31	GEN 1:31	Mulungu kalola chila chinhu chiyatendile, kawona kweli vinoga ng'hani. Iwa imitondo iwa ichigulogulo, siku yesita.
85	GEN 4:5	Mbali Kaini hatogoligwe na Mndewa Mulungu na nhosa yake, ivo Kaini kengilwa na ludoko ng'hani, na kakwesa ng'hombali.
187	GEN 8:3	Mazi yagendelela kuhunguka ugalugagaluga muna iisi. Viifikile siku gana na malongo matano, mazi yahunguka ng'hani.
198	GEN 8:14	Siku ya malongo maidi na saba ya mwezi wekaidi, isi ikala inyala ng'hani.
321	GEN 13:2	Abulamu kakala tajili ng'hani. Kakala na fugo na hela na zahabu.
357	GEN 14:20	Yatunhizigwe Mulungu Yeli Uchanyha, yoyakutendile uwahume wehi wako.” Abulamu kamwing'ha Melikizedeki chinhu chimwe muna ichila vinhu longo viyapatile kuna ing'hondo.
361	GEN 14:24	Ivo sizasola chochose, ila ndiya ziya muhala ziwadile wanike na vinhu viwapatile kuna ing'hondo. Wowolondeka waja wowakalile hamwe na niye, Aneli na Eshikoli na Mamule uwaleke wawe na vinhu vawo.”
428	GEN 18:3	na kalonga, “Wenevale, one munogelwa na niye sekemuifose kaye yangu bila kwima, nahano muladi nidahe kuwasang'hanila.
504	GEN 20:8	Imitondo ng'hani Abimeleki kawatanga wasang'hani wake wose na kawalongela mbuli zose zozilawilile, nawo wadumba ng'hani.
610	GEN 24:18	Imndele kamwidika, “Haya, ing'wa mwenevale,” bahobaho kanenula nongo yake, kayamhilila na kumng'wiza.
627	GEN 24:35	Mndewa Mulungu kamtemela mate mwenevale wangu, na kamtenda munhu tajili ng'hani. Kamwing'ha mabumbila ya ng'hondolo na luti na ng'ombe na hela na zahabu, wanaake na walume na watumwa na ngamiya na vihongwe.
638	GEN 24:46	Nayo kanenula nongo yake himahima na kalonga, ‘Haya ing'wa na nizawang'wiza mazi iviya ngamiya wako.’ Ivo niye ning'wa na ngamiya wangu iviya wang'wizigwa.
689	GEN 25:30	ivo kamulongela Yakobo, “Nina nzala ng'hani, nokulamba uning'he ndiya iyo indung'hu.” Lekamana Esau katangigwa Edomu fambulo jake ndung'hu.
706	GEN 26:13	Isaka kawa tajili na utajili wake ugendelela kongezeka mbaka kawa tajili ng'hani.
723	GEN 26:30	Isaka kawasasalila ndiya ya dugila, nawo waja na wang'wa.
737	GEN 27:9	Hita kuna dibumbila da iwaluti unigalile wanaluti waidi wanogile muladi nimwambikile tati yako ndiya inogile yoyailondaga ng'hani.
753	GEN 27:25	Isaka kalonga, “Nigalile nyama muladi nije na kukutemela mate.” Yakobo kamgalila na kaja, nayo iviya kamgalila divai kang'wa.
799	GEN 29:3	Mabumbila yose ya ng'hondolo yahaiduganya, wadimaji wobimbilisa idibwe ijo kwa hamwe kulawa hana ichisima na kuwang'wiza iwang'hondolo. Maabaho wogubika kaidi ichisima kwa dibwe ijo.
807	GEN 29:11	Maabaho Yakobo kamnonela Laheli na kandusa kulila kwaviya kakala na deng'ho.
813	GEN 29:17	Leya kakalayanogile, mbali Laheli kakala lumondo ng'hani.
1026	GEN 35:14	Yakobo kasimika mhanda hanhu haja Mulungu hoyalongile nayo, kaigidila divai na mavuta fana nhosa ya ching'waji.
