1932	EXO 15:11	Bab-Jehová, ¡bab-dummad-baid bebo wilubdaked sated! ¡Beyob-isligwaled, baid sated! ¡Beyob-dummadid, satebalid! ¡Be ibmar-gegerdakleged-imakedi, dobe-ito anmar-imaked! ¡Ar nabirid, be-nug odummolegergebed!
4370	NUM 21:29	¡Moab-dulemar, be duledar-wilesmar! Bab-dummad-Quemosʼye-nugad-e-dulemar, ¡Ibiyobi be nue-wilesmala! Be-bab-dummad-Quemos be-masmala-wakinnega imaksad, degi, Amorreo-dulemar-e-rey-Sehónʼse be-bunamala-galegega imaksabalid.
5841	DEU 33:29	¡Israel-dulemar, begi ise-nued binsalesad! ¿Ar doa bemaryobi gue? Bab-Jehová bemar-bendaksayobi dule-baid-bendaksasulid. Sigu-abgamaladyob, be-irwa gwisgudiid. Bab-Jehová be-es-suid-be-onakwedga gued. Degisoggu, be-isdarmalad bela bese galakumaloed, bese wilemaloed. Bela-bela bese bingegudii gumaloed.”
6678	JDG 6:22	Agine, Gedeón magar-daksad, wede Bab-Jehová-e-baliwitur gue. Degidgine na sogded: —¡An duledar-wiles! ¡Bab-Jehová, an bela! Bab-Jehová-Bur-Birigined, be-baliwitur-e-wagar an nue-daksa.
7244	1SA 2:2	”Bab-Jehováʼyobid, dule-isligwaled sated, Bab-Jehováʼyob-anmar-odukued dule sulid. ¡Bab-Jehováʼyobid, dule sated!
7472	1SA 12:10	A-ulale, be-dadgan Bab-Jehováʼse ise-wilegar weyob gochamalad: ‘Anmar begi nue-nosmalad, anmar begi nue-aibachamalad. Ar anmar Baal-e-nuchumar Bab-Dummadyob imakdii gusad, degi, bab-bundor-Astarot-e-wilub-sobarmalad Bab-Dummadyob imakdii gusbalid. A-ulale, anmar begi isgusmalad. ¡Bab-Jehová, anmar-isdarmaladgi be anmar-ollor-imake, adi, anmar be-nugbi odummodii gumaloed!’
7762	1SA 20:30	Saúl deyob Jonatán ega-soge itoargua, Jonatánʼse uluded. Ega sogded: —¡Bedi ome-gambanuchu-imaked-e-mimmid! ¿David-be-ai-nuedid an wissurye be angi binsae? ¡Be-nanga, degi, bega binged-dummad gued!
7763	1SA 20:31	We-napneggi Isaí-machi dula-gudiidgi, be, degi, be-yar-seoedi bonisuli-guosulid, boni-nika guedsegad. ¡David-aminamalagala, sordamar be barmide! Geb wese be anga sedamalo, ar oburgwilegergebed.
9170	1KI 12:16	Israel-dulemar, Rey-Roboam e-itossuli daksamargua, weyob sogdemalad: “¿Ibiga anmar bar David-e-gwenadganba naguosunna? ¡Ar anmar Isaí-wagwaba bar ibmar nikuosulid! Degisoggu, ¡Israel-dulemar! ¡E-neg-e-negse namalo! ¡David-wagwa, be-gwenadganbi na be sedii gusunno!” Agi, Israel-dulemar e-neg-e-negse nadegusmalad.
9383	1KI 18:39	Israel-dulemar deyob daksagu, napase dulluu imaksamalad, sogdemalad: “¡Bab-Jehová, Bab-Dummad-napiragwadid! ¡Bab-Jehová, Bab-Dummad-napiragwadid!”
10743	1CH 12:19	Degidgi, Bab-Dummad-Burba Amasaiʼgi aidenonikid. Geb Amasai, sorda-durgwen-gakambe-e-dummad (30) weyob sogded: “¡David, anmar be-sordamalad! ¡Isaí-machi, anmar beba-naimalad! Neg-bogidik bega nagusana gadin. Be-bendakmaladgala, neg-bogidik nagusmogana gadin. Ar be-Bab-Dummad be-bendakdiid.” David, Benjamín-wagan, degi, Judá-wagan-ese-nonimalad abingasad, geb sorda-idumaladba a-dulemar-urbisbalid.
