68	GEN 3:12	Dule Bab-Dummad-abin sogded: —Ome-anbo-garmakdiguega be anga-uksadi, a, anga sapi-e-san uksad. Geb an guchasunnad.
445	GEN 18:20	Degisoggu, Bab-Jehová Abrahamʼga sogded: —Dulemar-e-isgued doggus wilub-obichagusad, anse binnasur gorbukmalad, sogdemalad: Sodoma-neggweburgi-bukwamaladi, degi, Gomorra-neggweburgi-bukmaladi, nue-galagwensur damalad, degine, nue-bela-belad isgus bukmalad.
456	GEN 18:31	Abraham sogdebalid: —Dummad, weyob an bega sunmakewilubsulinad, degi-inigwele, ¿we igi-balile, unnila dulagwen (20) dule-nuegan we-neggweburgi gudiir? Bab-Jehová Abraham-abin sogdebalid: —Amar-dulagwenad-ular (20), we-neggwebur an obelogosulid.
611	GEN 24:19	Abraham-e-mai nue-gobsagua, Rebeca ega sogded: —Moli-yargan-muremaladga an dii weemogoed, adi, bela na dii-gobbimaladba gobmalagar.
748	GEN 27:20	Geb degine, Isaac e-machiga sogded: —Machi, ¿igi nabir bato be ibmar abingusbinne? Jacob e-bab-abin sogded. —Bab-Dummad-Jehová gwae-gwae ibmar-abinguega an-bendaksad.
770	GEN 27:42	Rebeca wisgusgu igi e-machi-dummad-Esaú binsadii, e-machi-bipigwad-Jacobʼse gochad, ega sogded: —Be-ia-Esaú be-oburgwebi gudiid. Yamo baisur-itogeyob gudiid.
834	GEN 30:3	Geb degine, Raquel Jacobʼga sogded: —An-mai-Bilhaʼse be gole. A-omegwa mimmigan-nikusale, an-sunnad mimmigan-nikusadyob an guoed.
845	GEN 30:14	Ibagwengine, orosgi-dakleged-trigo-weed-ibagangine, Rubén sapurba naded. Agi, sapi-bipi-sanmar mandrágoraʼye-nugad amisad. A-sapi-bipi-sanmar e-nan-Leaʼga sesad. Raquel a-sanmar-daksagu, Leaʼga sogded: —Mandrágora-e-sanmar be-machi-bega-senonikid, wis be anga udamoga.
888	GEN 31:14	Geb degine, Raquel, Leaʼbogwa Jacob-abin sogdemalad: —An-bab-neggine bar anmar ibmar nikasulid.
989	GEN 34:8	Ar Hamorʼdi Jacob-e-masmala-ebo sunmaksad, ega sogded: —An-machi-Siquem bela-bela bemar-bun abeged. Bemar be-bun an-machi-ebo-nikued wis be imakmala.
1144	GEN 38:24	Nii-walapaagwad-sorba Judáʼga sognonimalad: —Be-bala-Tamar machergan-baiganba yootee gudiiye. Degisoggu, bonigwar-gudsunye. Judá binnasur sogded: —¡Bemar we-ome onomala, bemar ogumakar oburgwemala!
1213	GEN 41:17	Faraón Joséʼga sogded: —Nilo-diwar-gakagi gwichiye an gabdakalid.
1291	GEN 42:38	Ar Jacob e-machi-abin sogded: —An-machi-Benjamín bemarba naosuli. Benjamín-e-ia-José burgwisad. Unnila Benjamínʼbi napi-anga gudiid. Ar bemar nasokalidba, igarba Benjamín akar-gusale, ar bemargindo. Ar an seredgusad, bukib-binsaedba an burgwisar, bemargindo.
1294	GEN 43:3	Ar Judá, e-bab-abin sogded: —Dummad-mas-dakmaid nue anmarga ise-sogar imaksad: ‘Be-urba-bipi bemar sedanisurmalale, bur melle be anse dagmaloye.’
1430	GEN 47:9	Jacob Faraón-abin sogded: —Birga-dulanergwa-gakambegus (130), we-napneggi an bipirmakdiid. Doggus ibagan-nuegan an daksasurgusad. Ibagan-isganagi bur bule an gudii gusad. An-dadgan-sergu-megisadyob yoo an ese warmaked.
