57	GEN 3:1	Bab-Dummad-Jehová we-napneggi bela ibmar-durgan obinnisad. Amar-abargi, naibedi ibmar-durgan-baiganba dule-binsaed-gaedgi bur buledid. Naibe omega sogded: —¿Etto, Bab-Dummad bemarga sogsa: ‘We-nainu-nuedgi sapimar-gwichid-e-san melle bipisaale gunmaloye?’
631	GEN 24:39	”An-dummad-abin an sogsad: ‘Dummad, ¿ar yagwa yapa anba dagele, igi an saoe?’
946	GEN 32:18	Jacob gebe-dulemar-barmisad-e-iduedga weyob sogsad: “An-ia-Esaú be-abingualile, degi, bega sokardibe: ‘¿Doa be-dummadye? ¿Bia be nadapye? Degine, be ibmar-durgan-semaidi, ¿we doagadye?’
1297	GEN 43:6	Geb degine, Israel sogded: —¿Ibiga bemar sunnasur angi damala? ¿Ibiga bemar we-dulega sogsamala: ‘Anmar, urba-baid nikabarye?’
1298	GEN 43:7	Masmala e-bab-abin sogdemalad: —Ar ade, dummad-mas-dakmaid anmarse nue-ibmar egichisad, degi, anmarse nue-anmar-gwenadgan egichisbalid. Anmarse egichisad: ‘¿Be-babde amba dula? ¿Bemar urba-baid nikamarbali?’ Ar anmarse ibmar-egisnaidbi ega an sogsamalad. Ar igi anmar wisguosunna, weyob anmarse egisdagoed: ‘Be-urba be anga sedamaloye.’ Anmar wissurdo.
1593	EXO 3:13	Ar Moisésʼdi, Bab-Dummad-abin sogded: —Israel-dulemarse an naele, an ega sogele: Be-dadgan-e-Bab-Dummad bemarse an-barmiarye, Israel-dulemar anse egisdamaloed: ‘¿Ar Bab-Dummadde igi nugsunna?’ Degite, ¿igi an abin-sogosunna?
1843	EXO 12:26	Be-mimmigan bemarse egichialile: ‘Wede weyob anmar iba-onoged, ¿ibi obarye?’
5081	DEU 5:26	Ar ade, ¿doa-dule anmaryob Bab-Dummad-e-gayaburba soo-abalagi-sunmaksad itosye, degi, gwen burgwissur be ebinsaye?’
5108	DEU 6:20	Moisés Israel-dulemarga sogdebalid: “Yoedsega, be-mimmi bese egichialile: ‘Ar we-Igargan-Mamaid, Bab-Dummad-Jehová-Sogedba-Igargan-Mamaid, degi, Igargan-soglesad-uksad, ¿ibi obare?’
5722	DEU 30:12	”We-Igarmar-Mamaid nibneggi maisulid, adi, mer be sogegar: ‘Anmar we-Igarmar-itogega, a-sogedba anmar daega, ¿doa we-Igarmar-anmarga-sedagega, anmar-ular, nibnegse nakoe?’
5798	DEU 32:38	Be-bab-dummagan, ega be ibmar-ogumakar-uksad-e-gwallu-guchamalad, ¿bia nadmarsunna? Be-bab-dummagan, ega be gobed-uksad-gobsamalad, ¿bia nadmarsunna?’ Ar emigindi, a-bab-dummagan be-bendakmalaga, gwisgumardo. Ar emigindi, a-bab-dummagan be-bendakega, dagmardo.
5933	JOS 4:21	Geb Josué Israel-dulemarga sogded: “Yoedse be-wagan bemarse egichiarmalar: ‘¿Wegi-akwamar-bukwad, ibi obare?’
6061	JOS 9:22	Geb degine, Josué, Gabaón-dulemarse gochad, amarga weyob binnasuli sogded: —¿Ar ibiga wede be anmar-yardaksa, be anmarga sogsagu: ‘Anmar bemargi dikasur bukwamarye?’ Ar emide dakleargu, bemar anmargi itakaa bukwamalad.
