60	GEN 3:4	Ar naibedi omega sogded: —Suli, degisuli. Bemar gwen burgosuli.
95	GEN 4:15	Bab-Jehová Caín-abin sogded: —Suli, deyob guosuli. Ar dule be-oburgwele, we-dule-be-oburgwisad ilagugle (7) bur bule sabsur-odurdaklegoed. Geb degine, Bab-Jehová Caínʼgi wilub nasiksad, adi, dule-gwensak Caín-dakalile, melle oburgwegar.
365	GEN 15:4	Bab-Jehová Abram-abin sogded: —Suli, degisuli. Be-sorba ibmar-bela-gaoedi, be-machi-sunnad bela be-ibmar gaoed. We-Eliezerʼdi suli.
399	GEN 17:1	Abram birga-dulabake-gakambe-gakabakebak-nikadgine (99), Bab-Jehová ese magarononikid, ega sognonikid: —Ani, an Bab-Dummad-Bela-Gangued-Nikadid. An-sogedba be nue-innikii nanadii guo.
407	GEN 17:9	Deginbali, Bab-Dummad Abrahamʼga sogdebalid: —Be, degi, bela be-wagan degisadegu anbo-igar-mesnaidba be nanamalo.
452	GEN 18:27	Ar Abrahamʼdi gannar Bab-Jehováʼga sogdebalid: —Dummad, bese nue-wilesakwaa an egised, ar bedi Dummadid, andi dule-binsaledid.
455	GEN 18:30	Ar Abrahamʼdi gannar Bab-Jehováʼga sogdebalid: —Dummad, gannar-gannar an bega ibmar-sognaidgi, melle be isdar an-itogo. Ar unnila dulagwen-gakambe (30), dule-nuegan gudidiile, ¿bela Sodoma-neggwebur be obelogode? Bab-Jehová gannar abin-sogdebalid: —Ar we-neggweburgi unnila dulagwen-gakambe-gudidimalad-ular (30) an obelogosulid.
456	GEN 18:31	Abraham sogdebalid: —Dummad, weyob an bega sunmakewilubsulinad, degi-inigwele, ¿we igi-balile, unnila dulagwen (20) dule-nuegan we-neggweburgi gudiir? Bab-Jehová Abraham-abin sogdebalid: —Amar-dulagwenad-ular (20), we-neggwebur an obelogosulid.
457	GEN 18:32	Amba Abraham gannar sogdebalid: —Dummad, wis an bese egis, melle be isdar an-itogo. Napi an bega soge. A-sorba, bar an bega ibmar sogosulid: ¿Igi be imaksale, unnila warambe (10) dule-nuegan gudiir? Bab-Jehová Abraham-abin sogded: —Ar dule-warambegwad-ulale (10), an we-neggwebur obelogosulid.
460	GEN 19:2	Lot amarga sogded: —Dummagan, an bese wilesakwaa wis egisdo, emi-mutik an-neggi bemar obunnobi an abedo. An-neggi sunna bemar nag enukmalad. Geb oibosar, wakudaryala bemar sunna naed. Geb amar-warbogwad Lot-abin sogdemalad: —Suli, nued be anmargi binsaendo. Anmardi neg-magaba gaboe.
465	GEN 19:7	Geb Lot dulemarga sogded: —Aimar, an bemarse wilesakwaa egismar. Melle bemar galagwensuli neg-imakmalo.
500	GEN 20:4	Ar Abimelec amba yoo Saraʼse gorsoggu, Abimelec Bab-Dummad-abin sogded: —Dummadye, ¿ar bede dule-neg-oakalossulid oburgoye be sogde?
549	GEN 22:1	Undar birgamar nasadgine, Bab-Dummad Abraham-wilub-dakesokalid, bule egi nue bensurdibeye. Bab-Dummad nugba Abrahamʼse gornonikid: —¡Abraham! Abraham Bab-Dummad-abin sogded: —Na, degite, an be-itomai.
550	GEN 22:2	Bab-Dummad Abrahamʼga sogded: —Isaac, be-machi-wargwennagwad be nue-sabedi, Moriah-yalaganse be sede. A-yalagan-mosale, an bega yar-oyogoedgi be-machi be anga ogumakoed.
