| 23236 | MAT 1:23 | Emi be dake, yagwa-wargwen gurgin-nika guo, machi-nikunoniko, Emanuelye nugsalegoed. Is. 7:14 Emanuel sogleged, “Bab Dummad anmarba gudiiye.” |
| 23244 | MAT 2:6 | Be, Belén-neggwebur, Judea-yalagi siid, be baisur-dakle-inigwele, ar neggwebur-baiganba be-bur nue nug nikad, ar ade begi dule-neggwebur-seoed nodagoed, adi an-dulemar-Israel-akwegar, igi sibad-wawaad-edarbed na e-sibad-wawaad-akwemogadyob. Mi. 5:2 |
| 23253 | MAT 2:15 | Agi gudigusmalad, Herodes burgwisadse. Bab-Dummad-ibmar-sogsadba guegala deyob gusad, deun Bab-Dummad-gaya-burba-berbeged sogsa-gusgu: An-machi Egiptogi mai, an ese gochad, Israel-yarse dagegar. Os. 11:1 |
| 23256 | MAT 2:18 | Ramá-neggweburgi dulemar oimakbuk-itolesad, bela-bela bukib-itomaladbali, nue boedbimalad, Raquel na e-mimmiganga boe itosmalad, ar dule-wargwensaar we-ome-bukib-binsaed-osuloged gwen nika-gussulid, ar ade e-mimmigan burgwisad. Jer. 31:15 |
| 23264 | MAT 3:3 | Ar wegi Bab-Dummad-gaya-burba-berbeged, Isaías, sogsa-gusad, deun sogsagu: Dule-wargwen nega-dule-sulidganba binnasur sunmaknonikoed, dulemarga sognonikoed: “Dule-Dummad-idu igar mayemar, igar-swilidik mesmar.” Is. 40:3 |
| 23282 | MAT 4:4 | Jesús, abin-imakdegu, nia-sailaga sogde: —Noar be soged, ar Bab-Dummad-Gardagi narmakar naid: Dule maduginbi dula gudiguosulid, bela Bab-Dummad-gaya-burba-itogedgi dula gudigubaloed. Dt. 8:3 |
| 23284 | MAT 4:6 | Jesúsga sogded: —Ar be Bab-Dummad-Machi-sunnadile, be napase ichomakdo, ar Bab-Dummad-Gardagi narmakar naid: Na e-angermar bega barmidagoye, e-argangi be-gamaloye, adi melle be nag akwagi yolegegarye. Sal. 91:11-12 |
| 23285 | MAT 4:7 | Jesús, nia-saila-abin sogde: —Nabir be sogendo, ar Bab-Dummad-Gardagi narmakar sognaibalid: Melle Dummad, be-Bab-Dummad, be wilubdakoed. Dt. 6:16 |
| 23288 | MAT 4:10 | Geb degi Jesús, abin-sogded: —Nia-saila-Satanás, be angi bangu, ar Bab-Dummad-Gardagi narmakar naid: Ar Dummad, be-Bab-Dummad, Asebi be goloed e-nug odummogegar, unnila agarbi be ibmar-imakoed. Dt. 6:13 |
| 23294 | MAT 4:16 | a-neggweburgi Bab-Dummad-wichuli-bukmalad nega-sichidgi siidyobid, dule-wargwen Bab-wisgusar, gwallu-dummad-meegwad ega ganonikidyobid, dulemar-neg-sichidgi-burgwednagagi-bukmaladga, dule-wargwen nonikid, ega gwallu-meegwad-ganonikidyob nonikid. Is. 9:1-2 |
| 23324 | MAT 5:21 | Degi Jesús sogdebar: “Be itosmalad, epenne igi serganga sogles-gusa: Mer na be oburgwemalo. Ex. 20:13 Ar dule-wargwen dule-oburgwisale, a-dulega odurdakleged-igar ega megnonikoed. Ex. 21:12 |
| 23330 | MAT 5:27 | Jesús sogdebar: “Ar be itosmalad igi serganga soglesa: Mer be na abirgunagwarsuli neg-sichigi be yolemalo. Ex. 20:14 |
| 23334 | MAT 5:31 | Jesús sogdebar: “Bemar itosmar igi epenne bemar-serganga soglesbali: Ar dule-wargwen ome-metele, omega ome-meted-garda ukoye. Dt. 24:1 |
| 23336 | MAT 5:33 | Degine, bemar itosbar, igi epenne bemar-serganga soglesbali: Napira-ibmar-nuggi be sogsadi be imako, mer be imaksuli-guo. Ar Bab-Dummad-asabin napira be ibmar sogsad, imakedse be sao. Lv. 19:12; Nm. 30:2; Dt. 23:21 |
| 23341 | MAT 5:38 | Jesús sogdebar: “Ar bemar itosmarbalid, epenne be-serganga soglesad: Ibya-gwagwen dule bei onosale, buged maiye, degine, nugar-wargwen dule bei bichisale, buged maibarye. Ex. 21:24; Lv. 24:20; Dt. 19:21 |
| 23346 | MAT 5:43 | Jesús sogdebar: “Ar bemar itosmalad epenne be-serganga soglesad: Be dule-baigan-sabgumar, dule-be-istaraddi istar be dakoed. Lv. 19:18 |
| 23431 | MAT 8:17 | Ar Bab-Dummad-gaya-burba-berbeged, Isaías, deun epenne sogsadba guegala deyob gusad, deun sogsa-gusgu: Anmar-uelemalad anmarga na e sesad, degine, anmar-ibmar-nunmakmalad anmarga na e e-sangi sesbalid. Is. 53:4 |
| 23461 | MAT 9:13 | Degisoggu, be namar, be durdaknamar, Bab Dummad igi soge na E-Gardagi: Nue wile emar-daked bur an abeged, anga ibmar-gummakar ukedba. Os. 6:6 Ar we-napnegse an nonigu, dulemar-nuegan, na iskudisur-itomaladse golega an nonisulid. An nonikidi, dulemar-iskudii-na-itomaladse golega, adi na e-iskuedga ulubgi bukib binsamalagar, mer bar iskumalagar. |
| 23522 | MAT 10:36 | Ar neg-yaginmalad na e-istarmaladga gunonimaloed. Mi. 7:6 |
| 23538 | MAT 11:10 | Ar we-dulegine bato narmakar sognaid, Mesíasgi sunmaknaigu, Bab Dummad soged: Be-iduale, anga-gaya-burba-barsoged an barmidoed, Adi be-iduar bega igar-mayegar. Mal. 3:1 We-gaya-burba-barsoged, Juan-Bautistado. |
| 23565 | MAT 12:7 | Ar bemar insaena, Bab Dummad soged: Nue wile emar-daked bur an abeged, anga ibmar-gummakar ukedba. Os. 6:6 We bemar insamalana, an-sordamar noar-ibmar-imaknaiye bemar sogosurmalando. Ar dulemar-igar-maidgi-yoledsurmaladgi binsa bemar egi gwisgussurmalardo. |
| 23579 | MAT 12:21 | Ar bela-Judiosurmalad e-bendakega, a-dule-edarbebukwa gumaloed. Is. 42:1-4 |
| 23623 | MAT 13:15 | Ar we-dulemar an-itobisurmalad, ar na e-uayagi nue aku-itomalad, ar e-ibya na murdik imasmalad. Ar adi mer na e-ibyagi mag dakmalagar, degi, mer na e-uayagi mag itomalagar. Ar degiile, Bab Dummadsik namalo-itole, ar degiile, an nudak dakledagoed. Is. 6:9-10 |
| 23643 | MAT 13:35 | Ar Bab-Dummad-gaya-burba-berbeged sogsa-gusadba guegala, deyob Jesús sunmak-gusdo, deun sogsa-gusgu: An sunmakdogu, burbar an sunmakoed, nega-saila-akar ibmar-dukuar-mamaid an odulogega, burbar an sunmakoed. Sal. 78:2 |
