28	GEN 1:28	Nǫ̀htsı̨ gots'ǫ̀ sìghà xàyaı̨htı, hagòhdı, “Dıı nèk'e hazǫǫ̀ ts'ǫ̀ naxıts'ıhɂǫ̀ǫ-dǫǫ̀ łǫǫ̀ awede eyıts'ǫ dèè ts'ǫ̀ k'ahoahdè. Tıcho yìı łıwe, yat'a k'edèe hazǫǫ̀, eyıts'ǫ t'asìı hazǫǫ̀ dèè k'e k'eɂàa sìı ts'ǫ̀ k'ahoahdè,” gòhdı.
30	GEN 1:30	Eyıts'ǫ dèè k'e tıts'aàdìı hazǫǫ̀, yat'a k'edèe hazǫǫ̀, t'asìı hazǫǫ̀ dèè k'e k'eɂàa sìı, t'asìı hazǫǫ̀ ejìı sìı ı̨t'ǫ̀ gıdıì elı̨ gha gıgha whela hǫt'e,” hadı, eyıt'à hagòjà.
48	GEN 2:17	hanìkò ts'ı wet'à nàowo nezı̨ı̨ eyıts'ǫ nàowo nezı̨-le k'èhots'eezǫǫ sìı wets'ǫ shènetı̨ ha-le. Eyı ts'ı wets'ǫ shènetı̨ nı̨dè ełaı̨wı ha hǫt'e,” yèhdı.
87	GEN 4:7	Ehkw'ı k'ehoı̨ɂa nı̨dè neghǫ sìghà dehwhǫ ha-le nì? Hanìkò ehkw'ı k'ehoı̨ɂa-le nı̨dè hołı̨ı̨ negà nìdaı̨hɂa hǫt'e. Nets'ǫ̀ k'ahowo ha nıwǫ, hanìkò nı̨ sìı wets'ǫ̀ k'àı̨wo ha hǫt'e,” Nǫ̀htsı̨ yèhdı.
88	GEN 4:8	Hagòjà tł'axǫǫ̀ Caın edechı ts'ǫ̀ hadı, “Dèè k'e t'asį̀ı̨ k'ełıìtło,” yèhdı. Dèè k'e k'eget'à ekò Caın hǫtsaa edechı Abel gà nàatła t'à ełaàyį̀ı̨hwho.
104	GEN 4:24	Caın dǫ t'asayį̀į̀là nı̨dè eyı dǫ łǫ̀hdı̨ ts'ǫ̀ weghàhòt'à ha, hanìkò Lamek dǫ t'asayį̀į̀là nı̨dè eyı dǫ łǫ̀hdı̨ènǫ-daats'ǫ̀-łǫ̀hdı̨ (77) ts'ǫ̀ weghàhòt'à ha hǫt'e,” edets'èkeè gòhdı.
159	GEN 6:21	T'asìı ts'edèe hazǫǫ̀ xàɂaa edexè anele. Eyı weghǫ shèahzhe eyıts'ǫ tıts'aàdìı sı gıghǫ shèzhe ha edexè wek'èı̨dì,” Nǫ̀htsı̨ hadıì Noah ts'ǫ̀ goı̨de.
201	GEN 8:17	Tıts'aàdìı hazǫǫ̀ xàɂaa nexè geedaa sìı, yat'a k'edèe, tıts'aàdìı hazǫǫ̀, dèè k'e k'eɂàa gı̨ı̨lı̨ı̨ sìı hazǫǫ̀ xàgı̨ı̨wa, dıı nèk'e gıza yàgǫ̀hłı̨ı̨ xè gı̨ı̨tłǫǫ̀ agede ha t'à,” Nǫ̀htsı̨ Noah èhdı.
223	GEN 9:17	Eyıt'à Nǫ̀htsı̨ Noah ts'ǫ̀ hadı, “Dıı k'àlemį̀į̀ wègaat'ı̨ı̨ sìı weghàà nı̨ nexè eyıts'ǫ dıı nèk'e t'asìı hazǫǫ̀ edaa gıxè nakenawhehtsı̨ı̨ sìı wek'èhoedzǫ ha hǫt'e,” hadı.
270	GEN 11:3	Ełets'ǫ̀ hagedı, “Ehtł'è kwe lade gha kwe-satsǫ̀ yìı hòtł'ò et'è ats'ııle,” gedı. Kwe tàet'aa t'à aget'ı̨-le, hanìkò kwe whet'ee t'à aget'ı̨. Eyıts'ǫ kwedzeè t'à kwe ełexıìht'eè agehɂı̨ t'à t'asìı gehtsı̨.
