318	GEN 12:19	Emide, be anga sogsad, we-ome, an-bunye. Ar emide sunna an-omega an imaked-nagad. ¡Be-ome na be sede! ¡Be nae!”
463	GEN 19:5	Lotʼga binnasur sogdemalad: —¿Bia machergan emi-mutik be-negse-nonimalad nade? ¡Anmarga be onoge! ¡Anmar we-machergangi dodobied!
478	GEN 19:20	Wegi itakasaale neggwebur-bipigwad-siidse an sunna wakichaled. ¡Ase naed be an-imake, adi, an bendaklegegar, an melle burgwegar! A-neggweburdi nue bipigwad.
480	GEN 19:22	¡Be nae! Gwae be a-neggwebur-bipigwadse be nae. Be neggwebur-bipise-warmakedse geb an neg obelogoed. A-ulale, a-neggwebur-bipigwad, Zoarʼye onugsalesad.
600	GEN 24:8	Ar ome beba dagbisulile, be ise-sogar anbo igar-mesisadgi be ollorguodo. Unnila an bega soged, ¡bipisaale melle an-machi be weba sedo!
764	GEN 27:36	Geb Esaú sogded: —¡Ar nabir ega Jacobʼye nug nasiksamala! ¡Ar emide ilabogus an-yardakdanikid! Gebe unni, an machi-sailagined-guedba anga ibmar-uklegoenad an-ibe susad. Emide, angi ise-nued-binsaleged an-ibe susbalid. Esaú sogdebalid: —Baba, degite, angi ise-nued-binsaleged, ¿wis be anga obessuli?
766	GEN 27:38	Esaú e-babgi alamaknai gusad: —¿Baba, be-ise-nued-binsaed wis soggwensaar geg be anga soge? ¡Be angi ise-nued binsamoga! Degine, Esaú gannar ise-ogormakar bodbalid.
887	GEN 31:13	Ani an Bab-Dummad, Betelʼgi bese magarosadid. Agi, be akwagi gwallu-wawa eosad, adi, oyogega, we-negde nue-islidikidye. Degine, anga ise-nue-sogar be imaksabalid, an imakedseye. ¡Be gwisgu! ¡Wegi-maid be nae! Be-gwalulesad-yarse gannar be nae.’ ”
914	GEN 31:40	Jacob Labánʼga sogdebalid: —An bega arbadigusgu, ibgine, neg-diopisulidba an burgwebidaed. Neg-mutikdi, neg-diopigwadba an burgwebidabalid. ¡Ar gabedse-bakar, gwen gabbi an-itodasulid!
917	GEN 31:43	Geb degine, Labán Jacob-abin sogded: —Be-omegan, an-sisganad. Burwigana, an-waganad. Sibad-wawaadmar, an-sibad-wawaadmalad. ¡Bela we-ibmarmar be dakedi, bela angadbiid! Ar an-sisgansoggu, ¿igi an bar saosunna? Degine, an-sisgan-mimmiganbarsoggu, ¿igi an imakbalosunna?
1104	GEN 37:20	Ginebinne, anmar oburgwenae. Geb a-sorba anmar dia-yaagi metemaloed. Anmar sogmaloed, ibmar-sapurbalid-ursirmalad guchaye. ¡Anmar dakodo, bule-nabir e-gabdaksad ega guodibe!
1187	GEN 40:14	”Deyob bega gunonikile, melle be an-iego, an-ebinsao. Wis an-ular Faraónʼga be sunmako, adi, we-esgaryagi-an-mellesiid an-onogegar. ¡Wile be an-dako!
1209	GEN 41:13	¡Igi anmarga odulosa, bela deyob gusad! An-arbaedse gannar an dogsad. Baiddi dukar-gaar oburgwilesad.”
1215	GEN 41:19	A-molimar-sorbali, walagugle (7) molimar-bebe-nikad-omegan-baigan, sunnasur-dakle, degi, gara-gara-dakle, diwargi nakwiar an dakarbalid. ¡Bipisaale bela Egipto-yargi weyob molimar-sunnasur-dakleged an dakdisulid!
