45	GEN 2:14	Eyıts'ǫ taı t'à dehcho nı̨ı̨lı̨ı̨ sìı Tıgrıs wìyeh. Eyı dehcho kǫ̀godeè Ashur sa kàɂàa ts'ǫnèe wexanı̨ı̨lı̨ hǫt'e. Eyıts'ǫ dı̨ t'à dehcho nı̨ı̨lı̨ı̨ sìı Yufrates wìyeh hǫt'e.
49	GEN 2:18	Eyı tł'axǫǫ̀ Nǫ̀htsı̨ hadı, “Dǫ whatsǫǫ̀ nàdèe sìı nezı̨ nıìle. Yets'àdıı wexıìzǫǫ sìı wegha ehtsı̨ ha,” hadı.
158	GEN 6:20	Yat'a k'edèe hazǫǫ̀ xàɂaa wets'ǫ nàke, tıts'aàdìı hazǫǫ̀ xàɂaa wets'ǫ nàke, eyıts'ǫ tıts'aàdìı hazǫǫ̀ xàɂaa dèè k'e k'eɂàa sìı wets'ǫ nàke edexè anele, hazǫǫ̀ xàgeeda gha gık'èı̨dì ha hǫt'e.
181	GEN 7:21	T'asìı hazǫǫ̀ dèè k'e k'edèe sìı hazǫǫ̀ ełaı̨dè. Yat'a k'edèe, tıts'aàdìı wek'èhodìı, tıts'aàdìı whatsǫǫ̀ edeedaa, dèè k'e k'ełezhee hazǫǫ̀, eyıts'ǫ dǫ hazǫǫ̀ ełaàgı̨ı̨dè.
216	GEN 9:10	eyıts'ǫ t'asìı edaa hazǫǫ̀ naxıxè gı̨ı̨dàa sìı eyı sı gıxè. Yat'a k'edèe hazǫǫ̀, tıts'aàdìı wek'èhodìı hazǫǫ̀, tıts'aàdìı whatsǫǫ̀ edegeedaa hazǫǫ̀, t'asìı hazǫǫ̀ naxıxè elàcho yìı gots'ǫ xàgı̨ı̨dee, eyıts'ǫ dıı nèk'e t'asìı hazǫǫ̀ edaa sìı gıxè nakenahohtsı̨ ha.
227	GEN 9:21	Wets'ǫ jìetì mǫ̀hdaa yats'e t'à yeèhdeè ajà. Yeèhde t'à nı̨hbàa goyìı ı̨ht'edę whetı̨ nǫǫ̀.
379	GEN 15:18	Ekò k'e gots'ǫ̀ K'àowo Abram xè nàowo nàtsoo whehtsı̨, hayèhdı, “Egypt nèk'e ts'ǫ̀ nıwà-le deh nıɂàa gots'ǫ, yeè dehcho Yufrates wìyeh ts'ǫ̀ dèè haı̨hcho nets'ıhɂǫ̀ǫ-dǫǫ̀ gıghàehɂǫ hǫt'e.
390	GEN 16:8	Yak'eet'ı̨į̀ yets'ǫ̀ hadı, “Hagar, Sarayı wegha eghàlaı̨daa anet'ee sìı edı̨į̀ gots'ǫ anet'ı̨? Eyıts'ǫ edı̨į̀ ts'ǫ̀ anet'ı̨?” yèhdı. Hagar yets'ǫ̀ hadı, “Sets'ǫ̀ k'àowo Sarayı wech'à kwı̨èhsa,” hadı.
391	GEN 16:9	Yak'eet'ı̨į̀ yets'ǫ̀ hadı, “Nets'ǫ̀ k'àowo wets'ǫ̀ anaąde, eyıts'ǫ wek'èanet'e,” yèhdı.
475	GEN 19:17	Xàgogeèwa ts'ǫ̀et'ıì eyı dǫ ı̨łè hagòhdı, “Jǫ gots'ǫǫ̀ kwı̨ahdè, edaxàahdè! Ek'èt'à k'eaht'į̀-le eyıts'ǫ dèè goı̨tłoa k'e nìahdè-le! Yeè shìh ta ts'ǫ̀ kwı̨ahdè, hanì-le-ı̨dè ełaahde ha!” gòhdı.
561	GEN 22:13	Abraham ı̨daà k'eet'į̀ là sahzǫ̀ą werezhıì wedè gogho ta eht'èèko yaɂı̨. Yets'ǫ̀ ehtła gà sahzǫ̀ą nıìchì. Ełaàyį̀ı̨hwho gà kǫ̀-dèk'ǫ̀ǫ k'e edeza tł'axǫǫ̀ Nǫ̀htsı̨ ts'ǫ̀ yek'enı̨hk'ǫ.