1463	GEN 48:11	Geb degine, Israel Joséʼga sogded: —Bar-be-dakosurye an bienad. Degi-inigwele, Bab-Dummad be-masmala-dakega an-imaksad.
1562	EXO 2:7	Geb degine, machi-bipi-e-bun Faraón-e-sisgwaga sogded: —Hebreo-ome-wargwen we-machi-bipi-akwega an bega aminaer, ¿nued be itoge?
1564	EXO 2:9	Faraón-e-sisgwa machi-bipi-e-nanga sogded: —We-machi-bipi be anga-akwega be sede. Anga-be-akoedi, an be-bennukoed. Agine, e-nan goe-sesad. Geb degine, akwedii gusad.
1667	EXO 6:11	—Egipto-rey-Faraónʼga be sogna, Israel-dulemar-Egipto-yargi-bukwad be onogoye.
1739	EXO 8:24	Geb degine, Faraón sogded: —Nega-dulesulidganba-naed an bemar-imakoed, adi, na bemar, bemar-Bab-Dummad-Jehováʼga, ibmar-ogumakar uknamalagar. Naega an bemar-imakoedi, dikasurdi melle be namalo. Deginbali, anga be Bab-Dummadse gormarmogo.
1989	EXO 17:5	Bab-Jehová Moisés-abin sogded: —Israel-dulemar-idu be nae. Israel-girmar-dummagan gwenna-gwenna beba be sedoed. Nilo-diwar-bibyosad-gaapoled, be sedbaloed. Emigi be nadeen.
2448	EXO 32:9	Bab-Jehová Moisésʼga sogdebalid: —We-Israel-dulemar an dakedi, nue dulemar-non-dutusurmaladid.
2491	EXO 33:17	Bab-Jehová Moisés-abin sogded: —Be-anga-sognaidi an bega imakodo. Ar an be-sabed, an be-wisid be doa-gue, ar be an-ai gued.
4107	NUM 13:31	Ar dulemar-Calebʼba-arbimaladdi sogdemalad: —We-dulemar-bukwamaladi anmarba bur dutusursoggu, anmar geg we-dulemarse bila-onogega namalad.
4457	NUM 24:10	Geb degidgine, Balac, Balaamʼse uluded. Sae-itogedba e-argan-sarsodgu, Balaamʼga sogded: —An-isdarmalad-ukabsaega an bese gochad. Emide, wese ilapaagus egi be ise-nued sunmakdanikid.
6293	JOS 17:16	José-wagan, Josué-abin sogdemalad: —Efraín-yar-mullugana anmarga unnisulid. Ar bela Canaán-dulemar-nebagi-bukwamaladi ur-bila-onomalad-esgorobiid nikamalad. Deyopira, Bet-Seán-dulemar, degi, e-neggwebur-burwiganagi-bukmaladi ur-bila-onomalad-esgorobiid nikamarmogad. Amba deyobi, Jezreel-nebagi dulemar-bukwamaladi ur-bila-onomalad-esgorobiid nikamarmogad.
6513	JDG 1:2	Bab-Jehová abin-sogded: —Judá-wagan-inse naoe, ar ade bato a-yala amarga, an uksad.
6670	JDG 6:14	Bab-Jehová Gedeónʼgi-atakdegu, ega sogded: —Be-gangued-nikadgi be bila-onona. Bee, be Madián-dulemargi Israel-dulemar-bendakoed. Ani an be-barminaid.
6710	JDG 7:14	Geb e-ai abin-sogded: —Sanar-ibmar-guoedi we anmarga obared. Israel-dule Joás-machi-Gedeón es-suidgi Madián-sordamar-obelogoed. Bab-Dummad Gedeón-argan-yaurgi Madián-sordamar-ukoed, degi, bela-sorda-baigan-bukmalad, Gedeónʼga urmakbaloed.
6898	JDG 13:12	Degi, Manoa ega sogded: —Be-ibmar-sogsad sogedba-gunonikile, degite, ¿igi anmar goe-akoe? Degi, ¿igi machigwa daergebe?
6932	JDG 15:1	Deunni, ibagan-nasadgine, orosgi-dakleged-welenaidgi, Sansón sibad-bipi suar, e-omese nadegusad. Mosgua, weyob sogdapid: —An-ome-dakega e-gabedse an dognagwelo. Degi-inigwele, ome-e-bab Sansón-dogega gwen imaksasulid.
