270	GEN 11:3	Ełets'ǫ̀ hagedı, “Ehtł'è kwe lade gha kwe-satsǫ̀ yìı hòtł'ò et'è ats'ııle,” gedı. Kwe tàet'aa t'à aget'ı̨-le, hanìkò kwe whet'ee t'à aget'ı̨. Eyıts'ǫ kwedzeè t'à kwe ełexıìht'eè agehɂı̨ t'à t'asìı gehtsı̨.
737	GEN 27:9	Ejıetsoa k'èhodìı gots'ǫ ejıetsoa nàke łek'àa sìı sets'ǫ̀-ı̨wa, netà dànì bò whet'ee wegha łekǫǫ sìı wegha xàeht'è ha t'à.
1158	GEN 39:8	Hanìkò yek'èhoeɂà-le, hayèhdı, “Sets'ǫ̀ k'àowo t'asìı hazǫǫ̀ wegha xoehdı t'à t'asìı wı̨ı̨zìı ghǫ nànıwo nıìle. T'asìı hazǫǫ̀ wets'ǫ sìı setł'aà whelaà ayį̀į̀là hǫt'e.
1302	GEN 43:11	Eyıt'à Israel edeza gots'ǫ̀ hadı, “Ekǫ nàahdè ha t'ıį̀t'e nı̨dè dıı haahłe: gonèk'e gots'ǫ t'asìı nezı̨ı̨ sìı naxıɂǫhchì yìahwha gà eyı k'àowo wets'ǫ̀ aahłe. Tłeh łekǫą, kw'ıahnǫ-dıì, yìk'eetł'òo, dı̨ı̨ts'ıa, dzèh-łekǫǫ dèk'ǫ̀ǫ, eyıts'ǫ dlòodıì dètìı hanıı wets'ǫ̀ aahwha.
1469	GEN 48:17	Joseph, wetà nàgòts'ehnèe ts'ǫ wılà Efrayım wekwì k'e daıhdı t'à wegha ehkw'ı-le, eyıt'à wılà Efrayım wekwì k'e gots'ǫ Manaseh wekwì k'e ts'ǫ̀ ayį̀į̀là.
1472	GEN 48:20	Eyıt'à eyı dzęę̀ k'e nezı̨į̀ gok'eè-xàyaı̨htı, hadı, “Naxızì t'à Israel got'ı̨į̀ yatı nezı̨ı̨ dǫ ghàgeɂà ha, dıı hagedı ha, ‘Nǫ̀htsı̨, Efrayım eyıts'ǫ Manaseh lanì anaxııle,’ gedı ha,” gòhdı. Jacob hanì xàyaı̨htı t'à Efrayım, Manaseh wenakweè whedaà ayį̀į̀là.
23302	MAT 4:24	Syrıa nèk'e hazǫǫ̀ wegodıì gıìkw'o t'à dǫ eyagı̨ı̨lı̨ı̨ sìı hazǫǫ̀ Zezì ts'ǫ̀ gogeèwa. Dǫ tàda deè t'à eyagı̨ı̨lı̨ı̨, dǫ ı̨nìłı̨ı̨ gıts'ǫ̀-èlı̨ı̨, dǫ edoo t'à eyagı̨ı̨lı̨ı̨, eyıts'ǫ dǫ gıkw'ǫǫ̀ ełaı̨dèe sìı hazǫǫ̀ Zezì k'aàt'ıì agǫǫ̀là.
23496	MAT 10:10	Tehmì k'eahtı̨-le, ɂeh ładı̨ı̨ eyıts'ǫ ke ładı̨ı̨ k'eahłe-le, tèh sı k'eahtı̨-le; dǫ eghàlaedaa sìı wets'àɂeedì hǫt'e.
23725	MAT 15:23	Zezì yets'ǫ̀ t'asadı-le t'à, wecheekeè gıts'ǫ̀-ède, hagıìhdı, “Ts'èko k'èdaà ezeh xè gok'èetłe t'à, yeè nawı̨ı̨hɂà,” gıìhdı.
23732	MAT 15:30	Dǫ łǫ gıts'ǫ̀-ède. Dǫ k'egedè-le, dǫ gıdaà goìlee, dǫ gogede-le eyıts'ǫ dǫ-eyagı̨ı̨lı̨ı̨ hazǫǫ̀ Zezì gà nègogį̀ı̨wa t'à k'aàt'ıì agǫ̀ǫ̀là.
23742	MAT 16:1	Pharısee gı̨ı̨lı̨ı̨ mǫ̀hdaa eyıts'ǫ Sadducee gı̨ı̨lı̨ı̨ mǫ̀hdaa Zezì geèhdzà ha gı̨ı̨wǫ t'à gıts'ǫ̀-ède, hagıìhdı, “Yak'e gots'ǫ gogha enıìyah deè hoı̨htsı̨,” gıìhdı.
23837	MAT 19:6	Eyıt'à dǫ nàke agı̨ı̨t'e-le, hanìkò dǫ ı̨łè zǫ lagı̨ı̨t'e. Eyıt'à Nǫ̀htsı̨ dǫ nàke ełeghàgòı̨laa sìı dǫ wı̨ı̨zìı ełets'ǫǫ̀ agole ha nıìle,” Zezì gòhdı.
