17	GEN 1:17	Wet'à dèè k'e dzęh agode gha Nǫ̀htsı̨ sa, adzęzah, eyıts'ǫ whǫ̀ yat'a dawhelaà ayį̀į̀là.
18	GEN 1:18	Wet'à dzę nı̨dè nı̨ı̨dı̨ gha, eyıts'ǫ to nı̨dè nı̨ı̨dı̨ gha ayį̀į̀là. Hanì t'aa dzęh eyıts'ǫ to į̀łak'aà whelaà ayį̀į̀là. Nǫ̀htsı̨ yeghàeda, wegha nezı̨.
29	GEN 1:29	Eyı tł'axǫǫ̀ Nǫ̀htsı̨ hadı, “Dèè k'e t'asìı hazǫǫ̀ dehshee wejìì gǫ̀hłı̨ı̨ sìı eyıts'ǫ ts'ı hazǫǫ̀ wejìecho wejìì gǫ̀hłı̨ı̨ sìı naxıgha hǫt'e. Wets'ǫ shèahzhe gha hǫt'e.
61	GEN 3:5	Wets'ǫ jìecho neeɂà nı̨dè t'asìı łǫ negha wègaat'ı̨į̀ agode ha, Nǫ̀htsı̨ yek'èezǫ t'à hanaxèhdı hǫt'e. Nǫ̀htsı̨ laahde ha, nàowo nezı̨ı̨ eyıts'ǫ nàowo nezı̨-le k'èhoahsǫǫ̀ aahde ha,” gòocho yèhdı.
62	GEN 3:6	Ts'èko, eyı ts'ı wejìecho ts'eɂà gha nezı̨ lanì wegha wègaat'ı̨ xè wegha wèdaat'ı̨. Wet'à gohzǫǫ̀ ahde ha nıwǫ t'à jìecho mǫ̀hdaa neyı̨į̀wa gà yı̨ı̨ɂà. Wedǫǫ̀ yegà nàwoo sìı jìecho mǫ̀hdaa yeghàı̨dì. Ededı̨ sı yı̨ı̨ɂà.
81	GEN 4:1	Adam edets'èkeè Eve xè dètı̨ t'à wets'èkeè chekoa wets'ǫ ajà, dǫzhìa Caın wìyeh nìı̨htı̨. Wets'èkeè hadı, “Nǫ̀htsı̨ sets'àı̨dì t'à dǫzhìa nìıhtı̨,” hadı.
83	GEN 4:3	Whaà hoòwo tł'axǫǫ̀ Caın dèè gots'ǫ t'asìı dehshee mǫ̀hdaa gots'ǫ̀ K'àowo Nǫ̀htsı̨ ts'ǫ̀ yek'eehk'ǫ̀.
89	GEN 4:9	Eyıt'à gots'ǫ̀ K'àowo Caın ts'ǫ̀ hadı, “Nechı Abel welaedì?” yèhdı. “Wek'èehsǫ-le. Sechı wek'èhdìı aht'e nıìle,” Caın hadı.
100	GEN 4:20	Wets'èkeè Adah, Jabal nìı̨htı̨. Dǫ nı̨hbàa yìı nàgedèe xè tıts'aàdìı k'ègedìı dǫǫ̀ gha gocho elı̨.
102	GEN 4:22	Wets'èkeè Zılah ededı̨ sı weza gǫ̀hłı̨, Tubal-Caın wìyeh. Ededı̨ sìı satsǫ̀ dekwoo eyıts'ǫ satsǫ̀ dezhìı t'à wet'à eghàlats'eedaa xàɂaa yàèhtsı̨. Tubal-Caın weba Naamah wìyeh.
110	GEN 5:4	Set wegǫ̀hłı̨ tł'axǫǫ̀ Adam ek'èdı̨akw'eènǫ (800) xo ts'ǫ̀ ı̨ı̨dà. Weza eyıì-le łǫ eyıts'ǫ wetì sı łǫ gòı̨lè.
113	GEN 5:7	Enosh wegǫ̀hłı̨ tł'axǫǫ̀ Set k'achı̨ ek'èdı̨akw'eènǫ-daats'ǫ̀-łǫ̀hdı̨ (807) xo ts'ǫ̀ ı̨ı̨dà. Weza eyıì-le łǫ eyıts'ǫ wetì sı łǫ gòı̨lè.