6958	JDG 16:7	Sansón abin-sogded: —Dub-dutusulid-binid yoo-amba-dingued goagugledgi (7) dule an-gugmakele, an-gangued nollomakdoed, dulemar-yogasaaledyob an nolloo nadoed.
6962	JDG 16:11	Sansón abin-sogded: —Urdub-bini-binidgi sabsur ise-gugmakar be an-edinnele, an-gangued nollomakdoed, dulemar-yogasaaledyob an nolloo nadoed.
6964	JDG 16:13	Geb Dalila Sansónʼga sogdebalid: —Gannar be an-yardaksa. Emi, be anga yamo gakansasbalid. Be anga nue-inniki soge, ¿igi-dule nabir be-gugmakergebe, adi, nabir be-gamalagar? Sansón ega sogded: —An-sailagia-sobarmalad giagugle (7) gwinni-dubba be sobele, degi, gwinni ise-digar e-bargamaladgi be imakele, an-gangued nollomakdoed, dulemar-yogasaaledyob an nolloo nadoed.
7201	RUT 4:9	Degi, Booz dadormar-e-ambe (10) bukwadga, degi, dulemar-baigan-bukwadga sogded: —Bemar-bergwable-bukwad an-barsogega-gumarsunno. An Noemíʼse bela Elimelec-e-nainuga-gusad, Quelión-e-nainuga gusad, deginbali, Mahlón-e-nainuga gusad baksunnoed.
7393	1SA 8:22	Bab-Jehová, Samuel-abin sogded: —Israel-dulemar-sogedba be ibmar-imako. Ega be rey-onugsao. Geb degine, Samuel Israel-dulemarga sogdesunnad: —¡Degiirdi nabirdo! ¡Be-neggwebur-be-neggweburse gannar be namala!
7417	1SA 9:24	Dule-masdued sibad-wawaad-e-dua-gogwen senonikid. Geb Saúl-asabin mesisad. Degine, Samuel, Saúlʼga sogded: —Bega-san-sabolesad be-asabin-maid be gunne. Ar dule-bamalad mas-gunmaloed-iduar be gunne. We-ibaga bato bega san sabolesmaid. Weyobi, a-ibagi, Samuel, Saúlʼbo mas-guchad.
7431	1SA 10:11	Dulemar-Saúl-mag-dakmalad, deyob dakarmargua, na muchub-muchub egichiarmalad: —Quis-machi-Saúl weyob-gunaid, ¿igi itoge? ¿Ar wede Bab-Dummad-gayaburba-barsogmogadsi?
7528	1SA 14:18	Geb degine, Saúl, Ahíasʼga sogded: —Mor-efodʼye-nugad be sedage. Deunni, a-mor Israel-sordamar eba sediid.
7552	1SA 14:42	Geb degine, Saúl sogded: —An-machi-Jonatánʼbo be an-wilubdakmar. Geb wilubdaksamargu, Jonatánʼgi ataklenonikid.
7695	1SA 18:17	Ibagwengine, Saúl, Davidʼga sokalid: —An-sisgwa-dummad Merabʼye-nugad an bega ukoed. Unnila an bega sogo, dule-buled na be imako, Bab-Jehová-nuggi bila-onodii be guo. Ar Saúl binsaed: “An-sunnad mer an David-oburgo. Bur Filistea-sordamar oburgoed.”
7996	1SA 30:15	David ega sogded. —We-dule-atursamalad-bukwadse be anmar-nide. Egipto-dule sogded: —Bab-Dummad-nuggi ise-sogar be anga soge, be an-oburgosurye, degi, an-dummadga be an-ukosurbarye. Ar be weyob anga sogerdi, wemar-bukwadse an be-nidodo.
8031	2SA 1:6	We-sapingwa-ega-gayaburba-senonikid abin-sogdebalid: —Gilboa-yar-nugadse binsa an atakdinad. Agi an Rey-Saúl, eswargi-akani-gwichi an dakalid. Aginbali, e-isdarmalad egi ebirdani an daksabalid. E-isdarmalad ur-napaginmaladgi egi daniki, degi, moli-birgi-sii egi danimarbali an daksad.