556	GEN 22:8	—Machi, Bab-Dummad anmarga sibad-wawaad-senigwad udagoed, anmar ega ogumakar ukegar. Deyob, ebogwa imakenadap gusmalad.
587	GEN 23:15	—Dummad, nue be an-itogo: Nainu-e-gargegued mani-dulataled-ilabake-aidikued-wilub (400) gargegued. Wegindi anmar na abin-abin imakosurmalad. Degisoggu, be-ome be dignado.
597	GEN 24:5	E-mai abin-sogded: —Nued, dummad. Ar yagwa we-negse yapa anba dagele, ¿igi an imakosunna? ¿Ar degiile, be-yargi be aligusadse, an be-machi sedsunnode?
610	GEN 24:18	Yagwa abin-sogded. —Dummad, be gobe. Geb degi, yog e-buglu-odear imaksad. E-argangi buglu-ganiki, diigi ogobsad.
625	GEN 24:33	Abraham-e-maiga mas guakwaa sisgu, Abraham-e-mai sogded: —Mas-inse an gunnosuli. Bina an bega ibmar-sogbied soggwelergebed. Labán abin-sogded: —Degite, sogdo.
626	GEN 24:34	Abraham-e-mai sogded: —Ani, an Abraham-e-maid.
646	GEN 24:54	A-sorbali, Abraham-e-mai, degi, eba-gudidimalad mas guchamalad, gobsamalad, degine, geb gabismalad. Oibosgua, Abraham-e-mai gwisgusgua, sogded: —Emi, anmar gannar an-dummad-negse-naega be anmar-imaksun.
650	GEN 24:58	Rebecaʼse gochamalad, ese egisdemalad: —¿Emisgwa we-macheredba be nabie? Bunagwa abin-sogded. —Eye, an nabie.
692	GEN 25:33	Geb Jacob sogded: —Emisbinne, ise-sogar be anga sogdo, deyob an bega ibmar ukedseye. Esaú abin-sogded: —Ise-sogar an bega sogye, deyob an bega ibmar ukedseye. Esaú, machi-sailagined-guedgi-bela-ega-ibmar-uklegoed e-urba-Jacobʼga uksad.
702	GEN 26:9	Geb degine, Abimelec, Isaacʼbina gochad, ega sogded: —Etto, ¿Rebeca, we be-ome? ¿Ar ibiga be anmarga sogsa, Rebeca an-bunye? Isaac abin-sogded: —Ar ade, an binsasad, abakalegi we-ome-ular an-oburgwiarmalarye.
741	GEN 27:13	Ar e-nandi Jacob-abin sogded: —Machigwa, be ukabsaleye sogele, ani an ukabsalegoed, bedi ollordo. Degisoggu, an-ibmar-bega-sognaidba be imake. Sibad-mimmi-senigana-warbo be anga sedage.
747	GEN 27:19	Jacob abin-sogded: —An, Esaú, be-machi-dummad. Be anga-sogsadba bato an imaksad. Baba, be-dage. Wis wese be sigdage. An-ibmar-maksad be gundage. Geb be ise-nued-angi-binsaed be anga sogoed.
748	GEN 27:20	Geb degine, Isaac e-machiga sogded: —Machi, ¿igi nabir bato be ibmar abingusbinne? Jacob e-bab-abin sogded. —Bab-Dummad-Jehová gwae-gwae ibmar-abinguega an-bendaksad.
752	GEN 27:24	gannar Jacobʼga sogded: —¿Ar nue be an-machi-Esaú-sunnadi? Jacob abin-sogded: —Eye, an Esaú-sunnadi.
753	GEN 27:25	Geb degine, e-bab Jacobʼga sogded: —Machi, anga be mas dake, adi, be-ibmar-maksad an gunnegar. Geb a-sorba, an-ise-nued-begi-binsaed an bega sogoed. Jacob e-babga mas daksasunnad, degi, ega vino senonibalid. Isaac nue-mas-guchad, degi, nue-gobsabalid.