6621	JDG 4:20	Degidgi, Sísara Jaelʼga sogdebalid: —Yawagakgi be gwisguo. Dule bese danikile, bega sokalile: ‘¿Dule wegi mai?’ Ega be sogo: ‘Dule, sateye.’
6653	JDG 5:28	”Sísara-e-nan, yawagak-bipigwad-dale-daledba atakalid, e-machi-yoggud-dakedbali sabsur sogded: ‘¿Ibiga an-machi-e-ur-napagined yoggumai? ¿Ibiga e-ur-napaginmalad-goled itolesuli?’
7422	1SA 10:2	Emi, be angi aibatele, Benjamín-yar-abingunaidgi Selsa-neggwebur-siidse be mosale, Raquel-neg-uan-dikarba dule-warbo be abinguoed. A-dulemar bega sogdagoed: ‘Be molimar-uayasuid-amidiidi bato amismalad. Ar be-babdi, a-molimarba bar bukib-binsasulid. Emigindi, bemarba bukib-binsadiid. Na weyob soged: An-machi-amiegala, ¿igi an imakergebe?’
8033	2SA 1:8	”Geb anse egichialid: ‘¿Be doawa?’ Geb an abin-imakded: ‘An Amalec-duled.’
8283	2SA 11:21	¿Doa Tebes-neggweburgi Jerobaal-machi-Abimelec oburgwisgusa? ¿Ome-gwensak a-dulegi galu-matusulid-akwabiid-birgi obnaged-akwa egwachagussursi? ¿Ibiga bemar e-galu-walikaa nadegusmala?’ Geb Davidʼga be sogdebalo: ‘Be-mai-Het-dule-Urías burgwismogad.’ ”
8526	2SA 19:13	David sogbalid: “Weyob be Judá-girmar-dummaganga sogbaloye: ‘Bemar anmar-gwenadgan gumaladdeeye, anmar ablis-soggwenna gumarbaliddeeye. Ar degite, an-negse-gannar-an-dagegala, ¿ibiga bemar geb emar-sorba anse gormalosunye?’
8733	1KI 1:13	Rey-Davidʼse be nao, ega be sogdapo: ‘Rey, be an-dummadid. Anga be ise-sogar sogsasursi: Be-machi-Salomón be-sorba yar-ganonikoye, be-sorba rey-gangi signonikoye. Degite, ¿ibiga Adonías reyga-megisye itolenaisunna?’ ”
9503	1KI 22:20	Bab-Jehová weyob sogded: ‘¿Doa Acab-e-binsaed gaoe, Ramot-De-Galaadʼse bila-ononaega, adi, agi oburgwilegegar?’ ”Baliwitur-gwensak ibmar-sognai gusad, degi, baliwitur-baid ibmar-baid sognai gusmogad.
9504	1KI 22:21	Agine, burba-gwensak Bab-Jehová-asabin gwisgunonikid, ega sognonikid: ‘Ani an Acab-binsaed ganaoe.’ ”Bab-Jehová ega sogded: ‘¿Degite, igi be e-binsaed gaoe?’
9540	2KI 1:3	Degi-inigwele, Bab-Jehová-e-baliwitur Tisbe-dule-Elíasʼga sogsad: “Samaria-e-rey-Ocozíasʼga gayaburba-berbemalad-abinguega be nae. Ega be sogo: ‘¿Ar Israel-yargi Bab-Dummad satesi? ¿Ibiga bemar ibmar wisguega Ecrón-neggwebur-e-bab-dummad-Baal-Zebubʼse be egisnadapmala?’
