23276	MAT 3:15	Zezì yets'ǫ̀ hadı, “Hanì welè kò. Dıı hanì gogha ehkw'ı hòɂǫǫ sìı deghàà wek'ę̀ę̀ ats'ııle.” Zezì yèhdı t'à, John-Baptıst yek'èhoı̨ɂǫ.
23412	MAT 7:27	Yàchǫhoòwo ekò tı łǫ dèè teètł'ı xè nı̨hts'ı nàtsoo eyı kǫ̀ k'e at'ı̨ t'à hǫtsaa wetagoı̨tł'ı.”
23660	MAT 13:52	Zezì gots'ǫ̀ hadı, “Nǫ̀htsı̨-yatıì-k'èdìı-dǫǫ̀ Nǫ̀htsı̨ Wenàowoò k'ę̀ę̀ hoghàweehtǫ nı̨dè dǫ ahxee lanì hǫt'e. Eyı dǫ whaà gots'ǫ t'asìı nezı̨ı̨ eyıts'ǫ t'asìı nezı̨ı̨ wegòò edets'ǫ xehkǫ̀ gots'ǫ xàyele hǫt'e.”
25173	LUK 4:41	Eyıts'ǫ ı̨nìłı̨ı̨ dǫ łǫ yìı gots'ǫ xàı̨de, hagedıì gezeh, “Nı̨ sìı Nǫ̀htsı̨ Weza anet'e.” Hanìkò Zezì nàgoehɂǫ. Zezì, Chrıst hǫt'e ı̨nìłı̨ı̨ gık'èezǫ t'à Zezì gogedeè agohɂı̨-le.
25336	LUK 8:22	Įłàà Zezì edecheekeè ts'ǫ̀ hadı, “Įnǫ̀ǫ̀ nats'ııɂè.” Eyıt'à elà yìı gı̨ı̨de gà nageèɂe.
25338	LUK 8:24	Zezì wecheekeè ts'ıgį̀ı̨hwho, hagıìhdı, “K'àowo, K'àowo, tı t'à ełaàts'ede ha nìkw'o.” Zezì nıìtła gà nı̨hts'ı eyıts'ǫ taatı̨į̀ ts'ǫ̀ gode hadı, “Ts'èwhı̨į̀ aahde!” gòhdı. Eyıt'à nı̨hts'ı whìle agòjà eyıts'ǫ tı sı nàeda-le ajà. Hazǫǫ̀ gımǫǫ̀ goòɂàa ts'ǫ̀ ts'èwhı̨į̀ agòjà.
25664	LUK 15:7	Eyı xèht'eè hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè, yak'e geèhkw'ee sìı sıì gınà ha hǫt'e. Łǫǫ̀tǫènǫ-daats'ǫ̀-łǫǫ̀tǫ ehkw'ı geeda kò, hołı̨ı̨-hohtsı̨ı̨-dǫǫ̀ ı̨łè edek'enadlı̨ nı̨dè yak'e geèhkw'ee sìı weghǫ denahk'e gınà ha hǫt'e.”
26725	JHN 13:26	Zezì yets'ǫ̀ hadı, “Dıı łèt'è tıwo ta ahłà gà eyı dǫ weghàehchìı sìı eyı hǫt'e.” Hadı tł'axǫǫ̀ łèt'è kw'àyį̀ą yìı tenaı̨htso gà Sımon weza Zhıdàà-Iscarıyot ghàyeèchì.
27000	ACT 1:8	Hanìkò Yedàyeh Nezı̨ı̨ naxık'e ajà nı̨dè nàahtsoò anaxele ha. Kǫ̀ta Jerusalem, Judea nèk'e, Samarıa nèk'e hazǫǫ̀, eyıts'ǫ dıı nèk'e welǫ ts'ǫ̀ segodıì nezı̨ı̨ t'à dǫ xè goahdo ha hǫt'e.”
28073	ROM 3:14	“Nàdahogeeɂà eyıts'ǫ t'aats'ǫǫ̀ yatıjıı t'à dǫ k'eèyageetı.”
28482	1CO 3:4	Naxı̨ mǫ̀hdaa dıı haahdı, “Sı̨ Paul k'ę̀ę̀ aht'ı̨,” eyıts'ǫ mǫ̀hdaa, “Sı̨ Apollos k'ę̀ę̀ aht'ı̨.” Haahdı nı̨dè dǫ Nǫ̀htsı̨ k'ègeezǫ-le sìı gıxèht'eè k'ehoahɂa hǫt'e.
