23219	MAT 1:6	Isaí-machidi Rey-David, Rey-David-machidi Salomón, Salomón-e-nandi Urías-e-omega-gusad.
23244	MAT 2:6	Be, Belén-neggwebur, Judea-yalagi siid, be baisur-dakle-inigwele, ar neggwebur-baiganba be-bur nue nug nikad, ar ade begi dule-neggwebur-seoed nodagoed, adi an-dulemar-Israel-akwegar, igi sibad-wawaad-edarbed na e-sibad-wawaad-akwemogadyob. Mi. 5:2
23273	MAT 3:12	“Igi dulemar madubur-gwagwaled egwamala, deyob we-a-dule, dule-dummadid, bato guagwar e-argangi bigbi ganigwichid, madubur-gwagwaled na egwaoed, degi, na madubur-gwagwaled-nued na nue e-urbedgi na urboed, e-ukadi soogi ogumakoed, ar we-soode geg soo ginnedid, degi-gasii-sadeguad-sood. We sogledo, dule-an-sorba-danikoed madubur-gwagwaledyob dulemar-imakmogoye.”
23486	MAT 9:38	Degisoggu, nainugi-ibdula-gwag-weleged-e-ibedse be wilesakwaa egismar, adi e-nainuse ibdula-gwag-wemalad-barmidagegar.
23490	MAT 10:4	Simón, a-dule cananista-sorda, degine, Judas-Iscariote, darba-Jesús-uksad-dule.
23542	MAT 11:14	Ar bemarga-an-soged bemar abingabiele, Juan-Bautista, we Elías-danikoye-soglesad-duledo.
23638	MAT 13:30	Bur ebobela itoba na dungumaimaloed, ibmar-gwag-weleged-ibaganse. A-ibagangi ibmar-gwag-wemaladga an sogoed, bina gagan-iskana-inse be wemargwerye, amar danar-danar edinmarye, ogumakegar, orosgii-daklegeddi an-ibmar-gwag-urbilegedse be urbenamaloye.’ ”
23646	MAT 13:38	Nainu-obaredi we-napnegdo, ibmar-gwag-nuedi, we Bab-Dummad-neg-dakmaid-e-mimmigando, gagan-iskanadi, we nia-saila-e-mimmigando.
23647	MAT 13:39	Ar dule-istarad-gagan-iskana-digsadi we nia-sailado, ibmar-gwag-weleged-ibagan, we-napneg-berguoed-ibagando. Dulemar-ibmar-gwag-wemaladi, we angermardo.
23651	MAT 13:43	Geb degi dule-ibmar-inikii-imakmalad e-Bab-neg-dakmaidgi dad-ibeler-gaeyob mag daklenonikoed dule-nuegan-sunnad-gumalad. Ar dulemar uaya-itogega-nikmalad nue itomar an-ibmar-sogsad.”
23699	MAT 14:33	Degine, urgi-bukwamaladi daksamargu, Jesús-nug odummodmarsun, igi Bab-Dummad-nug odummole-damogadyob, Jesúsga sogdemar: —Ar nue be Bab-Dummad-Machi-sunnadye.
23758	MAT 16:17	Geb degi Jesús, abin-imakdemogad: —Simón, be Jonás-machi, begi nued binsalesad, ar dule we-ibmar bega sogsasulid, bega-sogsadi, an-Bab-nibneggi-maid, a bega we osanalos, an Cristoye, Bab-Dummad-Machi-sunnadye.
23882	MAT 20:21	Jesús ega sogde: —¿Ibu be abege? Ome, abin-sogde: —Na be neg-dakmai-gusale, we an-masmala-warbogwad dummaganga be nugsao, gwensak be-argan-nuedsik-siged, baid be-argan-sapiledsik-siged.
23996	MAT 23:9	We-napneggi mer dulemar-baiganga an-babye be sogo. Ar unnila wargwennaa be bab-nikmalad, be-Bab-nibneggi-maid.