1089	GEN 37:5	Chilo chimwe Yosefu kalota nzozi, na viyawasimulile ndugu zake, wawo waiyoha kumwihila ng'hani.
1227	GEN 41:31	Chipindi cha shibe hachizakumbukigwa, kwaviya nzala ikwiza izakuwa ng'hulu.
1386	GEN 45:27	Mbali viwamulongele Yakobo mbuli izo zose ziwalagilizigwe na Yosefu na viyawone mituka yoyagaliligwe na Yosefu kumsola, moyo wake umema deng'ho ng'hani.
1480	GEN 49:6	Mbali niye sizaihanganya muna uwihi wawo, Sizaihanganya na mting'hano wawo, Kwaviya muna uludoko lwawo wamkoma munhu, Chiutundu wawo wakanha umuge wa ng'ombe.
1485	GEN 49:11	Komfunga chihongwe wake kwa nzabi muna umbiki wa zabibu na komfunga mwanachihongwe kwa nzabi muna umbiki wa zabibu unogile, muladi yaje mayani ya mzabibu. Kofuwa viwalo vake muna idivai, Viwalo vake muna idivai ndung'hu.
1497	GEN 49:23	Watowa misale wamtowa ng'hani Na wampigisila misale na wamgaza ng'hani.
1553	EXO 1:20	Ivo Mulungu kawatendela yanogile walala wawo, na wanhu wongezeka ng'hani, wagendelela kuwa na ludabwa ng'hani.
1564	EXO 2:9	Mndele wa mfalume wa Misili kamulongela mwanamke ija, “Msole imwana ino unyong'hezele, nizakuliha.” Ivo mwanamke ija kamsola imwana kamong'heza.
1616	EXO 4:14	Ludoko lwa Mndewa Mulungu lumwakila Musa na kalonga‚ “Vino kahabule sekulu wako Haluni‚ ija Imulawi? Nivimanya kuwa yeye kodaha kulonga vinogile. Kweli, kokwiza kuiting'hana na weye na vondayakuwone kezadeng'helela.
1670	EXO 6:14	Wano wawo walangulizi wa ng'holo. Lubeni‚ chaudele wa Yakobo kakala na wana wane wa chilume, Henoki na Palu na Heziloni na Kalimi. Wawo wakala lukolo lwa Lubeni.
1739	EXO 8:24	Mfalume wa Misili kawalongela, “Nizamulekani muhite mukamulavile nhambiko Mndewa Mulungu, Mulungu wenu kuichuwala, mbali sekemuhite kutali ng'hani. Iviya nipulileni na niye.”
1771	EXO 9:28	Mpuleni Mndewa Mulungu, mana mibumo ino na mvula ya mabwe viiyoha ng'hani. Niye nizamulekelani musegele na hebu hamwizagendelela kukala hano.”
1808	EXO 11:1	Mndewa Mulungu kamulongela Musa, “Nizagala hulo dimwenga dimwe kwa mfalume wa Misili na wanhu wake. Maabaho kezamulekani musegele, na vondayamulekeni musegele, kezamuwingani ng'hani.
1824	EXO 12:7	Wanhu wezasola damu ya mnyama wawo na kuhaka mibiki yamhilile ulwivi lwa ikaye yondawaje ng'hondolo.
1886	EXO 13:18	Mbali Mulungu kawafoseza Waisilaili kuna inzila nhali kufosela muichuwala, kuhita bahali ya Shamu. Waisilaili wasegela Misili kuno waisasala kwa ng'hondo.
1910	EXO 14:20	ima hagati ya Wamisili na Waisilaili. Mhanda ya wingu iyo ubanzi umwe ilava ziza, ubanzi umwenga ilava bung'hulo. Ivo mabumbila yayo maidi, wakalizi wa Misili na Waisilaili hawaikwenhukile chilo chose.
