23218	MAT 1:5	Salmonali kantji patana wonti Boas Rahabangundru, Boasali kantji patana wonti Obed Ruthangundru, Obedali kantji patana wonti Jessai;
23224	MAT 1:11	Josiali kantji patana wonti Jechonia ja ngatata nunkani, jendranguta tanali tanana wapalkana wonti Babylaia,
23225	MAT 1:12	Ja tanali tanana Babylaia matja wapalkana, Jecho niali kantji patana wonti Salathiel, Salathieli kantji patana wonti Sembabel;
23230	MAT 1:17	Kapara pratjana Abrahamangundru Davidanilu ma-rapratjana ja mandrumandru nganai; Davidandru Babylaia wapalkanantulu kapara marapratjana ja mandrumandru nganai; Babylaia wapalkanandru Christungulu kapara marapratjana ja mandrumandru nganai.
23239	MAT 2:1	Jesus matja kupa dankana warai Bethlehemingu, Ju-daia mitani, Herodini mitaia kaparaia ditjini; mai, jendra-nguta kana kiri wora tiriwandru Jerusalemingu wokarana wonti,
23243	MAT 2:5	Ja tana nunkangu jatana wonti: “Bethlehemingu Ju-daiani”; ngangau jeruja Prophetali dakana wonti:
23244	MAT 2:6	“Ja jidni Bethlehemiai, Judaia mitani, jidniwata ngadanietja nganai Judaia kapara marapuni, a-ai, ngangau jin-kangundru kapara dunkala nganai, Nulu kana wolara nga-kani, Israel, ngamalkala nganai.”
23246	MAT 2:8	Ja nulu tanana Bethlehemia jinpana wonti ja jatana wonti: “Palkanimai ja kupa parparali wontianau, ja jura nina matja mankamankana, ngakangu jaura tikalkanau, ngani ba-kana wokarananto nunkangu pantjaterkana ngarila.”
23254	MAT 2:16	Herodili matja najina, kana kiri worali nina jedibala wiri, nau pirna tiririna wonti, ja nulu jinpana wonti Bethle-hemingu ja wondirani pratjanani nunkanani ja kupa kanku pratjana nandrana wonti, tana kilpawoldra mandril ja morla waka nganana wonti, tanangupini ditjini, tanana nulu kana kiri worangu jekibala wiri.
23339	MAT 5:36	Bakana wata jinkani mangatandrani jaura morlalu jatamai, ngangau jidni ngandandariai, para kulno maru kara, waru kara ngankala.”
23362	MAT 6:11	Buka ngaianini ngaianingu karari jinkiamai;
23380	MAT 6:29	Ngani jurangu jatai: “Bakana Salomo pirnalani nunkanani pratjanani wata widmaterina wonti tanangundru kulnuni jeribaka.”
23489	MAT 10:3	Philippus ja Bartholomäus; Thomas ja Matthäus mar-datandrakampanietja; Jakobus Alphäuni ngatamura, ja Leppäus, nina tanali dikai “Thaddäus”;
23504	MAT 10:18	Bakana najinajibanietjani ja mitaia kaparani tanali jurana wapalkala nganai ngakangundru, tanangu ja kana koni malka morlalu nganananto.
23511	MAT 10:25	Milini matja nganai, nau ngujangujara jinkinietjani nunkanani jeribaka pantjinani, ja ngankanietjani kaparani nunkanani jeribaka. Tanali punga ngamalkanietja Beelsebub matja dikana, worderu morla pungaia ngurula nunkani?
23516	MAT 10:30	Bakana para pratjana jurani mangatandrani matja windamana.
23533	MAT 11:5	Butjulali najiai, ja tjundurula wapai; gambala kulikiri pantjiai, ja talpakurulali ngarai; narila tepi terkakai, ja wan-giwangieli ngantjani jaura ngarai;
23549	MAT 11:21	“Jakajai jinkangu Choraziniai! jakajai jinkangu Bethsaidajai! ngangau Tyrus ja Sidon ngurani jenia pirnala panjinani, judlangu pantjinala, pudla nurujeli kati murumurunto ja turuputani madlentjandru karitjinanto.
23582	MAT 12:24	Pharisaiali jenia matja ngarana, tana jatana wonti: “Nulupini kutji windri Beelsebub, kutjia kaparali dunkalkai.”
