82	GEN 4:2	Eyı tł'axǫǫ̀ Caın wechı Abel wegǫ̀hłı̨. Negechà agejà tł'axǫǫ̀ Abel sahzǫ̀ą-k'èdìı whelı̨, eyıts'ǫ wı̨ı̨de Caın dèè k'e t'asìı dehshee dǫǫ̀ whelı̨.
462	GEN 19:4	Įłaà geetè kwe-t'ıì eyı kǫ̀godeè Sodom gots'ǫ dǫzhìı łǫ Lot wekǫ̀ gomǫǫ̀ nègı̨ı̨de. Eyı kǫ̀ta gots'ǫ cheko hazǫǫ̀ eyıts'ǫ eneèko hazǫǫ̀ eyı nègı̨ı̨de.
561	GEN 22:13	Abraham ı̨daà k'eet'į̀ là sahzǫ̀ą werezhıì wedè gogho ta eht'èèko yaɂı̨. Yets'ǫ̀ ehtła gà sahzǫ̀ą nıìchì. Ełaàyį̀ı̨hwho gà kǫ̀-dèk'ǫ̀ǫ k'e edeza tł'axǫǫ̀ Nǫ̀htsı̨ ts'ǫ̀ yek'enı̨hk'ǫ.
582	GEN 23:10	Ekìıyeè k'e Efron dǫ nı wheda ı̨lè. Het got'ı̨į̀ kǫ̀ta goyagoòɂàa-k'è ełègehdè gha eyı nègı̨ı̨dee sìı hazǫǫ̀ gıdaà Abraham ts'ǫ̀ hadı,
610	GEN 24:18	“K'àowo, tı nets'è,” t'eeko yèhdı. Hanì-t'ıì edetıtǫǫ̀ yets'ǫ̀ ayį̀į̀là gà tı yeghàı̨dì.
690	GEN 25:31	Jacob yets'ǫ̀ hadı, “Età weza ǫhdaà nelı̨ t'à wets'ǫ t'asìı deɂǫ̀atłǫ nets'ǫ̀ ade ha sìı dıì-t'ıì sets'ǫ̀ neghǫ nàèdì nı̨dè tıwo neghàehdı ha,” yèhdı.
776	GEN 28:2	Dıì-t'ıì Padan-Aram nèk'e ts'ǫ̀ aąde. Nemǫ wetà Betuyel wekǫ̀ ts'ǫ̀ aąde. Ekǫ gots'ǫ nemǫ wı̨ı̨de Laban wetìke gots'ǫ ts'èko edegha į̀hchı.
931	GEN 32:3	Jacob goaɂı̨ ekò hadı, “Jǫ Nǫ̀htsı̨ wets'ǫ eghǫǫ-dǫǫ̀ nàgedèe-k'è agǫ̀ht'e,” hadı. Eyıt'à eyı Mahanım gòyeh ayį̀į̀là.
935	GEN 32:7	Godı-k'egeɂaa-dǫǫ̀ Jacob ts'ǫ̀ nǫǫ̀gı̨ı̨de ekò hagıìhdı, “Nı̨ı̨de Esau wets'aɂı̨, dıì-t'ıì nets'ǫ̀ etłe, eyıts'ǫ dǫ dı̨akw'eènǫ (400) gıxè at'ı̨,” gıìhdı.
950	GEN 32:22	Eyıt'à Jacob tıts'aàdìı Esau ghàı̨laa sìı ı̨daà yenakweè geède, ededı̨ t'aa to hoehwhı gha ı̨dè nàgedèe-k'è aìda.
978	GEN 33:17	Hanìkò Jacob, ekǫ ts'ǫ̀ ajà-le, Sukot nèk'e ts'ǫ̀ ajà. Ekǫ nàdèe-k'è gòhtsı̨ eyıts'ǫ tıts'aàdìı-kǫ̀ gòhtsı̨. Eyıt'à eyı nèk'e Sukot gòyeh hǫt'e.
1001	GEN 34:20	Eyıt'à Hamor eyıts'ǫ weza Shekem kǫ̀ta dǫ ełègehdèe-k'è edèot'ı̨ hazǫǫ̀ ts'ǫ̀ gogı̨ı̨de.
1104	GEN 37:20	Dıì-t'ıì ełaàts'ehwhı, dıı yeè dèè-goyìı-gǫǫɂàa łǫ gòlaa sìı ı̨łè weyìı wets'ııhxà, tıts'aàdìı yedzį̀į̀hɂà ts'ııdì nǫǫ̀. Hanì-ı̨dè dànì nàwhetı̨ı̨ sìı asį̀į̀ wek'ę̀ę̀ agòjà lì!” ełègeedı.
