24	GEN 1:24	Eyıts'ǫ Nǫ̀htsı̨ hadı, “Dıı nèk'e t'asìı hazǫǫ̀ godìı xàɂaa gǫ̀hłı̨į̀ awede: tıts'aàdìı gık'èhodìı, tıts'aàdìı whatsǫǫ̀ edeedaa, dèè k'e k'eɂàa lanıı, hazǫǫ̀ ełek'ę̀ę̀ gıgǫ̀hłı̨į̀ awede,” hadı, eyıt'à hagòjà.
148	GEN 6:10	Noah weza taı gòı̨lè: Shem, Ham, eyıts'ǫ Jafet gìyeh.
153	GEN 6:15	Dıı hanì elàcho nehtsı̨: Elàcho sìı daàts'ǫ̀, dı̨akw'eènǫ-daats'ǫ̀-sı̨laènǫ (450) gokè haı̨hdo ha, nǫ̀ts'ǫ̀, łǫ̀hdı̨ènǫ-daats'ǫ̀-sı̨làı (75) gokè hanìı̨hkò ha, eyıts'ǫ dı̨ènǫ-daats'ǫ̀-sı̨làı (45) gokè hadagǫǫwa ha.
214	GEN 9:8	Eyı tł'axǫǫ̀ Nǫ̀htsı̨, Noah eyıts'ǫ weza gots'ǫ̀ hadı:
217	GEN 9:11	Dıı hanì naxıxè nakenahohtsı̨ ha: K'achı̨ wı̨ı̨zìı tı dèè teetł'ì t'à t'asìı hazǫǫ̀ edaa sìı ełaàde hǫı̨lı̨ ha-le, eyıts'ǫ k'achı̨ wı̨ı̨zìı tı t'à dèè wedıhołè ha-le,” Nǫ̀htsı̨ hadıì Noah eyıts'ǫ weza gots'ǫ̀ xàyaı̨htı.
245	GEN 10:10	Nımrod, Shınar nèk'e k'àowo elı̨ ekò wets'ǫ kǫ̀godeè t'akwełǫ̀ǫ̀ gòı̨làa sìı dıı hagìyeh ı̨lè: Babylon, Erek, Akad eyıts'ǫ Kalneh.
260	GEN 10:25	Eber weza nàke gǫ̀hłı̨: Įłè Peleg wìyeh. Ekò k'e dǫ ełets'ǫǫ̀ agejà t'à hawìyeh adlà. Peleg wechı Joktan wìyeh.
400	GEN 17:2	Nexè nàowo nàtsoo whıhtsı̨ı̨ sìı wek'ę̀ę̀ agodeè ahłe ha: Nets'ıhɂǫ̀ǫ-dǫǫ̀ łǫ gǫ̀hłı̨į̀ ahłe ha,” gots'ǫ̀ K'àowo yèhdı.
408	GEN 17:10	Nàowo nàtsoo nı̨ nexè eyıts'ǫ netł'axǫǫ̀ nets'ıhɂǫ̀ǫ-dǫǫ̀ gıxè whehtsı̨ı̨ sìı dıı hanì wek'èaht'e ha: Naxıta dǫzhìı hazǫǫ̀ gıkwǫ̀ nàt'à ha hǫt'e.
564	GEN 22:16	“Gots'ǫ̀ K'àowo nets'ǫ̀ dıı hadı: Sıızì t'à yatı nàtsoo nexè whıhtsı̨ hǫt'e. Hanì eghàlaneedà k'èxa eyıts'ǫ neza ı̨łàet'ea sech'à wek'ènedì-le k'èxa,
569	GEN 22:21	Gıza dıı hageètłǫ: Uz t'akwełǫ̀ǫ̀ wegǫ̀hłı̨, wek'è Buz, eyıts'ǫ wek'è Kemuyel (ededı̨ sìı Aram wetà hǫt'e),
572	GEN 22:24	Nahor wets'èkeè dek'aɂį̀ whedaa sìı Reyumah wìyeh. Ededı̨ sı weza gǫ̀hłı̨: Tabah, Gaham, Tahash, eyıts'ǫ Makah gìyeh.
