23439	MAT 8:25	In dõ fiya tar dilen, turĩ difiyẽ, diron, “Odug, usennamã! Amã mogo naanũ mamutatã gare mausiyou fenẽ!”
23441	MAT 8:27	Tamo idi terẽ de fen, to difen, “Tamo eĩ naig fiya bagai? Maaĩ yau ado karĩ difiye ken, dõ difef!”
23451	MAT 9:3	Anĩ karĩ de fen, lo ifelnẽdiya tamo tunĩ, idi neid kisi bun diron, “Tamo eĩ Negur kono fiyek!”
23475	MAT 9:27	Jesus modoũ anĩ itor ken, iyok ile mog, tamo uru meleid ifofakeleya Jesus dõ difiyen, diweig diron, “Dawid Naal, amã nigin waũ inõ!”
23696	MAT 14:30	Anĩ ere, ĩ yau ile fen, kumĩ ye di, gamai imutuk isil fen, iweig iron, “Odug, usenna!”
23704	MAT 15:2	“Ere nigin on dõ fiya tar, mudur ado neid tobonunã wal difedig? Idi neid imeid kulo fiya sã, saaf dõdig!”
23727	MAT 15:25	Kayau anĩ isin, wagen ibor bobou fe fen, ĩ iron, “Odug, aya usenna!”
23763	MAT 16:22	Pita Jesus yale, yerin irou ile ou fiyen, ĩ iron, “Odug, sã bagai! Enĩ ganan õ nigin to bagai wõ youf!”
23774	MAT 17:5	Pita fau wogõ ye mog, lalo lalau bagai idi kerub fedin, ait taka lalo namen iron, “Eĩ neu Kesu, ĩ nigin aya wau laa fedig, ĩ nigin aya wau kulĩ yedig. Ĩ karĩ wiyẽg!”
23880	MAT 20:19	Age de fen, idi ĩ haiden Juda sã anidi imeid bun dino di, kono difiyẽ, wagĩ difiye ken, aa tetek bun dukesiyouf. Naa towo bun, ĩ mata kel fã youf!”
23891	MAT 20:30	Tamo uru meleid ifofakelen naab yerin dibodon. Sain idi Jesus isi ilef yeya karĩ de fen, diweig diron, “Odug, Dawid Naal, amã nigin malalon yõ!”
23892	MAT 20:31	Tamo kayau idi ou difiyeĩd fen, foro dalauf nigin dirokenẽdin, anĩ ere, idi wade bagai diweig diron, “Odug, Dawid Naal, amã nigin malalon yõ!”
23904	MAT 21:9	Tamo kayau uyu dilen ado, dume dõ difen diweig diron, “Hosiana, Dawid Naal bun!” “Odug yana bunem isif, ĩ el fiya ado!” “Hosiana, saa ilun bagai!”
23914	MAT 21:19	Mala irakelen, aa fig naab yerin ilen, Jesus iyok iselen fele fen, aa fig biya sã ege aarau dogol. Jesus aa fig irokenen, “Õ baban to bagai umauf!” Kaisã bagai, aa fig gariri kelen.
24169	MAT 26:46	Fafãg fen, teleg! Kiwai imeid bun inoya tamo yeir isif!”
24172	MAT 26:49	Judas, kaisã bagai, Jesus wagen ile iron, “O Rabi, fel!” Age ye fen, ĩ umã fiyen.
24195	MAT 26:72	Ĩ baban waf fen, totol od iron, “Tamo are aya keleĩ sã!”
24197	MAT 26:74	Age de di, ĩ mogo yogo bouwa geluf fen, totol od irokenẽdin, “Tamo are aya keleĩ sã!” Age ye mog, kaisã bagai tataro kokorok yen.
24220	MAT 27:22	Pailat to fedin, “Age fiyauf are, aya, Jesus, Kristus dedig nigin, ere naig afouf?” Idi ganan diron, “Aa tetek bun ũf!”
24221	MAT 27:23	Pailat to fedin, “Ere nigin? Ere mosor ĩ age fen?” Anĩ ere, idi totol bagai diweig diron, “Aa tetek bun ũf!”