8181	2SA 6:21	David, Mical-abin sogded: —Bab-Jehová-asabin weyob an gusad. Ar ade, an-ulale, Bab-Jehová be-bab-Saúl-obachad, degi, Saúl-e-neguya obachabalid. A-ulale, Bab-Jehová, Israel-dulemar-e-reyga-guega an-nug-imaksad, e-dulamarga negseega an-nug-imaksabalid. Degisoggu, an Bab-Jehová-asabin an dodagwale, gwirdii guoed.
8433	2SA 16:4	Rey-David, Sibaʼga sogded: —Mefiboset-ibmar-nikad bela begadga gusunno. Ani an bega uked. Siba, David-abin dulluu imakded, geb ega sogdemogad: —Rey, be an-dummad-gued. Nuedye an bega sogdo, we-ibmar be anga uknagu.
8457	2SA 17:5	Absalón sogded: —Arquita-dule-Husaiʼse be anga gornamalo. Anmar itomarmogo, igi sogdamogodibe.
8586	2SA 21:3	David, Gabaón-dulemarse egisded: —Bemar-naibi-gusad an nudakegala, degi, bemar Bab-Dummad-e-dulamargi-nabir-binsabaligala, ¿ibu an bemarga imaksale?
8709	2SA 24:14	David, Gadʼga sogded: —Gwage-naibid-dummad anga uksad, suli-suli an itoged, biti an suodibe. Degi-inigwele, an sogdo, ar dulemar-sabsur-odurdakedba Bab-Jehová-e-boni-itoged bur-nuedid, ar ade, Bab-Jehová-e-wile-emar-daked bonigan-birgi obined.
8794	1KI 2:21	Betsabé ega sogdesun: —Be-ia-Adoníasʼga Abisag-Sunam-neggweburgined be uke, adi, nikuegar.
8825	1KI 3:6	Salomón Bab-Jehováʼga sogded: —An-bab-David be-nug-odummodigusad, bela-bela egi be nued binsadii gusad. Ar an-bab-Davidʼde be-asabin be-sogedba nanadii gusad, ibmar-inniki-imakdii gusad, degi, beba ibsadii gusad. Emi-ibagi be David-sabed magar-daklesad. Be an-bab-Davidʼga sogsagusad: ‘Be-sorba rey-gangi be-machi-sigega an imakoye.’ Bab-Jehováʼye, emide deyob be imaksad.
9158	1KI 12:4	—Be-bab-Salomón undar-arbaleged-dummad anmarga uksad. We-undar-arbaleged-dummad, wilubba be anmarga imake. Deyob be anmarga imakele, anmar be-maiga gudii gumaloed.
9195	1KI 13:8	Bab-Dummad-e-dule, Rey-Jeroboam-abin sogded: —Be-ibmarmar-nikad amba be anga negabar ukdibe, amba an beba naosulid. Beba an mas gunnaosulid, amba an beba gobed gobnaosurbalid.
9456	1KI 21:2	Rey-Acab, Nabotʼga sogded: —Be-uva-nainu an-neg-dikarba-naisoggu, anga be ukbi an abedo. Egi ibmar-digega an abeged. A-nainu-muchub, an bega nainu-baid-bur-nued ukoed. Degisulile, manigi an bese baksunnodo.
9500	1KI 22:17	Agine, Micaías ega sogded: —Bela-Israel-dulemar igi sibad-wawaad e-idued-suliyobi, sapurganba aisakide an daksad. Bab-Jehová weyob soged: ‘We-dulemar e-dummadsuli gudimalad. Nuedgi na e-neg-e-negse namarsunno.’
9502	1KI 22:19	Micaías sogdebalid: —Bab-Jehová-gayaburba nue be itogo: Bab-Jehová e-ologangi-sii an daksad. E-baliwitur-bila-onomalad e-dikarba e-argan-nuedsik, degi, e-argan-sapiledsik bukwa nanaed.
9557	2KI 2:2	Geb degi, Elías, Eliseoʼga sokalid: —Wegi be an-abitogo. Bab-Jehová Betel-neggweburse an-barminaid. Geb Eliseo abin-sogded: —Bab-Jehová-nuggi napira an bega sogo: Bab-Jehová beba gudisoggu, walagwen-naega an be-imakosuli. Degisoggu, Elías, Eliseo-ebo, Betel-neggweburse nadsunnad.