599	GEN 24:7	“Gots'ǫ̀ K'àowo, yak'e gots'ǫ Nǫ̀htsı̨, setà wekǫ̀ gots'ǫ eyıts'ǫ senèè gots'ǫ xàseèhchìı sìı dıı hanì yatı nàtsoo sexè whehtsı̨ ı̨lè: ‘Nets'ıhɂǫ̀ǫ-dǫǫ̀ sìı dıı dèè gıghàehɂà ha,’ sèhdıı sìı, edeyak'eet'ı̨į̀ nenakweè sıìgogeleè ayele ha. Hanì-ı̨dè ekǫ gots'ǫ seza wegha ts'èko gǫ̀hɂà ha.
661	GEN 25:2	Yeza nìı̨laa sìı dıı hagìyeh: Zımran, Jokshan, Medan, Mıdıyan, Ishbak eyıts'ǫ Shuyah.
662	GEN 25:3	Jokshan weza nàke gòı̨lè: Sheba eyıts'ǫ Dedan gìyeh. Dedan wets'ǫ dǫ taı xàgeèɂaa gǫ̀hłı̨: Ashur got'ı̨į̀, Letush got'ı̨į̀ eyıts'ǫ Leum got'ı̨į̀ gìyeh.
727	GEN 26:34	Isaac weza Esau dı̨ènǫ weghoò ekò Het got'ı̨į̀ gots'ǫ ts'èko nàke gòį̀hchì: Įłè Judıt wìyeh sìı Berı wetì hǫt'e, eyıts'ǫ ı̨łè Basamat wìyeh sìı Elon wetì hǫt'e.
736	GEN 27:8	Eyıt'à hotıì seę̀hkw'ǫ eyıts'ǫ dànèehsı̨ı̨ sìı hanele:
771	GEN 27:43	Seza, sı̨į̀hkw'ǫ. Dànèehsı̨ı̨ sìı hanele: Kǫ̀ta Haran ekǫ sı̨ı̨de Laban nàdèe sìı ı̨whąą̀ wets'ǫ̀ aąde.
933	GEN 32:5	Edecheekeè dıı hagòhdı, “K'àowo Esau ts'ǫ̀ dıı haahdı ha: ‘Necheekeè Jacob dıı nets'ǫ̀ hadı: Dıı haı̨wa gots'ǫ̀ seɂeh Laban wexè nàıhdè hǫt'e.
948	GEN 32:20	Wecheekeè nàke t'à yenakweè naetłe, eyıts'ǫ taı t'à naetłe, eyıts'ǫ dǫ hazǫǫ̀ yenakweè gıadèe sìı hagòhdı: “Esau weghǫ nìahde nı̨dè naxı̨ sı haahdı ha.
1034	GEN 35:22	Israel eyı nèk'e nàgedè ekò weza ǫhdaà Ruben edetà wets'ǫ ts'èko Bılah t'àı̨tè. Wetà yeghǫ ıìkw'o. Jacob, weza hoònǫ-daats'ǫ̀-nàke gòı̨lè:
1035	GEN 35:23	Leah weza ek'ètaı gòı̨lè: Jacob weza ǫhdaà Ruben, Sımeyon, Levı, Judah, Isakar, eyıts'ǫ Zebulun.
1036	GEN 35:24	Rachel weza nàke gòı̨lè: Joseph eyıts'ǫ Benjamın.
1037	GEN 35:25	Bılah, ts'èko Rachel gha eghàlaedaa sìı weza nàke gòı̨lè: Dan eyıts'ǫ Naftalı.
1038	GEN 35:26	Zılpah, ts'èko Leah gha eghàlaedaa sìı weza nàke gòı̨lè: Gad eyıts'ǫ Asher. Jacob weza hageètłǫǫ Padan-Aram nèk'e gıgǫ̀hłı̨.
1043	GEN 36:2	Esau, Kanan got'ı̨į̀ gots'ǫ ts'èko gòį̀hchìı sìı dıı hagìyeh: Het got'ı̨į̀ Elon wetì Adah, eyıts'ǫ Anah wetì Oholıbamah, Hıv got'ı̨į̀ Zıbeyon wekwı sı hǫt'e.
1046	GEN 36:5	eyıts'ǫ Oholıbamah yegha chekoa taı nìı̨la: Jeyush, Jalam eyıts'ǫ Korah. Esau weza hageètłǫǫ Kanan nèk'e gıgǫ̀hłı̨.
1055	GEN 36:14	Esau wets'èkeè Oholıbamah (Anah wetì eyıts'ǫ Zıbeyon wekwı sìı) Esau gha dǫzhìı taı nìı̨la: Jeyush, Jalam eyıts'ǫ Korah gìyeh.
