42	GEN 2:11	Dehcho t'akwełǫ̀ǫ̀ sìı Pıshon wìyeh. Eyı dehcho Havılah nèk'e sǫǫ̀mbaekwo gǫ̀hłı̨ı̨ sìı ekǫ nèk'e welǫ ts'ǫ̀ nı̨ı̨lı̨ hǫt'e.
241	GEN 10:6	Dıı Ham weza agı̨ı̨t'e: Kush, Mızram, Put eyıts'ǫ Kanan.
249	GEN 10:14	Patrus got'ı̨į̀, Kasluh got'ı̨į̀ (eyı dǫ xàgeèɂaa gots'ǫ Fılıstea got'ı̨į̀ gǫ̀hłı̨), eyıts'ǫ Kaftor got'ı̨į̀. Eyı dǫ xàgeèɂaa hazǫǫ̀ sìı Mızram gots'ǫ dǫ agı̨ı̨t'e.
260	GEN 10:25	Eber weza nàke gǫ̀hłı̨: Įłè Peleg wìyeh. Ekò k'e dǫ ełets'ǫǫ̀ agejà t'à hawìyeh adlà. Peleg wechı Joktan wìyeh.
283	GEN 11:16	Eber taènǫ-daats'ǫ̀-dı̨ (34) weghoò ekò weza Peleg wegǫ̀hłı̨.
284	GEN 11:17	Wezaa Peleg wegǫ̀hłı̨ tł'axǫǫ̀ Eber dı̨akw'eènǫ-daats'ǫ̀-taènǫ (430) xo ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
285	GEN 11:18	Peleg taènǫ weghoò ekò weza Reyu wegǫ̀hłı̨.
286	GEN 11:19	Weza Reyu wegǫ̀hłı̨ tł'axǫǫ̀ Peleg nàkeakw'eènǫ-daats'ǫ̀-łǫǫ̀tǫ (209) xo ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
326	GEN 13:7	Eyıt'à Abram wets'ǫ tıts'aàdìı-k'èdìı-dǫǫ̀, eyıts'ǫ Lot wets'ǫ tıts'aàdìı-k'èdìı-dǫǫ̀ ełeghǫgeet'ı̨į̀ agejà. Ekò k'e Kanan got'ı̨į̀ eyıts'ǫ Perız got'ı̨į̀ eyı nèk'e nàgedè ı̨lè.
343	GEN 14:6	Eyıts'ǫ shìhta Seyır gòyeh ekǫ Horı got'ı̨į̀ nàgedèe sìı ededı̨ sı goghǫ geèhnǫ. Ekìı-ka nèk'e gà kǫ̀ta El-Paran gòyeh haı̨wa ts'ǫ̀ ekǫ got'ı̨į̀ xè ełegıagǫ t'à goghǫ geèhnǫ.
380	GEN 15:19	Ken got'ı̨į̀, Kenız got'ı̨į̀, Kadmon got'ı̨į̀, Het got'ı̨į̀, Perız got'ı̨į̀, Refayım got'ı̨į̀, Amor got'ı̨į̀, Kanan got'ı̨į̀, Gırgash got'ı̨į̀ eyıts'ǫ Jebus got'ı̨į̀ gınèè hazǫǫ̀ naxıghàehła hǫt'e,” gots'ǫ̀ K'àowo Abram ts'ǫ̀ hadı.
535	GEN 21:21	Ekìı-ka nèk'e Paran nàde ekò wemǫ Egypt nèk'e gots'ǫ ts'èko yeghaį̀hchì.
570	GEN 22:22	Kesed, Hazo, Pıldash, Jıdaf, eyıts'ǫ Betuyel,” gedı.
679	GEN 25:20	Isaac dı̨ènǫ weghoò ekò Rebekah xè honìdza. Rebekah, Aram got'ı̨į̀ Betuyel wetì hǫt'e, Padan-Aram nèk'e gots'ǫ dǫ hǫt'e, eyıts'ǫ Laban wedè hǫt'e.
776	GEN 28:2	Dıì-t'ıì Padan-Aram nèk'e ts'ǫ̀ aąde. Nemǫ wetà Betuyel wekǫ̀ ts'ǫ̀ aąde. Ekǫ gots'ǫ nemǫ wı̨ı̨de Laban wetìke gots'ǫ ts'èko edegha į̀hchı.