24170	MAT 26:47	Jesús amba e-sapinganga sunmakgwichi, e-sapingan-warambe-gakabogwad-wargwen, Judas-nugad, ese nonikid. Aba dule-irwa-Bab-Dummadse-gormalad-e-dummagan, degi, Judiomar-girmar-dummagan-neggwebur-sedimalad dulemar-bukidar-barmiar-gusmalad. We-dulemar-bukidar espunyar-yalaba, degi, suarmar annik-annik, Judasba duurmakdani-gusmalad.
24195	MAT 26:72	Pedro gannar osulodbalid, sogded: —Bab-Dummad-nuggi napira an bemarga soged: Andi, an we-dule-aku-daked.
24197	MAT 26:74	Geb degi Pedro ukabsaar ibmar sokalid, degi sogdebalid: —Bab-Dummad-nuggi napira an bemarga soged: Andi, an we-dule-aku-daked. Geb degidgine, yog gannir namakded.
24204	MAT 27:6	Dule-irwa-Bab-Dummadse-gormalad-e-dummagan, Judas-mani-mided wesmargu, sogdemalad: —Igar-nuedsulid, we-mani anmar Bab-Dummadga-mani-sabogedgi uker, ar ade we-mani bato ukabsalealed, dule-gindakega-imakoed-manid.
24252	MAT 27:54	Degi Roma-suar-ibed, sordamar-dulatar-sediid, degine, e-sordamar, Jesús-edarbebukmalad, negabandur-nagusad daksamargu, degi, bela ibmar-gusad daksamalad, bela nue-dobe-ito nadmalad, sogdemalad: —We-dule nue Bab-Dummad-Machi-sunnadid.
24300	MRK 1:16	Jesús Galilea-mata-dummad-gakaba nadapgu, Simón-dakalid, sakigi ua-ganai e-urba-Andrés-ebo. Ar amar gusgu ua-gaedgi arbamalad.
24357	MRK 2:28	Degisoggu, ani Dule-Machi, obunnoged-iba-e-Dummadid.
24376	MRK 3:19	degi, Judas-Iscariote, darba-Jesús-uksad-dule.
24401	MRK 4:9	Geb Jesús sogdebar: —Bemar mag nue itobiele, nue itomar an-bemarga-ibmar-soged.
24496	MRK 6:20	Ar Herodes Juan-Bautista-dobe itoged, ar ade wisid, Juan dule-gwage-swilidikidid, degine, igar-napiragwadba-daed-duled. Degisoggu, Herodes Juan-bendaksadba Herodías geg Juan-oakalomosundo. Herodes Juan ega sunmakalile, nue itobidaed. Degi-inigwele, eba geg igar sabardo, ar dobed bur egi obin-daed, surbinsa ito-daed, igi bur an saer-geb-dibeye binsaar-daed.
24538	MRK 7:6	Jesús, abin-sogded: “Bemar wagar-darbo-daed-dulemar. Aga nabir Isaías Bab-Dummad-gaya-burba-berbeged bemar-nik sogsa-gusad, garda narmaksagu: Bab Dummad sogye: ‘Bemar unnila askinbi angi binsamalad, be gwagegi angi gwen binsasurmalad.
24549	MRK 7:17	Jesús dulemar-bukidaradgi bangudgu, neg-gwagwengi dogdapid, bia na obunnomaidgi. E-sapingan Jesússe egichialid: —Wede ibi nue obare, emiskwaa be-ibmar-burbar-odurdaksigusad.
24644	MRK 9:37	—Ar dule-wargwen an-nuggine we-mimmigwayobid-wargwen ber nue-weligwar abingaele, an-abinganaiyob gunaido. Aginbali, dule-gwensak an-abingaele, anbi an-abingasulid, dule-an-barmialid-abinganaimodo.
24650	MRK 9:43	“Ar be-argan be-gwage ichogega imak-dibe, be-argan be siked bur nabirid. Bur nabirsursi, argan-wargwen dula gudigued, gwendi bur-beedsesursi, argan-warbo-nika soo-sailase nader, ar ade agi soo-geg-ginned-negad.
24720	MRK 11:11	Degi Jesús Jerusalénse dogdapsun, geb agi Bab-Dummadse-goled-negse dogdesunnad. Bela a-neggi ibmar daksagu, ar neg-sedodgussoggu, Betaniase nadsunnad, e-sapingan-ambe-gakabogwadmala.
