58	GEN 3:2	Ome naibe-abin sogded: —Ar igid-sapi-e-san anmar we-nainu-nuedgi gunbimala, sunna bela anmar gunmalad.
66	GEN 3:10	Dule abin-sogded: —An be-itosad, nainu-nued-imbaba be gudii. Ar an uka-swili-gudisoggu, an be-dobee itoged. A-ular, an be-idu dukusad.
69	GEN 3:13	Geb degine, Bab-Dummad-Jehová omese egichided: —¿Ibiga deyob be imaksa? Ome abin-sogded: —Ar naibe an-yardaksad. A-ular, sapi-e-san an guchad.
89	GEN 4:9	Geb degine, Bab-Jehová Caínʼse egichided: —¿Bia be-urba-Abel nade? Caín, Bab-Jehová-abin sogded: —An wissuli. ¿Ar ande an-urba-edarbedsi?
90	GEN 4:10	Bab-Jehová Caínʼga sogded: —Ar wede, ¿ibi be imaksa? Be-urba-ablis be eosad. Emide, a anga sogeyob an itoged: ‘Anga be igar-naboye.’
93	GEN 4:13	Geb degine, Caín, Bab-Jehová-abin sogded: —Weyob sabsur be an-odurdakele, gwen guo an itosulid.
358	GEN 14:21	Geb degine, Sodoma-e-rey Abramʼga sogded: —Dulemarbi be anga udage. Ibmarmardi be sue.
364	GEN 15:3	Abram sogdebalid: —Ar be anga mimmi-uksasursoggu, anga-arbaed-dule an-sorba bela ibmar gasunnoed.
366	GEN 15:5	Geb degine, Bab-Jehová magaba Abram-sesad, ega sogded: —Nue be niba atake, be niisgwamar ebise, ar sunna be ebisodibe. Weyob-mergu wagan be nikuoed.
368	GEN 15:7	Bab-Jehová Abramʼga sogded: —Ani an Bab-Jehová gued. Caldea-dulemar-yargi Ur-neggweburgi be-maigu, ani an be-onosad, adi, we-yar an bega ukega, degi, begadga guegar.
370	GEN 15:9	Bab-Jehová abin-sogded: —Anga be we-ibmar sedagoed: Moli-bebe-nikad-ome-birgapaagwad, sibad-birgapaagwad, sibad-wawaad-machered-birgapaagwad, sapur-nuu-gwagwen, degi, wagnuu-e-mimmi-gwagwen be anga sedabalo.
374	GEN 15:13	Geb degine, Bab-Jehová Abramʼga sogded: —Nue be wisguergebed, be-wagan e-yarsulidgi gudii gumaloed. Agi maiganga gumaloed, degine, a-yargi birga-dulataled-ilabake (400) sabsuli be-wagan-wiomaloed.
402	GEN 17:4	—Weyob an bebogwa igar-mesoed: Be, dule-yar-baid-baidgi-ambikumaloed-e-dad-dummadga an be-imakoed.
434	GEN 18:9	Geb dulemar-warbaagwadi Abrahamʼse egichiarmalad: —¿Bia be-ome-Sara nade? Abraham abin-sogded: —Dordonegyaba gunai.
440	GEN 18:15	Sara Bab-Jehová-weyob-ibmar-soge-itoargu, Sara dobe-itoded. A-ular, osuloded, sogded: —An alle-gwissuli. Ar Bab-Jehováʼdi abin-sogded: —¡Suli! Be allisa.
451	GEN 18:26	Geb degine, Bab-Jehová abin-sogded: —Ar e-dulabo-gakambe (50) dule-nuegan Sodoma-neggweburgi gudidiile, amar-ular Sodoma-neggwebur an obelogosulid.
453	GEN 18:28	Igidibe, dule-nuegan dulabo-gakambe-guega (50), e-walatar-napile. ¿Amba walatar-napid-ular, bela Sodoma-neggwebur be obelogode? Bab-Jehová Abraham-abin sogded: —Ar we-neggweburgi dulabo-gakatar (45) dule-nuegan amba wis gudiile, an obelogosulid.