1281	GEN 42:28	Geb degine, e-gwenadganga sogded: —¡Be dakmalana, gannar anga mani uksamalad! ¡Be dakmalana, an-sagu-yaba mani bukwad! José-e-iamar belagwable bela-bela nue-dobe-itonadmalad, dobedba wawanmakdemargu, na ga muchub-muchub sogdemalad: —¿Wede igi Bab-Dummad anmar-imaknai?
1289	GEN 42:36	Geb degine, Jacob e-masmalaga sogded: —Bemar, masmala-sate be an-imakmaloed. José bato burgwis, degi, Simeón anmarba bar gudisurbalid. ¡Emigindi, bemar Benjamín an-ibe nidesokarbalid! ¡An emarba bur ibitodiid!
1301	GEN 43:10	Weyob anmar yoggunaisulina, ¡bato ilabogus anmar Egipto-yarse arbi-wilubbinad!
1304	GEN 43:13	¡Be namar! Be-urba be sedmar. Dummad-mas-dakmaidse gannar be namar.
1330	GEN 44:5	We-mani-nog an-dummad gobega ebuged, degi, Bab-Dummadse-idakega ebubalid. ¡Bemar nue-dummad nosmalad!’ ”
1332	GEN 44:7	Agi, José-e-gwenadgan abin sogdemalad: —Dummad, ¿ibiga weyob be anmarga soge? ¡Anmar weyob geg ibmar imaked!
1334	GEN 44:9	¡Ar doa-saguyaba nog-sii dakledagoe, a-dule oburgwilegodo. Geb degine, anmarmoga bela be-dummad-maiga gumarmogodo!
1372	GEN 45:13	Bela an-babga be sogmalo, ani an Egipto-yargi bela-bela gangued-nika maiye. Degine, bela wegi be ibmar-daksamalad an-babga be sogmarbalo. ¡Gwae be namar! ¡Gwae an-bab be sedamalo!”
1417	GEN 46:30	Geb degine, Israel Joséʼga sogded: —An gannar be-daksadba, degine, amba-dula an be-daknonikidba, emigindi, ¡an burgwer, akarsulid!
1446	GEN 47:25	Dulemar José-abin sogdemalad: —Be nued anmargi daed. Nue be anmar-bendaksad. Degisulina, anmar burgoenad. ¡Anmar Faraón-maiga gumalodo!
1499	GEN 49:25	¡Ar ade, be-bab-e-Bab-Dummad be-bendakoed! Bab-Dummad-Bela-Gangued-Nikad, ise-nued begi binsaoed. ¡Nibneggi ise-nued begi binsaoed! ¡Demar-uluba ise-nued begi binsaoed! Bemala, ichesur mimmigan-nika gumaloed, degi, be-mimmigan masgi be-omadii gumaloed.
1637	EXO 5:4	Ar Egipto-reydi, Moisés-abin, degi, Aarón-abin sogded: —¿Ibiga bemar yamo dulemar-melle-arbaega deyob gordanimala? ¡Be namala, be arbanamala!
1640	EXO 5:7	—Israel-dulemar napsa-ginnid-akwayob-sobegala anmar ega gusgu bula-dinnaganagiid ukdaedyob melle ega bar ukmalo. ¡Na emar-sunnad bula-dinnaganagiid aminamalodo!
1651	EXO 5:18	¡Be arbanamala! Ar bemarga bula-dinnaganagiid uklegosurmar-inigwele, amba gusgu mergu ibagwengi-sobedyobi napsa-ginnid-akwayob-sobaled be sobmalo.
1761	EXO 9:18	¡Degir nued! Neg-oibosar, we-wachigi, dii-akwaga-binyaled, Egipto-dulemar-bukualid-akar, emisgwadse, Egipto-yargi deyob-gwen-babatedisulidi, bela-bela babated an imakoed.
