23216	MAT 1:3	Judá-machidi Fares, degi, e-machi-baiddi Zara, We-machi-warbogwad-e-nandi nuga Tamar. Fares-machidi nuga Esrom, Esrom-machidi Aram.
23222	MAT 1:9	Uzías-machidi Jotam, Jotam-machidi Acaz, Acaz-machidi Ezequías,
23223	MAT 1:10	Ezequías-machidi Manasés, Manasés-machidi Amón, Amón-machidi Josías.
23226	MAT 1:13	Zorobabel-machidi Abiud, Abiud-machidi Eliaquim, Eliaquim-machidi Azor.
23227	MAT 1:14	Azor-machidi Sadoc, Sadoc-machidi Aquim, Aquim-machidi Eliud.
23228	MAT 1:15	Eliud-machidi Eleazar, Eleazar-machidi Matán, Matán-machidi Jacob.
23235	MAT 1:22	Ar José, degi, Maríaga weyob bela ibmar-gusadi, deyob gusdo, adi Bab Dummad, na E-gaya-burba-berbegedba, na ibmar-sogsadba guegar, deun sogsa-gusgu:
23236	MAT 1:23	Emi be dake, yagwa-wargwen gurgin-nika guo, machi-nikunoniko, Emanuelye nugsalegoed. Is. 7:14 Emanuel sogleged, “Bab Dummad anmarba gudiiye.”
23240	MAT 2:2	sognonimalad: —¿Bia Judiomar-E-Rey-gwalulesad mai? Ar ade anmar dada-nakwedba e-niskwa daksamalad, anmar ese danimarsunnad e-nug odummogegar.
23245	MAT 2:7	Degi Herodes, girmar-dada-nakwe-dorganse arbakee gochagua, ese nue egichialid, sana nue niskwade emarde daksamarye. Ega sogsamargu,
23249	MAT 2:11	Girmar-dada-nakwe-dorgan, neg-yaba dogdemargu, mimmi-dakdemar e-nan-María-walik mai, degi, yokorgi sindigar abin sigidmargu, mimmi-e-nug odummodmalad. Degine, girmar-dada-nakwe-dorgan na e-ulu egadmar, mimmiga ibmar-nuegan ukmalagar. Ega uksamalad: Olo, ibmar-wawadik-yapanned, degine, sapi-gunnugiid-wawadikmalad, mirra nugad.
23251	MAT 2:13	Ar girmar-dada-nakwe-dorgan-naded-sorba, agi Bab-Dummad-e-anger gabgi Josése nonikid, ega sognonikid: “Be gwisgu, mimmi, degi, e-nan be sue, Egiptose bemar wakin. Weba be gudigumalo an-bega-sogedse, ar ade Herodes mimmi-amidagoed, oburgwegar.”
23252	MAT 2:14	José atakargu, mimmi, degi, e-nan, yog suar imaksad, a-mutikidba Egiptose ega wakitesunnad.
23253	MAT 2:15	Agi gudigusmalad, Herodes burgwisadse. Bab-Dummad-ibmar-sogsadba guegala deyob gusad, deun Bab-Dummad-gaya-burba-berbeged sogsa-gusgu: An-machi Egiptogi mai, an ese gochad, Israel-yarse dagegar. Os. 11:1
23257	MAT 2:19	Herodes-burgwisad-sorba, Bab-Dummad-anger-wargwen, Egiptogi Josése gabgi nonikid,
23267	MAT 3:6	E-iskudiid na dukin-dukin barsognanai-guarmalad, geb Juan Bab-Dummad-digi-ogleged-igar imaknai-gualid, Jordán-diwargi.