1229	GEN 41:33	“Eyıt'à dıì-t'ıì k'àowocho dǫ wınì gǫǫzǫǫ sìı hak'ııt'į̀, Egypt nèk'e gha k'àowo elı̨į̀ ayııle.
1301	GEN 43:10	Eyı k'eè whaà nats'eèhɂı̨-le nı̨dè nàekeè-eht'aà ekǫ nàts'edèe xè jǫ nìats'ı̨ı̨de ha ı̨lè,” Judah edetà èhdı.
1307	GEN 43:16	Joseph, Benjamın goxè at'ı̨ yaɂı̨ ekò dǫ yegha kǫ̀-k'èdìı elı̨ı̨ sìı ts'ǫ̀ hadı, “Dıı dǫ sekǫ̀ ts'ǫ̀ agı̨ı̨le. Tıts'aàdìı ı̨łè ełàı̨hwhı gà bò xàı̨ht'è, dzętanı sexè shègezhe ha,” yèhdı.
1310	GEN 43:19	Eyıt'à Joseph wekǫ̀ tı̨ı̨dà nègı̨ı̨de ekò Joseph gha kǫ̀-k'èdìı elı̨ı̨ sìı ts'ǫ̀ gogı̨ı̨de.
1315	GEN 43:24	Joseph gha kǫ̀-k'èdìı elı̨ı̨ sìı Joseph wekǫ̀ goyagoèwa, edekè k'enagehtse gha tı gogà nìı̨hgè, eyıts'ǫ gıtłı̨tsoa shèzhe gha tł'oh gogà nèyı̨ı̨wa.
1325	GEN 43:34	Joseph weladà gots'ǫ weghǫ shèts'ezhee gotaàgeèdì ekò Benjamın wı̨ı̨de hazǫǫ̀ gonahk'e sı̨làı-eht'aà weghàɂaadì. Eyıt'à Joseph xè nezı̨į̀ shègıazhe eyıts'ǫ wexè gıadǫ.
1326	GEN 44:1	Joseph dǫ yegha kǫ̀-k'èdìı elı̨ı̨ sìı ts'ǫ̀ hadı, “Dǫzhìı gıɂǫhchì yìı tł'olà dàgoòɂǫǫ̀ aąle, t'aàtłǫ nageewa ha dìì-le sìı ts'ǫ̀, eyıts'ǫ hazǫǫ̀ gıtaàt'eè gısǫǫ̀mbaà degoo gıɂǫhchì wets'ǫdaà nìı̨wa.
1329	GEN 44:4	Kǫ̀godeè gots'ǫ nıwà geède-le-t'ıì Joseph, dǫ yegha kǫ̀-k'èdìı elı̨ı̨ sìı ts'ǫ̀ hadı, “Eyı dǫ gık'èè-t'ıì aąde, gıt'àwhı̨ı̨tła nı̨dè gıts'ǫ̀ dıı haı̨dı, ‘Dànìghǫ naxıts'ǫ̀ nezı̨į̀ eghàlats'ı̨ı̨dà k'èxa ekǫ-le gots'ǫ̀ eghàlaahda?
1382	GEN 45:23	Eyıts'ǫ t'asìı dıı haàtłǫǫ edetà danìı̨la: Egypt nèk'e gots'ǫ t'asìı denahk'e nezı̨ı̨ sìı tłı̨tsoa hoònǫ k'e whela, eyıts'ǫ Egypt nèk'e ts'ǫ̀ nageedè gha tłı̨tsoa-dets'è hoònǫ k'e tł'olà, łèt'è eyıts'ǫ gıt'à shèzhe ha dek'egeèhłah.
1509	GEN 50:2	Eyı tł'axǫǫ̀ Joseph weyatıì k'è nàèdı-k'èezǫǫ Israel wekw'ǫǫ̀ k'e yìk'eetł'òo agį̀į̀là gà sınìgı̨ı̨htı̨.
23296	MAT 4:18	Zezì, Galılee-tì gà tabàa k'etło ekò ełechı nàke goaɂı̨. Įłè Sımon wìyeh (Peter sı wìyeh) eyıts'ǫ wechı Andrew. Łı-k'aàdèe agı̨ı̨t'e t'à mį̀ tègeehdè ı̨lè.
23328	MAT 5:25	“Dǫ gık'èch'a eghàlaahda t'à naxıghǫ nàyaetı kwe-t'ıì gıxè sıìgoahłe. Gıxè nàyaetıı-kǫ̀ ts'ǫ̀ łaahtłe-t'ıì gıxè sıìgoahłe. Haahłà-le nı̨dè dǫ-sınìyaehtıı-dǫǫ̀ ts'ǫ̀ anaxegele ha. Dǫ-sınìyaehtıı-dǫǫ̀ sìı kw'ahtı ghànaxèehtè ha eyıts'ǫ naxıdaìtį̀ anaxegele ha.