23843	MAT 19:12	Dǫ mǫ̀hdaa hoget'ı̨ ha dìì, hanì gıgǫ̀hłı̨ ne t'à, dǫ mǫ̀hdaa nàgıat'a ts'ıhɂǫ̀ hoget'ı̨-le, eyıts'ǫ dǫ mǫ̀hdaa Nǫ̀htsı̨ Wenàowoò ts'ıhɂǫ̀ hoget'ı̨ ha gı̨ı̨wǫ-le. Amìı eyı yatı gìhchì ha dìì-le sìı gìhchı welè,” Zezì gòhdı.
23849	MAT 19:18	Cheko dayeehke, “Nàowo dàhòt'ı̨ı̨ awį̀ı̨dı,” yèhdı. Zezì yets'ǫ̀ hadı, “ ‘Dǫ ełaahwhı-le, ełexè hołı̨ı̨ hoahtsı̨-le, aahɂį̀-le, dǫ ghǫ hoahts'ì-le,
24029	MAT 24:3	Zezì shìh Olıvet gòyeh ekǫ wheda ekò wecheekeè whatsǫǫ̀ gıts'ǫ̀-ède, hagıìhdı, “Dàht'e-ı̨dè hagode ha sìı gots'ǫ̀ haı̨dı, eyıts'ǫ nǫǫde dzęę̀ jǫ anaąde ha nìkw'o nı̨dè ayìı ghàà wek'èts'eezǫ ha?” wecheekeè gıìhdı.
24065	MAT 24:39	Gıxè dàgode ha gık'èezǫ-le, hǫtsaa gıxè dèè te teètł'ı, dǫ hazǫǫ̀ tı t'à ełaàgı̨ı̨dè. Dǫ-wet'àaɂàa-deè nììtłaa dzęę̀ k'e nı̨dè hotıì eyı lagode ha hǫt'e.
24217	MAT 27:19	K'àowo Pılate dǫ-sınìyaehtıı daèhchı̨į̀ k'e wheda ekò wets'èkeè yets'ǫ̀ yatı nìı̨ɂǫ, hayèhdı: “Eyı dǫ t'asawı̨ı̨le-le, ekǫ-le wı̨ı̨zìı hòèhtsı̨ nıìle. Dıı dzęę̀ weghǫ nàwhıhtı̨ t'à sıì daıhɂà,” yèhdı.
24484	MRK 6:8	Dıı yatı goghàı̨ɂǫ, hadı, “Ekǫ k'eahdè nı̨dè t'asìı wı̨ı̨zìı k'eahłe-le, tèh zǫ k'eahtı̨. Łèt'è, tehmì, eyıts'ǫ sǫǫ̀mbawò k'eahłe-le.
24554	MRK 7:22	ets'edì-le, hołı̨ı̨ k'ę̀ę̀ k'ehots'eɂaa, ełeghǫyats'eeɂàa, t'asìıjıı ghǫ nànıts'edèe, ełeghǫ ts'ohots'eedıı, ełıızì jıı ts'ehtsı̨ı̨, xàhots'edìı, eyıts'ǫ ezhı̨ne k'ę̀ę̀ k'ehots'eɂaa.
24665	MRK 10:8	eyıts'ǫ eyı nàke geet'èe sìı edezhį̀į̀ t'à dǫ ı̨łè lagede ha hǫt'e.’ Eyıt'à dǫ nàke agı̨ı̨t'e-le, hanìkò dǫ ı̨łè zǫ lagı̨ı̨t'e.
24676	MRK 10:19	Moses wenàowo-deè wek'èı̨zǫ ne: ‘Dǫ ełaahwhı-le, ełexè hołı̨ı̨ hoahtsı̨-le, aahɂį̀-le, dǫ ghǫ hoahts'ì-le, dǫ ghǫyaahɂà-le eyıts'ǫ naxıtà eyıts'ǫ naxımǫ gıts'ǫ̀ nezı̨į̀ aahda,’ ” Zezì yèhdı.
24789	MRK 13:3	Zezì shìh Olıvet gòyeh ekǫ wheda xè Nǫ̀htsı̨kǫ̀-gocho ghàeda ekò Peter, James, John eyıts'ǫ Andrew whatsǫǫ̀ gıts'ǫ̀-ède, hagıìhdı,
25108	LUK 3:14	Eghǫǫ-dǫǫ̀, ededı̨ sı, John-Baptıst dageehke: “Ekò goxı̨ ayìı dàts'ele ha?” gıìhdı. Hagòhdı, “Sǫǫ̀mba gha dǫ k'alaahdè-le, eyıts'ǫ hoahts'ì t'à dǫ k'e nìdahoahɂà-le. Sǫǫ̀mba naxıts'àɂeedìı sìı eyı weghǫ hòt'a masì dahwhǫ,” gòhdı.
25327	LUK 8:13	Dǫ mǫ̀hdaa sìı wet'à t'asìı dehshee kwe ta nàı̨tł'ı lagı̨ı̨t'e. Eyı yatı gıìkw'o ts'ǫ̀et'ıì sıì gınà xè gìhchı. Hanìkò gıghochı̨į̀ whìle t'à whaà-lea gots'ǫ̀ gıgha ehkw'ı-ahodı, eyıts'ǫ hoìla nèhòkw'ı nı̨dè gıghǫ nat'è.
