23243	MAT 2:5	Amar, abin-imakdemar: —Cristo Belén-neggweburgi gwalulegoed, Judea-yalagi, ar deyob Bab-Dummad-gaya-burba-berbeged narmakar-obesad sognaid:
23246	MAT 2:8	Herodes Belénse amar-barmis, degi, amarga sogde: —Weba Belénse be namar, nue be mimmi-amimalo. Ar be amismalale, an-owisononiko, adi an ese namogagar, an e-nug odummo namogagar.
23275	MAT 3:14	Ar Juandi surye Jesúsga sogenad, ar ade ega soged: —Ar be, Bab-Dummad-digi-ogleged-igargi bur an-ogedid, ar be-bur anba dummadid. ¿Degite, anse be danide, an be-ogegar? Suli, degisuli.
23276	MAT 3:15	Ar Jesúsdi, abin-sogded: —Ar emigindi anmar deyob saer-gebed, igar-maidba anmar imaker-gebed. Degisoggu, Juan Bab-Dummad-digi-ogleged-igargi Jesús-ogsasun.
23281	MAT 4:3	Degi nia-saila, dule-wilubdaked ese nonikid, ega sognonikid: —Ar be Bab-Dummad-Machi-sunnadile, we-akwamarga be soge: ‘Maduga be-binyeye.’
23282	MAT 4:4	Jesús, abin-imakdegu, nia-sailaga sogde: —Noar be soged, ar Bab-Dummad-Gardagi narmakar naid: Dule maduginbi dula gudiguosulid, bela Bab-Dummad-gaya-burba-itogedgi dula gudigubaloed. Dt. 8:3
23284	MAT 4:6	Jesúsga sogded: —Ar be Bab-Dummad-Machi-sunnadile, be napase ichomakdo, ar Bab-Dummad-Gardagi narmakar naid: Na e-angermar bega barmidagoye, e-argangi be-gamaloye, adi melle be nag akwagi yolegegarye. Sal. 91:11-12
23285	MAT 4:7	Jesús, nia-saila-abin sogde: —Nabir be sogendo, ar Bab-Dummad-Gardagi narmakar sognaibalid: Melle Dummad, be-Bab-Dummad, be wilubdakoed. Dt. 6:16
23297	MAT 4:19	Jesús amarga sogde: —Anba be dagmar, igi bemar ua-gae, abayobi dulemar-napneggi-bukwad gaega, an be-odurdakmaloed, adi dulemar anba nagumalagar.
23417	MAT 8:3	Jesús e-argan oyodgu, e-argangi ebusgu, ega sogded: —Nugubi an be-abe. ¡Be nugusun! Dule-naibe-buna-ya-maleged-nikad yog nuguar naded.
23418	MAT 8:4	Geb degi Jesús dulega sogdesun: —Mer dule-baiganga be sogo be nugusad. Unnila be nae, dule-irwa-Bab-Dummadse-gormaladga na be-san oyona, degine, ar igi Moisés igar-mesisa, a-sogedba be ibmar imakna, adi dulemar be-dakega, nue be nugusad.
23421	MAT 8:7	Geb degi Jesús, abin-sogde: —An nao, bega be-mai an nudaknao.
23434	MAT 8:20	Jesús, abin-sogde: —Ar usmardi na e-gubya nikmalad, sikwimar-niba-gukudimaladdi na e-uu nikmarbalid, ar andi Dule-Machi, andi neg-sated. Anyob be unni nanamogale, anba be dagodo.
23436	MAT 8:22	Jesús, abin-sogde: —Anba be dage, an-sapinga guegar. Ar dulemar we-napneggi burbar bato-burgwar-gudimalad na e-burgwarmalad digoed.
23443	MAT 8:29	Niasamalad-warbogwad binnasur gotemalad, sogdemalad: —Jesús Bab-Dummad-Machi, ¿ibiga be anmargi yoledaniki? ¿Ar be anmarse danikidi, amba yo anmar-odurdaked-ibagan-moed-iduar bato be sabsur anmar-odurdakega daniki?
23445	MAT 8:31	Niamar Jesúsgi wilenagusmar, ega sogdemar: —Ar dulegi be anmar-onogele, weba sinmar-bukidar mas-mananaidse be anmar-barmidye.