607	GEN 24:15	Yahtı ghǫ nǫǫt'e-le et'ıì t'eeko Rebekah, tıtǫǫ̀ edeehgò ka dayèhtǫ xè eyı nììtła. Eyı t'eeko Betuyel wetì hǫt'e. Wetà Betuyel, Mılkah weza hǫt'e, Mılkah, Abraham wechı Nahor wets'èkeè hǫt'e.
657	GEN 24:65	Abraham wecheekeè daehke, hayèhdı, “Yeè dǫ naetłee amìı at'ı̨?” yèhdı. “Eyı sets'ǫ̀ k'àowo at'ı̨,” yèhdı. Eyıt'à Rebekah edek'oòhchìı edınì k'e whehchì ayį̀į̀là.
661	GEN 25:2	Yeza nìı̨laa sìı dıı hagìyeh: Zımran, Jokshan, Medan, Mıdıyan, Ishbak eyıts'ǫ Shuyah.
681	GEN 25:22	Bebìa nàke weyìı ełets'agehchı t'à hadı, “Sexè dàgot'ı̨į̀-agot'ı̨?” Yek'èezǫ ha nıwǫ t'à gots'ǫ̀ K'àowo daehke.
764	GEN 27:36	Esau hadı, “Dıì xè nàekeè seghǫ eèɂı̨ t'à wıızì wexıìzǫ hǫt'e. Età weza ǫhdaà k'ę̀ę̀ wets'ǫ t'asìı sets'ǫ̀ ade ha ı̨lèe sìı seghǫ xàyeèchì eyıts'ǫ dıì sı yatı nezı̨ı̨ seghǫ xàyeèchì!” hadı. K'achı̨ edetà ghǫnàdaetì, “Yatı nezı̨ı̨ ı̨łè segha wheęhɂǫ-le nì?” yèhdı nàdaetì.
767	GEN 27:39	Eyıt'à Isaac yets'ǫ̀ hadı, “Dèè nezı̨ı̨ wek'e t'asìı łǫ dehshee ts'ǫ̀ nıwà nàądè ha. Yak'e gots'ǫ chǫh nenèk'e ade ha-le.
791	GEN 28:17	Gots'ǫ̀ K'àowo yegà nàwo ghǫ nàwhetı̨ t'à dejı̨į̀ lajà, hadı, “Jǫ agǫ̀ht'ee sìı enıìyah lagǫ̀ht'e! Xàè Nǫ̀htsı̨ wekǫ̀ agǫ̀ht'e! Yak'e ts'ǫ̀ goyagoòɂà agǫ̀ht'e,” hadı.
802	GEN 29:6	“Asį̀į̀ hotıì eda?” gòhdı dagoehke. “Hęɂę, hotıì eda,” gıìhdı. “Yeè sahzǫ̀ą xè jǫ naetłee sìı wetì Rachel hǫt'e,” gedı.
925	GEN 31:51	Eyıts'ǫ Laban, Jacob ts'ǫ̀ hadı, “Yatı nàtsoo wììtsı̨ wek'èhoedzǫ gha jǫ kwe whela hǫt'e, eyıts'ǫ eyı gha jǫ kwe nàı̨ɂa hǫt'e.
955	GEN 32:27	Eyı dǫ hayèhdı, “Dzęh agodaade t'à sedı̨ı̨chı,” yèhdı. Hanìkò Jacob yets'ǫ̀ hadı, “Nedeehchı ha-le. Yatı nezı̨ı̨ t'à sek'eèyanehtı nı̨dè nedeehchı ha,” yèhdı.
1089	GEN 37:5	Įłàà Joseph nàwhetı̨. Yeghǫ edı̨ı̨de xè godo ts'ıhɂǫ̀ sıì denahk'e gınèlı̨į̀-le agejà.
1111	GEN 37:27	Yeè Ishmael got'ı̨į̀ nagıadèe sìı goghǫ nàgeehdì awets'ııle. Xàè gochı ne xè gotà ts'ǫ dǫ elı̨ t'à t'asawets'ele ha dìì,” gòhdı. Wechı yek'ę̀ę̀ agı̨ı̨wǫǫ̀ agejà.
1122	GEN 38:2	Ekǫ Kanan got'ı̨į̀ Shuya wìyeh wetì xè at'ı̨. Yexè honìdza gà yet'àı̨tè.
1347	GEN 44:22	Eyıt'à dıı hanèts'edı ı̨lè, ‘Eyı cheko edetà ts'ǫǫ̀ ade ha dìì. Yets'ǫǫ̀ ajà nı̨dè wetà ełaàwı ha hǫt'e,’ nèts'edı ı̨lè.