25373	LUK 9:3	Ekǫ geède ekò Zezì edecheekeè gots'ǫ̀ hadı, “Ekǫ k'eahdè gha t'asìı wı̨ı̨zìı edexè k'eahłe-le; tè k'eahtı̨-le, tehmì k'eahchı-le, łèt'è k'eahɂa-le, sǫǫ̀mba k'eahłe-le eyıts'ǫ goht'ǫ ładı̨ı̨ k'eahłe-le.
25436	LUK 10:4	Sǫǫ̀mbawò k'eahɂa-le, tehmì eyıts'ǫ ke sı k'eahłe-le eyıts'ǫ tı̨lı k'e dǫ ts'ǫ̀ goahde-le.
25532	LUK 12:4	“Seàgı̨ą, dıı hanaxèehsı̨ ha, dǫ naxızhį̀į̀ ełaàgıìhwhıı sìı gıts'àahjı̨-le, eyı tł'axǫǫ̀ nı̨dè t'asanaxegele ha dìì hǫt'e.
25635	LUK 14:13	Hanìkò nàsı̨ hoı̨htsı̨ nı̨dè dǫ etegeèt'ı̨ı̨, dǫ k'egedè-le, dǫ gıdaà goìlee, dǫ hanıı gıkàı̨hɂà.
25743	LUK 17:23	Eyıts'ǫ dǫ naxıts'ǫ̀ dıı hagedı ha, ‘Jǫ wheda,’ hanì-le-ı̨dè ‘Yeè wheda,’ gedı ha. Hanìkò gık'èhoahɂà-le, ekǫ ts'ǫ̀ wekak'eaht'į̀-le.
25759	LUK 18:2	“Kǫ̀ta ı̨łè dǫ-sınìyaehtıı-dǫǫ̀ nàdè. Eyı dǫ sìı Nǫ̀htsı̨ ts'àejı̨-le, eyıts'ǫ dǫ sı ts'ǫ̀ nıɂà-le.
25777	LUK 18:20	Moses wenàowoò deè wek'èı̨zǫ ne: ‘Ełexè hołı̨ı̨ hoahtsı̨-le, dǫ ełaahwhı-le, aahɂį̀-le, dǫ ghǫ hoahts'ì-le, naxıtà eyıts'ǫ naxımǫ gıts'ǫ̀ nezı̨į̀ aahda,’ ” Zezì yèhdı.
25820	LUK 19:20	“Eyıts'ǫ wecheekeè k'achı̨ ı̨łè eyı nììtła, hadı, ‘K'àowo, jǫ nesǫǫ̀mbaà whela. Sǫǫ̀mba t'asahłà-le, ɂehtł'ı̨ yìı tsı̨ehshà gà deɂı̨į̀ nèehchì ı̨lè,’ yèhdı.
25848	LUK 19:48	Hanìkò dànì agele ha sìı gık'èezǫ-le, dǫ hazǫǫ̀ Zezì weyatıì gıgha nezı̨ t'à.
26126	JHN 1:13	Wezaa gı̨ı̨lı̨ı̨ sìı dǫkwǫ̀ t'à gıgǫ̀hłı̨ı̨ awèts'edı-le, dǫ hanıwǫ t'à le, eyıts'ǫ dǫzhìı wınì k'ę̀ę̀ sı t'à le, hanìkò Nǫ̀htsı̨ dahxà gıgǫ̀hłı̨ t'à Nǫ̀htsı̨ wezaa gı̨ı̨lı̨ hǫt'e.
26138	JHN 1:25	John-Baptıst dageehke, hagedı, “Chrıst anet'e-le, Elıjah anet'e-le eyıts'ǫ nakwenàoɂǫǫ deè anet'e-le nı̨dè dànìghǫ dǫ k'ètaį̀dzı̨?” gıìhdı.
26173	JHN 2:9	Nàsı̨ gha k'àowo tı jìetì whelı̨ı̨ sìı yek'ałegolì. Edı̨į̀ gots'ǫ jìetì agehɂı̨ı̨ sìı yek'èezǫ-le, hanìkò dǫ kwetǫ yìı tı dagoòɂǫǫ̀ agı̨į̀làa sìı gık'èezǫ. Eyıt'à nàsı̨ gha k'àowo whatsǫǫ̀ dǫ honìdza ts'ǫ̀ hadı,
26227	JHN 4:2	Hanìkò Zezì ededı̨ dǫ k'ètaìdzı̨-le, wecheekeè aget'ı̨.
26292	JHN 5:13	Dǫ k'aàt'ıì ajàa sìı amìı ayı̨į̀làa sìı yek'èezǫ-le, Zezì dǫnı ts'ǫ̀ èhtła t'à.
26320	JHN 5:41	“Dǫ seghǫ nezı̨į̀ agedı gha aht'ı̨-le,
26498	JHN 8:48	Israel got'ı̨į̀ gha k'aodèe Zezì ts'ǫ̀ hagedı, “Samarıa got'ı̨į̀ anet'e eyı xè ı̨nìłı̨ı̨ nets'ǫ̀-èlı̨, hanèts'edı ı̨lèe sìı ehkw'ı anèts'edı ı̨lè!” gıìhdı.