11416	2CH 10:16	Israel-dulemar, Rey-Roboam e-itossuli daksamargua, weyob sogdemalad: “¿Ibiga anmar bar David-e-gwenadganba naguosunna? ¡Ar anmar Isaí-wagwaba ibmar nikasulid! Degisoggu, ¡Israel-dulemar! E-neg-e-negse namalo. ¡David-wagwa, be-gwenadganbi na be sedii gusunno!” Weyob, bela Israel-dulemar e-neg-e-negse nadmarsunnad.
13963	PSA 3:2	¡Bab-Jehová, an-isdarmalad dogdar mergued! ¡An-isdarmalad bukidar angi aibitemalad!
13968	PSA 3:7	Degisoggu, an-isdarmalad miliambe (10,000) an-ebiris-bukwamalad, an dobsulid. ¡Bab-Jehováʼye, wis be an-itoge!
13969	PSA 3:8	¡Bab-Jehováʼye, be an-bendakdage! ¡Bab-Dummadye, an-isdarmaladgi be an-ollor-imakdage! An-isdarmalad-e-akugar be sarsodage, we-dule-isganamar-e-nugar be obatedage.
13990	PSA 5:11	¡Bab-Dummadye, a-dule-isganamar be sabsur-odurdake! Dule-isganamar yamo dule-yardaked-igar mesismalad. A-igar na dukin egi aibinega be imake. We-dulemar gannar-gannar ibmar-isgana-imakdimalad-ular, be obane. Ar ade, begi nue-gwisgusmalad.
14051	PSA 9:20	¡Bab-Jehováʼye, nue be atake! ¡Dulemar melle begi-nakwed be imake! Dule-yar-baid-baidgi-bukmaladga be igar-itoge. A-dulemar be sabsur-odurdake.
14064	PSA 10:12	¡Bab-Jehováʼye, be dake! ¡Bab-Dummadye, be-gangued be oyoge! ¡Melle be dule-wilediid iege!
14067	PSA 10:15	¡Bab-Dummadye, dule-isgana-ibe be e-gangued-osuloge! ¡Dule-isgana e-isgued-imakedba be sabsur odurdake! ¡We-dulemar we-napneggi-obelogedse be imake!
14177	PSA 18:47	¡Bab-Jehová dula-mai! ¡Bab-Jehová, unnila bebi an-bendaked maid! ¡Be-nug an odummosun! Bab-Jehová, be an-abonogedid. Be-nug bela-bela odummolesun.
14220	PSA 21:14	¡Bab-Jehováʼye, be-nug-odummolegega be-gangued be oyoge! ¡Be-ganguedgi namakar anmar be-nug odummomaloed!
14290	PSA 25:22	¡Bab-Dummadye, Israel-dulemar suli-suli-itogedgi, be bendake!
14309	PSA 27:7	¡Bab-Jehováʼye, an bese-goled, be itoge! ¡Be wile-an-dake, be an-abinsae!
14452	PSA 35:22	¡Bab-Jehová, bela be daksad! ¡Mer be gayamaklege! ¡Mer be angi bangue!
14606	PSA 44:9	¡Bab-Dummad, anmar beginbi nug-dummarba-itodii gumaloed! ¡Anmar be-nug-odummodii gumaloed!
14621	PSA 44:24	¡Bab-Dummad, atake! ¡Mer gabe! ¡Gwisgue! Mer be anmargi bangudii gue.
14656	PSA 47:2	¡Bela-dulamar, argan ogormala! ¡Weligwaledgi binnasuli Bab-Dummad-nug odummomala!
14854	PSA 60:3	Bab-Dummad, bedi anmarse ulusad, be anmar-obachad, be anmar-wiosad. ¡Bab-Dummadye, be anmar-bendakdage!
14889	PSA 63:2	¡Bab-Dummad, be an-Bab-Dummadid! ¡Bolegoedba an be-amioed! An uku-uku-itogeyob an bebina soged, an-sana bela bebina soged. Ar igi dule nega-dulesulidganba dii-satedgi dii-amididae, deyobi, an be-amied.
15031	PSA 70:6	An dule-wilegedid, ibmarbina an sogdiid. Degisoggu, Bab-Dummadye, gwae be anse dage, ar be an-bendakedga gued, ar be an-ollor-imakedid. ¡Bab-Jehováʼye, mer be edarbe! Gwae be dage.
15125	PSA 74:22	¡Bab-Dummad, be-gargangued be oyoge! Be, dule-binsaedsuligudimalad bane-bane begi-urwedimalad, mer be baisurdake.