28819	1CO 15:33	Dǫ ts'ıɂǫ̀ anaxegııle sǫ̀ǫ̀. “Dǫ wejıı gıxè aaht'ı̨ nı̨dè, naxınì nezı̨ı̨ sìı wejıì at'į̀ hǫt'e.”
29469	PHP 2:11	Eyıts'ǫ hazǫǫ̀ edewà t'à dıı hagedı ha, “Zezì-Krı gots'ǫ̀ K'àowo hǫt'e.” Hagedıì Nǫ̀htsı̨-Gotà ghàsǫgeedı ha.
30299	HEB 12:20	Nǫ̀htsı̨ nàowo goghàı̨ɂǫǫ sìı geèhkw'ǫ ha gıgha dìì t'à agedı ı̨lè. Dıı nàowo sìı gıghǫ̀t'ǫ: “Tıts'aàdìı kò eyı shìh gà nıwà-le ajà xè yexèhdı nı̨dè kwe t'à ełaàgıìhwhı ha hǫt'e.”
30409	JAS 4:5	Dıı hanì Nǫ̀htsı̨ Nı̨htł'è k'e dek'eèhtł'è, “Wets'ǫ Įnì Degaı godzeè yìı nàdè ayį̀į̀là, wets'ǫ Įnì Degaı deghàà wets'ǫ ts'ı̨ı̨lı̨ ha goı̨hwhǫ hǫt'e.” Dıı hanì dek'eèhtł'èe sìı ekìı ahodı dahwhǫ nì?
30451	1PE 1:10	Nǫ̀htsı̨ edesǫnıwǫǫ̀ naxıghàyeɂà ha sìı whaà gots'ǫ nakwenàoɂǫǫ eyı ghǫ gogı̨ı̨de ı̨lè. Dàht'e k'e eyıts'ǫ dànì Nǫ̀htsı̨ hayele ha sìı gıgòhɂà ha gı̨ı̨wǫ t'à hòtł'ò gıghǫ nànıgedè xè hotıì gıxàeta ı̨lè. Zezì-Krı wets'ǫ Inì Degaı dıı hagòhdı ı̨lè: “Nǫǫde nı̨dè Zezì-Krı daı̨ɂa ha hǫt'e eyı tł'axǫǫ̀ nı̨dè wexè enıìyah hòɂǫ agode ha hǫt'e.” Yedàyeh Nezı̨ı̨ gots'ǫ̀ hadı ı̨lè, hanìkò dàht'e dzęę̀ k'e eyıts'ǫ edı̨į̀ hagode ha sìı gık'èezǫ-le.
30892	REV 7:14	Eyıt'à wets'ǫ̀ haehsı̨, “K'àowo, nı̨ wek'èı̨zǫ hǫt'e.” Sets'ǫ̀ hadı, “Eyı agı̨ı̨t'ee sìı hòtł'ò dagı̨ı̨ɂà hǫt'e. Sahzǫ̀ą wedoò t'à edeɂeè k'enagı̨ı̨htso t'à gıɂeè degoò agį̀į̀là hǫt'e.
31127	REV 21:5	Eyı daèhchı̨cho k'e whedaa sìı hadı, “T'asìı hazǫǫ̀ wegòò ahłe ha!” eyıts'ǫ sets'ǫ̀ hadı, “Eyı hazǫǫ̀ dek'enìı̨tł'è, dıı yatı sìı hotıì ehkw'ı hǫt'e eyıts'ǫ weghàà aahda ha hǫt'e.”
31156	REV 22:7	“Kexoahdı, hòt'a whaà-le-t'ıì jǫ ts'ǫ̀ ahde ha! Dıı enı̨htł'è k'e godı dek'eèhtł'èe sìı hòt'a wek'ę̀ę̀ agode ha. Amìı dıı godı wegha ehkw'ı-ahodıı sìı wexè sìghà hǫt'e.”