| 23706 | MAT 15:4 | Ar Bab Dummad sogsad: Be-bab-nug, degi, be-nan-nug, be odummogoye. Ex. 20:12; Dt. 5:16 Degine: Dule-gwensak babgi, igi, nangin-dibe gaya-ichakwa sunmaksale, a-dule oburgwemaloye. Ex. 21:17; Lv. 20:9 |
| 23711 | MAT 15:9 | Ar binsa askinbi amar anse gordimalad, an-nug odummomalagar. E-igar-maid odurdakeddi, dulemar-igar-mesisadba bur odurdakmalad. Is. 29:13 |
| 23835 | MAT 19:4 | Jesús, abin-imakdegu, sogde: “¿Ar bemarde Bab-Dummad-Gardagi absodisurmarsi: Gebesailagi Bab Dummad we-napneg nasikargu, machered ome-ebo abirgunagwar ogwisgunonikid?” Gn. 1:27; 5:2 |
| 23836 | MAT 19:5 | Degi Jesús sogdebar: “Bab-Dummad-Gardagi sognaibalid: A-ulale, machered ome-nikusale, e-babgi, degi, e-nangi banguoye igar maid, adi unnila e-ome-ebo gudiguegar, na ebogwad san-wargwennaga gunonisunnoed. Gn. 2:24 |
| 23850 | MAT 19:19 | Be-babgi, degi, be-nangi nue-binsaed-nikaa damalo. Degine, na be dukin san-sabeyobi, emar be sabgumogo. Ex. 20:12-16; Dt. 5:16-20; Lv. 19:18 |
| 23900 | MAT 21:5 | Siongi-bukmaladga be soge: “Emi, be-Rey bese danikid, Na gwage eikwaa, moli-uaya-suid-birgi sii, Moli-uaya-suid-e-mimmi-birgi sii, Moli-uaya-suid ibmar-berbeged-e-mimmi-birgi-sii bese danikid.” Zac. 9:9 |
| 23904 | MAT 21:9 | Ar dulemar-bukidar-idu-nadapmaladi, degi, sorba-danimaladi, binnasur gornadapmalad, sognadapmalad: ¡Bab-Dummad-nug odummomar! ¡We David-Wagwa! ¡We, Bab-Dummad-nuggi-danikid, bela ega ib-nuedga guena-gadin! ¡Nibneggi e-nug odummomarbar! Sal. 118:26 |
| 23908 | MAT 21:13 | Jesús amarga sogded: —Bab-Dummad-Gardagi narmarkar naid: Bab Dummad soged: ‘An-nega, anse-goled-negye nugguoed.’ Is. 56:7 Ar emigindi bemardi atursamalad-negga imaksamalad. |
| 23911 | MAT 21:16 | Amar Jesúsga sogdemalad: —¿Be itoge burwigana ibmar sogbukmalad? Jesús, abin-sogde: —Eye, an itoge; ¿Ar bemar Bab-Dummad-Gardagi absodisurmarsi? Burwigangi, degi, amba mimmigan-nunanaidgi, Amar-sunmakedgi be-nug-odummoged be imaksad. Sal. 8:2 |
| 23937 | MAT 21:42 | Ar Jesús na ede akwa-nuedyobsoggu, a-ular Judio-dummaganga sogdesun: —¿Ar bemarde Bab-Dummad-Gardagi absodisurmarsi? Bab-Dummad-Garda soged: Dulemar-neg-sobmalad-akwa-istar-daksamalad, a-akwa, akwa-sunsogedga bur gunonikid. ¿Ar weyob Bab Dummad akwa imaksad, ar anmarde geger dakde? Sal. 118:22-23 |
| 23965 | MAT 22:24 | ega sogdemalad: —Odurdaked-saila, Moisés sogsa-gusdo: Ia mimmi-nikussuli ome-idu burgwisale, E-urba a-ome-nikuoye, Adi e-iaga anagan-urbegar. Dt. 25:5 |
| 23973 | MAT 22:32 | Ani an Abraham, Isaac, degi, Jacob, amar e-Bab-Dummad. Ex. 3:6 Degisoggu, Bab Dummad, dulemar-burgwarmalad-e-Bab-Dummadsulid. Bab Dummad, dulemar-dula-gudidimalad-e-Bab-Dummadid. Ar Abraham, Isaac, degi, Jacob, amar burgwismar-inigwele, Bab Dummadgardi amba dula gudidimalad. Degisoggu, bemar nue noar sogmardo.” |
| 23978 | MAT 22:37 | Jesús, abin-sogde: “Dummad, Be-Bab-Dummad, bela be-gwagegi be sabguoed, bela be-san-burbagi, degi, bela be-binsaedgi. Dt. 6:5 |
| 23980 | MAT 22:39 | Agi, igar-sogbogi, amba deyobsaarbardo: Ar na be-san na be sabguedyobi, dule-baid be sabgumogoed. Lv. 19:18 |
| 23985 | MAT 22:44 | Bab Dummad an-Dummadga soged: ‘An-argan-nuedsik be sige, be dule-dummadga guegar, bela be-istarmaladgi-nakwedse an be-imakedsegad.’ Sal. 110:1 |
| 24026 | MAT 23:39 | Ar an bemarga sogsun, emigindi bar be an-dakosurmalad, ar geb bemar sogedse: We, Bab-Dummad-nuggi danikid, bela ega ib-nuedga guena-gadin.” Sal. 118:26 |
| 24041 | MAT 24:15 | Jesús sogdebar: “Bab-Dummad-gaya-burba-berbeged-Daniel, wegi-narmaksa, sogsado: Bab Dummad ibmar-istar-dakedi, Bab-Dummadse-goled-neg-islidikidse dognonikogu, Neg-nued neg-iskanaga imakoed, Ar ade a-negse dogedsulinad. Dn. 9:27; 11:31 Ani Jesús, an bemarga sogdo: Bemar deyob neg dakalile, we-Daniel Bab-Dummad-gaya-burba-berbeged-sogsa-gusadba gunaido. Emi be nabir-garda-absodimalad mag ittos namaloed. |
| 24055 | MAT 24:29 | Jesús sogdebar: Ibagan-naibi-itoleged-sorba dad-ibeler bar gaosulid, nii bar gaosurmogad. Niskwamardi nibneggi-nanaid babatidagoed. Nibneggi ibmar-dummagan gala-nika-nanaid bela giglimakoed. Is. 13:10; 34:4 |
| 24154 | MAT 26:31 | Geb degi Jesús na e-sapinganga sogded: —Belagwapa emi-mutik bemar angi bangudmaloed, ar ade Bab-Dummad-Gardagi narmakar naid, sognaid: ‘Sibad-wawaad-edarbed an oburgoed, Geb agi sibad-wawaad bela duurmakdoed.’ Zac. 13:7 |
| 24208 | MAT 27:10 | A-mani napsa-ibmar-sobed-nainu bakega uksamalad, ar igi Bab Dummad anga sogsadba, aba igar imaklesad. Zac. 11:12-13 |
| 24233 | MAT 27:35 | Suar-ibgan Jesús-nakrusgi-bioksamargu, Jesús-morgi dodoarmalad, wilubdaknai-guarmalad, igid mormar egadga guo-dibeye. A-sorba Jesús-mor mimmismarsunnad. Weyob gusdo, adi Bab-Dummad-gaya-burba-berbeged epenne sogsadyob guegar, deun sogsa-gusgu: An-mor na mimmismarsun, degine, an-morgi wilubdaknanai gusmar, adi dakega doagadga guo-dibeye. Sal. 22:18 |
| 24244 | MAT 27:46 | Wachi-irbaa gusgu, Jesús binnasur goted, sogded: “Elí, Elí, ¿lama sabactani?” A sogleged: An-Bab-Dummad, an-Bab-Dummad, ¿ibiga be angi bangusa? Sal. 22:1 |