23353	MAT 6:2	“Eyıt'à dǫ-teèt'ı̨ı̨ ghàahdı nı̨dè dǫ hazǫǫ̀ gıghǫ gode gha k'ehoahɂa-le. Dǫ degaı degeetsı̨ı̨ sìı hanì k'ehogeɂa hǫt'e. Dǫ gots'ǫ̀ nezı̨į̀ agı̨ı̨wǫ ha gı̨ı̨wǫ t'à ełègehdèe-kǫ̀ goyìı eyıts'ǫ kǫ̀ta dǫ ts'ǫ̀ hagedı agogehɂı̨. Ehkw'ı anaxèehsı̨, t'asìı edegha geèhnǫǫ sìı hòt'a deghàà gıghǫ̀t'ǫ hǫt'e.
23354	MAT 6:3	Naxılà ı̨łè t'à dǫ-teèt'ı̨ı̨ ghàahdı nı̨dè naxılà eyıì-le yek'èwezà sǫ̀ǫ̀.
23460	MAT 9:12	Zezì ıìkw'o t'à gots'ǫ̀ hadı, “Dǫ hotıì geedaa sìı nàèdı-k'èezǫǫ gıgha wet'àaɂà nıìle, dǫ eyagı̨ı̨lı̨ı̨ sìı zǫ nàèdı-k'èezǫǫ gı̨ı̨wǫ hǫt'e.
23468	MAT 9:20	Ekìıyeè k'e ts'èko ı̨łè Zezì chį̀ht'a nììtła xè yeɂeè welǫ daachì. Eyı ts'èko hoònǫ-daats'ǫ̀-nàke xo gots'ǫ edoò weɂǫ̀-at'ı̨ t'à eyaelı̨.
23473	MAT 9:25	Dǫ hazǫǫ̀ xàgeèdeè agogį̀į̀là tł'axǫǫ̀, Zezì edı̨į̀ t'eekoa whetı̨ı̨ sìı ekǫ goyaèhtła. T'eekoa wılà nıìchı-t'ıì t'eekoa nıìtła.
23500	MAT 10:14	Dǫ naxıgı̨ı̨wǫ-le xè naxıgeèhkw'ǫ-le nı̨dè, naahdè kwe gıkǫ̀ta gots'ǫ ehtł'è naxıkè-tł'a whìle aahłe (hanì-ı̨dè weghàà ekǫ-le eghàlageeda gık'e nìdahoahɂà gık'èezǫǫ̀ ageahłe ha).
23507	MAT 10:21	“Ekìıyeè k'e nı̨dè ełechı-t'ıì k'aodèe tł'aàłegìhtè ha, eyıts'ǫ gotà gı̨ı̨lı̨ı̨ sìı edeza hagole ha. Chekoa edèot'ı̨ sı k'aodèe tł'aàgogììle xè ełaàgogìhdeè agogele ha.
23533	MAT 11:5	Dǫ gıdaà goìlee sìı k'egeet'į̀, k'egedè-le sìı k'egedè, gıkwǫ̀ tàda t'à eyagı̨ı̨lı̨ı̨ sìı k'aàt'ıì agejà, gıdzıì goìlee sìı egeèhkw'ǫǫ̀ agejà, ełaàgı̨ı̨dèe sìı nagìdà eyıts'ǫ dǫ-teèt'ı̨ı̨ sìı godı nezı̨ı̨ egıìkw'o.
23634	MAT 13:26	Eyı dèè k'e t'asìı nezı̨ı̨ xànı̨ı̨shǫ ekò wexè-t'ıì tł'oh nezı̨-le sı xànı̨ı̨shǫ.
23641	MAT 13:33	K'achı̨ godı eyıì-le t'à goxè godo, hadı: “Nǫ̀htsı̨ Wenàowoò k'ę̀ę̀ hòɂǫǫ sìı dıı hanì hǫt'e: Ts'èko łèt'èa łè ta ayehɂį̀, łèt'èa xè łè yeehtì gà tsı̨yeehdı. Hanì t'aa łè tsı̨èhdìı sìı łèt'èa hazǫǫ̀ weta-ts'ǫ̀ at'į̀,” gòhdı.
23852	MAT 19:21	Zezì hayèhdı, “Degaı nelı̨ ha neewǫ nı̨dè t'asìı hazǫǫ̀ nets'ǫ sìı hazǫǫ̀ neghǫ nàedì gà eyı wesǫǫ̀mbaà hǫt'ıì dǫ-teèt'ı̨ı̨ ghàı̨le. Hanì-ı̨dè yak'e t'asìı nechàa nedawheɂǫ ha hǫt'e. Eyı tł'axǫǫ̀-ı̨dè sek'èè k'eı̨da,” Zezì yèhdı.