23324	MAT 5:21	Degi Jesús sogdebar: “Be itosmalad, epenne igi serganga sogles-gusa: Mer na be oburgwemalo. Ex. 20:13 Ar dule-wargwen dule-oburgwisale, a-dulega odurdakleged-igar ega megnonikoed. Ex. 21:12
23330	MAT 5:27	Jesús sogdebar: “Ar be itosmalad igi serganga soglesa: Mer be na abirgunagwarsuli neg-sichigi be yolemalo. Ex. 20:14
23341	MAT 5:38	Jesús sogdebar: “Ar bemar itosmarbalid, epenne be-serganga soglesad: Ibya-gwagwen dule bei onosale, buged maiye, degine, nugar-wargwen dule bei bichisale, buged maibarye. Ex. 21:24; Lv. 24:20; Dt. 19:21
23350	MAT 5:47	¿Ar be-gwenadganbi ega be soger, ‘Be nued sogeye,’ ar ibu baiganba bur-nued be imakmarsunna? Bur-nued be imaksuli. ¿Ar deyob dulemar-Bab-Dummad-wichurmalad imakmosursi? Eye, deyob imakmarmoga.
23362	MAT 6:11	Emi-ibagi mas unnitibali anmarga be udage.
23376	MAT 6:25	Jesús sogdebar: “Degisoggu, an bemarga sogmar, mer surbinsa na be-san dula gudiidgi be itomar, ibu an gunno-dibeye, ibu an gobo-dibeye, degine, mer be-sangi be binsabar, ibu an yoo-dibeye. ¿Ar be-san-burbade mas-gunnedba bur nuedsursi? ¿Ar be-sande mor-yoedba bur nuedsursi? Eye, bur-nuedi. Anmar-dula-gudiid bur-biriginedid, we-mas-gunnedba, degine, we-mor-yoedba.
23377	MAT 6:26	“Ar nue be dakmalana, sikwimar-niba-gukudimalad, gwen ibmar-gwag digdisurmalad, degi, gwen ibmar-gwag wedisurmarbalid sabogegar, deginbali, ibmar-gwag-urbed-neggine ibmar-gwag gwen urbedisurmarbalid. Degite, be-Bab-nibneggi-maid mas ega ukmaid. ¿Ar bemarde sikwimarba bur-bule nuedsursi? Eye, bur-nuedi. Degisoggu, Bab Dummad bemarga mas-gunned ukmogodo.
23381	MAT 6:30	Ar gagan-sapurbarmalad emi dulad, banedgi a-gaganmarde soo-yagi bato ogumaklesiid, degite, Bab Dummad yeer-dakle ega mor yoed. ¿Ar degite, bemar-Bab-Dummad-benmalad, bemarga bur-bule Bab Dummad geg mor ukde? Eye sunna bur-bule bemarga uke.
23435	MAT 8:21	E-sapin-baid Jesúsga sogdemogad: —Dummad, bina an-babse an nagwelo, an-bab-burgwedse geb beba an naoed.
23444	MAT 8:30	Emar-gunaidgi undar-banguedgi deun sinmar-bukidar mas mananaid.
23446	MAT 8:32	Jesús ega sogde: —Eye, sinmarse be dognamar. Niamar dulegi nodgu, sinmarse nadmarsun, agi ubodapmalad. Bela sinmar-ichesulid, danagwen yar-weregedgi batidmalad. Demarse sinmar bela batismargu, bela gundilegar burgwismalad.
23461	MAT 9:13	Degisoggu, be namar, be durdaknamar, Bab Dummad igi soge na E-Gardagi: Nue wile emar-daked bur an abeged, anga ibmar-gummakar ukedba. Os. 6:6 Ar we-napnegse an nonigu, dulemar-nuegan, na iskudisur-itomaladse golega an nonisulid. An nonikidi, dulemar-iskudii-na-itomaladse golega, adi na e-iskuedga ulubgi bukib binsamalagar, mer bar iskumalagar.
23463	MAT 9:15	Jesús, abin-burbar-sogde: —¿Dulemar ome-nikued-ibagi mas-gullegedse nonikile, bukib binsamalo be insae, ar dule-ome-nikuoed e-abargi siir? Suli, bukib binsaosuli. Ar ibagan nonikoed, dule-ome-nikunaid e-idu seledoed, a-ibagan nonikile, agindi Bab-Dummadse-golega mas-gunsuli gudigumalodo. Emigindi amba an gudisoggu, an-sapingan geg mas-gunsuli gudigumardo.