24746	MRK 12:4	“Geb degi nainu-ibed e-mai-baid-barmiarbalid. Ar adi nonogi akwagi maksamalad, geb egi dodosmarbalid.
24751	MRK 12:9	Jesús dulemar-e-itobukmaladga sogdesun: —¿Degite, nainu-ibed igi dulemar-nainugi-arbamalad-imaknoniko be insae? Nonikogu, dulemar-nainugi-arbamalad-oburgwenonikoed. Geb degi dule-baiganga na e-nainu urmaknonikoed.
24775	MRK 12:33	Bela be Bab-Dummad-sabgued, bela be-gwagegi, bela be-ibmar-mag-ito-guedgi, bela be-san-burbagi, degi, bela be-ganguedgi. Degine, na be-san-sabgueyob dule-baid-sabgued, amar bur-biriginedid Bab Dummadga ibmar-gummakar-ukedba, degine, bela ibmar-baigan-ega-ukedba.
24866	MRK 14:43	Jesús amba e-sapinganga sunmakgwichi, e-sapingan-warambe-gakabogwad-wargwen, Judas-nugad, ese nonikid. Aba dule-irwa-Babse-gormalad-e-dummagan, degi, escribamar, degine, Judiomar-girmar-dummagan, dulemar-bukidar-barmiar-gusmalad. We-dulemar-bukidar espunyar-yalaba, degi, suarmar-annik-annik Judasba duurmakdani-gusmalad.
24888	MRK 14:65	Gwenna-gwenna Jesúsgi wiakdemalad. Jesús-ibya-edusar, geb bibyosar, ega sogde-damalad: —Ar bela be ibmar wissoggu, emigi be sogena, ¿doa be-sarsosa? Jesúsdi dulemar-gwen-abin-imaksasulid. Agi suar-ibmala wagargi Jesús-bibyonai-gusmarmogad.
24922	MRK 15:27	Geb degi suar-ibgan dulemar-atursamalad-warbo nakrusgi bioksamarmogad. Wargwen Jesús-nakrus-argan-nuedsik ogwichismalad, baiddi Jesús-nakrus-argan-sapiledsik.
24934	MRK 15:39	Degi, Roma-suar-ibed, sordamar-dulatar-sediid, daksad Jesús binnasur-gochad-sorba igi burgwisa, a-dule sogded: —We-dule, nue Bab-Dummad-Machi-sunnadid.
24951	MRK 16:9	((Jesús wakudaryalaba durgusad-ibagi, gebe-itoged-iba-nagudedgi, gebesaila María-Magdalenase na san magarosad. A-omega Jesús nia-walagugle-onos-gusad.
24955	MRK 16:13	Amar-warbogwad, Jerusalénse gannar nonimargu, e-sapingan-baigan-owisononimalad, Jesús-ese-magarosad-igar. Degite e-sapingan amarse-bakar gwen itossurmalad, ar bengudmalad.
25066	LUK 2:24	Degine, ar igi Bab-Dummad-igargi narmakar naibali, Bab Dummadga ukoye: Sapur-nuu-gwabo, ar degisulile, wag-nuu-mimmigan-gwabo. Lv. 12:6-8 We sognaidba imakegala, María nonimogad.
25067	LUK 2:25	A-ibagangine, Jerusaléngi, dule-wargwen, Simeón-nugad, gudigusad. A-dulede dule-gwage-nuedid, Bab-Dummad-dobee-nanadiid, na Israel-bendakleged-edarbedimogad-duled. Bab Dummad Burba Nued a-duleba gudiguad.
25113	LUK 3:19	Herodes dummadga maigu, Herodías-nikusad-ular, Juan sabsur Herodesga ibmar sogsad, ar ade Herodíasde e-urba-Felipe-omenad. Bela-ibmar-iskanamar Herodes imaksadi,
25231	LUK 6:16	Judas, Santiago-e-gwenad, degi, Judas-Iscariote, darba-Jesús-uknonikid-dule.
25281	LUK 7:17	Judea-yalaganba, degi, neggweburmar-a-dikarba-nanaid bela wisguarmalad, Jesús dule-burgwaled-gannar-odulosad.