779	GEN 28:5	Eyı tł'axǫǫ̀ Isaac edeza Jacob ekǫ ts'ǫ̀ ayį̀į̀là. Eyıt'à Padan-Aram nèk'e Aram got'ı̨į̀ Betuyel weza Laban ts'ǫ̀ ajà. Laban, Rebekah wı̨ı̨de hǫt'e, eyıts'ǫ Rebekah, Jacob eyıts'ǫ Esau gımǫ hǫt'e.
780	GEN 28:6	Isaac, Jacob Padan-Aram nèk'e gots'ǫ ts'èko ìhchı yèhdıì yatı nezı̨ı̨ yeghàı̨ɂǫ xè ekǫ ts'ǫ̀ yeèhɂà eyıts'ǫ “Kanan got'ı̨į̀ gots'ǫ ts'èko į̀hchı ha-le,” yèhdıı sìı Esau yeghǫ ıìkw'o.
781	GEN 28:7	Jacob edetà eyıts'ǫ edemǫ k'èı̨t'e t'à Padan-Aram nèk'e ts'ǫ̀ ajà, eyı sı yeghǫ ıìkw'o.
891	GEN 31:17	Eyıt'à Jacob, Kanan nèk'e edetà ts'ǫ̀ anade ha sınìtła. Edeza eyıts'ǫ edets'èkeè tıts'aàdìıcho k'e nègòı̨wa. Wets'ǫ tıts'aàdìı hazǫǫ̀ edenakweè k'eɂà agǫ̀ǫ̀là, eyıts'ǫ Padan-Aram nèk'e gots'ǫ t'asìı hazǫǫ̀ ełèyı̨ı̨laa sìı hazǫǫ̀ edexè ayį̀į̀là.
959	GEN 32:31	“Nǫ̀htsı̨ weehɂı̨ kò t'asahjà-le,” Jacob hadı. Eyıt'à eyı gòɂǫǫ sìı Penıyel gòyeh ayį̀į̀là.
960	GEN 32:32	Sa danıwà daaɂa ekò eyı Penıyel gòɂǫǫ sìı yete nàèhtła. Weɂà tsį̀ı̨wo t'à k'echı̨eɂa xè naeda.
979	GEN 33:18	Jacob, Padan-Aram nèk'e gots'ǫ nǫ̀ǫtła tł'axǫǫ̀ wexè t'asagòjà-le xè Kanan nèk'e kǫ̀godeè Shekem ts'ǫ̀ nììtła. Kǫ̀godeè gotadà edenı̨hbàa nàı̨hgè.
1011	GEN 34:30	Eyı tł'axǫǫ̀ Jacob, edeza Sımeyon eyıts'ǫ Levı ts'ǫ̀ hadı, “Jǫ nèk'e Kanan got'ı̨į̀ eyıts'ǫ Perız got'ı̨į̀ sedzagı̨ı̨hwhǫǫ̀ agìahłà t'à segha hoìla hòwhàahtsı̨ hǫt'e. Goı̨tłǫǫ ats'ı̨ı̨t'e nıìle, eyıt'à ełets'àgedı xè gots'ǫ̀ ełegegǫ nı̨dè gonahk'e gı̨ı̨lı̨ t'à sèot'ı̨ hazǫǫ̀ xè ełaàsegèhwhı ha,” gòhdı.
1021	GEN 35:9	Jacob, Padan-Aram nèk'e gots'ǫ Bethel ts'ǫ̀ nǫ̀ǫtła ekò k'achı̨ Nǫ̀htsı̨ wets'ǫ̀ wègoèht'į̀ eyıts'ǫ yatı nezı̨ı̨ t'à yek'eèyaı̨htı.
1038	GEN 35:26	Zılpah, ts'èko Leah gha eghàlaedaa sìı weza nàke gòı̨lè: Gad eyıts'ǫ Asher. Jacob weza hageètłǫǫ Padan-Aram nèk'e gıgǫ̀hłı̨.
1080	GEN 36:39	Akbor weza Bayal-Hanan ełaı̨wo tł'axǫǫ̀ Hadad yetł'axǫǫ̀ k'àowocho whelı̨. Wets'ǫ kǫ̀godeè Payu gòyeh, wets'èkeè Metabel wìyeh, Matreb wetì hǫt'e eyıts'ǫ Mezahab wesah hǫt'e.