23493	MAT 10:7	“Ar be nadmalale, Bab-Dummad-gaya-burbagi be sunmakmaloed, sogmaloed, ‘Emigindi Bab-Dummad-neg-dakmaid anmarse warmaksasunye.’
23502	MAT 10:16	Jesús, e-sapinganga sogded: “Emigi an na be-barmidmar, bemar sibad-wawaadyob, achu-burburumalad-abargi. Ar degisoggu, naibeyob bemar binsaed-nikarba damaloed degi-inigwele, baisursunna nuu-daeyob bemar damarbaloed, mer aimargi istar binsamalo.
23527	MAT 10:41	Ar dule-wargwen Bab-Dummad-gaya-burba-berbeged-abingaele, ar Bab-Dummad-gaya-burba-berbegedsoggu, Bab Dummad ega ibmar-nuegan ukodo, igi na E-gaya-burba-berbemaladga ibmar-nuegan ukdamogadyob. Degine, dule-wargwen dule-nued-ibmar-inikii-saed-abingaele, ar dule-nued-ibmar-inikii-saedsoggu, Bab Dummad ega ibmar-nuegan ukodo, ar igi dule-nued-ibmar-inikii-saedga ibmar-nuegan ukdamogadyob.”
23537	MAT 11:9	Ar degite, ¿ibi-dakega bemar arbisunna? ¿Bab-Dummad-gaya-burba-berbeged-dakegala? Eye, an bemarga sogmar, a bemar daksamalad, degine, Bab-Dummad-gaya-burba-berbegedba bur-bule bemar daksamalad, ar ade we bur-dule-dummadid.
23542	MAT 11:14	Ar bemarga-an-soged bemar abingabiele, Juan-Bautista, we Elías-danikoye-soglesad-duledo.
23546	MAT 11:18	Ar Juan we-napnegse nonigu, dule-baigan-mas-gunnedyob mas-gunsuli, degi, dule-baigan-gobedyob gobsuli gudigusad. Egi bemar sogsa-gusmalad, ‘Wedi nia egi naiye.’
23551	MAT 11:23	“Emide bedi Capernaum-dorgan, na be nibnegse-onakwiles-gusadyobi, be-nug ogannoles-gusanad. Emigindi, be uluba-odurdakleged-negse odelegoedyob, be-nug iskunonikoed. Ar Sodoma-neggweburgi we-ibmar-dakledisurmalad be-neggweburgi-imaklesadyob imaklesana, we-Sodoma-neggwebur amba emi-ibaganse degina siindo.
23554	MAT 11:26	Eye, Bab, ar ade deyob be abesad.”
23555	MAT 11:27	Jesús sogdebar: “Bela-ibmarmar an-Bab anga uksadi. Dulemar-wargwensaar Bab-Dummad-Machi-mag-daked satemalad, unnila Babbi mag daked, degi, Bab-aku-dakmarbalid, unnila E-Machibi mag Bab-daked, ar doaga E-Machi na e-Bab-osanalobie, agarbi na osanalodo.
23576	MAT 12:18	Emi be dakena, an-mai, anga arbaega an susad. An nue na sabed, an-burba egi nue-weligwar itoged. An-Burba-Nued an ega ukoed, ar dulemar-Judiosurmaladga igar-naboged-igargi sunmakoed.
23605	MAT 12:47	Dule-wargwen Jesúsga sokar: —Emi be-nan, degi, be-urbamar, neg-magaba be-edarbebukmalad, bebo sunmakbimalad.
23626	MAT 13:18	Jesús sogdebar: “Emi bemar nue itomarsun, ibmar-gwag-digedgi burbar an-bemarga-sunmaksad-igar:
23636	MAT 13:28	Nainu-ibed, abin-imakdesun: ‘An-istarad we-gagan-iskana digsad.’ E-maigan, abin-imakdemar: ‘¿Anmar we-gagan-iskana ungenabi be abege?’