455	GEN 18:30	Ar Abrahamʼdi gannar Bab-Jehováʼga sogdebalid: —Dummad, gannar-gannar an bega ibmar-sognaidgi, melle be isdar an-itogo. Ar unnila dulagwen-gakambe (30), dule-nuegan gudidiile, ¿bela Sodoma-neggwebur be obelogode? Bab-Jehová gannar abin-sogdebalid: —Ar we-neggweburgi unnila dulagwen-gakambe-gudidimalad-ular (30) an obelogosulid.
457	GEN 18:32	Amba Abraham gannar sogdebalid: —Dummad, wis an bese egis, melle be isdar an-itogo. Napi an bega soge. A-sorba, bar an bega ibmar sogosulid: ¿Igi be imaksale, unnila warambe (10) dule-nuegan gudiir? Bab-Jehová Abraham-abin sogded: —Ar dule-warambegwad-ulale (10), an we-neggwebur obelogosulid.
479	GEN 19:21	Geb dule abin-sogded: —An be-itos. Be anse egisnaidba an bega imakoed. We-neggwebur-bipigwad be anga obaredi, adi, an obelogosulid.
499	GEN 20:3	A-mutikidba, Bab-Dummad Abimelecʼse gabgi nonikid, ega sognonikid: —Be we-ome-sealid-ular, be burgo. Ar we-omede sui nikad.
502	GEN 20:6	Bab-Dummad Abimelecʼga gabgi sogsad: —An nue be-wisid, ichakwa-binsasulidgi be imaksad. A-ulale, omese-golega an be-imaksasulid, adi, melle be angi noegar.
507	GEN 20:11	Abraham, Abimelec-abin sogded: —Wegi dule-Bab-Dummad-dobee-nanaed sateye an biendo. Degisoggu, an-ome-ular an-oburgwemaloeddeeye an binsasad.
511	GEN 20:15	Abimelec, Abrahamʼga sogdebalid: —Be dake, we an-yala. Bia be megbie be-itolegedba be yar sue.
512	GEN 20:16	Saraʼga sogdemogad: —An be-susgala mani-miligwen-aidikue (1,000) uksad. We-mani dule-beba-gudidimalad-asabin be oyogo, adi, oyogega bedi gwen nossurye. Dule-wargwensaale gege begi sunnasur sunmaked.
536	GEN 21:22	A-ibagangine, deunni, Abimelec Abrahamʼga sunmaknade gusad. Ficol eba nade gusmogad. Ficolʼde Abimelec-e-sordamar-e-dummadga gudiid. Abimelec, Abrahamʼga sogdapid: —Bela be ibmar-imakdele, Bab-Dummad nue-be-bendake anmar daked.
540	GEN 21:26	Abimelec Abraham-abin sogded: —An wissulid wede doa deyob imaksa. Ar bede anga sogsasulid. Ar emi geb an itogwichid.
544	GEN 21:30	Abraham abin-imakded: —Ar we-sibad-wawaad-ome-senigana walagugle (7) an bega uked, adi, soglegegalad, we-dia, ani an akwisye.
553	GEN 22:5	Geb degine, Abraham e-maimarga sogded: —Wegi bemar moli-uayasuidmala an-edarbemalo. Machigwa-anbogwa Bab-Dummad-e-nug-odummogega andi naoed. Geb degine, gannar anmar bese nonikoed.
555	GEN 22:7	Sikwas nanaedgine, Isaac Abrahamʼga sogded: —¡Baba! Abraham abin-sogded. —Degite machi, soge. Isaac sogded: —Anmar sapan, degi, acha-gwallu-ogaar sedanikid, degite, ¿bia sibad-wawaad-senigwad anmar Bab-Dummadga-ogumakar-ukoedde? Abraham Isaac-abin sogded:
560	GEN 22:12	Bab-Jehová-e-baliwitur Abrahamʼga sogded: —Melle machigwa be oakaloge. Melle be naibi-imake. Ar bato an wisid, be Bab-Dummad-dobee nanadiid. Ar be gwen sogsasulid, an-machi-wargwensakad melle be anga ukodeeye.
576	GEN 23:4	Geb Abraham Het-dulemarga sogded: —Ar an bemar-abargine weginedsur-inigwele, anga wis be neg-uan manigi ukmala, adi, an-ome-mui agi an digegar.