9559	2KI 2:4	A-sorbali, Elías, Eliseoʼga gannar sokarbalid: —Wegi be an-edarbo. Bab-Jehová, Jericó-neggweburse an-barminaid. Geb Eliseo gannar abin-sogded: —Bab-Jehová-nuggi napira an bega sogo, Bab-Jehová beba gudisoggu, walagwen-naega an be-imakosuli. Degisoggu, Elías, Eliseo-ebo, Jericó-neggweburse nadsunnad.
9561	2KI 2:6	A-sorbali, Elías, Eliseoʼga sokarbalid: —Wegi be an-edarbo. Bab-Jehová Jordán-diwarse an-barminaid. Geb Eliseo abin-sogded: —Bab-Jehová-nuggi napira an bega sogo: Bab-Jehová beba gudisoggu, walagwen-naega an be-imakosuli. Degisoggu, Elías, Eliseo-ebo, Jordán-diwarse nadsunnad.
9587	2KI 3:7	Rey-Joram, Judá-e-rey-Josafatʼse weyob gayaburba barmisad: —Moab-e-rey angi gwisgunonikid. ¿Moab-sordamargi bila-onogega, be anba naoe? Rey-Josafat abin-sogded: —Guakwagwa. Be-sogedbali. An-sordamar be-sordamarmogad, an-molimarse-bakar, guakwa nanaid.
9619	2KI 4:12	Eliseo, e-mai-Gieziʼga sogded: —Ome-Sunam-neggweburginedse be gorna. Geb e-mai, omegwase gorapid. Geb omegwa Eliseoʼse nonikid.
9620	2KI 4:13	Agine, Eliseo, Gieziʼga sogded: —Omega be soge: ‘Be anmarga bela-bela be alamakdiid. ¿Ibu bega wis imakbi be an-abemoga? ¿An bega rey-ebo sunmaknabi be abege, igi, sordamar-bila-onomalad-e-dummad-ebodibe?’ Omegwa abin-sogded: —An-dulemar-abargi an nueganbi gudiid, bonisulid.
9632	2KI 4:25	Geb omegwa Bab-Dummad-e-dule-maidse nadsunnad. Carmelo-yarse mosgu, Eliseo bannabaa omegwa-dani daksad. Geb e-mai-Gieziʼga sogded: —Ome-Sunam-neggweburgined dani.
9643	2KI 4:36	Geb, Eliseo, Gieziʼse goted, ega sogded: —Ome-Sunam-neggweburginedse be gornae. Degi, Giezi omegwase gorapid. Omegwa Eliseoʼse nonigu, Eliseo ega sogded: —Be-mimmi be sue.
9712	2KI 7:1	Geb Eliseo abin-sogded: —Bab-Jehová-sogedi nue be itomala. Bab-Jehová weyob soged: ‘Banedse we-wachigine, Samaria-neggwebur-dogedgi madubur-bur-sunsogedi, nibirguglegi (7) mani-sibugan-gwagwengi uklego, degi, orosgisaar-dakleged-cebadaʼye-nugad nibirambe-gakatargi (15), mani-sibugan-gwagwengi uklebalo.’
9805	2KI 10:8	Geb dule-gayaburba-berbeged Jehúʼse nonikid, ega sognonikid: —Acab-masmala-nono senonimar. Geb Jehú ega sogded: —Neg-oibogedse, neggwebur-yawagak-dogedgi be danabo urbemalo.
11404	2CH 10:4	—Be-bab-Salomón undar-arbaleged-dummad anmarga uksad. We-undar-arbaleged-dummad, wilubba be anmarga imake. Deyob be anmarga imakele, anmar be-maiga gudii gumaloed.
11555	2CH 18:8	Degidgine, Israel-e-rey e-sorda-dummad-wargwense-gocha ega sogded: —Imla-machi-Micaías anga nidago.
11558	2CH 18:11	Bela Bab-Dummad-gayaburba-barsogmalad weyob sogbukmarmogad: —Ramot-De-Galaadʼse be bila-ononae, ar ade Bab-Jehová a-dulemargi nakwega bemar-imakoed.
