390	GEN 16:8	Bab-e-baliwitur Agarʼse egichialid: —Sarai-e-mai-Agar, ¿bia be daniki? ¿Bia be nae? Agar abin-sogded: —An-dummad-Sarai-idu an wakinmai.
538	GEN 21:24	Abraham, Abimelec-abin sogded: —Napira-Bab-Dummad-nuggi ise-sogar an bega soged: ‘Eye, an imakosuli.’
765	GEN 27:37	Geb degi, e-bab-Isaac abin-sogded: —Be-dummadga-gued-igar Jacobʼga an uksad. Bela e-gwenadgan e-maiga-gued-igar, an ega uksabalid. ”An-ise-nued-egi-binsaedba, an ega sogsabalid: Bitigi orosgi-dakleged-bukidar nikuena gadinye, degine, vino-bukidar nikubalina gadinye. Ar emigindi, machi, ¿igi-bar-an-saosunna?”
814	GEN 29:18	Ar Jacob Raquel-abearsoggu, Labán-abin sogded: —Be-sisgwa-bipigwad-Raquel an nikuegala, an bega birgagugle (7) arbaoed.
992	GEN 34:11	Ar Siquemʼmoga Dina-e-babga, degi, Dina-e-susmarga sogdemogad: —Anmar-ibmar-bega-sognaid be abingamala. Ar ibu be anse egismardibe, an bega ukmaloed.
1283	GEN 42:30	—Dule-Egipto-yar-dakmaid anmarga nue-apor sunmaksad. Anmarga soged: ‘Bemar an-yarse-nonimaladi yamo an-yar-argaega nonimarye.’
1574	EXO 2:19	Bunamala e-bab-abin sogdemalad: —Sibad-wawaad-edarbemalad-baigan anmarse uluargu, Egipto-dule-wargwen anmarbina ulusad. Geb a-sorba, anmarga dii wesad. Geb deginbali, diigi sibad-wawaadmar ogobsabalid.
1636	EXO 5:3	Geb degine, Moisés, Aarón-ebogwa Faraónʼga sogdemalad: —Hebreoʼmar-e-Bab-Dummad anmarse magarosad. Degisoggu, anmar nega-dulesulidganba ibapaa-nanalegedse naoed, Agi, anmar Bab-Dummad-Jehováʼga ibmar-ogumakar ukoed. Ar degisulile, abakalegi Bab-Jehová uelleged-dummadgi anmar-oburgwialile, igidibe, es-suidgi anmar-oburgodibe.
4221	NUM 16:26	Geb degine, Moisés Israel-dulemarga sogded: —We-dulemar-isgana-neggi bemar bangumar, degine, melle e-ibmar be ebumalo, ar degiile, wemar-isgusmaladba be burgwemarmogoed.
4421	NUM 23:4	Agine, Bab-Dummad Balaamʼse magarononikid. Geb Balaam, Bab-Dummadga sogded: —Ibmar-ogumakar-ukleged-aila gwagugle (7) an sobsad. Amar-aila-iliba an bega moli-bebe-nikad-machered-wargwen, degi, sibad-wawaad-machered-wargwen ogumakar uksad.
6450	JOS 22:22	—Anmar-Bab-Dummad-Jehová bab-dummadyob-ibmar-imaklemalad-e-Bab-Dummad, na nue-wisid, anmar egi-yolegega, degi, egi-aibanega, we-ibmar-ukleged-aila sobsasulid. Ar bemar we-wisgubi anmar abemogad. Ar deyobsulile, Bab-Jehová mer bar dula-gudii anmar-imakdo.
6590	JDG 3:20	Degi, Eglón walagwen obunnoged-neg-nibalidgi siid. Aod ese nadgu, ega sogded: —Bab-Dummad-gayaburba-soggwen an bega sogdani. Eglón degi-itosgu, gangi-siid gwichibin imaksad.
6676	JDG 6:20	Degidgi, Bab-Dummad-e-baliwitur ega sogded: —We-akwa-dummad-birgi san be mesna, madu-inasulid be omesbalo. Geb a-birgi be e-nis-eogo. Gedeón Bab-Dummad-e-baliwitur-sogedba imaksad.
7060	JDG 20:4	Levita-dule-ei-ome-burgwisad, sogded: —An-ome-dikarbalid-anbo Benjamín-wagan-bukwadse, Gabaa-neggweburse an modapmalad, adi, agi gabegar.
7074	JDG 20:18	Geb Israel-sordamar Bab-Dummadse-goled-negse nadmalad, Bab-Dummadse egisega, ega sogega: —Anmar-sordamar, ¿doa-inse Benjamín-sordamargi bila-ononaoe? Bab-Jehová abin-sogded: —Judá-e-sordamar-inse onodoe.
7144	RUT 1:15	Agi, Noemí Rutʼga sogded: —Be-aisu-omega-gusadba be namoga, ar edi e-dulemarse naded, e-bab-dummaganmarse naded. Eba be namoga.
7594	1SA 15:32	A-sorbali, Samuel sogded: —Amalec-dulemar-rey-Agag anga be sedage. Agag, Samuel-asabin dobsuli gwisgunonikid, ar ade, binsaed: “Bato burgwed-igar nasad.”
7953	1SA 28:8	Saúl, na dule-baidyob-imakega mor-yogasaled-yosa, mutikidba ner-bundor-daknaded. Geb sorda-warbo eba naded. Geb Saúl ner-bundorse-modapgu, ega sogded: —Dule-burgwisad-e-burbase be anga gorbi an be-abedo. An bega dule-nug-bioed-e-burba be anga oyoged imake.