10951	1CH 21:12	‘We-ibmar-sogapaagwad, soggwen be suo: Birgapaa ukud-nagueddibe. Be-isdarmalad nii-walapaa es-suidgi be-ogalakudii-gueddibe. Sulile, Bab-Dummad bela Israel-yar-naid-ugakaase ibapaa bemar-sabsur-odurdaked, e-baliwitur bela dulemar neg-uelleged-dummadba-galitoged imakeddibe. ” ’David, nue be binsao. Dule-an-barmialidgala, ¿igi an sogosunna?’ ”
11350	2CH 7:21	”We-anse-goled-neg bela-bela nued-sobarsii-inigwele, bela dulemar e-dikarba nasdamalar geger dakdamaloed, geb sogdamaloed: ‘¿Ar ibiga Bab-Jehová we-yar, degi, ese-goled-neg weyob imaksa?’
11566	2CH 18:19	Geb degi, Bab-Jehová amarse egichided: ‘¿Doa Israel-rey-Acab-e-binsaed-ganaoe, adi, Ramot-De-Galaadʼse bila-ononaega, agi Acab burgwega?’ ”Degi, burba-gwensak ibmar-sognaigualid, degi, baiddi akar sogdemogad.
11567	2CH 18:20	Degidgine, burba-gwensak Bab-Jehová-asabin gwisgunonikid, ega sogded: ‘Ani an e-binsaed-ganaoe.’ ”Degi, Bab-Jehová ega sogded: ‘¿Igi be imakoe?’
11892	2CH 32:12	¿Ar Ezequías na e, bemar-ibe bab-dummadganse-goled-negmar, degi, e-ibmar-ukmalad-aila, osulossursi? Degi, Rey-Ezequías na e, Judá-dulemarga, degi, Jerusalénʼginmaladga sogsabarsursi, ¿bemar Bab-Jehováʼse-goled-negginbi be Bab-Dummadse-goloye? ¿Degi, a-negginbi ibmar-ogumakar Bab-Dummadga be ukoye, degi, ina-wawadikid a-negginbi ogumaklebaloye?’
12148	EZR 5:9	”Geb degi, anmar e-dummaganse egichismalad: ‘¿Doa bega igar-uksamala we-Bab-Dummadse-goled-neg be sobmaloye, e-galumar be sobmarbaloye?’
13067	JOB 9:12	Bab-Dummad ibmar-suye-sogele, ¿doa ega sogoe: ‘Mer be suye?’ ¿Doa ega sogoe: ‘Ibu be imaknaiye?’ Dule ega soged, sate.
13374	JOB 21:15	Anmar e-nug-odummogega, Bab-Dummad-Bela-Gangued-Nikadde, ¿doasunna? Anmar ese gorye sogele, ¿ibu-nued egi amilesunna?’
13387	JOB 21:28	Bemar-binsananaid an wisbalid. Bemar binsabukwad: ‘¿Bia we-dule-nuga-nikad-e-neg-dummad nade? ¿Bia we-dule-isgana-e-neg nade?’
13410	JOB 22:17	Aka Bab-Dummadga sogdegusmalad: ‘Mer be anmarse gorye, Bab-Dummad-Bela-Gangued-Nikad, ¿ibu be anmarga imaksunnoye?’
13735	JOB 35:11	ibmar-durganba, bur ibmar-wisi-anmar-imakedi, ¿bia nadsunye? Sikwimarba bur binsaed-nued-anga-ukedi, ¿bia nadsunye?’
18015	ISA 14:17	¿We-dule we, napneg nega-dulesulidga imaksadi? ¿We-dule we, yalamar obelodii gusadi? ¿We-dule we, esgaryagi-dulemar-gales-bukwad gannar e-negse-naega gwen imakdasulidi?’
18363	ISA 33:14	Dule-isgumalad Sión-yalagi dobe itobukmalad. Dule-isganamar dobedba wawanmakbukmalad. Weyob sogbukwamalad: ‘¿Doa-anmar, soo-dule-obeloged-nagaba megoe? ¿Doa-anmar, soo-dummad-gege-bergued-duurmaksiid-nagaba megoe?’