12400	NEH 5:13	Agine, an-mor-dummad binnasur mor-mor an imaksad, geb an sogded: —We-ibmar-sognaidba dule-wargwen imaksasulile, Bab-Dummad a-dule-neg, degi, e-ibmarmar-nikad an-mor-dummad an mor-mor imaksayobi imakoed. Deyobi mor-mor guoed, na ibmar sate-guoed. Bela dulemar-bukwadi sogdemalad: —¡Ar deyob guodo! Geb bela dulemar Bab-Jehová-e-nug odummodmalad, bela dulemar ibmar-sogsadba imaksamalad.
12905	JOB 2:10	Job, e-omega sogded: —Dule-binsaed-satedyob be sunmaked. Ar Bab-Dummad anmarga ibmar-nuegan-ukedi, anmar abingadiid. Degitega, ¿ibiga geg anmar bonigandi abingabarsunna? Anmar, bonigan abingabalirgebed. Weyob Job wiles-inigwele, degite gwen Bab-Dummadgi yolessurgusad, isdar egi sunmaksasurbalid.
20025	JER 40:15	Carea-machi-Johanán Mizpaʼgi Gedalíasʼga arbakee ibmar-sogsad: —Netanías-machi-Ismael an bega oburgwenao. Dulemar we-ibmar wisguegarsulid. ¿Ar ibiga we-dule be-gindakega anmar imakosunna? Ar be burgwisale, bela be-dikarba Judá-dulemar-ambikunonimalad-oaisakiega gudeled, degi, Judá-neggweburgi-bukmalad bela obelolesaled.
20032	JER 41:6	Netanías-machi-Ismael Mizpa-neggweburgi emar-abin ise-boale noalid. Dulemar-abinguargu, dulemarga weyob sokalid: —Ahicam-machi-Gedalías be dakdamala.
23287	MAT 4:9	Jesúsʼga sogded: —An-nug-odummogega be sindigar an-asabin sigele, geb we-ibmar belagwapa an bega ukoed.
23436	MAT 8:22	Jesús, abin-sogded: —An-sapinga-guega anba be dage. Ar dule-baigan, e-dule-burgwarmalad digoed.
23457	MAT 9:9	Jesús dule-nudaksadgi-gwichi nadgu, dule-wargwen-Mateoʼye-nugad dakalid. A-dulede, Roma-dummadga-mani-galeged-neggi, mani-gaedgi arbasiid. Jesús, Mateoʼse goted, ega sogded: —An-sapinga-guega anba be dage. Degi, Mateo gwisgusgu, eba yog naar imaksad.
23794	MAT 17:25	Pedro abin-sogded: —Anmar-odurdaked-saila bennuked. Pedro negse dogdegua, Jesús-inse ega sunmakalid, ega sogded: —Simón, be dakegua, reymar-we-napnegginmalad, ¿doamargi we-mani gadamar be insae? ¿E-sordamargine? ¿Dulemar-baigangine?
23836	MAT 19:5	Degi, Jesús sogdebalid: —Bab-Dummad-Gardagi sognaibalid: ‘A-ulale, machered ome-nikusale, e-babgi bangudoed, e-nangi bangudoed. Geb machered e-ome-ebo garmakdii guoed. Ebogwadi, san-wargwennagwadga gunonikoed.’ Génesis 2:24
23908	MAT 21:13	Jesús amarga sogded: —Bab-Dummad-Gardagi narmakar naid: Bab-Dummad soged: ‘An-nega, anse-goled-negye nugguoed.’ Isaías 56:7 ”Ar emigindi bemardi atursamalad-negga imaksamalad.”
24195	MAT 26:72	Pedro gannar osulodbalid, sogded: —Bab-Dummad-nuggi napira an bemarga soged: Andi, an we-dule-akudaked.
24197	MAT 26:74	Geb degi, Pedro ukabsaar ibmar sokalid, degi sogdebalid: —Bab-Dummad-nuggi napira an bemarga soged: Andi, an we-dule-akudaked. Geb degidgine, yog gannir namakaled.
24223	MAT 27:25	Bela-dulemar abin-sogdemalad: —We-dule-oburgwilegoed anmargi naguoe, degi, anmar-mimmigangi nagumogoe.
24589	MRK 8:20	Jesús sogdebalid: —Dule-milibaked-abargi (4,000) an madu-gwagugled-mimisbargu (7), ¿Bemar garba-gwabigwa wesagusmarbali? E-sapingan, abin-sogdemalad: —Garba gwagugle (7) anmar wesmalad.