24222	MAT 27:24	Pailat ĩ anĩ ile fen, ĩ od irõya nigin naab taka sã, anĩ tamo kayau idi totol bagai dino fen, kusĩ dou fenẽ age dife di, ĩ naan yale fen, tamo kayau meleid bun ima kulof fen, ĩ iron, “Tamo enĩ naud aya bun sã, are ãgenei sakir!”
24223	MAT 27:25	Tamo kayau ganan aiten dale diron, “Yogon naud utor len, amã bun ado nemã kesu tar bun yenẽf!”
24227	MAT 27:29	Age dife fen, idi malũ duri ado dale, teter tanak kori de fen, ĩ mudur bun kurũ difen. Idi werĩ tibog dale, ima biyalẽ dino fen, wagen bobou de fen, diselinen. Idi diron, “O Juda neid king gai gai ibodõf!”
24238	MAT 27:40	idi diron, “Õ onom tempel narĩ wol fen, baban naa towo bun anouf won, õ ogo nigin usennẽf! Õ Negur Naal wouf are, aa tetek bun tamal kutũ weis!”
24252	MAT 27:54	Kusĩ tamo tunĩ, idi neid orowa geid, Jesus tari difiyen, teneub yoũ fe di, ereb ereb ganan wowã ye di, dile fen, fatuk bagai terẽ de fen, diron, “Momoi bagai, ĩ Negur Naal!”
24299	MRK 1:15	Ĩ iron, “Sain mogo isil. Negur nẽ tano mogo melsak. Wauĩ falei wog fen, biya od enĩ nigin wauĩ momoi gei!”
24308	MRK 1:24	“Õ amã ere naig wamã fenẽ, Jesus Nasaret tamal? Õ amã daig wamã fenẽ nigin usil de? Aya õ nigin keleĩ, Negur nẽ Fateul bagai!”
24309	MRK 1:25	Jesus totol ado iron, “Foro wol! Ĩ namen tamal ulõ weis!”
24321	MRK 1:37	An fotou difiye ken, idi dirokenen, “Tamo kayau ganan õ dimirnok!”
24325	MRK 1:41	Jesus wau gudũf fen, ima irã, kobũ fiye ken, ĩ iron, “Aya wau irok, õ bouwã biyaf!”
24341	MRK 2:12	Ĩ fã yale, ganan meleid bun in gabgab yale iyok ilen. Age fe di, tamo kayau ganan terẽ de fen, Negur yana dales diron, “Ada kulu ereb eig fiya taka to tailen!”
24431	MRK 4:39	Ĩ fã yen, yau sakã fiye ken, maaĩ irokenen, “Kee resig fen, dẽ weleg!” Age ye di, yau dẽ yele di, maaĩg oditekei dẽ yelen.
24433	MRK 4:41	Idi fatuk bagai kumĩ tererẽ de fen, abob toti difen, “Eĩ aim bagai? Ĩ irõ di, yau maaĩ adog ait dõ difef!”
24440	MRK 5:7	Ĩ ait odug nem iweig iron, “Õ aya ere naig wiyau fenẽ, Jesus, Negur Ilun Bagai nẽ Naal? Negur yana nem aya õ agonok, õ aya to daig wiyauf!”
24441	MRK 5:8	Ere nigin, ĩ mogo kaa sane irokenen, “Õ tamo enĩ bun tamal ulõ weis!”
24474	MRK 5:41	Jesus ĩ imalẽ yalesne ken, irokenen, “Talita kum!” (anĩ nẽ gariya, “Kayau naal, aya õ arokonok, fã wo!”).
24492	MRK 6:16	Anĩ ere, sain Herod od enĩ karĩ ye fen, ĩ iron, “Jon, tamo anĩ ayam ula gudũ afen, ĩ laa fen anĩ kel fã yen!”
24614	MRK 9:7	Agef mog, lalo isi, idi kerub feid fen, ait taka lalo bunem wõ yen, “Eĩ neu Kesu, ĩ nigin aya wau laa fedig. Ĩ karĩ wiyẽg!”
24631	MRK 9:24	Kaisã bagai, kesu nẽ tama iweig iron, “Aya momoi auf, neu momoiya naal nigin usenna!”
24680	MRK 10:23	Jesus falei yel fen, in dõ fiya tar irokenẽdin, “Safina musei ado tamo, Negur nẽ tano bun ileya nigin gai malai bagai!”
