428	GEN 18:3	Hagòhdı, “K'àowo, etesį̀ı̨ɂı̨ nı̨dè seɂǫ̀ǫ̀ naı̨tła-le.
578	GEN 23:6	“K'àowo, goį̀kw'o. Nı̨ sìı k'àowodeè gota nàdèe anet'e. Kwe yìı dǫkw'ǫǫ̀ k'è gòlaa denahk'e nezı̨ı̨ sìı yìı nets'èkeè wekw'ǫǫ̀ nìı̨htį̀. Gots'ǫ dǫkw'ǫǫ̀ whelaa k'è neewǫ nı̨dè į̀le nèts'edı ha nıìle,” gedı.
583	GEN 23:11	“K'àowo, seı̨hkw'ǫ. Eyı dèè neghàehɂà ha, eyıts'ǫ kwe weyìı gòɂǫǫ sı neghàehɂà ha. Sèot'ı̨ hazǫǫ̀ gıdaà eyı neghàehɂà ha. Nets'èkeè ełaı̨woo sìı wekw'ǫǫ̀ nìı̨tį̀,” yèhdı.
587	GEN 23:15	“K'àowo, seę̀hkw'ǫ. Eyı dèè dı̨akw'eènǫ (400) sǫǫ̀mba degoo elı̨ hǫt'e, hanìkò į̀łah gogha eyı ayìı welè? Nets'èkeè wekw'ǫǫ̀ nìı̨htį̀,” Efron yèhdı.
610	GEN 24:18	“K'àowo, tı nets'è,” t'eeko yèhdı. Hanì-t'ıì edetıtǫǫ̀ yets'ǫ̀ ayį̀į̀là gà tı yeghàı̨dì.
800	GEN 29:4	Jacob, sahzǫ̀ą-k'èdìı-dǫǫ̀ dagoehke, “Sèot'ı̨ı̨, edı̨į̀ gots'ǫ aaht'e?” gòhdı. “Kǫ̀ta Haran gots'ǫ ats'ı̨ı̨t'e,” gıìhdı.
910	GEN 31:36	Eyıt'à Jacob, Laban ts'ǫ̀ wınì-le, hayèhdı, “Hot'eè, ayìı sek'enìdahoǫɂà ha? Nek'èch'a ayìı hòwhıhtsı̨ t'à hanì k'esı̨ı̨zo nǫǫ̀?
966	GEN 33:5	Ts'èko edeza xè nàgeèhza goaɂı̨ ekò, Esau hadı, “Dıı amìı agı̨ı̨t'e?” edechı èhdı. Jacob yets'ǫ̀ hadı, “K'àowo, Nǫ̀htsı̨ wedzeè eteèɂı̨ t'à chekoa seghàı̨laa agı̨ı̨t'e,” yèhdı.
969	GEN 33:8	Esau hadı, “Tıts'aàdìı ełexè naeɂàa gıghaehtłaa sìı ayìıha nelà?” yèhdı. “K'àowo, sets'ǫ̀ nınì nezı̨ ha dehwhǫ t'à ahłà,” Jacob yèhdı.
974	GEN 33:13	Hanìkò Jacob yets'ǫ̀ hadı, “K'àowo, chekoa nàgetso nıìle wek'èı̨zǫ, eyıts'ǫ sahzǫ̀ą dets'è eyıts'ǫ ejıe dets'è gıza gǫ̀hłı̨ı̨ sìı gıghǫ nànıhwho hǫt'e. Įłè dzęę̀ kò t'à ı̨whąą̀ nagıadè nı̨dè hazǫǫ̀ ełaàgede ha hǫt'e.
1090	GEN 37:6	Joseph gots'ǫ̀ hadı, “Seàhkw'ǫ, dànì nàwhıhtı̨ı̨ sìı naxıts'ǫ̀ haehsı̨ ha.
1136	GEN 38:16	Weza ts'èkeè at'ı̨ yek'èezǫ-le t'à, ts'èko tı̨lıbàa whedaa ts'ǫ̀ èhtła, yets'ǫ̀ hadı, “Sek'èątła, nexè wehtè,” yèhdı. “Sexè wheętı̨ k'èxa ayìı seghàı̨ɂà ha?” ts'èko yèhdı.