18367	ISA 33:18	Bemar dobee-itosadgi-binsadmardibe, na be sogdemaloed: ‘¿Bia wede mani-ebisged nade? ¿Bia wede mani-daked nade? ¿Bia wede nakuleged-neg-matusurmalad-dakdiid nade?’
18470	ISA 38:10	“An weyob sogmai gusad: ‘¿An nabir-gudiid-ibagangi nue-an-burgwesunnode? ¿Burgwed-galuse an megnaedgadsunde? ¿Bar an wegi daklegosuli gusunnode?’
18727	ISA 49:21	Geb degi, be binsadoed: ‘¿Doa we-mimmigande anga baksasunna? An mimmi satenad, ar an geg mimmi bakenad. An ononnoles gudiinad, emarse-obanagwar an gudiinad. Ar we-mimmigande, ¿doa anga odummossunna? Ar an walagwen gudiinad, emide, ¿ar bia wemarde danimarsunna?’ ”
19076	JER 3:5	Be sogsabalid: ‘Babaye, ¿be anmarbo urwedigu guode? ¿Be anmarbo degisadegu sae-itodii guode?’ Deyob be sogdigusmargu, degite, amba bemar ibmar-isgana-imakdii gusmalad.”
19347	JER 13:12	“Jeremías, an-dulamarga be sogbalo: Israel-e-Bab-Dummad-Jehová weyob sogye: ‘Bela metemargi vino enolegoye.’ Bega sokarmalale: ‘¿Ar anmar bela metemargi-vino-enolegoed wissurmarsi?’
19357	JER 13:22	”Na be dukin weyob sokarmalale: ‘¿Ibiga wede deyob anmar wilearye?’ Ar be galagwensuli-isgusad-ulale, uka-swili be-imakmaloed. Be galagwensuli-isgusad-ulale, be-gagamaloed.
19386	JER 15:2	Bega sokarmalale: ‘¿Bia anmar naosunna?’ Ega be sogo, weyob Bab-Jehová sogye: ‘Dule bonigi-burgwemaloye ega-igar-maidi, bonigi burgwemaloed. Dule es-suidgi-burgwemaloye ega-igar-maidi, es-suidgi burgwemaloed. Dule ukudba-burgwemaloye ega-igar-maidi, ukudba burgwemaloed. Dule gales-seledoye ega-igar-maidi, galesa seledmaloed.’ ”
19415	JER 16:10	”Bela be we-dulemarga we-ibmarmar-sogsale, we-dulemar bega sogdamaloed: ‘¿Ibiga Bab-Jehová weyob anmar-imakbiye soge? ¿Ibu-ibmar-isgana anmar imaksasunna? ¿Ibugi anmarde anmar-Bab-Dummad-Jehováʼgi nossunna?’
19466	JER 18:13	Ar Bab-Jehová weyob soged: “Dule-yar-baid-baidgi na be egismardo: ‘¿Doa weyob ibmar-imakdimar be itosa?’ ¡Suli! Weyob ibmar itoledisulid. Ar Israel-dulemar, ibmar-isgana yeer-gangu imaksamalad.
19531	JER 22:8	”Dule-bukidar we-neggweburgi nasmalogua, e-sordaganga sogdamaloed: ‘¿Ibiga Bab-Jehová weyob we-neggwebur-dummad imaksa?’
19588	JER 23:35	”Ar dule-gwensak e-gwenadganse, degi, e-aimarse bur weyob egisewilubbid: ‘¿Igi Bab-Jehová sogsa?’ Weyob egisodibe, ‘¿igi Bab-Jehová soge?’
19590	JER 23:37	”Jeremías, weyob be gayaburba-barsogmaladse be egiso: ‘¿Bab-Jehová igi-bega sogsa? ¿Bab-Jehová igi-bega soge?’
20168	JER 48:19	Bemar, Aroer-neggweburgi-bukmaladi, igarba be gwisgudamar, be dakdamar. Machergan-wakinmamaidse, omegan-wakinmamaidse, be weyob egisdamar: ‘¿Wede igi neg gunai?’