116	GEN 5:10	Kenan wegǫ̀hłı̨ tł'axǫǫ̀ Enosh k'achı̨ ek'èdı̨akw'eènǫ-daats'ǫ̀-hoònǫ-daats'ǫ̀-sı̨làı (815) xo ts'ǫ̀ ı̨ı̨dà. Weza eyıì-le łǫ eyıts'ǫ wetì sı łǫ gòı̨lè
119	GEN 5:13	Mahalel wegǫ̀hłı̨ tł'axǫǫ̀ Kenan k'achı̨ ek'èdı̨akw'eènǫ-daats'ǫ̀-dı̨ènǫ (840) xo ts'ǫ̀ ı̨ı̨dà. Weza eyıì-le łǫ eyıts'ǫ wetì sı łǫ gòı̨lè
122	GEN 5:16	Jared wegǫ̀hłı̨ tł'axǫǫ̀ Mahalel k'achı̨ ek'èdı̨akw'eènǫ-daats'ǫ̀-taènǫ (830) xo ts'ǫ̀ ı̨ı̨dà. Weza eyıì-le łǫ eyıts'ǫ wetì sı łǫ gòı̨lè
125	GEN 5:19	Enoch wegǫ̀hłı̨ tł'axǫǫ̀ Jared k'achı̨ ek'èdı̨akw'eènǫ (800) xo ts'ǫ̀ ı̨ı̨dà. Weza eyıì-le łǫ eyıts'ǫ wetì sı łǫ gòı̨lè.
128	GEN 5:22	Metuselah wegǫ̀hłı̨ tł'axǫǫ̀ Enoch taekw'eènǫ (300) xo ts'ǫ̀ Nǫ̀htsı̨ xè aet'į̀. Weza eyıì-le łǫ eyıts'ǫ wetì sı łǫ gòı̨lè.
132	GEN 5:26	Lamek wegǫ̀hłı̨ tł'axǫǫ̀ Metuselah k'achı̨ łǫ̀hdı̨akw'eènǫ-daats'ǫ̀-ek'èdı̨ènǫ-daats'ǫ̀-nàke (782) xo ts'ǫ̀ ı̨ı̨dà. Weza eyıì-le łǫ, eyıts'ǫ wetì sı łǫ gòı̨lè.
136	GEN 5:30	Noah wegǫ̀hłı̨ tł'axǫǫ̀ Lamek k'achı̨ sı̨làekw'eènǫ-daats'ǫ̀-łǫǫ̀tǫènǫ-daats'ǫ̀-sı̨làı (595) xo ts'ǫ̀ ı̨ı̨dà. Weza eyıì-le łǫ, eyıts'ǫ wetì sı łǫ gòı̨lè.
152	GEN 6:14	Eyıt'à dechı̨ dezhìı t'à edegha elàcho nehtsı̨, weyìı łataèhtsò anele. Weyìı eyıts'ǫ wemǫǫ̀ dechı̨dzèh t'à wek'eèhdì anele.
154	GEN 6:16	Weka dahmò nehtsı̨, wezhıı hoònǫ-daats'ǫ̀-ek'èdı̨ golahchì wemǫǫ̀ xàgǫǫɂà anele. Elàcho weghǫhk'eè enìı̨tǫ whetǫ anele, eyıts'ǫ weyìı taı dahkǫ̀ goı̨htsı̨.
227	GEN 9:21	Wets'ǫ jìetì mǫ̀hdaa yats'e t'à yeèhdeè ajà. Yeèhde t'à nı̨hbàa goyìı ı̨ht'edę whetı̨ nǫǫ̀.
232	GEN 9:26	Eyıts'ǫ hadı, “Gots'ǫ̀ K'àowo, Shem Wenǫ̀htsı̨ sìı wets'ǫ̀ sìghà welè! Kanan got'ı̨į̀ sìı t'aats'ǫǫ̀ Shem gha eghàlageedaa-dǫǫ̀ gıılè.