1902	EXO 14:12	Ar anmar Egipto-yargi-gudigu bega sogsasursi, ‘¡Anmar bur Egipto-dulemar-e-maiga-gued bur nuedye! ¡Ar anmar nega-dulesulidganba-burgwedba Egipto-dulemar-maiga-gued bur nuedye!’
1932	EXO 15:11	Bab-Jehová, ¡bab-dummad-baid bebo wilubdaked sated! ¡Beyob-isligwaled, baid sated! ¡Beyob-dummadid, satebalid! ¡Be ibmar-gegerdakleged-imakedi, dobe-ito anmar-imaked! ¡Ar nabirid, be-nug odummolegergebed!
1988	EXO 17:4	Geb degine, Moisés Bab-Jehováʼse binnasur goted, ega sogded: —Ar we-dulemarde, ¿igi an imakergebe? ¡Ar iche-napinad akwagi-makar an-oburgwemalanad!
2503	EXO 34:6	Bab-Jehová Moisés-asabin-nadapgua, binnasuli weyob sogded: “¡Ani an Bab-Jehová gued! ¡Ani an Bab-Jehová gued! Ani an Bab-Dummad-dutusulidid. Ani an dulemar-wiledaked-dummarbadid, Ani an nue-dulemar-wiledakedid. Ani an wissur-gwae-gwae urwedid, Ani an nue-dulemar-saberbadid. An-ibmar-soged, napiragwadid.
3098	LEV 13:45	Bab-Jehová, Moisésʼga, degi, Aarónʼga sogdebalid: “Dule-yaa-maleged-nikadi mor-achirmakaled yooed, gwiosurbalid, degi, e-wagar-negabar-odukuar-nadapi binnasuli gornadapoed: ‘¡An swilidiksuli! ¡An swilidiksuli!’
3815	NUM 5:22	We-dii-dule-iwisaed begi ubodele, be-saban odunguega-imaksun, geg-anagan-nikuega be-imaksun. ” ’Ome, dule-irwa-anse-goled-abin sogdoed: ¡Ar deyob gudo! ¡Ar deyob gudo!
4202	NUM 16:7	A-sianargi bemar soo urbemalo, geb degine, a-sianargi ina-wawadikmalad bemar Bab-Jehová-asabin urbemarbalo. Ar Bab-Jehová doa-dule-suoe, a-dule, dule-irwa-Bab-Dummadse-goledga guoed. ¡Bemar Leví-wagan, emigindi bemar igar-maidgi-obitemalad!
4209	NUM 16:14	Emide yala gadi-ibmar-sanmakedse, amba napa-nuedse yoo be anmar-odoged. Degine, amba yoo be anmarga nainumar, degi, nainu-uva-digarmalad be ukbalid. ¿Bela dulemar aku-atakeyobi beba bipirmakdii be abede? ¡Anmar bese naed, satemala!
4229	NUM 16:34	Bela Israel-dulemar-dikarba-bukwamalad a-dulemar-binnasur-boe-itoarmargu, duurmakdemalad, sogdemalad: —¡Anmar wakinmala! ¡Abakalegi napa anmar-doarmogale!
4257	NUM 17:27	Geb degine, Israel-dulemar Moisésʼga sogdemalad: “¡Anmar bela oitolemaloed! ¡Bela anmar burgwemaloed!
4358	NUM 21:17	Agine, Israel-dulemar weyob namaksagusmalad: “¡Dii be aryoge! ¡Diaga namakmala!
4368	NUM 21:27	A-ulale, dule-sunmakmalad soged: “¡Hesbónʼse dagmar! ¡Gannar Hesbón-neggwebur sobdamar! Gannar Sehón-e-neggwebur nudakdamar.
4370	NUM 21:29	¡Moab-dulemar, be duledar-wilesmar! Bab-dummad-Quemosʼye-nugad-e-dulemar, ¡Ibiyobi be nue-wilesmala! Be-bab-dummad-Quemos be-masmala-wakinnega imaksad, degi, Amorreo-dulemar-e-rey-Sehónʼse be-bunamala-galegega imaksabalid.