15482	PSA 92:6	¡Bab-Jehová, ibibayobi be-ibmar-imaksad dummarba-gue! Bab-Jehová, be-binsaed bela-bela yeer-gangusoggu,
15493	PSA 93:1	¡Bab-Jehová, gangued-yeerdakle-nika negsemaid! Bab-Jehová, dummarba-gued oyosad, e-gangued oyosad. Innikigwadba napneg nasiksad, napneg bar bipisaar onirilegosulid.
15545	PSA 97:1	¡Bab-Jehová, Rey gued! ¡Napneg, wergumala! ¡Dupugan-dikasur-nanaid, wergumala!
15566	PSA 99:1	¡Bab-Jehová, Reyga maid! Bab-Jehová e-ologanagi baliwitur-querubinʼye-nugmalad-abargi siid. Neggweburmar wawanmakmala. Bela napneg giglimake.
15568	PSA 99:3	¡E-nug-dummad, e-nug-buled odummomala! ¡Bab-Jehová, dule-isligwaledid!
15570	PSA 99:5	Anmar-Bab-Dummad-Jehová-nug odummomala, Bab-Jehová-asabin, napase-dulluu Bab-Jehová-nug odummomala. ¡Bab-Jehová, dule-isligwaledid!
15812	PSA 108:3	¡Gar-arpa, gar-salterio be atakmala! Iba-gwapid-onodedga ogolega an imakoed.
15978	PSA 119:12	¡Bab-Jehová, be-nug-odummolesun! ¡Be-Igar-Mamaidgi be an-odurdake!
16052	PSA 119:86	Bela Be-Igar-Mamaidi innikigwadbiid. ¡Bab-Dummadye, be an-bendake! Binsarsunna an-balegindimalad.
16125	PSA 119:159	¡Bab-Jehová, be dake! Ibiyobi Be-Igar-Mamaid an sabe. Be sabgued-dummarba-nikadbali, burba-dulad wis be anga uke.
16324	PSA 139:17	Bab-Dummad, be-binsaed ibiyobi anga doggus-nued gue. ¡Be-binsaedi, ibiyobi mergue!
17611	SNG 1:4	¡Be an-nide! ¡Gwae beba be an-nide! ¡An-rey, be-gabednegse be an-sede! Anmar wergumarsun, anmar yeer-itomarsun. Be-sabguedgi, vino-goblegedbali, bur bule anmar egi wergue. ¡Agala, bebina nue sogmalad!
17622	SNG 1:15	An-ome-nue-sabesailad, ¡ibiyob be yeer daklege! ¡Doggus nued be dakleged! ¡Be-ibyamar, nuumaryobi gued!
17634	SNG 2:10	An-sui-nue-sabesailad anga sunmaksad. Weyob anga sogded: “An-ome-nue-sabesailad, be gwisguye. ¡Ome-yeerdakleged, be anba dagye!
17726	ISA 1:2	¡Nibneggi-bukmalad, an-itomalo! ¡Napneggi-bukmalad, an-itomalo! Bab-Jehová weyob soged: “Ani an an-mimmigan akwisad, an na odummosad, degi-inigwele, angi gwisgudmalad.
17788	ISA 3:11	¡Dule-isgana, be nue-wiles! Ar bega ibmar-nuegan guosulid, ar be-arbasadgi na be odurdaklegoed.
17789	ISA 3:12	Bab-Jehová sogbalid: “¡An-dulamar, be nue-wilesmar! Sapinganse mesagwar-gudimalad, Omegan ega dummadga-negdakmamaid. ¡An-dulamar, be nue-wilesmar! Ar dule-be-idumaladi begi dododimalad, ar igar-isganaba be-nidimalad.”
18110	ISA 21:5	Sorda-dummagan iba-ononanaid, mas-bukidar gullenaid. ¡Sorda-dummagan, be guagwarmalo! ¡Be-sigu-abgamalad be nudakmala!
18610	ISA 44:7	¿Doa anyob gusunna? ¡Dule anyobile, sunmakdo! An an-dulamar-urbisad-akale, ibmarmar-gusad sogdo. ¡An-asabin, yoo-ibagan-guoedgi sunmakdo!
18768	ISA 52:2	¡Jerusalén-neggwebur, be gwichigue! ¡Olli be obate! ¡Gannar ologanagi be sige! Sión-yala-sisgwa, be galesgua, dukargi-esgoro-dub-nasiklesad be unge.