23926	MAT 21:31	“Eyıt'à eyı weza nàke sìı amìı edetànì k'ę̀ę̀ eghàlaı̨dà?” Zezì gòhdı. Zezì ts'ǫ̀ hagedı, “Edeza t'akwełǫ̀ǫ̀ daı̨hkee sìı,” gıìhdı. Zezì gots'ǫ̀ hadı, “Ehkw'ı anaxèehsı̨, sǫǫ̀mba-nàgehtsį̀ı̨-dǫǫ̀ egedì-le eyıts'ǫ ts'èkojıı naxıkwe-t'ıì Nǫ̀htsı̨ Wenàowoò k'ę̀ę̀ hòɂǫǫ goyageedè ha.
24053	MAT 24:27	K'àbatsǫ̀ǫ̀ gots'ǫ kǫ̀-naìtł'ı̨ nı̨dè dą̀ą ts'ǫǫ̀hk'e dǫ nàgedèe sìı ededı̨ kò geɂį̀ ha; Dǫ-wet'àaɂàa-deè jǫ ts'ǫ̀ anajà nı̨dè eyı lagode ha.
24132	MAT 26:9	Sǫǫ̀mba łǫ k'èxa weghǫ nàedì gà eyı sǫǫ̀mba dǫ-teèt'ı̨ı̨ ghàyele ha ı̨lè,” ełets'ǫ̀ hagedı.
24134	MAT 26:11	Dǫ-teèt'ı̨ı̨ sìı t'aats'ǫǫ̀ naxıxè geeda ha hǫt'e, hanìkò sı̨ sìı t'aats'ǫǫ̀ naxıxè whıhda ha nıìle.
24157	MAT 26:34	Zezì yets'ǫ̀ hadı, “Ehkw'ı anèehsı̨, dıı toò k'àba ezeh kwe, taà-eht'aà sek'èı̨zǫ-le nı̨ı̨dı ha hǫt'e,” yèhdı.
24198	MAT 26:75	Hanì et'ıì Peter, Zezì dàdı ı̨lèe sìı yenadì. “K'àbacho ezeh kwe, taà-eht'aà sek'èı̨zǫ-le nı̨ı̨dı ha,” yèhdı ı̨lè. Peter xàèhtła gà sıì ededzeè t'à ı̨tsè.
24300	MRK 1:16	Zezì, Galılee-tì gà tabàa k'etło ekò Sımon eyıts'ǫ wechı Andrew ełexè goaɂı̨. Łı-k'aàdèe agı̨ı̨t'e t'à, mį̀ tègeehdè ı̨lè.
24346	MRK 2:17	Zezì ıìkw'o t'à gots'ǫ̀ hadı, “Dǫ hotıì geedaa sìı nàèdı-k'èezǫǫ gıgha wet'àaɂà nıìle, dǫ eyagı̨ı̨lı̨ı̨ sìı nàèdı-k'èezǫǫ gı̨ı̨wǫ hǫt'e. Dǫ ehkw'ı geedaa sìı gıkayahtı gha jǫ ts'ǫ̀ ahjà nıìle, hanìkò hołı̨ı̨-hogehtsı̨ı̨-dǫǫ̀ gıgha ahjà hǫt'e,” gòhdı.
24458	MRK 5:25	Ts'èko ı̨łè goxè at'ı̨ı̨ sìı hoònǫ-daats'ǫ̀-nàke xo haı̨wa ts'ǫ edoò weɂǫ̀-at'ı̨ t'à eyaelı̨.
24459	MRK 5:26	Sıì yet'à daı̨ɂà eyıts'ǫ nàèdı-k'èezǫǫ łǫ gık'aèhtǫ ı̨lè. Edesǫǫ̀mbaà hazǫǫ̀ gots'ǫ̀ yek'ehǫǫhwho kò k'aàt'ıì ajà-le, hǫdaats'ǫ̀ eyawhelı̨.
24487	MRK 6:11	Kǫ̀ta ts'ǫ dǫ naxıgı̨ı̨wǫ-le nı̨dè eyıts'ǫ naxıgeèhkw'ǫ-le nı̨dè, naahdè kwe gıkǫ̀ta ts'ǫ ehtł'è naxıkè-tł'a whìle aahłe (eyı weghàà ekǫ-le eghàlageeda gık'e nìdahoahɂà gık'èezǫǫ̀ ageahłe ha),” Zezì hagòhdı.
24509	MRK 6:33	Hanìkò dǫ łǫ gogıaɂı̨ sìı amìı agı̨ı̨t'ee gok'ègeezǫ t'à, kǫ̀ta hazǫǫ̀ gots'ǫ dǫ Galılee-tì wetadà tı̨mǫgeède. Zezì wecheekeè ekǫ nègı̨ı̨ɂe kwe-t'ıì dǫ ekǫ nègı̨ı̨de.