1224	GEN 41:28	“K'àowo, dànèehsı̨ı̨ sìı k'ę̀ę̀ agode ha: Nǫ̀htsı̨ ayìı dàle ha sìı wek'èı̨zǫǫ̀ anį̀į̀là hǫt'e.
1263	GEN 42:10	Eyıt'à hagıìhdı, “K'àowo, necheekeè ats'ı̨ı̨t'e ne, tł'olà nàts'eehdì gha jǫ nèts'ı̨ı̨de hǫt'e.
1311	GEN 43:20	Hagıìhdı, “K'àowo, tł'olà nats'eehdì ha t'akwełǫ̀ǫ̀ jǫ nàts'edè ı̨lè.
1314	GEN 43:23	“T'asanìle, dahjı̨-le,” gòhdı, “Naxınǫ̀htsı̨ eyıts'ǫ naxıtà Wenǫ̀htsı̨ sìı naxıɂǫhchì yìı sǫǫ̀mba degoo naxıghàı̨la hǫt'e. Naxısǫǫ̀mbaà degoo wet'à tł'olà nàahdìı sìı sǫǫ̀zha ı̨lè,” gòhdı. Eyı tł'axǫǫ̀ Sımeyon gots'ǫ̀ xàyeèhchì.
1332	GEN 44:7	Hanìkò gıts'ǫ̀ hagedı, “K'àowo, dànìghǫ hanì gots'ǫ̀ goı̨de? Hanì eghàlats'eeda ha honàedı nıìle!
1341	GEN 44:16	Judah yets'ǫ̀ hadı, “K'àowo, edegha nets'ǫ̀ dàts'edı lì? Ats'ııdì whìle! Ekǫ-le hots'èhtsı̨ nıìle hanìkò dànì nets'ǫ̀ hats'edı lì? Įnę̀ę sìı ekǫ-le eghàlats'ı̨ı̨dà k'èxa Nǫ̀htsı̨ nàgǫǫhkwa hǫt'e. K'àowo, dıì goxı̨ eyıts'ǫ gochı weɂǫhchì yìı lıbò gogį̀į̀hɂǫǫ sìı negha eghàlats'eedaa-dǫǫ̀ ats'ı̨ı̨t'e,” yèhdı.
1352	GEN 44:27	“K'àowo, setà gots'ǫ̀ hadı, ‘Sets'èkeè seza nàke segha nìı̨la ı̨lè.
23263	MAT 3:2	hadı, “Edek'eahłı̨, naxınì eładı̨į̀ aahłe! Nǫ̀htsı̨ Wenàowoò k'ę̀ę̀ nèhòkw'ı ha nìkw'o,” hadıì dǫ ts'ǫ̀ gode.
23295	MAT 4:17	Ekìıyeè k'e Zezì dǫ hoghàgoehtǫǫ̀ ajà, hadı, “Edek'eahłı̨, naxınì eładı̨į̀ aahłe! Nǫ̀htsı̨ Wenàowoò k'ę̀ę̀ nèhòkw'ı ha ts'ǫ̀ whaà-le agòjà,” gòhdı.
23297	MAT 4:19	Zezì gots'ǫ̀ hadı, “Sek'èahdè, dǫ łǫ ààhłì anaxehłe ha,” gòhdı.
23416	MAT 8:2	Dǫ ı̨łè gokwǫ̀ tàda t'à eyaelı̨ı̨ sìı Zezì ts'ǫ̀ èhtła, yets'ǫ̀ nàgòı̨hgè, hadı, “K'àowo, haneewǫ nı̨dè k'aàt'ıì ası̨ı̨le ha dìì-le,” yèhdı.
23420	MAT 8:6	Eghǫǫ-dǫǫ̀ gha k'àowo hadı, “K'àowo, secheekeè wekw'ǫǫ̀ ełaı̨dè xè hòtł'ò eyaelı̨ t'à sıì daı̨ɂa dìì,” yèhdı.
23422	MAT 8:8	Hanìkò eghǫǫ-dǫǫ̀ gha k'àowo yets'ǫ̀ hadı, “K'àowo, sekǫ̀ naątła gha dǫ lahoeht'ı̨-le. Ekìı neyatıì t'à xàyanehtı nı̨dè secheekeè k'aàt'ıì ade ha.
23433	MAT 8:19	Nǫ̀htsı̨-yatıì-k'èdìı-dǫǫ̀ ı̨łè yets'àèhtła, hadı, “K'àowo, edı̨į̀ anet'ı̨ı̨ sìı nexè ahde ha dehwhǫ,” yèhdı.