754	GEN 27:26	Geb degine, Isaac Jacobʼga sogded: —Machi, anse be dage, be an-wagar udage.
759	GEN 27:31	Esaú mas nued-gulle e-babga imaksamogad. Geb e-babga sesa gusad, ega sogdapid: —Baba, be gwisgu. Be-machi, bega ibmar-maksad be gunne, be-angi-ise-nued-binsaed be anga sogsun.
760	GEN 27:32	Geb degine, Isaac, Esaúʼga sogded: —¿Be doa-dule? Esaú abin-sogded. —Ani, an Esaú, be-machi-gebesailagined.
761	GEN 27:33	Isaac geger-itoged, nue-wawanmake sogded: —Degite, ¿wede doa be-iduar ibmar-maksad, yeer-gulle anga senonisunna? Be-nonikid-iduar, dule-anga-mas-senonikid bela an guchad. Bato be-iduar-dule-arbidga, egi ise-nued-binsaed bela an ega sogsad. Ar emigindi, bato egi ise-nued binsalessunnad. Geg bar an oakaloged.
764	GEN 27:36	Geb Esaú sogded: —¡Ar nabir ega Jacobʼye nug nasiksamala! ¡Ar emide ilabogus an-yardakdanikid! Gebe unni, an machi-sailagined-guedba anga ibmar-uklegoenad an-ibe susad. Emide, angi ise-nued-binsaleged an-ibe susbalid. Esaú sogdebalid: —Baba, degite, angi ise-nued-binsaleged, ¿wis be anga obessuli?
774	GEN 27:46	Geb degine, Rebeca e-sui-Isaacʼga sokalid: —Esaú, Het-dule-e-sisgwa-nikusad-ular, an budar-itogusad. We-Canaán-yargi Het-dulemar-bukwad-e-sisgwa-wargwen-weyob-damogadi Jacob nikusale, ar an bur burgwed, nabirid.
801	GEN 29:5	Jacob amarga sogdebalid: —¿Bemar, Nacor-e-machi-Labán-mag-dake? Abin-imakdemalad: —Eye, anmar mag dake.
802	GEN 29:6	Jacob ese egisdebalid: —¿Labánʼde nued gudii? Sibad-wawaad-edarbemalad abin-imakdemalad: —Eye, Labán nued gudii. Be dakena, e-sisgwa-Raquel e-sibad-wawaadmar sedanikid.
822	GEN 29:26	Labán Jacob-abin sogded: —Wegine, anmarga-igar-maisulid, urba e-ior-idu sui-nikuoye.
862	GEN 30:31	Geb Labán Jacobʼse egisdesunnad: —Degite, ¿igi-mani be-bennukbi be an-abesunna? Jacob weyob abin-sogded: —Mer be an-bennuke. Ar ibmar an bega sogoed nabir be itogele, napi an bega be-sibad-wawaadmar an edarboed.
909	GEN 31:35	Geb degine, Raquel e-babga sogded: —Baba, an gwisgusulir, mer be anse urwo, ar ade, an emi mor-enukdiid.
956	GEN 32:28	Dule Jacobʼse egichided: —¿Igi be nuga? Jacob abin-sogded: —Jacobʼye, an nuga.
958	GEN 32:30	Jacob dulese egisdemogad: —Emigi, be-nug anga be sogmoga, ¿igi be nugmoga? Dule abin-imakded: —¿Ibiga be anse an-nug egise? Geb degine, dule Jacobʼgi ise-nued-binsaedgi ega sogded. “Bela bega ibmar-nueganbi gusunno.”
966	GEN 33:5	Geb a-sorbali, Esaú, omegan-dakargu, degi, mimmigan-dakargu, egichided: —Wemardi, ¿we doamala? Jacob abin-sogded. —We-mimmigan Bab-Dummad angi-nabir-binsaedba anga uksadid.
970	GEN 33:9	Esaú sogded: —Urba, deyobsuli. An ibmar-durgan unniguar-nikamogad. Be-ibmar-durgan begadid. Na be sue.
974	GEN 33:13	Jacob e-ia-abin sogded: —Ia, nabirindo. Ar be nue wisid, mimmigan binnaa nanamalad. Degisoggu, geg anmar darekwaa naed. Degine, sibad-wawaadmar-e-mimmigangi, degi, moli-bebe-nikamalad-e-mimmigangi an binsaergebbalid. Ar sibad-wawaadmar geggusmalale, sunna ibagwen bela giir gued.