24685	MRK 10:28	Pita Jesus irokenen, “Amã ereb ereb ganan mator ken, õ dõ mayok!”
24704	MRK 10:47	Sain ĩ Jesus Nasaret tamal yeya anĩ karĩ ye fen, ĩ iweig iron, “Jesus, Dawid Naal, aya nigin malalon yõ!”
24705	MRK 10:48	Age ye di, tamo musei sakã difiye ken, foro yalauf nigin dirokenen, anĩ ere, ĩ wade bagai iweig iron, “Dawid Naal, aya nigin malalon yõ!”
24718	MRK 11:9	Tamo kayau uyu dilen ado dume dõ difen, kakaĩ de diron, “Hosiana!” “Odug yana bunem isif, are ĩ el fiyek!”
24719	MRK 11:10	“Neda tamada Dawid nẽ tano isif, are el fiyek!” “Hosiana, ilun bagai!”
24730	MRK 11:21	Pita weder fokõ yel fen, Jesus irokenen, “Rabi, ulef! Õ aa fig usisin, are gariri kelen!”
24739	MRK 11:30	Jon naan igunẽdin, are saa ilun tamal de, tamo bunem? Urokanag!”
24769	MRK 12:27	Ĩ laa neid Negur sã, anĩ ere, ĩ mata ibodõya neid. Ã fatuk bagai kũ wenẽgef!”
24787	MRK 13:1	Jesus ĩ tempel bunem kutũ yeis mog, in dõ fiya tar taka ĩ irokenen, “Ule, Tise! Ere meein odudug oug fediya! Ere fõ meli meli oug fediya!”
24865	MRK 14:42	Fafãg fen, teleg! Kiwai imeid bun inoya tamo yeir isif!”
24888	MRK 14:65	Age de fen, tunĩ Jesus disisnẽ, mala difofakel fen, imedim dun. Age de fen, idi diron, “Aim inok kurõ weis urõ!” Age dife di, kusĩ tamo Jesus dale fen, dun.
24908	MRK 15:13	Idi diweig diron, “Aa tetek bun ũf!”
24909	MRK 15:14	Pailat idi to fiyẽdin, “Ere nigin? Ere mosor ĩ age fen?” Anĩ ere, idi totol bagai diweig diron, “Aa tetek bun ũf!”
24913	MRK 15:18	Age de fen, idi ĩ diweig dirokenen, “O, Juda neid king gai gai ibodõf!”
24925	MRK 15:30	õ ogo nigin usenne ken, aa tetek bun tamal kutũ weis!”
24934	MRK 15:39	Kusĩ tamo neid orowa, Jesus wagen an ifaren anĩ, in kaĩya anĩ karĩ ye, in laa anĩ ile fen, iron, “Momoi bagai, tamo enĩ Negur Naal!”
25007	LUK 1:45	Kayau taka, ĩ ereb Odug ĩ irokenek are agef kisi fel wõ youf, ye fen, momoi yef, are Negur ĩ el fiyek!”
25166	LUK 4:34	“O, Jesus Nasaret tamal, õ amã ere naig wamã fenẽ? Õ amã daũ wamã fenẽ nigin usil de? Aya õ nigin keleĩ, Negur nẽ Fateul anĩ!”
25167	LUK 4:35	Jesus totol ado iron, “Foro wol! Ĩ namen tamal ulõ weis!” Age ye di, kaa sane anĩ, tamo kayau ganan atun, tamo anĩ tou fiyẽ ira ken, ulõ yeis ilen, tamo are bouwa to daũ fen.
25173	LUK 4:41	Kaa sesen, tamo kayau musei bun, ulolõ deis fen, diweig diron, “Õ anĩ Negur Naal!” Anĩ ere, ĩ sakã fiyeĩd fen, to wogõ douf nigin sigoreid ifofan, ere nigin, idi keleĩ, ĩ Kristus.
25184	LUK 5:8	Sain Simon Pita enĩ ile fen, Jesus iboron bobou fe fen, iron, “Odug, aya utorna ule, aya mosor nẽ tamo!”
25278	LUK 7:14	Age ye fen, ĩ isel, dege kobũ fe di, faali difen idi, dẽ delen. Ĩ iron, “Tamo gaũ, aya õ arokonok, fã wale!”