23435	MAT 8:21	K'achı̨ wecheekeè ı̨łè yets'ǫ̀ hadı, “K'àowo, t'akwełǫ̀ǫ̀ setà wekw'ǫǫ̀ nèehtį̀ gà welè,” yèhdı.
23470	MAT 9:22	Zezì yets'ǫ̀ ets'aèhtła, yaɂı̨ t'à hayèhdı, “Ts'èko, nedzeè t'à nınà welè. Negha ehkw'ı-ahodı t'à k'aàt'ıì anejà,” yèhdı. Eyı ts'èko ekòet'ıì k'aàt'ıì ajà.
23476	MAT 9:28	Zezì kǫ̀ ı̨łè goyaèhtła ekò dǫ gıdaà goìlee gıgà nèłegeètła t'à dagoehke, “K'aàt'ıì anaxehłe gha naxıgha ehkw'ı-ahodı nì?” gòhdı. “K'àowo, hęɂę,” gedı.
23596	MAT 12:38	Pharısee gı̨ı̨lı̨ı̨ mǫ̀hdaa eyıts'ǫ Nǫ̀htsı̨-yatıì-k'ègedìı-dǫǫ̀ mǫ̀hdaa Zezì ts'ǫ̀ hagedı, “K'àowo, godaà enıìyah hoı̨htsı̨,” gıìhdı.
23712	MAT 15:10	Zezì dǫ hazǫǫ̀ gokayaı̨htı gà gots'ǫ̀ hadı, “Seàhkw'ǫ, ayìı dàehsı̨ı̨ sìı wedaànıahdè.
23727	MAT 15:25	Ts'èko Zezì gà nììtła, yets'ǫ̀ nàgòı̨hgè, hadı, “K'àowo, sets'ànedı!” yèhdı.
23730	MAT 15:28	Zezì yets'ǫ̀ hadı, “Ts'èko, sıì negha ehkw'ı-ahodı! Ayìı sı̨ı̨kèe sìı neghǫ̀t'à ha,” yèhdı. Eyıt'à ekòet'ıì wetì k'aàt'ıì ajà.
23773	MAT 17:4	Peter Zezì ts'ǫ̀ hadı, “K'àowo, jǫ ts'eèhkw'e gogha hoǫzı̨. Haneewǫ nı̨dè, naxıgha kǫ̀ą taı gohtsı̨ ha dìì-le; ı̨łè negha, ı̨łè Moses wegha eyıts'ǫ ı̨łè Elıjah wegha,” yèhdı.
23847	MAT 19:16	Cheko ı̨łè Zezì gà nììtła, dayeehke, “K'àowo, ayìı nezı̨ı̨ ghàlaıhdà nı̨dè welǫ whìle ts'ǫ̀ ehdaà asedle ha?” yèhdı.
23894	MAT 20:33	Gıts'ǫ̀ hadı, “K'àowo, gogha xègaat'ı̨ ha ts'ı̨ı̨wǫ,” gıìhdı.
23957	MAT 22:16	Gıcheekeè eyıts'ǫ Herodıan gı̨ı̨lı̨ı̨ mǫ̀hdaa Zezì ts'ǫ̀ gogeèhɂà. Zezì ts'ǫ̀ hagedı, “K'àowo, ehkw'ı zǫ goı̨de wek'èts'eezǫ, eyıts'ǫ Nǫ̀htsı̨ Wenàowoò ghǫ ehkw'ı dǫ hoghàı̨htǫ. Dǫ dàhòt'ı̨ı̨ agı̨ı̨t'ee sìı negha wet'àaɂà-le t'à, dǫ ayìı geèhkw'ǫ ha gı̨ı̨wǫǫ sìı k'ę̀ę̀ goı̨de nıìle.
23965	MAT 22:24	Hagedı, “K'àowo, Moses dıı hanì gogha nàowo enı̨ı̨tł'è: ‘Dǫ wezaa gǫ̀hłı̨-le et'ıì ełaàwı hanìkò wets'èkeè ı̨łaà eda nı̨dè wechı yets'èkeè nayìchı ha hǫt'e, edı̨ı̨de gha chekoa nììle ha hǫt'e,’ dek'eèhtł'è.