24678	MRK 10:21	Zezì yeghàeda xè yeghǫneètǫ, hayèhdı, “T'asìı ı̨łè zǫ hanelà-le. Naı̨tłe, t'asìı hazǫǫ̀ nets'ǫ sìı neghǫ nàedì gà eyı sǫǫ̀mba sìı hǫt'ıì dǫ-teèt'ı̨ı̨ gıghàı̨le. Hanì-ı̨dè yak'e t'asìı nechàa nedawheɂǫ ha hǫt'e. Eyı tł'axǫǫ̀-ı̨dè sek'èè k'eı̨da,” Zezì yèhdı.
24713	MRK 11:4	Eyıt'à wecheekeè nàke ekǫ nìłegeètła ekò tłı̨tsoa mǫ̀ht'a enìı̨tǫ-k'è daetł'ı̨ gıaɂı̨. Dagı̨ı̨ge ekò,
24797	MRK 13:11	Danaxegıachì gà naxıghǫ nàyaetı nı̨dè wekwe-t'ıì ayìı dàahdı ha sìı weghǫ nànıahdè-le. Ekìıyeè k'e nı̨dè yatı naxıghǫ̀t'à ha sìı k'ę̀ę̀ goahde. Naxı̨ xàè naxıyatıì t'à goahde ha nıìle, hanìkò Yedàyeh Nezı̨ı̨ wedahxà goahde ha hǫt'e.
24798	MRK 13:12	“Ekìıyeè k'e nı̨dè ełechı-t'ıì k'aodèe tł'aàłegìhtè ha, eyıts'ǫ gotà gı̨ı̨lı̨ı̨ sìı edeza hagole ha. Chekoa sìı edèot'ı̨ k'aodèe tł'aàgogììle xè ełaàgogìhdee agogele ha.
24828	MRK 14:5	Eyı yìk'eetł'òo sìı ı̨łè xo eghàlats'ı̨ı̨dà xètłǫ elı̨ hǫt'e. Sǫǫ̀mba łǫ k'èxa weghǫ nàedì gà dǫ-teèt'ı̨ı̨ ghàyele ha ı̨lè,” gedı. Eyıt'à yatı nàtsoo t'à eyı ts'èko ts'ǫ̀ sǫagedı.
24853	MRK 14:30	Zezì yets'ǫ̀ hadı, “Ehkw'ı anèehsı̨, dıı toò et'ıì k'àba nàekeè ezeh kwe, taà-eht'aà sek'èı̨zǫ-le nı̨ı̨dı ha hǫt'e,” yèhdı.
24862	MRK 14:39	Zezì k'achı̨ yahtı ha ekǫ naèhtła, yatı eyı-t'ıì t'à yaı̨htı.
24864	MRK 14:41	Eyı tł'axǫǫ̀ taà-eht'aà decheekeè gots'ǫ̀ naèhtła, hagòhdı, “Įłaà wheahte nì aaht'e? Hòt'a! Dǫ-wet'àaɂàa-deè hołı̨ı̨-hogehtsı̨ı̨-dǫǫ̀ tł'aàgıhtè ha nìhǫǫwo.
24895	MRK 14:72	Hadı ts'ǫ̀et'ıì k'àba nàekeè whezeh. Hanì et'ıì Peter, Zezì dàyèhdı ı̨lèe sìı yenadì. “K'àba nàekeè ezeh kwe, taà-eht'aà sek'èı̨zǫ-le nı̨ı̨dı ha,” yèhdı ı̨lè. Peter sıì wegha dìì agòjà t'à sıì ededzeè t'à ı̨tsè.
24977	LUK 1:15	Nǫ̀htsı̨ sìı dǫ wet'àaɂàa yììt'ı̨ ha, jìetì wı̨ı̨zìı wewàhodı ha-le. Wegǫ̀hłı̨ kwe-t'ıì Yedàyeh Nezı̨ı̨ yeyìı nàdè ha.
25207	LUK 5:31	Zezì gots'ǫ̀ hadı, “Dǫ hotıì geedaa sìı nàèdı-k'èezǫǫ gıgha wet'àaɂà nıìle, dǫ eyagı̨ı̨lı̨ı̨ sìı zǫ nàèdı-k'èezǫǫ gı̨ı̨wǫ hǫt'e.
25357	LUK 8:43	Ts'èko ı̨łè goxè at'ı̨ı̨ sìı hoònǫ-daats'ǫ̀-nàke xo haı̨wa gots'ǫ edoò weɂǫ̀-at'ı̨ t'à eyaelı̨, hanìkò dǫ wı̨ı̨zìı k'aàt'ıì ayele ha dìì.
25375	LUK 9:5	Dǫ naxıgı̨ı̨wǫ-le nı̨dè, naahdè kwe gıkǫ̀ta gots'ǫ ehtł'è naxıkè-tł'a whìle aahłe (hanì-ı̨dè weghàà ekǫ-le eghàlageeda gık'e nìdahoahɂà gık'èezǫǫ̀ ageahłe ha),” gòhdı.