1082	GEN 36:41	Oholıbamah, Elah, Pınon,
1120	GEN 37:36	Hanàhòwo t'à Mıdıyan got'ı̨į̀ Egypt nèk'e dǫ Potıfar wìyeh ts'ǫ̀ Joseph gıghǫ nàèdì. Eyı dǫ sìı k'àowocho Faraoh gha eghǫǫ-dǫǫ̀ gha k'àowo elı̨ ı̨lè.
1149	GEN 38:29	Hanìkò bebìa edılà ı̨dè anayį̀į̀là ekò wechı dǫ-elı̨. Eyı ts'èko dıı hadı, “Hanì t'aa t'akwełǫ̀ǫ̀ xàneetła nǫǫ̀!” yèhdı. Eyıt'à Perez wìyeh agı̨į̀là.
1151	GEN 39:1	Ishmael got'ı̨į̀ Joseph Egypt nèk'e ts'ǫ̀ geèhchì ekò Egypt got'ı̨į̀ ı̨łè Potıfar wìyeh Joseph goghǫ nàyeèhdì. Eyı dǫ Potıfar k'àowocho Faraoh gha eghǫǫ-dǫǫ̀ gha k'àowo elı̨.
1152	GEN 39:2	Nǫ̀htsı̨ Joseph k'èdì t'à Joseph wexè nezı̨į̀ hòɂǫǫ̀ agòjà, wets'ǫ k'àowo Potıfar wekǫ̀ nàdè.
1153	GEN 39:3	Potıfar Nǫ̀htsı̨ Joseph ts'àdı t'à, t'asìı hazǫǫ̀ t'à wets'ǫ̀ nezı̨į̀ k'ehokw'o yek'èhoèhzà,
1155	GEN 39:5	Wekǫ̀ eyıts'ǫ t'asìı hazǫǫ̀ wets'ǫ sìı Joseph wetł'aà whelaà ayį̀į̀làa ekò gots'ǫ sìı Nǫ̀htsı̨ Potıfar wekǫ̀ xè sìghà hòɂǫǫ̀ ayį̀į̀là. Joseph wets'ıhɂǫ̀ Nǫ̀htsı̨ Potıfar wekǫ̀ goyìı, wedèè k'e eyıts'ǫ t'asìı hazǫǫ̀ wets'ǫ sìı xè sìghà hòɂǫǫ̀ ayį̀į̀là.
1156	GEN 39:6	Eyıt'à t'asìı hazǫǫ̀ wets'ǫ sìı Joseph wetł'aà whelaà ayį̀į̀là. Joseph t'asìı hazǫǫ̀ xoehdı t'à Potıfar t'asìı wı̨ı̨zìı ghǫ nànıwo-le, ayìı ghǫ shètı̨ı̨ sìı eyı zǫ danıwo. Joseph nàtso xè dǫ wèdaat'ı̨ı̨ elı̨.
1162	GEN 39:12	Potıfar wets'èkeè yeɂeè t'à dayaachì, hayèhdı, “Segà nı̨ı̨tè!” yèhdı. Hanìkò Joseph yetł'aetła gà xàtı̨mǫèhzah, ts'èko yeɂeè t'à dayaachìı sìı wetł'aà aèhchì ayį̀į̀là.
1166	GEN 39:16	Potıfar edekǫ̀ nǫ̀ǫtła gots'ǫ̀ wets'èkeè Joseph weɂeè xàyeèhchì.
1167	GEN 39:17	Eyı godı t'à Potıfar ts'ǫ̀ dıı hadı, “Eyı Hebrew got'ı̨į̀ jǫ nìneehtı̨ı̨ sìı seghàedlò ha k'ehoɂa.
1241	GEN 41:45	K'àowocho Faraoh, Joseph wıızì eładı̨į̀ whehtsı̨, Zafenat-Paneyah wìyeh ayį̀į̀là, eyıts'ǫ Asenat wets'èkeè elı̨ ha yeghàı̨htı̨. Asenat yahtıı Potıfera wetì hǫt'e. (Potıfera yahtıı-kǫ̀ gocho On gha yahtıı elı̨.) Hagòjà t'à Joseph Egypt nèk'e hazǫǫ̀ ts'ǫ̀ ajà.