24776	MRK 12:34	Jesús, Garda-Narmaked-Dule nue-binsaed-nikaa e-abin-imaksa-itosgu, ega sogded: —Bab-Dummad-negdakmaidgi be dikasur gudisulid. A-sorbali, Jesúsʼse dule-baid bar-gwen-ibmar-egisbi itossurmalad.
24780	MRK 12:38	Jesús dulemar-odurdakdebali, sogded: —Garda-Narmaked-Dulemargi nue salakarmar. Amardi, mor-oyaarmakdiir na yeer-itodamalad, degi, dulemar bela ese ibmar-ukleged-neggi-goledbimalar, yeer-itodamarbalid.
25314	LUK 7:50	Ar Jesúsʼdi omega sogded: —Be-angi-bensulidba isguedgi be abonolesun. Degisoggu, ulubgi gwage-bogidikidba be nasun.
25336	LUK 8:22	Ibagwengi, Jesús na e-sapinganmala urgi nakwisgu, amarga sogded: —Mata-dummad-obakar namargwelo. Geb degi, nadmarsunnad.
25360	LUK 8:46	Ar Jesús, abin-imakdegu, sogded: —Dule-an-ebusad mag an itoged. Ar angi an-gangued node an itosad.
25846	LUK 19:46	Jesús amarga sogded: —Bab-Dummad-Gardagi narmakar naid: ‘Bab-Dummad soged: An-nega, anse-goled-negad.’ Isaías 56:7 ”Ar emigindi, bemardi atursamalad-negga imaksamalad.”
25865	LUK 20:17	Jesús, nuu Judío-dummagan-dakdegu, amarga sogded: —Bab-Dummad-Gardagi narmakar naid: ‘Akwa dule-neg-sobmaladse-oballesadi, neg-sobleged-e-akwasailaga gunonikid.’ Salmo 118:22 ”¿Wede ibi obarsunna?
26259	JHN 4:34	Jesús, abin-sogded: —Dule-an-barmialidba an ibmar-imaked, degi, an e-arbaed-obeloged, an-masgunnedid.
26267	JHN 4:42	A-ulale, omega sokarmalad: —Anmar-Jesúsʼgi-bensulidi unnila be anmarga ibmar sogedginsulid. Ar anmar-sunnad itosmarmogad. Anmar nue-wisid, we-dule napneggi dule-isgubukmalad-abonoged-sunnadid. We-dule, Bab-Dummad-Dule-Wargwen-Barmiledagoye sogsad-duled.
26413	JHN 7:16	Jesús amarga sogdesun: —An-ibmar-odurdaked angadsulid, Bab-Dummad-an-barmialid-sogedba an dulemar-odurdaked.
26533	JHN 9:24	Degine, Fariseoʼmar dule-ibyasuli-gudigusadse gannar gochamargu, ese egisdemalad, ega sogdemalad: —Bab-Dummad-asabin napiragwadba be anmarga sogo, igi be nugusa. Anmardi wismalad, we-dule, dule-isganad.
26582	JHN 10:32	Jesús Judíoʼmarga sogded: —Ibmar-nuegan-bukidar an-Bab-nuggi an bega oyosmalad. ¿Igid-imaksad-ular, akwagi be an-makbimarsunna?
26603	JHN 11:11	Jesús deyob-sogsad-sorba, e-sapinganga sogdesunnad: —Anmar-ai-Lázaro gabmaid, odakega an ese naergebed.
26865	JHN 18:11	Geb degi, Jesús, Pedroʼga sogded: —Be-es-suid e-uka-yaba be odoge. Bab anga dummad-naibiguoedi ina-gagbid-gobedyobi, anga-uknaidgi ¿an wilegosurde? Suli. An wilegergebed.
27276	ACT 8:31	Dule-Etiopíaʼgined, abin-sogded: —¿Sunna mag an itogosi, ar dule anga odulosulir, we ibi-obare? Degisoggu, Felipeʼga sogdesunnad: —An-moli-urse be nakwe, an-dikarba be sigdage.
27820	ACT 23:18	Roma-dule-sorda-dulatar-sediid (100) e-dummadse machigwa-sessunnad. E-dummadga sogdapid: —Pablo-esgaryagi-mellesiid anse gochado, anga sogdo, besega we-machigwa sedaye. Ar ade, we-machigwa bega ibmar sogoye.