278	GEN 11:11	Weza Arfakad wegǫ̀hłı̨ tł'axǫǫ̀ Shem sı̨làekw'eènǫ (500) weghoò ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
280	GEN 11:13	Weza Shelah wegǫ̀hłı̨ tł'axǫǫ̀ Arfakad dı̨akw'eènǫ-daats'ǫ̀-taı (403) xo ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
282	GEN 11:15	Weza Eber wegǫ̀hłı̨ tł'axǫǫ̀ Shelah dı̨akw'eènǫ-daats'ǫ̀-taı (403) xo ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
284	GEN 11:17	Wezaa Peleg wegǫ̀hłı̨ tł'axǫǫ̀ Eber dı̨akw'eènǫ-daats'ǫ̀-taènǫ (430) xo ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
286	GEN 11:19	Weza Reyu wegǫ̀hłı̨ tł'axǫǫ̀ Peleg nàkeakw'eènǫ-daats'ǫ̀-łǫǫ̀tǫ (209) xo ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
288	GEN 11:21	Weza Serug wegǫ̀hłı̨ tł'axǫǫ̀ Reyu nàkeakw'eènǫ-daats'ǫ̀-łǫ̀hdı̨ (207) weghoò ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
290	GEN 11:23	Wezaa Nahor wegǫ̀hłı̨ tł'axǫǫ̀ Serug nàkeakw'eènǫ (200) weghoò ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
292	GEN 11:25	Wezaa Terah wegǫ̀hłı̨ tł'axǫǫ̀ Nahor ı̨łèakw'eènǫ-daats'ǫ̀-hoònǫ-daats'ǫ̀-łǫǫ̀tǫ (119) weghoò ts'ǫ̀ ı̨dà. Weza eyıì-le łǫ gòı̨lè eyıts'ǫ wetì sı łǫ gòı̨lè.
303	GEN 12:4	Eyıt'à Nǫ̀htsı̨ weyatıì k'e Abram edenèè ts'ǫǫ̀ xàèhtła. Wesah Lot yexè ajà. Abram łǫ̀hdı̨ènǫ-daats'ǫ̀-sı̨làı (75) weghoò ekò kǫ̀ta Haran gots'ǫǫ̀ xàèhtła.
319	GEN 12:20	Eyıt'à k'àowocho edecheekeè ts'ǫ̀ goı̨de t'à Abram nageèhɂà. Wets'èkeè eyıts'ǫ t'asìı hazǫǫ̀ wets'ǫ sìı xè nageèhɂà.
320	GEN 13:1	Eyıt'à Abram edets'èkeè eyıts'ǫ t'asìı hazǫǫ̀ wets'ǫ sìı xè Egypt nèk'e gots'ǫǫ̀ nageèhde. Ekìı-ka nèk'e Negev gòyeh ekǫ ts'ǫ̀ agejà. Wesah Lot yexè at'ı̨.
353	GEN 14:16	K'àowocho dı̨ t'asìı hazǫǫ̀ negı̨į̀waa sìı hazǫǫ̀ nayį̀ı̨wa. Wesah Lot t'asìı hazǫǫ̀ wets'ǫ xè nayį̀ı̨htı̨. Ts'èko hazǫǫ̀, eyıts'ǫ dǫ hazǫǫ̀ goxè negogı̨į̀waa sìı hazǫǫ̀ nagǫ̀ǫwa.
373	GEN 15:12	Sa nàdaaɂa ekìıyeè k'e Abram sıì be nàtsoo wexèhdı. Wexè togoòtł'ò xè hoejı̨į̀ lagòjà.
376	GEN 15:15	Hanìkò nı̨ sìı neɂǫhdaà ełaı̨dèe sìı ts'èwhı̨į̀ gıts'ǫ̀ anede ha. Whaà ı̨da tł'axǫǫ̀ nekw'ǫǫ̀ nìtį̀ ha.
414	GEN 17:16	Wexè sìghà hòɂǫǫ̀ ahłe ha. Ededı̨ nezaa nìhtè ahłe ha hǫt'e. Dǫ xàɂaa łǫ gha gomǫ elı̨į̀ awehłe ha, wets'ıhɂǫ̀ k'àowocho łǫ gǫ̀hłı̨ ha, hanì wexè sìghà hòɂǫǫ̀ agohłe ha,” Nǫ̀htsı̨ Abraham ts'ǫ̀ hadı.
418	GEN 17:20	Ishmael weghǫ dàı̨dıı sìı neèhkw'ǫ hǫt'e. Ededı̨ sı wexè sìghà hòɂǫǫ̀ agohłe ha. Wets'ıhɂǫ̀ǫ-dǫǫ̀ gıtłǫǫ̀ agehłe ha. K'àowocho hoònǫ-daats'ǫ̀-nàke sìı gha gocho elı̨ ha. Wets'ıhɂǫ̀ǫ-dǫǫ̀ dǫdeè gı̨ı̨lı̨ ha.
429	GEN 18:4	Tı łǫ-lea naxıgha ts'ìhchı. Wet'à naxıkè k'enaahtse gà jǫ łatsaa ts'ı wezhıı nahoahzì.
432	GEN 18:7	Eyı tł'axǫǫ̀ ejıe k'èhodìı ts'ǫ̀ tı̨mǫèhza gà ejıezaa łek'à xè wekwǫ̀ dezhì-lea nıwǫǫ sìı yį̀į̀hchì gà edecheekeè ghàyeèchì. Wecheekeè ı̨whąą̀ yetaı̨t'a gà yegha yèht'e.