580	GEN 23:8	Geb degi, amarga sogded: —Ar bemar wegi an-ome-burgwisad nue-digbi abegele, an bemarse wilesakwaa egisdo, an-nuggi bemar Zohar-machi-Efrónʼse egismar:
594	GEN 24:2	Ibagwengine, Abraham e-mai-bur-undargus-arbadiidse gochad. We-mai bela ega ibmar-dakega gudiid. Abraham a-maiga sogded: —Be anga ise-sogar-ibmar-sogegala, an-dua-urba be-argan be mese.
616	GEN 24:24	Yagwa abin-sogded: —An Betuel-sisgwa. An-babde Nacor-machid, Milcaʼbo baksadid.
623	GEN 24:31	Geb Labán Abraham-e-maiga sogded: —Bedi dule-nuedid. Begi Bab-Jehová ise-nued binsasad. ¿Ar ibiga magaba be mellesii? Be anba dage. Ar bato neg guakwaa an bemarga nudaksad, degi, be-moli-yargan-muremaladga guakwaa an neg nudaksabalid.
641	GEN 24:49	Abraham-e-mai sogdebalid: —Ar emigindi, be anga nue sogmalo, an-dummadgi bemar nued, degi, napiragwadgi binsaodibe. Ar deyobsulile, bemar nue anga sogmarbalo, adi, an wisgubaloed, igi an imakoe.
647	GEN 24:55	Ar Rebeca-e-sus, degi, e-nana, sogdemalad: —Bunagwa anmar-walik napi-ibambe (10) gudii guoye. Geb a-sorbali, naoye.
648	GEN 24:56	Abraham-e-maidi abin-sogded: —Melle bar an-igar gamalo. We-an-bese-nonikidi Bab-Jehová bela ibmar-nueganbi-guega imaksad. Degisoggu, gannar an-dummad-negse-naed be an-imakmarsun.
649	GEN 24:57	Geb degine, Abraham-e-mai-abin sogdemalad: —Anmar bunagwase gormalo, ar bunagwade igi sogdamogodibe.
657	GEN 24:65	Geb degine, Abraham-e-maise egichided: —Dule sapurba anmarsik-danikidi, ¿we doa-dule? Abraham-e-mai Rebeca-abin sogded. —We an-dummadi. Geb degi, Rebeca e-muswe susad. Geb e-wagar odukusad.
689	GEN 25:30	Geb Esaú, Jacobʼga sokalid: —An ukudmaada itoged, wis be anga we-ibmar-gisi-dunaid be udage. (A-ulale, Esaú, Edomʼye bilebalid).
691	GEN 25:32	Esaú abin-sogded: —An ukudba burgwedanisoggu, anga-bela-ibmar-uklegoed, an bega ukodo. ¿Ar ibiga bar an we-ibmar abesunna? An abesuli.
702	GEN 26:9	Geb degine, Abimelec, Isaacʼbina gochad, ega sogded: —Etto, ¿Rebeca, we be-ome? ¿Ar ibiga be anmarga sogsa, Rebeca an-bunye? Isaac abin-sogded: —Ar ade, an binsasad, abakalegi we-ome-ular an-oburgwiarmalarye.
704	GEN 26:11	Geb degine, Abimelec bela e-sordamarga igar mesisad: —Ar dule-wargwen we-machered-ibgwensur-imakalile, igidibe, e-omese achaalile, we-dule oburgwilegoye.
709	GEN 26:16	Geb degine, Abimelec, Isaacʼga sogdesunnad: —Ar be anmarba bur gannarbasoggu, wegi-maid be nae.
730	GEN 27:2	Geb Isaac sogdebalid: —Mag be an-daked, an nue-selebagusad. Ukiar sunna an burgwed.
734	GEN 27:6	a-sorba, Rebeca e-machi-bipigwad-Jacobʼga sogded: —Nue be an-itogo. Be-bab, be-ia-Esaúʼga sunmakgwisgu, ega-soge an itosad:
739	GEN 27:11	Ar Jacobʼdi e-nan-Rebecaʼga sogded: —Ar nabir be sogendo. Ar an-iadi wawaad. Andi degisulid.
746	GEN 27:18	Geb degine, Jacob, e-bab-siidse dogdapid, ese gordapid: —¡Baba! Isaac abin-sogded: —An wegi sii. ¿Be biti-an-machi?