1056	GEN 36:15	Dıı sìı Esau wets'ıhɂǫ̀ǫ-dǫǫ̀ ts'ǫ k'àowo gı̨ı̨lı̨ı̨ agı̨ı̨t'e: Esau weza ǫhdaà Elıfaz weza dıı hagìyeh: Teman, Omar, Zefo, Kenaz,
1063	GEN 36:22	Lotan weza dıı hagìyeh: Horı eyıts'ǫ Homan. Lotan wedè Tıma wìyeh.
1064	GEN 36:23	Shobal weza dıı hagìyeh: Alvan, Manahat, Ebal, Shefo eyıts'ǫ Onam.
1065	GEN 36:24	Zıbeyon weza nàke dıı hagìyeh: Ayah eyıts'ǫ Anah. Anah, t'asį̀ı̨ ekìı-ka nèk'e edetà Zıbeyon ts'ǫ tłı̨tsoa k'èdì t'à dèè goyìı gots'ǫ tı whekǫ̀ǫ xàewìı k'è yegòhɂǫ ı̨lèe, eyı hǫt'e.
1070	GEN 36:29	Dıı sìı Horı got'ı̨į̀ gha k'àowo gı̨ı̨lı̨: Lotan, Shobal, Zıbeyon, Anah,
1072	GEN 36:31	Israel got'ı̨į̀ ts'ǫ k'àowocho gòı̨lè kwe Edom nèk'e k'àowocho gı̨ı̨lèe sìı dıı hagìyeh:
1081	GEN 36:40	Esau wets'ıhɂǫ̀ǫ-dǫǫ̀ gha k'àowo gı̨ı̨lı̨ı̨ sìı dıı hagìyeh: Tıma, Alvah, Jetet,
1093	GEN 37:9	Įdaà t'à k'achı̨ Joseph nàwhetı̨ ekò, yet'à edı̨ı̨de xè godo, hadı, “K'àchı̨ dıı hanì nàwhıhtı̨: sadeè, adzęzah eyıts'ǫ whǫ̀ hoònǫ-daats'ǫ̀-ı̨łè sets'ǫ̀ nàgògı̨ı̨hgè,” gòhdı.
1197	GEN 41:1	Nàke xo k'ehǫǫwo tł'axǫǫ̀ k'àowocho Faraoh dıı hanì nàwhetı̨: Dehcho Naıl wìyeh gà nàwo là,
1201	GEN 41:5	K'àowocho Faraoh naèhtı̨ t'à k'achı̨ nàwhetı̨: Tł'olàkwì łǫ̀hdı̨ nezı̨ı̨ xè nechàa sìı tł'olàechı̨į̀ ı̨łè k'e dehshe yaɂı̨.
1209	GEN 41:13	Dànì gogha yek'ayawhehtıı sìı hotıì wek'ę̀ę̀ agòjà: Sı̨ sılaà seghǫ̀t'ǫ, eyıts'ǫ bò xàeht'èe elı̨ı̨ sìı dawèhdlì,” yèhdı.
1211	GEN 41:15	K'àowocho Faraoh Joseph ts'ǫ̀ hadı, “Nàwhıhtı̨ hanìkò dàhodıì-ahodıı sìı dǫ wı̨ı̨zìı segha yek'ayahtı ha dìì. Hanìkò neghǫ dıı hagedı: Dǫ nàtee sìı nets'ǫ̀ hagedı nı̨dè dàhodıì-ahodıı sìı gıts'ǫ̀ ehkw'ı wek'ayanehtı nègedı,” yèhdı.
1213	GEN 41:17	Eyıt'à k'àowocho Faraoh Joseph ts'ǫ̀ hadı, “Dıı hanì nàwhıhtı̨: Dehcho Naıl gà nàhwho là,
1224	GEN 41:28	“K'àowo, dànèehsı̨ı̨ sìı k'ę̀ę̀ agode ha: Nǫ̀htsı̨ ayìı dàle ha sìı wek'èı̨zǫǫ̀ anį̀į̀là hǫt'e.
1268	GEN 42:15	Dıı hanì naxeehdzà ha ne: K'àowocho Faraoh wedahxà dıı hanaxèehsı̨: Naxıchı nǫǫdea jǫ nììtła lenǫsıı jǫ gots'ǫǫ̀ naahdè ha-le.
1286	GEN 42:33	“Eyıt'à eyı nèk'e k'àowo elı̨ı̨ sìı gots'ǫ̀ dıı hadı, ‘Ehkw'ı aahwhǫǫ dǫǫ̀ aaht'e nı̨dè dıı weghàà wek'èehsǫ ha: Naxıta ts'ǫ dǫ ı̨łè jǫ aìdaà aweahłe gà naxèot'ı̨ gıgha bò whìle sìı tł'olà gıts'ǫ̀ naahwha.