26687	JHN 12:38	Eyı sìı nakwenàoɂǫǫ Isaıah weyatıì k'ę̀ę̀ agode ha t'à agòjà, dıı hadı ı̨lè, “Sets'ǫ̀ K'àowo, amìı goyatıì wegha ehkw'ı-ahodı, eyıts'ǫ enıìyah whenehtsı̨ı̨ sìı amìı yenıedì awììdlà?” Isaıah hadı ı̨lè.
26844	JHN 17:16	Dıı nèk'e gots'ǫ aht'e-le, sexèht'eè ededı̨ sı dıı nèk'e gots'ǫ agı̨ı̨t'e-le.
27071	ACT 3:6	Hanìkò Peter yets'ǫ̀ hadı, “Sǫǫ̀mba sets'ǫ-le, hanìkò ayìı sets'ǫ sìı neghàehɂà ha. Nazareth got'ı̨į̀ Zezì-Krı wıızì dahxà, k'eı̨tło!” yèhdı.
27123	ACT 4:32	Hazǫǫ̀ gıgha ehkw'ı-ahodıı sìı gıdzeè eyıts'ǫ gınì ı̨łè zǫ lajà. Dǫ t'asìı gıts'ǫ sìı edegha zǫ gık'èdì-le, t'asìı hazǫǫ̀ gıts'ǫ sìı ełetaàgeelè.
27142	ACT 5:14	Hanìkò dǫzhìı eyıts'ǫ ts'èko łǫ gots'ǫ̀ K'àowo gıgha ehkw'ı-ahodı, eyıt'à deɂǫ̀ǫ̀ dǫ łǫ goxè aget'ı̨į̀ ajà.
27277	ACT 8:32	Eyı k'àowo sìı enı̨htł'è k'e dıı hanì dek'eèhtł'è yek'eyahtı ı̨lè: “Sahzǫ̀ą edeweè ts'ǫ̀ etłe lanì natł'ıgıaxà. Sahzǫ̀ą weghàà xaget'à kò t'asadı-le, eyı lanì xàyaı̨htı-le.
27294	ACT 9:9	Taı dzęę̀ ts'ǫ̀ wegha xègoèht'į̀-le, eyıts'ǫ shètı̨-le, tı sı wewàhǫǫdì-le.
27400	ACT 11:24	Barnabas dǫ nezı̨ı̨ elı̨ eyıts'ǫ Nǫ̀htsı̨ ghǫ wınì nàtso xè Yedàyeh Nezı̨ı̨ nàtsoò wets'ǫ̀-èlı̨, eyıt'à dǫ łǫ Nǫ̀htsı̨ ts'ǫ̀ agejà.
27416	ACT 12:10	Eghǫǫ-dǫǫ̀ t'akwe nàgeèhzaa eyıts'ǫ gık'èè nàgeèhzaa sìı goxageède. Eyıts'ǫ mǫ̀ht'a satsǫ̀ enìı̨tǫ nechàa sìı ts'ǫ̀ nègı̨ı̨de. Enìı̨tǫ whatsǫǫ̀ enìxàı̨ke t'à xàgeède. Tı̨lı welǫ nègı̨ı̨de ekò hǫtsaa yak'eet'ı̨į̀ wènagoèht'į̀-le,
27604	ACT 17:12	Israel got'ı̨į̀ łǫ gıgha ehkw'ı-ahodı, eyıts'ǫ Greek gots'ǫ ts'èko ahxee mǫ̀hdaa, eyıts'ǫ Greek gots'ǫ dǫzhìı łǫ goxè aget'ı̨.
27612	ACT 17:20	Nàowo ładı̨ı̨ gota k'eneɂaa sìı wenıts'eedì-le, ayìı dàı̨dıı sìı wek'èts'eezǫ ha ts'ı̨ı̨wǫ,” gıìhdı.
27725	ACT 20:31	Eyıt'à sıì kexoahdı! Taı xo gots'ǫ̀, dzę, to senatì xè naxıghǫnatıehɂà ghǫ naht'è-le, eyı wenaahdì.
27823	ACT 23:21	Gık'èhoı̨ɂà-le, dǫ dı̨ènǫ daats'ǫ̀ Paul ełaàgıìhwhı ha nàdegeeɂį̀ geèhkw'e. Ełaàgıìhwhı gots'ǫ̀ t'asìı wı̨ı̨zìı gıwàhodı ha-le eyıts'ǫ tı sı gedǫ ha-le gha yatı nàtsoo edegha gèhtsı̨. Dıì-t'ıì sınìgı̨ı̨de hǫt'e, hęɂę gį̀ı̨dı zǫ k'enageèhɂı̨,” cheko yèhdı.
27884	ACT 25:20	Eyı dǫ dànì wesınìyahtı ha wek'èehsǫ-le, eyıt'à dawııhke, ‘Nek'e nìdahogį̀ı̨ɂǫ t'à asį̀į̀ Jerusalem ekǫ sexè nesınìyaetı ha neewǫ?’ wèehsı̨.