25325	LUK 8:11	“Ar emi burbar an bemarga sogsadi, weyobdo: Ibmar-gwag, Bab-Dummad-gaya-burbad.
25341	LUK 8:27	Jesús napase aidesgu, dule-wargwen Gadara-neggweburgined ese nonikid, dule-nia-dikasurgus-nikad. A-dule mor-yoisur gudii-daed, degine, neggi gabsurbalid, neg-uan-yaba gabdii-daed.
25380	LUK 9:10	Jesús-sapingan-e-ambe-gakabo-gued, Jesús-nuggi-barmilesmalad, gannar Jesússe nonimargu, ega sognonimalad bela ibmar imaksamalad. Jesús amarbi bachikii, nega-dule-sulidganba sesad, neggwebur-Betsaida-nugad-dikarba.
25382	LUK 9:12	Ar neg-sedogusgu, e-sapingan-ambe-gakabogwad Jesússe nonimalad, ega sognonimalad: —Dulemar be barmid, adi igarba neggweburmar-bukwadse, degi, neg-gwagwen-gwagwen igarba-mamaidgi sunna obunnomaloed, degi, agi mas-gunned sunna amimarbaloed, ar wegindi anmar nega-dule-sulidgangi-bukmalad.
25417	LUK 9:47	Ar Jesús, e-sapingan-gwage-binsanaid mag daksagu, machi-bipi-wargwen-susad. E-walik ogwichisgu,
25426	LUK 9:56	Ar ani Dule-Machi, nonigua, dulemar-san-burba-oyogguegala an nonisulid, an nonikid, dulemar-san-burba-abonogegar. Geb degi Jesús na e-sapinganmala neggwebur-baidse nadmarsunnad.
25434	LUK 10:2	Jesús amarga sogded: “Napira an bemarga soged, nainugi ibmar-gwag-weleged bukidarad, ar e-wemaladdina ichee gued. Degisoggu, nainugi ibdula-gwag-weleged-e-ibedse be wilesakwaa egismar, adi e-nainuse ibdula-gwag-wemalad-barmidagegar.
25443	LUK 10:11	‘Be neggwebur-olli anmar-sapatgi-nagusadse-bakar anmar eli-eli imakmar, bemargi gwisgumalagar. Adi dulemar mag be-dakmalagar, anmar bemarga Bab-Dummad-igargi sunmakapmarmoganad. Degisoggu, bemargindo, bemar yapa Bab-Dummad-igar-abingamalad. Wedi bemar wisgubi anmar abedo, Bab-Dummad-neg-dakmaid bemarse warmaksasunnad.’
25447	LUK 10:15	“Emide bedi Capernaum-dorgan, na be nibnegse-onakwiles-gusadyobi, be-nug-ogannoles-gusanad. Emigindi, uluba-odurdakleged-negse odelegoedyob, be-nug iskunonikoed.”
25465	LUK 10:33	“Ar dule-wargwen, Samariagined, igarba nadapmogu, dule-yegus-maid-daknonimogad. Ar we-dule Judiosur-inigwele, dule-yegus-maid-dakdegu, nue-wile dakded.
25522	LUK 11:48	Degisoggu, bemar-sunnad nue wismarmodo, degine, be-dadgan-ibmar-imaksad nabir-be-dakmalad-dulemalad. Ar napiragwad, be-dadgan Bab-Dummad-gaya-burba-berbemalad-oburgwismalad, bemardi, e-neg-uan ega be sobdimalad.
25616	LUK 13:29	“Ar dulemar dad-nakwedsikid, dad-argwanedsikid, dad-nakwed-nuedsikid, yalasikid, danimaloed, mesa-naba mas-gunnega signonimaloed, Bab-Dummad-neg-dakmaidgi.
25659	LUK 15:2	Fariseomar, degi, escribamar uurmakarmalad, sogdemalad: —We-duledi, dule-iskudimalad-abingaedid, degine, eba-mas-gunbalid-dulebalid.
25668	LUK 15:11	Jesús sogdebar: “Ibagwengine, dule-wargwen masmala-warbo-nika-gusad.
25848	LUK 19:48	Ar amar geg Jesús-oakalo-gusmardo, ar ade bela dulemar Jesús-nue-itobukwa-damalad.
25859	LUK 20:11	“Geb degi nainu-ibed e-mai-baid-barmiarbalid. Ar we-mai sabsur sarsosmarbalid, degi, egi dodosmarbalid. Geb degi unnila arganagwabi gannar barmismalad.