1302	GEN 43:11	Eyıt'à Israel edeza gots'ǫ̀ hadı, “Ekǫ nàahdè ha t'ıį̀t'e nı̨dè dıı haahłe: gonèk'e gots'ǫ t'asìı nezı̨ı̨ sìı naxıɂǫhchì yìahwha gà eyı k'àowo wets'ǫ̀ aahłe. Tłeh łekǫą, kw'ıahnǫ-dıì, yìk'eetł'òo, dı̨ı̨ts'ıa, dzèh-łekǫǫ dèk'ǫ̀ǫ, eyıts'ǫ dlòodıì dètìı hanıı wets'ǫ̀ aahwha.
1368	GEN 45:9	Įwhąą̀ setà ts'ǫ̀ anaahde, dıı hawèahdı, ‘Neza Joseph nets'ǫ̀ dıı hadı: Nǫ̀htsı̨ Egypt nèk'e gha k'àowo sèhtsı̨. Įwhąą̀ sets'àątła.
1376	GEN 45:17	Eyıt'à k'àowocho Faraoh Joseph ts'ǫ̀ hadı, “Nı̨ı̨de dıı hagìı̨dı, ‘Dıı haahłe ha: Naxıts'ǫ tłı̨tsoa k'e nìahwha gà Kanan nèk'e ts'ǫ̀ anaahde,
1378	GEN 45:19	“Eyıts'ǫ dıı hagìahdı, ‘Dıı haahłe: Egypt nèk'e gots'ǫ naxıts'èkeè eyıts'ǫ naxıza gıgha tłı̨cho-behchı̨į̀ edexè aahłe. Naxıtà wexàahdè gà jǫ ts'ǫ̀ aahde.
1382	GEN 45:23	Eyıts'ǫ t'asìı dıı haàtłǫǫ edetà danìı̨la: Egypt nèk'e gots'ǫ t'asìı denahk'e nezı̨ı̨ sìı tłı̨tsoa hoònǫ k'e whela, eyıts'ǫ Egypt nèk'e ts'ǫ̀ nageedè gha tłı̨tsoa-dets'è hoònǫ k'e tł'olà, łèt'è eyıts'ǫ gıt'à shèzhe ha dek'egeèhłah.
1406	GEN 46:19	Jacob wets'èkeè Rachel gots'ǫ weza nàke: Joseph eyıts'ǫ Benjamın.
1407	GEN 46:20	Egypt nèk'e Joseph wets'èkeè Asenat yegha dǫzhìı nàke nìı̨la: Manaseh eyıts'ǫ Efrayım. Asenat wetà Potıfera wìyeh sìı yahtıı-kǫ̀ gocho On gha yahtıı elı̨ ı̨lè.
1503	GEN 49:29	Eyı tł'axǫǫ̀ Jacob dıı hagòhdı: “Hòt'a ełaehwhı ha sehòı̨hwho, secho gıts'ǫ̀ ahde ha ne. Het got'ı̨į̀ Efron wedèè k'e secho gıxè sekw'ǫǫ̀ whetǫ aahłe.
1511	GEN 50:4	Ts'ǫǫ̀gı̨ı̨wǫǫ wetehoòwo tł'axǫǫ̀ Joseph k'àowocho Faraoh wecheekeèdeè gots'ǫ̀ hadı, “Eteseahɂı̨ nı̨dè segha k'àowocho Faraoh ts'ǫ̀ goahde, dıı hawèahdı:
1523	GEN 50:16	Eyıt'à Joseph danatıgı̨ı̨ɂǫ, hagıìhdı, “Gotà ełaàwı kwe dıı hagòhdı ı̨lè:
1524	GEN 50:17	‘Joseph wets'ǫ̀ dıı haahdı nǫǫ̀, gòhdı ı̨lè: Nı̨ı̨de dànì nets'ǫ̀ hoìla eghàlagı̨ı̨dàa sìı gıhołı̨į̀ gıghǫ nahoı̨le,’ hanèts'edı ha gòhdı ı̨lè. Eyıt'à goxı̨ netà Wenǫ̀htsı̨ wecheekeè ats'ı̨ı̨t'ee sìı gohołı̨į̀ goghǫ nahoı̨le gha neghǫnàdats'eetì,” gıìhdı. Yatı hanıı Joseph danègı̨ı̨ɂǫ ekò Joseph wegha dìì agòjà t'à ı̨ı̨tsè.