5736	DEU 31:6	Degisoggu, ¡be gangumar! ¡Mer galakumar! Ar ade, be-Bab-Dummad-Jehová bemar-idunadapsoggu, melle be we-dulemar dobgumalo, melle ese be gwayemalo. Bab-Jehová walagwen bemar-metosulid, bemargi banguosulid.”
5737	DEU 31:7	Degidgine, Moisés Josuéʼse gochad. Bela Israel-dulemar-bukwad-abargi, Josuéʼga sogded: “Josué, nue salakar. ¡Gatik gandik be imako! ¡Mer galakuo! Bab-Jehová be-dadganga sogsa gusad: ‘We-yar an bega ukedseye.’ Josué, a-yarse be we-dulemarbo dogoed. We-yar, egadga-gumalaga we-dulemarga be ukoed.
5753	DEU 31:23	Geb degine, Bab-Jehová Nun-machi-Josuéʼga, weyob igar-ukded: “¡Nue salakar, gatik gandik-sao! ¡Mer galakuo! Be, Israel-dulemar an yar-ega-ukoye-sogsadse be odogoed. An-sunnad, an beba-gudii guoed.”
5766	DEU 32:6	Bemar, dulemar-gegeganad, bemar, dule-binsaedsurmaladid. ¿Ar weyob bemar be-Bab-Jehová-abin-imakmarde? ¿Ar Bab-Jehováʼde be-Bab-Dummadsursi? ¿Ar bemar-obinnisadsursi? ¡Ar Bab-Dummad we-napnegse bemar-senonikidid! ¡A wegi bemar-urbisadid!
5862	JOS 1:9	Bato an bega sogsad: ¡Gandik be sao, melle be galakuo. Melle be dobguo, melle be nig-argwanbalo! Ar bia be naoedba, ani an be-Bab-Dummad-Jehová, beba gudii guoed.”
5871	JOS 1:18	Dule be-ibmar-sogsadba uayasulidaele, degi, be-igar-uksadba ibsasulile, oburgwilegoed. Josué, bedina, ¡gandik be sao! ¡Melle be galakuo!
5967	JOS 6:16	Ilaguglegi (7) Jericó-neggwebur-ebipirismaladgine, dule-irwa-Bab-Dummadse-gormalad gar-trompeta-ogotemargua, Josué dulemarga sogded: “¡Emisgi, binnasuli be gormakmar! ¡Ar Bab-Jehová Jericó-neggwebur bemarga urmaksad!
5985	JOS 7:7	Josué, Bab-Dummadga sognai gualid: —¡Bab-Dummad-Jehováʼye! ¿Ibiga Israel-dulemar Jordán-diwar-obakega be imaksa? ¿Amorreo-dulemarga be anmar-urmakega, Jordán-diwar-obaked be anmar-imaksa? ¿Amorreo-dulemar anmar-obelogega Jordán-diwar-obaked be anmar-imaksa? ¡Ar anmar bur Jordán-diwar-obakar-besmalana nabirinad!
5997	JOS 7:19	Geb degine, Josué, Acánʼga sogded: —Machi, Israel-dulemar-e-Bab-Dummad-Jehová-nug be odummoge, ar ede nued ibmar imakdiiye. Emigindi, be ibmar-imaksad anga soge. ¡Melle be angi odukue!
6051	JOS 9:12	Anmar bemarse argua, anmar-madumar bini-bini, degi, ue-ue nanaenad. ¡Ar emigindi be dakena! Anmar-madu bato dutusur-nanaed, udubiinbalid.
6646	JDG 5:21	Canaán-sordamar, Cisón-diwar obelolesmalad. Cisón-diwarde, gusgu dikasurgus-maid. Ani an Débora-gued, ¡Gandikidgi an naoed!