18934	ISA 62:10	¡Jerusalénʼginmalad, be ainimar! ¡Yawagak-bukwadgi, be ainimar! ¡Dulemar-idu igar nudakmar! ¡Igar-dummad be mesmar! ¡Bela akwamar be onirmar! ¡Dulemar igar-maid-magar-dakega be bander onakwe!
19046	JER 2:12	Ani an Bab-Jehová-guedgi bemarga soged: ¡Nibneggi-bukwamalad, weyob-neg-gunaidgi be gwayemar! ¡Be wawanmakmar! ¡Weyob-neg-gunaid geger be dakmar!
19385	JER 15:1	Bab-Jehová anga sogsad: “Amba Moisés anse danidibe, Samuelʼdibe, Judá-dulemar-ular-sunmakega, amba an Judá-dulemar bendaksasuliled. ¡Judá-dulemar, angi be obane! Ega be soge, ‘¡be namarye!’
19439	JER 17:13	¡Bab-Jehová, be Israel-dulemar-bendakega gued! Dulemar begi-aibatemaladi, bingegudmaloed. Dulemar begi-banguddamaladi, ukubgi-ibmar-narmaklegeyob yoggudmaloed. Ar Bab-Jehová-dii-nuedyob-gued iedmalad.
19536	JER 22:13	Dule igar-maisulidba-e-neg-sobdiidi, degi, ibmar-isgana-imakedgi e-gabedneg-nibalid-sobdiidi, ¡we-dule, duledar-wiles! Dule, ega-binsa-dule-arbaega-imakdiidi, degi, ega-arbaed-bennukdisulidi, ¡we-dule, duledar-wiles-ini!
19537	JER 22:14	Dule na sogdiid: ‘An na neg-dummadi-soboye, neg-obunnomalad burwisuli aila-dummad-birgi imakoye.’ We-dule, e-neg yawagak-atakmalad-dummagan-nika imakele, deginbali, urwar-urgo ebirgi nasikele, geb e-maged-ginnidgi magbalile, ¡we-dule, duledar-wiles-ini!
19541	JER 22:18	A-ulale, Bab-Jehová Judá-e-rey-Josías-machi-Joacim-annik weyob soged: “Dule bipisaale Joacim-burgoedbina bukib-binsaosulid, ega weyob binnasuli boosurmalad: ‘¡Gwenadye! ¡Duledar-wilesmarye! ¡Bunaye! ¡Dule-wilesmarye!’ Degi, ega weyob binnasuli boosurmarbalid: ‘¡Dummadye! ¡Be bergudsunye! ¡Anmar-rey, be anmar-idu nadsunye!’
19818	JER 32:18	Baba, bedi bela dulemarga be-sabgued be oyomaid. Bedi bela mimmigan e-babgan-isgusad-ular sabsur-odurdakbalid. ¡Bab-Dummad, ibibayobi bedi dule-dummad gue! ¡Ibibayobi, bedi gangued nika mai! ¡Bab-Jehová-Bela-Gangued-Nikadye be nugad!
20123	JER 46:9	¡Molimar, be urwemar! ¡Bila-ur-napaginmalad, binnasuli be abarmakmar! ¡Sorda-bila-onomalad, ginemar! ¡Cus-sordamar, be-sigu-abgaed be gamar! ¡Fut-sordamar, be-sigu-abgaed be sumar! ¡Lidia-sordamar, be-warsi be yaa imakmar!’
20128	JER 46:14	“Egipto-yalagi we-ibmar be sogmalo, Migdol-neggweburgi, Menfis-neggweburgi, degine, Tafnes-neggweburgi be weyob sogmalo: ‘¡Guakwaa bukumalo, ise-neg-itogar ambikumalo! ¡Be-dikarbali, es-suidmar neg-gagadagoed!’
20148	JER 47:6	”¡Duledar-wiles! Bab-Jehová-es-suid begi nosa. ¿Ar sanagwadse be bar anmar-oburgosurye soge? ¡Es-suid, be-ukayaba be doge! ¡Boo be mege, melle be anmar-gindake!
21025	EZK 21:17	” ’Dule-machi, be gole, be nunmak-itogedba boe, ar we-es-suid an-dulamar-oburgoed, ar we-es-suid bela Israel-dummagan ogilogoed. Bela Israel-dummagan, an-dulamarba burgwemarmogoed. ¡A-ulale, bukib-itogedba be binasgar-bibyoge!