20758	EZK 12:9	“Dule-machi, napira an bega soged, Israel-dulemar-uayasulidamalad bese egisdamaloed: ‘¿Ibu be imaknaiye?’
20906	EZK 17:12	“Emigindi, we-dulemar-uayasulidamaladse be egise: ‘Ar we-ibmar-bega-soglenaidi, ¿magar be itomar sogeye?’ Ega be soge: ‘Babilonia-e-rey Jerusalén-neggweburse nonigusad, agine, Judá-e-rey, degi, eba-arbamalad Babilonia-yarse sesagusad.
21020	EZK 21:12	Ar bese egichiarmalale: ‘¿Ar ibiga weyob be boe?’ Ega be sogoed: ‘Ar ibmar-guoed-gayaburba-ular, an boe. We-gayaburba bela dulemar-niga egwannoed, bela gargangued sate namaloed, bela dobedba wawanmakdemaloed.’ ¡Ibmar-guoedi bato modanikid! ¡Emisgwa guoed! Ani an Bab-Jehová-Bela-Gangued-Nikadi weyob soged.”
21119	EZK 23:43	”Geb we-ome na e-sui-dikarba-yoledii-sered-gudedgi an binsaded: ‘¿Emigindi, we-ome-gambanuchu-imakedbo amba galagwensuli gumarbalode?’
21359	EZK 33:10	“Dule-machi, Israel-dulemarga be soge: ‘Bemar soged: Anmar-uayasulidaedye, degi, anmar-isgued anmargi naiye. A-ulale, anmar girgumaiye. Degite, ¿igi anmar dula-gudii guosunye?’
21360	EZK 33:11	Ega be soge: ‘Bab-Jehová-Bela-Gangued-Nikadi na dukin ise-sogar-soged, dule-isgana-burgwed abemaisulid. Dula-gudiguega, e-isguedgi-nugued abeged. Israel-dulemar nugumala. Be-galagwensulidamaladgi nugumala. ¿Ibiga be burgwemaloe?’
21375	EZK 33:26	Deginbali, bemar es-suid-nikadba dobsur-itomalad, ibmar-isgana imakdimalad, degi, dule-baid-omebo galagwensuli gudimalad. Degite, ¿amba be yar gabimarde?’
21507	EZK 38:13	Sabáʼginmalad, Dedánʼginmalad, Tarsisʼginmalad-manigi-ibmar-ukmalad, degi, Tarsis-e-dummagan-mani-ibgan, wemar bese egisdamaloed: ¿Ibiga be daniki? ¿Bela anmar-ibe ibmar-suega be daniki? ¿A-ulale, be bukidar be-sordamar-bila-onomalad oatosa? Anmar-ibe mani-suega, or-suega, moli-bebe-nikamalad-suega, degi, ibmar-bamalad-suega, ¿be-sordamar be oatosa? ¿Bukidar ibmar-suega be daniki?’
22043	DAN 8:13	”Geb degine, dule-islidikid-gwensak sunmake an itosad. Dule-islidikid-baid, dule-islidikid-sunmaknaidse egisded: ‘Bane-bane-ibmar-ogumakar-ukleged-ailagi, anmar-ibmar-daknaidi, ¿sanagwadse berguoe? Isgued-dummad-gunaidi, ¿sanagwadse berguoe? Bab-Dummadse-goled-neggi isgued-imaklenaidi, ¿sanagwadse berguoe? Bab-Dummad-e-sordagan sabsur-imaklenaid, ¿sanagwadse berguoe?’
22156	DAN 12:6	We-ebogwad-wargwenad, diwargi dule-linoʼmor-yoid-gwichidse egisded: ‘We-ibmar-gegerdakleged-guega, ¿bule bangu napi?’