23585	MAT 12:27	Ja ngato Beelsebubieli kutji dunkalkanani, waninali ngatamurajeli juranali tanana dunkalkai? Jendrania tana kalala kuranietja jurani nganala nganai.
23646	MAT 13:38	Buka maru, mita maru nganai; paua ngumu mililaia kupa nganai; nindri madlentji madlentjaia kupa nganai;
23690	MAT 14:24	Bota matja panto mandrani ngananani, mandikilali nina jupana wonti; ngangau watara tanangu mudlani ngaka-na wonti.
23711	MAT 15:9	Bakujeli tanali ngana pirna ngundrai; ngangau tanali kanaia jirijiribani jaurandru ngujangujara jinkiai.”
23718	MAT 15:16	Jesus jatana wonti: “Bakana jura patipati nganai?
23865	MAT 20:4	Ja nau tanangu jatana wonti: “Bakana jura wapanau wain maruja, ja mina talku nganai, ngato jurangu jinkila nganai.”
23868	MAT 20:7	Tana nunkangu jatana wonti: “Wata kana kulnujeli ngaianina karkana warai.” Nau tanangu jatana wonti: “Bakana jura wapanau wain maruja, ja mina talku nganala nganai, jura manila nganai.”
23896	MAT 21:1	Ja tana Jerusalemingu karakara nganana ja Bethphagingu mani nindri mardawanpani wokarana, jendranguta Jesujeli mili nunkani mandru jinpana wonti,
23912	MAT 21:17	Ja Nulu tanana worarana wonti ja ngurandru wapana wonti Bathania nguraia ja naka tinkani turarana wonti.
23919	MAT 21:24	Jesujeli kalabana wonti ja tanangu jatana wonti: “Bakana ngato jurana jaura kulno jakalkala nganai; jura ngakangu jenia jatanani, bakana ngani jurangu jatala nganai, mina ngurulali ngato jenia ngankai.
23922	MAT 21:27	Ja tanali Jesungu kalabana wonti ja jatana wonti: “Ngaiani ko.” Nau bakana tanangu jatana wonti: “Bakana ngani jurangu wata jatai, mina ngurulali ngato jenia ngankai.
24022	MAT 23:35	Ngangau jurangu wokarananto kuinari talku pratjana, jenia mitani nangana, Abel talkuja kumarandru Zachari-ani, Barachiani ngatamuraia kumaranilu, nina jura Godaia pungani ja Altarani terti naria nandrana wonti.
24099	MAT 25:22	Bakana naupini, nulu mardatandra pirna mandru maninala, wokarana wonti ja jatana wonti: “Kaparajai, marda-tandra pirna mandru jundru ngakangu jinkinala; najiau, mardatandra pirna mandru morla ngato pudlangu ngokana warai”
24101	MAT 25:24	Bakana naupini, nulu mardatandra kulno maninala, wokarana wonti ja jatana wonti: “Kaparajai, ngato jidna ngujamanala, jidni kana ngurunguru nganai, jundru naka kampai, woderi jundru wata jaupanala, ja mapai, woderi jundru wata tarauanala;
24129	MAT 26:6	Jesus Bethania ngurani Simon kana gambalaia pungani matja wokarana,
24194	MAT 26:71	Nau dunkana manani, nina kulno ngurujeli najina wonti ja tanangu naka jatana wonti: “Bakana naupini Jesungu Nazaretalani jela nganana warai.”
24214	MAT 27:16	Tanali jendranguta madlentji ngankanietja pirna kanjangari pungani ngamalkana wonti, tala nunkani Barabbas.
24215	MAT 27:17	Tana matja jurborina, Pilatus tanangu jatana wonti: “Worana jura ngantjai, nina ngato jurangu kurakananto, Barabbas kara, Jesus kara, nina tanali dikai Christus?”
24218	MAT 27:20	Priesta pirnali ja pinaru wolarali kana wolara winpan a wonti, tanali Barabbangundru ngatjinanto, ja Jesus nari ngankananto,
24219	MAT 27:21	Kapakaparali kalabana wonti ja tanangu jatana wonti: “Worana pudlangundru jura ngantjai, wodanina ngato pudlangundru kurakananto?” Tana jatana wonti: “Barabbas.”