23235	MAT 1:22	Eyı hazǫǫ̀ hanàhòwoo sìı gots'ǫ̀ K'àowo nakwenàoɂǫǫ t'à goı̨de ı̨lèe sìı k'ę̀ę̀ agode ha t'à hagòjà hǫt'e. Dıı hadı ı̨lè:
23243	MAT 2:5	“Judea nèk'e kǫ̀ta Bethlehem gòyeh ekǫ wegǫ̀hłı̨ ha,” gıìhdı, “Nakwenàoɂǫǫ weghǫ dıı hanì gı̨ı̨tł'è ı̨lè:
23253	MAT 2:15	K'àowocho Herod ełaı̨wo ts'ǫ̀ ekǫ nàgı̨ı̨dè. Eyıt'à Nǫ̀htsı̨ dahxà nakwenàoɂǫǫ yeghǫ goı̨de ı̨lèe sìı wek'ę̀ę̀ agòjà. Dıı hagedı ı̨lè: “Egypt nèk'e gots'ǫ seza wekagohde,” hagedı dek'eèhtł'è.
23254	MAT 2:16	K'àowocho Herod eyı k'àowo taı gıghǫyaèhɂǫ yek'èhoèhzà ekò, sıì wek'èch'a. Eyıt'à dıı hanì yatı whehtsı̨: “Kǫ̀ta Bethlehem eyıts'ǫ wemǫǫ̀ kǫ̀ gòlaa ekǫ dǫzhìa nechà-lea hazǫǫ̀ ełaàgogìhde ha,” gòhdı. Eyıt'à dǫzhìa hazǫǫ̀ nàke gıghoò ts'ǫ ı̨zhıì ts'ǫ̀ ełaàgogį̀ı̨hdè. K'àowo taı whǫ̀ gıaɂı̨ gots'ǫ dǫzhìa gıgǫ̀hłı̨ı̨ gıdzęę̀ gıhtà weghàà ełaàgogį̀ı̨hdè.
23292	MAT 4:14	Eyı sìı nakwenàoɂǫǫ Isaıah weyatıì k'ę̀ę̀ agòjà, dıı hadı ı̨lè:
23305	MAT 5:2	Dıı hadıì, goxè godo:
23325	MAT 5:22	Hanìkò sı̨ dıı hanaxèehsı̨: Dǫ edèot'ı̨ ts'ǫ̀ ìch'ee sìı wesınìyaetı ha. Eyıts'ǫ dǫ edèot'ı̨ ts'ǫ̀ ìch'è t'à ‘Gonezǫ-le,’ hadıı sìı k'aodèe gısınìyahtı ha. Eyıts'ǫ amìı edèot'ı̨ ts'ǫ̀ ‘Ezhı̨ne anet'e,’ hadıı sìı wehłı̨kǫ̀ daı̨ɂaà awedle ha sǫnı.
23331	MAT 5:28	Hanìkò sı̨ dıı hanaxèehsı̨: Amìı ekǫ-le nànıwo t'à ts'èko ghàeda nı̨dè hòt'a edınì t'à yexè hołı̨ı̨ hòèhtsı̨ hǫt'e.
23334	MAT 5:31	“Įnę̀ę dıı hagedı ı̨lè: ‘Dǫzhìı edets'èkeè ɂǫ̀yeede ha nıwǫ nı̨dè ɂǫ̀łets'eehdèe nı̨htł'è yeghàyeɂah ha.’
23335	MAT 5:32	Hanìkò sı̨ dıı hanaxèehsı̨: Dǫ wets'èkeè eyıì-le dǫ xè hołı̨ı̨ hòèhtsı̨-le kò ɂǫ̀yeèdo nı̨dè ededı̨ wet'à wets'èkeè eyıì-le dǫ xè at'ı̨ lanì. Eyıts'ǫ dǫzhìı ts'èko ɂǫ̀weèdoo sìı xè honìdza nı̨dè hołı̨ı̨ hòèhtsı̨ hǫt'e.
23336	MAT 5:33	“Įnę̀ę gots'ǫ dǫ dıı hagedı ı̨lè: Yatı nàtsoo whahtsı̨ nı̨dè wek'eahzhì-le. Nǫ̀htsı̨ ts'ǫ̀ yatı nàtsoo whahtsı̨ nı̨dè wek'ę̀ę̀ eghàlaahda ha hǫt'e.