23977	MAT 22:36	“K'àowo, Moses wenı̨htł'è gots'ǫ ayìı nàowo denahk'e wet'àaɂà?” yèhdı.
24052	MAT 24:26	“Eyıt'à, ‘Ekìı-ka nèk'e ekǫ wheda,’ dǫ naxıts'ǫ̀ hagedı nı̨dè, ekǫ aahdè-le. Hanì-le-ı̨dè, ‘Jǫ kǫ̀ goyìı wheda,’ gedı nı̨dè naxıgha ehkw'ı agııdì-le.
24145	MAT 26:22	Wecheekeè sıì gıgha dìì agòjà, ełek'èdaà Zezì ts'ǫ̀ hagedı, “K'àowo, sı̨ asį̀ı̨dı-le nì?” gıìhdı.
24148	MAT 26:25	Zhıdàà, Zezì k'aodèe tł'aàyehtè ha sìı, hadı, “K'àowo, sı̨ asį̀ı̨dı-le nì?” Zezì yets'ǫ̀ hadı, “Hęɂę, nı̨ anèehsı̨,” yèhdı.
24261	MAT 27:63	Gıts'ǫ̀ hagedı, “K'àowo, eyı dǫ-ghǫyaeɂàa-dǫǫ̀ hǫt'e ı̨lè. Įłaà eda ekò dàdı ı̨lèe sìı wenats'edì, ‘Taı dzęę̀ k'ehǫǫwo tł'axǫǫ̀-ı̨dè naèhdà ha,’ hadı ı̨lè.
24288	MRK 1:4	John-Baptıst dǫ k'ètaìdzı̨ ha ekìı-ka nèk'e nììtła. Ekǫ dǫ ts'ǫ̀ hadı, “Edek'eahłı̨, naxınì eładı̨į̀ aahłe gà naxık'ètaìdzı̨į̀ adeahłe, hanì-ı̨dè Nǫ̀htsı̨ naxıhołı̨į̀ naxıghǫ nahoele ha,” gòhdı.
24301	MRK 1:17	Zezì gots'ǫ̀ hadı, “Sek'èahdè, dǫ łǫ ààhłì anaxehłe ha,” gòhdı.
24467	MRK 5:34	Zezì yets'ǫ̀ hadı, “Ts'èko, negha ehkw'ı-ahodı t'à k'aàt'ıì anejà. Naı̨tłe, nexè sìghà welè, eyıts'ǫ ayìı t'à daneeɂaa sìı neghǫ whìle awede,” yèhdı.
24546	MRK 7:14	K'achı̨ Zezì dǫ hazǫǫ̀ gokayaı̨htı gà gots'ǫ̀ hadı, “Seàhkw'ǫ, ayìı dàehsı̨ı̨ sìı wedaànıahdè.
24612	MRK 9:5	Peter Zezì ts'ǫ̀ hadı, “K'àowo, jǫ ts'eèhkw'e gogha nezı̨ dìì. Kǫ̀ą taı gots'ııhtsı̨; ı̨łè negha, ı̨łè Moses wegha eyıts'ǫ ı̨łè Elıjah wegha,” yèhdı.
24624	MRK 9:17	Dǫ ı̨łè Zezì ts'ǫ̀ hadı, “K'àowo, seza nets'ǫ̀ nìıhtı̨. Seza ı̨nìłı̨ı̨ wets'ǫ̀-èlı̨ ts'ıhɂǫ̀ gode ha dìì.
24645	MRK 9:38	John Zezì ts'ǫ̀ hadı, “K'àowo, dǫ ı̨łè nıızì t'à ı̨nìłı̨ı̨ xàdeèzhì wets'aɂı̨. Goxè at'ı̨-le t'à, hat'ı̨ ha-le wèts'edı,” yèhdı.
24677	MRK 10:20	Eyı dǫ hadı, “K'àowo, chekoa ehłı̨ gots'ǫ eyı nàowo hazǫǫ̀ wek'èɂaeht'è hǫt'e,” yèhdı.
24692	MRK 10:35	Ekìıyeè k'e Zebedee weza James eyıts'ǫ John, Zezì ts'ǫ̀ nìłegeètła, hagedı, “K'àowo, ayìı nets'eekèe sìı gogha haąle ha nets'ı̨ı̨hwhǫ,” gıìhdı.
24708	MRK 10:51	Zezì yets'ǫ̀ hadı, “Ayìı negha dàhłe ha seneehwhǫ?” yèhdı. Eyı dǫ Zezì ts'ǫ̀ hadı, “K'àowo, segha xègaat'ı̨ ha dehwhǫ,” yèhdı.