22397	JOL 2:17	Bab-Dummad-neg-yawagak-siid, degi, ibmar-ukleged-aila-siid, amar-imbagi, dule-irwa-Babse-gormalad Bab-Jehováʼga-arbamaladi, be bomala. Weyob sognanai be gumala: “Bab-Jehováʼye, be wile be-dulamar dake. Mer be-dulamar-nug-oichogega be imake, mer dulemar-yar-baid-baidgi-bukmalad be-dulamargi dodogega be imake. Ibiga dulemar-yar-baid-baidgi-bukmalad sogmaloe: ‘¿Ar bia e-Bab-Dummad nadsunna?’ ”
22555	AMO 8:5	”Bemar sogmalad: ‘Anmar ibmar-gwagmar manigi ukega, ¿sana we nii-gebe-gwisgusad-e-iba berguoe? Anmar ibmar-gwag-orosgi-dakleged-trigo manigi ukega, ¿sana we itoged-iba berguoe?’ ”Bemar ibmar-nibirgi-uked bur ichee-gued abediid. E-manidi odummoged abediid. Emar-yardakega nibir-nuedsulid ebudamalad.
22788	NAM 3:7	Bela dule-be-dakmaloedi begi bangudoed. Sogdemaloed: ‘Nínive-neggwebur bergusye. ¿Doa eba wile itogoe? ¿Bia dule-wile-e-daked an ega amioe?’ ”
22823	HAB 2:6	Bab-Jehová sogdebalid: “Dulemar-galesmaladi, yoedsega, dulemar-e-gasmaladgi burgunanai gumaloed, galagwensuli egi sunmaknanai gumaloed. Weyobi ega namaknanai gumaloed: ‘Dule, emar-ibe-ibmar-suedba mani-ibedga-guedi, ¡duledar-wiles! Dule, emar-ibe ibmar-galemalad egadga-omelodimaladi, ¡duledar-wiles! ¿Sanagwadse be deyob-gudiid indakoe?’
23037	ZEC 7:6	Ar bemar mas-gunnarmalale, gobbarmarbalile, ¿na be bemarga imakmarsursi?’ ”
23134	ZEC 13:6	Ar dule-wargwen, ese egichialile: ‘Be-argangi nailikgusad-igar-maidi, ¿igi be gusa?’ Weyob emar-abin-imakdoed: ‘We-an-nailikgusadi, an-aimar-neggi an-naibi-imaksamalad.’ ”
23164	MAL 1:6	Bab-Jehová-Bela-Gangued-Nikad dule-irwa-ese-gormaladga soged: “Mimmigan, e-bab-nug odummoged, degi, maimar e-dummadgi binsaed-nikaa damalad. Emide, an bemar-bab-guele, degite, ¿ibiga geg be an-nug odummomarsunna? An bemar-dummad-gubalile, degite, ¿ibiga geg be angi-binsaed-nikaa damarbarsunna? Bemar an-nug oichodimalad. ”A-ukinbali, be sogmarbalid: ‘¿Ibigi an be-nug oichodimala?’
23165	MAL 1:7	”Bemar, anga mas-ise-gullemalad ibmar-ogumakar-ukleged-ailase-seardamaladgi, be an-nug oichodimalad. ”Amba be sogmarbalid: ‘¿Ibigi an begi dodosmala?’ ”Be angi dodosmalad, ar bemar binsasad, Bab-Jehová-e-mas-gullegedi ibmar baisur-daklegedye.”
23196	MAL 3:7	Bab-Jehová-Bela-Gangued-Nikad soged: “Be-dadgan-ibagan-akale, bemar an-igar-maidgi aibandimalad, eba be ibsadisurmalad. Be gannar anse dagmala, an gannar bemarse namogoed. ”Degi-inigwele, bemar sogmalad: ‘¿Ar ibiga anmar gannar bese naosunna?’
23197	MAL 3:8	”¿Ar Bab-Dummad-ibe sunna dule ibmar-atursaoe? Ar bemar an-ibe ibmar atursadimalad. ”Degite, amba be sogmarbalid: ‘¿Ibu anmar be-ibe atursadimala?’ ”Ibmar-ambegi-gwensak-ukleged (10%), degi, anga ibmar-ukleged be atursadimalad.
