24126	MAT 26:3	Ekìıyeè k'e yahtıı-gha-k'aodèe eyıts'ǫ ǫhdah gı̨ı̨lı̨ı̨ sìı yahtıı-wet'àaɂàa-deè, Caıaphas wìyeh, wekǫ̀ gocho ełègı̨ı̨de.
24180	MAT 26:57	Dǫ Zezì dagıachìı sìı yahtıı-wet'àaɂàa-deè, Caıaphas, wekǫ̀ ts'ǫ̀ geèhchì. Nǫ̀htsı̨-yatıì-k'ègedìı-dǫǫ̀ eyıts'ǫ ǫhdah gı̨ı̨lı̨ı̨ sìı ekǫ ełègı̨ı̨de.
24702	MRK 10:45	Dǫ-wet'àaɂàa-deè, ededı̨ kò, dǫ yegha eghàlageeda gha nììtła nıìle, hanìkò dǫ ts'àdı gha eyıts'ǫ dǫ gha ełaàwı gha nììtła hǫt'e. Dǫ łǫ gıhołı̨į̀ gıghǫ nahoezhe gha ełaàwı ha hǫt'e,” Zezì edecheekeè gòhdı.
25504	LUK 11:30	Nakwenàoɂǫǫ Jonah Nıneveh got'ı̨į̀ gogha enıìyah lanì ı̨lè. Eyı xèht'eè Dǫ-wet'àaɂàa-deè, dıì dǫ geedaa sìı gogha enıìyah lanì hǫt'e.
25536	LUK 12:8	“Ehkw'ı anaxèehsı̨, amìı dǫ nadąą̀ sek'èezǫ hadıı sìı Dǫ-wet'àaɂàa-deè, Nǫ̀htsı̨ weyak'eet'ı̨į̀ gınadąą̀ yek'èezǫ hadı ha.
28730	1CO 12:28	Nǫ̀htsı̨ sìı t'akwełǫ̀ǫ̀ wecheekeè gıta gots'ǫ edecheekeèdeè gǫį̀hchìı hǫt'e, eyı k'èè nakwenàoɂǫǫ, eyı k'èè dǫ-hoghàehtǫǫ-dǫǫ̀, eyı k'èè enıìyah-hogehtsı̨ı̨-dǫǫ̀, eyı k'èè dǫ-k'aàt'ıì-agehɂı̨ı̨-dǫǫ̀, eyı k'èè dǫ-ts'àdıı-dǫǫ̀, eyı k'èè t'asìı-gha-k'aodèe-gı̨ı̨lı̨ı̨-dǫǫ̀, eyıts'ǫ eyı k'èè yatı-ładı̨ı̨-t'à-gogedee-dǫǫ̀ gǫį̀hchìı hǫt'e.
29772	1TI 1:9	Dǫ ehkw'ı geedaa sìı nàowodeè gıgha adlà nıìle, wek'èts'eezǫ, hanìkò dǫ eyı nàowo k'ègedì-le sìı gıgha adlà hǫt'e: nàowo-k'eezhìı-dǫǫ̀, dǫ k'èagı̨ı̨t'e-le dǫǫ̀, Nǫ̀htsı̨ gı̨ı̨wǫ-le dǫǫ̀, hołı̨ı̨-hogehtsı̨ı̨-dǫǫ̀, hołı̨ı̨ k'ę̀ę̀ geedaa dǫǫ̀, Nǫ̀htsı̨ nàowoò gıtǫ̀-le dǫǫ̀, dǫ edetà eyıts'ǫ edemǫ ełaàgehdee, eyıts'ǫ dǫ-ełahdee-dǫǫ̀,