336	GEN 13:17	Dıı dèè hazǫǫ̀ neghàehłe ha hǫt'e, eyıt'à dıı dèè hazǫǫ̀ wek'e k'eı̨tło,” gots'ǫ̀ K'àowo Abram ts'ǫ̀ hadı.
357	GEN 14:20	Nǫ̀htsı̨ Enıìyah Deè elı̨ı̨ sìı weghàsǫts'eedı welè. Dǫ nek'èch'a gı̨ı̨lı̨ı̨ sìı netł'aà nègòı̨la hǫt'e,” Melkızedek Abram ts'ǫ̀ hadı. Eyı tł'axǫǫ̀ Abram ełegegǫ gots'ǫ t'asìı hazǫǫ̀ nèyı̨ı̨waa sìı wets'ǫ hoònǫ-ı̨łè yahtıı Melkızedek ghàyı̨ı̨la.
358	GEN 14:21	Kǫ̀ta Sodom gots'ǫ k'àowocho Abram ts'ǫ̀ hadı, “Sı̨ t'aa dǫ seghàgı̨ı̨le. Eyı wedę t'asìı hazǫǫ̀ edegha wek'èı̨dì,” yèhdı.
363	GEN 15:2	Hanìkò Abram hadı, “Sets'ǫ̀ K'àowo Nǫ̀htsı̨, chekoa sets'ǫ-le t'à ayìı seghàneeɂǫ lì? T'asìı hazǫǫ̀ sets'ǫ sìı Damaskus got'ı̨į̀ Elıyezer weghaelı̨į̀ ade ha hǫt'e,” hadı.
368	GEN 15:7	Eyıts'ǫ Nǫ̀htsı̨ yets'ǫ̀ hadı, “Nets'ǫ̀ K'àowo aht'e. Dıı dèè neghaelı̨ ha dehwhǫ t'à Kaldea got'ı̨į̀ gıkǫ̀ta Ur gots'ǫǫ̀ xàneèhtı̨ hǫt'e,” yèhdı.
380	GEN 15:19	Ken got'ı̨į̀, Kenız got'ı̨į̀, Kadmon got'ı̨į̀, Het got'ı̨į̀, Perız got'ı̨į̀, Refayım got'ı̨į̀, Amor got'ı̨į̀, Kanan got'ı̨į̀, Gırgash got'ı̨į̀ eyıts'ǫ Jebus got'ı̨į̀ gınèè hazǫǫ̀ naxıghàehła hǫt'e,” gots'ǫ̀ K'àowo Abram ts'ǫ̀ hadı.
412	GEN 17:14	Naxıta dǫzhìı wekwǫ̀ nàt'à-le nı̨dè naxıts'ǫǫ̀ xàweeɂà ha, naxıgha nàowo nàtsoo whıhtsı̨ı̨ sìı k'èı̨t'e-le t'à,” yèhdı.
431	GEN 18:6	Eyıt'à ekòet'ıì Abraham Sarah gà goyaèhtła, hayèhdı, “Įwhąą̀! Łè nezı̨ı̨ sìı dı̨ènǫ aı̨hda deyı̨į̀htł'ì. Łè tsı̨ı̨htsı gà łèt'è neht'è,” yèhdı.
463	GEN 19:5	Lot ts'ǫ̀ yagìzeh hagedı, “Dıı toò eyı dǫ nets'ǫ̀ nègı̨ı̨dee sìı gılaedì? Gots'ǫ̀ xàgııdè agı̨ı̨le, gık'alats'edè ha t'à,” hagedı.
471	GEN 19:13	dıı kǫ̀godeè wedıhots'ehtsı̨ ha t'à. Gots'ǫ̀ K'àowo dıı kǫ̀godeè ghǫ godı nezı̨-le ıìkw'o t'à wedıhots'ehtsı̨ ha jǫ ts'ǫ̀ goı̨hɂà hǫt'e,” gıìhdı.
472	GEN 19:14	Eyıt'à Lot dǫzhìı yetì gìhchı ha ı̨lèe sìı gots'ǫ̀ goı̨de, hagòhdı, “Gots'ǫ̀ K'àowo dıı kǫ̀godeè hòt'a yedıhohtsı̨ ha t'à ı̨whąą̀ xàts'ııdè,” gòhdı. Hanìkò eyı dǫzhìı ekìı adı gı̨ı̨hwhǫ t'à gık'èı̨t'e-le.
473	GEN 19:15	Èhkǫ agodaade ekò yak'eet'ı̨į̀ Lot ts'ǫ̀ hagedı, “Nets'èkeè eyıts'ǫ netì jǫ geèhkw'ee sìı ı̨whąą̀ xàgı̨ı̨wa. Haahjà-le-ı̨dè Nǫ̀htsı̨ kǫ̀godeè nàgòı̨hkwa nı̨dè naxı̨ sı ełaahde ha hǫt'e,” gıìhdı.
498	GEN 20:2	Abraham ekǫ nàı̨dè ekò edets'èkeè Sarah ghǫ dǫ ts'ǫ̀ hadı, “Sedè hǫt'e,” gòhdı. Eyıt'à Abımelek kǫ̀ta Gerar gha k'àowocho elı̨ı̨ sìı Sarah ìhchı ha yekàehɂà t'à wecheekeè gıts'ǫ̀ geèhchì.