491	GEN 19:33	Eyıt'à eyı toò edetà jìetì-èhdeè agį̀į̀là gà goba edetà t'à dètı̨. Wetà wetì dàht'e yet'àı̨tè eyıts'ǫ dàht'e nıìtłaa sìı yek'èhoezǫ-le.
503	GEN 20:7	Eyı ts'èko wedǫǫ̀ ts'ǫ̀ nawı̨ı̨chı. Wedǫǫ̀ nakwenàoɂǫǫ elı̨ t'à negha yahtı ha, hanì-ı̨dè ı̨da ha. Wedǫǫ̀ ts'ǫ̀ nawı̨ı̨chı-le nı̨dè nı̨ eyıts'ǫ nets'ǫ dǫ hazǫǫ̀ nexè ełaàgede ha hǫt'e,” Nǫ̀htsı̨ yèhdı.
518	GEN 21:4	Wezaa Isaac wegǫ̀hłı̨ gots'ǫ ek'èdı̨ dzęę̀ k'e Abraham wekwǫ̀ k'e nàyı̨ı̨t'a. Nǫ̀htsı̨ nàowo yeghàı̨ɂǫ k'ę̀ę̀ ayį̀į̀là.
551	GEN 22:3	Eyıt'à k'omǫǫ̀dǫǫ̀ et'ıì Abraham nıìtła gà edetłı̨tsoa k'e nèɂı̨ı̨wa. Wecheekeè nàke eyıts'ǫ weza Isaac edexè agǫ̀ǫ̀là. Nǫ̀htsı̨ ts'ǫ̀ t'asìı k'egeehk'ǫ̀ gha tso agı̨į̀là tł'axǫǫ̀, Nǫ̀htsı̨ edı̨į̀ ts'ǫ̀ aąde ha yèhdıı sìı ts'ǫ̀ agejà.
585	GEN 23:13	Hazǫǫ̀ godaà Efron ts'ǫ̀ hadı, “Seı̨hkw'ǫ ha sìghà. Dèè dàtłǫ sǫǫ̀mba elı̨ı̨ sìı k'èxa neghǫ nàehdì ha. Wek'èxa sesǫǫ̀mbaà į̀hchı, hanì-ı̨dè ekǫ sets'èkeè wekw'ǫǫ̀ nèehtį̀ ha,” Abraham yèhdı.
597	GEN 24:5	Wecheekeè hayèhdı, “Ekò eyı t'eeko jǫ nèk'e ts'ǫ̀ sexè naetła ha nıwǫ-le nı̨dè dànì-elì? Neza nenèk'e ts'ǫ̀ naweehchı ha neewǫ nì?” yèhdı.
604	GEN 24:12	Eyıt'à Abraham wecheekeè hadıì yahtı, “Gots'ǫ̀ K'àowo, Abraham Wenǫ̀htsı̨ anet'e. Dıı dzęę̀ sets'ǫ̀ hoedıì anele, sets'ǫ̀ k'àowo Abraham wets'ǫ̀ nedzeè eteèɂı̨ welè.
607	GEN 24:15	Yahtı ghǫ nǫǫt'e-le et'ıì t'eeko Rebekah, tıtǫǫ̀ edeehgò ka dayèhtǫ xè eyı nììtła. Eyı t'eeko Betuyel wetì hǫt'e. Wetà Betuyel, Mılkah weza hǫt'e, Mılkah, Abraham wechı Nahor wets'èkeè hǫt'e.
619	GEN 24:27	hadı, “Gots'ǫ̀ K'àowo, sets'ǫ̀ k'àowo Abraham Wenǫ̀htsı̨ weghàsǫhoedı welè. T'aats'ǫǫ̀ k'àowo Abraham ts'ǫ̀ wedzeè eteèɂı̨ xè t'aats'ǫǫ̀ yets'ǫ̀ ehkw'ı eghàlaeda hǫt'e. Ekò sı̨ sìı gots'ǫ̀ K'àowo, Abraham wèot'ı̨ gıkǫ̀ ts'ǫ̀ segha ehkw'ı goòɂà ayį̀į̀là,” hadıì yaı̨htı.
634	GEN 24:42	“Dıı dzęę̀ k'e tık'è ts'ǫ̀ nèehtła ekò dıı haehsı̨ ı̨lè, ‘Gots'ǫ̀ K'àowo, Abraham Wenǫ̀htsı̨ anet'e. Ayìı gha jǫ nèehtłaa sìı sets'ǫ̀ hoedıì anele.