1246	GEN 41:50	Bò whìle agòjà kwe Joseph wets'èkeè Asenat yeza nàke nìı̨la. (Asenat yahtıı-kǫ̀ gocho On gha yahtıı Potıfera wetì ı̨lè.)
1396	GEN 46:9	Dıı Ruben weza agı̨ı̨t'e: Hanok, Palu, Hezron eyıts'ǫ Karmı.
1399	GEN 46:12	Dıı Judah weza agı̨ı̨t'e: Er, Onan, Shelah, Perez eyıts'ǫ Zerah (hanìkò Er eyıts'ǫ Onan Kanan nèk'e ełaàgı̨ı̨dè ı̨lè). Dıı sìı Perez weza agı̨ı̨t'e: Hezron eyıts'ǫ Hamul.
1400	GEN 46:13	Dıı Isakar weza agı̨ı̨t'e: Tola, Puyah, Jashub eyıts'ǫ Shımron.
1402	GEN 46:15	Dǫzhìı haàtłǫǫ sìı Padan-Aram nèk'e Jacob wets'èkeè Leah xè wets'ıhɂǫ̀ǫ-dǫǫ̀ agı̨ı̨t'e, eyıts'ǫ wetì ı̨łè Dınah. Wets'ıhɂǫ̀ǫ-dǫǫ̀ hazǫǫ̀ t'à taènǫ-daats'ǫ̀-taı (33) geet'eè ı̨lè.
1407	GEN 46:20	Egypt nèk'e Joseph wets'èkeè Asenat yegha dǫzhìı nàke nìı̨la: Manaseh eyıts'ǫ Efrayım. Asenat wetà Potıfera wìyeh sìı yahtıı-kǫ̀ gocho On gha yahtıı elı̨ ı̨lè.
1459	GEN 48:7	(Nemǫ Rachel wegha aht'ı̨.) Padan nèk'e gots'ǫ nats'eèhde ekò sıì sexè hoìla agòjà. Kanan nèk'e, Efrat ts'ǫ̀ gǫǫwà-lea nemǫ Rachel whìle ı̨lè. Eyıt'à ekǫ kǫ̀ta Efrat (dıì Bethlehem gòyeh) ts'ǫ̀ tı̨lı nıɂàa gà wekw'ǫǫ̀ nìıhtǫ ı̨lè,” Jacob Joseph èhdı.
23216	MAT 1:3	Judah, Perez eyıts'ǫ Zerah gıtà hǫt'e (gımǫ Tamar wìyeh); Perez, Hezron wetà hǫt'e; Hezron, Ram wetà hǫt'e;
23268	MAT 3:7	Pharısee gı̨ı̨lı̨ı̨ łǫ eyıts'ǫ Sadducee gı̨ı̨lı̨ı̨ łǫ, edı̨į̀ sìı John-Baptıst dǫ k'ètaìdzı̨ı̨ sìı ekǫ ts'ǫ̀ geède. John-Baptıst gots'ǫ̀ hadı, “Naxı̨, wehłı̨ı̨ weza laaht'e! Nǫ̀htsı̨ nànaxeehkwa ch'à kwı̨ahdè ha nıìle.
23296	MAT 4:18	Zezì, Galılee-tì gà tabàa k'etło ekò ełechı nàke goaɂı̨. Įłè Sımon wìyeh (Peter sı wìyeh) eyıts'ǫ wechı Andrew. Łı-k'aàdèe agı̨ı̨t'e t'à mį̀ tègeehdè ı̨lè.
23323	MAT 5:20	Eyıt'à ehkw'ı anaxèehsı̨, Pharısee gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ gınahk'e ehkw'ı aahda lenǫsıı, Nǫ̀htsı̨ Wenàowoò k'ę̀ę̀ hòɂǫǫ sìı goyaahde ha nıìle.
23428	MAT 8:14	Zezì, Peter wekǫ̀ goyaèhtła ekò Peter wets'èkeè wemǫ edı-elı̨ t'à daèhte k'e whetı̨ yaɂı̨.
23459	MAT 9:11	Pharısee gı̨ı̨lı̨ı̨ sìı gogıaɂı̨ ekò Zezì wecheekeè ts'ǫ̀ hagedı, “Dànìghǫ naxıts'ǫ̀ k'àowo sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ xè shètı̨?” gògedı.