499	GEN 20:3	Hanìkò ı̨łè toò Abımelek nàwhetı̨ Nǫ̀htsı̨ yets'ǫ̀ hadı, “Eyı ts'èko nıìchì t'à edeweè nehtsı̨ gha anet'ı̨. Eyı ts'èko hoet'ı̨ hǫt'e,” Nǫ̀htsı̨ yèhdı.
503	GEN 20:7	Eyı ts'èko wedǫǫ̀ ts'ǫ̀ nawı̨ı̨chı. Wedǫǫ̀ nakwenàoɂǫǫ elı̨ t'à negha yahtı ha, hanì-ı̨dè ı̨da ha. Wedǫǫ̀ ts'ǫ̀ nawı̨ı̨chı-le nı̨dè nı̨ eyıts'ǫ nets'ǫ dǫ hazǫǫ̀ nexè ełaàgede ha hǫt'e,” Nǫ̀htsı̨ yèhdı.
532	GEN 21:18	Dǫzhìa nıìtłaà awı̨ı̨le gà k'egòwı̨ı̨dı, wets'ıhɂǫ̀ǫ-dǫǫ̀ łǫ gǫ̀hłı̨ ha ne t'à,” yak'eet'ı̨į̀ yèhdı.
538	GEN 21:24	Abraham gots'ǫ̀ hadı, “Eyı gha yatı nàtsoo naxıxè whıhtsı̨ hǫt'e,” gòhdı.
540	GEN 21:26	Hanìkò Abımelek yets'ǫ̀ hadı, “Amìı ayį̀į̀làa sìı wek'èehsǫ nıìle. Sets'ǫ̀ haı̨dı-le ts'ıhɂǫ̀ dıı dzęę̀ k'e k'ǫąt'a wek'èhoèhzà,” yèhdı.
544	GEN 21:30	Abraham yets'ǫ̀ hadı, “Dıı sahzǫ̀ązaa łǫ̀hdı̨ sìı negha welè. Eyı weghàà dıı tık'è gòɂǫǫ sìı sı̨ wegha dèè xàehgè hǫt'e wek'èhoedzǫ ha t'à,” yèhdı.
549	GEN 22:1	Sìghaı̨waà hoòwo tł'axǫǫ̀ Abraham Nǫ̀htsı̨ yeèhdzà. “Abraham,” yèhdı yets'ǫ̀ gode. “Hęɂę, neèhkw'ǫ,” Abraham yèhdı.
556	GEN 22:8	Abraham yets'ǫ̀ hadı, “Seza, Nǫ̀htsı̨ wets'ǫ̀ sahzǫ̀ązaa k'ets'eehk'ǫ̀ ha sìı ededı̨ goghàyehtè ha hǫt'e,” edeza èhdı. Hadı tł'axǫǫ̀ nàke geet'eè ı̨daà łegeèhtła.
559	GEN 22:11	Hanìkò gots'ǫ̀ K'àowo weyak'eet'ı̨į̀ yak'e gots'ǫ yets'ǫ̀ whezeh, “Abraham! Abraham!” yèhdı hǫt'e. “Hęɂę, neèhkw'ǫ,” Abraham yèhdı.
576	GEN 23:4	hagòhdı, “Xàhtǫ lanì naxıta nàhdè hǫt'e. Dèè mǫ̀hdaa naxıghǫ nàıhdì, sets'èkeè ełaı̨woo sìı wekw'ǫǫ̀ nèehtį̀ ha t'à,” gòhdı.
610	GEN 24:18	“K'àowo, tı nets'è,” t'eeko yèhdı. Hanì-t'ıì edetıtǫǫ̀ yets'ǫ̀ ayį̀į̀là gà tı yeghàı̨dì.
623	GEN 24:31	“Gots'ǫ̀ K'àowo nexè sìghà agǫ̀ǫ̀là t'à sek'èątła,” yèhdı. “Ayìıha jǫ nàąwoò anet'ı̨? Kǫ̀ goyìı negha gòɂǫǫ̀ agòhłà eyıts'ǫ tıts'aàdìıcho sı gıgha gòɂǫ,” yèhdı.
649	GEN 24:57	Eyıt'à hagedı, “T'eeko wets'ǫ̀ gots'ııde gà dawets'ııhke,” gedı.
657	GEN 24:65	Abraham wecheekeè daehke, hayèhdı, “Yeè dǫ naetłee amìı at'ı̨?” yèhdı. “Eyı sets'ǫ̀ k'àowo at'ı̨,” yèhdı. Eyıt'à Rebekah edek'oòhchìı edınì k'e whehchì ayį̀į̀là.