25338	LUK 8:24	In dõ fiya tar dile, Jesus turĩ difiyẽ diron, “Odug, Odug, ada naanũ talalau fenẽ!” Ĩ fã yale, yau naan moloun wĩ yen ado, sakã fiyẽdi di, yau uyẽ ado irorou kel, ganan dẽ delen.
25342	LUK 8:28	Ĩ Jesus ile fen, kaĩ ye, Jesus ye gariyan kubũ ye, ĩ ait odugem iweig iron, “Õ aya ere naig wiyau fenẽ, Jesus, Negur Ilun Biya nẽ Naal? Aya õ agonok, õ aya to daig wiyauf!”
25368	LUK 8:54	Anĩ ere, Jesus ĩ ima yales fen, iron, “Neu kesu, fã wo!”
25472	LUK 10:40	Anĩ ere, Marta ereb ereb dodok fiya anĩ bun kisi yen ken, Jesus wagen isi to fiyen, “Odug, neu turau itorna di, aya mugu kabĩ alef anĩ nigin, õ to kisi wof de? Ĩ uroken, aya isenna!”
25487	LUK 11:13	Ã seseneĩ bagai, anĩ ere, ãgenei kesu safina biya biya anĩ ifenẽdiya, ã keleĩ bagai youf are, ãgenei anĩ wal fiya, Temeĩ saa ilun ibodok, Awa Uur Fateul aib idi to difiyek, idi ifenẽdiyouf bagai!”
25725	LUK 17:5	Aposel idi Odug dirokenen, “Nemã momoiya odug wouf!”
25733	LUK 17:13	aiteid odug nem diweig diron, “Jesus, Odug, amã nigin malalon yõ!”
25785	LUK 18:28	Pita Jesus irokenen, “Ulef, amã õ dõ mayõf nigin, ereb ereb ganan amã ado anĩ matoron!”
25795	LUK 18:38	Age de di, ĩ iweig iron, “Jesus, Dawid Naal, aya nigin malalon yõ!”
25796	LUK 18:39	Tamo uyu dilen anidim sakã difiye ken, foro yalauf nigin dirokenen, anĩ ere, ĩ wade bagai iweig iron, “Dawid Naal, aya nigin malalon yõ!”
25838	LUK 19:38	“King, Odug yana bunem isif, are ĩ el fiya ado!” Saa ilun wau inosiya ado, ilun bagai fula fiya medeĩya ado!”
25839	LUK 19:39	Tamo kayau atun, Farisia tamo tunĩ Jesus dirokenen, “Tise, ogon dõ fiya tar sakã wiyeĩd!”
25864	LUK 20:16	Ĩ isi, kabĩ lo fiya tamo idenkeis fen, wain kabĩ anĩ tamo tunĩ ifenẽdiyouf.” Sain tamo kayau od enei karĩ de fen, idi diron, “Enei to bagai agef wõ youf!”
25887	LUK 20:39	Lo ifelnẽdiya tamo tunĩ aiten dale diron, “Tise, õ de urok!”
25984	LUK 22:51	Anĩ ere, Jesus iron, “Baban enei to ago gouf!” Age ye fen, ĩ tamo anĩ nẽ weder kobũf fen, el fiyen.
25991	LUK 22:58	Sain naal ile di, taka nem ĩ ile fen, iron, “Õg idi neid taka.” Anĩ ere, Pita iron, “Mou, aya sã!”
25993	LUK 22:60	Anĩ ere, Pita aiten yale iron, “Tamo, õ urok anĩ aya keleĩ sã!” Ĩ irõ mog bagai, tataro kokorok yen.
26022	LUK 23:18	Anĩ ere, idi sigoreid takai fen, diweig diron, “Tamo enei ukesiyouf! Barabas walis kanamã!”
26025	LUK 23:21	Anĩ ere, idi baba baban diweig diron, “Aa tetek bun ũf! Aa tetek bun ũf!”
26034	LUK 23:30	Age de fen, “‘idi arei dirokenẽdiyouf, “Teteman kukug!” arei mudu dirokenẽdiyouf, “Kerub wamãg!”’
26043	LUK 23:39	Lo wal fiya tamo aa tetek bun difaren anĩ takam, Jesus kono fiyẽ iron, “Õ Kristus ouf are, õ ogo usenne ken, amã usennamãf!”