23454	MAT 9:6	Degisoggu, ani Dule-Machi, dule-bonigwaled an nudakoed, adi bemar wisguegar, igi dule-bonigwaled sunna an nudake, debayobi we-napneggi dule-gwage-iskunaid sunna nudaked an nikbalid. Degi Jesús dule-abgan-burgwar-nikadga sogdesun: —Be gwisgu, be-egi-maid na be sede, be-negse na be nasun.
23457	MAT 9:9	Jesús dule-nudaksadgi-gwichi nadgu, dule-wargwen-dakar, Mateo nugad. A-dulede Roma-dummadga-mani-galeged-neggi siid, mani gasiid. Jesús Mateose gote, ega sogde: —Anba be dage, an-sapinga guegar. Degi Mateo gwisgusgu, eba yog naar imaksad.
23472	MAT 9:24	Jesús amarga sogde: —Bemar ainirmar, ar bunolo burgwar maisulid, unnila gabmaid. Dulemar Jesúsgi dododmar.
23475	MAT 9:27	Jesús bunolo-neggi nodgu, dulemar-warbo ibya-surmalad Jesús-sorba dani-gusmalad, gordani: —Be David-wagwasoggu, be dule-dummadid, wile be anmar-dake.
23477	MAT 9:29	Geb degi Jesús amar-ibya ebussun, amarga sogdesun: —Ar bemar an-bensurmarsoggu, bemar nugumarsun.
23478	MAT 9:30	Geb degi amar nabir atak nadsun. Jesús amarga ise-sogar imas: —Melle dule-baiganga be sogmalo, an bemar-nudaksad.
23481	MAT 9:33	Jesús a-dulegi nia-onosgua, dule-geg-sunmaked nabir sunmak-naded. Dulemar-bukidar geger dakdemalad, sogdemalad: —Ar Israel-yargi wegiid-ibmar iduar gwen dakledisulid.
23482	MAT 9:34	Ar Fariseomardi sogdemar: —Ar nia-sailaba wedi niamar-onodiid.
23485	MAT 9:37	Geb degi Jesús burbar na e-sapinganga sokalid: —Napira an bemarga soged, nainugi ibmar-gwag-weleged bukidarad, ar e-wemaladdina ichee gued.
23560	MAT 12:2	Fariseomar-Jesúsba-nadapmalad deyob dakarmargu, Jesúsga sogdemar: —Be dakena, be-sapingan obunnoged-ibagi ibmar-ise-imakleged imaknadapmardo. ¿Mer arbaoye igar-maisursi?
23597	MAT 12:39	Jesús, abin-imakdegu, sogde: —Be dulemar-iskanamar, degi, neg-sichigi-galagwensuli-yolemaladyob bemar-Bab-Dummadgi-nodimalad, bemar abemardo, ibmar-wilubgan-dakledisulid be-wagab bega imaked. Ar an bega sogmardo, wilubgan bega oyolegosurdo, ar oyolegoedi, Bab-Dummad-gaya-berbeged, Jonásye-nugad gusadyob bega oyolegoed.
23605	MAT 12:47	Dule-wargwen Jesúsga sokar: —Emi be-nan, degi, be-urbamar, neg-magaba be-edarbebukmalad, bebo sunmakbimalad.
23607	MAT 12:49	Jesús na e-argan e-sapingansik oyodgua, sogde: —We an-nan, degi, wemar an-urbamar.
23644	MAT 13:36	Geb degi dulemar Jesúsgi bangudgua, Jesús neg-yaba dogdesun. E-sapingan Jesússe walik gunonimargu, ega sogdemalad: —Anmarga be odulo, we ibi obare, gagan-iskanagi burbar be anmarga sunmaksad.
23660	MAT 13:52	Geb degi Jesús amarga sogdesun: —Ar a-ulale, escriba-wargwen bela Bab-Dummad-neg-dakmaid-igar nue wisile, bab-na-neg-yaur-sediid-wargwenyobdo, igi we-dule na e-ibmar-nuedgi ibmar-binigan, degi, ibmar-sergan, ono-dae, deyobmodo, we-dule-nue-igar-wisid, ibmar-epenne-durdaksad, degine, ibmar-bini-durdaksad ebumodo baigan-odurdakega.
23681	MAT 14:15	Bato neg-sedodgu, e-sapingana Jesússe warmaknonimalad, ega sogdemalad: —Emi anmar nega-dule-sulidgangi bukmalad, degine, bato neg-sedodbalid. Degisoggu, dulemar be barmid, adi neggweburmarse namalagar, adi agi mas-gunned na bakmaloed.