698	GEN 26:5	Abraham sek'èɂaı̨t'è t'à; seyatıì eyıts'ǫ senàowoò k'èdì hǫt'e,” Nǫ̀htsı̨ Isaac ts'ǫ̀ hadı.
700	GEN 26:7	Eyı kǫ̀ta gots'ǫ dǫzhìı wets'èkeè ghǫ dagı̨ı̨hke ekò, Isaac gots'ǫ hadı, “Sedè hǫt'e,” gòhdı. Rebekah ts'èko wèdaat'ı̨ı̨ elı̨ t'à wets'ıhɂǫ̀ eyı kǫ̀ta ts'ǫ dǫzhìı ełaàsegèhwhı ha sǫnı, hanıwǫ t'à, “Sets'èkeè hǫt'e,” gòhdı-le.
704	GEN 26:11	Eyıt'à Abımelek dǫ hazǫǫ̀ ts'ǫ̀ hadı, “Amìı, dıı dǫ eyıts'ǫ wets'èkeè k'alawoo sìı weweè hołè ha hǫt'e,” gòhdı.
722	GEN 26:29	Hanì-ı̨dè nets'ǫ̀ hoìla eghàlats'eeda-le k'ę̀ę̀ nı̨ sı gots'ǫ̀ hoìla eghàlaı̨da ha-le. T'aats'ǫǫ̀ nets'ǫ̀ nezı̨į̀ nats'eɂa xè ts'èwhı̨į̀ nanets'eèhɂà ı̨lè. Ekò dıì sìı gots'ǫ̀ K'àowo nexè sìghà hòɂǫǫ̀ ayį̀į̀là hǫt'e,” gıìhdı.
729	GEN 27:1	Isaac eneèko whelı̨ ekò sıì wedaà nàtso-le t'à wegha xègaat'ı̨-le agòjà. Edeza ǫhdaà Esau kayaı̨htı, “Seza,” yèhdı. “Età, neèhkw'ǫ,” weza yèhdı.
752	GEN 27:24	K'achı̨ dayeehke, “Hotıì seza Esau anet'e nì?” yèhdı. “Hęɂę, Esau aht'e,” Jacob edetà èhdı.
760	GEN 27:32	“Amìı anet'e?” wetà Isaac yèhdı. “Neza ǫhdaà Esau aht'e,” weza yèhdı.
791	GEN 28:17	Gots'ǫ̀ K'àowo yegà nàwo ghǫ nàwhetı̨ t'à dejı̨į̀ lajà, hadı, “Jǫ agǫ̀ht'ee sìı enıìyah lagǫ̀ht'e! Xàè Nǫ̀htsı̨ wekǫ̀ agǫ̀ht'e! Yak'e ts'ǫ̀ goyagoòɂà agǫ̀ht'e,” hadı.
802	GEN 29:6	“Asį̀į̀ hotıì eda?” gòhdı dagoehke. “Hęɂę, hotıì eda,” gıìhdı. “Yeè sahzǫ̀ą xè jǫ naetłee sìı wetì Rachel hǫt'e,” gedı.
804	GEN 29:8	“Hats'ele ha dìì,” gedı, “Sahzǫ̀ą-k'èdìı-dǫǫ̀ hazǫǫ̀ edesahzǫ̀ą xè jǫ nègı̨ı̨de nı̨dè zǫ tık'è wets'ǫdaà xàts'eechı hǫt'e. Eyı tł'axǫǫ̀-ı̨dè sahzǫ̀ą hazǫǫ̀ tı gıghàts'eedı hǫt'e,” gedı.
808	GEN 29:12	Jacob, Rachel ts'ǫ̀ hadı, “Netà wèot'ı̨ aht'e, eyıts'ǫ Rebekah weza aht'e,” yèhdı. Eyıt'à Rachel edetà ts'ǫ̀ hadı ha yets'ǫ̀ tı̨mǫèhza.
817	GEN 29:21	Łǫ̀hdı̨ xo k'ehǫǫwo tł'axǫǫ̀ Jacob, Laban ts'ǫ̀ hadı, “Hòt'a łǫ̀hdı̨ xo ts'ǫ̀ negha eghàlaıhdà t'à netì saı̨htè, wexè whıhtı̨ ha dehwhǫ hǫt'e,” yèhdı.
833	GEN 30:2	Jacob yets'ǫ̀ ìch'è, hayèhdı, “Nǫ̀htsı̨ aht'e nıìle. Ededı̨ sìı chekoa nets'ǫ-le anı̨hwhǫ hǫt'e,” yèhdı.
839	GEN 30:8	Eyıt'à Rachel hadı, “Seba hòtł'ò wek'aehwhoò lahjà daats'ǫ̀ weghǫèhnǫ hǫt'e,” hadı. Eyıt'à dǫzhìa Naftalı wìyeh ayį̀į̀là.
847	GEN 30:16	Eyıt'à Jacob dèè k'e eghàlaeda gots'ǫ nǫ̀ǫtła ekò Leah yenìhdǫǫ̀ èhtła, hayèhdı, “Dıı toò set'àı̨tè ha hǫt'e. Seza wets'ǫ dèè-gonàèdìı k'èxa nàneehdì hǫt'e,” yèhdı. Eyıt'à eyı toò k'e Jacob yet'àı̨tè.
