65	GEN 3:9	Bab-Dummad-Jehováʼdi macheredse goted, ega sogded: —¿Bia be gudii?
67	GEN 3:11	Geb degine, Bab-Dummad macheredse egichialid: —¿Ar doa bega sogsa, be uka-swilii gudiiye? An bega sogsad: ‘Sapi-wargwen-e-san mer be gunnoye.’ ¿A-sapi-e-sande be guchasi?
69	GEN 3:13	Geb degine, Bab-Dummad-Jehová omese egichided: —¿Ibiga deyob be imaksa? Ome abin-sogded: —Ar naibe an-yardaksad. A-ular, sapi-e-san an guchad.
86	GEN 4:6	Geb degine, Bab-Jehová Caínʼga sogded: “¿Ibiga sae be itoge? ¿Ibiga be-wagar urwakwaa daklege?
87	GEN 4:7	Ar ibmar-nued be imakele, ¿an be-abingassurmogar be insae? Eye, an be-abingasmogale. Ar emigindi, be ibmar-nued imaksursoggu, isgued begi-aibinega guakwaa be-edarbediid. Degi-inigwele, sunna isguedgi be obined.”
89	GEN 4:9	Geb degine, Bab-Jehová Caínʼse egichided: —¿Bia be-urba-Abel nade? Caín, Bab-Jehová-abin sogded: —An wissuli. ¿Ar ande an-urba-edarbedsi?
90	GEN 4:10	Bab-Jehová Caínʼga sogded: —Ar wede, ¿ibi be imaksa? Be-urba-ablis be eosad. Emide, a anga sogeyob an itoged: ‘Anga be igar-naboye.’
363	GEN 15:2	Abram Bab-Jehová-abin sogded: —Bab-Jehová-Bela-Negsemaid, ar be wisid, an mimmigan-sated, degite, ibmar-dummad be anga ukoye sogedi, ¿ar wede ibi-nuedga anga guosunna? Degisoggu, bela-an-ibmar-nikadi, we-anga-neg-daked-Damasco-dule-Eliezer, an-sorba bela ibmar gaoed.
369	GEN 15:8	Abram Bab-Jehová-abin sogded: —Bab-Jehová-Bela-Negsemaid, degite, ¿igi nue an wisguosunna, we-yarde nue angadga guoe?
390	GEN 16:8	Bab-e-baliwitur Agarʼse egichialid: —Sarai-e-mai-Agar, ¿bia be daniki? ¿Bia be nae? Agar abin-sogded: —An-dummad-Sarai-idu an wakinmai.
415	GEN 17:17	Abraham napase e-bebe-ebugedse dulluu imaksad, geb allided. Agi, binsaded: “¿Ar wede dule-birga-dulatar-nikad (100) sunna babga gusi? ¿Ar wede Sara birga-dulabake-gakambe-nikadgi (90) sunna nanga gusi?”
434	GEN 18:9	Geb dulemar-warbaagwadi Abrahamʼse egichiarmalad: —¿Bia be-ome-Sara nade? Abraham abin-sogded: —Dordonegyaba gunai.
437	GEN 18:12	A-ulale, Sara allided, ulubgi binsaded: “Bato ande selebagusad, degi, an-suide selebagusmogad. Wegiid an bar dakosur-itole. ¿Ar wede sunna an bar mimmi nikuosi? Geg bar an nikued.”
438	GEN 18:13	Ar Bab-Jehováʼdi, Abrahamʼga sogded: —¿Ar ibiga Sara alle? ¿Ar ede seredgussoggu, geg bar mimmi-nikuye binsade?
439	GEN 18:14	¿Ar Bab-Jehováʼga ibmar-geg-gued nikasi? Suli. Baid-birgase gannar an bese ataknonibaloed. A-ibagangine, Sara machi-wargwen bato nikuoed.
442	GEN 18:17	Geb degine, Bab-Jehová binsaded: “¿Ar an ibmar-imaksokalid Abrahamʼgi an odukuode?
448	GEN 18:23	Geb degine, Abraham Bab-Jehováʼse walikaa naded, ega sogded: —¿Ar dule-isgudisurmalad, dule-isgudimaladba be obelogode?