1912	EXO 14:22	Waisilaili wafosa muibahali hana iisi inyalile, mazi yaigola banzi mbili fana ng'huta.
1913	EXO 14:23	Wamisili wawasondelela na wengila mgati muna ibahali, falasi wawo wose na wakwela falasi wawo na mituka yawo ya ng'hondo.
1914	EXO 14:24	Habehi na kucha, Mndewa Mulungu kawalola wakalizi wa Wamisili kulawa muna imhanda ija ya moto na wingu, kawatenda bumbila da wakalizi wa Misili wawe na lugano ng'hani.
1915	EXO 14:25	Kayemiza maguludumu ya mituka yawo ya ng'hondo, yakala yogenda ugaluga ng'hani. Wamisili walonga, “Leka chiwakimbile Waisilaili! Mndewa Mulungu kowagombela Waisilaili!”
1922	EXO 15:1	Maabaho Musa na Waisilaili wamwimbila Mndewa Mulungu wila uno, walonga, “Nizamwimbila Mndewa Mulungu yeli uchanyha ng'hani. Kawasa muibahali falasi na wakwela falasi.
1936	EXO 15:15	Walangulizi wa Edomu wadumba, walangulizi wa Moabu wagudemeka kwa kudumba, wanhu wose wokala Kanaani mizoyo yawo imong'honyoka.
1942	EXO 15:21	Miliamu kawembila, “Mwimbileni Mndewa Mulungu yeli uchanyha ng'hani. Kawasa muibahali falasi na wakwela falasi.”
1966	EXO 16:18	Na viwapimile mhishi ziwaduganye, munhu yaduganye ndiya nyingi hapatile nyingi ng'hani, munhu yaduganye chidogo hapatile chidogo ng'hani. Chila munhu kaduganya ndiya yoimfaya.
1968	EXO 16:20	Mbali wawo hawamtegeleze Musa, ivo wasigaza ndiya mbaka imitondo. Mbali imitondo ndiya iyo iwola, ilava mavunyo na kunung'ha vundo. Ivo Musa kawawonela ludoko ng'hani.
1985	EXO 17:1	Wanhu wose wa Isilaili walawa muna ichuwala cha Sini, wandusa mwanza kulawa hanhu hamwe kuhita hamwenga fana viya Mndewa Mulungu viyawalagilize. Wazenga lago uko Lefidimu, mbali hakukalile na mazi ya kung'wa.
2020	EXO 18:20	Kolondeka uwafundize malagilizo na ndagilizi za Mulungu na kuwalagusa viya viwolondeka kukala na kusang'hana usang'hano.
2045	EXO 19:18	Mulima wa Sinai wakala wogubikigwa na yosi, kwaviya Mndewa Mulungu kahulumuka muna umoto. Yosi dikwela uchanyha fana yosi da tanuli, mulima wose wagudemeka ng'hani.
2118	EXO 22:3	One mnyama yabawigwe yahapatika yahawa mgima kwa mbavi iyo, basi mbavi iyo kezamuliha miyanza midi, yawe ng'ombe hebu chihongwe hebu ng'hondolo.
2171	EXO 23:26	Hakwizakuwa na mwanamke yondayatengule hebu kuwa mgumba muna iisi yenu. Nizamtendani mukale siku nyingi ng'hani.
2174	EXO 23:29	Wanhu wawo sizawawinga muna umwaka umwe, kwaviya isi izasigala yabule chinhu na wanyama wa kumbago wezakongezeka ng'hani.