639	GEN 24:47	“Eyı tł'axǫǫ̀ daweehke, ‘Amìı wetì anet'e?’ wèehsı̨. “ ‘Betuyel wetì aht'e. Wetà Nahor wìyeh, eyıts'ǫ wemǫ Mılkah wìyeh,’ sèhdı. “Eyıt'à goı̨ghǫ̀-lamǫ̀ǫ eyıts'ǫ golachı̨į̀ k'e whelaa wek'e nìıhwha.
640	GEN 24:48	Eyı tł'axǫǫ̀ nàgòıhgè, gots'ǫ̀ K'àowo weghàtsį̀ehdı. Sets'ǫ̀ k'àowo Abraham Wenǫ̀htsı̨ ts'ǫ̀ sǫehdı. Sets'ǫ̀ k'àowo wèot'ı̨ ts'ǫ̀ ehkw'ıì asį̀į̀là, weza gha ts'èko èhchı ha t'à.
668	GEN 25:9	Weza Isaac eyıts'ǫ Ishmael, dèè Makpelah k'e kwe-yìı-gòɂǫǫ yìı wekw'ǫǫ̀ nègı̨į̀tǫ. Mamer nèk'e gà nıwà-le eyıts'ǫ Het got'ı̨į̀ Zohar weza Efron wedèè k'e.
671	GEN 25:12	Abraham weza Ishmael dıı hanì wegodıì dek'eèhtł'è: Wemǫ Egypt got'ı̨į̀ gots'ǫ ts'èko Hagar wìyeh sìı Abraham weza nìı̨htı̨ hǫt'e. Hagar, Sarah gha eghàlaedaa elı̨ ı̨lè.
677	GEN 25:18	Wets'ıhɂǫ̀ǫ-dǫǫ̀ sìı Havılah nèk'e gots'ǫ Shur nèk'e hagǫǫwa ts'ǫ̀ nàgedè agejà. Kǫ̀ta Ashur ts'ǫ̀ ts'adè nı̨dè Egypt nèk'e ts'ǫ̀ nıwà-le agǫ̀ht'e. Hanìkò wets'ıhɂǫ̀ǫ-dǫǫ̀ ts'èwhı̨į̀ ełexè nàgedè ha dìì.
685	GEN 25:26	Wek'è wechı wegǫ̀hłı̨ ekò edı̨ı̨de Esau wekehtà yàıtǫ̀ hanì wegǫ̀hłı̨. Eyıt'à Jacob wìyeh agı̨į̀là. Isaac ek'ètaènǫ weghoò ekò wets'èkeè ełèchǫekèa nìı̨la.
702	GEN 26:9	Eyıt'à Abımelek, Isaac kàehɂà, yets'ǫ̀ hadı, “Xàè nets'èkeè hǫt'e nǫǫ̀! Dànìghǫ, ‘Sedè hǫt'e,’ nı̨ı̨dı nǫǫ̀?” yèhdı. Isaac yets'ǫ̀ hadı, “Wets'ıhɂǫ̀ dǫ ełaàsegèhwhı ha sǫnı dehwhǫ t'à haehsı̨ ı̨lè,” yèhdı.
711	GEN 26:18	Isaac, wetà Abraham eda ekò eyı tık'è hazǫǫ̀ xàgı̨ı̨hgè ı̨lèe sìı yets'ǫdaà xàı̨la. Abraham ełaı̨wo ekò Fılıstea got'ı̨į̀ eyı tık'è gıdanìı̨la ı̨lè. Wetà Abraham dànì tık'è goızı ı̨lèe sìı k'ę̀ę̀ k'achı̨ goızì whehtsı̨.
717	GEN 26:24	Eyı toò k'e gots'ǫ̀ K'àowo yets'ǫ̀ wègoèht'į̀, hayèhdı, “Netà Abraham Wenǫ̀htsı̨ aht'e. Nek'èhdì ne t'à nı̨ı̨jı̨-le. Nexè sìghà hòɂǫǫ̀ agohłe ha eyıts'ǫ nets'ıhɂǫ̀ǫ-dǫǫ̀ łǫǫ̀ agehłe ha. Secheekeè Abraham wets'ıhɂǫ̀ negha hagohłe ha,” yèhdı.
740	GEN 27:12	Setà daseachì-dè dànì ha? Weghǫyaehɂǫ segòhɂǫ nı̨dè yatı nezı̨ı̨ seghàɂà ha-le, yatıjıı èhłı̨ seghàɂà ha ne,” edemǫ èhdı.