23462	MAT 9:14	Eyı tł'axǫǫ̀ John-Baptıst wecheekeè Zezì gà nègı̨ı̨de, gıts'ǫ̀ hadı, “Goxı̨ eyıts'ǫ Pharısee gı̨ı̨lı̨ı̨ sìı edets'egǫ, hanìkò dànìghǫ necheekeè edegegǫ-le?” gıìhdı.
23482	MAT 9:34	Hanìkò Pharısee gı̨ı̨lı̨ı̨ sìı hagedı, “Įnìłı̨ı̨ gha k'àowo dahxà ı̨nìłı̨ı̨ xàdeezhıì at'ı̨,” gedı.
23488	MAT 10:2	Zezì wecheekeèdeè dıı hagìyeh: Sımon (Peter wìyeh) eyıts'ǫ wechı Andrew, Zebedee weza James, eyıts'ǫ wechı John,
23489	MAT 10:3	Phılıp, Bartholomew, Thomas, sǫǫ̀mba-nàhtsį̀ı̨-dǫǫ̀ Matthew, Alphaeus weza James, Thadıyus,
23560	MAT 12:2	Pharısee gı̨ı̨lı̨ı̨ sìı gogıaɂı̨ ekò Zezì ts'ǫ̀ hagedı, “Gıghàı̨da! Nǫ̀htsı̨ Dzęę̀ k'e ayìı wets'àet'ǫǫ sìı hagehɂı̨,” gedı.
23568	MAT 12:10	Dǫ ı̨łè wılà ełeènııtsoo eyı wheda. Pharısee gı̨ı̨lı̨ı̨ sìı Zezì k'e nìdahogeeɂà ha gı̨ı̨wǫ t'à gıts'ǫ̀ hadı, “Gonàowoò k'ę̀ę̀ ha nı̨dè, asį̀į̀ Nǫ̀htsı̨ Dzęę̀ k'e dǫ k'aàt'ıì ats'ele ha dìì-le?” gıìhdı.
23572	MAT 12:14	Hanìkò Pharısee gı̨ı̨lı̨ı̨ sìı xàgeède, dànì Zezì ełaàgıìhwhı ha sìı dǫ naàhtǫ gıghǫ gode.
23573	MAT 12:15	Pharısee dàgı̨ı̨wǫǫ sìı Zezì gok'èezǫ t'à ekǫ ts'ǫǫ̀ naèhtła. Dǫ łǫ gık'èède eyıts'ǫ dǫ-eyaelı̨ı̨ hazǫǫ̀ k'aàt'ıì agǫ̀ǫ̀là,
23582	MAT 12:24	Hanìkò Pharısee gı̨ı̨lı̨ı̨ sìı egıìkw'o t'à hagedı, “Įnìłı̨ı̨ gha k'àowo dahxà ı̨nìłı̨ı̨ xàdeezhıì at'ı̨,” gedı.
23596	MAT 12:38	Pharısee gı̨ı̨lı̨ı̨ mǫ̀hdaa eyıts'ǫ Nǫ̀htsı̨-yatıì-k'ègedìı-dǫǫ̀ mǫ̀hdaa Zezì ts'ǫ̀ hagedı, “K'àowo, godaà enıìyah hoı̨htsı̨,” gıìhdı.
23669	MAT 14:3	Eyı wekwe k'àowocho Herod weyatıì k'e John-Baptıst dagıachì xè wegǫ̀ǫ̀ ełeetł'ı̨į̀ agį̀į̀là gà dǫ-danìı̨laa-kǫ̀ nègı̨ı̨htı̨ ı̨lè. Herod edechı Phılıp wets'èkeè Herodıas yets'ıhɂǫ̀ hanì eghàlaı̨dà ı̨lè.
23694	MAT 14:28	Peter hadı, “Nı̨ aąt'ı̨ nı̨dè tı k'e edets'ǫ̀ sı̨ı̨hɂà,” yèhdı.
23695	MAT 14:29	Zezì yets'ǫ̀ hadı, “Jǫ-ı̨tłe!” yèhdı. Eyıt'à Peter tı ka Zezì ts'ǫ̀ èhtła.
23696	MAT 14:30	Hanìkò nı̨hts'ı nàtsoo ghàeda t'à dejı̨į̀ ajà. Peter tı yìı ts'ǫ̀ ajà t'à Zezì ts'ǫ̀ whezeh, hadı, “Sets'ǫ̀ K'àowo edaxàsı̨ı̨htè!” yèhdı.