449	GEN 18:24	”Ar dule-nuegan dulabo-gakambe (50) we-neggweburgi gudidiile, ¿amba be we-neggwebur obelogode? Ar we-dule-nuegan dulabo-gakambe (50) gudidimalad-sabed-ular, ¿we-neggwebur melle obelogodeeye be sogosurde?
450	GEN 18:25	Dogdar-itole, dule-ibmar-isgana-imakdisulid, dule-ibmar-isgana-imakdiidba be oburgwer. Ebobela emarbi isgusadyob be imako itole. Mer deyob be sae. Bee be, bela dule-we-napneggi-bukmaladga, igar-naboged-e-dummadsoggu, ¿igar-innikii maidba be imakosurde? Eye. Be igar-innikii maidba imakoed.”
453	GEN 18:28	Igidibe, dule-nuegan dulabo-gakambe-guega (50), e-walatar-napile. ¿Amba walatar-napid-ular, bela Sodoma-neggwebur be obelogode? Bab-Jehová Abraham-abin sogded: —Ar we-neggweburgi dulabo-gakatar (45) dule-nuegan amba wis gudiile, an obelogosulid.
454	GEN 18:29	Gannar Abraham sogdebalid: —¿Ar unnila dulabo (40) dule-nuegan gudiile, bela Sodoma-neggwebur be obelogode? Bab-Jehová abin-sogded: —A-dule-nuegan-dulabogwad-ular (40), we-neggwebur an obelogosulid.
455	GEN 18:30	Ar Abrahamʼdi gannar Bab-Jehováʼga sogdebalid: —Dummad, gannar-gannar an bega ibmar-sognaidgi, melle be isdar an-itogo. Ar unnila dulagwen-gakambe (30), dule-nuegan gudidiile, ¿bela Sodoma-neggwebur be obelogode? Bab-Jehová gannar abin-sogdebalid: —Ar we-neggweburgi unnila dulagwen-gakambe-gudidimalad-ular (30) an obelogosulid.
456	GEN 18:31	Abraham sogdebalid: —Dummad, weyob an bega sunmakewilubsulinad, degi-inigwele, ¿we igi-balile, unnila dulagwen (20) dule-nuegan we-neggweburgi gudiir? Bab-Jehová Abraham-abin sogdebalid: —Amar-dulagwenad-ular (20), we-neggwebur an obelogosulid.
457	GEN 18:32	Amba Abraham gannar sogdebalid: —Dummad, wis an bese egis, melle be isdar an-itogo. Napi an bega soge. A-sorba, bar an bega ibmar sogosulid: ¿Igi be imaksale, unnila warambe (10) dule-nuegan gudiir? Bab-Jehová Abraham-abin sogded: —Ar dule-warambegwad-ulale (10), an we-neggwebur obelogosulid.
463	GEN 19:5	Lotʼga binnasur sogdemalad: —¿Bia machergan emi-mutik be-negse-nonimalad nade? ¡Anmarga be onoge! ¡Anmar we-machergangi dodobied!
470	GEN 19:12	Geb degine, dule-warbogwad Lotʼga sogdemalad: —¿Amba gwenadgan-baigan be nika? Be-sapingan, be-masmala, be-bunamala, bela we-neggweburgi gwenadgan-be-nikadi be sede. Bela be-gwenadgan we-neggweburgi be onogo, degine, dikasur be sede.
500	GEN 20:4	Ar Abimelec amba yoo Saraʼse gorsoggu, Abimelec Bab-Dummad-abin sogded: —Dummadye, ¿ar bede dule-neg-oakalossulid oburgoye be sogde?
505	GEN 20:9	Geb a-sorbali, Abimelec, Abrahamʼse-gochagu, ega sogded: —¡Emi, be-neg-oakalosad be dake! ¿Ibigi an begi nosa? Emisgi isgued-dummad be angi, degi, an-sordamargi senonigu. Weyob be ibmar imakewilubsulinad.