857	GEN 30:26	Sets'èkeè gık'èxa eghàlaıhdàa sìı seghàgı̨ı̨le, eyıts'ǫ seza sı, gıxè senèk'e ts'ǫ̀ anahde ha t'à. Whaà negha hòtł'ò eghàlaıhdàa sìı wek'èı̨zǫ hǫt'e,” yèhdı.
858	GEN 30:27	Hanìkò Laban yets'ǫ̀ hadı, “Etesenèeɂı̨ nı̨dè ı̨łaà goxè nàądè. Sìdìı k'èhokw'o weghàà, nı̨ nets'ıhɂǫ̀ gots'ǫ̀ K'àowo sexè sìghà hòɂǫǫ̀ ayį̀į̀là wek'èehsǫ asììdlà hǫt'e,” yèhdı.
916	GEN 31:42	Abraham Wenǫ̀htsı̨ eyıts'ǫ setà Nǫ̀htsı̨ ghàtsį̀edìı sìı sexè at'ı̨-le nı̨dè hotıì t'asìı dę nası̨ı̨hɂà ha ı̨lè. Hanìkò Nǫ̀htsı̨ dàhòtł'ò daıhɂàa eyıts'ǫ dànì hòtł'ò eghàlaıhdàa sìı saɂı̨ t'à ı̨dìı toò nets'ǫ̀ goı̨de hǫt'e,” Jacob yèhdı.
922	GEN 31:48	Laban hadı, “Jǫ kwe whelaa sìı ełexè yatı nàtsoo wììtsı̨ı̨ wenats'edì ha eyı gha hǫt'e,” hadı. Eyıt'à eyı nèk'e Galed gòyeh hǫt'e.
931	GEN 32:3	Jacob goaɂı̨ ekò hadı, “Jǫ Nǫ̀htsı̨ wets'ǫ eghǫǫ-dǫǫ̀ nàgedèe-k'è agǫ̀ht'e,” hadı. Eyıt'à eyı Mahanım gòyeh ayį̀į̀là.
935	GEN 32:7	Godı-k'egeɂaa-dǫǫ̀ Jacob ts'ǫ̀ nǫǫ̀gı̨ı̨de ekò hagıìhdı, “Nı̨ı̨de Esau wets'aɂı̨, dıì-t'ıì nets'ǫ̀ etłe, eyıts'ǫ dǫ dı̨akw'eènǫ (400) gıxè at'ı̨,” gıìhdı.
966	GEN 33:5	Ts'èko edeza xè nàgeèhza goaɂı̨ ekò, Esau hadı, “Dıı amìı agı̨ı̨t'e?” edechı èhdı. Jacob yets'ǫ̀ hadı, “K'àowo, Nǫ̀htsı̨ wedzeè eteèɂı̨ t'à chekoa seghàı̨laa agı̨ı̨t'e,” yèhdı.
970	GEN 33:9	Hanìkò Esau yets'ǫ̀ hadı, “Sechı, hòt'a tıts'aàdìı łǫ sets'ǫ. Nets'ǫ tıts'aàdìı edegha wek'èı̨dì,” yèhdı.
972	GEN 33:11	Eyı tıts'aàdìı nets'ǫ̀ nèehłaa sìı negha welè. Nǫ̀htsı̨ sets'ǫ̀ wedzeè eteèɂı̨ t'à t'asìı hazǫǫ̀ weehwhǫǫ sìı sets'ǫ hǫt'e,” yèhdı. Jacob nadaèt'è-le t'à Esau hęɂę yèhdı.
1002	GEN 34:21	“Eyı dǫ sìı gots'ǫ̀ dǫ nezı̨ı̨ agı̨ı̨t'e,” gògedı. “Gonèk'e goxè nàgııdè eyıts'ǫ ełexè t'asìı ehdats'ııle. Gonèk'e goı̨chà t'à ededı̨ sı gıgha gòɂǫ. Gıtì ts'ìhchı ha eyıts'ǫ ededı̨ sı gotì gìhchı ha.
1013	GEN 35:1	Eyı tł'axǫǫ̀ Nǫ̀htsı̨ Jacob ts'ǫ̀ gode, “Bethel gòyeh ts'ǫ̀ anaąde, eyı nàądè, eyıts'ǫ ekǫ Nǫ̀htsı̨ ts'ǫ̀ t'asìı k'eek'ǫ̀ gha t'à kwe ełeka whela t'à kwe-ladà nehtsı̨. Nı̨ı̨de Esau ch'à kwı̨èhsa ekò Nǫ̀htsı̨ nets'ǫ̀ wègoèht'į̀ ı̨lèe sìı eyı aht'e,” yèhdı.
1015	GEN 35:3	Eyı tł'axǫǫ̀-ı̨dè Bethel gòyeh ts'ǫ̀ ts'ııdè, ekǫ Nǫ̀htsı̨ gha kwe-ladà ehtsı̨ ha. Sexè hoìla nàhòwo ekò Nǫ̀htsı̨ ekǫ seèhkw'ǫ ı̨lè eyıts'ǫ edı̨į̀ sek'eèhoowoo sìı sexè aet'į̀ hǫt'e,” gòhdı.