2189	EXO 24:11	Mbali Mulungu hawalumize walangulizi wawo wa Isilaili. Wamuwona Mulungu na waja na kung'wa.
2198	EXO 25:2	“Walongele Waisilaili wanilavile nhosa. Nihokelele nhosa zangu kulawa kwa munhu yoyose yolonda kuning'ha.
2212	EXO 25:16	Muna disanduku ijo, kwizakwika vibawo va mabwe va ukalangama vondanikwing'he.
2237	EXO 26:1	“Maabaho zenga hema da Mulungu kwa mapanzia longo ya mawalo yanogile yabotigwe kwa nyuzi za langi ya buluu na za zambalau na ndung'hu. Mapanzia yayo kwizayahamba kwa vilumbe walingile fana wasenga wa kuulanga wasongoligwe na fundi.
2269	EXO 26:33	Kwizatumbika panzia ijo muna ivihindo, maabaho udigale disanduku diya da ukalangama dili na vibao vidi va mabwe kuchisogo ya panzia ijo. Panzia ijo dizagola hanhu helile na hanhu helile ng'hani.
2270	EXO 26:34	Ika ngubiko uchanyha ya disanduku da lagano mgati ya hanhu helile ng'hani.
2311	EXO 28:17	Chizahambigwa kwa misitali mine ya mabwe ya bei ng'hulu. Msitali wa mwanduso wizakuwa wa hakiki na topazi na alimasi ndung'hu.
2323	EXO 28:29	“Haluni viyokwingila hanhu helile, kezavala chifuko cha muimhambaga cha kuhumiza chicholigwe mazina ya makabila ya wana wa Isilaili, kwa kutenda ivo, niye Mndewa Mulungu sizawazimiza ng'o.
2364	EXO 29:27	“Kwika kwa sang'hano yelile ya ukulu wa nhambiko, vihande vidi va bebelu da ng'hondolo. Vino ivo chidali chinuligwe uchanyha na chima chibaguligwe. Chidali yeng'higwe Haluni, chima weng'higwe wanage.
2377	EXO 29:40	Hamwe na mwanang'hondolo wa mwanduso, kwizalava chibaba cha usage lunhili wouhanganyigwe na lita imwe ya mavuta yanogile na lita imwe ya divai fana nhosa ya ching'waji.
2412	EXO 30:29	Kwizavibagula vinhu ivo, muladi veleng'hani. Chochose chondachidalise vinhu ivo, chizakuwa chela.
2419	EXO 30:36	Maabaho kwizaudunda uwe usage lunhili muladi usang'haniligwe muna dihema da Mulungu na kuwika haulongozi wa disanduku da lagano, hanhu hondaniiting'hane na weye, uwo kumwenu wizakuwa ubani welile ng'hani.
2458	EXO 32:19	Musa viyafikile mudilago na kuwona dang'ang'a na wanhu wovina, kawona ludoko ng'hani. Kavasa ivibawo viya kulawa muna yamakono yake na kuvibena haja hasi ya mulima.
2459	EXO 32:20	Kasola dang'ang'a lume dowatendile na kadisoma moto, maabaho kadidunda mbaka diwa usage, kakologa usage uwo muna yamazi na kawawangiliza Waisilaili wang'we.
2469	EXO 32:30	Igolo yake Musa kawalongela wanhu, “Muhasanya ng'hani. Mbali sambi nizahita kuchanyha kwa Mndewa Mulungu, yodahika nizadaha kuilumba kwa ichimu chenu.”
2507	EXO 34:10	Mndewa Mulungu kamulongela Musa, “Sambi notenda lagano. Haulongozi ha wanhu wako nizatenda mauzauza yaja hayanalawilila muna iisi yose, hebu muna dikabila jojose. Wanhu wose womukala nawo wezawona sang'hano zangu ng'hulu. Mana nizatenda na weye mbuli za mauzauza na za kudumbiza.
2516	EXO 34:19	“Wana wa udele wose ni wangu, hamwe na wana wa udele wa chilume wa wanyama wako wose, ng'ombe na ng'hondolo.
2569	EXO 36:2	Musa kamtanga Bezaleli na Oholiabu na mafundi wamwenga waja Mndewa Mulungu yaweng'hile udahi, wowolonda kutaza. Musa kawalongela wanduse usang'hano.