506	GEN 20:10	Abimelec Abrahamʼga sogdebalid: —¿Ar ibiga deyob be imakye be binsaali?
521	GEN 21:7	Sara sogdebalid: “¿Ar wede doa Abrahamʼga sogoen be insae, ani, Sara, ega mimmi bakoye? Dule sogosulina. Ar emigindi, be dakena, ar Abraham bato seredgus-inigwele, degite, anga machigwa baksad.”
531	GEN 21:17	Bab-Dummad, machigwa bosiid itosad. Bab-Dummad-e-baliwitur nibneg-akar Agarʼse gornonikid, ega sogded: “¿Agar, igi be itoge? Mer be bukib itoge, ar Bab-Dummad be-machi-bosiid itosad.
543	GEN 21:29	A-ulale, Abimelec Abrahamʼse egichialid: —¿Ar ibiga-wede be sibad-wawaad-ome-senigana walagugle (7) be bachikii urbisa?
597	GEN 24:5	E-mai abin-sogded: —Nued, dummad. Ar yagwa we-negse yapa anba dagele, ¿igi an imakosunna? ¿Ar degiile, be-yargi be aligusadse, an be-machi sedsunnode?
615	GEN 24:23	Geb degine, Abraham-e-mai yagwaga sogded: —¿Be doa-sisgwa? Degi, anmar obunnogega, ¿be-bab-walik neg-nika be dake?
623	GEN 24:31	Geb Labán Abraham-e-maiga sogded: —Bedi dule-nuedid. Begi Bab-Jehová ise-nued binsasad. ¿Ar ibiga magaba be mellesii? Be anba dage. Ar bato neg guakwaa an bemarga nudaksad, degi, be-moli-yargan-muremaladga guakwaa an neg nudaksabalid.
650	GEN 24:58	Rebecaʼse gochamalad, ese egisdemalad: —¿Emisgwa we-macheredba be nabie? Bunagwa abin-sogded. —Eye, an nabie.
681	GEN 25:22	Ar warbogwadi amba sapidukugi-mamaiunni, bato gaemamaid. Agi, Rebeca binsaded: “¿Ar ibiga anga weyob gunai? Degisoggu, a-ular, Bab-Jehováʼse igar-aminad gusad.”
691	GEN 25:32	Esaú abin-sogded: —An ukudba burgwedanisoggu, anga-bela-ibmar-uklegoed, an bega ukodo. ¿Ar ibiga bar an we-ibmar abesunna? An abesuli.
748	GEN 27:20	Geb degine, Isaac e-machiga sogded: —Machi, ¿igi nabir bato be ibmar abingusbinne? Jacob e-bab-abin sogded. —Bab-Dummad-Jehová gwae-gwae ibmar-abinguega an-bendaksad.
761	GEN 27:33	Isaac geger-itoged, nue-wawanmake sogded: —Degite, ¿wede doa be-iduar ibmar-maksad, yeer-gulle anga senonisunna? Be-nonikid-iduar, dule-anga-mas-senonikid bela an guchad. Bato be-iduar-dule-arbidga, egi ise-nued-binsaed bela an ega sogsad. Ar emigindi, bato egi ise-nued binsalessunnad. Geg bar an oakaloged.
764	GEN 27:36	Geb Esaú sogded: —¡Ar nabir ega Jacobʼye nug nasiksamala! ¡Ar emide ilabogus an-yardakdanikid! Gebe unni, an machi-sailagined-guedba anga ibmar-uklegoenad an-ibe susad. Emide, angi ise-nued-binsaleged an-ibe susbalid. Esaú sogdebalid: —Baba, degite, angi ise-nued-binsaleged, ¿wis be anga obessuli?
766	GEN 27:38	Esaú e-babgi alamaknai gusad: —¿Baba, be-ise-nued-binsaed wis soggwensaar geg be anga soge? ¡Be angi ise-nued binsamoga! Degine, Esaú gannar ise-ogormakar bodbalid.
800	GEN 29:4	Jacob sibad-wawaad-edarbemaladse egichided: —¿An-aimar, bemar biarmaladi? Abin-imaksamalad: —Anmar Harán-neggweburginedi.
802	GEN 29:6	Jacob ese egisdebalid: —¿Labánʼde nued gudii? Sibad-wawaad-edarbemalad abin-imakdemalad: —Eye, Labán nued gudii. Be dakena, e-sisgwa-Raquel e-sibad-wawaadmar sedanikid.