| 24286 | MRK 1:2 | Epenne Isaías, Bab-Dummad-gaya-burba-berbeged narmaksado, Bab Dummad sogye: Be-iduale, anga-gaya-burba-barsoged an barmidoed, adi be-iduar bega igar-mayegar. Mal. 3:1 |
| 24287 | MRK 1:3 | Dule-wargwen nega-dule-sulidganba binnasur sunmaknonikoed, dulemarga sognonikoed: “Dule-Dummad-idu igar-mayemar, igar-swilidik mesmar.” Is. 40:3 |
| 24404 | MRK 4:12 | ¡A-dulemar ise-dakar imaknai-guarmalale, mer mag dakegar. Aginbali, ise-itoar amba imakarmalale, mer mag itomalagar. Degiir, Bab Dummadse gannar namalo-itole, agi degiir, Bab Dummad e-iskudimalad ega elio-itole!” Is. 6:9-10 |
| 24539 | MRK 7:7 | Binsa askinbi an-nug odummomalad. Be-odurdakeddi dulemar-igar-mesedba bur odurdakmalad.’ Is. 29:13 |
| 24542 | MRK 7:10 | Ar Moisés sogsa-gusad: Be-babgi, degi, be-nangi binsaed-nikaa damaloye. Ex. 20:12; Dt. 5:16 Degine, Moisés sogsabalid: Dule-gwensak babgi, nangi gaya-ichakwa sunmaksale, a-dule-oburgwilegoye. Ex. 21:17; Lv. 20:9 |
| 24663 | MRK 10:6 | Ar Bab Dummaddi deyob igar-mesissulid. Bab Dummad gebesaila neg nasikargu, machered, ome-ebo abirgunagwar ogwisnonikid. Gn. 1:27 |
| 24665 | MRK 10:8 | Ebogwad dule-wargwennaga gunoni-daed, degisoggu, bar warbosurdo, dule-wargwennagwadyobsundo. Gn. 2:24 |
| 24676 | MRK 10:19 | Ar Bab Dummad igar-mesisad be wisid: Mer dule-oburgwemaloye, mer sui-dikarba, degi, ome-dikarba yolemaloye, mer atursamaloye, mer gakansaar aimargi sunmakmaloye, mer aimar-yardakmaloye, be-babgi, degi, be-nangi nue-binsaed-nikaa be damaloye. Ex. 20:12-16 |
| 24718 | MRK 11:9 | Dule-bukidar Jesús-idu-nadapmalad, degi, sorba-danimalad bela oimakdanimalad: ¡Bab-Dummad-nug odummomar! ¡We-dule Bab-Dummad-nuggi-danikid bela ega ib-nuedga guena-gadin! Sal. 118:26 |
| 24726 | MRK 11:17 | Agi Jesús dulemar-odurdakde, sogded: —Bab-Dummad-Gardagi narmakar naid: Bab Dummad soged: ‘An-neg bela dulemar-soga-ilaba-anse-goled-negye nugguoye.’ ¿Ar ade deyob sognaisursi? Ar emigindi, bemardi atursamalad-negga imaksamargu. Is. 56:7; Jer. 7:11 |
| 24753 | MRK 12:11 | ¿Ar weyob Bab Dummad akwa-imaksad, Ar anmarde geger dakde?” Sal. 118:22-23 |
| 24761 | MRK 12:19 | “Odurdaked-saila, Moisés anmarga Bab-Dummad-Gardagi narmakar obesad: Ia mimmi-nikussuli ome-idu burgwisale, e-urba a-ome-nikuoye, adi e-iaga anagan-urbegarye. Dt. 25:5 |
| 24768 | MRK 12:26 | “¿Ar bemar dulemar-gannar-durgued-igar Moisés-gardagi-narmakar-maid absodisurmarsi? Moisés deun sapi-bula-gummakgwichi dakargu, ese nadgu, a-abargi Bab Dummad ega sogsa-gusad: ‘Ani an Abraham, Isaac, degi, Jacob, amar e-Bab-Dummadid.’ Ex. 3:6 |
| 24772 | MRK 12:30 | Dummad, be-Bab-Dummad, bela be-gwagegi be sabguoed, bela be-san-burbagi, bela be-binsaedgi, degi, bela be-ganguedgi. Dt. 6:4-5 We bur-igar-biriginedid. |
| 24773 | MRK 12:31 | A-igar-sorbalid amba degisaarbalid: ¡Na be-san-sabgueyob, dule-baid be sabgumogoed! Lv. 19:18 Baid-igarmar weba bur birigined sulid. |
| 24778 | MRK 12:36 | Ar ade Rey-David-sunnad Bab-Dummad-Burba-Nued-sogedba sogsa-gusad: ¡Bab Dummad an-Dummadga soged: ‘An-argan-nuedsik be sige, be dule-dummadga guegar, bela-be-istarmaladgi nakwedse an be-imakedsegad!’ Sal. 110:1 |
| 24800 | MRK 13:14 | Jesús sogdebar: “Bab-Dummad-gaya-burba-berbeged, Daniel, wegi-narmaksa, sogsado: Bab-Dummad-ibmar-istar-dakedi, Bab-Dummadse-goled-negse dognonikogu, neg-nued neg-iskanaga imakoed, ar ade a-negse dogedsulinad. Dn. 9:27; 11:31 Ani Jesús, an bemarga sogdo: Bemar deyob neg dakalile, we Daniel-sogsagusadba gunaido. Emi be-nabir-garda-absodidimalad mag ittos namaloed. Degisoggu, a-ibagi Judeagi be gudiile, yalaganba be wakinsun. |
| 24811 | MRK 13:25 | Niskwamardi nibneggi-nanaid babatidagoed, nibneggi ibmar-dummagan gala-nika-nanaid bela giglimakoed. Is. 13:10; 34:4 |
| 24850 | MRK 14:27 | Geb degi, Jesús na e-sapinganga sogded: —Belagwapa emi-mutik bemar angi bangudmaloed, ar ade Bab-Dummad-Gardagi narmakar naid, sognaid: Sibad-wawaad-edarbed an oburgoed, Geb agi sibad-wawaad bela duurmakdoed. Zac. 13:7 |
| 24923 | MRK 15:28 | Igi Bab-Dummad-Gardagi Jesúsgi narmakar nai, degi-sognaidba gunonikid: Dulemar-gwage-iskudimaladyob we-dule-dakmaloed. Is. 53:12 |
| 24929 | MRK 15:34 | Wachi-irbaa gusgu Jesús binnasur gote, sogded: —Eloi, Eloi, ¿lama sabactani? A-sogleged: An-Bab-Dummad, An-Bab-Dummad, ¿ibiga be angi bangusa? Sal. 22:1 |
| 25065 | LUK 2:23 | Ar igi Bab-Dummad-igargi narmakar mai: Ar gebesaila machigwa-inse nangi aidenonikile, Bab Dummadga be ukoed, adi, unnila egadga guegar. Ex. 13:2, 12 |
| 25066 | LUK 2:24 | Degine, ar igi Bab-Dummad-igargi narmakar naibali, Bab Dummadga ukoye: Sapur-nuu-gwabo, ar degisulile, wag-nuu-mimmigan-gwabo. Lv. 12:6-8 We sognaidba imakegala, María nonimogad. |
| 25074 | LUK 2:32 | dulemar-Judiosurmaladga be oyogegar, be doa-dule gue, igi gwallu neg-sichidgi neg-mee imakedyob. Degi, we-machi dulemar abonogoedba be-Israel-dulemargi nued sunmakmalagar. Is. 42:6; 49:6; 52:10 |
| 25100 | LUK 3:6 | Bela dulemar Bab-Dummad-abonoged-wisgumaloed.” Is. 40:3-5 |
| 25136 | LUK 4:4 | Jesús, abin-imakdegu, nia-sailaga sogded: —Noar be soged, ar Bab-Dummad-gaya-burbagi narmakar naid: Dule maduginbi dula gudiguosurye, ((bela Bab-Dummad-gaya-burba-itogedgi dula gudigubaloye)). Dt. 8:3 |