25864	LUK 20:16	Nonikogu, dulemar-nainugi-arbamalad-oburgwenonikoed. Geb degi dule-baiganga na e-nainu urmaknonikoed.” Ar weyob Jesús ibmar soge itosmargu, sogdemalad: —¡Bab Dummad, mer weyob ibmar-imaked anmar-imakena-gadin!
25882	LUK 20:34	Geb degi Jesús, Saduceomar-abin imakdegu, sogded: “Dulemar we-napneggi, na ome nikumalad, degi, sui-na-nikunanai-damalad.
25895	LUK 20:47	“We-escribamar yamo-yardakar ammamar-ei-sui-burgwismalad-ibe neg atursa-damalad, degine, dulemar yeer e-dakegala yamo suitii Bab-Dummadse-gorgwis-damalad. Ar we-escribamar bur-bule sabsur-odurdaklemaloed, deyob damaladba.”
25906	LUK 21:11	Degine, negabandur-dummagan nagumai-gudagoed. Yar-baid-baidgi ukud-dummad, degi, uelemalad-bukidar-ainimai-gubaloed. Dobed-dummad nagumai, degine, nibneggi ibmarmar-wilubgan-dakledisulid-dummagan oyolemai-gudagoed.
25937	LUK 22:4	Degi Judas nade-gusad, dule-irwa-Bab-Dummadse-gormalad-e-dummaganse, degi, suar-ibmala-e-dummaganse. Amarse modapgu, ega sogdapid, ede Jesús emarga ukoye.
25953	LUK 22:20	Madu imaksadyob, mas-guchamalad-sorba, Jesús uva-nis imaksabalid. Jesús nog susgua, sogded: —We-uva-nis, an-abe. An-abe Bab Dummad dulemarbo igar-bini-mesnaid-wilubganad. We-an-abe bemar-ular milegoed.
25997	LUK 22:64	Ei-ibya edichamargu, wagargi bibyos-damalad, geb ese egichiar-damalad: —Ar bela be ibmar wissoggu, be anmarga soge, ¿doa be-bibyossunna? Jesúsdi dulemar-gwen-abin-imaksasulid.
26004	LUK 22:71	Geb degi sogdemalad: —¿Ar ibiga dule-baid anmarga Jesúsgi bar ibmar-sogbi an abemarsunna? Ar anmar-sunnad an itosmalad na dukin sogsad, ede Bab-Dummad-Machiye. Degisoggu, we-Jesús-oburgwileger-gebed.
26037	LUK 23:33	Dule-Nonogarye neg-nugadse omosmargu, agi nakrusgi Jesús-bioksamalad. Dulemar-iskanamar-warbogwad nakrusgi bioksamarmogad. Wargwen Jesús-nakrus-argan-nuedsik ogwichismalad, baiddi, Jesús-nakrus-argan-sapiledsik.
26060	LUK 23:56	Omegan gannar aibilismargu, ina-biseb-wawaad, degine, gwallu-wawagwad-nuegan guagwar urbismalad, adi Jesús muigi eonamalagar. Geb degine, omegan obunnoged-ibagi obunnosmarsunnad, igi Moisés-ega-igar-mesisadba.
26070	LUK 24:10	We-omegan gaya-burba-nued Bab-Jesús-nuggi-barmilearmaladga sognonimalad wemardo: María-Magdalena, Juana, María, Santiago-e-nan, degi, omegan-baigan-eba-gudimalad.
26125	JHN 1:12	Ar bela dulemar a-Gaya-Burba-Nued-abingasmaladdi, e-nuggi-bengussurmaladba, amarga Bab Dummad igar-uknonikid, na e-mimmiganga-gued-igar.