23682	MAT 14:16	Jesús na e-sapingan-abin sogde: —Wemar nasulir akarsulid, ar bemar ega mas-gunned ukmala.
23683	MAT 14:17	E-sapingan, abin-sogdemar: —Anmar wegi mas sated, unnila madu-gwaatar, degi, ua-ukabo anmar nikmalad, degite, ¿igi anmar we-dulemar masgi ogunmalosunna? Geg anmar masgi ogunmalad.
23684	MAT 14:18	Jesús na e-sapinganga sogde: —Degite madu, degi, ua anse be sedamar.
23695	MAT 14:29	Jesús Pedroga sogde: —Be dagdena. Pedro urgi-siid mata-dummadgi aidesgu, mata-birgi ganna-ganna Jesússe nade-gusad.
23697	MAT 14:31	Geb degi Jesús argangi Pedro-gasgu, Pedroga sogded: —Be an-bengued-duled, ar ¿ibiga be an-bengusa?
23699	MAT 14:33	Degine, urgi-bukwamaladi daksamargu, Jesús-nug odummodmarsun, igi Bab-Dummad-nug odummole-damogadyob, Jesúsga sogdemar: —Ar nue be Bab-Dummad-Machi-sunnadye.
23712	MAT 15:10	Degi Jesús dulemar-yogsarmaladse gotegu, amarga sogded: —Nue bela bemar an-itomalo:
23715	MAT 15:13	Jesús, abin-imakdegu, sogde: —Ar an-Bab-nibneggi-maid sapi digsasulid, a-sapi gannar ungoed.
23717	MAT 15:15	Pedro, abin-imakdegu, Jesúsga sogde: —Anmarga be oduloge, we be-ibmar-burbar-soged mas-gunned dule-ichosulid, we ibu obare.
23726	MAT 15:24	Jesús, abin-imakdegu, sogde: —An barmilealidi, dulemar-baiganse an barmilearsulid, unnila Israel-dulemar-sibad-wawaadyob-yoggus-gudimaladse an barmilealid.
23728	MAT 15:26	Jesús, abin-imakdegu, sogde: —Be Judiosursoggu, an be-bendakele, mimmigan-mas achuga uknaiyob an imako-itole, degisoggu, igar-maisulid mimmigan-mas achuga be ukoye.
23736	MAT 15:34	Jesús na e-sapinganga sogde: —¿Madu-bigwa bemar nikmarsunna? E-sapingan, abin-sogde: —Madu walagugle anmar nikmalad, degi, ua anmar wis nikmarbalid.
23742	MAT 16:1	Fariseomar, degi, Saduceomar, Jesússe nonimar, yamo Jesús-wilubdakegar. Jesúsga sogdemar: —Be anmarga Bab-Dummad-ganguedba, ibmar-wilubgan-dakledisulid anmar-wagab be imake, adi anmar mag be-dakoed, be Bab-Dummad-nuggi nue danikid.
23747	MAT 16:6	Jesús na e-sapinganga sogdesun: —Nue salakarmar, Fariseomar, degi, Saduceomar-madubur-inagi.
23748	MAT 16:7	Jesús-sapingan na dukin ulubgi binsadmalad, sogdemalad: —Jesús weyob anmarga soger-gebed, anmar madu searsulidbar.
23757	MAT 16:16	Simón-Pedro Jesús-abin sogde: —Be Cristo, Bab-Dummad-dule-wargwen-barmidagoye-sogsad-dule, Bab-Dummad-Dula-Maid-E-Machi-sunnad.
23776	MAT 17:7	Geb degi Jesús na e-sapingan-walik nonisunnad, e-argangi ebunonikid, emarga sogded: —Be gwisgumar, mer be dobgumar.
23778	MAT 17:9	Jesús na e-sapingan-warbaagwadmala yar-birgi-gwichi aidearmargu, na e-sapinganga ise-sabsur sogded: —Mer bipisaar an-san-gwagsad bemar daksamaladi dulemarga sogmaloye, geb Dule-Machi burgwisar gannar durgusad-sorba, geb be sogmaloye.
23780	MAT 17:11	Jesús, abin-imakdegu, sogded: —Ar napiragwad, Elías-inse bina nonikoed, bela-dulemar Bab-Dummad-igargi-binsaega nudaknonikoed.