25450	LUK 10:18	Zezì gots'ǫ̀ hadı, “Yak'e gots'ǫ wehłı̨ı̨, kǫ̀-naìtł'ı̨ı̨ lanì hodàdeèwò weehɂı̨.
25451	LUK 10:19	Gòo eyıts'ǫ nàèdıłı̨ı̨-k'àle lanıı gık'e k'eahdè ha naxıghàhòehɂǫ hǫt'e. Eyıts'ǫ wehłı̨ı̨ t'asìı hazǫǫ̀ t'à nàtsoo sìı wenahk'e nàahtso ha eyıts'ǫ t'asìı wı̨ı̨zìı t'à t'asaahde ha nıìle.
25486	LUK 11:12	Hanì-le-ı̨dè eyè naxıgeekè nı̨dè asį̀į̀ nàèdıłı̨ı̨-k'àle lanıı gıghàahɂà ha?
25515	LUK 11:41	Ayìı naxıkw'à yìı wheɂǫǫ sìı dǫ-teèt'ı̨ı̨ ghàahɂà. Hanì-ı̨dè deghàà edek'enaahtso lanì ha.
25561	LUK 12:33	T'asìı hazǫǫ̀ naxıts'ǫ sìı naxıghǫ nàedì gà eyı sǫǫ̀mba dǫ-teèt'ı̨ı̨ ghàahłe. Sǫǫ̀mbawò nàzà-le sìı edegha aahtsı̨. Yak'e t'asìı nezı̨ı̨ wheahła nı̨dè wek'ehowı ha-le, eeɂį̀ı̨-dǫǫ̀ geeɂį̀ ha-le, eyıts'ǫ yììda yedè ha-le.
25586	LUK 12:58	Dǫ gık'èch'a eghàlaahda t'à naxıghǫ nàyaetı kwe-t'ıì gıxè sıìgoahłe ha hoahdzà. Gıxè nàyaetıı-kǫ̀ ts'ǫ̀ łaahtłe et'ıì gıxè sıìgoahłe. Haahłà-le nı̨dè dǫ-sınìyaehtıı-dǫǫ̀ ts'ǫ̀ anaxegele ha. Eyı dǫ-sınìyaehtıı-dǫǫ̀ sìı kw'ahtı ghànaxèehtè ha eyıts'ǫ dǫ-danìı̨laa-kǫ̀ goyanaxegeehxà ha.
25608	LUK 13:21	Łèt'èa lanì hǫt'e. Eyı sìı ts'èko łè ta ayį̀į̀là, łèt'èa xè łè yeehtì gà tsı̨yeehdı. Hanì t'aa łè tsı̨èhdìı sìı łèt'èa hazǫǫ̀ weta-ts'ǫ̀ at'į̀,” gòhdı.
25677	LUK 15:20	Eyıt'à eyı cheko sìı nıìtła gà edetà ts'ǫ̀ naèhtła. “Įłaà nıwà naeda et'ıì wetà yaɂı̨, weghǫ wedzeè eteèɂı̨. Hanì-t'ıì edeza ts'ǫ̀ tı̨mǫèhza, edeyàdo gà yı̨ı̨ts'į̀.
25744	LUK 17:24	Dǫ-wet'àaɂàa-deè jǫ ts'ǫ̀ anajà nı̨dè hǫtsaa kǫ̀-naìtł'ı̨ı̨ lanì wègoèt'į̀ ha. Kǫ̀-naìtł'ı̨ nı̨dè yat'a hazǫǫ̀ dzęh agot'į̀; jǫ nììtła nı̨dè eyı lagode ha.
25779	LUK 18:22	Zezì dǫ hadıì yıìkw'o ekò hayèhdı, “Įłaà t'asìı ı̨łè zǫ hanelà-le. T'asìı hazǫǫ̀ nets'ǫ sìı neghǫ nàedì gà eyı sǫǫ̀mba sìı hǫt'ıì dǫ-teèt'ı̨ı̨ ghàı̨le. Hanì-ı̨dè yak'e t'asìı nechàa nedawheɂǫ ha hǫt'e. Eyı tł'axǫǫ̀-ı̨dè sek'èè k'èętło,” Zezì yèhdı.
25808	LUK 19:8	Zacchaeus wekǫ̀ geèhkw'e ekò Zacchaeus nıìtła gà Zezì ts'ǫ̀ hadı, “K'àowo, t'asìı hazǫǫ̀ sets'ǫ sìı tanı ts'ǫ̀ dǫ-teèt'ı̨ı̨ gıghàehłe ha. Eyıts'ǫ deɂǫ̀ǫ̀ t'asìı dǫ ghǫ ìhchì nı̨dè dı̨ eht'aà ts'ǫ̀ weghǫ̀naehłe ha,” yèhdı.