741	GEN 27:13	Wemǫ yets'ǫ̀ hadı, “Seza, eyı yatıjıı, sı̨ sek'e awede. Dànèehsı̨ı̨ sìı hotıì hanele. Ejıetsoa segha nı̨į̀wa,” yèhdı.
742	GEN 27:14	Eyıt'à Jacob ejıetsoa nàke negoį̀wa gà edemǫ ghàyı̨ı̨wa. Wetà dànì bò wegha łekǫ k'ę̀ę̀ yegha yèht'e.
744	GEN 27:16	Welachı̨į̀ eyıts'ǫ wek'o k'e wekwǫ̀ ı̨tłoa sìı ejıetsoaghàà yek'e ayį̀į̀là.
755	GEN 27:27	Eyıt'à Jacob yegà nììtła gà yı̨ı̨ts'į̀. Wetà yegoht'ǫǫ̀-tsį̀ wegha łedì ghàà yek'èhoèhzà, eyıt'à dıı hadıì yatı nezı̨ı̨ t'à yek'eèyaı̨htı: “Hęɂę, dıı seza wetsį̀ hǫt'e, gots'ǫ̀ K'àowo dèè k'e sìghà hòɂǫǫ̀ ayį̀į̀làa sìı lanì łedì.
770	GEN 27:42	Wemǫ Rebekah weza ǫhdaà Esau hadı ghǫ ıìkw'o ekò edeza Jacob kayaı̨htı, yets'ǫ̀ hadı, “Nı̨ı̨de Esau dànì ełaànìhwhı ha ghǫ nànıwo xè weghǫ wınà.
787	GEN 28:13	Įdòo dechı̨ehka weka gots'ǫ̀ K'àowo nàwo, yets'ǫ̀ dıı hadı, “Nets'ǫ̀ K'àowo aht'e, necho Abraham Wenǫ̀htsı̨ aht'e, eyıts'ǫ Isaac Wenǫ̀htsı̨ aht'e. Nı̨ eyıts'ǫ nets'ıhɂǫ̀ǫ-dǫǫ̀ dıı dèè wek'e wheętı̨ı̨ sìı naxıghàehɂà ha.
812	GEN 29:16	Laban wetì nàke gǫ̀hłı̨ ı̨lè. Wetì ǫhdaà Leah wìyeh, eyıts'ǫ wetì nǫǫde Rachel wìyeh.
830	GEN 29:34	Leah k'achı̨ hotıeda-le ajà t'à k'achı̨ dǫzhìa nìı̨htı̨, hadı, “Weza taı nìıhła t'à k'ǫǫ̀t'a sedǫǫ̀ sexè at'ı̨į̀ ade ha,” hadı. Eyıt'à dǫzhìa Levı wìyeh ayį̀į̀là.
837	GEN 30:6	Eyıt'à Rachel hadı, “Nǫ̀htsı̨ dǫ gıta edeghǫ į̀į̀zhaehłı̨-le asį̀į̀là. Wets'ǫ̀ nàdaehtì sıìkw'o t'à dǫzhìa saı̨htı̨,” hadı. Eyıt'à dǫzhìa Dan wìyeh ayį̀į̀là.
840	GEN 30:9	Weba Leah chekoa wets'ǫ-le ajà t'à ts'èko yegha eghàlaedaa Zılpah wìyeh sìı wedǫǫ̀ wets'èkeè elı̨ ha ededǫǫ̀ ghàyı̨ı̨htı̨.
851	GEN 30:20	Eyıt'à Leah hadı, “Nǫ̀htsı̨ t'asìı nezı̨ı̨ seghàı̨ɂǫ. Wegha chekoa ek'ètaı nìıhła t'à, dıì t'à sedǫǫ̀ sìhchı ha,” hadı. Eyıt'à eyı dǫzhìa Zebulun wìyeh ayį̀į̀là.
857	GEN 30:26	Sets'èkeè gık'èxa eghàlaıhdàa sìı seghàgı̨ı̨le, eyıts'ǫ seza sı, gıxè senèk'e ts'ǫ̀ anahde ha t'à. Whaà negha hòtł'ò eghàlaıhdàa sìı wek'èı̨zǫ hǫt'e,” yèhdı.
879	GEN 31:5	Gots'ǫ̀ hadı, “Naxıtà sets'ǫ̀ wınì ładı̨į̀ ajà, ı̨nę̀ę lanì sets'ǫ̀ naɂa-le, hanìkò setà Wenǫ̀htsı̨ sìı sexè at'ı̨ hǫt'e.