24730	MRK 11:21	Zezì eyı ts'ı ts'ǫ̀ goı̨de ı̨lèe sìı Peter yenadì t'à yets'ǫ̀ hadı, “K'àowo, jìechots'ıì ghàı̨da! Wets'ǫ̀ xàyanehtı ı̨lèe sìı hazǫǫ̀ whegǫǫ̀ ajà!” yèhdı.
24756	MRK 12:14	Zezì gà nègı̨ı̨de ekò gıts'ǫ̀ hadı, “K'àowo, ehkw'ı zǫ goı̨de wek'èts'eezǫ. Dǫ dàhòt'ı̨ı̨ agı̨ı̨t'ee sìı negha wet'àaɂà-le t'à, dǫ ayìı geèhkw'ǫ ha gı̨ı̨wǫǫ sìı k'ę̀ę̀ goı̨de nıìle, hanìkò Nǫ̀htsı̨ Wenàowoò ghǫ ehkw'ı dǫ hoghàı̨htǫ. K'àowodeè Caesar, sǫǫ̀mba wets'àts'eehdìı sìı asį̀į̀ eyı negha ehkw'ı ne?
24761	MRK 12:19	Hagıìhdı, “K'àowo, Moses dıı hanì gogha nàowo enı̨ı̨tł'è: ‘Dǫ wezaa gǫ̀hłı̨-le et'ıì ełaàwı, hanìkò wets'èkeè ı̨łaà eda nı̨dè wechı yets'èkeè nayìchı ha hǫt'e, eyıts'ǫ edı̨ı̨de gha chekoa nììle ha hǫt'e,’ dek'eèhtł'è.
24774	MRK 12:32	Nǫ̀htsı̨-yatıì-k'èdìı-dǫǫ̀ Zezì ts'ǫ̀ hadı, “K'àowo, ehkw'ı xàyanehtı. Nǫ̀htsı̨ ı̨łè hǫt'e eyıts'ǫ ededı̨ zǫ Nǫ̀htsı̨ hǫt'e.
24787	MRK 13:1	Zezì Nǫ̀htsı̨kǫ̀-gocho gots'ǫǫ̀ naèhtła ekò wecheekeè ı̨łè hayèhdı, “K'àowo, waı̨da! Dıı kǫ̀-gocho k'ǫǫnì wèdaat'ı̨! Kwe dàı̨hcho-so t'à hòèlı̨!” yèhdı.
25097	LUK 3:3	Jordan deh nıɂà ts'ǫ̀ ajà. Ekǫ nèk'e dǫ hazǫǫ̀ ts'ǫ̀ hadı, “Edek'eahłı̨, naxınì ładı̨į̀ aahłe gà naxık'ètaìdzı̨į̀ aahde, hanì-ı̨dè Nǫ̀htsı̨ naxıhołı̨į̀ naxıghǫ nahoele ha,” gòhdı.
25106	LUK 3:12	Sǫǫ̀mba nàgehtsį̀ı̨ gı̨ı̨lı̨ı̨ ededı̨ sı gık'ètaìdzı̨ ha eyı nègı̨ı̨de. John-Baptıst ts'ǫ̀ hagedı, “K'àowo, goxı̨ ayìı dàts'ele ha?” gıìhdı.
25188	LUK 5:12	Įłàà Zezì kǫ̀ta wheda ekò, dǫ ı̨łè gokwǫ̀ tàda t'à eyaelı̨ xè wekaà wek'e kàaɂa-le, eyı nììtła. Zezì eɂı̨ ekò yegà ets'ǫ̀zhıìɂaà nàgòı̨hgè gà yeghǫnàdaetì, hadı, “K'àowo, haneewǫ-ı̨dè k'aàt'ıì ası̨ı̨le ha dìì-le,” yèhdı.
25338	LUK 8:24	Zezì wecheekeè ts'ıgį̀ı̨hwho, hagıìhdı, “K'àowo, K'àowo, tı t'à ełaàts'ede ha nìkw'o.” Zezì nıìtła gà nı̨hts'ı eyıts'ǫ taatı̨į̀ ts'ǫ̀ gode hadı, “Ts'èwhı̨į̀ aahde!” gòhdı. Eyıt'à nı̨hts'ı whìle agòjà eyıts'ǫ tı sı nàeda-le ajà. Hazǫǫ̀ gımǫǫ̀ goòɂàa ts'ǫ̀ ts'èwhı̨į̀ agòjà.