23644	MAT 13:36	Geb degi dulemar Jesúsgi bangudgua, Jesús neg-yaba dogdesun. E-sapingan Jesússe walik gunonimargu, ega sogdemalad: —Anmarga be odulo, we ibi obare, gagan-iskanagi burbar be anmarga sunmaksad.
23659	MAT 13:51	Jesús geb e-sapinganga sogdesun: —¿Ar bela Bab-Dummad-neg-dakmaidgi an-bega-sogsamalad mag be itomala? Jesús-abin, sogdemar: —Eye, Dummad, bela mag an itomar.
23681	MAT 14:15	Bato neg-sedodgu, e-sapingana Jesússe warmaknonimalad, ega sogdemalad: —Emi anmar nega-dule-sulidgangi bukmalad, degine, bato neg-sedodbalid. Degisoggu, dulemar be barmid, adi neggweburmarse namalagar, adi agi mas-gunned na bakmaloed.
23683	MAT 14:17	E-sapingan, abin-sogdemar: —Anmar wegi mas sated, unnila madu-gwaatar, degi, ua-ukabo anmar nikmalad, degite, ¿igi anmar we-dulemar masgi ogunmalosunna? Geg anmar masgi ogunmalad.
23706	MAT 15:4	Ar Bab Dummad sogsad: Be-bab-nug, degi, be-nan-nug, be odummogoye. Ex. 20:12; Dt. 5:16 Degine: Dule-gwensak babgi, igi, nangin-dibe gaya-ichakwa sunmaksale, a-dule oburgwemaloye. Ex. 21:17; Lv. 20:9
23711	MAT 15:9	Ar binsa askinbi amar anse gordimalad, an-nug odummomalagar. E-igar-maid odurdakeddi, dulemar-igar-mesisadba bur odurdakmalad. Is. 29:13
23736	MAT 15:34	Jesús na e-sapinganga sogde: —¿Madu-bigwa bemar nikmarsunna? E-sapingan, abin-sogde: —Madu walagugle anmar nikmalad, degi, ua anmar wis nikmarbalid.
23744	MAT 16:3	Degine, neg-wagdar bemar sogmarbardo: ‘Emi mogir ber ginnidikid, degine, gutumar yaisurbalid, degisoggu, dii burwaba mesa wioed.’ ¡Bemar wagar-darbo-damalad-dulemar! Ar di-wioeddi magar bemar dakmalad, degite, bemar-abargi ibmar-gunaiddi aku bemar dakmalad.
23753	MAT 16:12	Geb degi Jesús-sapingan nue mag itosmalad, ega sogsad, madubur-inagi nue salakarmarye, nue madubur-ina-sunnadgi ega sogsulid. Ega soged, Fariseomar, degi, Saduceomar-ibmar-odurdakedgi nue salakarmarye.
23755	MAT 16:14	E-sapingan abin-sogdemar: —Gwenna-gwenna Juan-Bautistaye, be-nik sogmalad. Baigandi sogmalad, be Bab-Dummad-gaya-burba-berbeged Elías-nugadye. Agi baigan sogmarbalid, be Jeremíasye, ar a sulile, baigan sogmarbalid, be Bab-Dummad-gaya-burba-berbeged epenne-gudigusad-wargwenye.
23757	MAT 16:16	Simón-Pedro Jesús-abin sogde: —Be Cristo, Bab-Dummad-dule-wargwen-barmidagoye-sogsad-dule, Bab-Dummad-Dula-Maid-E-Machi-sunnad.
23768	MAT 16:27	“Ar Dule-Machi na E-Bab-ganguedgi, degi, yeer-daklegedgi na e-angermar-abargi we-napnegse danikir, geb degi bela wala-walagwen dulemarga ibmar uknonikoed, na e-ibmar-imaksamaladba.
23772	MAT 17:3	Geb agi Jesús-sapingan-warbaagwad dakdemalad, dulemar epenne-dula-gudigusmalad, Moisés, degi, Elías, amar Jesúsmala sunmakgwichi.