995	GEN 34:14	ega sogdemalad: —Suli, degisuli. Geg anmar dule-abgan-uka-duku-sikarsulidga anmar-bun uked. Anmar deyob imakele, binged-dummad itole.
1138	GEN 38:18	Judá omese egichided: —Degite, ¿ibi bega ukbi be an-abesunna? Ome abin-sogded: —Be-goo-burba-wilub, degi, e-dub, degine, suar-gaapoled-be-ganikidi, be anga udado. Judá omega bela a-ibmar uksad. Geb degine, ese gochad. Degidbali, ome bonigwar gunonisunnad.
1157	GEN 39:7	Degisoggu, ibagan-nanamaidgi, Potifar-e-ome, Joséʼbina-sokalid. Ibagwengi Joséʼga sogded: —José, dage. Anmar anbo mege.
1212	GEN 41:16	José, Faraón-abin sogded: —Dummad, we-oduloged angi sisulid. Ar Bab-Dummad bega odulogoed. We-odulolegoed bega ibnuedga guoed.
1221	GEN 41:25	Geb degine, José Faraón-abinsaded: —Dummad, be-sogbo-gabdaksadi, we unnila soggwenna gued. Bab-Dummad e-ibmar-imaksokalid be-owisonaid.
1289	GEN 42:36	Geb degine, Jacob e-masmalaga sogded: —Bemar, masmala-sate be an-imakmaloed. José bato burgwis, degi, Simeón anmarba bar gudisurbalid. ¡Emigindi, bemar Benjamín an-ibe nidesokarbalid! ¡An emarba bur ibitodiid!
1318	GEN 43:27	Geb degine, José egisded: —Bemarde nueganbimar sogeye. José egisdebalid: —Degite, be-babde, be-anga-egi-sunmaksamalad, nue-selebagusye, ¿amba dula gudii? ¿Nued gudii?
1332	GEN 44:7	Agi, José-e-gwenadgan abin sogdemalad: —Dummad, ¿ibiga weyob be anmarga soge? ¡Anmar weyob geg ibmar imaked!
1342	GEN 44:17	Ar José abin-sogded: —Suli, deyob geg gue. Unnila doa-sagu-yaba an-nog amilesa, abi an-maiga guoed. Baigandi sunna be-bab-negse gannar baisur-itogedgi namalad.
1343	GEN 44:18	Geb degine, Judá Joséʼse naded, ega sogded: —Dummad, bese wilesakwaa an egised, begarbi an sogbied. Dummad, ar be Faraón-sunnadyobmosoggu, mer be anse urwo.
1362	GEN 45:3	José, e-gwenadganga sogded: —Ani, an José. ¿An-bab amba dula? E-gwenadgan José-asabin-bukwadi, bela-bela dobe-itomarsoggu, geg abinsagusmalad.
1390	GEN 46:3	Geb degi, Bab-Dummad sogded: —Ani, an Bab-Dummadid, be-bab-e-Bab-Dummadmogad. Egipto-yarse-be-naed mer dobguo, ar ade, agi be-wagan bukidar-merguega an imakoed.
1424	GEN 47:3	Geb degine, Faraón José-e-iamarse egichialid: —¿Ibigi bemar arbamala? Amar abin-imakdemalad: —Dummad, anmar-be-maigan-gumaladi, anmar-dadganyob anmar sibad-wawaad-edarbemalad gumalad.
1426	GEN 47:5	Geb degine, Faraón, Joséʼga sogded: —José, be-bab-nonikidi, be-iamar-nonikidi, be-walik-megega nonimalad.
1439	GEN 47:18	A-birga-bergusgua, birga-baid nagunonikid. Geb Egipto-dulemar Joséʼga sognonimalad: —Dummad, anmar mani-satedi, geg anmar begi odukued. Deginbali, anmar-ibdurgan bela begadga gusbalid. Anmar mas-bakega, ibmar-baigan-bega-uked sated. Degisoggu, anmar-nainu, degi, anmar begadga gumalargebed.