1447	GEN 47:26	Eyıt'à Joseph, dèè k'e t'asìı dehshee sìı wets'ǫ sı̨làı-ı̨łè k'àowocho Faraoh weghaelı̨į̀ ayį̀į̀là. Egypt nèk'e hanì nàowo whehtsı̨ı̨ sìı dıı dzęę̀ ts'ǫ̀ wheɂǫ hǫt'e. Yahtıı gı̨ı̨lı̨ı̨ sìı gıts'ǫ dèè zǫ k'àowocho Faraoh weghaelı̨į̀ adlà-le.
1467	GEN 48:15	Hanì t'aa Joseph gha nezı̨į̀ xàyaı̨htı, hadı, “Nǫ̀htsı̨, secho Abraham eyıts'ǫ Isaac gık'ę̀ę̀ geedaa sìı, dıı dzęę̀ ts'ǫ̀ sek'èdìı elı̨ı̨ sìı goxè sìghà ayııle, Yak'eet'ı̨į̀ hoìla hazǫǫ̀ ch'à edaxàsį̀ı̨htı̨ı̨ sìı dıı chekoa gıxè sìghà ayııle. Sıızì, secho Abraham eyıts'ǫ Isaac gıızì k'ę̀ę̀ gogıızı welè, eyıts'ǫ dıı nèk'e gıts'ıhɂǫ̀ǫ-dǫǫ̀ łǫ welè,” hadıì xàyaı̨htı.
1524	GEN 50:17	‘Joseph wets'ǫ̀ dıı haahdı nǫǫ̀, gòhdı ı̨lè: Nı̨ı̨de dànì nets'ǫ̀ hoìla eghàlagı̨ı̨dàa sìı gıhołı̨į̀ gıghǫ nahoı̨le,’ hanèts'edı ha gòhdı ı̨lè. Eyıt'à goxı̨ netà Wenǫ̀htsı̨ wecheekeè ats'ı̨ı̨t'ee sìı gohołı̨į̀ goghǫ nahoı̨le gha neghǫnàdats'eetì,” gıìhdı. Yatı hanıı Joseph danègı̨ı̨ɂǫ ekò Joseph wegha dìì agòjà t'à ı̨ı̨tsè.
1533	GEN 50:26	Eyıt'à Joseph ı̨łèakw'eènǫ-daats'ǫ̀-hoònǫ (110) weghoò ekò ełaı̨wo. Yìk'eetł'òo t'à wekw'ǫǫ̀ segı̨į̀la gà Egypt nèk'e wekw'ǫǫ̀ whetǫ agı̨į̀là.
23231	MAT 1:18	Dıı sìı Zezì-Krı dǫ-elı̨ wegodıì hǫt'e: Wemǫ Mary, Joseph xè honìda ha wììchì ı̨lè. Įłaà ełexè nàgedè-le et'ıì Yedàyeh Nezı̨ı̨ dahxà hotıì eda-le ajà.
23232	MAT 1:19	Joseph dǫ nezı̨ hǫt'e. Mary dǫ daà edeghǫ į̀į̀zhaelı̨ ha yı̨ı̨hwhǫ-le. Yexè honìda ha ı̨lè, hanìkò ts'èwhı̨į̀ wedę ayele ha nıwǫ.
23233	MAT 1:20	Hanì nànıwo ekò nàwhetı̨, yak'eet'ı̨į̀ wets'ǫ̀ wègoèht'į̀, yets'ǫ̀ hadı, “Joseph, k'àowocho Davıd wets'ǫ dǫ, Mary wı̨ı̨chı. Nets'èkeè elı̨ ha weghǫ nànewo-le. Webebìa yeyìı whedaa sìı Yedàyeh Nezı̨ı̨ ayı̨į̀là hǫt'e.
23251	MAT 2:13	K'àowo taı nageèhde tł'axǫǫ̀ Joseph nàwhetı̨, yak'eet'ı̨į̀ wets'ǫ̀ wègoèht'į̀. Yak'eet'ı̨į̀ yets'ǫ̀ hadı, “Nıį̀tła! Bebìa, wemǫ xè Egypt nèk'e ts'ǫ̀ kwı̨ahdè. Nets'ǫ̀ haehsı̨ gots'ǫ̀ ekǫ nàahdè. K'àowocho Herod eyı bebìa ełaàhwhı ha nıwǫ t'à yehak'eèt'į̀,” yèhdı.
23258	MAT 2:20	Yak'eet'ı̨į̀ yets'ǫ̀ hadı, “Nıį̀tła! Hòt'a chekoa, wemǫ xè Israel nèk'e ts'ǫ̀ anaąde. Dǫ bebìa weweè hagı̨ı̨wǫ ı̨lèe sìı hazǫǫ̀ ełaàgı̨ı̨dè,” yèhdı.