23773	MAT 17:4	Geb degi Pedro Jesúsga sogdesun: —Dummad, we nueddo wegi anmar gudigu. Ar be abegele, anmar wegi obunnoged-neg-gwapaa sobmalodo: Gwagwen bega, baid Moisésga, geb baid Elíasgarmo.
23777	MAT 17:8	E-sapingan nono-onakwidmargu, dakdemalad, unnila bato Jesúsbi walagwen gwichi.
23779	MAT 17:10	Geb degi e-sapingan Jesússe egichiarmarsun, ega sogdemar: —¿Ibiga degite, escribamar sogmarsunna, Bab-Dummad-dule-wargwen-barmidagoye-sogsad-dule-nonikoed-idu, Elías-inse nonigweloye?
23780	MAT 17:11	Jesús, abin-imakdegu, sogded: —Ar napiragwad, Elías-inse bina nonikoed, bela-dulemar Bab-Dummad-igargi-binsaega nudaknonikoed.
23781	MAT 17:12	Ar andi an bemarga soged, Elías bato nonikid. Nonigu, aku-daksa-gusmalad, ar igi na imakbi-gusmala, deyob Elías-imaksa-gusmalad. Amba deyob ani Dule-Machi, amarse odurdaklemogoed.
23792	MAT 17:23	Geb agi dulemar an-oburgwemaloed. Ar degite, ibapaagi gannar an durguoed. E-sapingan Jesús-deyob-ega-soge itoarmargu, nue wile-itodmalad.
23794	MAT 17:25	Pedro, abin-sogde: —Anmar-odurdaked-saila bennuke. Negse Pedro dogdegua, Jesús-inse ega sunmakalid, ega sogded: —Simón, be dakegua, reymar-we-napnegginmalad ¿doamargi we mani ga-damar be insae? ¿E-sordamargine, igi, dulemar-baigangine?
23795	MAT 17:26	Pedro, abin-sogde: —E-sordasurmaladgi mani galeged. Jesús Pedroga sogdesun: —Degisoggu, e-sordamardi geg bennuksundo.
23827	MAT 18:31	Ebo-arbamalad deyob daksamargu, bukib binsadmalad, nadmargu, e-dummadga bela sogdapmalad, emar na ibmar daksamalad.
23832	MAT 19:1	Emi Jesús weyob-ibmar-sogsad-sorba, Galileagi bangudsun, Judea-yalaganba, Jordán-diwar-obakar nade-gusad.
23841	MAT 19:10	E-sapingan Jesúsga sokarmarsun: —Ar weyob macheredga ome-nikued-sik ega igar maile, mer bur ome-nikued nabir.
23850	MAT 19:19	Be-babgi, degi, be-nangi nue-binsaed-nikaa damalo. Degine, na be dukin san-sabeyobi, emar be sabgumogo. Ex. 20:12-16; Dt. 5:16-20; Lv. 19:18
23851	MAT 19:20	Sapingwa, Jesús-abin sogde: —Gusgu an sapingwagwad-akar bela we-igarmar-mamaidba an nanadiid. Emidi, ¿ibubi napi-imaked an abesunna?
23856	MAT 19:25	E-sapingan, Jesús wegi-soge itosgu, nue geger-ito nadmalad, ar ade mani-ibgan bur-baisursunnaa abonolegoye bimalad. A-ulale, sogdemarsunnad: —¿Ar doa degite, sunna abonolegosunna?
23879	MAT 20:18	“Emi anmar Jerusalénse nadapid, Ani Dule-Machi, dule-irwa-Bab-Dummadse-gormalad-e-dummaganga, degi, escribamarga uklegoed. Amar anga igar-itosmalar, sogmaloed, oburgwemarye.
23883	MAT 20:22	Jesús, ome-abin imakdegu, sogde: —Ibmar bemar egisnanaid, bemar wichurmalad ibu be egisnanai. ¿Ar nue dummad-an-wilegoedgi sunna bemar wilemogosi, an nog-goboedyob? Degine, ¿an digi-ogaledgi sunna bemar oglemogosi? Emar, abin-imakdemargu, sogdemar: —Anmar sunnamala.