24224	MAT 27:26	Ngadani nulu tanangu Barabbas kurakana wonti. Ja nulu jirijiribana wonti Jesus nandrananto, ja nina jinkina wonti kunarkuni katibala.
24308	MRK 1:24	Ja jatana wonti: “Burru, mina ngaianingu ja jinkangu, Jesujai Nazarenalajai, jidni wokarana warai ngianina teribala? Ngato jidna ngujamai, worana jidni nganai: Godaia kulikiri!”
24374	MRK 3:17	Ja Jakobus Zebedäuni ngatamura, ja Johannes Jakobuni ngatata; ja Nulu pudlangu tala ngokana wonti jenia: “Boanerges, jenia wondrai: Piltripiltria kupa.”
24375	MRK 3:18	Ja Andreas, ja Philippus, ja Bartholomäus, ja Matthäus, ja Thomas, ja Jakobus Alphäuni ngatamura, ja Thaddäus, ja Simon, Kana ngurandru,
24379	MRK 3:22	Ja jaura jinkinietja, tana Jerusalemingundru matja ngarina, jatana wonti: “Nulu Beelsebub ngamalkai, ja kutjia kaparali Nulu kutji worana dunkalkai.”
24521	MRK 6:45	Ja nurujeli Nulu mili nunkani jinpana tertana wonti, tana botani wirinanto ja nunkangu ngopera jerankari Bethsaidaia pararananto, Nulu ngopera kana wolara jinpananto.
24539	MRK 7:7	Bakujeli tanalia ngana pirna ngundrai, ngangau tanalia kanaia jirijiribanandru ngujangujara jinkiai.
24566	MRK 7:34	Ja Nulu pariwilpa najina tarana wonti ja ngatjina wonti ja jatani wonti nunkangu: “Ephata”, jenia wondrai: “Biririau!”
24591	MRK 8:22	Ja Nau Bethsaida wokarana wonti; ja tanali nunkangu butju kulno wokaralkana wonti ja nunkangu ngatjina wonti, Nulu nina karakarananto.
24703	MRK 10:46	Ja tana Jericho ngurani wokarana wonti. Ja Nau, ja mili nunkani, ja kana wolara Jerichundru dunkana, Timäiuni ngataraura, Bartimäus, butju paltuni ngamana wonti potuni ngatjila.
24710	MRK 11:1	Ja tana Jerusalemingu karakara wokaranani, Bethphagingu ja Betlianiangu mani nindri mardawonpani, Nulu mili nunkani niandru jinpana wonti.
24720	MRK 11:11	Ja Jesus Jerusalemingu ja jaura pungani wirna wonti. Ja Nulu pratjana matja najinajibana, ja matja kalkaurarina, Nau Bethaniaia wapana wonti marapratjana ja mandrunto.
24721	MRK 11:12	Ja tana tankubana Bethaniandru dunkana kurana, Nau mauali nganana wonti.
24738	MRK 11:29	Jesujeli kalabana wonti ja tanangu jatana wonti: “Bakana ngato jurana jaura kulno jakalkala nganai, ja jura ngakangu kalabananto; ja ngani jurangu jatala nganai, mina ngurulali ngato jenia ngankai.
24826	MRK 14:3	Ja Nau Bethania ngurani Simon kana gambalaia pungani nganana wonti, ja Nau kurlini ngamana ngarinani widla kulno wokarana wonti, nandru Alabaster koko gildi ngumu pirnanto ngamalkana wonti, ja nandru nina koko wokaribana wonti, ja nina nunkangu mangatandrani nangana wonti.
24852	MRK 14:29	Petrus nunkangu jatana wonti: “Bakana pratjana jinkangu kintjakintjarinani, ja wata ngani.”
24890	MRK 14:67	Ja nandru Petrus najina, worderu nau ngarakalinani, nandru nina ngurutalpana wonti ja jatana wonti: “Bakana jidni Jesungu Nazaretalani jela nganana warai!”
24902	MRK 15:7	Kulno nganana wonti, tala nunkani Barabbas, nina tanali tirijiritjibanietjani jela dupudupu ngankana warai, ngangau tanali tirijiritjibanani kana kulno narielu nandrana warai.