23272	MAT 3:11	“Edek'eahłı̨ nı̨dè tı t'à naxık'ètaìhdzı̨ hǫt'e, hanìkò dǫ ı̨łè senahk'e elı̨ı̨ sìı sek'èè nììtła ha. Wekechı̨į̀tł'ıì ejıehge ha kò dǫ lahoeht'ı̨ nıìle. Ededı̨ sìı Yedàyeh Nezı̨ı̨ eyıts'ǫ kǫ̀ nàtsoo t'à naxık'ètaìdzı̨ ha hǫt'e.
23277	MAT 3:16	Zezì wek'ètaìdzǫ ts'ǫ̀et'ıì tı yìı gots'ǫ nıìtła ekò hǫtsaa yak'e ehts'ǫǫ̀ ajà. Yedàyeh Nezı̨ı̨ k'àba degoo lanı yek'e daàhtła, Zezì yaɂı̨.
23278	MAT 3:17	Yak'e gots'ǫ hats'edıì hǫt'e, “Dıı sìı Seza hǫt'e, weghǫneehtǫ eyıts'ǫ weghǫ sìghà dehwhǫ,” hats'edıì hǫt'e.
23279	MAT 4:1	Eyı tł'axǫǫ̀ Zezì wehłı̨ı̨ yeèhdzà ha Yedàyeh Nezı̨ı̨ ekìı-ka nèk'e ts'ǫ̀ ayį̀į̀là.
23336	MAT 5:33	“Įnę̀ę gots'ǫ dǫ dıı hagedı ı̨lè: Yatı nàtsoo whahtsı̨ nı̨dè wek'eahzhì-le. Nǫ̀htsı̨ ts'ǫ̀ yatı nàtsoo whahtsı̨ nı̨dè wek'ę̀ę̀ eghàlaahda ha hǫt'e.
23337	MAT 5:34	Hanìkò sı̨ dıı hanaxèehsı̨: Yak'e Nǫ̀htsı̨ wedaèhchı̨cho hǫt'e ts'ıhɂǫ̀, wet'à yatı nàtsoo aahtsı̨-le.
23356	MAT 6:5	“Yaahtı nı̨dè dǫ degaı degeetsı̨ı̨ sìı gıxèahɂı̨-le. Dǫ goghàgeeda ha gı̨ı̨wǫ t'à, ełègehdèe-kǫ̀ goyìı eyıts'ǫ tı̨lı k'e nàgeèhza xè yagehtı ghageewı. Ehkw'ı anaxèehsı̨, t'asìı edegha geèhnǫǫ sìı hòt'a deghàà gıghǫ̀t'ǫ hǫt'e.
23358	MAT 6:7	Yaahtı nı̨dè yatı łǫ wet'àaɂà-le t'à yaahtı-le. Dǫ Nǫ̀htsı̨ k'ègeezǫ-le sìı hanì yagehtı hǫt'e. Yatı łǫ t'à whaà yagehtı nı̨dè Nǫ̀htsı̨ goèhkw'ǫ ha gı̨ı̨wǫ.
23360	MAT 6:9	“Yaahtı nı̨dè dıı hanì yaahtı, “ ‘Gotà yak'e wheędaa, nıızì degaı ts'edı hǫt'e.
23410	MAT 7:25	Yàchǫhoòwo ekò tı łǫ dèè teètł'ı xè kǫ̀ k'e nı̨hts'ı nàtsoo at'ı̨, hanìkò kwe k'e yìetł'aà whetǫǫ gòhtsı̨ t'à eyı kǫ̀ nàgoı̨tł'ı-le.
23412	MAT 7:27	Yàchǫhoòwo ekò tı łǫ dèè teètł'ı xè nı̨hts'ı nàtsoo eyı kǫ̀ k'e at'ı̨ t'à hǫtsaa wetagoı̨tł'ı.”
23423	MAT 8:9	Sı̨ kò segha k'àowo gǫ̀hłı̨ eyıts'ǫ eghǫǫ-dǫǫ̀ gıgha k'àowo ehłı̨. Dǫ ı̨łè ‘Yeè nàątła,’ wèehsı̨ nı̨dè ekǫ nàtła, eyıts'ǫ k'achı̨ ı̨łè ‘Jǫ nàątła,’ wèehsı̨ nı̨dè jǫ nàtła. Secheekeè, ‘Dıı hanele,’ wèehsı̨ nı̨dè hayehɂı̨,” yèhdı.
23576	MAT 12:18	“Secheekeè wììhchìı sìı jǫ nàwo. Ededı̨ weghǫneehtǫ xè weghǫ sǫdehwhǫ hǫt'e. Yedàyeh Nezı̨ı̨ wets'ǫ̀ ahłe ha eyıts'ǫ dǫ hazǫǫ̀ xàɂaa dànì ehkw'ı geedaa ghǫ hoghàgoehtǫ ha.