2621	EXO 37:16	Katenda via va zahabu yelile va kwika uchanyha ya meza, vyano na nhungo kwa ichimu cha ubani na mabuyu na vihamha kwa ichimu cha kugidila nhosa za ching'waji.
2675	EXO 39:10	Chihambigwa kwa misitali mine ya mabwe ya bei ng'hulu. Msitali wa mwanduso ukala wa hakiki na topazi na alimasi ndung'hu.
2718	EXO 40:10	Maabaho kwizabagula ulupango lwa kutimbulila nhambiko na via vake vose kwa kuchihaka mavuta yelile, nacho chizakuwa chela ng'hani.
2722	EXO 40:14	Kwizawasola wanage na kuwavaza ng'hanzu.
2759	LEV 1:13	Mbali kezasunha na mazi utumbo na migong'ho. Mkulu wa nhambiko iyo kezavikwesa vose na kuvitimbula mchanyha ya lupango, iyo ni nhambiko ya kutimbula kwa moto ili na mnung'ho unogile woumnogeza Mndewa Mulungu.
2875	LEV 6:18	“Walongele Haluni na wanage wa chilume kuwa yano ni malagilizo kusonhela nhambiko ya uhasanyi. Hanhu haja hoyochinjiligwa mnyama wa nhambiko ya kutimbula ni baho hondayachinjiligwe mnyama wa nhambiko ya uhasanyi, haulongozi ha Mndewa Mulungu. Iyo ni nhambiko yelile ng'hani.
2879	LEV 6:22	Chila mulume muna ulukolo lwa wakulu wa nhambiko kodaha kuja, iyo ni nhambiko yelile ng'hani.
2881	LEV 7:1	“Yano ni malagilizo kusonhela nhambiko ya ubananzi. Nhambiko iyo yela ng'hani.
2886	LEV 7:6	Wotogoleligwa kuja nhambiko iyo ni walume wa lukolo lwa wakulu wa nhambiko muhala, mbali yolondeka kudiligwa hanhu helile. Nhambiko iyo yela ng'hani.
2903	LEV 7:23	“Walongele Waisilaili kuwa sekewaje mabambala ya mavuta ya ng'ombe hebu ya luti hebu ya ng'hondolo.
2943	LEV 8:25	Maabaho kaduganya mabambala yose ya mavuta, mkila hamwe na mabambala yake ya mavuta na mabambala yake ya mavuta yogubika utumbo na hanhu hanogile ha ini na figo zose mbili na mabambala ya mavuta yake na chima cha kulume cha bebelu da ng'hondolo.
2990	LEV 10:12	Musa kamulongela Haluni na wanage wowasigale, Eleazali na Isamali, “Soleni nhosa ya mhule yoisigale muna zinhambiko za Mndewa Mulungu zozilavigwe kwa moto. Muje gate hadigumigwe lusu habehi ya ulupango kwaviya ni yelile ng'hani.
3121	LEV 14:9	Kezawegula nyele zake zose zili mditwi na ndevu na ng'humbitu. Kezawegula nyele zose zili muna ulukuli lwake. Maabaho kezafuwa viwalo vake na kezakoga, nayo kezakwela.
3125	LEV 14:13	Maabaho kezamchinja mwanang'hondolo iyo hana ulupango, hanhu howochinjiligwa wanyama wa nhambiko ya uhasanyi na nhambiko ya kutimbula. Nhambiko ino ya ubananzi fana viili nhambiko ya uhasanyi, ivo ni va mkulu wa nhambiko, ni nhambiko yelile ng'hani.
3217	LEV 16:15	“Maabaho kezadichinja diya bebelu da luti da nhambiko ya uhasanyi kwa wanhu wose. Kezagala damu ya luti iyo hanhu helile ng'hani, na kwa damu iyo kezatenda viyaviya fana viyaitendile damu ya ng'ombe. Kezaimiza mchanyha ya ngubiko ya kuilumba na kuulongozi kwake.