23703	MAT 15:1	Jerusalem gots'ǫ Pharısee gı̨ı̨lı̨ı̨ mǫ̀hdaa eyıts'ǫ Nǫ̀htsı̨-yatıì-k'ègedìı-dǫǫ̀ Zezì ts'àgede, dageehke,
23714	MAT 15:12	Eyı tł'axǫǫ̀ wecheekeè Zezì ts'ǫ̀ geède, hagedı, “Pharısee gı̨ı̨lı̨ı̨ sìı edàı̨dıı sìı ghǫ sıì gınì-le; asį̀į̀ wek'èı̨zǫ?” gıìhdı.
23717	MAT 15:15	Peter Zezì ts'ǫ̀ hadı, “Ayìı awį̀ı̨dıı sìı godaı̨dı,” yèhdı.
23742	MAT 16:1	Pharısee gı̨ı̨lı̨ı̨ mǫ̀hdaa eyıts'ǫ Sadducee gı̨ı̨lı̨ı̨ mǫ̀hdaa Zezì geèhdzà ha gı̨ı̨wǫ t'à gıts'ǫ̀-ède, hagıìhdı, “Yak'e gots'ǫ gogha enıìyah deè hoı̨htsı̨,” gıìhdı.
23747	MAT 16:6	Zezì gots'ǫ̀ hadı, “Edexoahdı! Pharısee eyıts'ǫ Sadducee gı̨ı̨lı̨ı̨ sìı gıłèt'èa ch'à edexoahdı,” gòhdı.
23752	MAT 16:11	Łèt'è ghǫ gohde aehsı̨ nıìle, dànìghǫ eyı wenıahdì-le? Hanìkò Pharısee eyıts'ǫ Sadducee gı̨ı̨lı̨ı̨ sìı gıłèt'èa ch'à edexoahdı ha hǫt'e,” gòhdı.
23753	MAT 16:12	Zezì eyı hadı t'à, wecheekeè, łèt'èa wet'à łèt'è ts'eht'è ghǫ godeè-adı-le gınıedì agejà, hanìkò Pharısee gı̨ı̨lı̨ı̨ eyıts'ǫ Sadducee gı̨ı̨lı̨ı̨ sìı gınàowoò ch'à edexogııhdı ghǫ godeè adı nǫǫ̀ nàgeèhzhį̀.
23754	MAT 16:13	Zezì kǫ̀ta Caesarea-Phılıppı ts'ǫ̀ nıwà-lea nììtła ekò edecheekeè gots'ǫ̀ hadı, “Dǫ sìı Dǫ-wet'àaɂàa-deè amìı at'ı̨ gedı?” gòhdı.
23757	MAT 16:16	Sımon-Peter Zezì ts'ǫ̀ hadı, “Nı̨ sìı Chrıst anet'e. Nı̨ sìı Nǫ̀htsı̨ edaa weza anet'e,” yèhdı.
23759	MAT 16:18	Nı̨ sìı kwe lanet'e t'à Peter nìyeh ha. Eyı kwe k'e sets'ǫ dǫ gıgha sekǫ̀ gohtsı̨ ha eyıts'ǫ wehłı̨kǫ̀ yedaèt'è ha-le.
23763	MAT 16:22	Zezì hadıì goı̨de t'à, Peter whatsǫǫ̀ yets'ǫ̀ goı̨de, hayèhdı, “Į̀le, sets'ǫ̀ K'àowo, nexè hagode ha nıìle!” yèhdı.
23764	MAT 16:23	Zezì Peter ts'ǫ̀ ets'aèhtła, hayèhdı, “Wehłı̨ı̨, sechį̀ht'a ts'ǫ̀ aąde! Nı̨ sìı kwe wet'à daèhkw'ıh ha lanet'e. Nǫ̀htsı̨ wınì k'ę̀ę̀ nànınewo nıìle, hanìkò dǫ gınì k'ę̀ę̀ nànınewo hǫt'e,” hayèhdı.
23770	MAT 17:1	Ek'ètaı dzęę̀ tł'axǫǫ̀ Zezì shìh danı̨ı̨chàa ka dekıìtła. Peter, James eyıts'ǫ James wechı John whatsǫǫ̀ edexè ekǫ goòwa.