1444	GEN 47:23	Geb degine, José dulemarga sogded: —Emigindi, be-nainumar, degi, bemar, Faraónʼgadga gunonikid. Ar ade, ibmarmar-an-baksadi, Faraónʼga an baksad. Emigindi, an bemarga ibmar-gwag digmalaga an uked.
1452	GEN 47:31	E-bab Joséʼgi alamaknai gusad: —¡Ise-sogar be anga soge, deyob an imakoye! José ise-sogar abin-sogded: —Eye, deyob an imakoe. Geb degine, Israel e-gabed-nono-onakwedsik, e-nono yollee imaksad.
1460	GEN 48:8	Israel ukiar José-e-masmala-dakargu, egichided: —Wemardina, ¿we doamala?
1563	EXO 2:8	Faraón-e-sisgwa bunagwaga sogded: —Eye, be aminae. Geb degine, bunagwa machi-bipi-e-nanse gornaded.
1575	EXO 2:20	Geb degine, Reuel e-sisganga sogded: —Emide, ¿bia we-dulede? ¿Ar ibiga we-dule be wargwen obesmala? Bemar ese gornamala, adi, anmarse mas-gundagegar. Geb Moisésʼse gorapmargu, mas-gunbukwadgi Reuel Moisésʼga sogded: “Be an-walik megoye.”
1584	EXO 3:4	Bab-Jehová dakdegu, Moisés e-dakega ese warmakdaniki, agi sapi-bula-abargi Moisésʼse goted: —¡Moisés! ¡Moisés! Moisés Bab-Dummad-abin sogded: —Degite, wegi an be-itogwichi.
1638	EXO 5:5	Faraón sogdebalid: —Emigindi, Israel-dulemar bukidar Egipto-yargi bukmalad. Ar bemarde, ¿bar-arbasuli amar imakode? Deyobsulirgebed.
1648	EXO 5:15	Israel-dulemar-danar-danar-arbananaid-dummadga-gunanaid Faraónʼse nadmalad, ega binnasursaar ibmar sogdemalad: —Dummad, ¿ibiga be be-maimar-bega-arbamalad weyob be imake?
1655	EXO 5:22	Geb degine, Moisés Bab-Jehováʼse gornadgu, ega sogded: —Dummadye, ¿ibiga be we-dulemar sabsur odurdake? ¿Ibiga wese be an-barmiali?
1737	EXO 8:22	Moisésʼdi Faraón-abin sogded: —Suli, anmar deyob imakele, nuedsuli. Ar ade, anmar-Bab-Dummad-Jehováʼga, anmar ibmar-ukedi, we Egipto-dulemarga ibmar-isganad, ibmar-sunnasulidid. Egipto-dulemar a-ibmarmar-ogumakar-uknai anmar-daksale, ar an wisid, akwagi-makar anmar-oburgwismalaled.
2048	EXO 19:21	Geb degine, Bab-Jehová Moisésʼga sogdebalid: —Moisés, be aidenae. Dulemarga be sogna, galu-nagusadgi melle obakmalo, melle an-dakedgi binsamalo. Ar dulemar, deyob-obakele, bukidar burgwemaloed.
2461	EXO 32:22	Aarón Moisés-abin sogded: —Dummad, mer be anse urwe. Ar be wisid, we-dulemar unnila isguedginbi binsadidamalad.
2495	EXO 33:21	Geb degine, Bab-Jehová sogdebalid: —Wegi, an-nagabasaar-akwasiid-birgi be gwisgue.
2997	LEV 10:19	Geb Aarón, Moisés-abin sogded: —Emi, an-masmala Nadab, degi, Abiú, na e-isgued-ular ibmar uksamalanad, degi, Bab-Jehováʼga ibmar-ogumakar uksamarbalinad. Degi-inigwele, we-masmala-ebogwad an surgunonikid. Ar emi, isgued-ular-ibmar-ukleged an guchana, ¿Bab-Jehováʼde nabir an-dakoen be insae? Suli. Nabir an-dakosulinad.
4052	NUM 11:27	Machi-sapin-gwensak Moisés-owisogega abarmakded, ega sogdapid: —Eldad, degi, Medad, dulemar-danar-danar-bukwadgi Bab-Dummad-Burbaba sunmakdimarye.