1097	GEN 37:13	Eyıt'à Israel edeza Joseph ts'ǫ̀ hadı, “Nı̨ı̨de Shekem gà gǫǫwà-le sets'ǫ sahzǫ̀ą k'ègedìı wek'èı̨zǫ sǫnaà, ekǫ gıts'àątła,” yèhdı. “Hęɂę, ekǫ gıts'àhtła ha,” Joseph edetà èhdı.
1116	GEN 37:32	ʔeh wek'aàtsı̨į̀ nezı̨ı̨ edetà ts'ǫ̀ nageèhɂà, hagedı, “Dıı ɂeh hanì whehchìı ts'į̀į̀hchì. Asį̀į̀ neza weɂeè hǫt'e, hotıì nezı̨į̀ wek'aı̨hta,” edetà ts'ǫ̀ hagedı.
1145	GEN 38:25	Tamar xàgeèhchì ekò edeɂeh danatıı̨ɂǫ, hadı, “Amìı wets'ǫ hotıehda-le sìı dıı sexè whelaà ayį̀į̀là hǫt'e. Dıı lamǫ̀ǫ, wetł'ıì wexè eyıts'ǫ dıı geh amìı wets'ǫ ne sìı wek'aahta,” hadı.
1146	GEN 38:26	Judah ekòet'ıì wets'ǫ hǫt'e nàyèhzhį̀ t'à hadı, “Seza Shelah ghàweehtı̨-le t'à ededı̨ senahk'e ehkw'ı k'ehoɂa hǫt'e,” hadı. Eyı tł'axǫǫ̀ Judah k'achı̨ yexè ı̨tè-le.
1169	GEN 39:19	Joseph wets'ǫ̀ k'àowo wets'èkeè dıı hadıì yexè goado, “Eyı dǫ nàneehdìı sìı hanì sets'ǫ̀ k'ehoɂa,” yèhdı ghǫ ıìkw'o ts'ǫ̀et'ıì sıì ìch'è.
1237	GEN 41:41	Eyıt'à k'àowocho Faraoh Joseph ts'ǫ̀ hadı, “Hòt'a Egypt nèk'e hazǫǫ̀ gha k'àowo nèwhıhtsı̨ hǫt'e,” yèhdı.
1260	GEN 42:7	Joseph edı̨ı̨de goaɂı̨ ts'ǫ̀et'ıì nàgòhzhį̀, hanìkò gok'èezǫ-le edeetsı̨ t'à yıdaı̨t'e lanì gots'ǫ̀ gode, dagoehke, “Edı̨į̀ gots'ǫ aaht'ı̨?” gòhdı. “Tł'olà nàts'eehdì ha Kanan nèk'e gots'ǫ jǫ nèts'ı̨ı̨de,” gıìhdı.
1274	GEN 42:21	Ełets'ǫ̀ hagedı, “Gochı wets'ǫ̀ hoìla hots'èhtsı̨ k'èxa dıì hotıì nàgoekwa hǫt'e. Sıì wegha dìì xè etewets'eèɂı̨ ha goghǫnàdaetì ı̨lè hanìkò wets'eèhkw'ǫ-le ı̨lè. Eyı ts'ıhɂǫ̀ dıì goxè hoìla k'ehokw'o hǫt'e,” hagedı.
1275	GEN 42:22	Ruben gots'ǫ̀ hadı, “Eyı cheko wets'ǫ̀ hoìla hoahtsı̨-le naxèehsı̨ ı̨lè, hanìkò aàhkw'ǫ ha dahwhǫ-le ı̨lè! Wedoò k'èxa dıì nàgoekwa hǫt'e,” gòhdı.
1291	GEN 42:38	Hanìkò Jacob hadı, “Seza nǫǫdea Egypt nèk'e ts'ǫ̀ naxıxè ade ha-le. Wı̨ı̨de ełaı̨wo ne xè ededı̨ zǫ sexè eda hǫt'e. Ekǫ naahdè t'à t'asajà nı̨dè sekwìghàagaà xè sekw'ǫǫ̀ nìtį̀ gots'ǫ̀ sedzeè nànııtì aseahłe ha hǫt'e,” yèhdı.
1305	GEN 43:14	Nǫ̀htsı̨ t'asìı wegha dìì-le sìı eyı k'àowo etenaxeèhɂı̨į̀ ayııle welè. Hanì-ı̨dè naxıchı ı̨łè aìdaa sìı eyıts'ǫ naxıchı Benjamın naxıxè ek'èt'à nageedè agole welì. Ekò sı̨ sìı seza seghǫ gıwhìle nı̨dè hawet'è,” Israel gòhdı.