803	GEN 29:7	Geb degine, Jacob sogded: —Sibad-wawaad e-urbilegedgi-urbelegegala amba dad-dikasulid. ¿Ar ibiga bemar geg sibad-wawaadmarga dii ukmala? Geb sorbali, bemar sibad-wawaadmar-gagan-mamalaga gannar sedmaloed.
821	GEN 29:25	Neg-oibosgu, Jacob dakalid, Lea e-dikarba mai. Degisoggu, Jacob Labánʼga sokalid: —¿Igi be an-imaksa? Be angi dodo-soge. ¿Ar ande Raquelʼbina an bega arbassursi? ¿Ibiga degite be an-yardake?
832	GEN 30:1	Raquel geg Jacobʼga mimmi-bake-itoargu, e-ior-Leaʼgi nobgualid. Raquel e-sui-Jacobʼga sogded: —¿Ibiga geg be anga mimmi bake? Mimmi an abege. Be anga baksulile, an burgoed.
846	GEN 30:15	Ar Leaʼdi abin-sogded: —¿Ar emide, be angi-sui-egwachad, unni be itosursi? Ar emide, mandrágora-sanmar an-machi-anga-senonikid be abebalid. Raquel abin-sogded: —Be-machi-mandrágoraʼmar-bega-senonikid be anga ukele, emi-mutik Jacob bese goloed.
861	GEN 30:30	An-nonikid-idu ibmar-ichee-be-nikadi, bega napiragwad merguded, ar ade, an bese nonikid-akar Bab-Jehová ise-nued begi binsasad. Degite, ¿emide, sana an-mimmiganga an na arbadmogosunna?
890	GEN 31:16	Ar napiragwad, Bab-Dummad bela an-babgi ibmar-susadi, ¿ar wede anmargadsursi? Eye, anmargadi, degi, anmar-mimmigangadi. Degisoggu, bela Bab-Dummad bega ibmar-sogsadba be imakdo.
900	GEN 31:26	Labán wis gannadginsaar Jacobʼga ibmar sogded: —¿Igi be anga gude? ¿Ibiga be an-yardaksa? ¡Emide, be an-sisgan bila-onoedgi-galesdamaladyob sealid!
901	GEN 31:27	¿Ibiga be an-yardaksa? ¿Ibiga an-arbak an-owisossuli be wakinnali? Be an-owisosana, weligwaledgi an bega sogsanad, nuedgi be naye. Degine, namakedgi, gar-tambor, degi, gar-arpa goled-abalagi be alinad.
904	GEN 31:30	Ar emide, bela-bela be-bab-negse be gannar dagbiedde, degite, ¿ibiga an-nuchu-an-bab-dummagan be ani atursassunna?
910	GEN 31:36	Ar Labánʼdi nuchumar-amidiid amissursoggu, a-ulale, Jacob uluded, Labánʼga binnasur weyob sogded: —Ar emide, ¿ibigi an begi nosa? ¿Ibigi an begi isgus be an-daksunna? Ar emide, ise-aporsaar be an-baregindigu.
911	GEN 31:37	An-ibmar bela be argasad. ¿Ar ibi-be-ibmar be an-neggi be amissunna? Be ibmar-amisad, be-gwenadgan-asabin, an-gwenadgan-asabin be urbedo, adi, sogmalaga, ar doa-anbogwadi bur-nabir ibmar soge.
917	GEN 31:43	Geb degine, Labán Jacob-abin sogded: —Be-omegan, an-sisganad. Burwigana, an-waganad. Sibad-wawaadmar, an-sibad-wawaadmalad. ¡Bela we-ibmarmar be dakedi, bela angadbiid! Ar an-sisgansoggu, ¿igi an bar saosunna? Degine, an-sisgan-mimmiganbarsoggu, ¿igi an imakbalosunna?
946	GEN 32:18	Jacob gebe-dulemar-barmisad-e-iduedga weyob sogsad: “An-ia-Esaú be-abingualile, degi, bega sokardibe: ‘¿Doa be-dummadye? ¿Bia be nadapye? Degine, be ibmar-durgan-semaidi, ¿we doagadye?’