22076	DAN 9:19	” ’¡Bab-Dummadye, be anmar itoge! ¡Bab-Dummad, be anmarga isgued elie! ¡Bab-Dummad, be nue-anmar-itoge, be anmar-bendake! An-Bab-Dummadye, be-nug-dummarba-gued-ulale, be-neggwebur-ulale, degi, be-dulamar-be-nug-odummodimalad-ulale, be gwae anmar-bendakdage.’ ”
22222	HOS 5:1	“¡Dule-irwa-anse-gormalad, nue be an-itomalo! ¡Israel-e-dulemar, nue be bogi an-itomalo! ¡Reyneg-yaginmalad, nue be an-itomalo! ¡An bemargi yolesokalid! Bemar Mizpaʼye-neg-nugadgi an-neggwebur-yardaklegega imaksamalad, Bemar Tabor-yalagi an-dulamar-yardaklegega imaksamarbalid.
22465	AMO 3:1	¡Israel-dulemar, we-gayaburba be nue itomalo! Bab-Jehová bemar-annik, degi, bela Egipto-yargi dulemar-noargusmalad-annik weyob soged:
22500	AMO 5:8	Bab-Dummad niisgwa-danaled Pléyadesʼye-bileged obinnisad, degi, niisgwa-baigan Oriónʼye-bileged obinnisbalid. Bab-Dummad neg-sipusulidi, neg-meegwadga imaked, degi, neg-meegwad, negsichidga imakbalid. Bab-Dummad demar-bukibse goled. Geb napneggi dii-owiega imaked. ¡E-nuga, Bab-Jehováʼye nugad!
22626	JON 2:10	Andina, an weligwar-namakedgi, an bega ibmar-ogumakar ukoed. An bega ibmar-imakoye ise-sogar an sogsad, an imakedsegoed. ¡Bab-Jehová, unnila bebi sunna dule-abonoged!”
22836	HAB 2:19	Dule suar-sobaledga sogdibe: ‘¡Atake!’ ¡We-dule, duledar-wiles! Dule akwa-sobaledga sogdibe: ‘¡Gwisgue!’ ¡We-dule, duledar-wiles! Ar we-ibmarmar amba bela or egi-ebiris-nai-inigwele, amba bela mani egi-ebiris-nai-inigwele, gege ibmargi be-odurdaked, ar burba sated, unnila uka-ollobi gued.
22983	ZEC 3:2	Geb agine, Bab-Jehová-e-baliwitur nia-saila-Satanásʼga sogded: “Satanás, Bab-Jehová bese sabsur-urwesun. ¡Bab-Jehová-Jerusalén-neggwebur-susad, bese sabsur-urwesun! ¡Nia-saila, Bab-Jehová bese sabsur-urwesun! ¡Satanás! Ar we-Josuéʼde, ¿sapan-gummakmai-sulesadyob bendaklessursi?”
23549	MAT 11:21	Jesús sogdesunnad: “¡Corazín-dorgan, be duledar-wilesmar! ¡Betsaida-dorgan, be duledar-wilesmar! Ar bemar Bab-Dummadse sabsur-odurdaklenonimaloed. Ar Tiro-neggweburgi, degi, Sidón-neggweburgi we-ibmar-dakledisurmalad imaklesana, a-neggweburmar bato dikasurgus wile-itoged-mor yosmalanad, degine, burugi obsamarbalinad, adi, oyogega, emarde na e-isguedga bukib ulubgi nue-itosmarye.
23891	MAT 20:30	Deun, ibyasurmalad-warbo, igar-dikarba-simalad. Amar, Jesús-nadapye-itosmargu, binnasur Jesúsʼse gotemalad, sogdemalad: —¡Dummad, Rey-David-wagwa! ¡Anmar-bendake, wile be anmar-dake!
30412	JAS 4:8	Bab-Dummadse be dagmar, Bab-Dummad bemarse dagoed. ¡Dule-isgudimalad, mer be bar isgudii gumar! ¡Bemar-gwage-darbo-binsamalad, na be gwage nudakmar!
30751	JUD 1:11	¡We-dulemar, duledar-wilesmar! Ar Caín-igar-nanasadba nadmarmogad. Igi Balaam manibina yaisur-itosa, deyob we-dulemar gudmarmogad, degine, igi Coré Bab-Dummad-sogedba-ibmar-imaksasulidba na san bergusa, deyob wemar gudmarmogoed.
31169	REV 22:20	Ar dule-we-ibmar-gunaidgi-sunmaknaid, soged: “Napiragwad. Emiskwaa an danikoed.” Ani Juan soged: ¡Deyob gusun! ¡Dummad-Jesús, be dage!