23589	MAT 12:31	Ehkw'ı anaxèehsı̨, hołı̨ı̨ hazǫǫ̀ eyıts'ǫ Nǫ̀htsı̨ k'èch'a gots'edee sìı dǫ ghǫ nahoezhe ha hǫt'e, hanìkò Yedàyeh Nezı̨ı̨ k'èch'a gogede nı̨dè gıghǫ nahoezhe ha-le.
23590	MAT 12:32	Eyıts'ǫ Dǫ-wet'àaɂàa-deè k'èch'a gogede nı̨dè eyı gıghǫ nahoezhe ha, hanìkò dǫ Yedàyeh Nezı̨ı̨ k'èch'a gogede nı̨dè gıghǫ nahoezhe ha-le. Dıì gıghǫ nahoezhe ha-le eyıts'ǫ ı̨daà sı gıghǫ nahoezhe ha-le.
23595	MAT 12:37	Naxıyatıì ghàà naxısınìyaetı ha. Yatı nezı̨ı̨ t'à goahde nı̨dè wek'èxa t'asanaxedle ha-le, ekò yatı nezı̨-le t'à goahde nı̨dè wek'èxa hoìla anaxedle ha,” Zezì gòhdı.
23657	MAT 13:49	Nǫǫde dzęę̀ k'e nı̨dè eyı lagǫ̀ht'e ha. Yak'eet'ı̨į̀ dǫ ta ts'ǫ̀ agede ha, ehkw'ı-geedaa-dǫǫ̀ eyıts'ǫ hołı̨ı̨-k'ę̀ę̀-geedaa-dǫǫ̀ į̀łak'aà agogele ha.
23742	MAT 16:1	Pharısee gı̨ı̨lı̨ı̨ mǫ̀hdaa eyıts'ǫ Sadducee gı̨ı̨lı̨ı̨ mǫ̀hdaa Zezì geèhdzà ha gı̨ı̨wǫ t'à gıts'ǫ̀-ède, hagıìhdı, “Yak'e gots'ǫ gogha enıìyah deè hoı̨htsı̨,” gıìhdı.
23743	MAT 16:2	Zezì gots'ǫ̀ hadı, “Xèhts'ǫ̀ nı̨dè dıı haahdı, ‘Yat'a hazǫǫ̀ goòk'o t'à satsǫ hoı̨zı̨ ha,’ dahdı.
23824	MAT 18:28	“Hanìkò eyı wecheekeè edekǫ̀ ts'ǫ̀ naetłe ekò wexèht'eè k'àowocho cheekeè ı̨łè, sǫǫ̀mba łǫ-lea yeghaı̨tł'è ı̨lèe sìı, yaɂı̨. Yek'à daachì gà hayèhdı, ‘Sǫǫ̀mba neghǫnìıhɂǫǫ sìı hazǫǫ̀ naı̨le,’ yèhdı.
23910	MAT 21:15	Yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ Zezì Nǫ̀htsı̨kǫ̀-gocho gà enıìyah hòèhtsı̨ gıaɂı̨, eyıts'ǫ chekoa dıı hagedıì yagìzeh, “Hosanna! k'àowocho Davıd Weza weghàsǫts'eedı!” gedı gogıìkw'o t'à, sıì gıgha nezı̨-le.
23916	MAT 21:21	Zezì gots'ǫ̀ hadı, “Ehkw'ı anaxèehsı̨, naxıgha ehkw'ı-ahodı xè dìì dahwhǫ-le nı̨dè jìechots'ıì dàhłàa sìı naxı̨ sı haahłe ha dìì nıìle. Eyı wenahk'e hòahtsı̨ ha dìì-le. Dıı shìh ts'ǫ̀ dıı haahdı, ‘Yeè tèe ts'ǫ̀ adı̨ı̨le,’ dahdı nı̨dè wek'ę̀ę̀ agode ha.
23920	MAT 21:25	John-Baptıst dǫ k'ètaìdzı̨ı̨ sìı amìı dahxà at'ı̨ nǫǫ̀? Yak'e godahxà at'ı̨ hanì-le-ı̨dè dǫ dahxà at'ı̨?” gòhdı. Eyı ghǫ ełets'ǫ̀ hagedı, “ ‘Yak'e godahxà at'ı̨,’ ts'edı nı̨dè ‘Dànìghǫ ehkw'ı adıı weahwhǫ-le nǫǫ̀?’ gòhdı ha.
23940	MAT 21:45	Yahtıı-gha-k'aodèe eyıts'ǫ Pharısee gı̨ı̨lı̨ı̨ sìı Zezì hanì dǫ xè godo gıìkw'o ekò ededı̨ goghǫ godeè-adı gık'èhoèhzà.
23953	MAT 22:12	Yets'ǫ̀ hadı, ‘Seàgı̨ą, seza honìdza hǫt'e. Eyıt'à dànìghǫ goht'ǫ nezı̨ı̨ t'à-aąt'ı̨-le?’ yèhdı. Eyı dǫ aıdì whìle.