25909	LUK 21:14	Hanìkò hagode kwe-t'ıì dànì edek'edaahdı ha sìı ghǫ nànıahdè-le.
25967	LUK 22:34	Zezì yets'ǫ̀ hadı, “Peter, ehkw'ı anèehsı̨, dıı dzęę̀ k'e k'àba ezeh kwe, taà-eht'aà sek'èı̨zǫ-le nı̨ı̨dı ha,” yèhdı.
25994	LUK 22:61	Zezì yets'ǫ̀ nàɂa gà Peter ghàı̨dà. Hanì-t'ıì Peter, Zezì dàdı ı̨lèe sìı yenadì. “Dıı dzęę̀ k'e k'àba ezeh kwe, taà-eht'aà sek'èı̨zǫ-le nı̨ı̨dı ha,” yèhdı ı̨lè.
26047	LUK 23:43	Zezì yets'ǫ̀ hadı, “Ehkw'ı anèehsı̨, dıı dzęę̀ k'e Hoı̨zı̨-Nèk'e sexè wheęda ha ne,” yèhdı.
26091	LUK 24:31	Hanì-t'ıì Zezì nàgeèhzhį̀, eyı tł'axǫǫ̀ wenawhìle.
26261	JHN 4:36	Dǫ t'asìı dıìdìı xàyeht'àa sìı hòt'a dıì-t'ıì wets'àɂeedì hǫt'e. Hòt'a dıì-t'ıì welǫ whìle ts'ǫ̀ geeda ha dǫ łǫ nàhtsį̀. Hanì-ı̨dè dǫ t'asìı dehshee nègelee sìı eyıts'ǫ dǫ t'asìı dıìdìı nàgehtsį̀ı̨ sìı į̀łah ełexè gınà ha hǫt'e.
26281	JHN 5:2	Jerusalem ekǫ enìı̨tǫ nechàa gà tıa whehtǫ. (Eyı enìı̨tǫ nechàa sìı “sahzǫ̀ą-gha-enìı̨tǫ” wìyeh, eyıts'ǫ eyı tıa, Aramaıc gıyatıì k'ę̀ę̀, Betesda wìyeh.) Eyı tıa wemǫǫ̀ sagòhɂı̨ı̨-k'è sı̨làı gòla.
26573	JHN 10:23	Zezì Nǫ̀htsı̨kǫ̀-gocho gà k'etło, Solomon wets'ǫ sagòhɂı̨ı̨-k'è ekǫ k'etło.
26654	JHN 12:5	“Dànìghǫ eyı yìk'eetł'òo weghǫ nàèdì-le? Wesǫǫ̀mbaà dǫ-teèt'ı̨ı̨ ghàgele ha ı̨lè, ı̨łè xo eghàlats'ı̨ı̨dà xètłǫ hǫt'e,” hadı.
26655	JHN 12:6	Eyı hadıı sìı dǫ-teèt'ı̨ı̨ ghǫneètǫ t'à adı nıìle, hanìkò eeɂį̀ı̨-dǫǫ̀ elı̨ t'à, hadı. Ededı̨ sǫǫ̀mbawò-k'èdìı elı̨, eyıts'ǫ ı̨hk'è edegha sǫǫ̀mba ìhchı ı̨lè.
26657	JHN 12:8	Dǫ-teèt'ı̨ı̨ sìı t'aats'ǫǫ̀ naxıxè geeda ha hǫt'e, hanìkò sı̨ sìı t'aats'ǫǫ̀ naxıta whıhda ha nıìle,” yèhdı.
26718	JHN 13:19	“Eyı hagode kwe sìı dıì-t'ıì naxıts'ǫ̀ haehsı̨ hǫt'e. Eyı nèhòı̨wo nı̨dè amìı aht'e dehsı̨ı̨ sìı naxıgha ehkw'ı-ahodı ha hǫt'e.
26728	JHN 13:29	Zhıdàà sǫǫ̀mbawò-k'èdìı elı̨ ne t'à dǫ mǫ̀hdaa nàsı̨ gha t'asìı nàı̨hdì Zezì yèhdıì-adı gı̨ı̨wǫ, hanì-le-ı̨dè sǫǫ̀mba dǫ-teèt'ı̨ı̨ ghàı̨ɂà yèhdıì-adı gı̨ı̨wǫ.
26737	JHN 13:38	Zezì yets'ǫ̀ hadı, “Hotıì segha ełaı̨wı ha nì? Ehkw'ı anèehsı̨, k'àba ezeh kwe taà-eht'aà sek'èı̨zǫ-le nı̨ı̨dı ha hǫt'e!” yèhdı.