25362	LUK 8:48	Zezì yets'ǫ̀ hadı, “Ts'èko, negha ehkw'ı-ahodı t'à k'aàt'ıì anejà. Naı̨tłe, nexè sìghà welè,” yèhdı.
25403	LUK 9:33	Moses eyıts'ǫ Elıjah nageedè ha nìkw'o ekò Peter Zezì ts'ǫ̀ hadı, “K'àowo, jǫ ts'eèhkw'e gogha hoı̨zı̨ dìì. Kǫ̀ą taı gots'ııhtsı̨; ı̨łè negha, ı̨łè Moses wegha eyıts'ǫ ı̨łè Elıjah wegha,” hadı. (Peter dàdıì-adıı sìı yek'èezǫ-le kò adı.)
25408	LUK 9:38	Dǫ gıta ts'ǫ dǫ ı̨łè whezeh hadı, “K'àowo, etesį̀ı̨ɂı̨, sezaa ghàı̨da. Seza ı̨łàet'ee zǫ hǫt'e.
25419	LUK 9:49	John Zezì ts'ǫ̀ hadı, “K'àowo, dǫ ı̨łè nıızì t'à ı̨nìłı̨ı̨ xàdeèzhì wets'aɂı̨. Goxè at'ı̨-le t'à, haąt'ı̨ ha-le, wèts'edı, hanìkò whį̀awèts'edı,” yèhdı.
25424	LUK 9:54	Wecheekeè James eyıts'ǫ John dǫ hagı̨ı̨wǫ ghǫ gıìkw'o ekò Zezì ts'ǫ̀ hagedı, “K'àowo, goyatıì t'à yak'e gots'ǫ kǫ̀ gık'e hodàètł'ı t'à gıdıhots'ehtsı̨ ha neewǫ nì?” gıìhdı.
25429	LUK 9:59	Hanìkò Zezì dǫ eyıì-le ts'ǫ̀ hadı, “Sek'èı̨tła,” yèhdı. Hanìkò eyı dǫ hadı, “K'àowo, t'akwełǫ̀ǫ̀ setà wekw'ǫǫ̀ nèehtį̀ gà welè,” yèhdı.
25431	LUK 9:61	K'achı̨ dǫ ı̨łè yets'ǫ̀ hadı, “K'àowo, nek'èè k'ehtło ha, hanìkò t'akwełǫ̀ǫ̀ sekǫ̀ sèot'ı̨ nǫǫde gıts'ǫ̀wehtła gà, awehde nǫǫ̀,” yèhdı.
25457	LUK 10:25	Įłàà, Nǫ̀htsı̨-yatıì-k'èezǫǫ-deè Zezì èhdzà ha nıwǫ t'à dayeehke, hadı, “K'àowo, welǫ whìle ts'ǫ̀ ts'eeda ha ts'ı̨ı̨wǫ nı̨dè ayìı dàts'ele ha?” yèhdı.
25475	LUK 11:1	Įłàà Zezì yaı̨htı tł'axǫǫ̀ wecheekeè ı̨łè yets'ǫ̀ hadı, “K'àowo, dànì yats'ehtı ha hoghàgoı̨htǫ, John-Baptıst edecheekeè hoghàgoèhtǫ lanì,” yèhdı.
25519	LUK 11:45	Nǫ̀htsı̨-yatıì-k'èdìı-dǫǫ̀ ı̨łè Zezì ts'ǫ̀ hadı, “K'àowo, Pharısee gı̨ı̨lı̨ı̨ sìı hanì gıghǫ goı̨de nı̨dè goxı̨ sı gok'adaı̨wo aı̨dı hǫt'e,” yèhdı.
25541	LUK 12:13	Dǫ ı̨łè dǫnı nàwo Zezì ts'ǫ̀ hadı, “K'àowo, setà ełaı̨wo ı̨lè; wets'ǫ t'asìı whelaa sìı sı̨ı̨de sexè łats'ıyııwa wìı̨dı,” yèhdı.
25569	LUK 12:41	Peter Zezì ts'ǫ̀ hadı, “K'àowo, eyı godı wet'à goxı̨ zǫ hoghàgoı̨htǫ nì, hanì-le-ı̨dè dǫ hazǫǫ̀ gha nìı̨t'e?” yèhdı.
