6877	JDG 12:6	geb Galaad-sordamar ega sogdedamalad: “Degiirdi nabir. Emisgi be soge: ‘Shibolet.’ ” Siboletʼye-sogsale, soglegedyob bichulile, gasdamalad. Degi, Jordán-diwargi e-dukar-egwachadamalad. Deyob mili-dulabo-gakabo (42,000) Efraín-sordamar girgusmalad.
18584	ISA 43:9	Dule-yar-baid-baidgi-bukmalad bela be oambikumar. Bela dulemar danar ambikumar. ¿Doa we-dulemar-abargi we-ibmar-guoedgi iduakwaa anmarga sunmaksa? ¿Doa ibmar-gusmalad anmarga sogsa gusa? E-daksamalad be oyomardo, nabir-sogmarye be sogmardo, adi, dule-baigan itomalagar, degi, sogmalagar: ‘Napiraye.’ ”
18909	ISA 60:18	Bipisaale bar be-yargi sabsur-imaklegedi, be itogosulid. Bar be-yalagi neg-bibichedgi, degi, neg-obelogedgi sunmaklegosulid. Ar ade, weyob be-galu-matusurmaladgi soglegoed: ‘Abonolegedye.’ Degi, be-yawagakmardi weyob bimarbaloed: ‘Bab-Dummad-nuggi-namaklegedye.’
19090	JER 3:19	An-sunnagwad an weyob sogsagusanad: Israel an-mimmiga an imakoye, napa-bur-sunsoged an ega-ukoye, an sogsagusad. Baiganba yar-bur-yeerdakleged an ega ukoye, an binsasad. An binsasanad be anse gormaloye, ‘Babye.’ Be angi aibanosurmarye, an binsasanad.
21482	EZK 37:16	“Dule-machi, suar-wargwen be sue, agi be narmake: ‘Judá-yarga, degi, Israel-dulemar-eba-nanaidga.’ Geb suar-baid be subali, agi be narmake: ‘Joséʼga.’ Joséʼde, Efraín-e-gaapoled, degi, bela Israel-dulemar-bamalad-eba-nanaid-e-gaapoled gued.
22169	HOS 1:6	Geb ibagan-nasadgi, Gomer gurgin-nika gunonibalid, geb ega bunolo uklenonikid. Degine, geb Bab-Jehová Oseasʼga sogded: “We-goe Lo-Ruhamaʼye be onugsao. A-sogleged, ‘wiledaklegarsulidye.’ Ar ade, bar an Israel-dulemar wiledakosulid, ar e-isgusmalad an ega eliosulid.
24741	MRK 11:32	Ar anmar sogbardibe: ‘Dulemarye.’ ” Ar dulemar-dobmarsoggu, geg weyob sogmarbalid, ar ade, bela dulemar sogmalad, Juanʼde, Bab-Dummad-gayaburba-barsoged-sunnadye.