23236	MAT 1:23	Emi be dake, yagwa-wargwen gurgin-nika guo, machi-nikunoniko, Emanuelye nugsalegoed. Is. 7:14 Emanuel sogleged, “Bab Dummad anmarba gudiiye.”
23522	MAT 10:36	Ar neg-yaginmalad na e-istarmaladga gunonimaloed. Mi. 7:6
23643	MAT 13:35	Ar Bab-Dummad-gaya-burba-berbeged sogsa-gusadba guegala, deyob Jesús sunmak-gusdo, deun sogsa-gusgu: An sunmakdogu, burbar an sunmakoed, nega-saila-akar ibmar-dukuar-mamaid an odulogega, burbar an sunmakoed. Sal. 78:2
23706	MAT 15:4	Ar Bab Dummad sogsad: Be-bab-nug, degi, be-nan-nug, be odummogoye. Ex. 20:12; Dt. 5:16 Degine: Dule-gwensak babgi, igi, nangin-dibe gaya-ichakwa sunmaksale, a-dule oburgwemaloye. Ex. 21:17; Lv. 20:9
23835	MAT 19:4	Jesús, abin-imakdegu, sogde: “¿Ar bemarde Bab-Dummad-Gardagi absodisurmarsi: Gebesailagi Bab Dummad we-napneg nasikargu, machered ome-ebo abirgunagwar ogwisgunonikid?” Gn. 1:27; 5:2
23908	MAT 21:13	Jesús amarga sogded: —Bab-Dummad-Gardagi narmarkar naid: Bab Dummad soged: ‘An-nega, anse-goled-negye nugguoed.’ Is. 56:7 Ar emigindi bemardi atursamalad-negga imaksamalad.
24041	MAT 24:15	Jesús sogdebar: “Bab-Dummad-gaya-burba-berbeged-Daniel, wegi-narmaksa, sogsado: Bab Dummad ibmar-istar-dakedi, Bab-Dummadse-goled-neg-islidikidse dognonikogu, Neg-nued neg-iskanaga imakoed, Ar ade a-negse dogedsulinad. Dn. 9:27; 11:31 Ani Jesús, an bemarga sogdo: Bemar deyob neg dakalile, we-Daniel Bab-Dummad-gaya-burba-berbeged-sogsa-gusadba gunaido. Emi be nabir-garda-absodimalad mag ittos namaloed.
24154	MAT 26:31	Geb degi Jesús na e-sapinganga sogded: —Belagwapa emi-mutik bemar angi bangudmaloed, ar ade Bab-Dummad-Gardagi narmakar naid, sognaid: ‘Sibad-wawaad-edarbed an oburgoed, Geb agi sibad-wawaad bela duurmakdoed.’ Zac. 13:7
24542	MRK 7:10	Ar Moisés sogsa-gusad: Be-babgi, degi, be-nangi binsaed-nikaa damaloye. Ex. 20:12; Dt. 5:16 Degine, Moisés sogsabalid: Dule-gwensak babgi, nangi gaya-ichakwa sunmaksale, a-dule-oburgwilegoye. Ex. 21:17; Lv. 20:9
24663	MRK 10:6	Ar Bab Dummaddi deyob igar-mesissulid. Bab Dummad gebesaila neg nasikargu, machered, ome-ebo abirgunagwar ogwisnonikid. Gn. 1:27
24726	MRK 11:17	Agi Jesús dulemar-odurdakde, sogded: —Bab-Dummad-Gardagi narmakar naid: Bab Dummad soged: ‘An-neg bela dulemar-soga-ilaba-anse-goled-negye nugguoye.’ ¿Ar ade deyob sognaisursi? Ar emigindi, bemardi atursamalad-negga imaksamargu. Is. 56:7; Jer. 7:11
24800	MRK 13:14	Jesús sogdebar: “Bab-Dummad-gaya-burba-berbeged, Daniel, wegi-narmaksa, sogsado: Bab-Dummad-ibmar-istar-dakedi, Bab-Dummadse-goled-negse dognonikogu, neg-nued neg-iskanaga imakoed, ar ade a-negse dogedsulinad. Dn. 9:27; 11:31 Ani Jesús, an bemarga sogdo: Bemar deyob neg dakalile, we Daniel-sogsagusadba gunaido. Emi be-nabir-garda-absodidimalad mag ittos namaloed. Degisoggu, a-ibagi Judeagi be gudiile, yalaganba be wakinsun.
24850	MRK 14:27	Geb degi, Jesús na e-sapinganga sogded: —Belagwapa emi-mutik bemar angi bangudmaloed, ar ade Bab-Dummad-Gardagi narmakar naid, sognaid: Sibad-wawaad-edarbed an oburgoed, Geb agi sibad-wawaad bela duurmakdoed. Zac. 13:7
25846	LUK 19:46	Jesús amarga sogded: —Bab-Dummad-Gardagi narmakar naid: Bab Dummad soged, An-nega anse-goled-negye. Is. 56:7 Ar emigindi, bemardi atursamalad-negga imaksamalad.