26940	JHN 20:4	Į̀łah ekǫ tı̨mǫgeèht'a, hanìkò wecheekeè ı̨łè Peter nahk'e nàtła t'à yekwe-t'ıì dǫkw'ǫǫ̀ k'è nììtła.
26981	JHN 21:14	Dıì xè taà-eht'aà Zezì naìdà tł'axǫǫ̀, edecheekeè gots'ǫ̀ wènagoèht'į̀.
26984	JHN 21:17	K'achı̨ taı t'à Zezì yets'ǫ̀ hadı, “John weza Sımon, seghǫneę̀tǫ nì?” yèhdı. Peter, Zezì taà-eht'aà hayèhdı t'à wegha dìì agòjà. Peter hayèhdı, “Sets'ǫ̀ K'àowo t'asìı hazǫǫ̀ k'èı̨zǫ ne, neghǫneehtǫ sek'èı̨zǫ hǫt'e,” yèhdı. Zezì yets'ǫ̀ hadı, “Sesahzǫ̀ą gıwàı̨dı.
27076	ACT 3:11	Eyı dǫ-teèt'ı̨ı̨ sìı ı̨łaà Peter eyıts'ǫ John nàgoetǫ̀ ekò dǫ hazǫǫ̀ gıgha enıìyah t'à gots'ǫ̀ tı̨mǫgeède, Solomon wets'ǫ sagòhɂı̨ı̨-k'è ekǫ ts'ǫ̀ tı̨mǫgeède.
27125	ACT 4:34	Dǫ-teèt'ı̨ı̨ wı̨ı̨zìı gota wheda-le. Ǫhk'è dèè hanì-le-ı̨dè kǫ̀ gıts'ǫ nı̨dè gıghǫ nàèdì gà eyı sǫǫ̀mba
27140	ACT 5:12	Zezì wecheekeèdeè dǫnı enıìyah łǫ hogèhtsı̨. Gıgha ehkw'ı-ahodıı gı̨ı̨lı̨ı̨ sìı Solomon wets'ǫ sagòhɂı̨ı̨-k'è łą̀ą ełènagehdè ı̨lè.
27222	ACT 7:37	“Moses ededı̨-t'ıì Israel got'ı̨į̀ ts'ǫ̀ dıı hadı ı̨lè, ‘Nǫ̀htsı̨ sìı xàè naxıta gots'ǫ, sı̨ lanı, nakwenàoɂǫǫ naxıts'ǫ̀ ayele ha,’ gòhdı ı̨lè.
27321	ACT 9:36	Kǫ̀ta Joppa gòyeh ekǫ ts'èko ı̨łè nàdè, Tabıtha wìyeh (Greek k'ę̀ę̀ Dorcas wìyeh). Eyı ts'èko Nǫ̀htsı̨ wecheekeè elı̨ hǫt'e. T'aats'ǫǫ̀ dǫ gha eghàlaeda eyıts'ǫ dǫ-teèt'ı̨ı̨ ts'àdı.
27330	ACT 10:2	Ededı̨ eyıts'ǫ wèot'ı̨ hazǫǫ̀ Nǫ̀htsı̨ k'èagı̨ı̨t'e ghǫ hòtł'ò agı̨ı̨wǫ. T'aats'ǫǫ̀ dǫ-teèt'ı̨ı̨ ts'àdı xè Nǫ̀htsı̨ ts'ǫ̀ yahtı.
27332	ACT 10:4	Cornelıus yaɂı̨ t'à, sıì dèhyeh. “Sets'ǫ̀ K'àowo, ayìı ghǫ aı̨dı?” yèhdı. Yak'eet'ı̨į̀ yets'ǫ̀ hadı, “T'aats'ǫǫ̀ Nǫ̀htsı̨ ts'ǫ̀ xàyaı̨htı eyıts'ǫ dǫ-teèt'ı̨ı̨ ts'ànedı t'à Nǫ̀htsı̨ nenadì.
27344	ACT 10:16	Taà-eht'aà wexè hagòjà, eyı tł'axǫǫ̀ lìbalà lanıı ı̨dòo yak'e ts'ǫ̀ anajà.
27359	ACT 10:31	Sets'ǫ̀ hadı, ‘Cornelıus, ayìı gha yanehtıı sìı Nǫ̀htsı̨ nıìkw'o hǫt'e, eyıts'ǫ dǫ-teèt'ı̨ı̨ ts'ànedıı sìı yek'èezǫ hǫt'e.
27386	ACT 11:10	Taà-eht'aà hanì sexè hagòjà, eyı tł'axǫǫ̀ eyı lìbalà lanıı ı̨dòo yak'e ts'ǫ̀ anajà.
27683	ACT 19:29	Whaà-le-t'ıì kǫ̀ta hazǫǫ̀ dǫ nìdahogı̨į̀hdè. Dǫ nàke Gaıus eyıts'ǫ Arıstarchus, Paul xè Macedonıa nàgedè ı̨lèe sìı dagogıachì. Ełegeèhdìı-k'è gǫchàa ts'ǫ̀ gogeèwa.