891	GEN 31:17	Eyıt'à Jacob, Kanan nèk'e edetà ts'ǫ̀ anade ha sınìtła. Edeza eyıts'ǫ edets'èkeè tıts'aàdìıcho k'e nègòı̨wa. Wets'ǫ tıts'aàdìı hazǫǫ̀ edenakweè k'eɂà agǫ̀ǫ̀là, eyıts'ǫ Padan-Aram nèk'e gots'ǫ t'asìı hazǫǫ̀ ełèyı̨ı̨laa sìı hazǫǫ̀ edexè ayį̀į̀là.
903	GEN 31:29	Nenahk'e ts'ı̨ı̨lı̨ ne t'à naxıts'ǫ̀ hoìla eghàlaehda ha dìì-le hǫt'e. Hanìkò ı̨dìı toò k'e netà Wenǫ̀htsı̨ sets'ǫ̀ goı̨de, hadı, ‘Edexonehdı, Jacob wets'ǫ̀ hoìla xàyanehtı-le,’ sèhdı.
916	GEN 31:42	Abraham Wenǫ̀htsı̨ eyıts'ǫ setà Nǫ̀htsı̨ ghàtsį̀edìı sìı sexè at'ı̨-le nı̨dè hotıì t'asìı dę nası̨ı̨hɂà ha ı̨lè. Hanìkò Nǫ̀htsı̨ dàhòtł'ò daıhɂàa eyıts'ǫ dànì hòtł'ò eghàlaıhdàa sìı saɂı̨ t'à ı̨dìı toò nets'ǫ̀ goı̨de hǫt'e,” Jacob yèhdı.
927	GEN 31:53	Abraham Wenǫ̀htsı̨, Nahor Wenǫ̀htsı̨ eyıts'ǫ gıtà Wenǫ̀htsı̨ ehkw'ı gosınìyaehtı welè,” Laban hadı. Eyıt'à Jacob, wetà Isaac Nǫ̀htsı̨ ghàtsį̀edìı sìı wıızì t'à yatı nàtsoo whehtsı̨.
938	GEN 32:10	Eyı tł'axǫǫ̀ Jacob Nǫ̀htsı̨ ts'ǫ̀ yahtı, “Sets'ǫ̀ K'àowo, secho Abraham Wenǫ̀htsı̨, eyıts'ǫ setà Isaac Wenǫ̀htsı̨ sets'ǫ̀ dıı haı̨dı ı̨lè, ‘Nenèk'e ts'ǫ̀ anaąde eyıts'ǫ nèot'ı̨ gıts'ǫ̀ anaąde, eyıts'ǫ dǫ ahxee nelı̨į̀ anehłe ha,’ sèı̨dı ı̨lè.
945	GEN 32:17	Wecheekeè gotł'aàyį̀ı̨wa. Tıts'aàdìı ı̨łè xàɂaa whatsǫǫ̀ ełexè whelaà ayį̀į̀là gà edecheekeè gots'ǫ̀ hadı, “Senakweè naahdè, tıts'aàdìı ı̨łè xàɂaa gıge gòɂǫǫ̀ aahłe, hanì ełek'ègıadè agıahłe,” gòhdı.
946	GEN 32:18	Wecheekeè yenakweè naetłe sìı ts'ǫ̀ hadı, “Sı̨ı̨de Esau nets'ǫ̀ nìı̨tła xè dıı hadıì daneehke, ‘Amìı negha k'àowo elı̨, eyıts'ǫ edı̨į̀ ts'ǫ̀ anet'ı̨, eyıts'ǫ dıı tıts'aàdìı nexè k'eɂaa sìı amìı wets'ǫ ne?’ nèhdı daneehke nı̨dè,
948	GEN 32:20	Wecheekeè nàke t'à yenakweè naetłe, eyıts'ǫ taı t'à naetłe, eyıts'ǫ dǫ hazǫǫ̀ yenakweè gıadèe sìı hagòhdı: “Esau weghǫ nìahde nı̨dè naxı̨ sı haahdı ha.