23202	MAL 3:13	Bab-Jehová soged: “Ar bemar ise-apole angi sunmakdimalad. ”Degite, amba be sogmarbalid: ‘¿Ibugi an begi ise-apole sunmakdimala?’
23382	MAT 6:31	Degisoggu, mer surbinsa be itomar, mer be sogmar: ‘¿Ar ibu an gunmaloe? ¿Ibu an gobmaloe? ¿Ibu an yomaloe?’
23389	MAT 7:4	¿Ar igi be-gwenadgardi be sogoe: ‘Be-ibya-yaba durgan-maid an bega onogweloye?’ Ar be-ibya-yabardi suar-maiddi aku be daked.
23407	MAT 7:22	”Bukidar a-ibagangi anga sogdamaloed. ‘Dummad, ¿ar anmarde be-nuggi sunmaksasursi? ¿Ar anmarde be-nuggi bukidar niamar-onosmarsursi? ¿Ar anmarde be-nuggine bukidar ibmar-dakledisurmalad imaksasursi?’
23635	MAT 13:27	”Ar e-maigan nainu-ibedse nonimalad, ega sognonimalad: ‘Dummad, ¿ar be-nainugi ibmar-gwag-nued be digsasursi? ¿Ar degite, bia we-gagan-isganamarde danisunna?’
23867	MAT 20:6	Wachi-ilatargi, nainu-ibed gannar nodbalid. Dulemar binsa bukwa dakdapbalid. Amarga sogded: ‘¿Ar ibiga bemar arbasuli emi be osedosmala?’
23876	MAT 20:15	An-itolegedba an-mani an imakbier, ar wede akarsi. An dule-nued-daedba, ¿ar be angi nobsi?’
23953	MAT 22:12	Rey a-dulega sogded: ‘An-ai, ¿igi be ome-nikued-ibagi-mor-yoleged-yoisuli be dogsa?’ Dule gwen abin-imaksasulid.
24116	MAT 25:39	Be uellemaigu, be-bendakega, ¿sana anmar bese atakapmala? Be esgaryagi-mellesigu, ¿sana anmar bese atakapmala?’
24712	MRK 11:3	Dule-wargwen bemarga sokardibe: ‘¿Ibiga bemar moli-bipi esiknanai?’ Bemar, abin-sogoed: ‘Ar Dummad we-moli abeged. Ebusad-sorba, bega yog-gannar sedabaloed.’ ”
24740	MRK 11:31	Judío-dummagan na muchub-muchub sognanai guarmalad: “Anmar sogdibe: ‘Bab-Dummad barmiarye’, anmarga sogdagoed: ‘Degite, ¿ibiga bemar bengusmarsunna?’
24837	MRK 14:14	A-dule bia dogdapoe, a-neg-ibedga be sogmaloed: ‘Odurdaked-saila sogye: ¿Bia Oburgwilegoenad-Ibagi an, an-sapinganmala mas-gunnoed-neg siiye?’
25545	LUK 12:17	Na wargwen dukin ulubgi binsadii, sogded: ‘¿Igi an saoe, ar bia an ibmar-gwag an sabogoe?’
25548	LUK 12:20	”Ar Bab-Dummaddi a-dulega sogdedo: ‘Be dule-aku-ibmar-itoged-dule, emi-mutikidba be-san-burba an sudanikir, be ibmar-urbisad, ¿degite, doagadga guosunna?’
25594	LUK 13:7	”Dule-sapigi-nakulegedga e-nainu-ibed sogded: ‘Emide birgapaagus we-higuera-sapise an nanadanikid, e-san-gwanegar. We-sapi geg sanmaksoggu, be omukusun. ¿Ar ibiga binsa napa-gani guosunna?’
25694	LUK 16:5	”Degine, dule-ibmar-akwed dulemar-e-dummadgi-mani-ganimaladse gochagu, gebesailadga sogded: ‘¿Igi-mani an-dummadgi be ganiki?’