23337	MAT 5:34	Hanìkò sı̨ dıı hanaxèehsı̨: Yak'e Nǫ̀htsı̨ wedaèhchı̨cho hǫt'e ts'ıhɂǫ̀, wet'à yatı nàtsoo aahtsı̨-le.
23341	MAT 5:38	“Dıı hats'edıı weghǫ aàhkw'o ı̨lè: ‘Sedaà nàneeht'ı nı̨dè sı̨ sı nedaà nàeht'ı ha, eyıts'ǫ seghòò nàneezhì nı̨dè sı̨ sı neghòò nàehzhì ha.’
23342	MAT 5:39	Hanìkò sı̨ dıı hanaxèehsı̨: Hołı̨ı̨-dǫǫ̀ elı̨ı̨ sìı naxık'èch'a eghàlaeda kò ek'èt'à weghàhòahɂà-le. Dǫ tsį̀naxı̨ı̨kà nı̨dè k'achı̨ wets'ǫ̀ naahɂa.
23346	MAT 5:43	“Dıı hagedı weghǫ aàhkw'o ı̨lè: ‘Naxèot'ı̨ gıghǫnıahtǫ, hanìkò dǫ naxınìgelı̨-le sìı gıdzaahwhǫ.’
23347	MAT 5:44	Hanìkò sı̨ dıı hanaxèehsı̨: Dǫ naxınìgelı̨-le sìı gıghǫnıahtǫ eyıts'ǫ dǫ danaxegį̀ı̨hɂaa sìı gıgha yaahtı.
23377	MAT 6:26	Chı̨ą hoòlà gıdaànıahdè: dèè k'e t'asìı geehshe-le, eyıts'ǫ xehkǫ̀ t'asìı gehła-le, hanìkò Naxıtà yak'e whedaa sìı gowàedı hǫt'e. Chı̨ą gınahk'e aahłı̨ hǫt'e!
23431	MAT 8:17	Eyı hagòjàa sìı nakwenàoɂǫǫ Isaıah yeghǫ goı̨de ı̨lèe sìı wek'ę̀ę̀ agòjà: “Gotàdaà goghǫ yį̀į̀hchì eyıts'ǫ wet'à gogha hoìlaa sìı edek'e ayį̀į̀là,” dek'eèhtł'è.
23488	MAT 10:2	Zezì wecheekeèdeè dıı hagìyeh: Sımon (Peter wìyeh) eyıts'ǫ wechı Andrew, Zebedee weza James, eyıts'ǫ wechı John,
23531	MAT 11:3	“Dıı hanì daweahke: Dǫ ı̨łè jǫ nììtła ha ı̨lèe sìı asį̀į̀ eyı anet'e? Eyı anet'e-le nı̨dè asį̀į̀ dǫ eyıì-le danats'eèhɂı̨ ha, hawèahdı,” gòhdı.
23532	MAT 11:4	Zezì gots'ǫ̀ hadı, “John-Baptıst ts'ǫ̀ anaahde. Ayìı aahɂı̨ı̨ eyıts'ǫ ayìı aàhkw'oo sìı hazǫǫ̀ wets'ǫ̀ haahdı:
23587	MAT 12:29	“K'achı̨ dıı hats'edı ghǫ nànıahdè: dǫ nàtsoo t'akwełǫ̀ǫ̀ dawets'eèzà lenǫsıı wekǫ̀ enìxàts'eezhì gà wets'ǫ t'asìı ts'eeɂį̀ ha dìì. Dawets'eèzà tł'axǫǫ̀ nı̨dè zǫ wekǫ̀ gots'ǫ t'asìı ts'eeɂį̀ ha dìì-le.
23621	MAT 13:13	Dànìghǫ wet'à nànıts'ewoo godıì zǫ t'à hoghàgeehtǫǫ sìı naxıdaıhsį̀: ‘K'egeet'į̀ kò geɂį̀ ha-le eyıts'ǫ egeèhkw'ǫ kò dàhodıì-ahodıı sìı gınıedì ha-le.’
23622	MAT 13:14	Eyı dǫ gıxè hagòjàa sìı nakwenàoɂǫǫ Isaıah hanì dek'enèyı̨ı̨tł'è ı̨lèe sìı wek'ę̀ę̀ agòjà. Dıı hadı ı̨lè: ‘T'aats'ǫǫ̀ aàhkw'ǫ hanìkò ayìı awèts'edıı sìı wek'èahsǫ ha-le; t'aats'ǫǫ̀ naxıgha wègaat'ı̨ hanìkò wenıahdì ha-le.