23900	MAT 21:5	Siongi-bukmaladga be soge: “Emi, be-Rey bese danikid, Na gwage eikwaa, moli-uaya-suid-birgi sii, Moli-uaya-suid-e-mimmi-birgi sii, Moli-uaya-suid ibmar-berbeged-e-mimmi-birgi-sii bese danikid.” Zac. 9:9
23911	MAT 21:16	Amar Jesúsga sogdemalad: —¿Be itoge burwigana ibmar sogbukmalad? Jesús, abin-sogde: —Eye, an itoge; ¿Ar bemar Bab-Dummad-Gardagi absodisurmarsi? Burwigangi, degi, amba mimmigan-nunanaidgi, Amar-sunmakedgi be-nug-odummoged be imaksad. Sal. 8:2
23914	MAT 21:19	Igar-dikarba higuera-sapi-gwichi dakargu, ese nade-gusad. Ese modapgu, san sate dakalid, unnila e-gaganbi nika. A-sapiga Jesús sogdesun: —Be bipisaale bar gwen durbamakosulid. Agi higuera-sapi dinguded.
23925	MAT 21:30	Bab na machi-baidse nadbardo, ega amba deyob sogdapbardo: ‘An-nainuse be uva eminao.’ E-machi e-bab-abin sogde: ‘Baba, eye, an arbanao.’ Ar degite, we-machi nadsurdo, arbanadsurdo.”
23945	MAT 22:4	“Geb agi rey e-maigan-baigan-barmisbalid, ega sogsad: ‘Dulemar-ibase-danimaloedga sogo: Emi wegine, guagwar bemarga an mas imaksamar, molimar, degine, ibmar-unimalad-gwallu-ibegan an bemarga oburgwismar, bato bemarga guagwar bukwad, degisoggu mer ikumalo, ibase dagmalo.’
23965	MAT 22:24	ega sogdemalad: —Odurdaked-saila, Moisés sogsa-gusdo: Ia mimmi-nikussuli ome-idu burgwisale, E-urba a-ome-nikuoye, Adi e-iaga anagan-urbegar. Dt. 25:5
23973	MAT 22:32	Ani an Abraham, Isaac, degi, Jacob, amar e-Bab-Dummad. Ex. 3:6 Degisoggu, Bab Dummad, dulemar-burgwarmalad-e-Bab-Dummadsulid. Bab Dummad, dulemar-dula-gudidimalad-e-Bab-Dummadid. Ar Abraham, Isaac, degi, Jacob, amar burgwismar-inigwele, Bab Dummadgardi amba dula gudidimalad. Degisoggu, bemar nue noar sogmardo.”
24003	MAT 23:16	“¡Ar bemar dule-wilesmar, bemar dulemar-idumalad-ibya-sulidmalad! Emi bemar soged: ‘Ar dule-wargwen sogsa-dibe Bab-Dummadse-goled-neg-nuggi napira an bega sogye, an ibmar saoye. Gwen akarsulid, degi-sogsadba ibmar-imaksulir. Ar dule Bab-Dummadse-goled-neggi-or-siid-nuggi, adi degi-sogsardi, degi-sogsadba saer-gebed.’
24041	MAT 24:15	Jesús sogdebar: “Bab-Dummad-gaya-burba-berbeged-Daniel, wegi-narmaksa, sogsado: Bab Dummad ibmar-istar-dakedi, Bab-Dummadse-goled-neg-islidikidse dognonikogu, Neg-nued neg-iskanaga imakoed, Ar ade a-negse dogedsulinad. Dn. 9:27; 11:31 Ani Jesús, an bemarga sogdo: Bemar deyob neg dakalile, we-Daniel Bab-Dummad-gaya-burba-berbeged-sogsa-gusadba gunaido. Emi be nabir-garda-absodimalad mag ittos namaloed.