24906	MRK 15:11	Priesta pirnali kana wolara ngankana wonti, nulu tanangu Barabbas kurakananto.
24910	MRK 15:15	Pilatulu ngundrana wonti kana wolaraia jertapaterina ngankala, ja tanangu Barabbas kurakana wonti, ja nulu Jesus jinkina wonti, nulu nina matja nandrana, tanali nina kunarkuni katibananto.
24923	MRK 15:28	Ja jaura morlalu pantjina wonti, nauja jatai: “Bakana madlentji ngankanietjani terti Nau parananto.”
24927	MRK 15:32	Christus, Juda kanaia Kapara, karari kunarkundru ngariatimai, ngangau ngaiani najinanto ja morlalu ngundrananto.” Bakana pudlali nunkangunto kunarkuni parana, nina ngirkibana wonti.
25046	LUK 2:4	Jendranguta bakana Joseph tarana wonti Galilaiandru Nazzret ngurandru Judaia mitaia Davidani nguraia, tala nunkani Bethlehem, ngangau nau Davidani pungandru ja mardundru nganana wonti.
25057	LUK 2:15	Jendranguta angela wolara wora tanangundru matja pariwilpani tikana tarana, ngamalkanietja ngankamalina wonti: “Ngaiana Bethlehemia wapananto jenia jaurandru, tana Kaparali ngaianangu wondrana warai; najila, mina pantjna warai.”
25070	LUK 2:28	Bakana nulu nina ngunali nunkanali munamana wonti ja Goda jurakokana wonti ja jatana wonti:
25108	LUK 3:14	Bakana kalti ja kirraetjali nina jekibana wonti ja jatana wonti: “Ja ngaiani, mina ngaiani ngankananto?” Ja nau tanangu jatana wonti: “Wata kulno jupanau, ja wata kaukau wapanau, ja murlali ngananau kalalani juranani!”
25126	LUK 3:32	Nau Jesseni, nau Obedani, nau Boasani, nau Salmonani Nahessonani.
25166	LUK 4:34	Ja jatana wonti: “Burru! Mina ngaianingu ja jinkangu, Jesujai Nazarenalajai! jidni wokarana warai ngaianina teribala? Ngato jidna ngujamai worana jidni nganai, Godaia kulikiri.”
25175	LUK 4:43	Nau tanangu jatana wonti: “Bakana ngura nguruni ngato ngantjani jaura Godaia mililandru kaukaubananto; ngangau jendrania Nulia ngana jinpanala.”
25229	LUK 6:14	Simon, nina Nulu bakana Petrus dikana wonti, ja Andreas ngatata nunkani, ja Jakob us, ja Johannes, ja Philippus, ja Bartholomäus,
25233	LUK 6:18	Bakana jenipara kana, tanana kutji murumurujeli jupana, tepi pantjina wonti.
25254	LUK 6:39	Ja Nau tanangu jeribaka jaura jatana wonti: Butju ngandandariai butjuni palto wondrala? Wata pudla jela kutuni purila nganai?
25286	LUK 7:22	Ja Jesujeli kalabana wonti ja pudlangu jatana wonti: “Tilalumai ja Johanningu kaukaubalumai, mina judla najila wapaia ja ngarala wapaia: Butjulah najiai, tjundurula wapai, gambala kulikiri pantjiai, talpakurulali ngarai, narila tepi terkakai, wangiwangieli ngantjani jaura ngari.
25380	LUK 9:10	Ja Apostela matja tikana, tanali nunkangu kaukau bana wonti, mina pirnala tanali ngankanala; ja Nulu tanana tjirimalkana wonti, ja ngura kulnuja, tala nunkani Bethsaida kutingana wonti.
25431	LUK 9:61	Bakana kulno jatana wonti: “Ngani jinkangu karipaterila nganai, Kaparajai, ngopera ngakangu manuni kurau, ngani ngakani nguralandru daninanto, tana ngakani pungani ngamai”
25443	LUK 10:11	Bakana nina puturu, nau jurani ngurandru ngaianangu tidnani parai, ngaiani jurangu kantikantiai; windri jania ngujanianau, jurangu Godaia milila karakara wokarala wapaia.
25445	LUK 10:13	Jakajai jinkangu Choraziniai! Jakajai jinkangu Bethsaidajai! Ngangau Tyrus ja Sidon ngurani jenia pirnala pantjinani, judlangu pantjinala, pudla nurujeli kati murumurunto ja turuputani madlentjandru karitjinanto.