23773	MAT 17:4	Peter Zezì ts'ǫ̀ hadı, “K'àowo, jǫ ts'eèhkw'e gogha hoǫzı̨. Haneewǫ nı̨dè, naxıgha kǫ̀ą taı gohtsı̨ ha dìì-le; ı̨łè negha, ı̨łè Moses wegha eyıts'ǫ ı̨łè Elıjah wegha,” yèhdı.
23774	MAT 17:5	Įłaà Peter gode ekò k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza weghǫneehtǫ hǫt'e, weghǫ sǫdehwhǫ hǫt'e, weàhkw'ǫ!” hats'edıì hǫt'e.
23793	MAT 17:24	Zezì edecheekeè xè kǫ̀ta Capernaum nììtła ekò Nǫ̀htsı̨kǫ̀-gocho gha sǫǫ̀mba-nàhtsį̀ı̨-dǫǫ̀ mǫ̀hdaa Peter gà nègı̨ı̨de, dageehke, “Asį̀į̀ nets'ǫ̀ k'àowo Nǫ̀htsı̨kǫ̀-gocho gha sǫǫ̀mba nèyııɂà?” gıìhdı.
23794	MAT 17:25	Peter gots'ǫ̀ hadı, “Hęɂę, hat'ı̨ ne,” gòhdı. Peter edı̨į̀ kǫ̀ agı̨ı̨t'ee sìı goyaèhtła ts'ǫ̀et'ıì, Zezì ededı̨ t'akwełǫ̀ǫ̀ yets'ǫ̀ hadı, “Sımon, dıı weghǫ dàneewǫ? Dıı nèk'e k'àowocho gı̨ı̨lı̨ı̨ sìı amìı ts'ǫ sǫǫ̀mba nàgehtsį̀? Xàè edeza gots'ǫ hanì-le-ı̨dè dǫ eyıì-le gots'ǫ?” yèhdı.
23795	MAT 17:26	“Dǫ eyıì-le gots'ǫ,” Peter yèhdı. Zezì yets'ǫ̀ hadı, “Hanì-ı̨dè xàè gıza gots'ǫ sǫǫ̀mba gìhchì nıìle.
23817	MAT 18:21	Peter Zezì ts'ǫ̀ hadı, “Sets'ǫ̀ K'àowo, sèot'ı̨ sek'èch'a hòèhtsı̨ nı̨dè dàtłǫǫ̀ eht'aà weghǫ nahoehłe ha? Łǫ̀hdı̨ ts'ǫ̀ weghǫ nahoehłe ha nì?” yèhdıì dayeehke.
23834	MAT 19:3	Pharısee gı̨ı̨lı̨ı̨ sìı geèhdzà ha gıts'ǫ̀-ède. Dageehke, hagıìhdı, “Gonàowoò k'ę̀ę̀ ha nı̨dè asį̀į̀ gots'èkeè t'alàa-sìı k'èxa ɂǫ̀wets'eehxà ha dìì-le?” gıìhdı.
23838	MAT 19:7	Pharısee Zezì dageehke, “Hanì-ı̨dè dànìghǫ Moses dıı hanì nàowo whehtsı̨: ‘Dǫzhìı edets'èkeè ɂǫ̀yeede ha nıwǫ nı̨dè ɂǫ̀łets'eedee nı̨htł'è yegha sıìyele gà xàyeehɂà ha,’ dek'eèhtł'è,” gıìhdı.
23858	MAT 19:27	Peter, Zezì ts'ǫ̀ hadı, “Goxı̨ nek'èè k'ets'edè ha ts'ı̨ı̨wǫ t'à, t'asìı hazǫǫ̀ wedę ats'ı̨ı̨là ı̨lè! Wek'èxa ayìı gǫǫ̀t'à ha?” yèhdı.
23940	MAT 21:45	Yahtıı-gha-k'aodèe eyıts'ǫ Pharısee gı̨ı̨lı̨ı̨ sìı Zezì hanì dǫ xè godo gıìkw'o ekò ededı̨ goghǫ godeè-adı gık'èhoèhzà.