| 25140 | LUK 4:8 | Jesús, abin-imakdegu, sogded: —Nia-saila be angi bangu, ar Bab-Dummad-Gardagi narmakar naid: Ar Dummad be-Bab-Dummad, asebi be goloed, e-nug odummogegar, unnila agarbi be arbaoed. Dt. 6:13 |
| 25143 | LUK 4:11 | Degine, angermar e-argangi be-gamaloye, adi melle be-nag akwagi yolegegar. Sal. 91:12 |
| 25144 | LUK 4:12 | Jesús, abin-imakdegu, sogded: —Nabir be sogendo, ar Bab-Dummad-Gardagi narmakar sognaibalid: Melle Dummad, be-Bab-Dummad, be wilubdakoye. Dt. 6:16 |
| 25151 | LUK 4:19 | Bab-Dummad-e-birga-nuedgi sunmakegar. Is. 61:1-2 |
| 25291 | LUK 7:27 | Ar we-dulegine bato narmakar sognaid, Mesíasgi sunmaknaigu, Bab Dummad soged: Be-iduale, anga-gaya-burba-barsoged an barmidoed, adi be-iduar bega igar-mayegar. Mal. 3:1 We-gaya-burba-barsoged, Juan-Bautistado. |
| 25324 | LUK 8:10 | Jesús na e-sapinganga sogded: “Ar bemargardi Bab-Dummad-neg-dakmaid-igar-burbar-mamaid osanalegoye maid, dulemar-baigangardi ega burbar soglegoed: Adi amba dakmar-inigwele, aku dakmalagar, ar itomar-inigwele, aku itomalagar. Is. 6:9 |
| 25459 | LUK 10:27 | A-dule, abin-imakdegu, sogded: Dummad, be-Bab-Dummad, bela be-gwagegi be sabguoed, bela be-san-burbagi, bela be-ganguedgi, bela be-binsaedgi. Dt. 6:5 Degine, be-san na be sabguedyobi, dule-baid be sabgumogoed. Lv. 19:18 |
| 25622 | LUK 13:35 | Degisoggu, be-neg, nega-dule-sulidganyob gunonisunnoed, bei melledoed. Ar an bemarga sogsun, emigindi bar be an-dakosurmalad, ar geb bemar sogedse: We-dule Bab-Dummad-nuggi danikid, bela ega ibmar ib-nuedga guena-gadinye.” Sal. 118:26 |
| 25777 | LUK 18:20 | Ar Bab-Dummad-igar-mesisad be wisid: Mer sui-dikarba, degi, ome-dikarba yolemalo, mer dule-oburgwemalo, mer atursamalo, mer gakansaar aimargi sunmakmalo, be-babgi, degi, be-nangi, nue-binsaed-nikaa damalo. Ex. 20:12-16; Dt. 5:16-20 |
| 25838 | LUK 19:38 | sogdemalad: ¡We, rey Bab-Dummad-nuggi danikid bela ega ib-nuedga guena-gadin! Nibneggi bogidikid gusun, degine, nibneggine Bab-Dummad-nug ogannomarsun. Sal. 118:26 |
| 25846 | LUK 19:46 | Jesús amarga sogded: —Bab-Dummad-Gardagi narmakar naid: Bab Dummad soged, An-nega anse-goled-negye. Is. 56:7 Ar emigindi, bemardi atursamalad-negga imaksamalad. |
| 25865 | LUK 20:17 | Ar Jesús, na ede akwa-nuedyobsoggu, nuu Judio-dummagan-dakdegu, amarga sogded: —Degite, Bab-Dummad-Gardagi narmakar naid: Dulemar-neg-sobmalad akwa istar daksamalad, a-akwa, akwa-sunsogedga bur gunonikid. Sal. 118:22 ¿Wede ibi obarsunna?: |
| 25876 | LUK 20:28 | ega sogdemalad: “Odurdaked-saila, Moisés anmarga Bab-Dummad-Gardagi narmakar obesad: Ia mimmi-nikussuli ome-idu burgwisale, e-urba a-ome-nikuoye, adi e-iaga anagan-urbegar. Dt. 25:5 |
| 25891 | LUK 20:43 | bela be-istarmaladgi nakwedse an be-imakedsegad.’ Sal. 110:1 |
| 25970 | LUK 22:37 | Ar an bemarga sogmalad, ar angi Bab-Dummad-Gardagi narmakar naid, amba a-sogedba guer-gebed, sognaid: Dulemar iskudimaladyob imaklesmoye. Is. 53:12 Jesús sogdebalid: —Ar weyob angi narmakar naid, ayob guer-gebed. |
| 26034 | LUK 23:30 | Geb degi dulemar sabsur-wilenaidba Yarmarga sogdamaloed: ‘Anmargi bur be batedamar.’ Degi yar-mulluganaga sogdamarbaloed: ‘Bur be anmar emurmar.’ Os. 10:8 |
| 26136 | JHN 1:23 | Juan, abin-sogde-gus: —Isaías, Bab-Dummad-gaya-burba-berbeged sogsa-gusad: Dule-wargwen nega-dule-sulidganba binnasur sunmaknonikoed, dulemarga sognonikoed: Dule-Dummad-idu igar mayemar, igar-swilidik mesmar. Is. 40:3 Ani an a-duledo. |
| 26181 | JHN 2:17 | Degi Jesús-e-sapingan insad nadmalad, igi Bab-Dummad-Gardagi narmakar nai: Be-nega an bina nue soged-ular, nue egi nobe an itoged. Sal. 69:9 |
| 26357 | JHN 6:31 | ¿Bedi ibi anmarga ukosunna? Ar anmar-dadgan nega-dule-sulidgangi maná-guchamalad, ar Bab-Dummad-Garda sognaid: Ede dadganga madu-nibneggi-danikid uksaye, gunnegar. Ex. 16:4; Sal. 78:24 |
| 26371 | JHN 6:45 | Bab-Dummad-gaya-burba-berbemalad-gardagi narmakar naid: Bab Dummad na e-igargi bela dulemar-odurdakoye. Is. 54:13 Degisoggu, bela Bab-itosmalad, degi, egi durdaksamarbalid, amar anse danimaloed anba naguegar. |
| 26584 | JHN 10:34 | Jesús, abin-sogde: —¿Ar bemargi Moisés-igargi-narmakar naisursi? An bemarga sogsad, bemar bab-dummagan gumarye. Sal. 82:6 |
| 26662 | JHN 12:13 | ogob-gagangiid-e-gagan gwachamalad, degine, Jesús-abin nadmalad, Jesús-nug odummogegar. Jesús-dakarmargu, binnasur gotemalad, sogdemalad: ¡Bab-Dummad-nug odummomar! ¡We-dule Bab-Dummad-nuggi-danikid, bela ega ib-nuedga guena-gadin, Israel-e-Reygi! Sal. 118:26 |
| 26664 | JHN 12:15 | Mer be dobgu, Siongi-bukmalad, emigi be-rey bese danikid, moli-uaya-suid-e-mimmi-birgi sii. Zac. 9:9 |
| 26687 | JHN 12:38 | Ar ade epenne Bab-Dummad-gaya-burba-berbeged, Isaías sogsa-gusadyob guegala, deyob gunonikid, deun Isaías sogsa-gusgu: Bab Dummad ¿doa anmar-ibmar-sogsa-gusad bengussuli? Bela bengusadbimalad. ¿Doasega Bab Dummad na e-gangued oyosa? Amba a-dulemargardo. Is. 53:1 |
| 26689 | JHN 12:40 | Bab Dummad amar-e-ibya aku-dake imaksad, degi, amar uayasur-daega imaksabalid, adi melle na e-ibyagi mag dakmalagar, degi e-gwagegi melle mag itomarbaligar. Ar degiile, abonolemalo-itole. Ar degiile, amar an nudake dakledago-itole. Is. 6:10 |