749	GEN 27:21	Ar e-bab-Isaacʼdi abin-sogded: —Anse be dage, an be-ebubie, bule be an-machi-Esaú-sunnaddibe.
775	GEN 28:1	Geb degine, Isaac Jacobʼse gochad, geb egi ise-nued binsasad. Geb ega sogded: —Melle we-yar-Canaánʼgined-ome be nikuo.
800	GEN 29:4	Jacob sibad-wawaad-edarbemaladse egichided: —¿An-aimar, bemar biarmaladi? Abin-imaksamalad: —Anmar Harán-neggweburginedi.
804	GEN 29:8	Ar sibad-wawaad-edarbemaladdi abin-sogdemalad: —Geg anmar deyob imakmalad. Anmar gusgu bela sibad-wawaadmar-danar-ambikued edarbedamalad. Adi, anmar akwa-dummad-dia-edisiid oniregar. Geb anmar sibad-wawaadmar diigi ogobmaloed.
811	GEN 29:15	Niigwen-gusad-sorbali, Labán Jacobʼga sokalid: —Be an-gwenad-inigwele, binsa geg be anga arbaed. Anga be soge, igi-mani be-bennukbi be an-abege.
815	GEN 29:19	Geb degine, Labán Jacob-abin sogded: —Ar an-sisgwa dule-baidga-ukedba bur an bega uked nabirid. Degisoggu, be an-walik beedo.
817	GEN 29:21	Birgaguglegus (7) Jacob arbaedgine, Labánʼga sokalid: —Ar an bega sogsadyob Raquel-nikuega bato birgaguglegus (7) an bega arbadanisoggu, anga be Raquel-udage.
858	GEN 30:27	Ar Labánʼdi abin-sogded: —Ar nued be angi binsaele, mer be nagwele, wis be napi-begwele. Ar an nerse-oyosadba an wisgusad, be-nukad, Bab-Jehová ise-nued angi binsamaid. Labán Jacobʼga sogdebalid:
859	GEN 30:28	—Anga be sogdo, igi-manigi anga be arbaoe. An be-bennukoed.
860	GEN 30:29	Geb degine, Jacob ega sogded: —Ar nue be wisid, igi an bega arbasa, igi an bega be-ibmar-durgan an akwisa.
862	GEN 30:31	Geb Labán Jacobʼse egisdesunnad: —Degite, ¿igi-mani be-bennukbi be an-abesunna? Jacob weyob abin-sogded: —Mer be an-bennuke. Ar ibmar an bega sogoed nabir be itogele, napi an bega be-sibad-wawaadmar an edarboed.
879	GEN 31:5	Jacob Raquelʼga, degi, Leaʼga sogded: —An mag daked, bemar-bab idualeyob bar nued an-daksulid. Ar degi-inigwele, an-bab-e-Bab-Dummad gusgu anba gudiguad.
905	GEN 31:31	Geb degine, Jacob, Labán-abin sogded: —Ar ade, an dobgusad. An binsasad, abakalegi be-sisgan be angi ise-urwedgi be sualirye.
910	GEN 31:36	Ar Labánʼdi nuchumar-amidiid amissursoggu, a-ulale, Jacob uluded, Labánʼga binnasur weyob sogded: —Ar emide, ¿ibigi an begi nosa? ¿Ibigi an begi isgus be an-daksunna? Ar emide, ise-aporsaar be an-baregindigu.
914	GEN 31:40	Jacob Labánʼga sogdebalid: —An bega arbadigusgu, ibgine, neg-diopisulidba an burgwebidaed. Neg-mutikdi, neg-diopigwadba an burgwebidabalid. ¡Ar gabedse-bakar, gwen gabbi an-itodasulid!
923	GEN 31:49	Deginbali, a-neg Mizpaʼye nuggusbalid, ar ade, Labán sogsad: —Anmar na gi yoggudmalo-inigwele, Bab-Jehová anmar-dakdii guoed.
925	GEN 31:51	Degine, Labán Jacobʼga sogdebalid: —Nue be dake, akwamar-odunnumakbukwad, degi, akwa-dummad-gwichid, anmar-deyob-igar-mesisad, anmarga-oyogega gued.
935	GEN 32:7	Dule-gayaburba-sesmalad gannar aibilismargu, Jacobʼga sognonimalad: —Anmar be-ia-Esaúʼse arbimalad. Na e-sunnad be-abin danikid, degine, machergan e-dulataled-ilabake (400) eba danimarmogad.