23789	MAT 17:20	Jesús abin-sogde: —Ar bemar ulubgi amba angi benmarsoggu, a-ular geg niaburba bemar onogusmalad, ar napiraa an bemarga soged, ar bemar wismalad igi mostaza-gwag bur-bipigwa. Ayob-dungu bemar angi bensulir, sunna we-yarga be sogsamalaled: ‘Wegi-siid be weba ainir,’ ar yar ainirisaled. Ar ibmar bela be imakedbiirdo.
23791	MAT 17:22	Jesús Galilea-yargi bipirmakdimaladgi, na e-sapinganga sokalid: —Ani Dule-Machi, dulemarse uklegoed.
23818	MAT 18:22	Jesús abin-sogde: —Unnila ilagugleye an bega sogsulid, an bega soged, dulapaagwad-gakambe-ilagugle be-gwenad begi nossulidyob be dakoed.
23839	MAT 19:8	Jesús, abin-sogde: —Ar bemar-gwage dutusulidba Moisés bemarga igar mesis-gusad, sunna bemar ome-meted-garda imakye, ome-metega, ar iduardi degi-igar-maisulinad.
23841	MAT 19:10	E-sapingan Jesúsga sokarmarsun: —Ar weyob macheredga ome-nikued-sik ega igar maile, mer bur ome-nikued nabir.
23845	MAT 19:14	Ar Jesúsdi sogded: —Mer ese urwemar. Mimmigan anse daged be imakmar, mer be bargamar, ar Bab-Dummad-neg-dakmaid we-mimmiganyob-damaladgadid.
23851	MAT 19:20	Sapingwa, Jesús-abin sogde: —Gusgu an sapingwagwad-akar bela we-igarmar-mamaidba an nanadiid. Emidi, ¿ibubi napi-imaked an abesunna?
23852	MAT 19:21	Jesús, abin-sogde: —Ar ibmar-napiragwadbi-imakdii be nanabiele, be-negse be nae, be-ibmar na be manigi uknae, geb agi mani wileganaga be mimmioed. Geb degiir be nibneggi ibmar-nued be nikuodo. Geb a-sorba anba be dagoed, an-sapinga guegar.
23854	MAT 19:23	Geb degi Jesús na e-sapinganga sogdesun: —Napira an bemarga soged, ibiyobi dule-mani-ibganga Bab-Dummad-neg-dakmaidse-doged igar dutusuli, ar ade dogdar maniginbi binsamalad.
23857	MAT 19:26	Jesús na e-sapingan-dakdegu, ega sogde: —Ar dulemargardi geg gue, ar Bab Dummadgardi, bela ibmar guedbiid.
23858	MAT 19:27	Geb degi Pedro, abin-imakdegu, sogde: —Anmardi belagwapa ibmar obesad, adi anmar beba naegar. Degite anmardi, ¿ibu nikumarmogosunna?
23882	MAT 20:21	Jesús ega sogde: —¿Ibu be abege? Ome, abin-sogde: —Na be neg-dakmai-gusale, we an-masmala-warbogwad dummaganga be nugsao, gwensak be-argan-nuedsik-siged, baid be-argan-sapiledsik-siged.
23883	MAT 20:22	Jesús, ome-abin imakdegu, sogde: —Ibmar bemar egisnanaid, bemar wichurmalad ibu be egisnanai. ¿Ar nue dummad-an-wilegoedgi sunna bemar wilemogosi, an nog-goboedyob? Degine, ¿an digi-ogaledgi sunna bemar oglemogosi? Emar, abin-imakdemargu, sogdemar: —Anmar sunnamala.
23884	MAT 20:23	Jesús abin-sogde: —Ar bemar sunnamarsoggu, napira an bemarga soged, bemar anyob nue-dummad naibi-itomarmogoed. Ar dummaganga-nug-imakeddi, adi ani, an nug-saosulid, unnila Bab Dummad bato na-igar-mesisadba na e-nug saoed dulemar-dummaganga guoe.
23914	MAT 21:19	Igar-dikarba higuera-sapi-gwichi dakargu, ese nade-gusad. Ese modapgu, san sate dakalid, unnila e-gaganbi nika. A-sapiga Jesús sogdesun: —Be bipisaale bar gwen durbamakosulid. Agi higuera-sapi dinguded.