| 26717 | JHN 13:18 | “Ar bemar belagwapaga an sogsulid. Ar an wisid doamar an susa, adi Bab-Dummad-Garda-narmakaledba guegala, bemar-wargwen dikarba an-ukoed, ar Bab-Dummad-Garda-narmakaledgi sognaid: Ar dule anba madu gunsiidi, angi aibinnoniye, an-istaradga gunoniye. Sal. 41:9 |
| 26793 | JHN 15:25 | Ar weyob degi-gusadi, adi emar-igar-maidgi narmakar-naidba guegalad. Bab-Dummad-Garda sognaid: Binsa igar-suli istar an-daksamalad. Sal. 35:19; 69:4 |
| 26918 | JHN 19:24 | na ga sokarmalad: —Mer we-mor esirmakmalo, anmar wilubdakmaloed, ar mor doagadga guo-dibe. Weyob gusdo, ar adi Bab-Dummad-Gardagi-narmakar-naidba guegar. Ar Bab-Dummad-Gardagi weyob sognaid: An-mor na mimmismalad, degi, an-morgi wilubdaksamalad, adi doagadga guo-dibeye. Sal. 22:18 Ar weyob suar-ibmala imaksamardo. |
| 26930 | JHN 19:36 | Ar we ibmar-degi-gusadi, deyob gusad, adi Bab-Dummad-Gardagi-narmakar-naidba guegar: E-gar bipisaale gwen biskosulid. Ex. 12:46; Num 9:12; Sal. 34:20 |
| 26931 | JHN 19:37 | Deginbali, baidgi narmakar naibalid: Dulemar-espunyargi-ewarismalad a-dule-dakmaloed. Zac. 12:10 |
| 26978 | JHN 21:11 | Simón-Pedro urgi nakwisad, degi saki, ua-dummagan-ena ebipialid, mata-gakase. Ua-dummagan dulagugle-gakambe-gakapaa (153) gasmalad. Ua ichesur-inigwele, saki gwen achirmaksasulid. |
| 27012 | ACT 1:20 | Bato Salmosgi narmakar sognaid: A-neg metemaloed, aginbali, dule a-neggi bar megosulid. Sal. 69:25 Degine, sogbalid: Dule-baid a-sorba e-gan suoye, adi a-dule arbaegar. Sal. 109:8 |
| 27039 | ACT 2:21 | Ar ade doa-dule, Bab Dummadse abonoleged egisbiele, a-dule abonolegodo.’ ” Jl. 2:28-32 |
| 27046 | ACT 2:28 | Be anga igar-nuegan dula-saila gudigued oyosad, degi, be anba gudidbali weligwar an itoged.” Sal. 16:8-11 |
| 27048 | ACT 2:30 | “Ar David Bab-Dummad-gaya-burba-berbegedsoggu, nue wissunnad, igi Bab Dummad ega sogsagusa, gege-bar-osuloged-igargi ega sogsagu: Yoedse be-wagwa-wargwen beyobi reyga megmogoye. Sal. 132:11 |
| 27053 | ACT 2:35 | bela be-istarmaladgi be nakwedse.’ Sal. 110:1 |
| 27088 | ACT 3:23 | Ar doamar we-Bab-Dummad-gaya-burba-berbeged-sogedba ibmar imaksulile, Bab Dummad a-dulemar bemar-abargi oburgwemaloed. Dt. 18:15-19 |
| 27090 | ACT 3:25 | Bemar Bab-Dummad-gaya-burba-berbemalad-e-wagan-gumarsoggu, Bab Dummad E-gaya-burba-berbemaladga ibmar-sogsadi bemargadmogad. Agi Bab Dummad anmar-dadgan-ebo igar nabosad, deun Abrahamga sogsa-gusgu: Be-wagwa dulemar-bela-akar-akar-we-napneggi bukmaladga ib-nuedga guoye. Gn. 12:3; 22:18 |
| 27102 | ACT 4:11 | We-Jesús, akwa-iskanayob bemar-neg-sobmalad daksamalad, ar emigindi we-akwa bur-nuedga gunonikid, neg-gaedgar. Sal. 118:22 Degisoggu, we-Jesús bur Dule-Dummadga gunonisunnad. |
| 27117 | ACT 4:26 | We-napneggined-rey-dummagan na bela danar ambikusmalad, degi, dule-dummagan na ese atononimalad, adi Bab Dummadgi gwisgumalagar, degi, e-Cristogi yolemalagar. Sal. 2:1-2 |
| 27188 | ACT 7:3 | Deun Bab Dummad ega sogsa-gusad: Be-neggweburgi be nae, degi, be-gwenadgangi be bangu, be nae, bia yar-baid an-bese oyogoedse. Gn. 12:1 |
| 27190 | ACT 7:5 | A-yargi Abrahamga nainu gwen uklessulid, bipi-goakwasar-bela sate. Degite Bab Dummad ega sogsad: We-yar an bega ukoye, degi, be-waganga be-sorba an ukbaloye. Gn. 12:7 Deyob ega-sogsa-unni amba yo Abraham mimmi-nikueunnid. |
| 27191 | ACT 7:6 | Weyob Bab Dummad Abrahamga sogsa-gusbalid: Be-wagandi yar-baid e-neg-sulidgi sikwas wis gudiguoed. Agine, dulemar-baigan na e-maiga imakoed, degi, birga-dulataled-ilabake amarse wilemaloed. Gn. 15:13 |
| 27192 | ACT 7:7 | Bab Dummad wegi-ega-sogsabalid: Yar-baidgined maiga-be-wagan-imakoedi, a-yarginmalad ani an sabsur odurdakoed, degi, be-wagan a-yargi nodagogu, geb we-yargi an-nug odummobukwa-gumaloed. Gn. 15:14 |
| 27213 | ACT 7:28 | ¿Sae Egipto-dule oburgwisadyob be an-oburgwebimoga? Ex. 2:14 |
| 27217 | ACT 7:32 | Ani an be-dadgan-e-Bab-Dummad. Ani an Abraham, degi, Isaac, degi, Jacob e-Bab-Dummadid. Ex. 3:6 Moisés dobedba wawanmakde, sapi duu gagwichid gwen bar dakbi-ito-nadsulid. |
| 27219 | ACT 7:34 | Emide an daksad, degi, an itosbalid, igi an-dulemar Egipto-yargi-bukwadi wilebukwa. Degisoggu, aga an aidenonikid, an-dulemar-bendakegar. Degisoggu, Egipto-yarse an be-barmidoed, an-dulemar-ononaegar.” Ex. 3:5, 7-8, 10 |
| 27222 | ACT 7:37 | “Amba we-Moisés-sunnad Israel-dulemarga sogsa-gusad: Igi bemar-abargi Bab Dummad an-susa, deyob bemar-abargi Bab Dummad E-gaya-burba-berbeged na subaloed. Igi bemarga sogdagoe, a-dule nue be itomalo. Dt. 18:15 |
| 27225 | ACT 7:40 | Aga Aarónga sogdemalad: Anmarga bab-dummad-orgi-sobaled be sobe, adi a anmar-idu nadap-guegar. Ar emide anmar wichulid, ar igi we-Moisés anmar Egipto-yargi onosad-gusa, ar wede bia nade. Ex. 32:1 |
| 27228 | ACT 7:43 | Suli, anga uksasurmalad. Bur Moloc be-bab-dummadga bemar imaksamalad, degi, a-surba bur be sesmalad. Degi niskwa-Refán bab-dummadyob bemar na dukin sobsamalad, a bur be-bab-dummadga bemar imaksamalad. A-ulale, Babilonia-neggwebur-obinale an be-barmidmaloed, sabsur be-odurdakmalagar. Am. 5:25-27 |
| 27235 | ACT 7:50 | ¿Ar belagwapa we-ibmarmarde an obinnissursi?’ ” Is. 66:1-2 |
