’ Israel-e-rey-sorda-dummad-gwensak sokalid: —Wegi Safat-machi-Eliseo gudiid, Elíasʼba gudii gusad.
9664	2KI 5:13	Geb e-maimar ese nadmalad, ega sogdemalad: —Dummad, ar Bab-Dummad-e-dule ibmar-yeer-gangued imakoye bega sogsana, ¿bur be imakoen be-insae? A-bursunna be imaksasuliled. Ar emidi bega sognaid: ‘Dii-ulak be-dogoye, yog be nuguar-naoye.’
9707	2KI 6:29	Degisoggu, an-mimmi anmar oburgwisad, geb anmar guchamalad. A-bangi omegwaga an sokarmogad: ‘Wese, be-mimmi be seda, anmar emi a-gunmarmogo.’ Ar omegwadina e-mimmi-odukusad.
9772	2KI 9:12	Geb e-sordamar ega sogded: —Binsa be gordii. Nue be anmarga soge. Jehú sogded: —Anga weyob soged: ‘Bab-Jehová weyob sogye: Emi, an Israel-dulemar-e-reyga an be nug-imaksaye.’
10058	2KI 18:30	Ezequías bemarga sokardibele: Bab-Jehováʼgi mer be bengumaloye. Ar Bab-Jehová Asiria-e-reygi anmar-bendakoye. Asiria-e-rey we-neggwebur obelogosurye. Melle be Ezequías-itomalo.’
10085	2KI 19:20	Geb degi, Amoz-machi-Isaías, Ezequíasʼse weyob gayaburba barmisad: “Bab-Jehová Israel-dulemar-e-Bab-Dummad weyob soged: ‘Be anga Asiria-e-rey-Senaqueribʼgi, ibmar sogsadi, bela an be-itosye.’
10093	2KI 19:28	” ’Ar be, angi ulusad, be angi apor-sunmaksadi an bela itosad. Degisoggu, igi moli-bebe-nikamaladga, e-asugi esgoro-wardummad yolege, deyobi, an be-asugi esgoro-wardummad yooed. Igi-molimar-e-gaya edilledae, deyobi, be-gaya an bei edinnoed, adi, mer bar be sunmakegar. Bia be danigusadba, gannar an be-barmidoed.’ ”
10138	2KI 21:15	Ar ade, Egipto-yargi an e-dadgan-onosad-akale, emi-ibase, amba we-neggwebur an ibmar-abemaisulid, an-asabin imakdimalad. Degi, an-ourwedigusmarsunnad.’ ”
10847	1CH 16:22	‘Dulemar-an-maiga-sulesmalad, mer oakalomalo. An-gayaburba-barsogmalad, mer ani sabsur-imakmalo.’
10874	1CH 17:6	Bela Israel-dulemarba an gudigusgua, deunni an Israel-e-dummaganga sogsagua, anga an-dulemar-idugoye. ¿A-dulemarga an sogsa, anga urwar-neg sobmaloye? A-dulemarse an neg-egichissulid.’
10957	1CH 21:18	Bab-Jehová-e-baliwitur Gadʼga sogded: “Be nae. Davidʼga be sogo: ‘Bab-Jehováʼga ibmar-ogumakar-ukleged-aila be soboye. Jebuseo-dule-Ornán-e-ibmar-gwag-omukuleged-naidgi be aila-soboye.’ ”
11293	2CH 6:6	Degi-inigwele, emi, an Jerusalén-neggwebur susad, adi, agi an megegar. Deginbali, an-Israel-dulamar-seega, an David nug-imaknonibalid.’
11324	2CH 6:37	Bab-Dummadye, be-dulamar e-isdarmaladse galesad-yargi, e-isgusadga bukib-itogedba, bese wilesagwa gotemalale, sogdemalale: ‘Anmar magar-itoye, anmarde begi nosad, anmar ibmar-isgana-imaksad magar-itoye.’
11411	2CH 10:11	An-bab, arbaed-dutusulid bemarga ukdii gusale, andi bur bule bemarga arbaed-dutusulid ukoed. An-bab molidubgi bemar-bibyosale, andina, molidub-e-duku-esgorobiidgi an bemar-bibyogoed.’