23626	MAT 13:18	“Eyı t'asìı dehshee wegodıì t'à dàhodıì-ahodıı sìı naxıts'ǫ̀ haehsı̨ ha:
23638	MAT 13:30	Nezı̨į̀ dıìdì ade ts'ǫ̀ į̀łah ełexè dehsheè aahłe. T'asìı hazǫǫ̀ nàgehtsį̀ tł'axǫǫ̀ nı̨dè secheekeè gıts'ǫ̀ dıı haehsı̨ ha: T'akwełǫ̀ǫ̀ tł'oh nezı̨-le hazǫǫ̀ nàahtsį̀ gà ełèhchıì aahłe gà wek'eahk'ǫ̀. Eyı haahłà tł'axǫǫ̀ nı̨dè t'asìı nezı̨ı̨ sìı hazǫǫ̀ nàahtsį̀ gà xehkǫ̀ goyaahwha,’ edecheekeè gòhdı,” Zezì hadıì goxè godo.
23641	MAT 13:33	K'achı̨ godı eyıì-le t'à goxè godo, hadı: “Nǫ̀htsı̨ Wenàowoò k'ę̀ę̀ hòɂǫǫ sìı dıı hanì hǫt'e: Ts'èko łèt'èa łè ta ayehɂį̀, łèt'èa xè łè yeehtì gà tsı̨yeehdı. Hanì t'aa łè tsı̨èhdìı sìı łèt'èa hazǫǫ̀ weta-ts'ǫ̀ at'į̀,” gòhdı.
23643	MAT 13:35	Nakwenàoɂǫǫ yeghǫ goı̨de ı̨lèe sìı wek'ę̀ę̀ agòjà. Dıı hadı ı̨lè: “Godı t'à gohde ha, hanì-ı̨dè dıı nèè hòèlı̨ gots'ǫ ayìı wek'èhoedzǫ-le sìı t'à dǫ hoghàehtǫ ha,” nakwenàoɂǫǫ hadı dek'eèhtł'è.
23670	MAT 14:4	John-Baptıst Herod ts'ǫ̀ hadı ı̨lè: “Dıı ts'èko xè nàądè t'à hołı̨ı̨-hoı̨htsı̨ hǫt'e,” yèhdı ı̨lè.
23707	MAT 15:5	Hanìkò naxı̨ dıı haahdı: ‘Dǫ edetà eyıts'ǫ edemǫ gots'ǫ̀ dıı hadı ha hǫt'e: Wet'à naxıts'àhdı ha ı̨lèe sìı Nǫ̀htsı̨ wegha wheɂǫǫ̀ ahłà.
23762	MAT 16:21	Eyı dzęę̀ k'e gots'ǫ Zezì dıı hanì edecheekeè ts'ǫ̀ goı̨de: “Jerusalem ts'ǫ̀ ahde ha hǫt'e, ekǫ ǫhdah gı̨ı̨lı̨ı̨, yahtıı-gha-k'aodèe, eyıts'ǫ Nǫ̀htsı̨-yatıì-k'ègedìı-dǫǫ̀ dasegį̀ı̨hɂa ha. Ełaàsegèhwhı ha hǫt'e, hanìkò taı dzęę̀ k'ehǫǫwo tł'axǫǫ̀ nı̨dè naèhdà ha,” gòhdı.
23815	MAT 18:19	“Eyıts'ǫ naxıts'ǫ̀ dıı haehsı̨: secheekeè nàke t'asìı geekè gha ełek'ę̀ę̀ agı̨ı̨wǫ nı̨dè Setà yak'e whedaa sìı gogha hayele ha.
23838	MAT 19:7	Pharısee Zezì dageehke, “Hanì-ı̨dè dànìghǫ Moses dıı hanì nàowo whehtsı̨: ‘Dǫzhìı edets'èkeè ɂǫ̀yeede ha nıwǫ nı̨dè ɂǫ̀łets'eedee nı̨htł'è yegha sıìyele gà xàyeehɂà ha,’ dek'eèhtł'è,” gıìhdı.