955	GEN 32:27	Geb degine, dule Jacobʼga sogded: —Be an-indake. Bato neg-oibodanikid. Jacob abin-sogded: —Be angi ise-nued-binsaedgi be anga ibmar-sogsulile, an be-indakosulid.
957	GEN 32:29	Geb degine, dule ega sogded: —Jacobʼye bar be nugguosulid. Ar ade, be Bab-Dummadbo-galitosadgi, degi, dulemarbo-galitosadgi be obichasoggu, be Israelʼye nugguoed.
969	GEN 33:8	Geb degine, Esaú egichidbalid: —¿Ar ibiga we-ibmar-durgan danar-danar be anga barmiali? Jacob ega sogded: —Be angi-nued-binsaega, an bega barmialid.
971	GEN 33:10	Degi-inigwele, Jacobʼdi e-iagi alamaknai gusad: —Suli ia, degisuli. An we-ibmar-bega-sedanikidi, bitigi be abingasana yeerban. Ar be nued be anmar-abindaksasoggu, an be-dakdedgine, Bab-Dummad-wagar-dakdeyob an itonaded.
1011	GEN 34:30	Geb degine, Jacob, Simeónʼga, degi, Levíʼga sogded: —Ar emigindi, boni-dummad bemar anga uksamalad. Dulemar-we-yargi-mamaimalad, Canaán-dulemar, Ferezeo-dulemar, isdar an-dakdamaloed. Emar, anmargi bila-onomalaga atodmaloed. Ar anmar machergan-ichee gumarsoggu, ani, degi, an-gwenadgan bela oburgwilemaloed.
1090	GEN 37:6	Ar ade, José e-iamarga weyob sogsad: —Bemar nue-an-itomalo, an-gabdaksad an bemarga soggwelo.
1092	GEN 37:8	Geb degine, e-iamar abin-sogdemalad: —Ar be sogsunde, ¿be anmar-reyga guoye? ¿Be anmar-dummadga megoye? Adi surbali. We deyob-gabdaksadba degi, e-iamarga e-gabdaksad-sogsadba e-iamar bur bule José-sae dakdemalad.
1094	GEN 37:10	José weyob-gabdaksadi, e-babga, degi, e-iamarga sogsagua, e-bab Joséʼga sabsur-ibmar sokalid, ega sogded: —We deyob be gabdaksadi, ¿wede ibu be obare? ¿Ar ade, ani, be-nan, degi, be-iamar, anmar be-nug-odummonai gumalode? Adi surbali.
1097	GEN 37:13	Geb degine, Israel Joséʼga sokalid: —Be-iamar Siquem-neggwebur-naba sibad-wawaad-edarbedimalad. Be-iamar-daknabi an be-abedo. José abin-sogded: —Nuedgi an naodo.
1101	GEN 37:17	Dule abin-sogded: —Bato wegi nadmalad. Be-iamar soge an itosad, emarde Dotán-neggweburse naye. Geb degine, José e-iamar-aminadap gusad. Dotán-neggwebur-dikarba abingudapid.
1105	GEN 37:21	Rubén e-urbamar weyob-sunmaknanai-itosgua, José-bendakbi gualid. Degisoggu, e-urbamarga sogded: —Melle anmar José-oburgwemalo.
1110	GEN 37:26	Geb degine, Judá, e-gwenadganga sogded: —Ar anmar anmar-urba-oburgweye-soger, ¿ibi-nued anmar egi amiosunna? Ibmar-nued anmar egi amiosulid. Ar a-sorbali, anmar neg-oakalosad odukubalirgebed.
1136	GEN 38:16	Geb degine, Judá igarba-nadapidgi omese-naega aibatesunnad. Ar Judá wissulid, we-omede, e-bala gue. Omese-modapgu, ega sogded: —¿Sunna be anbo megisale? Ome abin-sogded: —Be anbo-megbiele, ¿ibu be anga ukoe?
1137	GEN 38:17	Judá abin-sogded: —An sibad-bipi-wargwen an bega barmidagoed. Ome abin-sogded: —Eye. Be-ibmar-sediid be anga udagwerdo. Be anga sibad-bipi-barmidagedse we-ibmar an bega gannar ukoed.
1141	GEN 38:21	Degisoggu, Adulam-dule Enaim-neggweburginmaladse egichided: —¿Bia ome-gambanuchu Enaim-neggweburgined, igargi-sidaed nade? Abin-sogdemalad: —Wegi ome-gambanuchu sidasulid.