4149	NUM 14:40	Israel-dulemar wakudaryalaba gwichigusmalad, yalaganba nakwidmalad. A-dulemala sokarmalad: —Anmar, inso nue Bab-Jehováʼgi nosmalad. Degisoggu, Bab-Jehová-yar-anmarga-ukoye-sogsadse anmar nae. A-yar anmar sunamala.
4200	NUM 16:5	Geb degidgine, Moisés Coréʼga, degi, Coréʼba-nanaimaladga sunmakded, amarga sogded: —Oibosale, Bab-Jehová sogoed, ede doa-susa, doa-egadi, doa sunna ese warmakoe. Ar Bab-Jehová na dule-suoedi, a-dulebi, Bab-Jehováʼga nabir-ibmar-uke guoed.
4211	NUM 16:16	Geb a-sorbali, Moisés Coréʼga sogded: —Oibosale, bedi, degi, be-sordamar Bab-Jehová-asabin nonimaloed. Aarón ase nonimogoed.
4411	NUM 22:35	Bab-Jehová-e-baliwitur Balaam-abin sogded: —Baisuli, we-dulemarba be nae. Unnila an-bega-ibmar-sogoedbi be sogoed. Weyobi Balaam, Balac-e-dummaganba nadsunnad.
5997	JOS 7:19	Geb degine, Josué, Acánʼga sogded: —Machi, Israel-dulemar-e-Bab-Dummad-Jehová-nug be odummoge, ar ede nued ibmar imakdiiye. Emigindi, be ibmar-imaksad anga soge. ¡Melle be angi odukue!
6459	JOS 22:31	Geb degine, dule-irwa-Bab-Dummadse-goled-Eleazar-machi-Finees we-dulemarga sogded: —Emidi, anmar magar-itoged, Bab-Jehová anmar-abargi gudiid. Ar ade, bemar Bab-Jehováʼgi nobigussulid. Degisoggu, Bab-Jehová-anmar-sabsur-odurdakoenadgi bemar anmar-bendaksad.
6492	JOS 24:14	Josué, Israel-dulemarga sogdebalid: —Degisoggu, bemar Bab-Jehováʼgi binsaed-nikaa nanamarsun. Eba ibsadii gumarsun, deginbali, innikigwadgi e-nug-odummodii, ese-gordii gumarsun. Be-dadgan Éufrates-diwar-obakar, degi, Egipto-yargi bab-dummadyob-ibmar-imakleged-e-nug odummodii gusmalad. A-bab-dummagan be mimarsunna, unnila Bab-Jehová-nugbi be odummodii gumala.
6494	JOS 24:16	Israel-dulemar, Josué-abin sogdemalad: —Anmar, bipisaale Bab-Jehová obanmalosulid. Anmar bab-dummadyob-ibmar-imakleged-baigan-e-nug-odummogega, Bab-Jehováʼgi banguosulid.
6500	JOS 24:22	Josué, Israel-dulemarga gannar sogdebalid: —Bemar na sogmalad, anmar Bab-Jehová-nugbi odummodii guoye. Weyobi be sogmaladi, bemar na dukin barsogega gumalad. Bela Israel-dulemar abin-sogdemalad: —Eye, anmar na dukin barsogega gumaloed.
6589	JDG 3:19	Degine, Aod, Gilgalʼgi ibmar-sobarmalad-bab-dummadyob-imaklemalad-bukwadse dulemar-obesgua bilisad, gannar Rey-Eglónʼse naded. Geb degi, Rey-Eglónʼga bannabaa ibmar-sogded: —Rey, an begarbi ibmar-arbakee soged nikando. Degi, rey sogded: —¡Abitogwelo! Geb rey, dule-ega-ibmar-imakmalad-e-nagaba-bukwad bela onisad, adi, mer e-itomalagar.
6610	JDG 4:9	Débora ega sogded: —Degiirdi, an beba naodo. Degi-inigwele, be-ibmar-imakoedgi be nug dunguo-sulid. Ar Bab-Jehová, omega Sísara-urmakoed. A-omegwa Sísara-oburgoed. Degidgi, Débora, Barac-ebo Cedesʼye-neg-nugadse nadsunnad.