23984	MAT 22:43	Zezì gots'ǫ̀ hadı, “Hanì-ı̨dè dànìghǫ k'àowocho Davıd Yedàyeh Nezı̨ı̨ dahxà ‘sets'ǫ̀ K'àowo’ yèhdı, dek'eèhtł'è. K'àowocho Davıd yeghǫ dıı hadı ı̨lè:
24049	MAT 24:23	Ekìıyeè k'e nı̨dè dǫ naxıts'ǫ̀ dıı hagedı nı̨dè, ‘Chrıst jǫ wheda!’ hanì-le-ı̨dè ‘Yeè wheda,’ hagedı nı̨dè, naxıgha ehkw'ı agııdì-le.
24061	MAT 24:35	Yak'e eyıts'ǫ dèè whìle agode ha hǫt'e, hanìkò seyatıì wı̨ı̨zìı sìı whìle ade ha nıìle.
24093	MAT 25:16	Wecheekeè sı̨làı-lemì satsǫ̀ą dekwoo weghǫ̀zhaa sìı ekòet'ıì eyı sǫǫ̀mba t'à eghàlaı̨dà. Yet'à sı̨làı-lemì satsǫ̀ą dekwoo deɂǫ̀atłǫ whehtsı̨.
24159	MAT 26:36	Eyı tł'axǫǫ̀ Zezì edecheekeè xè Gethsemana gòyeh ts'ǫ̀ geède, gots'ǫ̀ hadı, “Jǫ naahɂı̨. Yahdaà nèehtła gà yahtı ha,” gòhdı.
24163	MAT 26:40	Yaı̨htı tł'axǫǫ̀ edecheekeè taı goghǫ nǫ̀ǫtła ekò geète nǫǫ̀. Peter ts'ǫ̀ hadı, “Įłè sadzea kò sexè ts'ıgoahdì ha dìì nì?
24170	MAT 26:47	Įłaà Zezì edecheekeè gots'ǫ̀ gode et'ıì wecheekeè hoònǫ-daats'ǫ̀-nàke gots'ǫ ı̨łè, Zhıdàà wìyeh, eyı nììtła. Dǫ łǫ behcho eyıts'ǫ dechı̨ k'egelee wexè nègı̨ı̨de. Yahtıı-gha-k'aodèe eyıts'ǫ ǫhdah gı̨ı̨lı̨ı̨ sìı dǫ eyı ts'ǫ̀ gogı̨ı̨hɂà.
24182	MAT 26:59	Yahtıı-gha-k'aodèe eyıts'ǫ k'aodèe yàgı̨ı̨lı̨ı̨ hazǫǫ̀ Zezì ełaàgıìhwhı ha gı̨ı̨wǫ. T'asìıjıı t'à Zezì k'e nìdahogeeɂà ha dǫ dageehke.
24204	MAT 27:6	Yahtıı-gha-k'aodèe sǫǫ̀mba negı̨į̀wa gà ełets'ǫ̀ hagedı, “Dıı sǫǫ̀mba wet'à dǫ ełǫǫ̀wo ne t'à Nǫ̀htsı̨kǫ̀-gocho gha sǫǫ̀mba-tǫǫ̀ yìı ts'ı̨ı̨wa nı̨dè gonàowoò k'èch'a ha hǫt'e,” hagedı.
24210	MAT 27:12	Yahtıı-gha-k'aodèe eyıts'ǫ ǫhdah gı̨ı̨lı̨ı̨ sìı Zezì k'e nìdahogį̀ı̨hɂǫ ekò gots'ǫ̀ t'asadı-le ı̨lè.
24267	MAT 28:3	Yak'eet'ı̨į̀ wek'e saı̨dı̨ xè wegoht'ǫǫ̀ zhah lanì.
24269	MAT 28:5	Yak'eet'ı̨į̀ ts'èko gots'ǫ̀ hadı, “Dahjı̨-le. Zezì dechı̨et'aa k'e ełaı̨woo sìı wekak'eaht'į̀ aaht'ı̨ wek'èehsǫ.
24283	MAT 28:19	Eyıt'à hazǫǫ̀ nèk'e ts'ǫ̀ aahde, dǫ hazǫǫ̀ xàɂaa secheekeè aahtsı̨. Nǫ̀htsı̨-Gotà wıızì, Weza wıızì eyıts'ǫ Yedàyeh Nezı̨ı̨ wıızì t'à gık'ètaìdzǫǫ̀ agıahłe.
24292	MRK 1:8	Sı̨ sìı tı t'à naxık'ètaìhdzı̨ hǫt'e, ekò ededı̨ sìı Yedàyeh Nezı̨ı̨ t'à naxık'ètaìdzı̨ ha,” John gòhdı.
24294	MRK 1:10	Zezì tı yìı gots'ǫ nıìtła ekò yak'e ehts'ǫǫ̀ ajà eyıts'ǫ Yedàyeh Nezı̨ı̨ k'àba degoo lanıı yek'e daàhtła, Zezì yaɂı̨.