27988	ACT 28:21	Paul ts'ǫ̀ hagedı, “Judea nèk'e gots'ǫ neghǫ enı̨htł'è ts'aɂı̨-le, eyıts'ǫ ekǫ gots'ǫ gòet'ı̨ nègı̨ı̨dee sìı neghǫ ekǫ-le xàyagı̨ı̨htı nıìle.
28029	ROM 1:31	gogı̨ı̨zǫ-le, edeyatıì k'ègedì-le, dǫ ts'ǫ̀ gıdzeè gǫ̀hłı̨-le, eyıts'ǫ sıì gınàhòǫht'è.
28216	ROM 8:32	Xàè Weza sìı edegha yek'èdì-le, hanìkò hazǫǫ̀ gogha ełaı̨woò ayį̀į̀là. Hotıì gogha hanì eghàlaı̨dà nı̨dè, t'asìı hazǫǫ̀ edeza ghàyı̨ı̨laa sìı goxı̨ sı ededzeè t'à goghàyele ha wek'èts'eezǫ.
28259	ROM 10:3	Dànì Nǫ̀htsı̨ ehkw'ı agohɂį̀ı̨ sìı gık'èezǫ-le, hanìkò edek'ę̀ę̀ ehkw'ıì agede ha gı̨ı̨wǫ. Eyı ts'ıhɂǫ̀ Nǫ̀htsı̨ wek'ę̀ę̀ ehkw'ı ats'edee nàowoò k'èagı̨ı̨t'e-le.
28284	ROM 11:7	Eyı weghǫ dàts'edı welì? Israel got'ı̨į̀ t'asìı gha hòtł'ò eghàlagı̨ı̨dàa sìı eyı gıghǫ̀t'ǫ-le, hanìkò dǫ eyıì-le Nǫ̀htsı̨ gòį̀hchìı sìı eyı gıghǫ̀t'ǫ hǫt'e. Dǫ gòį̀hchì-le sìı gıkwì nàtsoò agììdlà.
28315	ROM 12:2	Dıı nèk'e dǫ dànì geedaa sìı gık'ę̀ę̀ k'ehoahɂa-le, hanìkò naxınì eładı̨į̀ adlà k'ę̀ę̀ aahda. Hanì-ı̨dè Nǫ̀htsı̨ ayìı wınì k'ę̀ę̀ ne sìı deghàà wek'èahsǫǫ̀ aahde ha. Nǫ̀htsı̨ ayìı wegha nezı̨ı̨ xè degaı ne sìı, eyıts'ǫ ayìı wegha sìghà ne sìı wek'èahsǫǫ̀ aahde ha.
28369	ROM 14:21	Bò ghǫ shèts'ezhe-le, jìetì ts'edǫ-le eyıts'ǫ t'asìı wet'à naxèot'ı̨ hołı̨ı̨ hohtsı̨ ha sìı k'alats'edè-le nı̨dè eyı denahk'e nezı̨ hǫt'e.
28399	ROM 15:28	Dıı la weghǫ naht'e xè sǫǫ̀mba hazǫǫ̀ gıtł'aıhwha tł'axǫǫ̀-ı̨dè, Spaın nèk'e ts'ǫ̀ dehtła t'à naxık'eèhtła ha.
28452	1CO 1:21	Dıı nèè gots'ǫ dǫ gogı̨ı̨zǫǫ sìı Nǫ̀htsı̨ k'ègeezǫ-le, Nǫ̀htsı̨ yatıì t'à dǫ ts'ǫ̀ gots'edee sìı gıgha ezhı̨ne lanì. Hanìkò godı nezı̨ı̨ t'à ezhı̨ne k'ę̀ę̀ gots'ede gogı̨ı̨hwhǫǫ sìı wet'à dǫ hazǫǫ̀ gıgha ehkw'ı-ahodıı sìı Nǫ̀htsı̨ edaxàgole hǫt'e. Nǫ̀htsı̨ hanì eghàlaedaa sìı yeghǫ sìghà anıwǫ hǫt'e.
28511	1CO 4:10	Goxı̨ sìı Zezì-Krı wegha ezhı̨ne ats'ı̨ı̨t'e gogı̨ı̨hwhǫ, hanìkò naxı̨ sìı Zezì-Krı wets'ıhɂǫ̀ sıì goahsǫ dahwhǫ! Goxı̨ sìı nàts'etso-le, hanìkò naxı̨ sìı nàahtso dahwhǫ. Goxı̨ sìı dǫ gots'ǫ̀ nezı̨į̀ nageɂa-le hanìkò naxı̨ naxıts'ǫ̀ nezı̨į̀ nageɂa.
28533	1CO 5:11	Dǫ mǫ̀hdaa naxıxè Nǫ̀htsı̨ wecheekeè ats'ı̨ı̨t'e edègeedıı sìı eyı ghǫ naxıts'ǫ̀ eehtł'è. Hanìkò hołı̨ı̨ k'ę̀ę̀ ełek'alagedè nı̨dè, egedì-le nı̨dè, nǫ̀htsı̨ą hòèlı̨ı̨ ts'ǫ̀ yagehtı nı̨dè, dǫ gıızì jıı gehtsı̨ nı̨dè, t'aats'ǫǫ̀ gedǫ nı̨dè, sǫǫ̀mba gha dǫ ghǫyageeɂà nı̨dè, gıxè aaht'ı̨-le, eyıts'ǫ gıxè shèahzhe ha nıìle.