6794	JDG 9:38	Zebul abin-sogded: —¿Igi be iduar we-dulegi ulusgussunna? Bede weyob egi sogsagusad: ¿Abimelecʼde doaye wissoge? Ar deyob be we-dulegi dodosgussursi. ¡Emisgi be nae! ¡Egi be bila-ononae!
6872	JDG 12:1	Efraín-dulemar e-sordamar-guagwar-urbisad, Jeftéʼgi gwisguegar. Efraín-sordamar Jordán-diwargi obaksamargu, Zafón-neggweburse nonimalad. Agine, Jeftéʼga weyob sogdemalad: —¿Ibiga yogasaar be anmar-owisossuli Amón-dulemargi be bila-onosa? Ar anmar bemarba namarmogoenad ¡Anmarse be-neg ogumaklesunnoe, bese-bakar be-ogumaklegoed!
6908	JDG 13:22	Degi, Manoa e-omega sogded: —¡Anmar, bela! ¡Anmar Bab-Dummad-daksad! ¡Anmar burgoed!
7251	1SA 2:9	Bab-Jehová eba-nue-nanaimalad na bendaked, adi, mer akar-guegar. Ar dule-isganamardi negsichidganba yoggudmaloed. ¡Dule wargwensaale, na e-ganguedba ibmargi obinsulid!
7306	1SA 4:7	Geb sogdemalad: “Israel-sordamar-danar-bukwadse bab-dummad-gwensak nonikid. ¡Anmar duledar-wilesmar, ar anmar weyob neg-dakdisulid!
7307	1SA 4:8	¡Anmar duledar-wilesmar! ¿Doa we-bab-dummadgan-bulegangi anmar-bendakoe? Ar we-bab-dummagan nega-dulesulidganba boni-bulegangi Egipto-dulemar-onaglik-gusmaladid.
7308	1SA 4:9	Degisoggu, ¡Filistea-sordamar! Ar igi Hebreo-dulemar anmar-maiga-gusmala, deyob bemar yapa-gumalale, ¡na be gandik-samar, machered na be san-imakmar, melle-dobgumalo!”
7444	1SA 10:24	Geb degine, Samuel bela dulemarga sogded: —¡Bab-Jehová dule-nug-imaksad, be dakmala! ¡Ar we-duleyobid dule-baid sated! Yeer-itogedba bela oimakdemalad: —¡Nuedi rey nugsalesad!
7648	1SA 17:28	David-e-ia-dummad-Eliab, David-dulemarbo-sunmake-itosgua, Davidʼse uluded. Geb ega gandikidba ibmar-sogded: —¿Ibu wese be sadaniki? ¿Doaga be sibad-wawaad wis-iche-nikad nega-dulesulidganba obesa? An be-wisi, be dule-yaisurdaedid, be dule-isganabalid. ¡Napira an bega soged, unnila bila-onolenaid-dakega be nonikid!
7745	1SA 20:13	Ar an-bab be-oakalobiye sogele, an be-owisogoed, adi, be wakinnegar. An be-owisosulile, Bab-Jehová sabsur-an-odurdakodo. ¡Ar Bab-Jehová igi an-babba gudigusa, deyobi beba gudigumogoed!
7755	1SA 20:23	¡Anmar na ise-sogar-ibmar-sogsamaladi, Bab-Jehová degisadegu dulemar-baiganga-sogega guoed!
7770	1SA 20:38	¡Gwae be abarmakde! ¡Mer be gwisgue!” Jonatán deyobi ese gorgwichi gusad. Ar mai sigu-susgua, e-dummadga senonikid.
7784	1SA 21:10	Dule-irwa-Bab-Dummadse-goledi Davidʼga sogded: —Eye, Filistea-dule-Goliat-es-suidbi maid. Bia be deun Ela-nebagi oburgwisgusa, a-dule-es-suidbi maid, mor-suid-naid-dakasiki morgi bipirmakar-maid. Ar be abegele, sunna be seded. Ar bila-onogedgi-ibmar-ebulemalad-bamaladdi an sated. David ega sogded: —¡We bur-nuedid! ¡Anga be udage! Geb ega uksasunnad.