23899	MAT 21:4	Eyı hagòjàa sìı nakwenàoɂǫǫ yeghǫ goı̨de ı̨lè k'ę̀ę̀ agode ha t'à agòjà. Dıı hadı ı̨lè:
23928	MAT 21:33	“K'achı̨ godı eyıì-le t'à naxıxè gohdo ha: K'àowo ı̨łè ededèè k'e jìechots'ıì dehshe ha nèyı̨ı̨la. Eyı dèè wemǫǫ̀ kwe t'à kwı̨į̀ nawheɂaà ayį̀į̀là, jìecho tàtsǫgeèhɂee k'è gòhtsı̨ eyıts'ǫ wegodoo dǫ jìechots'ıì xoehdı ha dagòɂǫǫ k'è gòhtsı̨. Eyı haàtłǫǫ hayį̀į̀là tł'axǫǫ̀ dèè-k'ègedìı-dǫǫ̀ gık'e eghàlaeda ha ededèè goghǫnìyį̀ı̨ɂǫ, eyı tł'axǫǫ̀ nıwà kǫ̀taèhtła.
23937	MAT 21:42	Zezì gots'ǫ̀ hadı, “Nǫ̀htsı̨ Nı̨htł'è k'e dıı hanì dek'eèhtł'èe sìı wek'eyaahtı-le nì: ‘Kwekǫ̀-gogehtsı̨ı̨-dǫǫ̀ kwe ɂǫ̀geèhk'aa sìı eyı kwe denahk'e wet'àaɂà whelı̨. Gots'ǫ̀ K'àowo gogha hanì eghàlaı̨dà gogha enıìyah dìì,’ dek'eèhtł'è.
23938	MAT 21:43	“Eyıt'à naxıts'ǫ̀ dıı haehsı̨: Nǫ̀htsı̨ Wenàowoò k'ę̀ę̀ hòɂǫǫ sìı naxıghǫ naìchı ha eyıts'ǫ dǫ eyıì-le wınì k'ę̀ę̀ eghàlageeda ha sìı gıghaelı̨ ha.
23942	MAT 22:1	Zezì k'achı̨ godı t'à goxè godo, hadı:
23945	MAT 22:4	“Eyıt'à k'àowocho k'achı̨ edecheekeè ekǫ goèhɂà, hagòhdı, ‘Eyı dǫ gıts'ǫ̀ dıı haahdı: “Hòt'a nàsı̨ hołè ha. Gots'ǫ k'àowocho wets'ǫ ejıe łek'àa ts'atà et'è ha wetagı̨ı̨hwho. T'asìı hazǫǫ̀ ts'atà whela ne t'à jǫ aahdè,” gìahdı,’ k'àowocho edecheekeè gòhdı.
23972	MAT 22:31	Dǫ ełaı̨dèe nagìdà ha sìı eyı ghǫ naxıdaıhsį̀: Nǫ̀htsı̨ dàdıı sìı wek'eyaahtı-le nì?
23973	MAT 22:32	Edeghǫ dıı hadı ı̨lè: ‘Abraham Wenǫ̀htsı̨, Isaac Wenǫ̀htsı̨ eyıts'ǫ Jacob Wenǫ̀htsı̨ aht'e,’ dek'eèhtł'è. Eyıt'à dǫ ełaı̨dè gha Nǫ̀htsı̨ elı̨ nıìle, dǫ geedaa sìı gha Nǫ̀htsı̨ elı̨ hǫt'e,” Zezì gòhdı.
23984	MAT 22:43	Zezì gots'ǫ̀ hadı, “Hanì-ı̨dè dànìghǫ k'àowocho Davıd Yedàyeh Nezı̨ı̨ dahxà ‘sets'ǫ̀ K'àowo’ yèhdı, dek'eèhtł'è. K'àowocho Davıd yeghǫ dıı hadı ı̨lè:
23988	MAT 23:1	Eyı tł'axǫǫ̀ Zezì dǫ hazǫǫ̀ eyıts'ǫ edecheekeè ts'ǫ̀ dıı hadı:
24017	MAT 23:30	Edeghǫ dıı haahdı: ‘Gocho geeda, ekìıyeè k'e ts'ı̨ı̨dà nı̨dè gocho gıxè nakwenàoɂǫǫ ełaàts'ehde ha-le ı̨lè.’
24058	MAT 24:32	“Jìechots'ıì weghàà dıı hanì hoghànaxeehtǫ: Ts'ı wets'ıhchı̨į̀ dezhì-le at'ı̨ xè wets'ǫ ı̨t'ǫ̀ą xàłaekè nı̨dè hòt'a ı̨mbè agode ha ts'ǫ̀ whaà-le wek'èts'eezǫ hǫt'e.