| 27278 | ACT 8:33 | Bela-bela egi dodosmaladgi, igar-maidba gwen ega imaksasurmalad, igar gwen nabirossurmalad. Degisoggu, ¿doa e-wagangi bar sunmakosunna? Ar ade oburgwismalad. Is. 53:7-8 |
| 27451 | ACT 13:20 | We deyob gusadi, birga-dulataled-ilabake-gaka-dulabo-gakambe-wilub (450) deyob gusad. “Geb a-sorba, Bab Dummad anmar-dadganga dule-nabir-igar-nabiromalad ega uksa-gusad, Samuel, Bab-Dummad-gaya-burba-berbeged mai-gusadse. |
| 27453 | ACT 13:22 | Saúl-reyga-maid Bab Dummad obachagusad, geb David reyga mesnonikid. Bab Dummad David-nik sogsa-gusad: We-David, Isaí-machi, dule an-gwage-sunnaa-binsaed, a an-ibmar-abeged anga bela saoed. 1 S. 16:12 |
| 27464 | ACT 13:33 | Ar anmar e-wagan gusoggu, anmarga Bab Dummad we-Jesús-burgwar-maid na odulononikid, ar igi bato narmakar Salmo-bogwadgi nai: Be An-Machi-sunnad, emi-ibagi an bega oyonaid, an be-Bab-sunnad guye. Sal. 2:7 |
| 27465 | ACT 13:34 | “Degi, adi mer Jesús-san nunguegala, Bab Dummad gannar Jesús-odulosye sogedgi, Bab Dummad e-gaya-burbagi bato weyob idu sogsa gusad: Davidga ibmar-napiragwad an nue ukoye sogsadi, bega an ukoed. Is. 55:3 |
| 27466 | ACT 13:35 | Aga Salmo-baidgi sognaibalid: Dule-swilidikid-e-san neg-uangi nungued be imakosulid. Sal. 16:10 |
| 27472 | ACT 13:41 | Nue be itomar, bemar Bab-Dummadgi-dododimalad, degi, egi-bengudimarbalid. An ibmar-bemar-abargi-imakoedi, geger bemar dakmaloed, degi, bemar burgwemaloed. An ibmar-bemar-abargi-imakoedi dule-baid bemarga sogena, bemar bengumaloenad.” Hab. 1:5 |
| 27478 | ACT 13:47 | Ar Bab Dummad bato deyob anmarga igar uksad, anmarga sogsad: Judiosurmaladga gwallu-mee saegala an be-ogwismar, adi bela napneg-ugakase mag itomalagar, ulubgi abonoleged-igar.” Is. 49:6 |
| 27529 | ACT 15:18 | Weyob, ani, Bab Dummad soged, ar ade nega-gebesailaunni bato weyob idu an owisos-gusad.” Am. 9:11-12 |
| 27807 | ACT 23:5 | Pablo, abin-imakded: —Gwenadgan, we dule-irwa-Bab-Dummadse-gormalad-bur-dummadid gwen an wichulid, ar Bab-Dummad-Gardagi narmakar naid: Melle be dule-dummagangi istar sunmakoye. Ex. 22:28 |
| 27960 | ACT 27:37 | Belagwapa anmar urgi-nadapidi, anmar dulataled-ilabo-gakadulapaa-gakambe-gakanergwa (276) mergumalad. |
| 27994 | ACT 28:27 | Ar we-dulemar an-itobisurmalad, degi, e-uayamar ber nue yallirbalid, e-ibyamar nue edillesbalid, adi mer mag dakmalagar. Mer e-uayagi mag itomalagar, degi, gwagegi mer mag itomarbaligala, deyob gunonikid. Degi-sulile, degir, Bab Dummadba nagumalo-itole, degir, Bab Dummad amar-nudako-itole.’ Is. 6:9-10 Deyob Bab Dummad sogsa-gusad. |
| 28015 | ROM 1:17 | Ar Bab-Dummad-gaya-burba-nuedgi Bab Dummad dulemar-inikii-saed oyolesiid. Unnila Jesucristogi-bengusulidgi abonoleged danikid, ar Bab-Dummad-Gardagi narmakar naidyob: Ar dule-gwage-swilidikiddi Bab-Dummadgi-bensulidgi nanaoye. Hab. 2:4 |
| 28054 | ROM 2:24 | Ar Bab-Dummad-Gardagi narmakar naid: Bab-Dummad-nug bemar-ular Judiosurmalad-abargi icholediiye. Is. 52:5 |
| 28063 | ROM 3:4 | ¡Bab Dummad na e-sogsadba imakoe! Ar dulemar bela gakansaedbimar-inigwele, Bab Dummad bela ibmar napiragwadbarbi imaked. Ar Bab-Dummad-Gardagi sognaid: Bab Dummad, Be ibmar sogedgi mag daklenonikoed, be napiragwadba ibmar soged, degine, Bab Dummad, bega igar-itolealile, be nakoed. Sal. 51:4 |
| 28071 | ROM 3:12 | Bela Bab Dummadgi bangusmaladbiid, ibmar-nuedga gwen gussurmalad. Dule ibmar-nued-saed sated, wargwensaar ibmar-nued-imaked gwen nikasulid. Sal. 14:1-3; 53:1-3 |
| 28072 | ROM 3:13 | E-sunmaked neg-uan-argas-maiyob maid, E-sunmakedgi dulemar-yardakmalad. Sal. 5:9 Naibe-nued-e-gichi-boniyob e-sunmaked sedimalad. Sal. 140:3 |
| 28073 | ROM 3:14 | E-gaya bela-bela-sae-itogedgi dule-ukabsaedbi sedimalad. Sal. 10:7 |
| 28076 | ROM 3:17 | Degine, dulemarba bogidik-nanaed gwen wichurmalad. Is. 59:7-8 |
| 28077 | ROM 3:18 | We-dulemar Bab-Dummad-dobee nana-deeye gwen binsasurmalad. Sal. 36:1 |
| 28093 | ROM 4:3 | Emigindi, ¿igi Bab-Dummad-Gardagi sognaisunna? Abraham Bab-Dummad-bengussurye, degisoggu, iskussuliyob Bab Dummad Abraham-daknonisunye. Gn. 15:6 |
| 28098 | ROM 4:8 | We-dulegi nued binsalesdo, Bab Dummad ega soger, be-iskusad bar an insaosurye. Sal. 32:1-2 |
| 28107 | ROM 4:17 | Bab-Dummad-Gardagi narmakar naidyob: Bab Dummad soged: “Ani an dulemar-bukidarad-akar-akar-bukmalad e-dad-sailaga an be-imaked.” Gn. 17:5 Abraham Bab-Dummad-asabin anmar-dadad. Bab Dummad dulemar-burgwismalad gannar oduloged, degine, ibmar-amba-yo-ambikued e-nugba ese goled bato ibmar ambikusadyob. We-Bab-Dummadgi Abraham bengussulid. |
| 28108 | ROM 4:18 | Gwen ega igarga gued Abraham daksasur-inigwele, Abraham nue-bensulidgi Bab-Dummad-ega-sogsad edarbedii-gusad, dulemar-bukidarad-akar-akar-bukmalad e-dad-sailaga gued, ar igi Bab Dummad ega sogsadyob: Be-wagan weyob ichesur guoye. Gn. 15:5 |
| 28112 | ROM 4:22 | Degisoggu, Abraham deyob Bab-Dummadgi-bensulidba Bab Dummad iskussuliyob Abraham-daknonisunnad. Gn. 15:6 |
| 28220 | ROM 8:36 | Ar weyob Bab-Dummad-Gardagi narmakar naid: Be-ulale anmar guagwar burgwed-abargi gudiid, sibad-wawaad-e-oburgwed-negse seled-daedyob anmar nugsales gudimalad. Sal. 44:22 |