26357	JHN 6:31	¿Bedi ibi anmarga ukosunna? Ar anmar-dadgan nega-dule-sulidgangi maná-guchamalad, ar Bab-Dummad-Garda sognaid: Ede dadganga madu-nibneggi-danikid uksaye, gunnegar. Ex. 16:4; Sal. 78:24
27190	ACT 7:5	A-yargi Abrahamga nainu gwen uklessulid, bipi-goakwasar-bela sate. Degite Bab Dummad ega sogsad: We-yar an bega ukoye, degi, be-waganga be-sorba an ukbaloye. Gn. 12:7 Deyob ega-sogsa-unni amba yo Abraham mimmi-nikueunnid.
27219	ACT 7:34	Emide an daksad, degi, an itosbalid, igi an-dulemar Egipto-yargi-bukwadi wilebukwa. Degisoggu, aga an aidenonikid, an-dulemar-bendakegar. Degisoggu, Egipto-yarse an be-barmidoed, an-dulemar-ononaegar.” Ex. 3:5, 7-8, 10
27228	ACT 7:43	Suli, anga uksasurmalad. Bur Moloc be-bab-dummadga bemar imaksamalad, degi, a-surba bur be sesmalad. Degi niskwa-Refán bab-dummadyob bemar na dukin sobsamalad, a bur be-bab-dummadga bemar imaksamalad. A-ulale, Babilonia-neggwebur-obinale an be-barmidmaloed, sabsur be-odurdakmalagar. Am. 5:25-27
27278	ACT 8:33	Bela-bela egi dodosmaladgi, igar-maidba gwen ega imaksasurmalad, igar gwen nabirossurmalad. Degisoggu, ¿doa e-wagangi bar sunmakosunna? Ar ade oburgwismalad. Is. 53:7-8
27464	ACT 13:33	Ar anmar e-wagan gusoggu, anmarga Bab Dummad we-Jesús-burgwar-maid na odulononikid, ar igi bato narmakar Salmo-bogwadgi nai: Be An-Machi-sunnad, emi-ibagi an bega oyonaid, an be-Bab-sunnad guye. Sal. 2:7
27960	ACT 27:37	Belagwapa anmar urgi-nadapidi, anmar dulataled-ilabo-gakadulapaa-gakambe-gakanergwa (276) mergumalad.
28073	ROM 3:14	E-gaya bela-bela-sae-itogedgi dule-ukabsaedbi sedimalad. Sal. 10:7
28076	ROM 3:17	Degine, dulemarba bogidik-nanaed gwen wichurmalad. Is. 59:7-8
28107	ROM 4:17	Bab-Dummad-Gardagi narmakar naidyob: Bab Dummad soged: “Ani an dulemar-bukidarad-akar-akar-bukmalad e-dad-sailaga an be-imaked.” Gn. 17:5 Abraham Bab-Dummad-asabin anmar-dadad. Bab Dummad dulemar-burgwismalad gannar oduloged, degine, ibmar-amba-yo-ambikued e-nugba ese goled bato ibmar ambikusadyob. We-Bab-Dummadgi Abraham bengussulid.
28271	ROM 10:15	¿Ar degite, igi Bab-Dummad-gaya-burba-nuedgi dule ega sunmakosunna, ar dule ese barmiledsulir? Suli, ega sunmakosuli. Ar weyob Bab-Dummad-Gardagi narmakar naid: Ibibayobi nuedi, we-dulemar-gaya-burba-nuegan-berbemalad, sogdanimalad, Bab Dummad dulemar-ebo igar nudakye. Is. 52:7
28343	ROM 13:9	Ar igar maid: Mer abirgunagwarsuli na be dikarba yolemaloye. Mer na be oburgwemaloye. Mer atursamaloye. Mer binsa gakansaar ibmar be sogmaloye. Mer dulemar-baid-ibmar-bina sogmalo. Ex. 20:13-17 Degine, igar-baid igi-maibar-dibe, bela irgwen-sogar weyob soglesiido: Dule-baid na be be-san sabguedyobi be sabgumogoye. Lv. 19:18
28382	ROM 15:11	Degine, Bab-Dummad-Garda amba sognaibalid: Bela Judiosurmalad, bemar Bab-Dummad-nug ogannomarye, degine, bela dulemar-abe-akar-akarmalad, bemar Bab-Dummad-nug odummomarye. Sal. 117:1
28535	1CO 5:13	Ar dule-yo-Bab-Jesús-amimaladi Bab Dummad ega igar-itogoed. Degisoggu, a-ulale, Bab-Dummad-Gardagi sognaidyob be imakmarsundo: Dule-iskana bemar-abargi be onomarsunye. Dt. 17:7
28831	1CO 15:45	Ar weyob Bab-Dummad-Gardagi sognaid: Adán, gebesaila we-napneggi dule-aidenonikid, dulasaila gunoniye. Gn. 2:7 Adán-sorbaliddina, a-sogleged, Cristo, adina dulega burba-oduloged uked.