3231	LEV 16:29	“Lagilizo dino molondeka mudizindilile siku zose. Siku ya longo ya mwezi wesaba, mweye na nyambenyambe wowokala kumwenu, siku iyo molondeka mufunge na muleke kusang'hana usang'hano.
3342	LEV 20:23	Sekemusondelele vihendo va wanhu wokala uko, nowawinga wanhu haulongozi wenu. Kwaviya watenda mbuli zino zose, niwehila ng'hani.
3434	LEV 23:31	Sekemusang'hane usang'hano. Ndagilizi ino izindililigwe siku zose muna zinyelesi zenu na hanhu hohose homukala.
3531	LEV 26:6	“ ‘Nizamwing'hani tindiwalo muna iisi muladi mudahe kugona bila kudumba chochose. Nizawawinga wanyama wa kumbago muna iisi yenu na isi yenu haizakuwa na ng'hondo.
3555	LEV 26:30	Nizahabomola hanhu henu ha nhambiko heli kumulima, nizabomola mapango yenu ya kusomela ubani na kwasa mitufi yenu mchanyha ya nyang'hiti zenu za milungu. Nizamwihilani ng'hani.
3559	LEV 26:34	Mweye vondamuwe muna izisi za wehi wenu, isi izadeng'helela siku zake za kuhumula, vondaiwe mahame. Isi izahumula na kudeng'helela.
3561	LEV 26:36	“ ‘Kumwenu wanhu wondawasigale nizawagalila ludumbo muna imizoyo yawo muna izisi za wehi wawo. Yani dihembeluka dizawatenda wakimbile, wezakimbila fana munhu yokimbila ng'hondo. Wezakimbila na kugwa kuno kwabule munhu yowawinga.
3562	LEV 26:37	Wezaigwila fana munhu yokimbila ng'hondo. Wezakimbila na kugwa hata one habule munhu yowawinga. Hamwizakuwa na nguvu yoyose ya kuwatowa wehi wenu.
3599	LEV 27:28	“ ‘Chinhu chochose chochilavigwa kwa Mndewa Mulungu, iwe munhu hebu mnyama hebu chinhu chipatike kwa uhazi, hachizachuuzigwa hebu kukomboligwa. Chinhu chochose chilavigwe kwa Mndewa Mulungu chela ng'hani.
3699	NUM 3:6	“Wakwenhuse habehi wanhu wa kabila da Lawi na uweke haulongozi ha mkulu wa nhambiko Haluni muladi wamsang'hanile.
3702	NUM 3:9	Haluni na wanage wezakwing'higwa Walawi, wawo walavigwa mwa Waisilaili muladi wawasang'hanile.
3724	NUM 3:31	Wakala wodilola goya sanduku da lagano na meza na chinala cha chitasa na malupango na via viwosang'hanila wakulu wa nhambiko hana ihanhu helile na panzia, na via vose va kusang'hanila.
3751	NUM 4:7	“Uchanyha ya meza ya kulavila magate yelile yoyokwikigwa haulongozi wa Mndewa Mulungu, wezakwanzanza chitambala cha langi ya buluu chiya uchanyha yake wezakwika vyano na vitanda va ubani na nhungo, kwa ichimu cha kulavila nhambiko za ving'waji. Uchanyha ya meza kwizakuwa na magate siku zose.
3817	NUM 5:24	nayo kezamng'wiza mwanamke iyo mazi yayo yeli usungu yoyogala duwilo, nayo yezakwingila mgati yake na kumgalila mawine makulu ng'hani.
3839	NUM 6:15	na chisege cha magate hayagumigwe lusu na maandazi ya usage unogile uhanganyigwe na mavuta, na magate masisili hayagumigwe lusu yabobodigwe mavuta hamwe na nhosa za usage na ching'waji.