23916	MAT 21:21	Jesús, abin-imakdegu, sogded: —Napira an bemarga soged, ar bemar ibmar-imaknaid nue bensulile, unnila we-sapi-higuerabi deyob bemar imaksasuliled, ar sunna we-yarga be sogsamalaled: ‘Wegi be siid be ainir, demarse be nae,’ ar bemar-sogedba gusaled.
23919	MAT 21:24	Jesús, abin-imakdegu, sogde: —An bemarse ibmar-soggwen egismogodo. Bemar an-abin imaksale, geb an bemarga sogmogoed, we doa gangued anga uksa we-ibmar an imakdiid.
23922	MAT 21:27	Degisoggu, Judio-dummagan, Jesús-abin sogdemarsun: —Anmar wichurmar, doa Juan-Bautista-barmiali. Degi Jesús, abin-imakdemosun: —An bemarga sogosurmarmodo, wede doa-nuggi we-ibmar an imakdii.
23926	MAT 21:31	Jesús Judio-dummaganse egisdesun: —¿We-masmala-warbogwad, doa bur e-bab-sogedba ibmar imaksa be insae? Abin-sogdemar: —Machigwa arbaapid. Jesús emarga sogde: —Deyobdo. Ar napira an bemarga soged, dulemar-Roma-dummadga-mani-gaedgi-arbamalad, degi, omegan-gamba-samalad, amar bur bemarba Bab-Dummad-neg-dakmaidse dogoed.
23935	MAT 21:40	Jesús Judio-dummaganse egisdesun: —Ar nainu-ibed na e-nainuse nonikir, ¿igi nainugi-arbamalad-imaknoni be insae?
23936	MAT 21:41	Jesús-abin sogdemar: —Ar nainu-ibed nonikogu, bela nainugi-arbamalad-iskanamar-sabsuli-oburgwenonikoed. Na e-nainu, baigan-arbamaladga urmaknonikoed, adi amar na iba-sekalaa e-uva ega ukmalagar.
23962	MAT 22:21	Jesús-abin sogdemalad: —Roma-Dummad-César, a-wagar-wilub, degi, a-nug narmakarbalid. Geb degi Jesús sogdesun: —Ar ibmar Césargadir, Césarba be ibsamardo. Ar ibmar Bab Dummadgadirdi, Bab Dummadba be ibsamardo.
24028	MAT 24:2	Jesús na e-sapinganga sogded: —Ar we-neg yeer-daklegendo, degite napira an bemarga soged, bela we-neg-bemar-dakedi, bipisaale akwa-gwagwensaar-birgi na askin-askin bar sigosulid, bela egwallegoedbiid.
24125	MAT 26:2	—Bemar wismalad, Bab-Dummad-Israel-Dulemar-Egiptogi-Wilebukwa-Onosad-Iba ibabose nagudoed. Agine, ani Dule-Machi, uklegoed, adi nakrusgi biokmalagar.
24128	MAT 26:5	Judio-dummagan na ga sogdemalad: —Mer ibagi anmar Jesús-gamalo. Degiir, dulemar Jesúsbina urwedamaloed.
24141	MAT 26:18	Jesús amarga sogde: —Neggweburse be namar, an-bega-dule-wargwengi-sogoedse. A-dulega be sogmaloed: ‘Odurdaked-saila sogye: An-ibagan omosye. Be-neggine an sapinganmala, Bab-Dummad-Israel-Dulemar-Egiptogi-Wilebukwa-Onosad-Iba an dakmaloye.’
24144	MAT 26:21	Mas gunbukmargu, Jesús sogded: —Napira an bemarga soged, bemar-wargwen darba an-ukoed.
24146	MAT 26:23	Jesús, abin-imakdegu, sogde: —Ar dule-wargwen e-argan bategi anba odogoedi, a darba an-ukoed.
24148	MAT 26:25	Geb degi Judas, darba-Jesús-uknaid, Jesúsga sogded: —Odurdaked-saila, ¿ani an be-ukoye? Jesús ega sogde: —Ar bede soged.
24149	MAT 26:26	Mas gunbukmargu, Jesús madu susgua, Bab Dummadga dog-nuedye sogsa-gusad. Geb a-sorba Jesús madu biske-biske imaksad, e-sapinganga ukded, sogded: —Be sumar, be gunmar, we-madu an-sanad. Jesús na e-sapinganmala we-madu guchamarsunnad.
24150	MAT 26:27	A-sorba Jesús nog susbalid. Bab Dummadga dog-nuedye sogsabargu, e-sapinganga ukdebalid, sogdebalid: —Bemar bela we gobmar.