28982	2CO 6:16	¿Degine, Bab-Dummadse-goled-neg, bab-dummadga-imaklemalad-ebo sunna balibi guo be insae? Suli, degisuli. Ar ade bemar Bab-Dummad-Dula-Maidse, ase-goled-negga gumalad, igi Bab Dummad na sogsa-gusa: Amar-abargi an gudiguoed, degine amarba an nanadioed. Ani an E-Bab-Dummadga an guoed, degine, emar an-dulemarga gumogoed. Lv. 26:12; Ez. 37:27
28984	2CO 6:18	Bab-Dummad-Gandikidba-Maid weyob sogbalid: “Ani an bemar-Babga guoed, bemardi an-masmalaga, degi, an-bunamalaga gumarmogoed.” 2 S. 7:14
29179	GAL 3:10	Ar bela dulemar Moisés-igar-mesisadba-nanaedgi iskuedgi abonolebiele, amar bela bato ukabsales-bukmalad, ar ade Bab-Dummad-Gardagi narmakar naid: Dulemar Moisés-igar-maidba bela eba dasulile, amar Bab Dummadse bato ukabsales-bukmarye. Dt. 27:26
29185	GAL 3:16	Emigi, nabir, Bab Dummad Abrahamga ukoye sogsad, degine, e-wagwaga. Sogsulid: “E-wagangarye.” Deyobile, dulemar-bukidar-nik sogle-itole, emigindi soged, wargwenye: Be-wagwaye, Gn. 12:7 a sogledo, Cristoye.
29848	1TI 5:18	Ar Bab-Dummad-Gardagi bato sognaid: Moli-bebe-nikad ibmar-gwag egwirmaknair, mer e-gaya edinno, ar moli ibmar-gwag sunna maoed, na egwirmaknaidba. Dt. 25:4 Deginbali: Dulega, arbaed-bennukleged-igar ega nue maid. Mt. 10:10; Lc. 10:7
30035	HEB 1:5	Ar ade bipisaale Bab Dummad anger-wargwenga gwen weyob sogsasulid: Be an-machi, emi-ibagi an be-babga gunonikid. Sal. 2:7 Deginbali, Bab Dummad anger-wargwenaga gwen sogsasurbalid: Ani an e-babga guoed, e, an-machiga gumogoed. 2 S. 7:14
30039	HEB 1:9	Igar-inikigwad-bina bur be soged, igar-iskanadi istar be daksad. Degisoggu, Bab Dummad a-ular be-susad, be-Bab-Dummad, be-sordamarba dule-dummadga be-nug-imaksad, degine, weligwar itogega be-imaksabalid. Sal. 45:6-7
30042	HEB 1:12	Dule mor-nunud midedyob, bedi we-napneg, degi, nibneg metoed. Degine, dule mor-baid yoedyobi, be we-napneg, degi, nibneg be ogwamogoed. Ar bedi gwen gwagmaisulid, Degine, be birgamardi gwen berguosulid. Sal. 102:25-27
30057	HEB 2:13	Deginbali, Jesús sogbalid: An Bab Dummadgi benguosulid. Is. 8:17 Degine, sogbalid: Emigi, wegi an gudiid, Bab Dummad mimmigan anga uksadmala. Is. 8:18
30070	HEB 3:8	melle surye be sogmalo, be-dadgan Bab Dummadgi gwisgus-gusmaladyob. Deun nega-dule-sulidganbali be-dadgan Bab-Dummad-wilubdakdii nanasmargu. Sal. 95:7-9
30077	HEB 3:15	Amba anmarga sognaidgi: Emi-ibagi Bab-Dummad-gaya-burba be itogele, melle surye be sogmalo, be-dadgan Bab Dummadgi gwisgus-gusmaladyob. Sal. 95:7-8
30088	HEB 4:7	A-ular Bab Dummad gannar iba nasiknonikid, soged: “Emi-ibaginye.” Dikasurgus deyob sogsad, Davidbali emi anmarga sognaid: Emi-ibagi Bab-Dummad-gaya-burba be itogele, melle surye be sogmaloye. Sal. 95:7-8
30102	HEB 5:5	Ar deyobi Cristo na-dukin na san-odummossulid na dule-irwa-Bab-Dummadse-goled-bur-dummadga na-dukin nug imaksasulid, Bab Dummad ega sogsa-gusad: Be an-machi, emi-ibagi an be-babga gunonikid. Sal. 2:7
30125	HEB 6:14	deun sogsa-gusgu: Napira an bega soged, ibmar-ise-obinagwar an bega ukoed, degine, wagan-bukidar an bega ukbaloed. Gn. 22:16-17
30209	HEB 10:9	Degine, a-sorbali Cristo sogbalid: Bab Dummad, emigi an danikid, be-sogedba be-ibmar-imakbied an bega imakegar. Sal. 40:7-8 Weyob sogsagu, Bab-Dummad-gebe-igar-megisad, ibmar-dula-ega-ukleged, a osulosun, igar-binid una messun.
30314	HEB 13:6	Degisoggu, sunna Bab-Dummad-bensulidgi an sogmarsunnad: Bab Dummad an-bendakedid, degisoggu, igi dule an-imakbie, a an-dobguosulid. Sal. 118:6-7