960	GEN 32:32	Sa danıwà daaɂa ekò eyı Penıyel gòɂǫǫ sìı yete nàèhtła. Weɂà tsį̀ı̨wo t'à k'echı̨eɂa xè naeda.
987	GEN 34:6	Whaà-le-t'ıì Shekem wetà Hamor, Jacob ts'ǫ̀ gode ha yets'àèhtła.
1034	GEN 35:22	Israel eyı nèk'e nàgedè ekò weza ǫhdaà Ruben edetà wets'ǫ ts'èko Bılah t'àı̨tè. Wetà yeghǫ ıìkw'o. Jacob, weza hoònǫ-daats'ǫ̀-nàke gòı̨lè:
1041	GEN 35:29	Eyı tł'axǫǫ̀ nǫǫde xàèhjı gà ełaı̨wo, eyıts'ǫ wecho gots'ǫ̀ ajà. Sıì eneèko whelı̨ı̨ ts'ǫ̀ ı̨ı̨dà. Weza Esau eyıts'ǫ Jacob wekw'ǫǫ̀ nègı̨į̀tǫ.
1073	GEN 36:32	Beyor weza Bela Edom nèk'e k'àowocho ı̨lè. Wets'ǫ kǫ̀godeè Dınabah gòyeh.
1076	GEN 36:35	Husham ełaı̨wo tł'axǫǫ̀ Bedad weza Hadad yetł'axǫǫ̀ k'àowocho whelı̨. Hadad, Moab nèk'e ełegegǫ t'à Mıdıyan got'ı̨į̀ goghǫèhnǫ ı̨lè. Wets'ǫ kǫ̀godeè Avıt gòyeh.
1080	GEN 36:39	Akbor weza Bayal-Hanan ełaı̨wo tł'axǫǫ̀ Hadad yetł'axǫǫ̀ k'àowocho whelı̨. Wets'ǫ kǫ̀godeè Payu gòyeh, wets'èkeè Metabel wìyeh, Matreb wetì hǫt'e eyıts'ǫ Mezahab wesah hǫt'e.
1086	GEN 37:2	Jacob eyıts'ǫ wets'ıhɂǫ̀ǫ-dǫǫ̀ gıxè dàgòjàa sìı dıı gıgodıì hǫt'e: Jacob weza Joseph cheko hoònǫ-daats'ǫ̀-łǫ̀hdı̨ weghoò ı̨lè. Edı̨ı̨de xè sahzǫ̀ą k'èdì ı̨lè. Wı̨ı̨de sìı wetà wets'ǫ ts'èko Bılah eyıts'ǫ Zılpah gots'ǫ weza agı̨ı̨t'e. Edekǫ̀ nǫgedè nı̨dè Joseph wı̨ı̨de t'asìı wejıı ghàlagı̨ı̨dàa sìı hazǫǫ̀ edetà ts'ǫ̀ hadı.
1088	GEN 37:4	Wı̨ı̨de gı̨ı̨lı̨ı̨ sìı gıtà gınahk'e Joseph ghǫneètǫǫ gık'èhogeèhzà t'à gınèlı̨į̀-le agejà xè nezı̨į̀ gıts'ǫ̀ xàyahtı ha gı̨ı̨wǫ-le.
1092	GEN 37:8	Wı̨ı̨de hagıìhdı, “Gogha k'àowocho nelı̨ ha nì? Hotıì gots'ǫ̀ k'àı̨wo ha nì?” gıìhdı. Dànì nàwhetı̨ eyıts'ǫ yeghǫ goxè godo t'à sıì denahk'e gınèlı̨į̀-le agejà.
1095	GEN 37:11	Wı̨ı̨de weghǫ ts'ohogeedıì agejà, hanìkò wetà yedaànıwo.
1105	GEN 37:21	Wı̨ı̨de ǫhdaà Ruben hagedı goìkw'o t'à goch'à edechı edaxàhtè ha hoèhdzà. “Ełaàwets'èhwhı-le,” gòhdı.
1106	GEN 37:22	“Wedoò xàtł'ì welè-le. Jǫ ekìı-ka nèk'e dèè-yìı-gǫǫɂàa łǫ gòla ne, ı̨łè yìı weahxà, hanìkò ełaàwèahwhı-le,” gòhdı. Ruben, edechı edaxàhtè gà edetà ts'ǫ̀ nayeechı ha nıwǫ t'à hadı ı̨lè.
1109	GEN 37:25	Wı̨ı̨de shègezhe ha geèhkw'e là, yeè Ishmael got'ı̨į̀ nagıadè gìgoèht'į̀, kǫ̀ta Gılad gots'ǫ nagıadè. Tıts'aàdìıcho ka dageèhkw'e xè t'asìı łǫ gıghǫ nàedì ha edexè k'egele. Dı̨ı̨ts'ıa hanıı eyıts'ǫ yìk'eetł'òo hazǫǫ̀ xàɂaa gıghǫ nàedì ha Egypt nèk'e ts'ǫ̀ geède aget'ı̨ ı̨lè.