956	GEN 32:28	Dule Jacobʼse egichided: —¿Igi be nuga? Jacob abin-sogded: —Jacobʼye, an nuga.
958	GEN 32:30	Jacob dulese egisdemogad: —Emigi, be-nug anga be sogmoga, ¿igi be nugmoga? Dule abin-imakded: —¿Ibiga be anse an-nug egise? Geb degine, dule Jacobʼgi ise-nued-binsaedgi ega sogded. “Bela bega ibmar-nueganbi gusunno.”
966	GEN 33:5	Geb a-sorbali, Esaú, omegan-dakargu, degi, mimmigan-dakargu, egichided: —Wemardi, ¿we doamala? Jacob abin-sogded. —We-mimmigan Bab-Dummad angi-nabir-binsaedba anga uksadid.
969	GEN 33:8	Geb degine, Esaú egichidbalid: —¿Ar ibiga we-ibmar-durgan danar-danar be anga barmiali? Jacob ega sogded: —Be angi-nued-binsaega, an bega barmialid.
976	GEN 33:15	Esaú abin-sogded: —Nabirdo. Machergan-anba-nonimaladi, abala an bega obego. Jacobʼdi e-ia-abin sogded: —¿Ar ibiga be obegoe? Bato unniguar nued be angi binsasad.
1012	GEN 34:31	Ar e-masmaladi, e-bab-abin sogdemalad: —¿Ar wede Siquem anmar-bun-Dina omegambanuchuyob imakoye soge? Suli, degisuli.
1092	GEN 37:8	Geb degine, e-iamar abin-sogdemalad: —Ar be sogsunde, ¿be anmar-reyga guoye? ¿Be anmar-dummadga megoye? Adi surbali. We deyob-gabdaksadba degi, e-iamarga e-gabdaksad-sogsadba e-iamar bur bule José-sae dakdemalad.
1094	GEN 37:10	José weyob-gabdaksadi, e-babga, degi, e-iamarga sogsagua, e-bab Joséʼga sabsur-ibmar sokalid, ega sogded: —We deyob be gabdaksadi, ¿wede ibu be obare? ¿Ar ade, ani, be-nan, degi, be-iamar, anmar be-nug-odummonai gumalode? Adi surbali.
1099	GEN 37:15	José Siquemʼse modapgu, dule-wargwen, José sapurba-bipirmadii abingualid. Joséʼse egichialid: —¿Ibu be amidii?
1100	GEN 37:16	José abin-sogded: —An-iamar an amidii. ¿Sunna be anga sogsale, bia an-iamar sibad-wawaadmar edarbedimala?
1110	GEN 37:26	Geb degine, Judá, e-gwenadganga sogded: —Ar anmar anmar-urba-oburgweye-soger, ¿ibi-nued anmar egi amiosunna? Ibmar-nued anmar egi amiosulid. Ar a-sorbali, anmar neg-oakalosad odukubalirgebed.
1114	GEN 37:30	Geb a-sorbali, e-urbamar-bukwadse nonikid, amarga sognonikid: —¡Machigwa bar dia-yaba sisulid! Ar emigindi, ¿igi an gudoe?
1136	GEN 38:16	Geb degine, Judá igarba-nadapidgi omese-naega aibatesunnad. Ar Judá wissulid, we-omede, e-bala gue. Omese-modapgu, ega sogded: —¿Sunna be anbo megisale? Ome abin-sogded: —Be anbo-megbiele, ¿ibu be anga ukoe?
1141	GEN 38:21	Degisoggu, Adulam-dule Enaim-neggweburginmaladse egichided: —¿Bia ome-gambanuchu Enaim-neggweburgined, igargi-sidaed nade? Abin-sogdemalad: —Wegi ome-gambanuchu sidasulid.
1159	GEN 39:9	We-neguyagi, dule-baid anba-bur-dummad sulid. An-dummadse ibi an egisdedibe, surye gwen anga sogdisulid. Unnila bebi geg an be-ebuged, ar ade, bedi e-omed. Degisoggu, ¿ar igi we-ibmar-isgana an imakosunna? Bab-Dummadgi an nue-dummad-nosar-itole.