25599	LUK 13:12	Zezì yaɂı̨ ekò yekàehɂà gà yets'ǫ̀ hadı, “Ts'èko, dıı netàdaà ch'à k'aàt'ıì anììdlà,” yèhdı.
25610	LUK 13:23	Dǫ ı̨łè dayeehke, “K'àowo, asį̀į̀ dǫ łǫ-lea zǫ edaxàgeedè ha?” yèhdı. Eyıt'à Zezì dǫ hazǫǫ̀ ts'ǫ̀ hadı,
25697	LUK 16:8	“K'àowo, wecheekeè hanì edegha gǫǫzǫǫ̀ k'ehoɂa t'à yeghǫ nezı̨į̀ xàyaı̨htı. Dǫ Nǫ̀htsı̨ k'ègeezǫ-le sìı edexèht'eè dǫ xè nezı̨į̀ eghàlageeda gha gogı̨ı̨zǫ. Hanì ełexè eghàlageeda t'à, dǫ gıxè dzęh agǫ̀ht'ee sìı nahk'e gogı̨ı̨zǫ,” hadı.
25757	LUK 17:37	Wecheekeè Zezì dageehke, “K'àowo, edı̨į̀ hagode ha?” gıìhdı. Zezì hagòhdı, “Edı̨į̀ t'asìıweè whedaa sìı ekǫ tatsǫ̀gaà łǫ ełègehdè hǫt'e,” gòhdı.
25808	LUK 19:8	Zacchaeus wekǫ̀ geèhkw'e ekò Zacchaeus nıìtła gà Zezì ts'ǫ̀ hadı, “K'àowo, t'asìı hazǫǫ̀ sets'ǫ sìı tanı ts'ǫ̀ dǫ-teèt'ı̨ı̨ gıghàehłe ha. Eyıts'ǫ deɂǫ̀ǫ̀ t'asìı dǫ ghǫ ìhchì nı̨dè dı̨ eht'aà ts'ǫ̀ weghǫ̀naehłe ha,” yèhdı.
25824	LUK 19:24	“K'àowocho, dǫ eyı nàgeèhza ts'ǫ̀ hadı, ‘Wesǫǫ̀mbaà weghǫ nìahwha. Dǫ sǫǫ̀mba deɂǫ̀ǫ̀ hoònǫ whehtsı̨ı̨ sìı weghàahłe,’ gòhdı.
25838	LUK 19:38	Yagìzeh xè hagedı, “K'àowocho, gots'ǫ̀ K'àowo dahxà nììtłaa sìı wexè sìghà welè.” “Įdòo yak'e ts'èwhı̨į̀ hòɂǫ, eyıts'ǫ Nǫ̀htsı̨ weghàsǫhoedı welè!” gedı.
25839	LUK 19:39	Pharısee mǫ̀hdaa dǫ nı nàgeèhza sìı Zezì ts'ǫ̀ hagedı, “K'àowo, necheekeè hagııdì-le, gìı̨dı,” gıìhdı.
25869	LUK 20:21	Eyıt'à nàeɂį̀ı̨-dǫǫ̀ Zezì dageehke, “K'àowo, dǫ ayìı hoghàgı̨ı̨htǫǫ sìı ehkw'ı ne wek'èts'eezǫ. Dǫ mǫ̀hdaa dàgı̨ı̨wǫ zǫ k'ę̀ę̀ goı̨de nıìle, hanìkò Nǫ̀htsı̨ Wenàowoò ehkw'ıı dǫ hoghàı̨htǫ.
25876	LUK 20:28	Hagedı, “K'àowo, Moses dıı hanì gogha nàowo enı̨ı̨tł'è: Dǫ weza gǫ̀hłı̨-le et'ıì ełaàwı hanìkò wets'èkeè eda nı̨dè wechı yets'èkeè nayìchı ha hǫt'e, eyıts'ǫ yegha chekoa nììle ha hǫt'e, dek'eèhtł'è.
25887	LUK 20:39	Nǫ̀htsı̨-yatıì-k'ègedìı-dǫǫ̀ mǫ̀hdaa Zezì ts'ǫ̀ hagedı, “K'àowo, nezı̨į̀ xàyanehtı!” gıìhdı.
25902	LUK 21:7	“K'àowo, dàht'e-ı̨dè eyı hazǫǫ̀ hagode ha? Hagode ha nìkw'o nı̨dè ayìı ghàà wek'èts'eezǫ ha?” wecheekeè gıìhdı.