1142	GEN 38:22	Geb degine, e-ai Judáʼse gannar nonisunnad, ega sognonikid: —Ome an daksasur gusad. Deginbali, Enaim-neggweburginmalad anga sogmarbalid, ome-gambanuchu bipisaar wegi gudidasurye.
1143	GEN 38:23	Judá e-ai-abin sogded: —Ome an-ibmar-ganikid egadga gusunnodo, adi, melle dulemar anmargi dodomalagar. Ar wedi dulemar wisgumalargebed, an ega sibad-bipi barmisanad, ar be a-ome-amis-inigwele, degite, be daksasur gusad.
1182	GEN 40:9	Geb degine, nogdaked-e-dummad Joséʼga e-gabdaksad sogded: —An gabdakmaigu, uva-dub an dakalid.
1185	GEN 40:12	Geb degi, José ega sogded: —Be gabdaksadi, we obardo: Uva-dub-giapaagwadi, ibapaagwadye.
1189	GEN 40:16	Madusobed-e-dummad, José, e-gabdaksad nued-odulosa-daksagu, Joséʼga sogdemogad: —An gabdaksamogad, garba-burwigana-gwapaagi madu-ochigana an nono-birgi sii an daksad.
1191	GEN 40:18	Geb degine, José abin-sogded: —Be gabdaksadi, we obardo: Garba-burwigana-gwapaagwadi, ibapaagwadye.
1211	GEN 41:15	Geb degine, Faraón ega sogded: —An gabdaksad. Emide, dule-anga-oduloged sated. Emide an itoged, dule bega gabdaked sogsale, bedi sunna oduloye.
1235	GEN 41:39	Geb Faraón Joséʼga sogded: —Ar Bab-Dummad bela we-ibmarmar-wisguega be-imaksadsoggu, a-ulale, dule-baid beba dule-binsaed-ibed, dule-nue-ibmar-wisid sulid.
1237	GEN 41:41	Geb degine, Faraón Joséʼga sogdebalid: —Bela Egipto-yar-daked-dummadga, ani, an be-onugsanaid.
1240	GEN 41:44	Geb degine, Faraón Joséʼga sogdebalid: —Ar ani, an dummad-inigwele, bela Egipto-yargi bipisaale dule be-wissuli ibmar imakosulid.
1260	GEN 42:7	José e-iamar-dakdeyalaba bato magar-daksad, e-iamalad. José yamo aku-e-iamar-dakeyob imaksad. Degi, apor e-iamarse egichided: —¡Bemar! ¿Bia be danimala? E-iamar abin-sogdemalad: —Anmar Canaán-yalagi danimalad, orosgi-dakleged bakegar.
1262	GEN 42:9	Geb degidgine, José e-iamargi-gabdaksad insaas naded. Geb degine, e-iamarga sogded: —Bemar dule-argamalad gumalad. Bemar unnila dakdanimalad, bia anmar-yargi baisursunna-doglemalad sii.
1265	GEN 42:12	José bur bule sogded: —Binsa bemar gordii. Bemar unnila dakdanimalad, bia anmar-yargi baisursunna-dogleged sii.
1266	GEN 42:13	E-iamar José-abin sogdemalad: —Anmar be-maimar gued. Bela anmar bab-wargwengi gwenadgan-ambe-gakabo (12) gumalanad. Anmar Canaán-yargi maimalad. Anmar-urbadi, anmar-bab-walik besad. Baiddi burgwisad.
1267	GEN 42:14	Degi-inigwele, José, e-iamarga gannar sogdebalid: —An bemarga sogsamalad, bemar dule-argamalad gumarye.
1271	GEN 42:18	Ibapaagusgu, e-iamarga sogded: —An Bab-Dummad-dobee nanadiid-duled. Ar bemar an-yardaknaisurmalale, be-gwenad-wargwen esgaryagi be obes namardo.
1274	GEN 42:21	José-e-iamar na ga muchub-muchub sogdemalad: —Anmar anmar-urbagi nue-dummad nosmalad. Ar anmarga weyob sognai-gusan-inigwele, bemar wile an-dakye. Anmar itossurmalad. A-ulale, wede, emi anmarga nunmaked-dummad nonimosunnad.