1234	GEN 41:38	Degisoggu, Faraón sogdesunnad: —¿Bemar insagua, dule-baid weyobi Bab-Dummad-burba-nikad anmar amio be insae? Anmar amiosuli.
1254	GEN 42:1	Jacob wisgusgu, Egipto-yargi orosgi-dakleged-nikaye, e-machimalaga sogded: “Anga sogmalad, Egipto-yargi orosgi-dakleged nikaye. ¿Ar ibu be abdakmarsunna, emide, be muchub-muchub nuu na be dakbukmargu?
1260	GEN 42:7	José e-iamar-dakdeyalaba bato magar-daksad, e-iamalad. José yamo aku-e-iamar-dakeyob imaksad. Degi, apor e-iamarse egichided: —¡Bemar! ¿Bia be danimala? E-iamar abin-sogdemalad: —Anmar Canaán-yalagi danimalad, orosgi-dakleged bakegar.
1297	GEN 43:6	Geb degine, Israel sogded: —¿Ibiga bemar sunnasur angi damala? ¿Ibiga bemar we-dulega sogsamala: ‘Anmar, urba-baid nikabarye?’
1298	GEN 43:7	Masmala e-bab-abin sogdemalad: —Ar ade, dummad-mas-dakmaid anmarse nue-ibmar egichisad, degi, anmarse nue-anmar-gwenadgan egichisbalid. Anmarse egichisad: ‘¿Be-babde amba dula? ¿Bemar urba-baid nikamarbali?’ Ar anmarse ibmar-egisnaidbi ega an sogsamalad. Ar igi anmar wisguosunna, weyob anmarse egisdagoed: ‘Be-urba be anga sedamaloye.’ Anmar wissurdo.
1318	GEN 43:27	Geb degine, José egisded: —Bemarde nueganbimar sogeye. José egisdebalid: —Degite, be-babde, be-anga-egi-sunmaksamalad, nue-selebagusye, ¿amba dula gudii? ¿Nued gudii?
1320	GEN 43:29	José bela dulemar-dakdegu, dakalid, e-urba-galagwenad-Benjamín simoga. Geb degine, José sogded: —¿We, bemar-urba-bipigwad bemar anga egi sunmaksamaladi? Geb degine, José, Benjamínʼga sogded: —¡Machi, Bab-Dummad ise-nued begi binsaena gadin!
1329	GEN 44:4	José-e-gwenadgan neggweburgi amba itakasaar-nadapidgine, José ega-neg-akwedga sogded: “We-machergan-naded be bareginna. Be bargasale, ega be sogo: ‘¿Ibiga dule-ibmar-nued-bega-imaksadgi be isdar binsasmala? ¿Ibiga be e-mani-nog atursasmala?
1332	GEN 44:7	Agi, José-e-gwenadgan abin sogdemalad: —Dummad, ¿ibiga weyob be anmarga soge? ¡Anmar weyob geg ibmar imaked!
1333	GEN 44:8	Anmar-sagu-yaba mani-bukwa anmar dakargusadi, a-mani Canaán-yar-akar anmarde bega ukega gannar sear gusad. Degite, ¿igi anmar be-dummad-neggi, mani, degi, olo atursaosunna? Geg anmar atursaed.
1340	GEN 44:15	Ar Joséʼdi amarga sogded: —¿Ar igi be anga gudmala? ¿Ar bemar wissurmarsi, dule-anyobidi Bab-Dummadse-idakedba sunna ibmar wisgued?
1341	GEN 44:16	Judá abin-sogded: —¿Ar igi anmar be-abin-imakosunna? ¿Ar igi anmar sogosunna, anmar deyob ibmar imaksasurye? Ar Bab-Dummadde anmar-daksad, anmar nue-dummad nosad. Degisoggu, wegi anmar, degi, dule-sagu-yaba be-nog-amilesad, be-maiga gumarsunnodo.
1359	GEN 44:34	Ar degisulile, ¿igi an machigwasuli gannar an-babse an naosunna? An-bab nue-dummad-wilegoed an dakbisulid.”