23956	MAT 22:15	Zezì hadıì goxè goado tł'axǫǫ̀ Pharısee gı̨ı̨lı̨ı̨ sìı whatsǫǫ̀ nègı̨ı̨de gà ełets'ǫ̀ gogede. Dageehke t'à geèhdzà ha gı̨ı̨wǫ. Edahxǫ ekǫ-le xàyaı̨htı nı̨dè weyatıì t'à gık'e nìdahogeeɂà ha ełexè yatı gèhtsı̨.
23975	MAT 22:34	Zezì, Sadducee gı̨ı̨lı̨ı̨ sìı agııdì whìle agǫ̀ǫ̀là ghǫ egıìkw'o ekò Pharısee gı̨ı̨lı̨ı̨ sìı ełègı̨ı̨de.
23982	MAT 22:41	Pharısee gı̨ı̨lı̨ı̨ sìı ełegà nàgeèhza ekò Zezì dagoehke,
23989	MAT 23:2	“Nǫ̀htsı̨-yatıì-k'ègedìı-dǫǫ̀ eyıts'ǫ Pharısee gı̨ı̨lı̨ı̨ sìı Moses wenı̨htł'è dahxà gogede.
24000	MAT 23:13	“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Nǫ̀htsı̨ Wenàowoò k'ę̀ę̀ hòɂǫǫ sìı dǫ goyageedè ch'à dǫ gıts'ǫǫ̀hk'e enìahchı. Naxı̨ goyaahdè nıìle eyıts'ǫ dǫ goyats'ııdè gı̨ı̨wǫ kò goyageedè agıahłe-le.
24002	MAT 23:15	“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Hazǫǫ̀ nèk'e eyıts'ǫ tı sı k'e k'ehoahwho. Dǫ ı̨łàet'ea naxınàowoò k'ę̀ę̀ eda ha dahwhǫǫ sìı hak'eaht'į̀. Eyı dǫ wegòahɂǫ nı̨dè naxınahk'e wehłı̨za weahtsı̨.
24010	MAT 23:23	“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı, sıì naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Įt'ǫ̀ hazǫǫ̀ xàɂaa nàahtsį̀ı̨ sìı wets'ǫ hoònǫ ı̨łè Nǫ̀htsı̨ ghàahɂà. Hanìkò nàowo wet'àaɂàa sìı ts'ǫnıahɂà-le. Dıı sìı nàowo wet'àaɂà hǫt'e: ehkw'ı ełesınìyats'ehtıı, etełets'eèɂı̨ı̨ eyıts'ǫ ełets'ǫ̀ ehkw'ı ts'eedaa. Eyı nàowo weghàlaahda ha hǫt'e ı̨lè eyıts'ǫ hòt'a ayìı nezı̨į̀ weghàlaahdaa sìı, wedę aahłe ha-le.
24012	MAT 23:25	“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Lıbò eyıts'ǫ kw'à weka zǫ nezı̨į̀ wek'enaahtse, hanìkò naxıdzeè yìı aahdı-le xè t'aahwhǫ k'ę̀ę̀ zǫ aahda.
24013	MAT 23:26	Naxı̨ Pharısee yàahłı̨ı̨ sìı naxıdaà goìlee laaht'e. Naxılıbò eyıts'ǫ naxıkw'à nezı̨į̀ weyìı wek'enaahtse ha hǫt'e, hanì-ı̨dè weka sı degoò ade ha.
24014	MAT 23:27	“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Kwe yìı dǫkw'ǫǫ̀ whelaa k'è enı̨htł'ètì degoo t'à goatł'èe laaht'e. Mǫ̀ht'a zǫ nezı̨į̀ wègaat'ı̨, hanìkò weyìı dǫkw'ǫǫ̀ ı̨hjıı whela.
24016	MAT 23:29	“Naxı̨ Nǫ̀htsı̨-yatıì-k'èahdìı-dǫǫ̀ eyıts'ǫ Pharısee yàahłı̨ı̨ sìı naxıgha hoìla nechà ha. Degaı daahtsı̨ kò wek'ę̀ę̀ aahda nıìle! Naxı̨ sìı nakwenàoɂǫǫ gıgha kwe yìı dǫkw'ǫǫ̀ whelaa k'è gòahtsı̨ eyıts'ǫ dǫ ehkw'ı geeda ı̨lèe sìı gıkw'ǫǫ̀ k'è nezı̨į̀ sıìgoahɂı̨.