7790	1SA 21:16	Ar dule-iwirmalad amba an-neggi galaku be dakmarsi, emide, be anga we-dule an-asabin sedanimalad. ¡Be ononamala!
7806	1SA 22:16	Rey-Saúl, weyob Ahimelecʼga sogded: —Amba be deyob anga sog-inigwele, ¡Ahimelec, amba be anse burgoe! ¡Bebi burgosulid, bela be-gwenadgan burgwemogoed!
7861	1SA 24:20	¿Doa na e-isdarad-abingualile, gwen oburgwissulir be insae? ¡Ar emi be angi dogdar-nued binsasad-ulale, Bab-Jehová bega ibmar-nuegan ukoed!
7928	1SA 26:20	Bab-Jehováʼgi-dikasur-burgwega mer be an-imake. Israel-e-rey, ¿ar ibiga be an-balegindii? Ar andi genyob gued, ibmar-nuedsulid. ¡Ar dule sapurba butu-amidiidyob be an-balegindiid!
8123	2SA 3:39	An reyga-nugsales-inigwele, amba an gargangued nika-itosulid. Ar Sarvia-masmala bur sabsur dule-imakmaladid, a-ulale, an gargangued nika itosulid. ¡Bitigi Bab-Jehová a-dulemar e-ibmar-isgana-imaksadba nabossunnana gadin!”
8206	2SA 7:23	¡Ar be-Israel-dulamaryobidi dulamar-baigan sated! Bab-Dummad, be-dulamar-sabedbali, begadga-imakega be be-dulamar-bendaksa gusad. Israel-nug-odummogega ega be ibmar-dummagan imaksad, degi, ega be ibmar-bulegan oyosbalid. Egipto-yargi-wilebukmargu, be bendaknonikid, neggwebur-bamaladgine be obachad, degi, e-bab-dummagangi be obachabalid.
8366	2SA 14:7	Emisgindi dakleargua, aka angi bela an-gwenadgan atakdemalad. Geb an-gwenadgan sokarmalad: ‘Dule-e-gwenad-oburgwisad be anmarga udaye, e-gwenad-oburgwisad-nukad anmar oburgwemogoye.’ ¡Ar we-dulemardi gwen bai an-daksurmalad! Anga napi-gudiid oburgwebimalad, itoba e-nug-berguega imakbimalad, abali an-sui-e-nug bergudsunnoed.
8376	2SA 14:17	”An weyob soged: ‘Be anga-ibmar-sogoedi, gwage-gadi-gadi an-imakoed. Dummad, ar be Bab-Dummad-e-baliwituryob-gusoggu, magar be neg-daked, biti ibmar-nuedi, degi, biti ibmar-isganabali. ¡Bitigi be-Bab-Dummad-Jehová be-bendakena gadin!’ ”
8402	2SA 15:10	Degidgine, Absalón, Israel-wagan-ambe-gakabo-bukwad-irba (12) dule-garda-berbemalad barmisad. Weyob sogsad: ‘Bemar gar-trompeta-gote-itodele, binnasur gotemalo: ¡Absalón Hebrón-neggweburgi negsemaiye!’
8436	2SA 16:7	Simei, Davidʼgi urwenagu, weyob sogded: —¡Be nae! ¡Be dule-isganad, be dule-gindakedid!
8437	2SA 16:8	Rey-gan-suega be Saúl-gwenadgan oburgwisad. A-nukad Bab-Jehováʼse be sabsur-odurdaklenaid. Agala, Bab-Jehová, be-machi-Absalón negseega imaknaid. ¡Na be dukin sadii, dule-gindakedbi gaamakdiid!
8514	2SA 19:1	Rey-David deyob e-machi-Absalón-burgwisye itosgua, gwage-naibid-dummad ega nagunonikid. Geb yawagak-birgi-neg-siidse-nakwemaigua, ise-boar-sunmaknadapi gusad: “¡Machiye, machiye! ¡Ani an bur be-ular burgwissunnana gadin! ¡Machiye, machiye!”