1362	GEN 45:3	José, e-gwenadganga sogded: —Ani, an José. ¿An-bab amba dula? E-gwenadgan José-asabin-bukwadi, bela-bela dobe-itomarsoggu, geg abinsagusmalad.
1424	GEN 47:3	Geb degine, Faraón José-e-iamarse egichialid: —¿Ibigi bemar arbamala? Amar abin-imakdemalad: —Dummad, anmar-be-maigan-gumaladi, anmar-dadganyob anmar sibad-wawaad-edarbemalad gumalad.
1429	GEN 47:8	Geb Faraón Jacobʼse egichialid: —¿Birgabigwa be nika?
1440	GEN 47:19	Be anmar-nainu baksundo, be anmar-bakbarsundo, adi, masgi be anmar-ogundii guegar. Anmar Faraón-e-maiga gumaloed, degine, ibmar-gwaggi anmar-nainugi-anmar-arbaoedi, Faraónʼgadga guoed. Mer anmar burgwega, degi, melle napa binsa wilenai-gubaliga, be anmarga ibmar-gwag udado. ¿Ar ibiga burgwega be anmar-imakoe? ¿Ibiga binsa nainu wilenai-guega be imakbaloe? Melle deyob be imake.
1460	GEN 48:8	Israel ukiar José-e-masmala-dakargu, egichided: —Wemardina, ¿we doamala?
1483	GEN 49:9	Judá, be achumigur-sapingwagwadyob gued, Masgasa-gunnaid bergusale, obunnomegisdaed. ¿Doa ese achaoe? Dule geg ese achaed.
1562	EXO 2:7	Geb degine, machi-bipi-e-bun Faraón-e-sisgwaga sogded: —Hebreo-ome-wargwen we-machi-bipi-akwega an bega aminaer, ¿nued be itoge?
1568	EXO 2:13	A-banedgine, Moisés gannar e-gwenadganse nade gusbalid. Agi dakalid, Hebreo-dulemar na ebo-urwenanai. Dule-sabsur-imaknaidse Moisés egichided: —¿Ibiga na be-ablis-emalad be sabsur sarsonai?
1573	EXO 2:18	Bunamala e-bab-Reuelʼse gannar modapmargu, e-bab ese egichialid: —¿Ar ibiga, emigindi bur bemar gwae-gwae nonimala?
1575	EXO 2:20	Geb degine, Reuel e-sisganga sogded: —Emide, ¿bia we-dulede? ¿Ar ibiga we-dule be wargwen obesmala? Bemar ese gornamala, adi, anmarse mas-gundagegar. Geb Moisésʼse gorapmargu, mas-gunbukwadgi Reuel Moisésʼga sogded: “Be an-walik megoye.”
1583	EXO 3:3	Geb degi, Moisés binsaded: “¿Ar wedi igidi? An daknaoed, wede ibiga sapi-bula geg bergue.”
1591	EXO 3:11	Geb degine, Moisés, Bab-Dummadga sogded: —Ar an Faraón-asabin-gwisgunaega, ¿an doasunna? Israel-dulemar Egipto-yargi-wilebukwad an ononaega, ¿an doasunna?
1604	EXO 4:2	Bab-Jehová Moisés-abin sogded: —Ar nabir be sogendo. Degite, ¿ibu be-argangi be ganisunna? Moisés, Bab-Jehová-abin sogded: —Gaapoled.
1613	EXO 4:11	Ar Bab-Jehováʼdi Moisés-abin sogded: —¿Ar wede doa, dulega gaya sisa? ¿Wede doa, dule-geg-sunmaked imaksa? ¿Wede doa, dule-uaya-yalliled imaksa? ¿Wede doa, dule-aku-ataked imaksa? ¿Wede doa, dule-mag-ataked imaksasunna? ¿Ani an Bab-Jehová-guedgi imaksasursi?
1616	EXO 4:14	Geb degidgine, Bab-Jehová Moisésʼse uluded, ega sogded: —¿Ar ande Leví-wagwa-be-ia-Aarón, magar daksursi? ¿Ar a-dulede nued sunmaksursi? Deginbali, be-ia-Aarón be-abin nodagoed. Be-dakdagogua, Aarón ulubgi weligwar itogoed.