24048	MAT 24:22	“Ar Bab Dummad a-ibagan-wileged giar imaksasulina, dulemar a-ibagangi gwen wakinosurmalanad, bela burgwemaloenad. Emigindi Bab Dummad na e-sordamar bato nugsaar-ese-gollesmalad-sabedba a-ibagan giar nasiksad.
24079	MAT 25:2	E-atale dakleargu, nue-binsaed-nikaa damardo, degi, e-atarbali gwen binsaed nikmarsurdo.
24080	MAT 25:3	E-ataled-binsaed-surmaladi, gwallu na sesmargua, gwen e-gwallu-dii-baid butegi enossurmalad.
24092	MAT 25:15	Emarga-uksadi na e-mani-onoged-sik gurgin-nikadbar. Wargwenga mani-talento-atar ega uksad, baidga mani-talento-bogwa uksad, degi, baidga talento-gwensak uksamogad. Mani-ibeddi dikasur nadsunnad.
24098	MAT 25:21	“E-dummad ega sogded: ‘Nued, be mai-nued, mai-gwen-akussulid. Ar ibmar-ichesaaledgi gwen akussuli be arbasad, ibmar-ichesur an bega uksunnoed. Degisoggu, an-werguedba be wergumosun.’
24100	MAT 25:23	“E-dummad ega sogde: ‘Nued, be mai-nued, mai-gwen-akussulid. Ar ibmar-ichesaaledgi gwen akussuli be arbassoggu, ibmar-ichesur an bega uksunnoed. Degisoggu, an-werguedba be wergumosun.’
24103	MAT 25:26	“E-dummad, abin-sogdegu, ega sogded: ‘Be mai-iskana, mai-wiegala, be wisinad, an-ibmar-digsasulidgi an ibmar-weed, degine, an arbasulidgi ibmar an webalid.
24125	MAT 26:2	—Bemar wismalad, Bab-Dummad-Israel-Dulemar-Egiptogi-Wilebukwa-Onosad-Iba ibabose nagudoed. Agine, ani Dule-Machi, uklegoed, adi nakrusgi biokmalagar.
24140	MAT 26:17	Judio-ibagi, Madu-Ina-Niksuli-Gulleged-Iba-gebe-onodedgi, e-sapingan Jesússe nonimalad, ega sognonimalad: —¿Bia anmar guagwar bega neg amimaloe, Bab-Dummad-Israel-Dulemar-Egiptogi-Wilebukwa-Onosad-Ibagi mas-gulleged gunnegar?
24141	MAT 26:18	Jesús amarga sogde: —Neggweburse be namar, an-bega-dule-wargwengi-sogoedse. A-dulega be sogmaloed: ‘Odurdaked-saila sogye: An-ibagan omosye. Be-neggine an sapinganmala, Bab-Dummad-Israel-Dulemar-Egiptogi-Wilebukwa-Onosad-Iba an dakmaloye.’
24158	MAT 26:35	Pedro, abin-sogde: —Ar an beba burgweye sogele, amba an be-osulogosulid. E-sapingan-baigan bela degibi sogdemalad.
24168	MAT 26:45	Geb degi Jesús e-sapinganse nonikid, ega sognonikid: —Bemar gabmarsun, bemar obunnomarsun. Emigindi wachidi omossun. Ani Dule-Machi, dulemar-iskudidimaladse darba uklesokarsun, adi an-oburgwemalagar.
24179	MAT 26:56	Emigindi ar igar-maidbali, adi Bab-Dummad-Gardagi narmakar Bab-Dummad-gaya-burba-berbemalad-narmaksadba guegala deyob gunonikid. Degi Jesús-sapingan Jesús wargwen mete, e-idu bela duurmakdemarsun.
24191	MAT 26:68	Ega sogdemalad: —Cristo, ar bela be ibmar wissoggu, anmarga be soge, ¿doa be-bibyossunna?
24200	MAT 27:2	Edinnar Jesús-sesmalad, neggwebur-dakmaidse Poncio-Pilato-nugadse, aga ukdapmalad, Jesúsga igar-itogegar.