28574	1CO 7:19	Dǫ wekwǫ̀ nàt'àa, dǫ wekwǫ̀ nàt'à-le, eyı Nǫ̀htsı̨ wegha wet'àaɂà nıìle. Nǫ̀htsı̨ wenàowoò k'èts'edì eyı t'aa sıì wet'àaɂà hǫt'e.
28580	1CO 7:25	Ekò ts'èko hogıat'į̀ whìle sìı gıghǫ gots'ǫ̀ K'àowo t'asasèhdı-le, hanìkò Nǫ̀htsı̨ wesǫnıwǫ t'à ehkw'ı eghàlaehda k'ę̀ę̀ sı̨ dàahwhǫǫ sìı yatı naxıghàehɂà ha:
28659	1CO 10:24	Edegha zǫ nezı̨į̀ k'ehoahɂa-le, hanìkò dǫ eyıì-le dànì gıgha sìghà hòɂǫ ha sìı ghǫ nànıahdè.
28737	1CO 13:4	Dǫ ghǫnets'eètǫ nı̨dè dǫ xè ts'èwhı̨į̀ ts'ı̨ı̨wǫ eyıts'ǫ dǫ ts'ǫ̀ godzeè nezı̨ hǫt'e. Dǫ ghǫnets'eètǫ nı̨dè dǫ ghǫ ts'ohots'eedı-le, edeghǫ xàdahots'edì-le, eyıts'ǫ xàhots'edì-le.
28738	1CO 13:5	Dǫ ghǫnets'eètǫ nı̨dè dǫ ts'ǫ̀ yedats'ı̨ı̨t'e-le, edeghǫ zǫ nànıts'ewo-le, goınì nàìtło-le, eyıts'ǫ dǫ gots'ǫ̀ ekǫ-le eghàlaı̨dà kò, wenats'edì-le.
28740	1CO 13:7	Dǫ ghǫnets'eètǫ nı̨dè t'aats'ǫǫ̀ dǫ xè sìghà hots'ehtsı̨, t'aats'ǫǫ̀ gogha ehkw'ı-ahodı, t'aats'ǫǫ̀ edahxǫ welì ts'ı̨ı̨wǫ, t'aats'ǫǫ̀ goınì nàtso ats'ı̨ı̨hwhǫ xè weghǫ nats'et'è-le.
28745	1CO 13:12	Dıì gogha deghàà xègaat'ı̨-le, wet'à daàts'eedaa nezı̨-le yìı k'ets'eet'į̀ lanì. Dıì sìı deghàà wek'èts'eezǫ nıìle hanìkò ı̨daà nı̨dè dànì wègaat'ı̨ı̨ sìı deghàà gogha wègaat'ı̨ ha, ededı̨ gok'èezǫ lanì wek'èts'eezǫǫ̀ ats'ede ha.
28746	1CO 13:13	Dıì nàowo taı sìı welǫ whìle ts'ǫ̀ whela ha: gogha ehkw'ı-ahodıı, edaxàts'eedè kanıts'eèɂàa, eyıts'ǫ ełeghǫnets'eètǫǫ. Eyı nàowo taı gots'ǫ sìı ełeghǫnets'eètǫǫ denahk'e elı̨ hǫt'e.
28769	1CO 14:23	Eyıt'à Nǫ̀htsı̨ wecheekeè ełègehdè xè hazǫǫ̀ yatı ełek'èch'aòt'ı̨ı̨ t'à gogııde-le. Dǫ mǫ̀hdaa gogıìkw'o-le, hanì-le-ı̨dè dǫ gıgha ehkw'ı-ahodı-le gota nègı̨ı̨de nı̨dè dàgedı ha sǫnı? Goahsǫ-le aahjà naxègedı ha hǫt'e.
28803	1CO 15:17	Zezì-Krı naìdà-le nı̨dè k'ètł'ǫ̀ naxıgha ehkw'ı-ahodı, eyıts'ǫ ı̨łaà naxıhołı̨į̀ naxık'e whela hǫt'e.
28820	1CO 15:34	Hòt'a ezhı̨ne k'ę̀ę̀ k'èhoahɂa-le, hołı̨ı̨ hoahtsı̨-le. Naxıta gots'ǫ dǫ mǫ̀hdaa Nǫ̀htsı̨ k'ègeezǫ-le hǫt'e, eyı ghǫ į̀į̀zhaahłı̨ welì.
28935	2CO 4:8	Goxı̨ sìı hazǫǫ̀ gomǫǫ̀ goòɂàa ts'ǫ̀ dǫ gogha hoìla hogehtsı̨, hanìkò anats'et'è nıìle; gogha hoezhì agot'ı̨ kò gogha ahxe whìle ts'ı̨ı̨wǫ-le,
28945	2CO 4:18	Eyıt'à ayìı wègaat'ı̨ı̨ sìı gha goınì nàtso ats'ı̨ı̨hwhǫ-le, hanìkò ayìı wègaat'ı̨-le sìı gha goınì nàtso ats'ı̨ı̨hwhǫ hǫt'e. T'asìı wègaat'ı̨ı̨ sìı whaà-le gots'ǫ̀ zǫ gha hǫt'e, ekò t'asìı wègaat'ı̨-le sìı welǫ whìle ts'ǫ̀ gha hǫt'e.