1390	GEN 46:3	“Nǫ̀htsı̨ aht'e, netà Wenǫ̀htsı̨ aht'e,” yèhdı, “Egypt nèk'e ts'ǫ̀ aąde gha nı̨ı̨jı̨-le, ekǫ nets'ıhɂǫ̀ǫ-dǫǫ̀ dǫdeè-xàɂaa gı̨ı̨lı̨į̀ agehłe ha.
1421	GEN 46:34	wets'ǫ̀ dıı haahdı nǫǫ̀, ‘K'àowo, chekoa ts'ı̨ı̨lı̨ gots'ǫ ejıe eyıts'ǫ sahzǫ̀ą k'èts'edì, gocho hagıat'į̀ lanì,’ wèahdı nǫǫ̀. Hanì-ı̨dè Goshen nèk'e nàahdè anaxele ha. Tıts'aàdìı-k'èdìı-dǫǫ̀ gots'ǫ̀ nıwà-le nàgedèe Egypt got'ı̨į̀ gıgha nezı̨-le hǫt'e,” Joseph gòhdı.
1425	GEN 47:4	Eyıts'ǫ hagıìhdı, “Whaà-lea ts'ǫ̀ jǫ nàts'edè ha ats'et'ı̨. Kanan nèk'e sıì bò whìle agòjà. Gots'ǫ tıts'aàdìı gıgha tł'oh whìle t'à jǫ nèts'ı̨ı̨de. Goshen nèk'e ekǫ nàts'edè agoı̨le ha nets'eekè,” gedı.
1436	GEN 47:15	Egypt nèk'e eyıts'ǫ Kanan nèk'e dǫ edesǫǫ̀mbaà k'ehogı̨ı̨hwho tł'axǫǫ̀ Egypt got'ı̨į̀ Joseph ts'ǫ̀ geède, hagıìhdı, “Gots'àneedì-le nı̨dè nenadąą̀ bò dę ełaàts'ede ha. Gosǫǫ̀mbaà hazǫǫ̀ k'ehots'ı̨ı̨hwho hǫt'e,” gıìhdı.
1461	GEN 48:9	Joseph yets'ǫ̀ hadı, “Nǫ̀htsı̨ jǫ Egypt nèk'e chekoa nàke seghàı̨laa sìı eyı agı̨ı̨t'e,” yèhdı. Eyıt'à Israel hadı, “Sets'ǫ̀ agııdeè agı̨ı̨le, gık'eèyahtı ha t'à,” yèhdı.
1474	GEN 48:22	Nı̨ı̨de gınahk'e nelı̨ k'ę̀ę̀ dèè nezı̨ı̨ dagòɂǫǫ sìı neghàehɂǫ. Eyı dèe sìı behcho eyıts'ǫ k'į̀ t'à Amor got'ı̨į̀ gıghǫ ìhchì ı̨lè hǫt'e,” Jacob yèhdı.
1518	GEN 50:11	Kanan got'ı̨į̀ eyı nàgedèe sìı Atad wedèè k'e tł'olà sıìgehɂı̨ı̨ k'è dǫ getse gogıaɂı̨ ekò hagedı, “Egypt got'ı̨į̀ gınàowoò k'ę̀ę̀ dǫ ełaı̨wo gha ts'ǫǫ̀gı̨ı̨wǫ,” gedı. Eyıt'à deh Jordan gà eyı nèk'e Abel-Mızram gòyeh hǫt'e.
1524	GEN 50:17	‘Joseph wets'ǫ̀ dıı haahdı nǫǫ̀, gòhdı ı̨lè: Nı̨ı̨de dànì nets'ǫ̀ hoìla eghàlagı̨ı̨dàa sìı gıhołı̨į̀ gıghǫ nahoı̨le,’ hanèts'edı ha gòhdı ı̨lè. Eyıt'à goxı̨ netà Wenǫ̀htsı̨ wecheekeè ats'ı̨ı̨t'ee sìı gohołı̨į̀ goghǫ nahoı̨le gha neghǫnàdats'eetì,” gıìhdı. Yatı hanıı Joseph danègı̨ı̨ɂǫ ekò Joseph wegha dìì agòjà t'à ı̨ı̨tsè.
23240	MAT 2:2	“Bebìa laedì?” gedı dǫ dageehke, “Eyı chekoa Israel got'ı̨į̀ gha k'àowocho elı̨ ha wegǫ̀hłı̨ı̨ sìı welaedì? Įdè gonèk'e wets'ǫ whǫ̀ ts'aɂı̨. Weghàsǫts'eedı ha jǫ nèts'ı̨ı̨de,” gedı.
23263	MAT 3:2	hadı, “Edek'eahłı̨, naxınì eładı̨į̀ aahłe! Nǫ̀htsı̨ Wenàowoò k'ę̀ę̀ nèhòkw'ı ha nìkw'o,” hadıì dǫ ts'ǫ̀ gode.