7996	1SA 30:15	David ega sogded. —We-dule-atursamalad-bukwadse be anmar-nide. Egipto-dule sogded: —Bab-Dummad-nuggi ise-sogar be anga soge, be an-oburgosurye, degi, an-dummadga be an-ukosurbarye. Ar be weyob anga sogerdi, wemar-bukwadse an be-nidodo.
9193	1KI 13:6	Degisoggu, Rey-Jeroboam Bab-Dummad-e-dulese wileded, ega sogded: —Be-Bab-Dummad-Jehováʼse be anga wis gole. Adi, an-argan anga onudakegar. Agi Bab-Dummad-e-dule Bab-Jehováʼse goted. Geb agine, Rey-Jeroboam-e-argan yog nuguar naded, idualedyob gannar ega nollo naded.
9497	1KI 22:14	Micaías abin-sogded: —Bab-Jehová-Dula-Maid igi anga sunmakoe, ayobi an sogoed.
9588	2KI 3:8	Josafat ega sogded: —¿Degite, biti-igarba anmar naosunna? Rey-Joram abin-sogded: —Edom-nega-dulesulidgan-igarba anmar naoe.
9608	2KI 4:1	Ome-gwensak Bab-Dummad-gayaburba-barsoged-e-omega-gusadi, nunmak-itogedgi, Eliseoʼga sogded: —An-sui-beba-gudidaed burgwisad. Be wisid, a-dule Bab-Jehováʼba nue ibsadii daed. Epenne, anmar dulegi mani-gasgusad. Emide, a-dule nonikid. An-ibe an-masmala-warbogwad e-maiga-guega sedbied.
10121	2KI 20:19	Geb Ezequías, Isaíasʼga sogded: —Bab-Jehová-e-gayaburba be anga-sogsadi, nueddo. Igi an bar saoe. Ar ade, Ezequías binsaenad: “Amba an-maidgine, nueganbi bogidik-gudii gumaloye.”
11565	2CH 18:18	Geb degine, Micaías sogdebalid: —Bab-Jehová-e-gayaburba nue be itomar: Bab-Jehová e-rey-gangi-sii an daksad. E-sordagan-nibarmalad e-argan-nuedsik-bukwa, degi, e-argan-sapiledsik-bukwa an daksabalid.
11576	2CH 18:29	Degi, Israel-rey-Acab Josafatʼga sogded: —An-wagar-mer-daklegega mor-baid-yoi bila-onolenaidse an dogoed. Bedi reymor-yoi be dogoed. Degisoggu, Israel-e-rey baid-mor-yoi, bila-onolenaidse dogdesunnad.
20024	JER 40:14	Ega weyob sognonimalad: —Amón-dulemar-rey-Baalis be-oburgwega Netanías-machi-Ismael-barmialid, ¿be wissursi? Ahicam-machi-Gedalíasʼdi eba ibsassulid.
21852	DAN 2:25	Degisoggu, Arioc rey-asabin gwae-gwae Daniel-sesad. Geb Arioc reyga weyob sogded: —Judá-dulemar-selenonikid-abargi dule-gwensak sunna bega gabdaked-oduloged an amisad.
24480	MRK 6:4	A-ulale, Jesús dulemarga sogded: —Bab-Dummad-gayaburba-barsoged bela neggwebur-baigangi bina nue-sogdamalad. Ar e-neggweburginmaladdi, e-gwenadgandi, degi, e-neg-yaginmaladdi baisur dakdamalad.
24835	MRK 14:12	Madu-Inasuli-Gulleged-Iba gebe-onodedgi, gusgu Oburgwilegoenad-Ibagi-sibad-wawaad-oburgwiledaedgi, e-sapingan Jesúsʼse egichiarmalad: —Oburgwilegoenad-Ibagi-mas-gulleged gunnega, ¿bia anmar bega guagwar ibmar-imaknabi be anmar abege?
24997	LUK 1:35	Baliwitur, Maríaʼga sogded: —Bab-Dummad-Burba-Isligwaled begi aidenonikoed. Bab-Dummad-Bur-Birigined-e-gangued be-edunonikoed. Degisoggu, Dule-gwage-islidikid-gwalulegoedi, Bab-Dummad-Machiye soglenonikoed.
25740	LUK 17:20	Fariseoʼmar Jesúsʼse egichialid: —¿Sana Bab-Dummad wegi negdakmai guoe? Jesús, abin-imakdegu, sogded: —Bab-Dummad-e-negdakmaid bemarse danikile, bemar owisogar gwen nonikosulid.
26355	JHN 6:29	Jesús, abin-imakded: —Bab-Dummadga-ibmar-imaked wedo: Bab-Dummad-bemarga-dule-barmialidgi-bengusuli gued.
26706	JHN 13:7	Jesús, abin-sogded: —An-emi-ibmar-imaknaid aku amba be itoged. Geb sorba mag be itodapoed.
27264	ACT 8:19	Amarga sogded: —We-gangued-bemar-nikad anga udamoye, adi, doa-dulegi an-argan an mesisale, nabir Bab-Dummad-Burba-Isligwaled-abingaegarmoye.
27657	ACT 19:3	Geb Pablo amarga sogded: —Degite, ¿doa-nuggi bemar diigi oglesmarsunna? Geb abin-imakdemalad: —Juan-diigi-ogleged-igargi anmar oglesad.
27923	ACT 26:32	Degi, Agripa, Festoʼga sogded: —We-dule-esgaryagi-mellesiid na sogsasulina, Roma-saila-dummad-César ega igar-nabogoye, nabir onolegoendo. Emide, bato sogsabinned. Geg bar oakaloledo.