28949	2CO 5:4	Įłaà dıı nèk'e nı̨hbàa yìı ts'eeda et'ıì godzeè etse xè dats'ı̨ı̨ɂa hǫt'e. Etets'eèt'ı̨ ha ts'ı̨ı̨wǫ-le, hanìkò yak'e gokǫ̀ yìı nàts'edè ha ts'ı̨ı̨wǫ. Gozhį̀į̀ ełaàwıı sìı gozhį̀į̀ welǫ whìle ts'ǫ̀ eda ts'ǫ̀ łatats'eedè ha ts'ı̨ı̨wǫ.
28954	2CO 5:9	Eyıt'à gozhį̀į̀ yìı ts'eedaa, gozhį̀į̀ yìı ts'eeda-le, ehk'ę̀ę̀ gots'ǫ̀ K'àowo wınà hots'ehtsı̨ ha ts'ı̨ı̨wǫ hǫt'e.
28969	2CO 6:3	T'asìı wı̨ı̨zìı t'à dǫnì tsį̀ts'ehwhı ha ts'ı̨ı̨wǫ-le, hanì-ı̨dè godı nezı̨ı̨ gha eghàlats'eedaa sìı wets'ıhɂǫ̀ t'asìı nezı̨-le t'à dǫ gok'e nìdahogeeɂà ha-le.
28975	2CO 6:9	dǫ gok'ègeezǫ kò gok'ègeezǫ-le lanì gots'ǫ̀ nageɂa; ełaàts'ede ha welì lanì hanìkò ı̨łaà ts'eeda hǫt'e; nàgoakwa hanìkò ełaàts'ı̨ı̨dè-le,
29015	2CO 8:15	Dıı hanì dek'eèhtł'è k'ę̀ę̀: “Amìı t'asìı łǫ nàwhehtsı̨ı̨ sìı sıì deɂǫ̀ǫ̀ t'asìı łǫ wets'ǫ-le, eyıts'ǫ amìı t'asìı łǫ-lea nàwhehtsı̨ı̨ sìı sıì t'asìı wets'ǫ-le nıìle,” dek'eèhtł'è.
29092	2CO 12:2	Hoònǫ-daats'ǫ̀-dı̨ xo ekò Zezì wecheekeè ı̨łè yak'e denahk'e dagǫǫwà ts'ǫ̀ newıìtı̨ ı̨lè. Eyı dǫ edezhį̀į̀ yìı wheda, edezhį̀į̀ yìı wheda-le, wek'èehsǫ-le, Nǫ̀htsı̨ zǫ yek'èezǫ hǫt'e.
29093	2CO 12:3	Eyı dǫ Hoı̨zı̨-Nèk'e ts'ǫ̀ newıìtı̨ ı̨lè wek'èehsǫ. Eyı dǫ edezhį̀į̀ yìı whedaa, edezhį̀į̀ yìı wheda-le, wek'èehsǫ-le, Nǫ̀htsı̨ zǫ yek'èezǫ hǫt'e. T'asìı sıì enıìyah t'à dǫ wı̨ı̨zìı yeghǫ gode ha dìì sìı yeèhkw'ǫ ı̨lè. Eyı sìı dǫ yeghǫ gode ha wegha wets'àet'ǫ ı̨lè.
29197	GAL 3:28	Zezì-Krı wexè naxı̨ hazǫǫ̀ ı̨łè laaht'e hǫt'e t'à, Israel got'ı̨į̀ eyıts'ǫ Greece got'ı̨į̀ gıxè eładı̨į̀ hòɂǫ-le, dǫ edets'ǫ̀ k'àowo-le, eyıts'ǫ dǫ edets'ǫ̀ k'àowo gıxè eładı̨į̀ hòɂǫ-le, dǫzhìı eyıts'ǫ ts'èko gıxè eładı̨į̀ hòɂǫ-le.
29235	GAL 5:6	Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.
29255	GAL 5:26	Eyıt'à xàhots'ııdì-le, ełets'ǫ̀ yıdats'ııt'è-le, eyıts'ǫ ełeghǫ ts'ohots'ııdì-le.
29270	GAL 6:15	Gokwǫ̀ nàt'àa, gokwǫ̀ nàt'à-le, eyı t'asìı gha ıtà nıìle, hanìkò eładı̨ı̨ dǫǫ̀ ts'ìhłèe sìı eyı deɂǫ̀ǫ̀ wet'àaɂà hǫt'e.
29365	EPH 4:26	“Ààhch'e nı̨dè hołı̨ı̨ hoahtsı̨-le,” dek'eèhtł'è. Sa nàɂàa ts'ǫ̀ ààhch'e-le,
29410	EPH 6:6	Gınadąą̀ zǫ gık'èaht'e-le, ekìı naxıghǫ nezı̨į̀ agı̨ı̨wǫ zǫ gha aaht'ı̨-le, hanìkò Zezì-Krı wecheekeè lanì gıgha nezı̨į̀ eghàlaahda, hanì-ı̨dè naxıdzeè t'à Nǫ̀htsı̨ wınì k'ę̀ę̀ eghàlaahda hǫt'e.