25696	LUK 16:7	”Geb a-sorba baidga sogdebalid: ‘Bedina, ¿igi-mani be ganimoga?’ Mani-ganikid, abin-sogded: ‘Madubur-gwagwaled-wilubsaleged-dulatar (100).’ Geb degi, dule-ibmar-akwed ega sogded: ‘Mani-ganikid-garda be sue. Madubur-wilubsaleged-dulabake (80) an ganiye be narmake.’
25831	LUK 19:31	Ar dule-wargwen bemarse egichialile: ‘¿Ibiga bemar moli-bipi-uayasuid esiknai?’ Ega bemar weyob sogmaloed: ‘Ar Dummad we-molibina soged.’
25944	LUK 22:11	A-neg-ibedga be sogmalo: ‘Odurdaked-saila sogye: ¿Bia Oburgwilegoenad-Ibagi an-sapinganmala an mas-gunnoed-neg siiye?’
26000	LUK 22:67	Geb agi ese egichiarmalad: —Anmarga be soge: ‘¿Be Cristo?’ Jesús, amar-abin sogded: —Ar an bemarga sogdele, an Cristoʼye, be an-itossurmalaled.
26483	JHN 8:33	Judíoʼmar, Jesús-abin sogdemalad: —Anmar, Abraham-e-wagan gumalad. Anmar dule-maiga gwen gudisurmalad. Degisoggu, ¿ibiga be anmarga soge: ‘Bemar ollorgunonikoye?’
26586	JHN 10:36	Ar Bab ega-arbaega an-susad, degine, we-napnegse an-barmialid. Ani an Bab-Dummad-Machiye, an sogsad-ulale, ¿be anga sogmalode: ‘Be Bab-Dummad-nuggi dododiiye?’
26676	JHN 12:27	Jesús sogdebar: “Emigindi, ulubgi an surbinsa itoged. Degi-an-itogedba, ¿an sogoe, ‘Bab-Dummad, emigindi we-ibmar-nunmaked-dummad be anga osuloye?’ Suli, degi-an-sogosuli. Ar burgwega an we-napnegse nonikid.
26800	JHN 16:5	Jesús na e-sapinganga sogdebalid: “Emigindi, dule-an-barmialidse an naesokalid. Bipisaale bemar wis anse egissurmalad: ‘¿Bia be nae?’
26813	JHN 16:18	Degi sogdemarbalid: “Ar wede ibu obare: ‘¿Napi ichesaarye?’ We-ibmar-soggwichid anmar aku itomalad.”
27235	ACT 7:50	¿Ar belagwable we-ibmarmarde an obinnissursi?’ ” Isaías 66:1-2
27694	ACT 19:40	”Emi bemar oimaksamalad sunna anmargi soglealiled, yamo sailaga-negdakmaidgi-urwega oimakbukmarye. Anmarse egislealile, ‘¿wede ibiga bemar oimakbukmarye?’ ¿Igi an abin-sogmalosunna? Ar anmar abin ibmar-sogedi, satemalad.” Garda-narmaked-dummad wegi-sogsad-sorba, bela e-neg-e-negse dulemar-barmissunnad.
27780	ACT 22:8	”Abin an sogded: ‘¿Dummad, be doasunna?’ A-dule an-abin imaksad: ‘Ani an Jesús-Nazaretʼginedid. Ar ani be an-baregindiid.’
27906	ACT 26:15	”Geb an sogdesun: ‘Dummad, ¿be doasunna?’ Degi, Dummad anga sogded: ‘Ani an Jesús, ar ani be an-baregindiid.
28262	ROM 10:6	Ar Cristoʼgi-bensulid-ular, dule-isgussuliyob-gunonidaedgindina soged: “Mer be-gwagegi be soge: ‘¿Doa wede niba nakoe?’ ” Deuteronomio 30:12 (Ar adi, napnegse Cristo-sedagega soged).