26147	JHN 1:34	We deyob an daksad, degisoggu, nue an sogsundo, we-dule, Bab-Dummad-Machi-sunnadye.
26153	JHN 1:40	Emi dule-warbogwad Juan-sunmak-itosad, Jesúsba-nade-gusmalad, wargwen Andrésye-nugad, Simón-Pedro-e-urba.
26175	JHN 2:11	Jesús we-ibmar-wilubgan-dakledisurmalad gebe Galilea-yargi, Caná-neggweburgi imaksa-gusad. Agi Jesús na e-gangued oyosad. Degine, e-sapingan Jesús-nue-bensuli-gunonimarsunnad.
26212	JHN 3:23	Deun Salim-walik, Enón-neg-nugadgi, Juan-Bautista Bab-Dummad-digi-ogleged-igar imaknai-gusmogad, ar ade agi dii wilarbad. Dulemar Juan-Bautistase noni-gusmalad, Bab-Dummad-digi-oglegegar.
26221	JHN 3:32	“We dule-nibneggi-danikid nibneggi-ibmar-daksadba, degi, nibneggi-itosadba, sunmaked, degite, dulemar a-dule-gwen-itobisurmalad.
26340	JHN 6:14	Ar dulemar Jesús-madu-gwaataled-omelosad-daksamalad, sogdemalad: —We inso Bab-Dummad-gaya-burba-berbeged we-napnegse-nonikoed-sunnadye.
26399	JHN 7:2	Deun Judiomar-iba bato mosadgined, Obunnoged-Neg-Sobarmalad-Ibagi.
26494	JHN 8:44	Ar nia-saila bemar-babad, degine, be-bab-ibmar-abegedba be damalad. Ar gusgu, gebesailaunni nia-saila dule-gindakedid, degine, igar-napiragwadgi banguded, ar igar-napiragwad nia-sailagi naisulid. Ar nia-saila gakansaar sunmakdele, gusgu na e-daedba sunmaked, ar ade gusgu gakansaerbad, degine, dulemar-gakansaed-e-babad.
26561	JHN 10:11	Ani an sibad-wawaad-edarbed-nuedid. Sibad-wawaad-edarbed-nued e-san-burba, sibad-wawaad-ular na uked, e-anar burgwegar.
26564	JHN 10:14	“Ani an sibad-wawaad-edarbed-nuedid. An-sibad-wawaad mag an na daked, degi, mag an-dakmarmogad,
26566	JHN 10:16	Sibad-wawaad-baigan an nikbalid, we-galu-yabalidsulid, ainebalidid. Amar anse an sedamogar-gebed, amar an-gaya-burba-itomaloed. Unnila sibad-wawaad dangwennaa guoed, degine, e-edarbed wargwennaa gubaloed.
26625	JHN 11:33	Jesús dakdegu, María ise-boale, degine, Judiomar-wis-María-gwage-odimakega-nonimalad ise-boarmarmoga, na ulubgi nue-nunmak ito-nadmogad, degi, nue-María-wile-dakded.
26650	JHN 12:1	Iba-nergwase, Bab-Dummad-Israel-Dulemar-Egiptogi-Wilebukwa-Onosad-Iba naguoele, Jesús Betaniase nonikid, bia Lázaro maidse. We-Lázaro burgwis-gusgu, deun Jesús gannar we-dule-odulosad-duled.
26825	JHN 16:30	Ar emigindi anmar nue mag-itodo, bela be ibmar bato wis-daed, dule bese egised-iduar, degisoggu, dule-ibmar-bese-egised be abesursundo. Ar a-ular anmar wissundo, be Bab-Dummad-akar-danikid.
26834	JHN 17:6	“We-napneggi dulemar-be-anga-uksadga an oyosad be doa gue. A-dulemar bato begadid, degine, amar be anga uksamogad. Amar, be-gaya-burbaba-nanadimalad.
26882	JHN 18:28	Geb degi Caifás-neggi gunanaid, Jesús-sesmar, Pilato-neg-Pretorio-nugadse. Deun bato oibodanikid. Judio-dummagan melle na ised nikuegala, yapa Pilato-negse doggusmalad, adi nabir Judiomar-ibagi sibad-wawaad-gunmalagar. We-sibad-wawaad gundamalad Bab-Dummad-Israel-Dulemar-Egiptogi-Wilebukwa-Onosad-Ibagi.