29412	EPH 6:8	Dǫ edets'ǫ̀ k'agedè-le, edets'ǫ̀ k'agedèe, ehk'ę̀ę̀ gots'ǫ̀ K'àowo sìı dǫ hazǫǫ̀ ełèht'eè dànì eghàlagı̨ı̨dà k'èxa goghàhòɂà ha wek'èahsǫ hǫt'e.
29413	EPH 6:9	Naxı̨ dǫ ts'ǫ̀ k'àowo yàahłı̨ı̨ sìı eyı xèht'eè dǫ naxıtł'a geèhkw'ee sìı gıts'ǫ̀ nezı̨į̀ k'ehoahɂa. Gıts'ǫ̀ yıdaaht'e-le, yak'e gıts'ǫ̀ k'àowo gǫ̀hłı̨ı̨ sìı naxı̨ sı naxıts'ǫ̀ k'àowo elı̨ wek'èahsǫ t'à, eyıts'ǫ Nǫ̀htsı̨ sìı dǫ ı̨łè xàɂaa zǫ gòį̀hchì nıìle.
29455	PHP 1:27	Naxıts'àwhıhtła, naxıts'àwhıhtła-le, ehk'ę̀ę̀, Zezì-Krı wegodıì nezı̨ı̨ k'ę̀ę̀ hotıì ehkw'ı aahda. Hanì-ı̨dè naxıts'àhtła, hanì-le-ı̨dè naxıghǫ eèhkw'o zǫ t'à, naxınì ı̨łè zǫ lanì wek'èehsǫ ha. Dǫ ı̨łè zǫ laaht'e xè godı nezı̨ı̨ gha naxınì nàtso aahwhǫ.
29456	PHP 1:28	Dǫ naxık'èch'a agedıı sìı gıts'àahjı̨-le, eyı weghàà gıdıhołè ha sìı gık'èezǫ ha, hanìkò naxı̨ edaxàahdè ha sìı gık'èezǫ ha, Nǫ̀htsı̨ ededı̨ at'ı̨ ne t'à.
29547	COL 1:15	Nǫ̀htsı̨-Gotà gogha wègaat'ı̨-le, hanìkò Weza yexèht'eè wègaat'ı̨ hǫt'e. Weza sìı t'akwełǫ̀ǫ̀ hǫt'e eyıts'ǫ t'asìı hazǫǫ̀ hòèlı̨ı̨ sìı ts'ǫ̀ K'àowo.
29548	COL 1:16	Ededı̨ wet'à t'asìı hazǫǫ̀ hòèlı̨ hǫt'e: t'asìı yak'e whelaa, dıı nèk'e whelaa, t'asìı wègaat'ı̨ı̨, wègaat'ı̨-le, hazǫǫ̀ yèhtsı̨ hǫt'e. K'àowocho gı̨ı̨lı̨ı̨, k'aodèe gı̨ı̨lı̨ı̨, dèe-ts'ǫ̀-k'àowo gı̨ı̨lı̨ı̨, hazǫǫ̀ Nǫ̀htsı̨ Weza gòèhtsı̨ hǫt'e, eyıts'ǫ ededı̨ wegha gıhòèlı̨ hǫt'e.
29572	COL 2:11	Ededı̨ wet'à naxıkwǫ̀ nàat'a lanì ı̨lè, eyıt'à naxınìłı̨ı̨ k'ę̀ę̀ aahda-le aahjà. Dǫlà t'à naxıkwǫ̀ nàat'a awèts'edı-le, Zezì-Krı ededı̨ wet'à gokwǫ̀ nàat'a lanì awèts'edı.
29595	COL 3:11	Zezì-Krı wegha ts'eeda nı̨dè hazǫǫ̀ ełèts'ı̨ı̨ht'e hǫt'e. Israel got'ı̨į̀, Greece got'ı̨į̀ ełexègı̨ı̨ht'ee, nàgoet'àa, nàgoet'à-le, nàowo eładı̨ı̨ k'ę̀ę̀ geedaa dǫǫ̀, dǫ edets'ǫ̀ k'agedè-le, edets'ǫ̀ k'agedèe, hazǫǫ̀ ełexègı̨ı̨ht'e. Zezì-Krı ededı̨ zǫ gogha K'àowo elı̨, eyıts'ǫ goxı̨ hazǫǫ̀ godzeè yìı eda.
29606	COL 3:22	Dǫ gıcheekeè yàahłı̨ı̨ sìı dıı nèk'e naxıts'ǫ̀ k'aodèe gı̨ı̨lı̨ı̨ sìı gık'èaht'e. Gınadąą̀ zǫ nezı̨į̀ k'ehoahɂa-le, ekìı naxıghǫ nezı̨į̀ agı̨ı̨wǫ gha aaht'ı̨-le. Hanìkò gots'ǫ̀ K'àowo ts'ǫ̀ nezı̨į̀ kànıahɂa xè naxıdzeè t'à nezı̨į̀ eghàlaahda.