11447	2CH 12:5	Geb degine, Bab-Dummad-gayaburba-barsoged-Semaías, Rey-Roboamʼse, degi, Judá-e-dummagan Jerusalénʼgi Sisac-dobmaladba igar-itobukmaladse nonikid. Geb Semaías, dummaganga sogded: —Bab-Jehová weyob soged: ‘Bemar an-obachamarsoggu, aga, an Sisacʼga an be-urmakmarsundo.’
11573	2CH 18:26	Ega be sogmalo, rey wegii sogye: ‘Esgaryagi be Micaías-metoye. An nuedgi gannar aibiroedsega, unnila maduginbi be ogunmaloye, degi, diiginbi-ogobmarbaloye.’
11601	2CH 20:9	‘Ar anmargi boni-dummad danikile, es-suidba-galitogeddibe, uelleged-dummaddibe, igi, ukud-dummaddibe, agi, anmar be-nuggi bese-goled-negse be-asabin bular ambikunonimalale, degi, wile-itogedba anmar binnasur bese gotemalale, be anmar-itogoed, be anmar-bendakoed.’
11702	2CH 24:20	Degidgine, Bab-Jehová-Burba, dule-irwa-Babse-goled-Joiada-machi-Zacaríasʼgi aidenonikid. Geb degi, Zacarías dulemar-asabin gwisgusgu, dulemarga sogded: “Bab-Dummad-Jehová weyob soged: ‘¿Ibiga bemar an-Igar-Mamaidba be nanasurmala? Emidi, bemar an-Igarba nanasurmarsoggu, bemarga iba-nuegan bar-naguosulid. Ar ade, bemar an-obachamarsoggu, an be-obanmarmogoed.’ ”
11895	2CH 32:15	Mer Rey-Ezequíasʼse yamolemalo, degi, melle ese-binsaed galemalo. Melle be itomala, ar bab-dummagan-wargwensaar neggweburmar angi-nakwega imakmaisulid. Degi, bab-dummagan dule-bamalad an-babgangi-nakwega imakmaisurbalid. Ar be-Bab-Dummad-bule-sunna, angi-nakwega be-imakosulid.’ ”
12253	EZR 9:11	Be-maigan-be-gayaburba-barsogmaladba, be iduakwaa anmar-owisosgusad. Deun, weyob be sogsagusad: ‘Bemar we-yarse dogmaloedi, degi, we-yar be gamaloedi, nue-isgus-naiye, dule-gudimalad ibmar-isgana-imakedba, bela-belad we-yar nue-gagalesye. Bela a-yala nue-isgus-naiye be anmar-owisosanad.’
12413	NEH 6:7	Degine, bede Bab-Dummad-gayaburba-barsogmalad-onugsasye, adi, amar Jerusalén-neggweburgi begi sogmalagar: ‘Judá-yargi anmar rey-nikamarye.’ Ar Rey-Artajerjesʼse we-gayaburba warmakosoggu, be anmarse dage, anmar sunmakmalagar.”
12512	NEH 8:15	Degine, bela neggwebur-iliba dule-baigan-owisomaloye, degi, Jerusalénʼgi owisomarbaloye, sogoye: ‘Be sapurba namar, olivo-sapi-anagan sedamaloye, olivo-sapurbalid-anagan, sapi-arrayánʼye-nugad-e-gagan-wawadikmalad sedamaloye, ogobgi-dakleged-gagan, degi, bela sapi-dummagan-gagan sedamaloye, adi, neg-matargwa-matargwa sobmalagarye, ar igi gardagi narmakar-naidba.’ ”
13116	JOB 11:4	Emide, be soged: ‘An-ibmar-soged innikigwadye, Bab-Dummad-asabinni an ibmar-oakalossurye.’
13329	JOB 19:28	”Bemar sogbalid: ‘Anmar egi yolegoe, ar a-dulegi isgued nue-maid.’
13407	JOB 22:14	Be sogbalid: ‘Mogirmar Bab-Dummad-idu bipirmaknaiye, mogir-gudureged ebirisnaiye. Agala, Bab-Dummad gege anmar-dakye.’