| 28230 | ROM 9:7 | Degine, Bab Dummad bela Abraham-wagan sussulid, ar ade sogleged: Be-machi-Isaacgine be-waganye soglegoye. Gn. 21:12 |
| 28232 | ROM 9:9 | Ar Bab Dummad weyob Abrahamga sogsad: A-ibagangi gannar an danikoed, geb agi Sara susugwa-nikuoed. Gn. 18:10, 14 |
| 28235 | ROM 9:12 | Bab Dummad Rebecagala sogsad: Machi-dummad, machi-bipigwadga mailegoye. Gn. 25:23 |
| 28236 | ROM 9:13 | Ar igi Bab-Dummad-Gardagi narmakar naibali: Bab Dummad soged: “Jacobdi an sabgusye. Esaúdi istar an daksaye.” Mal. 1:2-3 |
| 28238 | ROM 9:15 | Ar Bab Dummad Moisésga sogsad: Dule wile an dakbiedi, wile an dakoye. Degine, wile an dakedba dule an bendakbiedi, an bendakoye. Ex. 33:19 |
| 28240 | ROM 9:17 | Ar Bab-Dummad-Gardagi narmakar naid, deun Bab Dummad Faraónga sogsa-gusgu: A-ulale dummadga an be-imaksad, adi begi an-gangued an oyogegar, degine, bela we-napneg-naidgi an-nug ogannomalagar. Ex. 9:16 |
| 28243 | ROM 9:20 | Ar bede, ¿be doa-sunna, emi be Bab-Dummad-abin imakbigu? Ar napsa-metega-sobaled, dule-e-sobsadga sogosi: “¿Wede ibiga deyob be an-sobsa?” Is. 29:16; 45:9 |
| 28248 | ROM 9:25 | Degine, Bab Dummad, E-gaya-burba-berbeged-Oseasba, weyob sogsabalid: Iduardi an-dulesulid, ase an goloed, an-dulemarye. An sabed-egi-niksulidse, an goloed, an be-sabye. Os. 2:23 |
| 28249 | ROM 9:26 | Deginbali, Oseasgi sogbalid: Ar bia ega soglesadgi: “Bemar an-dulesurye,” agi ega soglegoed: “Bemar Bab-Dummad-Dula-Maid-e-mimmiganye.” Os. 1:10 |
| 28251 | ROM 9:28 | Ar Bab Dummad igar-inikigwadgi-ibmar-saedi we-napneggi gwae-gwaegwadgi bela ibmar obeloged. Is. 10:22-23 |
| 28252 | ROM 9:29 | Degine, Isaías idu weyob sogsa-gusbalid: Ar Bab-Dummad-Bur-Gandikidba-Maid, anmarga anagan-obessulina, Sodoma-neggweburyob, degine, Gomorra-neggweburyob anmar bergumogoenad. Is. 1:9 |
| 28256 | ROM 9:33 | Ar weyob Bab-Dummad-Gardagi narmakar naid: Bab Dummad soged: “Emigi Siongi akwamur-yoleged an sied, degine, akwa-dummad dule egi aimukued. Ar dule a-akwagi bensur abingasale, agi egi gwen bingeguosulid.” Is. 28:16 |
| 28261 | ROM 10:5 | Ar Moisés igar-maidgi Bab-Dummad-dule-iskussuliyob-dakedgi soged: Ar dule we-igar-maidba inikii-daele, dula gudiguodo. Lv. 18:5 |
| 28262 | ROM 10:6 | Ar Cristogi-bensulid-ular dule-iskussuliyob-gunoni-daedgindina soged: Mer be-gwagegi be soge: “¿Doa wede niba nakoe?” Dt. 30:12 (Ar adi Cristo napnegse sedagegar.) |
| 28263 | ROM 10:7 | Mer be sogbalo: “¿Doa wede napa-urba aidegoe?” Dt. 30:13 (Ar adi Cristo dulemar-burgwarmalad-abargi onakwegar.) |
| 28264 | ROM 10:8 | Degite, ¿igi Bab-Dummad-Gardagi sogsunna? Bab-Dummad-gaya-burba be-walikagwad, we-Gaya-Burbadi be-gayagi, degine, be-gwagegi naid. Dt. 30:14 We-Bab-Dummad-gaya-burbagi Cristogi-bensulidgi anmar sunmakdimalad: |
| 28267 | ROM 10:11 | Ar Bab-Dummad-Gardagi soged: Bela dulemar-egi-bensurmalad gwen bingeguosurmarye. Is. 28:16 |
| 28269 | ROM 10:13 | Ar Bab-Dummad-Gardagi sognaid: Bela dulemar-Bab-Dummadse-gormalad, amar bela abonolemaloye. Jl. 2:32 |
| 28271 | ROM 10:15 | ¿Ar degite, igi Bab-Dummad-gaya-burba-nuedgi dule ega sunmakosunna, ar dule ese barmiledsulir? Suli, ega sunmakosuli. Ar weyob Bab-Dummad-Gardagi narmakar naid: Ibibayobi nuedi, we-dulemar-gaya-burba-nuegan-berbemalad, sogdanimalad, Bab Dummad dulemar-ebo igar nudakye. Is. 52:7 |
| 28272 | ROM 10:16 | Ar degite, bela Israel-dulemar Bab-Dummad-gaya-burba-nued-sogedba imaksasurmalad. Ar Isaías soged: Bab Dummad, ¿wede doa anmarba ibsasmala, anmar ibmar sogmaladba? Ichee wis anmarba ibsasmalad. Is. 53:1 |
| 28274 | ROM 10:18 | Ar an egismosundo: ¿Wede Israel-dulemar Bab-Dummad-gaya-burba itossurmarsi? Itosmala. Ar Bab-Dummad-Garda soged: Bab-Dummad-gaya-burba-abingasad-barsogmalad, e-sunmaksamalad bela napneg-naidse barmilesye, ar sukun gwen bessuli e-gaya-burba barmilesye. Sal. 19:4 |
| 28275 | ROM 10:19 | Degine, an egisbarsundo: ¿Wede, Israel-dulemarde we gaya-burba wisgussurmarsi? Wisgusmala. Ar Moisés-insa gebe soged: Bab Dummad sogye: “An-dulesulid an sabguoye, adi bemar a-dulemargi nobgumalagarye, An dulemar-binsaedsulidgi nabir binsaoye, adi bemar-ourwemalagarye.” Dt. 32:21 |
| 28276 | ROM 10:20 | Degine, Isaías bur-bakar-buud soged: Bab Dummad sogye: “Dulemar-an-amidisulid, an-aminonimalad, dulemar-an-egisdisurmaladse an na oyononikid, an doa-dule gue.” Is. 65:1 |
| 28277 | ROM 10:21 | Ar Israel-dulemargindi Isaías weyob soged: Bab Dummad sogye: “Dulemar-uaya-surmaladse, degine, non-serganse, an argan-wakudar-yala an oyoalid, deyob an osedosad ese gornai, anse dagmalagar. Degite, gwen anse nonisurmalad.” Is. 65:2 |
| 28280 | ROM 11:3 | “Bab Dummad, we-Israel-dulemar be-gaya-burba-berbemalad-oburgwismalad, degine, bega-ibmar-gummakar-ukleged-galumar earismarbalid. Deginbali, beba-nanaid anbi walagwen an besad, emigi an-oburgwebimarmogad.” 1 R. 19:10, 14 |
| 28281 | ROM 11:4 | Degite, ¿igi Bab Dummad Elías-abin sogsasunna? Ega sogsado, Machergan-miligugle an na sabosad, wemar, bab-dummadga-imaklediid, Baal, a-asabin Bab-Dummadyob-dakega yokorgi-sindigar-sigissurmalad-dulemalad. 1 R. 19:18 |
| 28285 | ROM 11:8 | Weyob dulemar-uayasurmalad Bab Dummad imaksaye, E-Gardagi sognaid: Bab Dummad dulemar-e-burba nolloo imaksad, e-ibya aku-dake imaksad, degine, e-uaya aku-ito imaksabalid. Emi-ibase amba deyob gudimalad. Dt. 29:4 |