23432	MAT 8:18	Zezì dǫ łǫ wemǫǫ̀ ełèwhede goaɂı̨ ekò edecheekeè gots'ǫ̀ hadı, “Įnǫ̀ǫ̀ nats'ııɂè,” gòhdı.
23436	MAT 8:22	Hanìkò Zezì yets'ǫ̀ hadı, “Dǫ ełaı̨dèe lagı̨ı̨t'ee sìı edets'ǫ dǫ ełaı̨dèe kw'ǫǫ̀ nègııle, hanìkò nı̨ sìı sek'èı̨tła,” yèhdı.
23439	MAT 8:25	Wecheekeè ts'ıgį̀ı̨hwho, hagıìhdı, “Gots'ǫ̀ K'àowo, edaxàgoı̨le! Tı t'à ełaàts'ede ha nìkw'o,” gıìhdı.
23443	MAT 8:29	Hòtł'ò gezeh xè hagedı, “Nǫ̀htsı̨ Weza, ayìıha gok'alaąwo? Gogha nèhòkw'ı kwe gogha hoìla hoı̨htsı̨-le, neghǫnàdats'eetì,” gedı.
23461	MAT 9:13	Hanìkò dıı hanì dek'eèhtł'è: ‘Sets'ǫ̀ t'asìı k'eahk'ǫ̀ nahk'e dǫ ts'ǫ̀ naxıdzeè eteèɂı̨ ha dehwhǫ,’ ayìı awèts'edıı sìı wedaànıahdè. Dǫ ehkw'ı geedaa sìı gıkayahtı gha jǫ ts'ǫ̀ ahjà nıìle, hanìkò hołı̨ı̨-hogehtsı̨ı̨-dǫǫ̀ gıgha ahjà hǫt'e,” gòhdı.
23472	MAT 9:24	Zezì gots'ǫ̀ hadı, “Naahdè. T'eekoa ełaı̨wo nıìle, ekìı whetı̨ hǫt'e,” gòhdı t'à dǫ gıghaedlò.
23482	MAT 9:34	Hanìkò Pharısee gı̨ı̨lı̨ı̨ sìı hagedı, “Įnìłı̨ı̨ gha k'àowo dahxà ı̨nìłı̨ı̨ xàdeezhıì at'ı̨,” gedı.
23528	MAT 10:42	Ehkw'ı anaxèehsı̨, dıı secheekeè sexè aget'ı̨ı̨ sìı dǫ gha dek'aɂį̀ gı̨ı̨lı̨ kò, secheekeè aget'ı̨ gok'ègeezǫ t'à, dǫ tı whek'òo zǫ goghàı̨dì nı̨dè wek'èxa t'asìı nezı̨ı̨ weghǫ̀t'à ha hǫt'e,” Zezì edecheekeè gòhdı.
23534	MAT 11:6	Amìı wek'èch'a aht'ı̨-le sìı wexè sìghà hǫt'e,” Zezì gòhdı.
23547	MAT 11:19	Dǫ-wet'àaɂàa-deè nììtła ekò shètı̨ xè yedǫ, eyıt'à dıı hagedı, ‘Bò gha edì-le xè yedǫ ghaewı. Sǫǫ̀mba-nàhtsį̀ı̨-dǫǫ̀ eyıts'ǫ hołı̨ı̨-hogehtsı̨ı̨-dǫǫ̀ edeàgı̨ą gòt'ı̨,’ gedı. Wet'à gots'ı̨ı̨zǫǫ sìı wek'ę̀ę̀ ts'eeda nı̨dè hoɂıì gok'e wègaat'ı̨ ha hǫt'e,” Zezì gòhdı.
23552	MAT 11:24	Ehkw'ı anaxèehsı̨, gosınìyaetıı dzęę̀ k'e nı̨dè Sodom got'ı̨į̀ naxık'aɂį̀ gıgha hoìla ha hǫt'e,” Zezì gòhdı.
23566	MAT 12:8	Dǫ-wet'àaɂàa-deè sìı Nǫ̀htsı̨ Dzęę̀ gha k'àowo elı̨ hǫt'e,” Zezì gòhdı (edeghǫ godeè-adı).
23582	MAT 12:24	Hanìkò Pharısee gı̨ı̨lı̨ı̨ sìı egıìkw'o t'à hagedı, “Įnìłı̨ı̨ gha k'àowo dahxà ı̨nìłı̨ı̨ xàdeezhıì at'ı̨,” gedı.
23603	MAT 12:45	Eyıt'à k'achı̨ xàèhtła. Įnìłı̨ı̨ łǫ̀hdı̨ yenahk'e sıì gıjıı sìı edexè goyagoèwa gà, dǫ yìı nàgedè. Nǫǫde ts'ǫ̀ eyı dǫ t'akwe nahk'e deɂǫ̀ǫ̀ wexè gots'eèdıì agòjà. Dıı dǫ xàgeèɂaa sìı hanì gıxè hòɂǫ ha hǫt'e,” Zezì gòhdı.
23608	MAT 12:50	Amìı Setà yak'e whedaa k'èagı̨ı̨t'ee sìı sechı, sedè eyıts'ǫ semǫ agı̨ı̨t'e,” Zezì yèhdı.