8533	2SA 19:20	Geb reyga sogded: —¡Dummadye, wile be an-dake! ¡An begi ichakwa-sunmaksadi, begi-ichakwa-sunmaksasuliyob be an-dake! Bitigi be angi isdar-binsasulina gadin. Be Jerusalén-neggweburgi nodgua, an begi ichakwa-sunmaksadi, mer bar be ebinsaena gadin.
8543	2SA 19:30	Rey-David, Mefibosetʼga sogded: —¡Wese! ¡Mer bar be sunmak! Emi bato an igar-mesisad, be Sibaʼbogwa napa mimimaloye.
8549	2SA 19:36	¡An birga-dulabake (80) nika gudiid! Bar an nue neg-itodisurgusad. Mas-e-gullegedbela an aku-itogusbalid. Machergan-namakmalad, degi, omegan-namakmalad bar nue an itosurgusbalid. Degisoggu, dummad, binsa bega arbaed-onogega an beba nao-itole.
8576	2SA 20:19	Anmar Israel-yargine dule-belagwamaladid, anmar bila-onoged-dule-surmalad. Anmar-neggwebur Israel-yargine nuga-nikadid. ¡Aka be emisgindi neggwebur-nuga-nikad be oitobied! ¿Ibiga be Bab-Jehová-e-dulamar osulobie?
8652	2SA 22:47	”¡Bab-Jehová dula mai! ¡An be-nug-ogannoged. Akwa-gandikidyob be anga gued! An-Bab-Dummad-an-abonoged, an be-odummoged.
8751	1KI 1:31	Betsabé, e-dummad-dakedba, Rey-David-abin dulluu napase imaksad. Geb sindigar-sii reyga sogdemogad: —Dummad-rey, be-anga-ibmar-soged, nueganbi, boni sulid. ¡Be undar degisadegu dula-megena gadina!
9088	1KI 10:6	Agine, Sabá-e-rey-bundor, Rey-Salomónʼga sogded: “An-neggweburgi an gudigu, be ibmar-imaksad, degi, be-nue-binsaed-nikad an itosad. ¡Bela ibmar napiragwad, ar gakansulid!
9170	1KI 12:16	Israel-dulemar, Rey-Roboam e-itossuli daksamargua, weyob sogdemalad: “¿Ibiga anmar bar David-e-gwenadganba naguosunna? ¡Ar anmar Isaí-wagwaba bar ibmar nikuosulid! Degisoggu, ¡Israel-dulemar! ¡E-neg-e-negse namalo! ¡David-wagwa, be-gwenadganbi na be sedii gusunno!” Agi, Israel-dulemar e-neg-e-negse nadegusmalad.
9603	2KI 3:23	Geb binnasuli gotemalad: “¡We, bila-onosmalad-e-abed! ¡Reymar ulusargebed! Muchub-muchub na e-sordagan-oburgwismalargebed. ¡Moab-sordamar! ¡Anmar nae, e-ibmar-besmalad anmar sunae!”
9626	2KI 4:19	Agine, ukiagwale susugwa binnasuli goralid: —¡Aaa! ¡An nono-nunmake! Geb e-bab dule-ega-arbaedga sogded: —¡E-nanse be sede!
9683	2KI 6:5	Degi, Bab-Dummad-gayaburba-barsoged-wargwen suar-siknaidgi, egi akan unnuded, diwargi argwandapid. Geb agi, binnasur gollalid sogded: —¡Dummad, naibid-dummaddo! ¡Ar we-akan dule-baidgad wis an sediid!
9847	2KI 11:14	Mosgua, dakdapid, igi gusgu dule reyga-nugsananaimalale imakdamala, deyobi, rey buar-nagaba-gwichi dakdapid. Degine, dule-dummagan, degi, dule-gar-ogormalad rey-nagaba-bukwa dakdapid. Deginbali, bela dulemar weligwale gar-trompeta-ogorbukwa dakdapid. Degidgine, Atalía, na e-mor-yoid siir-siir-imaksad, geb binnasur-goted sogded: “¡Angi be aibichamar! ¡Angi be aibichamar!”