25477	LUK 11:3	Buka ngaianini ngaianingu karari jinkiamai.
25485	LUK 11:11	Worangu ngaperani jurangundru ngatamura bukaia ngatjila nganai, nnlu nunkangu marda jinkila nganai kara? Bakana parundru kara, nulu nunkangu parundru tjutju jinkila nganai kara?
25489	LUK 11:15	Palpa tanangundru jatana wonti: “Beelsebub kutjia kaparali Nulia kutji worana dunkalkai.”
25492	LUK 11:18	Satanas munta piltjaru ngankaterinani, worderu milila nunkani terkananto? Ngangau jura jatai: Beelsebubieli ngato kutji worana dunkalkai.
25493	LUK 11:19	Ja ngato Beelsebubieli kutji dunkalkanani, waninali ngatamurajeli juranali tanana dunkalkai? Jendrania tana kalala kuranietja jurani nganala nganai.
25535	LUK 12:7	Bakana para pratjana jurani mangatandrani matja windamana. Wata japali ngananau; ngangau jura morla pirna nganai tiwilitja marapuni.
25555	LUK 12:27	Ngunandula najianau, worderu tanaia punkai; tanalia wata ngankai ja wata turpai; ngani jurangu jatai: Bakana Salomo pirnalani nunkanani pratjanani wata widmaterina wonti tanangundru kulnuni jeribaka.
25557	LUK 12:29	Bakana jura wata manujeli ngundranau, mina jura tajila nganai kara, mina jura tapala nganai kara, ja wata milkirianau!
25561	LUK 12:33	Buru ngankanau mina jura ngamalkai, ja wangiwangini bakujeli jinkianau. Jurangu billi ngankanau, tana wata womala pantjiai; poto pariwilpani nau wata mudai, woderi kurikantji wata karakara wokarai, ja bakana wata kakatjieli tajiai.
25568	LUK 12:40	Bakana jura ngankingaterianau! ngangau ditji kulnuni, nina jura wata ngundrai, Kanaia Ngatamura wokarala, nganai.”
25748	LUK 17:28	Bakana jeruja, worderu Lotani ditjini pantjina wonti: tanali tajina wonti, tapana wonti, burungankana wonti, jinkimalina wonti, kurana wonti, wotina wonti.
25819	LUK 19:19	Nau bakana nunkangu jatana wonti: “Bakana jidni kapara nganananto ngura mara worani.”
25829	LUK 19:29	Jendranguta Nau Bethphage ja Bathania ngurani wokarana, nunkangu mardawonpani, nina tanali dikai maninindri mardawonpa, nulu mili mandru nunkani jinpana wonti,
25851	LUK 20:3	Nulu kalabana wonti ja tanangu jatana wonti: “Bakana ngato jurana jaura kulno jakalkala nganai, ja jura ngakangu jatananto:
25856	LUK 20:8	Ja Jesus tanangu jatana wonti: “Bakana ngani jurangu wata jatai, mina ngurulali ngato jenia ngankai.”
25970	LUK 22:37	Ngangau ngani jurangu jatai: Bakana jenia, mina ngakagundru morla dakanala parai, morlalu pantjinanto; jenia: Tanali nina madlentji ngankanietjani terti kurana wonti; ngangau mina ngakangundru dakanala parai, matja mudana.”
25989	LUK 22:56	Widla milieli nina turuni ngamanani najina, ja nina ngurutalpana najina, nani jatana wonti: “Bakana naupinj nunkangunto nganana warai!”
25991	LUK 22:58	Ja wolja nina kulnujeli najina wonti ja jatana wonti; “Bakana jidni tanangundru kulno nganai!” Petrus jatana wonti: “Wata ngani.”
26019	LUK 23:15	Bakana Herodili pani; ngangau ngato jurana nunkangu jinpana warai, ja mai, wata madlentji Nulia ngankana warai, jendrali Nauja palinanto.
26022	LUK 23:18	Tana pratjana maritjina wonti ja jatana wonti: “Ninapini worau, ja ngaianingu Barabbas kurakau!”
26031	LUK 23:27	Bakana kana wolara ja widla marapu nunkangu karipaterina wonti, tana nunkangundru ngaurongauro nganana wonti ja jindrana wonti.