26885	JHN 18:31	Geb degi, Pilato Judio-dummaganga sogdesun: —Ar na be sumar, be-igar-maidba ega igar na be amimarsun. Judiomar, abin-imakdemalad: —An geg gumalad. Bemar-Roma-dulemar anmarga igar-uksasulid, dule-iskudimalad-oburgo-deeye.
26968	JHN 21:1	We-degi-gusad-sorbali, Jesús na e-sapinganse gannar magarosad, Tiberias-mata-dummad-gakaba. Weyob na magarosad:
26969	JHN 21:2	Deun danar na gudimalad, Simón-Pedro, Tomás, Dídimoye-nugbalid, Natanael, Caná Galileagined, Zebedeo-machimala, degine, Jesús-sapingan-baigan-warbobar.
27000	ACT 1:8	Bab Dummad Burba Nued bemargi aidenonikile, agi bemar gangudmaloed, degine, geb bemar an-barsogdemaloed, gebe Jerusaléngi, agi bela Judea-yalaganba, degi, Samaria-yalaba, geb degi bela we-napneg-naid-ugakase.
27107	ACT 4:16	Na ga sogdemarsun: —¿We-machergande igi anmar imakmalosunna? Bela wegi-Jerusaléngi-bukwamalad wismalad, dule-geg-nanaed-nudaksad. Ar wemar ibmar-wilubgan-dakdisurmalad-geger-dakleged imaksasoggu, ar anmar geg we osulomalad.
27175	ACT 6:5	Belagwapa Bab-Jesúsba-nanaimalad nabir itosmalad. Degisoggu, Esteban-nugad susmalad, a-dule Babgi nue bensulid, degine, nue bela-bela Bab-Dummad-Burba-Nued-nikabalid, degi, Felipe, Prócoro, Nicanor, Timón, Parmenas, agi Nicolás, Antioquíagined, a-dulede Judio-igar-abingasad-duled.
27230	ACT 7:45	“Degi anmar-dadgande we-neg abingasmarsunnad, e-dadgan-burgwisad-sorba. A-neg anmar-dadgan-Josuémala sear-gusmalad, deun we-yarse ubononimargu, Bab Dummad gandikidba dulemar-e-idu-bukwadi onosgu. We-negde, David reyga-megisadse sii-gusad.
27234	ACT 7:49	Bab Dummad soged: ‘Nibnega an-olo-ganad, degi, napnega an-nag-onakwed-ganad. ¿Degite, ibi-neg bemar anga sobmalosunna? ¿Ar bia degite an-obunnoged-neg be anga ukmalosunna?
27271	ACT 8:26	We degi-gusad-sorbali, Bab-Dummad-e-anger Felipega sognonikid: “Be nae, dad-argwaned-argan-nuedsik. Jerusalénse be mosale, neggwebur-Gazase-nanaed-igar nega-dule-sulidba-nanalemaid-igarba be naoed.”
27282	ACT 8:37	Felipe, abin-imakded: —Ar na be Jesucristogi nue bensulile, be sunna Jesús-nuggi digi oglegodo. Etiopía-dule, Felipe-abin sogded: —Gwen an bensulid, Jesucristo Bab-Dummad-Machi-sunnadid.
27312	ACT 9:27	Degi-inigwele, Bernabédi Saulo-sesa-gusad, bia Jesús-nuggi-barmilesmalad-bukwadse. Amarga sogdesunnad, igi Saulo Damasco-igarba nadapgu, Bab-Jesús-daksagusa. Agine, igi Jesús ega sogsagusbali, deginbali, igi Saulo dobsuli, nue-gandikidba Damascogi Jesús-nuggine sunmaksa-gusbalidgi.
27373	ACT 10:45	Judiomar-Bab-Jesúsba-nanaimalad Pedroba-nonimaladi, geger dakdemalad, Judiosurmaladga Bab Dummad bela-bela E-Burba-Nued-uksamogad.
27393	ACT 11:17	Bab Dummad, anmarga E-Burba-Nued-uksad anmar Dummad-Jesucristogi-bensulidba. Ayobi Bab Dummad dule-Judiosurmaladga E-Burba-Nued-uksamogad. Degite, ¿ande doa-dule-sunna, Bab Dummad igar an biskeye soger?” Geg an bisked.