26149	JHN 1:36	Ĩ, Jesus isi ile di, ile fen, ĩ iron, “Ulegef, Negur nẽ Sipsip Naal!”
26180	JHN 2:16	Idi kuburir na sur difen anĩ irokenẽdin, “Eneidi ein waleledig, neu Dei nẽ fõ anĩ maket modoũ to unog!”
26193	JHN 3:4	Nikodemus Jesus to fiyen, “Tamo ĩ biyan anĩ, sina naig fe baban gõ fouf? Momoi bagai, ĩ sina namen baban ile di, gõ fiyẽya kisi feleya sã!”
26628	JHN 11:36	Age fe di, Juda tamo kayau diron, “Ulegef, ĩ nigin fatuk bagai wau laa fen anĩ!”
26635	JHN 11:43	Jesus od enei wogõ yel fen, ait odug nem iwegin, “Lasarus, ulõ weis!”
26662	JHN 12:13	Idi pam aarau anã aarau gen anĩ guri de, Jesus tarabã difiyẽf nigin dile fen, diweig diron, “Hosiana!” “Odug yana bunem isif, ĩ el fiya ado!” “Israel neid King, ĩ el fiya ado!”
26668	JHN 12:19	Age dife di, Farisia tamo idi abob dirokenen, “Ulegef, ada kabĩ ege talegef. Lo gouf are, tamo kayau ganan ĩ dõ difiyek!”
26677	JHN 12:28	Dei ogo yanã selĩ kulõ!” Age ye di, ait taka saa ilunem isin, “Aya mogo anĩ selu abin, aya baban anĩ selu abiyouf.”
26894	JHN 18:40	Idi baban diweig, solo de diron, “Sã, ĩ sã! Barabas anĩ wanamãf!” Barabas ĩ anĩ bẽ tamal.
26897	JHN 19:3	idi baba baban ĩ wagen dile fen, diron, “O Juda neid king gai gai ibodõf!” Age de fen, wala fã difen.
26899	JHN 19:5	Sain Jesus malũ duri kurũ difiyen, gabar kadaũ difounnen ado, serẽ isi di, Pailat idi irokenẽdin, “Tamo are yeir!”
26900	JHN 19:6	Pris odudug, tempel lo fiya tamo geid, ĩ dile fen, diweig diron, “Aa tetek bun ũf! Aa tetek bun ũf!” Anĩ ere, Pailat idi irokenẽdin, “Ã aug waleg, aa tetek bun ũg. Aya ĩ bun mosor taka to ailef.”
26909	JHN 19:15	Anĩ ere, idi diweig diron, “Uru uraile! Uru uraile! Aa tetek bun ũ!” Pailat to fen, “Aya ãgenei king aa tetek bun aũf de?” Pris odudug solo de diron, “Amã king taka sã, Sisa dogol.”
26938	JHN 20:2	Anĩ kayau, Simon Pita, dõ fiya taka Jesus ĩ nigin wau laa fedig anidi gedin gudu ref ile, irokenẽdin, “Idi Odug matmat bun tamal dale diroulen, ĩ nain be dinon, ada keleĩ sã!”
26954	JHN 20:18	Anĩ nigin, Maria Magdala tamal, in dõ fiya tar gedin ile irokenẽdin, “Aya Odug ailel!” Age ye fen, Maria Jesus od enei irokenen anĩ, idi wogõ fiyẽdin.
26955	JHN 20:19	Uub nẽ naa matu Sande aragau anĩ bun, Jesus nẽ dõ fiya tar, Juda tamo nigin kumĩ de fen, sukar kotũ difel, aaben guru de dibod mog, Jesus isi, idi atun ifar fen, iron, “Wau inosiya ã ado ibodõf!”
26961	JHN 20:25	Anĩ nigin, dõ fiya tar tunim ĩ dirokenen, “Amã Odug mailen!” Anĩ ere, ĩ idi irokenẽdin, “Aya yogon ima bun tuti ba to ailauf, aya imau gege tuti ba bun to ano fen, aya imau siri bun to anouf, aya to momoi auf.”