24295	MRK 1:11	Yak'e gots'ǫ dıı hats'edıì hǫt'e, “Nı̨ Seza anet'e, neghǫneehtǫ eyıts'ǫ neghǫ sìghà dehwhǫ,” hats'edıì hǫt'e.
24296	MRK 1:12	Ekòet'ıì Yedàyeh Nezı̨ı̨ ekìı-ka nèk'e ts'ǫ̀ yeèhɂà.
24311	MRK 1:27	Dǫ hazǫǫ̀ gıgha enıìyah t'à ełets'ǫ̀ hagedı, “Dàgot'ı̨į̀-agot'ı̨? Nàowo eładı̨ı̨ k'ę̀ę̀ hoghàgoehtǫ eyıts'ǫ ededı̨ t'asìı hazǫǫ̀ ts'ǫ̀ k'àowo elı̨ ladıì gode. Yatı nàtsoo t'à ı̨nìłı̨ı̨ ts'ǫ̀ gode nı̨dè gık'èı̨t'e,” gedı.
24319	MRK 1:35	Ek'èdaedzęę̀ k'e k'omǫǫ̀dǫǫ̀ ı̨łaà to et'ıì Zezì nıìtła. Yahtı ha gowhatsǫǫ̀ gòɂǫǫ ts'ǫ̀ xàèhtła.
24324	MRK 1:40	Dǫ ı̨łè gokwǫ̀ tàda t'à eyaelı̨ı̨ sìı Zezì gà nììtła. Yets'ǫ̀ nàgòı̨hgè, yeghǫnàdaetì, hadı, “Haneewǫ-ı̨dè k'aàt'ıì ası̨ı̨le ha dìì-le,” yèhdı.
24386	MRK 3:29	Hanìkò Yedàyeh Nezı̨ı̨ k'èch'a gogede nı̨dè eyı gıghǫ nahoezhe ha nıìle. Eyı hołı̨ı̨ sìı welǫ whìle ts'ǫ̀ gık'e wheɂǫ ha hǫt'e,” gòhdı.
24408	MRK 4:16	Dǫ mǫ̀hdaa wet'à t'asìı dehshee kwe ta nàı̨tł'ı lagı̨ı̨t'e. Yatı gıìkw'o ts'ǫ̀et'ıì sıì gınà xè yatı gìhchı.
24416	MRK 4:24	Eyıts'ǫ Zezì dıı hadı, “Yatı aàhkw'oo sìı hotıì nezı̨į̀ wedaànıahdè. T'asìı dàı̨hcho dǫ ghàahɂàa sìı wexèı̨hcho naxıghǫ̀t'à ha eyıts'ǫ weɂǫ̀-aı̨hcho naxıghǫ̀t'à ha hǫt'e.
24476	MRK 5:43	Hanìkò Zezì, “Eyı ghǫ dǫ wı̨ı̨zìı ts'ǫ̀ haahdı-le,” gòhdı tł'axǫǫ̀ hadı, “Yeghǫ shètı̨ weghàahdı,” gòhdı.
24580	MRK 8:11	Pharısee gı̨ı̨lı̨ı̨ mǫ̀hdaa Zezì dageehke ha eyı nègı̨ı̨de. Zezì geèhdzà ha gı̨ı̨wǫ t'à hagıìhdı, “Yak'e gots'ǫ gogha enıìyah hoı̨htsı̨,” gıìhdı.
24722	MRK 11:13	Ekǫ nıwà-lea jìechots'ıì weɂı̨t'ǫ̀ą wek'e whela yaɂı̨. Jìecho wek'e dehshe sǫnı nıwǫ t'à ekǫ èhtła. Yegà nììtła ekò jìecho wı̨ı̨zìı wek'e wheɂǫ-le, ı̨t'ǫ̀ą zǫ. Įłaà jìecho dehshe ha nèhòwì-le.
24727	MRK 11:18	Yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ Zezì hadı gıìkw'o ekò ełaàgıìhwhı ha gı̨ı̨wǫ, hanìkò dǫ hazǫǫ̀ Zezì ayìı hoghàgoèhtǫǫ sìı gıgha enıìyah t'à hagele ha gıts'àejı̨.
24739	MRK 11:30	John-Baptıst dǫ k'ètaìdzı̨ı̨ sìı amìı dahxà at'ı̨ nǫǫ̀? Yak'e godahxà at'ı̨ hanì-le-ı̨dè dǫ dahxà at'ı̨? Dàahwhǫǫ sìı sedaahdı,” gòhdı.