10834	1CH 16:9	¡Bab-Jehováʼga namakmala! Namaklegedgi e-nug-odummomala. ¡Ega namakmala! ”¡Bab-Jehová-ibmar-dummagan-imakmaidgi be sunmakmala!
10857	1CH 16:32	”¡Demar, uurmake! ¡Bela egi-ibmar-bukwad, uurmake! ¡Sapur, wergue! ¡Bela-egi-ibmar-bukwad, wergue!
10954	1CH 21:15	Deginbali, Bab-Jehová, dulemar-ogilogega e-baliwitur Jerusalén-neggweburse barmialid. Bab-Jehová, deyob baliwitur-emar-oburgwenai daksagua, dulemar-wiledakded. Degi-dakdedbali, baliwiturga sogded: “¡Wesego! ¡Mer bar ogilogo!” Deunni, Bab-Jehová-e-baliwitur, Jebuseo-dule-Ornán-e-ibmar-gwag-omukulegedgi gunaid.
11416	2CH 10:16	Israel-dulemar, Rey-Roboam e-itossuli daksamargua, weyob sogdemalad: “¿Ibiga anmar bar David-e-gwenadganba naguosunna? ¡Ar anmar Isaí-wagwaba ibmar nikasulid! Degisoggu, ¡Israel-dulemar! E-neg-e-negse namalo. ¡David-wagwa, be-gwenadganbi na be sedii gusunno!” Weyob, bela Israel-dulemar e-neg-e-negse nadmarsunnad.
11674	2CH 23:13	Agine, Atalía, rey dogedgi buar-naba-gwichi daksad. Dummagan, degine, dule-gar-suid-trompeta-ogormalad rey-naba-bukwa daksabalid. Deginbali, Atalía bela-dulemar ber weligwale gar-suid-trompeta ogorbukwa, degi, dule-namakmalad garmar-abargi namakbukwa daksabalid. Atalía deyob daksagua, e-mor siir-siir imaksad, binnasur sogded: “¡Angi be aibichamala! ¡Angi be aibichamala!”
12406	NEH 5:19	¡An-Bab-Dummadye, bela we-dulemarga an ibmar-imaksad, nue be ebinsao! ¡Angi nued be binsamogo!
12503	NEH 8:6	Geb degidgine, Esdras, Bab-Jehová, Bab-Dummad-Bur-Dummad-nug-odummoded. Bela dulemar argan onakwidmargu, sogdemalad: “¡Ar deyobdo! ¡Ar deyobdo!” Agine, dulemar Bab-Jehová-nug-odummogega napase e-bebe-ebulegedse dulluu imakdemalad.
12782	EST 4:16	“Bela-Judío-dulemar Susa-neggweburgi-gudimalad be onmaknae, adi, an-ular mas-gunsuli gudii gumalagar. Ibapaa mer mas gunmalo, degi, mer gobmarbalo. Ar andi anga-yagan-arbamaladmala bemaryob mas-gunsuli gudii gumarmogoed. A-sorbali, ar amba yogasaar-reyse-naed-igar-maisur-inigwele, andi reyse naoed. ¡Ar a-ular, an-oburgwebimalale, an-oburgwemalodo!”
12786	EST 5:3	Rey-Asuero, Esterʼse egichided: —Ester, ¿Igi be itoge? ¿Ibu be abege? ¡Be anse an-yar-naid-negabar amba egisele, an bega uksaled!
12789	EST 5:6	Geb Rey-Asuero vino gobsigu, gannar Esterʼse egisded: —Be anga soge, ibu be abege, an bega ukoed. ¿Ibu be egisbie? ¡Be anse an-yar-naid-negabar amba egisele, an bega uksaled!