6669	JDG 6:13	Gedeón abin-sogded: —Dummad, ar Bab-Jehová anmarba naile, degite, ¿ibiga anmar sabsur-odurdakleddae? Degite, ¿Ibiga ibmar-gegerdaklemalad anmar-dadgan-anmarga-sogsagusad geg bar oyolesunna? Ar anmarga sogsagusad: ‘Bab-Jehováʼde Egipto-yargi anmar-onosye.’ Emisgindi, Bab-Jehová anmar-obachad, Madián-dulemarga anmar-urmaksad.
6671	JDG 6:15	Gedeón gannar ega sogdebalid: —Dummad, ¿igi an Israel-dulemar-bendakoe? Ar an dule-binsaledid. Ar an-gwenadgande Manasés-dulemar-abargi dule-wilemaladid, degi, ande an-neg-yaginmaladba bur-bipigwadid.
6674	JDG 6:18	Melle be an-idu nagwelo. Wegi be an-abitogo. An bega ibmar-ukleged senonikoed, adi, an be-asabin ukegar. Bab-Jehová abin-sogded: —Degiirdi, an be-abitogo.
6740	JDG 8:19	Degidgi, Gedeón binnasur sogded: —Bemar, an-gwenadgan-oburgwismalad. ¡Bab-Jehová nue-dula-mai dakledo! Ar bemar an-gwenadgan-oburgwissulina, emi-ibagi, an bemar-oburgwedgi-binsasulindo.
6741	JDG 8:20	Geb Gedeón e-machi-dummad-Jeterʼga sogded: —Dakebinne, oburgwe. Ar machigwade sapingwasoggu, dobedba es-suid onossulid.
6743	JDG 8:22	Israel-dulemar Gedeónʼga sogdemalad: —Gedeón, Madián-sordamargi be anmar-bendaksasoggu, be anmarga negseedo. Geb be-sorba be-machi, degi, be-wagan anmarga negseemogoed.
6744	JDG 8:23	Gedeón, Israel-dulemar-abin sogded: —Suli, an bemarga negseosuli, an-machi seosurmoga. Unnila Bab-Jehová bemarga negseoed.
6746	JDG 8:25	Israel-dulemar abin-sogdemalad: —Degiirdi, nuedgi an bega ukmalo. Degidgine, napagi mor-dummad-ogichamalad. Geb oluamar-amismalad na mor-dummadgi urbismalad.
6867	JDG 11:36	Degi, e-bunagwa abin-sogded: —Baba, ar Bab-Jehováʼga be ibmar-ise-sogar-imaksadba be angi ibmar-imakodo, ar Bab-Jehová be-isdarmalad-Amón-dulemargi nakwega be-imaksad.
6868	JDG 11:37	Degi, e-bunagwa ega sogdebalid: —Baba, unnila an bese ibmar-soggwen an egisbido: An sui-nikuosursoggu, wis nii-warbo be anga iba-udado, adi, an-aimarmala yalaganba an bodii sanaegar.
6869	JDG 11:38	E-bab abin-sogded: —Degiir, nabirdo. Geb bunagwa e-aimarmala yalaganba nade gusad, ar agine sui-nikuosulidba bodii gusad.
6897	JDG 13:11	Geb Manoa e-omeba naded. Dule-gwichidse modapgua, Manoa ega weyob sogded: —¿Deun be, be an-omebo sunmaksagusa? Geb dule abin-sogded: —Eye, ani an be-ome-ebo sunmaksagusa.
6923	JDG 14:12	Sansón we-sapinganga sogded: —Emisgwa, an bemarga oeged-soggwen sogo. Bemar anga we-oeged, ibagugle (7) iba-naguoedgi be anga odalosmalale, mor-lino goadulagwen-gakambe (30) an bemarga ukoed, degi, mormar-ibagi-yoleged dulagwen-gakambe (30) an bemarga ukbaloed.
6944	JDG 15:13	Judá-dulemar abin-sogdemalad: —Suli, anmar be-iblogosuli. Unnila anmar be-gaogu, geb Filistea-sordamarga anmar be-ukoed. Degine, urdub-binid-gibogi edichamalad. Geb agi, Sansón akwasaila-yaba-siidgi onosmalad.