24154	MAT 26:31	Geb degi Jesús na e-sapinganga sogded: —Belagwapa emi-mutik bemar angi bangudmaloed, ar ade Bab-Dummad-Gardagi narmakar naid, sognaid: ‘Sibad-wawaad-edarbed an oburgoed, Geb agi sibad-wawaad bela duurmakdoed.’ Zac. 13:7
24155	MAT 26:32	Jesús sogdebar: —Geb gannar-an-durgusad-sorba, bemar-idu Galilease an naoed.
24156	MAT 26:33	Pedro, abin-imakdegu, sogde: —Bela begi bangudmalale, andi begi gwen banguosulid.
24157	MAT 26:34	Jesús, Pedro-abin sogded: —Napira an bega soged, emi-mutik, gannir-namaked-iduar, ilapaa be an-osulogoed.
24158	MAT 26:35	Pedro, abin-sogde: —Ar an beba burgweye sogele, amba an be-osulogosulid. E-sapingan-baigan bela degibi sogdemalad.
24159	MAT 26:36	Jesús na e-sapinganmala Getsemaní-neg-nugadse nonimarsun. Agi e-sapinganga Jesús sogde: —Wegi bemar ambikumar, andi weba Bab Dummadse gornagwelo.
24161	MAT 26:38	Geb degi Jesús na e-sapingan-walapaagwadga sogde: —Andi an ulubgi nue-bukib-itogedba sunna an burgwisar-itoleged. Wegi be ambikumar, nue atakmalo, Bab Dummadse be gormalo.
24168	MAT 26:45	Geb degi Jesús e-sapinganse nonikid, ega sognonikid: —Bemar gabmarsun, bemar obunnomarsun. Emigindi wachidi omossun. Ani Dule-Machi, dulemar-iskudidimaladse darba uklesokarsun, adi an-oburgwemalagar.
24175	MAT 26:52	Geb degi Jesús aga sogde: —Be espunyar e-uka-yaba be mese, ar bela dulemar-espunyar-ebumaladi, espunyargi burgoed.
24187	MAT 26:64	Jesús, abin-sogde: —Ar bede soged. A-uki an bega sogbalid, emigi ani Dule-Machi, Bab-Dummad-bela-gangued-nikad-e-argan-nuedsik dule-dummadga an sii be an-dakmaloed, degine, nibneggi mogir-imbaba daniki be an-dakmarbaloed.
24189	MAT 26:66	¿Igi bemar itomarmosunna? Dummagan-igar-itobukmalad abin-imakdemargu, sogdemalad: —Oburgwed ega igar maid.
24193	MAT 26:70	Pedro, bela dulemar-asabin osuloded, sogded: —Aku an itoged, ibu be anga obare.
24196	MAT 26:73	Degine, sikwas sanargusadgine, walik-bukmalad Pedrose nonimargu, ega sogdemarmogad: —Napira an bega soged, be Jesús-sordamogad, ar be-sunmaked mag-itoleged be a-sordamogad.
24202	MAT 27:4	amarga sognonikid: —An dummad nosad, dule-ibmar-gwen-oakalossulid binsa darba an uksad. Ar dummagandi, abin-imakdemalad: —¿Ar anmargardi baisi? ¡Ar wedi begindo!
24209	MAT 27:11	Dule-dummad-neg-dakmaid Pilato-nugad, a-asabin Jesús gwisgudapid. Pilato Jesússe egichialid, ega sogded: —¿Ar be Judiomar-E-Rey? Jesús, abin-sogde: —Ar bede soged.
24219	MAT 27:21	Pilato gannar dulemarga sogdebar: —¿Doa bur wemar-warbogwad bemarga onobi be an-abemala? Emar abin-sogdemar: —Barrabás anmarga onoye.
24220	MAT 27:22	Geb degi Pilato dulemarga sogdesun: —Ar degite Jesús, Cristoye-nugad, ¿igi an imakosunna? Bela abin-sogdemar: —¡We-dule nakrusgi bioke!
24238	MAT 27:40	ega sogde-damalad: —Ar be Bab-Dummadse-goled-neg be earoye sogsad, degi, ibapaagi gannar sobbaloye. Ar be deyob sogsasoggu, emigindi na be dukin bendake, ar be Bab-Dummad-Machile, nakrusgi-naid be aidedage.