24740	MRK 11:31	Eyı ghǫ ełets'ǫ̀ hagedı, “ ‘Yak'e godahxà at'ı̨,’ ts'edı nı̨dè, ‘Dànìghǫ ehkw'ı adı dahwhǫ-le nǫǫ̀?’ gòhdı ha.
24778	MRK 12:36	K'àowocho Davıd Yedàyeh Nezı̨ı̨ dahxà dıı hadı ı̨lè: ‘Gots'ǫ̀ K'àowo, sets'ǫ̀ K'àowo ts'ǫ̀ hadı: Amìı nets'ǫ̀ xànegı̨ı̨ɂaa sìı hazǫǫ̀ gıghǫı̨hnè anehłe gots'ǫ̀, nàgòts'ehnèe k'e segà wheęda,’ dek'eèhtł'è.
24797	MRK 13:11	Danaxegıachì gà naxıghǫ nàyaetı nı̨dè wekwe-t'ıì ayìı dàahdı ha sìı weghǫ nànıahdè-le. Ekìıyeè k'e nı̨dè yatı naxıghǫ̀t'à ha sìı k'ę̀ę̀ goahde. Naxı̨ xàè naxıyatıì t'à goahde ha nıìle, hanìkò Yedàyeh Nezı̨ı̨ wedahxà goahde ha hǫt'e.
24807	MRK 13:21	Ekìıyeè k'e dǫ naxıts'ǫ̀ dıı hagedı nı̨dè, ‘Chrıst jǫ wheda!’ hanì-le-ı̨dè ‘Yeè wheda,’ gedı nı̨dè, naxıgha ehkw'ı agııdì-le.
24817	MRK 13:31	Yak'e eyıts'ǫ dèè whìle agode ha hǫt'e, hanìkò seyatıì wı̨ı̨zìı sìı whìle ade ha nıìle.
24824	MRK 14:1	Dzędeè Passover gha nàsı̨ hołè ts'ǫ̀ nàke dzęę̀ whìle agòjà. Eyı dzędeè k'e łèt'èa dę łèt'è ghǫ shègezhe hǫt'e. Yahtıı-gha-k'aodèe eyıts'ǫ Nǫ̀htsı̨-yatıì-k'ègedìı-dǫǫ̀ Zezì ełaàgııhwhı ha gı̨ı̨wǫ t'à, dànì dǫ naàhtǫ dageechı ha sìı kak'egeet'į̀.
24855	MRK 14:32	Eyı tł'axǫǫ̀ Gethsemana gòyeh ts'ǫ̀ geède. Zezì gots'ǫ̀ hadı, “Jǫ naahɂı̨. Yahdaà nèehtła gà yahtı ha,” gòhdı.
24860	MRK 14:37	Yaı̨htı tł'axǫǫ̀ edecheekeè taı goghǫ nǫ̀ǫtła ekò geète nǫǫ̀. Peter ts'ǫ̀ hadı, “Sımon, wheętı̨ nǫǫ̀. Įłè sadzeè kò sexè ts'ıgoı̨dì ha dìì nì?
24866	MRK 14:43	Įłaà Zezì edecheekeè gots'ǫ̀ gode et'ıì wecheekeè hoònǫ-daats'ǫ̀-nàke gots'ǫ ı̨łè, Zhıdàà wìyeh, eyı nììtła. Dǫ łǫ behcho eyıts'ǫ dechı̨ k'egele xè wexè eyı nègı̨ı̨de. Yahtıı-gha-k'aodèe, Nǫ̀htsı̨-yatıì-k'ègedìı-dǫǫ̀ eyıts'ǫ ǫhdah gı̨ı̨lı̨ı̨ sìı dǫ ekǫ ts'ǫ̀ gogı̨ı̨hɂà.
24876	MRK 14:53	Dǫ Zezì dagıachìı sìı yahtıı-wet'àaɂàa-deè wekǫ̀ ts'ǫ̀ geèhchì. Yahtıı-gha-k'aodèe, ǫhdah gı̨ı̨lı̨ı̨, eyıts'ǫ Nǫ̀htsı̨-yatıì-k'ègedìı-dǫǫ̀ ekǫ ełègehde.
24878	MRK 14:55	Yahtıı-gha-k'aodèe eyıts'ǫ k'aodèe yàgı̨ı̨lı̨ı̨ hazǫǫ̀ Zezì ełaàgehwhı ha gı̨ı̨wǫ. T'asìıjıı t'à Zezì k'e nìdahogeeɂà ha dǫ dageehke, hanìkò t'asìı t'à yek'e nìdahogeeɂà ha sìı gogį̀į̀hɂǫ-le.
24894	MRK 14:71	Yatı nàtsoo t'à hadı, “Ehkw'ı aehsı̨-le nı̨dè wek'èxa segha hoìla welè. Eyı dǫ weghǫ goahdee sìı wek'èehsǫ nıìle!” gòhdı.