| 28287 | ROM 11:10 | E-ibya murdik guena-gadin, adi mer dakmalagar, Degine, nue-wilediidba e-yargan dure degi-sadegu guena-gadin. Sal. 69:22-23 |
| 28303 | ROM 11:26 | Geb a-sorbali, Israel-dulemar bela abonolenonikoed, Bab-Dummad-Gardagi narmakar naidyob: Sion-sik Dule-Bendaked danikoed, Israel-dulemar bar ibmar-iskana-imakbisuli imaknonikoed. Is. 59:20 |
| 28304 | ROM 11:27 | Bab Dummad sogbalid: “An Israel-dulemarga iskued elisar, geb weyob an amarga igar-mesoed.” Jer. 31:33-34 |
| 28311 | ROM 11:34 | Bab-Dummad-Gardagi sognaid: ¿Doa Bab-Dummad-binsaed bela mag itosa? ¿Degine, doa Bab Dummadga binsaed-ukedga gussunna? Is. 40:13 |
| 28312 | ROM 11:35 | ¿Degine, doa Bab Dummadga na-e-inse gebe ibmar-uksa, adi Bab Dummad a-dulega ibmar-ukmogagar? Job 41:11 |
| 28332 | ROM 12:19 | Gwenadgan-sabemalad, dule be-oakalosale, melle buged-mai be imakmar. Suli, degisuli. Bab Dummad a-dule sabsur-odurdaked be imakmar. Ar Bab-Dummad-Gardagi narmakar naid: Bab Dummad soged: “Buged-mai-imaked angadid, ani an buged-mai imakoed.” Dt. 32:35 |
| 28333 | ROM 12:20 | Degisoggu: Be-istarad ukumada itogele, mas-gunned ega be uke. Uku-uku itogele, be ogobe. Ar deyob be imakele, adi a-dule nue be obingesaoed. Pr. 25:21-22 |
| 28343 | ROM 13:9 | Ar igar maid: Mer abirgunagwarsuli na be dikarba yolemaloye. Mer na be oburgwemaloye. Mer atursamaloye. Mer binsa gakansaar ibmar be sogmaloye. Mer dulemar-baid-ibmar-bina sogmalo. Ex. 20:13-17 Degine, igar-baid igi-maibar-dibe, bela irgwen-sogar weyob soglesiido: Dule-baid na be be-san sabguedyobi be sabgumogoye. Lv. 19:18 |
| 28359 | ROM 14:11 | Ar Bab-Dummad-Gardagi narmakar naid: Bab Dummad soged: “Ar an dula gudiid, an-asabin bela dulemar yokorgi sindigar sigmaloedbiid, Degine, bela dulemar anga sogmaloed, be Bab Dummadye.” Is. 45:23 |
| 28374 | ROM 15:3 | Ar Cristo-bela ibmar na dukin yeer-itogega imaksasulid. Ar igi Bab-Dummad-Gardagi narmakar nai, deyob gusad: Dulemar begi istar sunmaknanaid angi yolenonimogad. Sal. 69:9 |
| 28380 | ROM 15:9 | Degine, Cristo nonibalid, Bab Dummad Judiosurmalad-wilesakwaa-daked-ular, Judiosurmalad Bab-Dummad-nug ogannogegar, ar igi Bab-Dummad-Gardagi narmakar nai: Degisoggu, Judiosurmalad-abargi an be-ogannogoed, degine, an be-nug odummogega an namakbaloed. 2 S. 22:50; Sal. 18:49 |
| 28381 | ROM 15:10 | Amba Bab-Dummad-Gardagi sognaibalid: Bemar-Judiosurmalad, Bab-Dummad-dulemarba bemar wergumarmoye. Dt. 32:43 |
| 28382 | ROM 15:11 | Degine, Bab-Dummad-Garda amba sognaibalid: Bela Judiosurmalad, bemar Bab-Dummad-nug ogannomarye, degine, bela dulemar-abe-akar-akarmalad, bemar Bab-Dummad-nug odummomarye. Sal. 117:1 |
| 28383 | ROM 15:12 | Amba Isaías weyob narmaksamogad: Igi sapi-saila nie, deyob Isaí-e-wagwa nodamogoed. Degine, we-dule, belagwapa napneg-naid-ugakase neg-dakmai guoed. Degine, Judiosurmalad, a-dulegi nue bensuli edarbedii-gumaloed abonolemalagar. Is. 11:10 |
| 28392 | ROM 15:21 | Ar Bab-Dummad-Gardagi narmakar naidyob: Dulemarga-Bab-Dummadgi-sunmaklessurmaladi, amar Bab-Dummad-itononimaloed. Degine, dulemar-Bab-Dummad-gwen-itodisurmaladi, mag itononimaloed. Is. 52:15 |
| 28450 | 1CO 1:19 | Ar Bab-Dummad-Gardagi narmakar naid: Bab Dummad soged: “Dulemar-binsaed-ibegan-e-binsaed an osulogoed, degi, dulemar-ibmar-mag-ito-gudimalad ibmar aku-itoge an imakoed.” Is. 29:14 |
| 28462 | 1CO 1:31 | Adi Bab-Dummad-Gardagi narmakar naidyob guegar: Ar dule na san-dummarba itobiele, Bab-Dummad-nuggi bur san-dummarba na itodo. Jer. 9:23-24 |
| 28471 | 1CO 2:9 | Ar weyob bato iduar Bab-Dummad-Gardagi narmakar sognaid: Bab Dummad ibmar-nuegan guagwar na e-sabmaladga bato nasiksaye. We-ibmarmar dule gwen dakdisulid, dule gwen itodisurbalid, degine, dule gwen egi bipisaar binsadisurbalid. Is. 64:4 |
| 28478 | 1CO 2:16 | Ar Bab-Dummad-Gardagi soged: ¿Degite, doa Bab-Dummad-binsanaid wissunna? ¿Doa Bab-Dummad-odurdakosunna? Is. 40:13 Suli, dule geg deyob imake. Anmardi Cristo-binsaed nikmalad. |
| 28497 | 1CO 3:19 | Ar we-napneggined-binsaed-nued, Bab Dummaddi binsa binsaed-agumaked daked, ar Bab-Dummad-Gardagi sognaid: Dulemar-na-binsaed-nikaye-sogdimalad, Bab Dummad a-dulemar na dukin yardakega imak-daye. Job 5:13 |
| 28498 | 1CO 3:20 | Degine, amba Bab-Dummad-Gardagi sognaibalid: Bab Dummad, dulemar-binsaed-nue-nikaye-sogdimalad-e-binsaed nue wisid, ar amar-binsaed binsaled-daked. Sal. 94:11 |
| 28535 | 1CO 5:13 | Ar dule-yo-Bab-Jesús-amimaladi Bab Dummad ega igar-itogoed. Degisoggu, a-ulale, Bab-Dummad-Gardagi sognaidyob be imakmarsundo: Dule-iskana bemar-abargi be onomarsunye. Dt. 17:7 |
| 28551 | 1CO 6:16 | ¿Ar amba be wichurmarbarsi, dule ome-gamba-nuchu, na e-omega imaksar, ebogwad na san-wargwennagwadga gunoni-daed? Ar Bab-Dummad-Gardagi sognaid: Ome na sui-ebogwad dule-wargwennagwadga gunoni-daye. Gn. 2:24 |
| 28617 | 1CO 9:9 | Ar Moisés-igar-mesisadgi narmakar igar sognaid: Moli-bebe-nikad ibmar-gwag egwirmaknair, mer e-gaya edinno, ar moli ibmar-gwag sunna maoed, na egwirmaknaidba. Dt. 25:4 ¿Ar Bab Dummad unnila moli-bebe-nikad wile-dakedba deyob sogsa be insae? |