25971	LUK 22:38	Wecheekeè hagıìhdı, “K'àowo, jǫ behcho nàke whela.” “Hòt'a!” Zezì gòhdı.
25982	LUK 22:49	Zezì wecheekeè dàgode ha gık'èhoèhzà t'à hagedı, “K'àowo, behcho t'à agets'ele ha neewǫ nì?” gıìhdı.
25990	LUK 22:57	Hanìkò Peter hadı, “Ts'èko, eyı dǫ wek'èehsǫ nıìle,” yèhdı.
26159	JHN 1:46	Nathanael yets'ǫ̀ hadı, “Nazareth nı̨ı̨dı nì? Ekǫ gots'ǫ t'asìı nezı̨ı̨ xàhohwhı ha nì?” yèhdı. “Sek'èątła, wı̨ı̨ɂį̀ ha ne,” Phılıp yèhdı.
26162	JHN 1:49	Eyıt'à Nathanael hadı, “K'àowo, nı̨ sìı Nǫ̀htsı̨ Weza anet'e, Israel got'ı̨į̀ gha K'àowocho anet'e,” yèhdı.
26168	JHN 2:4	Zezì yets'ǫ̀ hadı, “Ts'èko, sı̨ sı̨į̀dı-le, segha ı̨łaà whìle hǫt'e,” yèhdı.
26190	JHN 3:1	Įłàà Pharısee gots'ǫ dǫ ı̨łè, Nıcodemus wìyeh, to Zezì ts'àèhtła. Eyı dǫ sìı Israel gha k'aodèe goxè wheda hǫt'e. Zezì ts'ǫ̀ hadı, “K'àowo, nı̨ sìı Nǫ̀htsı̨ dahxà dǫ hoghàı̨htǫ wek'èts'eezǫ hǫt'e. Dǫ wı̨ı̨zìı nexèht'eè enıìyah hohtsı̨ ha dìì, Nǫ̀htsı̨ yets'àı̨dı lenǫsıı,” yèhdı.
26215	JHN 3:26	Eyıt'à John-Baptıst ts'ǫ̀ geède, hagedı, “K'àowo, dǫ ı̨łè, Jordan deh te nexè at'ı̨ weghǫ goneedè là, dǫ k'ètaìdzı̨ t'à dǫ hazǫǫ̀ wets'ǫ̀ aget'ı̨,” gıìhdı.
26236	JHN 4:11	Ts'èko yets'ǫ̀ hadı, “K'àowo, wet'à tı ts'ìhchıı nets'ǫ-le eyıts'ǫ tı-ts'ìhchıı-k'è ı̨zhıì tı ts'ǫ̀ gǫǫwà. Eyıt'à edı̨į̀ gots'ǫ tı wet'à ts'eedaà anele lì?
26240	JHN 4:15	Ts'èko yets'ǫ̀ hadı, “K'àowo, k'achı̨ tı ghaehwhı ha-le t'à, eyı tı seghàı̨dı, hanì-ı̨dè t'aats'ǫǫ̀ jǫ ts'ǫ̀ tı ghǫehda ha-le,” yèhdı.
26244	JHN 4:19	Ts'èko hadı, “K'àowo, nakwenàoɂǫǫ anet'e nǫǫ̀.
26246	JHN 4:21	Zezì yets'ǫ̀ hadı, “Ts'èko, ehkw'ı anèehsı̨, ı̨daà nı̨dè jǫ shìhka zǫ eyıts'ǫ Jerusalem ekǫ zǫ Nǫ̀htsı̨-Gotà ts'ǫ̀ yaahtı ha nıìle.
26256	JHN 4:31	Ts'èko naèhtła tł'axǫǫ̀ Zezì wecheekeè gıts'ǫ̀ hadı, “K'àowo, t'asìı ghǫ shèı̨tı̨,” gıìhdı.
26272	JHN 4:47	Eyı k'àowo, Zezì Judea nèk'e gots'ǫ Galılee nèk'e nììtła yeghǫ ıìkw'o t'à yets'àèhtła. Zezì ghǫnàdaetì, “Sek'èı̨tła, sezaa eładaawıı sìı k'aàt'ıì awı̨ı̨le,” yèhdı, yeghǫnàdaetì.